تحميل رواية «فؤاد قلبي الضائع» PDF

رواية فؤاد قلبي الضائع الفصل الاول

حورية بصوت عالي: أنت اكيد مش في وعيك ،و شارب حاجة صح

رياض : اتكلمي بآداب احسنلك

شدت شعرها بجنون و صرخت: اداب ايه ،انت مجنون، سماع نفسك بتقول ايه، متخيل انت بتطلب مني ايه

رياض بكل برود : أيوة سماع و متخيل، يا شيخة اعملي خير في حياتك علشان يقعدلك في اخرتك،اللي زيك عمرها ما تورد على جنة

حورية خدت نفس و قالت بهدوء: انا هحاول اهدي خالص، علشان نتكلم بهدوء، رياض انت بتهزر صح

قعد رياض و قال ببرود: لا مش بهزر يا حورية و اللي قولته هيتنفذ.

حورية بصوت عالي: على جثتي تاخد ابني مني.

سعدية بتهديد: ما هو ده اللي حصل ، احنا خدنا الود و خلاص ، و عادي بكل سهولة ناخد روحك علشان مش عايزين صداع.

بصت حورية بصدمة و قالت: انتي طول عمرك قاسية، بس هي توصل معاكي لكده ،انتي عارفة عقوبة اللي هيحصل ايه.

سعدية: الموضوع هيتم بينا في السر و محدش يعرف حاجة..

حورية: انا مش موافقة و ده اخر كلام عندي

بصت سعدية على رياض و قالت : جرا ايه راجل احنا هناخد رأيها كمان ، ادخل هات الود من جوة،ده ابننا احنا، هي مجرد معون.

حورية : انتي عارفة أنا تحملت ايه من وقت ما تجوزت العيل اللي ماشي بريمود كنترول بأمر منك ،عشت و انا ساكتة في ذل و إهانة ،لكان لحد ولادي خط احمر.

و تحولت نظرة عين حورية لنظرة مرعبة و صرخت: علشان ولادي اقتلك و اقتل اي حد.

و في اقل من ثانية دخلت المطبخ و خرجت بسك،ينة، و قفت قدم اوضة ولادها و قالت:

و الله العظيم اللي يقرب من الاوضة ليكون مي،ت.

ضحكوا عليها باستهزاء، و قال رياض: ارمي يا شاطرة اللعبة دي من ايدك.

سعدية: الهبلة دي فاكرة أننا نخاف منها، انا قولت اللي عندي،هاخد الود ينام في حضن أمه.

حورية بغضب :انا امه،و انا عندي سؤال، هو انتي بتحبي بنتك اكتر منك ابنك ليه كده.

قبل ما ترد سعدية رد رياض و قال: ملكيش دعوة، و وسعي من قدم الاوضة.

و قرب رياض منها و ضربها بالقلم.

ضغطت حورية على السكينة و رفعتها في وش رياض و قالت: خطوة كمان و اقتلك.

اتجاهل رياض القوة اللي بيانه عليها، و فكر أن مجرد تهديد،و قرب رياض منها ، بس حورية كانت على المعاد، اول ما قرب ضربته في دراعه تحت صدمة رياض و سعدية

صرخت سعدية: يخربيتك ، انتي مجنونة

حورية: لا مش مجنون انا عاقلة ،انتوا المجانين علشان تسرقوا مني ابني ، اللي قدمكم دي مش حورية الغلبانة ، انا أم و الكلمة دي نهت كل حاجه، يلا برة احسن لكم.

نزل رياض و سعدية بعد ما شافوا واحدة تانية اللي واقفة قدامهم.

أما حورية جريت قفلت التربس و قعدت على الأرض بتعب و فكرت تعمل ايه في المصيبة دي

اول فكرة خطرت على بالها، تنزل مشكلتها على الفيس زي ما كل الناس بتعمل ،لاول مرة في حياتها تعمل فيديو بعد ما حطت حاجة على وشها،و قالت::

السلام عليكم ورحمه الله ،انا في مشكلة كبيرة و مش عارفة اعمل ايه، و محتاجة مساعدتكم ،انا و ولادي في خطر، الحكاية بدأت لما اخت جوزي طلبت من جوزي هدية ، و الهدية كانت ابني.

انا متجوزة من سنة و الحمد لله ربنا كرمني ب تؤام، اما أخت جوزي متجوزة من ١٥ سنة و مخلفتش و هنا بدأت المشكلة

///////////

فلاش باك

دعاء: الف مبروك يا حورية

حورية: الله يبارك فيكي

دعاء: انا كان نفسي اكون أم

حورية بحزن : معلش يا دعاء، ده أمر الله و انتي ربنا عوضك في حاجات تانية ، الحمد لله انتي مرتاحة مادية..

دعاء: بس مفيش حاجة تعوض اني اكون أم

حورية: ربنا يهون عليكي.

حورية في الوقت ده افتكرت أنه كلام عادي، بس مكناش كلام عادي عند دعاء.

بعد ما طلعت حورية شقتها

دعاء: حماتي العقربة ،شغالة ذن على جوزي علشان يتجوز عليا، بتقول كفاية كده عليك تقعد زي الخيبة جنب مراتك الأرض البور

سعدية: تنشك في لسانها البعيدة، و جوزك هيعمل ايه

عيطت و قالت : قالي غصب عني بس انا هتجوز ،١٥ سنة كفاية ،انا نفسي اكون اب، و انتي هتفضلي مراتي و حبيبتي و معززة مكرمة ،انا لازم اشوف حل يا ماما

سعدية: و هنعمل ايه

دعاء: هفكر و اشوف حل

///////

رجعت دعاء على بيتها و تفكر في حل لحد ما وصلت لحل

اول ما سمعت صوت جوزها يفتح باب الشقة ، مثلت أنها تتكلم في التلفيون : يا سارة قولتك مش عايزة اقول حاجة ل رامي.

استغرب رامي هي مخيبة ايه، وقف يسمع بانتباه

و كملت دعاء: فاهمة قصدك، بس انا خائفة يكون مفيش حمل، و اعشم رامي على الفاضي،علشان كده خبيت عليه لحد ما اتاكد

سكتت شوية و بعدين قالت: يارب يا سارة يكون في حمل، انا نفسي اكون حامل مش علشاني، علشان خاطر رامي بس

خرج رامي تاني بكل هدوء، علشان يمثل أنه معرفش حاجة، علشان لو مفيش حمل متكونش محرجة قدمه.

