الفصل الثالث

مائده.. انت زعلت يا خينا خلاص ان شالله اعدمك انت وامك فى نوبه واحده لو رديت على مامك اما تكلمني حفضل ساكته حكم انت باينلك ود امك وليلتى سوده اصل… يا خيبتو وهمو.. اللى يطلع ود امو..
عصام بغضب… هدخل اخد شاور واغير هدومي عايز اطلع الاقيكى مكانك ما تعمليش حاجه لحد اما اطلع اوكي
مائده… يا عم عرفنا والله فهمنا
عصام دخل الحمام بضيق… ومائده اتنهدت بضيق وقالت…
ايه البيت الممل ده اشغل التلفزيون لا مش هعرف اشغلو.. اما اطلع قدام الاوضه اشوف اي حد معدي ارغي معاه.. بس الاهبل دا قال ما تطلعيش اى الملل ده اما اقوم اهزلى شويه اهو افك عن نفسى
وشغلت اغنيه وربطت الشال فى وسطها وبقت ترقص عصام كان لابس منطلون وبس سمع الصوت طلع من الحمام ولقاها واقفه على السرير وبتتمايل بخصرها يمين وشمال وشعرها الطويل بيروح ويجي معاها عصام قفل الاغنيه وشدها من ايدها خبطت فيه شهقت بخضه وحطت ايديها على اكتافه لانها كانت هتقع وتلاقت عينيهم سوا عصام فضل يبص لعينيها شويه كانت بتشبه موج البحر مائده لاحظت توهانو زقتو وقالت بردح…
فيه ايه يا جدع خضتني مش كده
وشدت صدر الفستان بايدها وتفلت في ثلاث مرات وقالت…
مش كده يا جدع عيب عليك تطلع كده في وشي من غير احم ولا دستور ولا تكح حتى زى عفريت العلبه اى
عصام…. اش ولا كلمه ايه اللي انتى عملاه ده
مائده…. ايه انت سبتني ودخلت جوه وانا مليت لوحدي بصراحه وانا قلتلك ان انا ما بعرفش اقعد ساكته كده كيف صاحبتك…
عصام.. الرحمه من عندك يا رب… بصى بقى حركه تاني زي الحركه البيئه اللي عملتيها دلوقت دي وهرجعك من مكان ما جبتك ترقصى للبهايم يا فلاحه سمعتي ما بحبش اعيد الكلام مرتين
مائده سقفت وقالت بردح… فلاحه يابن المرتاحه… وعلى اى رجعنى يخويا لا والنبي رجعني… رجعني عشان ما تعرفش مين اللي قطع الفرامات بتاعت العربيه لمراتك وخلاها تعمل الحادثه.. رجعني عشان ما تعرفش مين اللي قتل مرتك وهى حامل اول ما قامت من حضنك.. ولا اقولك رجعني عشان ما تعرفش مين من اهل بيتك اللي كاد لمرتك المكيده دي… انت اكيد بتحب اللب عشان كدا قرطسوك قرطسوك يا لب افندى
عصام.. انتى بتغيظيني يعنى انا مش عايز اسمع صوتك
مائده… طب رجعني عشان ما تسمعش صوتي بص بقى ٣ حاجات في الحياه ما تقوليش ما تعمليهمش ولو هنكمل هنا يا هندسه واحد ما تقوليش ما تتكلميش.. اتنين ما تقوليش داليا داليا كل شويه.. تلاته ما تقوليش اللي يعصبك ما تجيبيهوش من شعره اه
عصام… ربنا يهدك اترزعى خلاص
مائده.. خلاص هروح اتحمى عشان اجي انام اريح جتتي شويه
ودخلت الحمام وعصام قعد بضيق وبقى يبص لصور داليا اللي على الحيط ويفتكر مائده وقال…
كان فين مخى اما قولت تشبهها
بس طلعت من الحمام ببيجامه بمبي سايبه شعرها مفرود وبينقط ميه وكانت شكلها حرفيا فضل بصصلها شويه بس ضم ايده وتقدم عليها ومسكها من دراعها بقوه وقال بغضب…
اى اللي انتى عاملاه دا مين سمحلك تلبسي من الهدوم اللي في الدولاب
مائده اتنفضت من صوته حاولت تفلت منه بس كان ماسكها جامد وهو مسكها من دراعتها كمان فضل يهزها ويقول…..
مين سمحلك تلبسى من الهدوم اللي في الدولاب ردى عليا مش بكلمك
مائد…. في ايه بقى مش انت اللي قلتلي ما تجيبيش هدومك معاكي وما تلبسيش الخيمه دي هناك
عصام…. انا قلتلك ما تلبسيش الخيمه اللي هناك بس كمان ما سمحتلكيش ان تروحي تلبسي الهدوم دى
مائده… امال ايه يعني هقعد سلبته معاك ولا اى ما تصلى على النبي انت في ايه
عصام….. اقلعى البيجامه دي بسرعه بسرعه
مائده… طيب اخش الحمام اقلعها هقلعها وانت عاكشنى كدا ولا ايه هملني..
عصام بصلها لانه كان بهدلها وفتح زراير البجامه من فوق لف الناحيه التانيه وقال بجمود…
انا جايبلك هدوم في الشنطه اهي اقلعى البيجامه دي بسرعه
مائده راحت بسرعه الحمام وغيرت بيجامتها وطلعت تقول..
