رواية رغم فارق السن الفصل السادس 6 - بقلم هاجر جمال

لهفه: أنا لازم أنزل الكلية، فاضل شهر على الامتحانات. عاصم: طيب، هوديكي بكرة في سكّتي. لهفه ما ردتش وطلعت أوضتها. تاني يوم الصبح، جهزت نفسها ونزلت. عاصم: يلا عشان أوصلك. لهفه: طيب. وصلوا الجامعة ولهفه جاية تنزل. عاصم: لو احتاجتي أي حاجة كلميني. لهفه: شكراً. ظل ينظر إليها وبعد ذلك ذهب. كان فيه واحد واقف مراقبها وراح عندها. الشخص: أهلاً بلهفه، مين اللي كنتي معاه؟ لهفه: يخصك في إيه؟ معلش يا معتز.

معتز: يخصني عشان جايه مع راجل غريب قدام الجامعة وعادي جداً. لهفه: وأنت مالك؟ ملكش دعوة بيا. مشت لهفه عشان المحاضرة. معتز: طيب، شوفي أنا هعمل إيه. دخلت لهفه المدرج وقابلت هنا ونهال. هنا: أهلاً يا لهفه. نهال: مالك يا لهفه؟ لهفه حكت اللي حصل من معتز. هنا: لا، مش معقول كده بقى. نهال: لازم ناخد موقف يا لهفه، زاد عن حده. لهفه بضيق: أنا مليش دعوة بيه. خدوا المحاضرة وخرجت بس كانت لوحدها. وهي ماشية سمعت الطلاب بيتكلموا عليها.

البنت: وهي دي عاملة لنا محترمة فيها. الولد: لا، وأي راجل كبير ومال وكده. سمعت كلام من ده كتير.. بدأت تعيط. هنا ونهال جريوا عليها. هنا بقلق: مالك يا لهفه؟ هنا ونهال سمعوا الكلام. نهال: هنا، خدي لهفه واستنيني في الكافيه اللي قدام الجامعة. هنا خدت لهفه ومشيت. نيهال بزعيق: مالكم بلهفه ها؟ مالكم؟ معتز: مفيش، بس قولت لهم على حقيقة ست لهفه اللي عاملة فيها محترمة وجاية لنا الجامعة مع راجل كبير وغريب.

نهال: اخرس، قطع لسانك.. أنت عارف هو يبقى مين؟ معتز بسخرية: مين يعني؟ نهال بشر: بكرة هتعرف عند العميد. ومشيت نهال وراحت عند لهفه وهنا وخدت لهفه في حضنها. نهال: خلاص، اهدى يا لهفه. لهفه بعياط: ده بيتّهمني في شرفي. هنا: وحياة ربنا هنجبلك حقك، استني بس. لهفه بعياط: ليه بيحصل معايا كده؟ أنا مبأذيش حد وبسمع الكلام وماشية كويسة، وفي الآخر يتّهِموني في شرفي. نهال: أنتِ معملتيش... نهال: أنتِ معملتيش حاجة، دي اختبارات ربنا بس.

لهفه بعياط: بس دي اختبارات صعبة، صعبة أوي وأنا تعبت. في مكان تاني، في شركة عاصم سويلم. حس عاصم بضيق في قلبه ولا يعرف السبب أبداً. نهال وهنا خدوا لهفه وروحوها. فضلت معاها لغاية ما نامت. نزلت تحت لاقوا عاصم. نهال لاقتها فرصة. نهال: حضرتك جوز لهفه ولازم تعرف. هنا: نهال. نهال: استني بس، أنت لازم تعرف. عاصم بقلق: أعرف إيه؟ قولي. حكت نهال اللي حصل في الكلية. عاصم بعصبية: ومين الكلب اللي عمل كده وليه؟

هنا: ده واحد اسمه معتز، على طول بيضايقها. عاصم: طيب، أنا جاي الكلية بكرة وأتصرف.. بس قولوا لي اسمه بالكامل. نهال: هو اسمه معتز محمد محمود مصطفى. عاصم: تمام كده، متشكر جداً. نهال: بس معلش في السؤال، حضرتك بتحبها؟ عاصم بهدوء وحب: طبعاً بحبها، بس صحبتكم أو قريبتكم مش مديني فرصة. هنا: حضرتك عارف، بس متقلش، هتحبك في الآخر، أصل هي قلبها طيب وملوش منو. عاصم بابتسامة: بشكركم على الأمل ده. هنا ونهال: طب، إحنا هنمشي.

عاصم: اتفضلوا. بعد ما خرجوا، قرر عاصم إنه ياخد حقها.