و ضحكت دعاء بخبث على تنفيذ اول خطة

///////////

في شقة سعدية

سعدية: ايه حورية ساعة علشان تعملي كوبية شاي.

جت حورية من المطبخ و معها كوبية شاي و قالت: حقك عليا يا طنط اتفضلي

سعدية بسخرية: هاتي يا روح طنط

قعدت حورية و سالت: اعمل غدا ايه النهارده

سعدية: اي حاجه

حورية: مالك، شكلك زعلانة

تنهدت بحزن و قالت: زعلانة علشان دعاء

ردت بهدوء: ربنا يعوضها خير

بصت سعدية على حورية و قالت: يا سلام لو كانت هي اللي حامل ،كان يبقي عيد.

زعلت حورية أنها مش فرحانة لها, بس قالت معذروة

//////////////////

بعد اسبوع

في شقة دعاء

عدى كام يوم و جاه معاد تنفيذ تاني خطوة

كان قاعد رامي في الصالة و خرجت دعاء من الاوضة و هي تقول بصوت عالي: رامي، رامي.

قام رامي مفزوع و سال: في ايه يا دعاء

نزلت دموع مزيفة و قالت: انا حامل

فتح عيونه بصدمة و قال: بتقولي ايه

دعاء: انا حامل يا رامي ،حامل بعد كل السنين دي انا بقيت حامل.

سجد رامي سجدة شكر و هو يقول: الحمد و الشكر ليك يارب

قام و حضن دعاء و قال: الف مبروك يا حبيبتي ،انا فرحان اوي

دعاء: انا فرحانة علشان خاطرك ،قولي بقي هتتجوز برضو

رامي: لا طبعا ،صدقني انا كنت مش عايز اعمل كده

دعاء: خلاص خلينا نقفل كلام في الماضي.

/////(////

في شقة سعدية

ضربت سعدية على صدرها و تقول: نهارك اسود يا دعاء ،ايه اللي انتي عملتي ده

دعاء بكل ببرود: براحة يا ماما

سعدية: براحة ايه، انتي مجنونة ،بتقولي انك حامل ازاي.

دعاء: يا ماما هنتصرف

سعدية: انتي مجنونة يا دعاء صح، نتصرف ازاي و هو احنا مذوقين في كيس شبيسي، ده عيل.

بصت نظرة حادة و قالت : كنتي عايزني اعمل ايه يا ماما ، استنا لما رامي يتجوز عليا

سعدية: و هنعمل ايه دلوقتي ، شوية و نعمل تمثيلية انك سقطتي.

دعاء: لا يا ماما أنا عايزة أكون أم.

سعدية بحزن: و نعمل ايه يا بنتي

دعاء: ناخد عيل من عيال رياض، بقي الجرعوبة حورية تخلف اتنين و انا لا.

بصت سعدية باستغراب و سالت: بتقولي ايه

دعاء: مش حورية حامل في تؤام ،انا حسبت المعاد و لقيت أن وقت ولادة حورية هكون انا بقالي ٧ شهور حامل، ناخد عيل منها و نقول إنه ابني

سعدية: انتي بتكلمي بجد

دعاء: أيوة بتكلم بجد ، نفسي اكون ام، و فيها ايه لما اخويا يساعدني، و الحمد لله محدش يعرف أن حورية حامل في تؤام،و ده من مصلحتنا ناخد العيل من غير ما حد يعرف..

اقتنعت سعدية بكلام دعاء و قالت: طيب استني ارن على اخوكي ينزل و نكلمه.

دعاء بابتسامه: حبيبتي يا ماما

سعدية: عافرم عليا أني قولت ل حورية متقوليش لحد انها حامل في تؤام علشان الحسد، الموضوع نفعنا دلوقتي

دعاء: طول عمرك مخك يوزن بلد يا ماما، و انا عارفة انك هتعرفي هتعدي الموضوع بسلام

///////////////

في شقة حورية

كانت بتحضر الغداء و السعادة مرسومة على وشها ،و تعد الايام علشان تشوف ولادها

و بترسم و تخطط علشان ولادها

كان جوزها و أخته و أمه يخططوا ازاي يسرقوا ولادها منها

////////

في شقة سعدية

رياض باستغراب::هو اللي يتقال ده بجد

سعدية بمنتهي الهدوء: أيوة يا رياض بجد هو أنت لو مكنتش جنب اختك الوحيدة ، اجيب منين يقف جنبها ، عجبك حالتك اختك ، دي يا كبدي الدمعة مش بتنشف من عينها.

بص رياض على أخته اللي بتعيط بدموع مزيفة، و طبط علي كتفها و قال: كفاية عياط يا دعاء

سعدية: لما ابوك مات ،مخوفتش عليا أو على اختك علشان عارفة أن ابوك مخلف راجل.

لعبت سعدية على مشاعر رياض و هو زي العبيط وافق يضحي ب اولادها

اتكلمت دعاء بخبث: انا عارفة أن حورية حامل في ولد و بنت

رياض: صح

دعاء : طيب انا عايزة الولد انا مش هعرف اجيب غيره،اما انت أن شاء ربنا يكرمك بخمس ولاد

قبل ما رياض يرد ،قالت سعدية: اختك بتكلم صح يا رياض، وافق خلي قلبها يتطمن عليها

ضحك رياض و قال: موافق

حضنته دعاء و قالت: ربنا يخليك ليا يا اخويا

سعدية : قلبي راضي عنك لحد الموت

وافق رياض من غير ما ياخد راي الام اللي حملت فيهم.

/////////

عدت شهور الحمل و دعاء كانت قاعدة عند امها، بحجة أنها حامل و تعبانة و عارفة ترسم دور الحامل كويس.

