رواية صعيدي ولكن عاشق الفصل الثامن والعشرون 28 - بقلم نرمين قدري

جاسر/ ماهو لو الباب مخبطش كنت حقول إن معماي عمل. فتح الباب ودخلت مها. جاسر/ الله يحرقك ياشيخة، عاوزة إيه؟ مها/ يووه، يعني سايبين ناس تحت ونازلين حب، تعالي انزلي، عمك مولّع الدنيا تحت، وجايب ولاد اعمامك، كلمتهم شكلهم جاين يحرروا فلسطين. حور (أنتِ كارثة ماشية على الأرض) جاسر وارتسمت على وجهه الجدية/ عمي إيه اللي جابه؟ مش أنا قلت يسافر الصعيد؟ شكله مش ناوي يجيبها لبر، أنا زهقت بقي. نرمين قدري. نزل جاسر بصحبة حور.

شهقت حور من المنظر. لقت ستات كتير لابسين أسود مغطيين وشوشهم، ورجالة كتير ماسكين نبابيت ولابسين الزي الصعيدي. حور/ جاسر، هي الحرب قامت عندنا هنا؟ جري أسر وآسيل على حور/ ماما، إحنا خايفين قوي، مين دول؟ حور/ إذا كان أنا كمان خايفة. نزل جاسر/ خير يا عمي فريد، ليه الجمع ده كله؟ أنا مش قلتلك ادخل الصعيد، أنا بجيت زين. فريد/ أنا إزاي حأمن عليك مع الحية مراتك.

صاح جاسر/ عمييي، أنا محترمة بس علشان في مقام أبويا، لكن تغلط في مراتي لأ، ومراتك خط أحمر. وانت جامع رجالة دول كلهم ليه؟ أنا مش فاهم. فريد/ أنا مجمّع دلوق علشان نشوف حل ليك. القاعدة كان فيها كل كبار عيلة الأنصاري. نرمين قدري. كبيرهم/ استهدي بالله كده يا جاسر، يابني واسمع.

دلوق مرتك هربت وسابتك، ودي في عرفنا ميتة دلوقتي، تمسك السلاح وتطوخها علشان تبقى عبرة، وكمان المفروض أنت تتجوز بنت عمك حسب العرف، بس أنت مخلّي بالعادات والتقاليد بتاعتنا عاد يا واد عمي. المعروف إن البنت لود عمها. بس أنت اخترت بنت البندر فاجرة. على بنت عمك فريد. الأصول دلوق تتجوز من بنت عمك. فريد/ لع، وكمان السنيورة خلّفت، طايب خلّفت كيف بالأسلكي عاد؟ ههه، وجوزها كان مسافر، أو المراسلة.

جاسر والشرر يتطاير في عينه، وماسك عمه من خصلاته. كلمة كمان وحعتبر ربنا ما خلقك من أساسه، ومش حبص لاء اعتبارات، وحنسي إنك عمي عاد. دخلت دهب وسطهم، وهي كان ليها هيبة كيف أمها فضيلة. وقفت قصاد فريد، جاسر نزل إيده من على عمه. رفعت دهب بيدها ونزلت بيها على وش فريد، بالقلم. ده علشان تحترم البيت اللي أنت فيه. راحت نازلة بالقلم التاني، مع شهقات كل الموجودين، وده علشان تعرف تتكلم على شرف واد اختي زين.

ثم مشت ووقفت وسط الرجالة. وقالت بصوت أجش عالي/ أنا الحاجة دهب، واظن كلكم خابرين زين مين هي الحاجة دهب. أنا اللي سبت كل ورث أبويا ورا ضهري ومهامنيش حاجة عاد، يعني أنا بميت راجل، وجاية دلوق أعرف الرجولة للمبيعرفهاش. فريد بيقول إن جاسر سافر وترك مرته هربانة. أولاً، حد سأل نفسه جاسر ساب بيته ومراته وكل حاجة وسافر ليه؟

جاسر سافر علشان عيلة الأنصاري نفضل زي ماهي، عيلة الأنصاري كبيرة، النجع كله علشان يحافظ على كل فلوسها، في الوقت اللي كان فيه فريد قاعد بيضيع الفلوس هنا وهناك. فريد اللي باع لحمه علشان شوية قرشين. بنت عم جاسر يا حاج منصور، اللي بتقول المفروض إنه يتجوزها عاد، دي عجربة كبيرة، هي اللي وجعت جاسر مع مرته، ولسة أبوها ليه عين يبجح. نيجي بقى عاد على هروب مرته.

مرته مهربتش، مرته كانت قاعدة هنا مع مها بنتي، معززة مكرمة، علشان كانت حامل وخافت على اللي في بطنها من داليا وشرها.

