الفصل الرابع

مائده… ايوه طبعا هو شيء اساسي ودليل قاطع على اللي انتى بتقوليه وجودك معانا لانو لو كان بيحصله حاجه كان زمانك ميته من زمان النفوس الصفراء مابتروحش بتقعد تنكد على الخلق
سهى… ايه الكلام ده اى قله الذوق دي
مائده… انا قله زوق امال انتى ايه قله برقوق تصدقى انك بنت مش متربيه
سهى….. انتى ازاي ازاي تتجرئي تردي عليا
مائده…. وما اردش عليكى ليه خرسه ولا بلعت سد الحنك قالولك اياك قال.. يا مستنيه بت عمت جوزك تحبك..
يا مستنيه العرجه فى فرحك ترقصلك
سهى… مالها دي كانت لسانها وكلاه القطه اى حصلها
مائده.. كنت فى جره وطلعت لبره… واللى كلامو مش هيلد عليا هشرشحو يا عنيا
ومالت على عصام وقالت…. شفتيني وانا بكسفها
عصام… انتى لو فضلتى على الحاله دي هيعرفوا انك مش داليا داليا كانت اي كلمه يقولوها ما تردش
مائده…. ليه هي داليتك دى كانت خرسه
عصام…. لا كانت عندها ادب
مائده.. واحترمها ازاى وهى عديمت الاحترام… انا اتقدر اقدر.. ماتقدرش ماقولكش… بس احسن حدفت عليها المثل من هنا اتكسفت من هنا شفتها
عصام… نهار اسود
نزلت نبيله مامت سهى وقالت…
صباح الخير حمد لله على السلامه لما قالوا لنا انك رجعتي ماصدقناش كنت عايزه نطلعلك بس قلنا الدنيا ليل ويمكن بتريحو شويه
مائده بهمس… دي اكيدها عادي ولا اسلم عادي… مش مرتاحالها حكم تبان في الوش حبيبه.. والتنهيده بتقول ديبه…
عصام… دي عمتي
عصام… عمتك حربايه تس تس ولا عمتك حلوه كويسه حكم انا عمتي اخت ابويا كانت ست طيبه جدا كانت ست كمل الله يرحمها وبيبشبش من تحت راسها الطوبه عمتي كانت محبوبه
عصام.. اش بقى اسكتى
نبيله… اى فى اى
مائده… ها لاه ولا حاجه عادى… كنا بنريح فعلا كلك نظر الله يسلمك يا حبيبتي
ومالت على عصام وهمست… قلتها بنفس طريقتها علشان لو من وراها مش بتقول الله يسلمك يبقى هي كمان الله مايسلمهاش
عصام… بس بقى هنتفضح اسكتى خالص
وسابها وطلع بالليل كان قاعد قدام البيت بحزن كبير جات قعدت جمبه وقالت…
سبحانو فى خلقو اللى يشوف بيتك وفلوسك مايشفش حزنك وتعوسك
عصام. انا حزنى ماحدش قادر يشوفو
مائده…. بس انا شفته باين فى عينك بس انت لو تشوف الاجابيه اللى فى موتها تقول الحمد لله على كده
عصام.. هو الحمد لله طبعا فى اى حال بس ما فيش اجابيه فى موت داليا ابدا
مائده… لا فى مثلا انك مش هتفضل خايف لتخسرها خوف انك تخسر حد بتحبو بيوجع قوى
عصام…. ووجع انى خسرتها خلاص ومش هشوفها تانى بيكسر بيدغدغ يا مائده
مائده… انا اسفه جدا والله بس انت لازم تكمل حياتك لسه قدامك العمر
عصام… بكمل بس جسم من غير روح روحى راحت مع داليا وقت ماتت
مائده… تاجى نتمشى شويه ع البحر
عصام.. اوكى.
وبقو يتمشو ع الشط وقالت… احكيلى عنك انت مش داليا يعنى درست اى بتشتغل اى
عصام… درست محامى بس انا بشتغل رجل اعمل وناجح على فكره بدير سلسلة شركات بابا الله يرحمو وانتى
مائده… انا معايا اعداديه بس ماكملتش تعليمى لظروف فلوسيه
عصام… هه اسمها ماديا
مائده… يا سيدى المهم اشتغلت فى محل ابويا برضو بس محل هدوم وعشت انا ومنى اختى بعد وفاته هو ومرتو ام منى
عصام… كانت طيبه معاكى
مائده… خالص كانت شريره الله يرحمها بس منى كانت دايما تدافع عنى وتقف قدامى مخلتهاش تضربنى ولا مره لما تلاقى منى هتاخد الضرب كانت ترمى الشبشب وتمشى
عصام… حياتك صعبه
مائده…. جدا مكانش معايا راجل ابدا فى حياتى يسندنى ابويا راح وانا صغيره خدت مكانو فى الشغل والبيت والمصاريف تبهدلت بجد وحشتنى ايام ماكنت عيله صغيره اقلع شبشبى واجرى فى الرمل والعب وانا مش شايله هم لحاجه هو حلم اهبل بس وحشنى الامان اللى كان فيه
عصام.. طب ما تجرى ادى احنا هنا والرمل اهو والشبشب سهل اعتقد
مائده… بصتلو شويه وضحكت وقلعت الشبشب ورفعت اكمامها شويه وقالت…
صح مين عارف هتاجى الفرصه تانى او لا
وبقت تجرى فى الرمل وهو بصلها شويه وضحك على شكلها بس جرى وراها وهو بيقول….