لحد ما جاه يوم ولادة

وصلت حورية المستشفى مع سعدية و دعاء و رياض

حورية: فين ماما و بابا ،مش قولت انك كلمتهم و قولت أنهم هيرحوا على المستشفى

رياض: أيوة اكيد اتاخروا في الطريق،المسافة بين القاهرة و بورسعيد تعدي الساعتين

حورية بخوف: بس انا خايفة و عايزة ماما.

قربت سعدية منها و قالت: احنا معاكي اهو يا حبيبتي و انا زي ماما

اطمنت حورية و قالت: يعلم ربنا أني بحبك اوي

و دخلت حورية العمليات و هما كانوا جهزوا لتنفيذ اخر خطوة من المهمة.

و كان من ضمن الخطة رياض ما يبلغش اهل حورية بالولادة..

رياض: هنعمل ايه دلوقتي

دعاء بخبث: انا هقولك الجزء الخاص بيك و تقول ايه ل حورية

رياض: قبل ما اعرف انا هقول و اعمل ايه مع حورية ،انتي هتعملي ايه

دعاء: اول ما هي تولد هاخد الولد و ارجع البيت لوحدي و على ما الدنيا تهدي ماما تجي ،علشان على ما النهار هيطلع اكون ولادت و الكل يعرف اني بقيت ام و جبت الود

رياض: و حورية

دعاء: اسمعني كويس و نفذ بالحرف

و رغم أن دعاء الصغيرة،بس سعدية و رياض ماشين وراءها من غير تفكير..

////////////

و اول ما حورية ولدت خدت دعاء الولد و وهمت سعدية و رياض أنها مشيت على البيت، بس الحقيقة هي بتفكر بطريقة تخطف البنت كمان،،بصت على البيبي و قالت بغل: انت عارف انا بكره امك قد ايه ، مكرهتش حد زيه، بداية أنها اصغر و احلي مني ، و هي حملت و انا لا، و الاصعب ان جوزي بيحبه و هو فاكر اني مش عارفة بس انا عارفة كل حاجه و علشان كده هحرق قلب أمك عليك..

مشيت على الحضانة و كانت ممرضة في انتظارها، و قالت بخوف : دعاء اتاخرتي ليه الشيفت هيتغير

دعاء: معلش هاتي البت بسرعة

الممرضة : ايدك على الفلوس الاول

مدت أيدها بفلوس و قالت: اومال لو مكنش أصحاب كنتي عملتي ايه هو أنا اهرب

الممرضة :لازم اضمن حقي يا اختي، انتي شيطانية ناوية تقتلتي طفلة بريئة و تخطفي التاني و مرات اخوكي تموت بحسرتها

دعاء: خلصني بقي ،مش كنتي مستعجلة

دخلت الممرضة تجيب الطفلة علشان دعاء تنهي حياتها،ابتسمت دعاء بشر اول ما شافت البنت الصغيرة.

رواية فؤاد قلبي الضائع الفصل الثاني

دخلت الممرضة تجيب الطفلة علشان دعاء تقتل البنت و تخطف الولد و تدمر حياة حورية بسبب الغيرة.

ابتسمت دعاء بشر أول ما شافت الممرضة و معها البنت الصغيرة.

و قبل ما تخرج الممرضة ،كانت دخلت المشرفة و سألت: واخدة البيبي و على فين كده

توترت الممرضة و قالت : مفيش كانت عمتها عايزة تشوفها

المشرفة: و انتي مش عارفة أن ده ممنوع، مخصوم منك شهر

الممرضة بصدمة: شهر كتير اوي،انا عملت ايه لكل ده.

المشرفة: يبقي أحولك للتحقيق علشان تحسي بغلطك.

الممرضة: لا خلاص كده كويس.

دخلت الممرضة البنت و خرجت لدعاء اللي قالت:ايه اللي جابها دلوقتي

الممرضة: حظي النحس ،خصمت ليا شهر

دعاء: و هنعمل ايه انا عايزة اخلص من البنت دي باي طريقة

الممرضة: انسي الموضوع هيبقي صعب

نفخت دعاء و قالت لنفسها: مش مهم بكرة نكون في نفس البيت و اخلص منها.

دعاء: هاتي الفلوس و العملية باظت

الممرضة: الفلوس دي علشان اسكت و الشهر اللي اتخصم هيكون منك يا دعاء علشان افضل ساكتة..

دعاء: بلاش تهديد احسن لك.

و مشيت دعاء على البيت،علشان تنفيذ باقي الخطة

//////////

بعد شوية فاقت حورية من البنج و حطت ايديها على بطنها بحركة عفوية، و زي اي ام اول كلمة قالتها: فين ولادي

رياض: حمد لله على السلامه يا حبيبتي

حورية: الله يسلمك ،فين ولادي

رياض: الولاد بخير ،بس هما لازم يفضلوا في الحضُانة لحد الصبح.

حورية بخوف: ليه ولادي مالهم.

رياض: اهدي يا حبيبتي اللي بيحصل ده طبيعي لاي توأم

حورية بدموع: شوفتهم يا رياض

رياض: ايوة، زي القمر زيك.

حورية: يارب يحفظهم،انا سمعت صوت عياط الولاد ،يعني هما كويسين صح.

رياض: أيوة

حورية برجاء: لو سمحت عايزة اشوفهم حتي لو ثانية واحدة.

رياض: حاضر شوية كده.

حورية: قوللي فين طنط و دعاء.

رياض : ماما برة، و دعاء حست بالتعب و رجعت البيت ،انتي عارفة أنها في الشهر السابع

حورية: ربنا يقومها بالسلامة، فين ماما

رياض: كلموني و قالوا هيتاخروا علشان الطريق مقفول

حورية باستغراب : انا حاسة في حاجة غريبة بتحصل معي

ضحك رياض و قال: ليه بتقولي كده، كل حاجه كويسة و انا معاكي مش كفاية

حورية: كفاية يا حبيبي،بس.

قبل ما تكمل دخلت الممرضة و معها سعدية

الممرضة: حمد لله على السلامه يا مدام

حورية: الله يسلمك

الممرضة : ممكن تخرجوا لحد ما اطمن عليها.

رياض : لا ، هنفضل قاعدين مع حورية.

كانوا خايفين الممرضة تقول قدامها أنها خلفت التؤام عايش.