غير كده إن حور مش غريبة كيف ما قلت يا حاج منصور، حور تبقى بنت حياة اختي، والكل لازم يعرف إن حور تملك نص ثروة جاسر، وبكلمة منها تنهي حضراتكم كلكم، وبكلمة منها دلوق أي ظابط هياخدكم كلكم على القسم، لأننا قاعدين في بيتها. ومتهيجلي دلوق ملهاش عازة اللمة الكدابة دي، وتدلو وعلى البلد عاد، وخدوا خيال المجاته ده معاكم، علشان ملهوش عازة عندنا، خليه يقعد جار بنته اللي باعها. وبعدين ييجي يتكلم على الولاية كيف ما هو رايد، يبص على خيبته الأول.

ذهب كل من في البيت. وبقي جاسر وعيلته بس. حور/ يلا يا أولاد، الكل يبوس بابا ويقوله تصبح على خير. أسيل/ تصبح على خير يا بتي. جاسر/ وانتي من أهل يا عصفورة قلبي من جوا. أسر/ وأنا إيه يا بابتي؟ جاسر/ لأ، أنت سبع، معندناش رجالة عصافير، أنت أسد رجال، اللي بيخلي باله على أخته حبيته، اللي حياخدها ويطلع فوق يناموا. آه، الرحمة بقى، مش عارف أستفرد بحور. أسر/ يعني إيه تستفرد بمامي؟

جاسر/ يعني تطلع تنام دلوق، قبل العرق الصعيدي يظهر، وتبجي ليلتكم كلها طين. جرت حور وهي بتضحك/ يلا يا ولد، عيب كده، أبوك عاد مايستحملش. أسر/ هو أنتم بتتكلموا كده ليه؟ أنا طالع أنا أحسن. جاسر مسك حور/ وأخيراً، أخيراً الكل مشي، ياساتر! يلا بقى على فوق يا فرولة قلبي يا ست البنات كلهم. حور ساندت جاسر وطلعوا فوق.

أول ما دخلوا، شدها جاسر لحضنه/ ياااه، على الحضن ده، واحشني قوي. والتهم شفايفها بقبلة شوق ووجع وحنين، قبلة طويلة، كان كل واحد يرمي ما في قلبه في قبلة دي، لحد ما حسوا إنهم بحاجة للنفس. ضمها جاسر. جاسر/ أنا مش قادر أبعد عنك خالص يا حور. حور/ ولا أنا، خلاص، وأنا بقيت روحي من جوا. وأخدها في حضنه ونام. وتاني يوم، يوماً. اختفى جاسر طول النهار. حور/ مها، هو جاسر مقالش رايح فين؟

مها/ لا، لما أنتِ مراته ومش عارفة، أنا هعرف إزاي؟ حور/ خلاص، أنتِ لما بتصدقي، ياساتر! حتى أسر حاولت أكلمه وأعرف هما فين، معرفتش. مها/ هو أسر معاه؟ آه ياختي، بيقولك إنه راجل ولازم يبقى معاه على طول. مها/ ربنا يخليه لو. رن جرس تليفون. حور/ الو، أيوه يا جاسر، أنت فين؟ جاسر/ أيوه حور، أنا في مشوار، بقولك أنا بعت أسر مع عمار، جه ولا لسة؟ حور/ لأ، لسة. رن جرس الباب. حور/ شكله جه، أنت فين بقى؟

جاسر/ بقولك سيبي العيال مع مها وتعالي، عاوزك، نشتري حاجة، تعالي على المارينا اللي على البحر، مستنيكي هناك. دخل أسر/ مامتي، وحشتيني. حور/ أسر، أنتم كنتم فين؟ أسر/ كنت في مشوار مع بابي. يووه، شبه أبوك، الواحد مايعرفش ياخد منك كلمة. مها/ أنا لازم أمشي، جاسر مستني، عاوز يشتري حاجة، هروح معاه، وأنتي خدي عيال عندك. مها/ أبااي، دي أمي هتفرح بيهم قوي. طايب، يلا سلام. ومشت حور وراحت مكان ما وصف جاسر، لقيته واقف مستنيها.

حور/ في إيه يا جاسر؟ جاسر/ . معطهاش فرصة للكلام، سحبها من إيدها على يخت كبير. مليان بلالين وأنوار وورد في كل مكان. دخلت حور اليخت. حور/ واوووو، إيه ده يا جاسر، روعة، روعة بجد. جاسر/ كل حاجة ترخص لست البنات. انزلي تحت، حتلاقي فستان، البسيه وتعالي. لبست حور الفستان، وكانت شبه أميرات ديزني، كانت روعة، ملكة جمال. طلعت حور لجاسر. جاسر/ بسم الله، ما شاء الله، إيه يا حور الجمال ده. وفجأة شهقت حور.

حور/ جاسر، اليخت بيتحرك، إحنا في وسط البحر. جاسر/ عارف إننا في وسط البحر، بصراحة خطفتك في وسط البحر علشان ميكنش في باب حد يخبط عليه، ودلوقتي يا أميرتي، اسمحلي تيجي. مسك حور من إيدها وصعد على سطح اليخت، وحواليهم المياه من كل مكان. كان فيه فوق حمام سباحة مزين بالورود والبالونات على شكل قلوب. ذهب بيها على آخر اليخت، كان فيه ترابيزة عليها ورد وأكل وعصير. سحب الكرسي/ اتفضلي يا ست البنات، اقعدي.