اهى زفتتك اهى ماخدناش من وركها حته… انا بعون الله اسافلتك انت وعيلتك بس انا سكت تقديرا لمشاعرك قلت هتكون افتكرتها لما شفتني بيها اه لكن انا بقولك ايه عظيم بيمين ماترفع صوتك تانى عليا اسبهالك مخضره واخد منى وامشى
عصام… انا اللي هقول ممنوع انتى ممنوع تلمسي اي حاجه خصوصا اللى تخص داليا هنا ممنوع ان انتى تلمسيها كفايه قوي ان انا هخليك تنامي على السرير بتاعها اي حاجه تاني تخص داليا انتى ممنوع ان انتى تلمسيها… ممنوع تستخدمي مستحضرات التجميل بتاعتها او حتى المعطر او حتى الهدوم او حتى الشوز بتاعتها ممنوع تستخدمي اي حاجه لداليا انا جبتلك حاجات نفس ستايلها بس جديده تقدري تلبسيها وبس
مائده بضيق… بس كده انت قطعت الكلام يعني وانا وانا بستحمى عدت الخناقه ولقيت ان في كلام كثير انا قلتهولك وان انت كنت واقف تسمعني بس ودلوقت انت ما وقفتش تسمعني واتكلمت وقلت اللي عندك انا الكلمتين اللى اتخيلت انى قلتهم لما عدت الخناقه فى الحمام ما قلتهمش دلوقت ولسه محشورين في زوري
عصام… لا هيقدمه ولا هياخروا ابلعيهم احسن
مائده نامت على السرير بضيق وعصام نام على الكنبه.. تانى يوم بالليل عند منى كانت عطشانه وطلعت بضيق من اوضتها وكانت بتحاول توصل للمطبخ لانها كانت عايزه تجيب ميه فضلت ماده ايديها وبتحاول توصل بس خبطت في شخص مسكها من وسطها وقال…
على فين يا جميل..
منى بعدت وقالت… كنت عايزه اجيب ميه اصل ما فيش ميه عندي في الاوضه
قال بمشاكسه.. بس المطبخ مش من الطريق ده اصلا اوضتي هي اللي من الطريق ده تعالى افرجك عليها
منى بغضب… اى الكلام ده وانا يعني هاجي اوضتك ليه انا رايحه اجيب ميه وسع كدا
قال…. ايه ده بس انتى بتخربشي ليه
وشدها عليه تانى منى ببكى… بقولك بعد عني
بس سمعت صوت مروان بيقول….. فى اى
منى… مروان الحقنى لو سمحت تعالى ساعدني
مروان.. بس يا سليم
سليم سابها وهي بقت تحاول تجري على الصوت وخبطت فى مروان اتخبت ورا ضهره وقالت بخوف..
انا كنت رايحه اجيب ميه وخبطت فيه وهو عم يقولي اوضتي من هنا ومش عارفه عما يقول كلام غريب خط يده على وسطي كان بيتحرش بيا تقريبا
مروان. تقريبا انت مش متاكده لسه.. اه سليم دى ضيفه عندنا تحديدا عصام
سليم بتوتر…. لقيتها جايه بس فكرتها محتاجه حاجه كده ولا كده لو احتاجت حاجه اهى اوضتى
منى.. انى اعوز من عزرائيل الموت ياخد روحي ولا عوزش منك

بق ميه
مروان.. للدرجه دي بعيد الشر عنك عموما اتفضلي المطبخ من هنا
وشاور لها بايده بس هي قالت…
ممكن تلففني على الناحيه اللي فيها المطبخ يعني وقلى امشي في وشك
مروان بستغراب… المطبخ فى وشك اهو انتى مش شايفاه ولا ايه يا بنت عميه اهو
منى.. لا ما هو انا عميه فعلا انا مش بشوف
مروان…. ايه نهار اسود انا اسف انا ما كانش قصدي انا انا بجد اسف جدا والله العظيم بعتذر
منى… علي اى هو انت اللي عمتني عادي حاجه بسيطه كل الناس الاول ما بتفكرش ان انا ما بشوفش معلش بس لو هتعبك انت عبيلي القزازه دي علشان انا فصلت خلاص ومش عارفه اوصل
مروان…. انا انا هجيبلك ميه استنيني هنا لحظه واحده
وراح عباها وقال…. تعالي هوصلك اوضتك
منى… لا انا ما بحبش اشوف شفقه من حد عليا ومافيش داعي اصلا انا بعرف امشى هو ضايقني بس شكله قليل الادب قوي وشكرا على الموقف ده وشكرا على الميه انا هرجع لوحدي الطريق اللي بروحها مره بحفظها
ورجعت الاوضه تاني وهو فاضل باصص شويه على طيفها…
تانى يوم الصبح كانت مائده قاعده مع العيله وسهى بنت عمتو قالت….
لا عادي انا لما شفتها عايشه ما اتفاجئتش خالص في مثل الوحش لا بيموت ولا بيحصله حاجه
مائده… ايوه طبعا هو شيء اساسي ودليل قاطع على اللي انتى بتقوليه وجودك معانا لانو لو كان بيحصله حاجه كان زمانك ميته من زمان النفوس الصفراء مابتروحش بتقعد تنكد على الخلق
فنون الرد هوبا بقى