رياض: بقولك لو ينفع تديها مسكن قوي علشان تعرف تنام شوية

الممرضة. : انتي تعبانة

حورية بصت على رياض باستغراب أنه قال كده و ردت: الحمد لله كويس.

رياض: انتي تعبانة و لازم ترتاحي.

حورية: انت كلامك غريب

سعدية: يا حبيبتي هو خايف عليكي ، يا بختك بحب جوزك

بعد كلام كتير خدت حورية مخدر و نجحت خطة رياض أن حورية تنام...

////////

قدم الاوضة

رياض::انتي شايفة اللي احنا بنعمله ده صح ، عندي احساس أن اللي بنعمله غلط.

و لمدة ثانية ضمير رياض اتحرك، بس سعدية بالمرصاد علشان ضميره ينام تاني, فقالت: يا حبيبي اللي انت عملت حاجة كبيرة لأختك ، ضحيت بحاجة غالية عندك علشان خاطر اختك، اوعي تفكر.

رياض: تفتكري لو حورية عرفت تعمل ايه.

سعدية: احنا هنعمل كل الاحتياطات و محدش يعرف حاجة.

رياض: ربنا يستر

//////////////////

تاني يوم الصبح

صحيت حورية و بتسال نفس السؤال، و هو سؤال حقها الطبيعي

حورية بعصبية : عايزة أشوف ولادي بقي، استنا ايه تاني، لو حاجة حصلت عرفني.

رياض:الولاد رجعوا البيت مع ماما.

حورية باستغراب: أنت بتقول ايه يا رياض هو طبيعي لحد دلوقتي مشوفتش ولادي ، و اهلي لحد دلوقتي مش هنا، و تليفوني مش معي.

رياض: الموضوع طبيعي و مفيش حاجة غريبة،يلا يا حورية نرجع البيت، و اه عندي ليكي خبر حلو

حورية: خير

رياض: دعاء ولدت

من كترت طبيتها ،فرحت لها،و قالت بفرحة: الف مبروك و هي كويسة

رياض: أيوة و جابت ولد

فرحت حورية لا دعاء و رجعت البيت مع رياض و هي متشوقة تشوف ولادها،و في قلبها نغزة، و حاسة أن في حاجة غلط، بس هي واثقة في جوزها لابعد حدود، و هو ممكن يخطر على بال اي حد أن الاب يعمل كده مع مراته و ابنه....

/////////(/

وصلت حورية البيت و طلعت شقتها ،كانت قاعدة على السرير في اوضتها و قالت: فين ولادي؟

قعد رياض جنبها و رسم الحزن و قال: أنا كنت مخبي عليكي حاجة.

حورية بخوف: ولادي بخير صح.

رياض بحزن مزيف: ربنا رزقنا بنوتة أما الولد للاسف نزل ميت

صرخت وجع خرجت منها و هي تقول: الكلام ده كذب، انا بحسب الايام علشان اشوفهم ،قلبي بيقول أنهم بخير،اكيد ده هزار بايخ.

بمنتهي الإحترافية ، نزل دمعة مزيفة و اتكلم بنبرة يطغو عليها الحزن و قال:أمر الله يا حورية، احمدي ربنا إن البنت بخير.

خافت في حزنها تنطق كلمات اعتراض تغضب ربنا، علشان كده التزامت الصمت و تشغل لسانها بذكر الله.

رياض: كفاية عياط يا حورية ،الحمد لله أن البنت كويس، احمدي ربنا.

حورية بدموع: الحمد لله ،الحمد لله مقدرش اقول غير كده، هات البنت اشوفها

رياض: البنت عند امي اجيبها و اطلع

اول خرج رياض، زادت في العياط و مع زيادة زعلها من أهلها أنها مش معها لحد دلوقتي ،ووفكرت أن السبب منهم و هي مش مهمة عندهم.

/////////////

في وقت ما حورية تعيط على ابنها و على إهمال أهلها ليها زي ما هي ما فاكرة،،،

كانت دعاء فرحانة مع جوزها و اهله بطفل مسروق..

دعاء:شبهك يا رامي صح

ضحك رامي و قال: تضحكي عليا يا دعاء، هو بيان له شبه دلوقتي

ام رامي: كلهم شبه واحد و هما صغيرين

سعدية: يتربي في عزك و تشوفه عريس

رامي: يارب، و حورية عاملة ايه ؟

دعاء اول ما سمعت أسم حورية كأنها بقت نار مولعة

سعدية: زي القردة، جابت بنت معرفتش تجيب الود

ام رامي: البنت زي الولد يا ام رياض،في حد لسه بفكر التفكير ده.

رامي: المهم انها بخير ،بنت و ولد كله بتاع ربنا.

دعاء بغيرة: خلينا نغير الموضوع احسن.

///////

بعد اسبوع

في شقة سعدية

بعد اسبوع عملوا سبوع بنت حورية و ابن دعاء

كانت حورية قاعدة حزينة حضنه جنة، و تحاول تبان أنها طبيعة ، بس قلبها مكسور و مقبوض.

رياض : عماد انا قولت ل حورية. انكم اتاخرت بسبب الطريق ، بلاش حد فيكم يقول اني متصلش بيكم.

عماد ( اخو حورية: انا مستغرب ، ليه مكلمتنيش علشان نكون حاضرين الولادة ،ينفع تكلمنا تاني يوم و نعرف أن حورية ولدت،و اهي كانت زعلانة مننا.

رياض: علشان الدكتور كان قايل أن حالة الاطفال مش بخير و انا كنت عارف انكم مش هتكونوا صامدين قدم حورية، علشان كده قولت اخلص كل حاجة و نشوف الدنيا فيها ايه

عماد: انا مش مقتنع بالكلام ،بس واثق انك اكيد عملت الصالح ل حورية

ضحك رياض و قال: أكيد.

رياض و سعدية و دعاء عملوا كل الاحتياطات علشان يخيبوا على الجريمة

ام حورية قعدت جنبها و قالت: مالك يا حبيبتي

حورية بحزن: زعلانة على ابني اللي راح يا ماما

ام حورية: ربنا يصبرك ، هو في الجنة،و لازم تركزي مع جنة.

