رواية رغم فارق السن الفصل الثالث 3 - بقلم هاجر جمال

نيهال: هي لهفة مش بتيجي ليه؟ هنا: بقالها فترة مش عوايدها خالص. نيهال: خلاص، تعالي نروح لها البيت. هنا: يلا بينا. ذهبوا إلى بيت لهفة بالفعل وطرقوا الباب. بسمة بابتسامة: أهلاً يا بنات، اتفضلوا. نيهال: أومال فين لهفة؟ بسمة بحزن: حابسة نفسها في أوضتها ومش بتاكل خالص. ادخلوا، طلعوها من الجو اللي هي فيه. هنا: حاضر يا خالة. لهفة بابتسامة تعب: أهلاً يا بنات. هنا: ينفع كده تخضينا عليكي؟ لهفة: معلش، أنا آسفة. نيهال: مالك؟

إيه اللي حصل؟ لهفة: أصل أنا هتجوز آخر الشهر. نيهال وهنا: إيه! نيهال: وإنتي زعلانة عشان كده؟ هنا بمزاح: يا بنتي، حد طايل؟ لهفة بانفعال: كنتوا هتبقوا مبسوطين لو هتجوزوا واحد عنده 41 سنة. نيهال بصدمة: إيه! هنا بصدمة: إزاي يحصل كده؟ لهفة بدموع: وبابا غصبني أتجوزه ومش عارفة أعمل إيه. أنا تعبت. البنات لا يعرفون ماذا يقولون في هذه الحالة. بعد قليل، نجحوا في تغيير جوها الحزين. نيهال: طب إحنا هنمشي بقى.

هنا: وهنجيب لك كل المحاضرات والحاجات المهمة. لهفة: شكراً يا بنات. ذهبوا إلى خالتهم. نيهال: هو إزاي يحصل كده يا خالة؟ بسمة: أعمل إيه؟ أبوها مصمم. هنا: بس ده 41 سنة، متخيلة يا خالة؟ بسمة: يا بنات، كفايا اللي أنا فيه. مش عارفة أتصرف عشان بنتي. كملت بدموع: أنا كان نفسي أجوزها لواحد شاب من سنها، بس حامد حطه في دماغه. هنا بحنان: طب متزعليش يا خالة. نيهال: إحنا عارفين إنك رافضة الموضوع.

بسمة: دايماً يقولي هتعيش مرتاحة، كان بيقولي إنه هو هيسعدها. هنا: متقلقيش، ربنا هيحلها من عنده. نيهال: طب إحنا هنمشي، سلام. بسمة: سلام يا بنات. وهما خارجين شافوا حامد قاعد. حامد: ازيكم يا بنات. نيهال وهنا: الحمد لله. هنا: حضرتك إزاي؟ نيهال بمقاطعة: نسيتنا إحنا يا عمي. حامد: طب خدوا بالكم من نفسكم. بعد ما نزلوا. هنا: إنت قاطعتيني ليه؟ نيهال: يعني إنتي فاكرة إنه هيسمع كلامك. هنا: بس كنا نحاول.

نيهال: سيبي الموضوع لربنا، هو هيحلها. عاصم اتصل بحامد. حامد: أيوه يا عاصم بيه. عاصم: أنا هاجي أقعد مع بنتك شوية. حامد: طبعاً، تعال. عاصم: طب أنا هاجي بليل. حامد: تمام. بعد ما قفل مع عاصم، قال لبسمة. جاء الليل قبل وصول عاصم. دخل حامد للهفة. حامد: ياريت متعمليش أي تصرف معاه عشان تتطفشيه، سامعة؟ لهفة بحزن: حاضر يا بابا. وصل عاصم بيت لهفة ودخل ومنتظر لهفة. حامد: يلا يا بنتي، عاصم بره. لهفة: حاضر.

خرجت لهفة إلى عاصم وطلب أن يجلسوا بمفردهم. عاصم: عارفة، أنا هعملك فرح كبير أوي. كمان ممكن تختاري أي دولة عايزة تزوريها، أي رأيك؟ لهفة بحزن: هو أنا ليا رأي أصلاً؟ حزن عاصم بشدة وقال لنفسه (معلش، عارف إنك مغصوبة، بس صدقيني أنا هسعدك، بس اديني فرصة) عاصم: طب إنتي عايزة إيه؟ لهفة بحزن: مش عايزة حاجة غير إن ربنا ياخدني عنده. عاصم بلهفة: بعد الشر عليكي. لهفة بسخرية: خايف عليا مثلاً؟ عاصم بسرعة: طبعاً أنا بح... سكت.

انتهت مقابلة عاصم وذهب.