يا مجنونه مش بعيد كدا الدنيا ليل اوقفى
بس مكانتش بتقف و فضلت مكمله ومسكها وهو بينهج وقال…
كفايه كدا مش عايزين نبعد
مائده… هههه صح هبنى بيت بالرمله كمان
عصام… لا بجد
مائده…. امم تعال ابنى معايا .
عصام… مين انا
مائده…. اه انت يلا اقولك هات جزمتك هنجيب فيها ميه
عصام…. لا اى القرف داا
مائده… قرف اى دى جزمتك انضف من قفايا هات هات
وخدتها منو بقت تجيب فيها ميه وتبنى بيت بالرمل وهو بقى يساعدها ويسند معاها البيت عشان مايقعش وخلصو وكان شكلو جميل قالت…
شفت اهو دا بيت احلامى
عصام…. اللى هو اى
مائده… اقولك ده صالون حلو للضيوف ودى اوضت بناتنا عزه ومنى… ودى اوضت ولادنا عزيز وحكم وقاسم ونوح
عصام… هتجيبى ٦ اولاد
مائده…. لا سبعه استنى ودى اوضتى انا وجوزى وفيها سرير صغير للبيبى بتاعنا يونس ودا بقا مطبخى مملكتى اللى بحس فيها بالابداع بتاعى واقعد من الشغل وبهدلتو يجى جوزى داخل من الباب وانا فى المطبخ والاولاد بيلعبو حوليا ويتنططو واقابل جوزى والمغرفه فى ايدى كدا وبعد تعب يوم ليا وليه نتجمع سوا هنا فى مملكتنا بيتنا يعنى
عصام… حلم بسيط وهادى
مائده.. بس صعب المنال جدا ادعيلى يتحقق
عصام… ان شاء الله هيتحقق…
ورجعو بيتهم تانى وسليم دخل اوضة منى لان مراون راح هزئو وقالو انها مش بتشوف بس هو استغل المرض بتاعها دخل وقفل الباب وراه منى قعدت بخوف وقالت….
مين مين هنا
بس هو كان متعمد مايطلعش صوت ابدا
وقرب عندها منى قالت بخوف…
مين انت
ولسه هتصرخ بس حط ايدو على بقها وبقى يمرر ايدو عليها بوقاحه بس مروان خبط على باب اوضتها وقال…
انسه منى انتى لسه صاحيه اقدر ادخل منى وقعت الفاظا اللى ع الكمود اول ما خبط ومروان فتح الباب بخضه وشاف سليم حاطط ايدو يكمم بقها.. سليم بصلو برجاء بس مروان شدو بغضب وضربو بكس وهى اتنهدت وقالت…
الحمار ده رجع تانى
سليم جرى لبره ومروان قرب منها وقال…
اهدى انا اسف حقك علينا والله بس انتى مش قولتى انك.
منى. اه عميه بس اقدر اميذ كويس عرفتو من ريحت القرف اللى فايحه منو
مروان… هو انا جيت اسالك سؤال هى البنت اللى جات معاكى دى بجد داليا
منى بتوتر… لى بتقول كدا
مروان…. عارف مش وقتو بس انا ضرورى اعرف اذا كانت فعلا داليا او واحده

تشبهها
منى بتوتر.. هى هى داليا
مروان… لا هى مش داليا دى شبيهتهاصح هو جابها عشان يعرف مين اللى قتل داليا صح هو اخويا بس هو مش فى كامل قواه العقليه اتصدم من موت داليا مره يصحى يقول اتقتلت وفى حد قتلها ومره يقول مش هى اللى دفناها انا محتاج اعرف فعلا دى داليا
منى بخوف… بصراحه هى اختها التؤم اما امها اتطلقت من ابوها زمان وخدت داليا وجات مصر وهى قعدت فى الصعيد وما يعرفوش اى حاجه عن بعضهم وهو جابها عشان .. يعرف مين قتل مرتو
مروان…. طب هو قالكم ان هو تعبت اعصابو ودخل المستشفى
منى.. مستشفى اى
مروان… مستشفى الامراض العقليه
منى… لا يعنى هى ما حدش قتلها
مروان… لا هى ماتت فى حادثه وهو مشيل نفسو ذمب اللى حصل مره يقول سبتها تروح لوحدها ومره يقول قتلوها وماقدرتش احميها مش متزن واختك وافقت لى مع ان لو كان كلامو صح يبقى فى خطر على حياتها
منى… الفلوس هى قالت عشان نغير حياتنا بس انا عارفه انها عشان تعملى العمليه واشوف
مروان… عمليتك اه هو فى امل انك تشوفى
منى… اه بس هتكلف شويه
مروان.. انا هعملك العمليه
منى… دا طرد يعنى
مروان… لا عشان اختك ما تبقاش مجبره على حاجه
وتبقو حريتكم معاكم وهو ربنا يريح قلبو
ومشى من عندها وتانى يوم كانت مائده قاعده معاها وبتقول…..