بصت على جنة و بعدين محمد اللي دعاء شايله و قالت: ماما ،مش جنة و محمد شكل بعض

ام حورية: مش قرايب، و بعدين كل العيال في السن ده شكل واحد

حورية: بس كل ما يعيط بحس قلبي يوجعني

ام حورية: عادي.

سعدية بصوت عالي: يلا علشان ندق الهون

قعدت سعدية على الأرض في النص و قالت: هاتي ابنك يا دعاء

مدت دعاء ايديها و خدت سعدية الولد و قالت: اسمع كلام أمك و أبوك و اسمعي كلامي

قالت دعاء: و اسمع خالك اللي ديما مفرح قلبي

ضحك رياض و قال: ربنا يفرح قلبك

أدت سعدية محمد و قالت: خدي يام رامي يتربي في عزك و عز أبوه.

ام رامي : اللهم امين، الحمد لله عشيت و شوفت حفيدي.

دعاء: ربنا يطول في عمرك يا طنط و تعيشي لحد ما تجوزيه

رامي: أنا بنقول نخطب محمد و جنة لبعض

اتفزع التلاتة و قال رياض: لا طبعا

رامي باستغراب : اتفزعت كده ليه

سعدية : رياض و دعاء قايلين بلاش يدخلوا النسب بينهم

ام رياض: كلامهم صح، خليهم اخوات.

ضحكت دعاء و قالت :انا عندي احسن اخ في الدنيا.

الكل يضحك و مبسوط الا حورية و أهلها اللي زعلانين عليها.

كلمت حورية نفسها: أنا فاهمة أنهم اكيد فرحانين بولادة دعاء ،بس ازاي محدش فيهم زعلانين على ابني اللي ماتت،و رياض زي ما يكون مش ابنه اللي مات، حتي حماتي مش فارق معها، و مش مهتمة بنتي زي ابن دعاء، ,,,ابن دعاء اللي حاسة ناحيته بحاجة غريبة.

فاقت على أيد امها اللي بتقول : حورية ،يا حورية

حورية: نعم يا ماما.

ام حورية: حماتك عايزة البنت

سعدية بتريق: اللي واخد عقلك يا اختي ،هاتي البت ،مكنتيش عارفة تجيبي الود.

نزلت دموع حورية و قالت: انا جبت الود بس الحمد لله إرادة ربنا أنه مات

رياض: بلاش الكلام ده يا ماما.

سعدية: هسكت خلاص.

دموع حورية أثرت في أهلها و رامي ،اما الباقي حتي ريت مش فارق معاهم دموعها و كمان تتعاير أنها جابت بنت.

///////////

تم السبوع و كانت حورية طول الوقت حاسة بغصة في قلبها.

بعد انتهاء السبوع

الكل ماشي الا أم حورية و رامي

ام حورية : يا بنتي كفاية عياط

حورية بدموع: اعمل ايه يا ماما

نفخت سعدية بضيق, و قالت: بقولك ايه يا حورية انا بنتي لسه نفسه و مينفعش نكد و عياط جنبها

ام حورية: ما هي معذروة يا ام رياض زعلانة على ابنها ،اللي المفروض تزعلي عليه انتي كمان.

سعدية بصوت عالي: و مين قالك اني مش زعلانة، بس مش لازم اعمل مناحة زي بنتك.

حورية: خلاص يا ماما ،يلا نطلع شقتي

دعاء: شقتك و ده من امت يا ست حورية، دي شقة اخوكي

رامي بعصبية: أخرسي يا دعاء و متلكميش انتي

دعاء بغضب : و انت مالك يا رامي ،تتدخل ليه.

رامي: مش جوزك و لازم ادخل علشان انتي قليلة اداب

رياض: هي مين اللي قليلة اداب ،احترام نفسك

رامي: تصدق كنت فاكر اخرس، و طالما عندك لسان من بابا أوله تدافع عن مراتك و امها.

رياض: و انت مالك ادفع عنهم أو لا خليك في نفسك ،و اتكلم عدل مع اختي.

سعدية: خالص يا ولاد ده شياطين و دخل بينا

خلصت كلامها و بصت على حورية و امها.

حورية: يلا يا ماما نمشي من هنا

رياض: استني عندك

حورية: عايز ايه

رياض: اعتذري ل امي و اختي الاول

حورية : انا مغلطتش علشان اعتذر

رياض: خلي اليوم الاسود ده يعدي على خير، اعتذري خلينا نخلص

حورية بعصبية: أن شاء الله عنه ما يعدى اليوم ده ،انا مغلطتش في حد انا اللي اتغلط فيا انا و امي يا راجل يللي بترفع صوتك عليا..

رياض بتحذير: اعتذري احسن لك

رامي:حورية ،انا لو مكانك معملش كده علشان انتي مش غلطانة

اتعصبت دعاء من دفاع رامي عن حورية،قالت بدون واعي: بتدفع عنها بالشكل ده ،علشان بتحبه صح.

الكل اتصدم و بص على رامي نظرات اشمزاء.

و فجأة قالت حورية::

رواية فؤاد قلبي الضائع الفصل الثالث

رياض بتحذير: اعتذري احسن لك من امي و اختي

رامي:حورية ،انا لو مكانك معملش كده علشان انتي مش غلطانة

اتعصبت دعاء من دفاع رامي عن حورية،قالت بدون واعي: بتدفع عنها بالشكل ده ،علشان بتحبه صح.

الكل اتصدم و بص على رامي نظرات اشمزاء.

و فجأة قالت حورية:: قولي الجملة صح يا دعاء هو بيحب الحق مش زيكم ناس ظالمين.

رياض زعق و قال: لسانك طول يا حورية

كل ده و ام حورية تتفرج بذهول، عمرها ما اتخليت أن دي معاملتهم ل حورية، قالت بصوت عالي: اخرس يا رياض و صوتك ميعلش علي بنتي

و بصت لحورية بهدوء و قالت: كل ما تقولك انتي عاملة ايه، تقولي كويسة، و حماتك و جوزك عاملين ايه تقولي زي العسل،اومال ايه اللي يحصل ده.