حور مبهورة من جمال المكان وجمال المنظر. حور/ أنا حاسة إني في روايات ألف ليلة وليلة، إيه الجمال ده. بدأوا يأكلوا، ثم اشتغل الموسيقى، ومد إيده وأخدها ورقص بيها، ثم حملها داخل صدره بقوة، وكأنه سوف تهرب. جاسر وبصوت عالي وهو حاضنها وبيلف بيها/ بحبك، بحبببببك يا أميرتي، بحبببببك يا نبع المية الصافي، يا شمس حياتي، بحبك بكل كياني وكل حتة فيا.

وأخذ يقبل عنقها وشفتيها، وينزل على عنقها، ثم غمز لها/ أميرتي، أنا خلاص استويت واحترقت وشياط والدخان، شوية وحيملي المكان، تعالي بقى طفي ناري علشان مش قادر. وشلها ونزل بيها تحت للغرفة، كان السرير مزين بالورود والشيكولاتة والبالونات والشموع، كانت غرفة أسطورية زي ما بيقولوا. حور/ الله، الله عليك، مش معقول الجمال ده. جاسر/ أنتِ لسة شفتي جمال، اصبري على نفسك بس. خشي الحمام، محضّراك هدوم قليلة الأدب، وغمز لها/ فاكرة.

ضحكت حور واحمرت/ هو أنت لسة قليل الأدب؟ جاسر/ لا، بقولك إيه، أنا بقالي تلات سنين مؤدب، لما قلت جا اااي، وانهاردة مصمم إني أطلع كل قلة الأدب اللي أنا محوشها، خشي بقى غيري علشان في قلة أدب كتير مستنياكي. ضحكت حور وحضنته/ ياقلبي من جوا، بحبك. جاسر/ قلب صعيدي، إحنا حنجدييها حديد عاد، فزي يلا غيري خلانك. ضحكت حور وباسته وجرت على الحمام، لقيت محضر لها قميص نوم أحمر تحفة، لون شعرها. لبست حور وكأنها حورية نازلة من السما.

خرجت من الحمام بخجل. شالها على سهوا. حور/ جاسر! اتخضيت. جاسر حطها على السرير وقاعد يبوس في وشها وبقها، وبدأ يتحسسها، ذابت حور بين يديه، وذهبا في عالم الأحلام، وكان أنفاس العالم توقفت عندهم، وغمرها بحب وحنان العالم. ونتركهم بقى في عالمهم الوردي الساخن بالمشاعر الفياضة والحب الصادق. وتوتا توتا خلصت الحدوته. يارب ماكنش تقيلة عليكم، كل قراء حتوحشوني كتير. بس مش حغيب عنكم كتير، وحرجع لكم برواية أسطورية حتبهركم.

دمتم سالمين وبخير، وإلى لقاء آخر في رواية جديدة وحب جديد، بس مش حيكون صعيدي ولكن عاشق، لأن عشق الصعيدي نار نار يابووووي. سأغازلك بما لم تعرفي من قبلي. سأعشقك بطريقتي التي لا يعلمها غيري. (أيوه بغير) أيوه بغير لا أنا نقصان ولا ضعفان ولا مسطول ولا سكران ولا زايغ من عيني الضي ولا حد أحسن مني في شي بس بغير واللي قالولك غيرة الراجل قلة ثقة أو قلة فهم خلق حمير غيرة الراجل نار في مراجل نار بتنوّر ما بتحرقش

واحنا صعايدة بنستحملش شمسنا حامية وعرقنا حامي وطبعنا حامي واللي تخلّي صعيدي يحبها يبقى يا غلبها أصلنا ناس على قد الطيبة كلنا هيبة والنسوان في بلادنا جواهر طب لو عندك حتة ماس حتخليها مداس للناس ولا حتقفلي أوضة عليها بميت ترباس يمكن حتى تأجري ليها جوزين حراس يبقى أنا لا أنا جاهل ولا غافل كل الفرق ما بيني وبينك إني صعيدي ينعل أبو ده اليوم الأكحل اللي لا ليه آخر ولا أول اللي طلعت لقيتني صعيدي لو كان بإيدي

كنت أعملك هندي بريش وأقلب شعري كنيش كرابيش والبس لك سلسلة متدلدلة خرزة وقلب بس إزاي ألبس لك سلسلة؟ هو أنا كلب؟ ثم العبرة ماهيش في اللبس أصل المشكلة عندك.. عندك.. قلت حاسيبها وبكرة تحس بعده تحس بعده تحس ده أنا لو جبس كنت زعقت ماشي صداقة وماشي زمالة بس ما جتتش على الرجالة ماهي نسوان الدنيا كتير وأنا ما بقولش تخاصمي الناس ولا تتحجبي عن الرجالة ولا تعتكفي وتسكنّي دير بس يا ريت حبة تقدير إني بحبك وإني بريدك

وإني زرعت حياتي في إيدك وإني غزلت بنات الدنيا عقود على جيدك وإني تعبت من التفكير وإني بغير هشام الجخ