انتى متاكده من الكلام ده مستشفى مجانين اى بس
منى… اقولك الجدع جه امبارح وقالي انه مجنون يعني لا في مؤامره ولا في حد قتلها ولا في حد عايز يعمل حاجه
مائده… ممكن اخوه ده هو اللي قتلها وعشان كده بيقولنا كده عشان نمشي وما نكملش معاه وما يعرفش حاجه
منى….. تفتكري ما يعملهاش
مائده… انتى تعرفيه من فين ده عشان تقوليلي ما يعملهاش وبعدين كيف اصلا تقعدي تتكلمي معاه وتقوليله ان انتى عايزه تعملي العمليه وتقوليله ان انا مش داليا
منى.. ايه يا بنت انتى ده.. غصب عني والله الكلام خدني خليكى فى المهم ده لو مجنون احتمال ياذيكى ولا احتمال يدخل في راسه ان انتى فعلا داليا ومانعرفش نرجع تانى انت مش داليا فى الاخر
مائده….انا هسألو واعرف اذا كان فعلا ده حصل ولا مروان كذاب لو دخل المستشفى يبقى كلام مروان صح
وراحت عند عصام وقالت…
هو انت فعلا كنت في المستشفى يعني لما مرتك ماتت اعصابك تعبت ودخلت المستشفى
عصام…. انتى مين اللي قالك الكلام ده حد بره اوعي تكوني قلتيلهم ان انتى مش داليا
مائده… ما تقلقش انا ما قلتش لحد بس كنت بتكلم مع اخوك عادي وقالي
عصام… اه على فكره هو هيحاول يعرف اذا كنت داليا ولا مش داليا فعلا فحاولي ما تتكلميش معاه لو وقف جنبك قوليله ان انا بنادي قولى انك نسيتي حاجه هنا قوليله اي حاجه…. بخصوص المستشفى ايوه انا دخلت المستشفى قضيت فيها سنه ونص من موتها وبعدين طلعوني خفيت
مائده… يه قعدت فى المستشفى سنه ونص
عصام… اعصابة انهارت كان انهيار عصبي ما قدرتش اعيش مع الناس دي وكنت بقول كلام غريب يعني كنت بقول داليا لسه عايشه وكده كنت بدور عليها يعني
مائده… ما كنتش بتقول ان داليا اتقتلت
عصام بغضب…. انتى عايزه تقولى زيهم ايه ان نظرية المؤامره دي في خيالي وان ما فيش حد قتلها داليا ماتت مقتوله وفي حد قتلها واللي قتلها من البيت ده وانا هدور عليه وهلاقيه
مائده بخوف…. لا لا ازاي انا مصدقاك
عصام… خايفه مني
مائده…. لا مش خايفه هخاف لى
عصام… تمام
وفضلوا قاعدين سوا لمده ٣ شهور وقربو اكتر من بعض وفى يوم رجع بالليل ومائده كانت نايمه جنبها بقى يصحيها قالت…
ايه في ايه
عصام… هو انا كلمت دكتور وهنعمل العمليه لاختك
مائده… ايه ده بجد
عصام… ايوه انا كلمت مروان وهو جاهز لكل حاجه
مائده… هو انت مش كنت قلتلي ان انت هتعمل عمليه اختى لما اخلص مهمتي معاك عشان ما امشيش
عصام…. ما هو انتى خلصتي خلاص تقدري اول ما اختك تعمل عمليتها تاخديها وتمشي من هنا
مائده…. همشي ليه وايه اللي حصل
عصام…… يعني انا بقيت كويس واتملت عيونه دموع وقال…
انا كنت تعبان في الفتره اللي فاتت وكنت بقول كلام غريب الناس اللي هنا مش وحشين يعني جايز تكون اختي متضايقه منها وماما متضايقه منها بس المناقرا العاديه يعني هم مش هيقتلوها انا كنت عايز احس ان انا حميتها او جبت حقها عشان ما احسش بالذنب بس انا مش عارف انا عايز ايه
مائده.. طب انت متاكد امشى
عصام.. اه انا متاكد بكره هنعمل العمليه ان شاء الله لو اختك بقت كويسه تقدري تروحي واهلى انا هشرحلهم الموضوع