حورية: يا ماما أنا بقولك الحقيقة فعلا، بس اللي حصل دلوقتي من التوتر و كده

و سعدية علشان من مصلحتها وجود حورية تحت عينهم على طول،قالت : حقك على ام حورية مش عارفة الواحد ماله كده، دعاء و حورية اخوات

و بصت على دعاء اللي هي كمان مصلحتها مع حورية لتنفيذ مهمة تانية، و تدري موضوع أن رامي يحب حورية ،حافظ على كرامتها قدم جوزها ،قاىت: انا اسفة يا حورية

و طبعا رياض ماشي وراء امه و اخته ،فهو كمان قال: حقك عليا يا حماتي، انا اسف يا حورية

من طيبة حورية و امها صدقوا انهم ناس كويسين..

حورية: حصل خير ،يلا ما نطلع الشقة

طلعت حورية و امها ،و رامي قال: انا ماشي

دعاء: استنا يا رامي ،انت زعلان مني

رامي: ازعل ليه هو في حاجة تزعل، انتي بس مش محترمه وجودي

سعدية: و لا هي و لا احنا نقدر ، اقعد يا ابو محمد لازم تعشا معانا.

دعاء : خد شيل محمد بيقول عايز بابا.

رامي: ما شاء طلع خارق لامه يتكلم و هو في اللفه

اتعصب رياض من طريقة كلام رامي مع اخته، مع أن رياض يعامل حورية اسوء معاملة.

ضحكت دعاء و قالت : طيب اقعد يا رامي، عايزة اتكلم معك.

قعد رامي ينفذ صبر و طلع رياض شقته.

رامي بعصبية: هو ينفع كلامك اللي اتقال من شوية

توترت دعاء و قالت: اي كلام

رامي بعصبية: بلاش لف و دوران ، كلامك اني بحب أم جنة.

دعاء: مكانش قصدي ،انا اقصد انك مش بتحب الظلم.

رامي: و دي حاجة المفروض محدش يحبه.

دعاء: ما انا عارفة.

قام رامي و قال: أنا ماشي

دعاء: و الاكل

رامي : مش جعان.

مشي رامي و خرجت سعدية و سالت: هو مشي برضو

دعاء بحزن: اه

قعدت سعدية جنبها و قالت : جوزك راجل اصيل و صبر عليكي ١٥ سنة حافظي عليه

دعاء: انا بحبه اوي يا ماما و مقدرش اعيش من غيره.

سعدية: يبقي لازم يشوف وش الملاك أما وش الشيطان كفاية اشوفه انا

دعاء: انا ملاك برئ يا ماما

سعدية: علي يدي

////////////

في بيت رامي

أم رامي: انا صعبان عليا حورية اوي

رامي بحزن:ربنا يصبرها

ام رامي: يعني فوق ما المسكينة خسرت ابنها ،تجي سعدية تعيرها أنها خلفت بنت، عارف يا رامي حورية خاسرة فيهم

رامي: عندك حق يا ماما، ديما يهونها و هي تسكت من غير رد

ام رامي: ياريت كانت دعاء ربعها، بس يلا نصيبك و نصيبي.

رامي: تصبحي على خير يا ماما

ام رامي: و انت من اهله

////////////

دخل رامي شقتها، و قعد بزهق و هو يقول: من اول الحمل و هي قاعدة عند امها ،ولدت و قالت بعد السبوع ،خلص السبوع قالت خليني شوية كمان و لا كأنها متجوزة، طيب ما حورية اهي.

سندس رأسه على الكرسي و كلم نفسه: انا ازاي اعمل كده، ازاي ابص عليها، انا شخص وطي.

و افتكر الحكاية بدأت ازاي

///////////

فلاش باك

في اول جواز دعاء و رامي

رامي: دعاء

دعاء: نعم يا حبيبي

رامي: انا وحيد على تلات بنات و ابويا متوفي ،عايزك تحكي امي و اخواتي في عينك

ردت بزهق: أن شاء الله

و في نفسها افتكرت كلام. امها: خلي بالك تكوني خادمة لحماتك ولادها ،خلي ليكي شخصية ، وخلي الكل يعملك الف حساب، انتي مش خادمة ليهم.

و مشيت دعاء على كلام امها، مش بتعمل حاجه لحماتها و مش بس كده كانت معاملتها معهم مش كويسة

///////(

في يوم اخوات رامي معزومين على الغداء زي العادة كل جمعة

في المطبخ

راندا : هي دعاء مبتعملش حاجة برضو

ام رامي ماجدة : يا بنتي انا مش عايزها تعمل حاجه إذا كان على الشغل ربنا يقدرني و بعمل

رحمة: يبقي تاكل فوق يا ماما، مش تنزل تاكل على الجاهز و تتطلع

ام رامي: انا كنت بعمل ليا و لا اخوكي قبل ما هي تجي مجتش عليها، بس نفسي معاملتها تكون حلوة معاكم..

ريم: ربنا يهديها،بس هي فعلا عملنا الاسود

دخلت دعاء على الجملة و زعقت فيهم: انا عملكم الاسود، و لا انتوا العمل الاسود في حياتي، كانت جوزة سودة على دماغكم، لا و عملينا فيها الطبيين ،و انتوا مياة من تحت تبن.

اتكلمت ماجدة بهدوء: يا بنتي افهمي كنا بنقول

دعاء: افهم ايه يا ولية يا خرفانة انتي

راندا: نهارك اسود يا دعاء

ريم : ينقطعك لسانك

قربت رحمة و مسكت دعاء من شعرها و اتلموا التلاتة بنات و نزلوا عليها ضرب.

نزل رامي جري من شقته لما سمع صوت صويت

بعد اخواته عن دعاء وقال: ايه الي حصل

دعاء: انت لسه بتسال ،مش شايف اخواتك عاملين فيا ايه

رحمة: بس لسانك اللي عايز قطعها

رامي بصوت عالي:مش عايز اسمع صوتك حد فيكم

و بص على امه و قال بهدوء: في ايه يا ماما

حكت ماجدة كل حاجه حصلت و مخبتش حاجة

رامي: و انتي زعلانة ليه مش دي الحقيقة ، معاملتك زفت مع الكل، و تنزلي تأكلي و تطلعي ،و توصل قلة الاداب انك تغلطي في امي.

دعاء: رامي انا

رامي: مسك أيدها و قال: تعالي معي

دعاء: على فين

ماجدة: رايح فين يا رامي

رحمة: يارب نخلص منك يا دعاء

ماجدة : مش عايزنا تخرب بيت اخوكي

راندا: يا ماما هو مخروب فعلا ،تفتكري اللي زي دعاء تعمر بيت

رامي خد دعاء و هي عاملة تعيط و هي قاعدة جنبه في العربية ،لحد ما وصول بيت اهلها، خبط الباب ،فتحت سعدية، قال رامي بكل هدوء: بنتك عندك علشان انا اللي تغلط في امي متلزمنيش ،انتي طالق يا دعاء.

و مشي رامي بكل هدوء ،و الهدوء ده طبعه

//////////

رجع رامي البيت

ماجدة: عملت ايه يا رامي فين مراتك

رامي : طلقتها

رحمة: عملت الصح

راندا: لول الملامة كنت زغرطت

ريم: انا بقى ازغرط دي غمة و انزحت..

///////////

عدى شهرين و ناس كتير من طرف دعاء عملوا محاولات للرجوع بس رامي كان رافض و اللي ضغطت عليه يرجع دعاء هي أمه

و رجعت دعاء و طبعها زي ما هو و فاكرة أنها كده تعمل الصح، لحد ما. صلت رامي يكرها.

//////////

عدت الايام و الشهور و اتجوز رياض حورية و ظهر الفرق بينها و بين دعاء، لاحظ رامي أنها مطيعة و تحترم اهل رياض و كانت شيلة البيت مش زي دعاء اللي مش بتعمل اي حاجه ،رامي شاف في حورية اللي مش موجود في دعاء،زي الهدوء و الصوت الوطي و الادب و الاخلاق و إضافة أن حورية بنت صغيرة و اجمل من دعاء، وقع في فخ حب مستحيل ،و دخل دومة جلد الذات ازاي هو يعمل كده و أنه كده خاين الأمانة و مش محترم البيت اللي دخله

رجع رامي من ذكرياته و كلم نفسه بتأنيب ضمير: مفيش مبرار يا رامي انك تحبها ،أنت غلطان و عملت ذنب كبير.

/////////////

بعد اسبوع رامي يوميا يزور دعاء اللي مصممة تفضل عند امها...

و حورية امها قعدت معها اسبوع و بعدين مشيت

و دعاء كانت مستنية أن ام حورية تمشي..

//////////

في شقة سعدية

دعاء: بقولك يا ماما

سعدية: نعم

دعاء: احنا لازم نخلي محمد و جنة اخوات

سعدية: احنا هنكدب الكدبة و نصدقها ما هما اخوات

دعاء: انا عارفة أنهم اخوات بس لازم نخليهم اخوات قدم الكل علشان العيال تكبر و يعرفوا أنهم اخوات و فرصة أنهم يحبوا بعض و كده تكون مرفوضة

سعدية: كلامك صح، دي تبقي مصيبة لو جه اليوم اللي نلاقي الاخوات حبوا بعض.

دعاء: علشان كده لازم حورية ترضع محمد

سعدية: طيب نقولها ايه علشان متسغربش.

دعاء بهدوء: عادي يا ماما ،ستات كتير مش بينزل لها لبن ،انا هقولك تقولي ايه بالحرف.

///////////////////////////

طلعت سعدية عند حورية و معها محمد

خبطت الباب ،فتحت حورية: اتفضلي يا طنط

دخلت سعدية و قعدت و هي بتقول: انا ليا عندك طلب

حورية: خير يا ماما

سعدية: محمد عايش على اللبن صناعي ،و انتي عارفة أن مفيش زي لبن الأم ،و الود جاه بعد شوقة، فأنا خايفة عليه بزيادة.

حورية: انا فهمت قصدك يا طنط و موافقة طبعا.

سعدية: بنت أصول يا حورية

حورية: عارفة يا ماما أنا بحس احساس غريب ناحية محمد.

سعدية بتوتر: ما انتي مرات خاله يعني في مقام أمه.

حورية: عندك حقك

سعدية : و مش ناوية تنزلي تشوفي شغل البيت، و كلنا ولادنا معملتش زيك

حورية: زي اللي هي مين معلش، انا طول شهور الحمل و لحد يوم الولادة و انا بعمل شغل البيت، كل اللي قعدته اسبوعين

سعدية: و كده كفاية

حورية: حاضر، هات محمد

حورية خدت محمد من سعدية و هي نزلت، حورية بصت على وشه و قالت::انا فرحانة اوي كده هتكون ابني بجد، مش عارفة ليه بحبك يا محمد و بحس في حاجة تربطني بيك.

حطت محمد على الكنبة جنب جنة و بقت تتأمل في ملاحهم بشدة ،و اتكلمت : سبحان الله نفس الشبه بينكم ،مش معقول كل الاطفال يبقي كده ،حتي ريحتك حي ريحة جنة، انت مين؟ انا ازاي بحبك للدرجة دي و أنت أمك دعاء.

مسكت موبايلها و فتحت جوجل و بحثت معلومات عن التؤام المنفصل, ملقتش معلومة تفيدها، حاولت تقاوم احساس ملوش صحة من الأساس

دخل رياض ،سال بتعجب: انتي قاعدة كده ليه

حورية: تعال كده يا رض

قرب منها و قال: خير

حورية: بص كده مش محمد و جنة نفس الشكل

رياض بعصية: ما قولنا كل الاطفال نفس الشكل، انتي عايزة ايه يا حورية

حورية بحزن : مش عايزة حاجة ، انا بس واحدة قلبها محروق على ابنها

زعق رياض: يا شيخة كرهنني في نفسي، انتي مش اول واحدة ابنها يموت ، اسني بقي و بلاش نكد.

حورية: انا ليه حاسة أن موت ابنك مش فارق معك

رياض: فارق بس مش زيك ، حضري الاكل بسرعة

حورية: حاضر.

///////////

تاني يوم نزلت حورية مع بنتها علشان تشوف شغل البيت

كانت حورية في المطبخ تحضر الغداء و جنة بتعيط.