مائده…. اى اللي غيرك ها مش قولت ان انا هفضل معاك لحد ما نلاقي اللي قتلها ايه اللي خلاك تقول الكلام ده فجاه كده هديت وعقلت
عصام بغضب….. ايوه انتى لازم تمشي
مائده…. ليه ليه ما ينفعش افضل ليه ما اقعدش معاك ولا خايف تحبنى
عصام.. اه انا بديت احبك وانا مش عايز احب حد مش عايزك تاخدي مكان داليا انا مش بحب حد ياخد مكانها لازم تمشي قبل ما اتعلق بيكي اكتر من كده
مائده….. صح انت صح انا همشي لان انا كمان مش عايزه احبك انا بعد ما شفت حبك لمرتك مستحيل ارضى بحب اقل من الحب ده فانا لازم امشي من هنا
وبعد كام يوم كانو عملو العمليه وبيفك اللزق لمنى ومروان كان بيفك اللزقه من على وشها وقال….
1 2 3 منى فتحت عينيها وكانو واقفين مائده وعصام مروان قال…
ايه شايفانا
منى… بصيتله بابتسامه وقالت…. انت اول وش اشوفه في حياتي
مائده نطت بفرحه وحضنت عصام وقالت…
شافت شافت…..
عصام حاوط وسطها بايديه وضها لي اكتر وقال..
الحمد لله على سلامتها
مائده بعدت بحرج وقالت…. انا اسفه
وجريت على منى وحضنتها بفرحه وطلعت بره الاوضه مع عصام وقالت…. انا همشي شكرا بجد على كل حاجه انت عملتها عشانى
عصام… العفو احنا كنا متفقين من الاول العمليه نجحت وما احتاجتش تسافر بره ولا حاجه ده حقك هترجعي انت واختك بلدكم
مائده…. اه هنرجع
عصام.. توصلى بالسلامه اشوف وشك بخير
مائده… هو احنا هنتقابل تاني
عصام.. على ما اظن هنتقابل كتير..
قالها وهو بيبص لمروان االلى طلع خاتم وقال لمنى…
بالمناسبه السعيده دي اقدر اطلب ايدك
منى بصت للخاتم وبصيتله وقالت بهبل…. اكيد طبعا هو انا اطول.. احم قصدي يعني انه هفكر
مروان ضحك بصوت عالي.. عصام قال…
شكلها هتفكر ف اظن هنتقابل يعنى
مائده… اشوف وشك بخير
عصام ضمها ليه اكتر كانو بيتنفس من هواها وسابها بعد وقت وهي اخدت

اختها ومشيت بعد شهر كانوا واقفين في حفله صغيره مجموعين فيها العيلتين ومائده واقفه فى زاويه تبص لمنى بفرحه وقف جنبها عصام وقال…
ممكن اتكلم معاكى شويه
مائده…. اكيد اتفضل انا مش قلتلك انا مش عارف عايز ايه من ٣ شهور قبل ما تمشي انا عرفت انا عايز ايه انا عايزك انتى عايزك معايا
مائده…. هم رجعوا قتلوا داليا تاني
عصام.. انا كنت عايزك علشان داليا المره دي انا عايزك علشانى انا انا مش هنساها بيكي بس انا محتاجه اكمل وهكمل بيكي لانه انا لو هكمل حياتي تبقى معاكي لانه صعب قوي تكمل من غيرك انا كانت حياتي شبه واقفه كنت عايش على الادويه لحد ما شفتك فكرتك داليا ومشيت وراكي لحد ما عرفت ان انت مش هي وجبتك معايا البيت عشت ايام حلوه قوي مشيتك لاني فكرت اني بخون داليا بس انا ربنا لسه ما خدش روحي واراد ان انا اكمل حياتي انا متاكد ان انا مع الايام هحبك اكتر اما اعيش معاكي
مائده… اي حد عايش من حقه انه يعيش حياتو كيف ما هو عايز احنا بنعيش مره واحده انا قلت انى مش هرضى بحب اقل من حبك ليها بس طالما معاك راضيه باي حاجه لو حتى ربعو….
كدا خلصت قصتنا بس حكايات جيجى لسه مخلصتش… اشوفكو فى قصه جديده باذن الله