خرجت من المطبخ و كان المشهد صادم بالنسبة لها، لما لقت سعدية شايلة محمد ودعاء تاكل طبق فاكهة و ماسكة تلفيون و جنة بتعيط، شالت جنة و قالت: هو محدش فيكم يسكت جنة ليه

محدش رد عليها، اتكلمت تاني: خدي البنت يا دعاء على ما خلص الغداء.

دعاء ببرود: عندي صداع

حورية: طنط ادي محمد ل دعاء و شيلي البنت

سعدية: انتي غبيبة ما بتقولك عندها صداع

حورية: خالص انا اسكت بنتي و أن شاء الله الغداء ما تعمل.

سعدية: و هناكل ايه

حورية: و انا المطلوب مني اعمل ايه

سعدية: ما تسبيها تعيط ،هيجرا ايه يعني

حورية: لا طبعا انا أشيل بنتي و مش مهم حاجة تانية

دعاء: مش عارفة عاملة حوار ليه كنا قاعدين مرتاحين و بعدين لو كنتي جبتي الود ،كنتي

حورية: الحمد لله أن ربنا كرمني و البنت زي الولد عند الناس الطبيعية

سعدية: انا تعبت من الكلام معاكي جهزي الاكل رياض زمانه جاي.

حورية: و انا احضر الاكل ازاي و البنت بتعيط،حد فيكم يشيلها.

محدش رد عليها و للاسف هي في موافق صعب،رياض لو مقالش الاكل مش هيسكت.

دخلت المطبخ و هي شايلة بنتها وتعمل الغداء و تندب حظها: غبية يا حورية ،ضعيفة و جبانة و مش قادرة تقفي قدمهم، اعمل ايه لو رحت بيت اهلي ممكن يطلقني و ابقي مطلقة

و كنا المطلقة وصمة عار ،تقبل تعيش في ذل قصاد متقبش مطلقة.

خبط الباب، سعدية : تعالي افتحي الباب يا حورية

حورية: نهار اسود عليكي ولية،قاعدة هي و بنتها و انا و اخدمهم.

ندهت سعدية تانية خرجت بعصبية و قالت بصوت عالي: حرام عليكم فيا، يعني بعمل الاكل و انا شايلة جنة علشان محدش فيكم عايز يشيلها، كمان محدش قادر يفتح الباب و لازم حورية اللي تفتح.

محدش فيهم اهتم بكلامها عارفين انها تتكلم على الفاضي

فتحت الباب و اللي سمع كلامها كان اللي يتمناه يكون مكان رياض و هو يخليها تعيش ملكة.

حورية: اهلا يا ابو محمد اتفضل

قالت كده و دخلت المطبخ

دعاء عارفة أنه سمع كلام حورية علشان كده قالت::مش قولتك يا ماما هاتي جنة حورية

سعدية: ماشي، تعالي يا رامي

رامي: ناوية تجي معي و لا

دعاء::معلش لسه تعبانة

رامي: احسن برضو

و مشي رامي

.دعاء::استنا يا رامي

سعدية: اسكتي خليه يمشي احسن

/////////////

في شقة رياض، حورية حكت ل رياض على اللي حصل النهاردة و كان رده زي العادة، امي و اختي اهم عندي من اي حد.

كانت قاعدة حزينة على. نفسها وابنها و بنتها و كل حاجه ،و فجأة وصلت رسالة على تلفيونها : عاملة ايه

الرقم كان مش مستجل ،بعت مين؟

وصل الرد: حد حاسس بكل حاجة صعبة تمر بيها و نفسه يكون جنبك

ابتسامة خرجت منها لما قرات الرسالة ، حتي جوزها مش حاسس بيها و لا حاول يبان لها أنه زعلان على ابنهم اللي ماتت

وصلت رسالة تانية: في كلمة محبوسة و لازم تطلع، انا بحبك.

خرجت من الشات و عملت حظر بس منقدرش تنكر أنها مبسوطة سمعت كلام مانونفسها تسمعه من رياض.

///////////

أما رامي اللي شايف ان اتحول من شخص ناضج لمراهق و بقي ماشي وراء الشيطان،

ضحك على نفسه و قال: و ايه يعني لما أكلمها في التلفيون انا مش بشوفه و هي مش عارفة أنا مين، يبقي عادي مش حرام اتكلم معها يمكن تتفضض معي علشان ترتاح ،كاني دكتور نفسي.

بعت لها رسالة كمان بس من رقم تاني: انا عارف انك ست محترمة و ملكيش في الغلط ، كل حكاية اعتبرني دكتور نفساني و اتكلمي معي براحتك و انا هاسمعك.

شافت الرسالة و حست انها عايزة تتكلم ،قامت من مكانها ،دخلت الاوضة ،قعدت جنب رياض و قالت: رياض انا محتاجة اتكلم معك، ممكن تسمعني بهدوء

رياض: هتقولي ايه غير حاجات تافة زيك

نزلت دموعها و قالت: لا هتكلم عن ابني اللي مات

قام من مكانه زي اللي فرصته عقربة و قال: احنا مش نخلص من الكلام في الموضوع ده ،اول تولد عيل ميت، كفاية صداع بقي.

كان هيمشي من قدمها ،مسكت أيدها و قالت برجاء: خليك معي أنا خائفة ،و محتاجة وجودك.

شد أيده منها بعنف و خرج من الشفة، و لسه رامي مستمر في ارسال رسايل لها، بقي صوت الرسالة زي صوت عالي يدق في دماغها ، و تصرف رياض سهل طريق الشيطان أنه يوقع حورية في الغلط تحت مسمي و ايه يعني عادي لما تتكلم معه.

مسكت الموبايل و كانت الرسالة منوم لضميرها: بنت زيك عمرها ٢٠ سنة مشافتش في حياتها يوم حلو مع جوزها، صدقني أن عارف انك محترمة و ملكيش في الغلط ،العلاقة بينا هتكون مجرد فضض و بس.

و بعت رسالة تانية: انتي اسم على مسمى ،حورية و انتي حورية..

رسالة تانية: بحبك.

كل الكلمات دي خلت قلبها يدق زي الطبل، و نسيت كل حاجه ، عينها معلقه على الشاشة. عقلها يكرر الكلمات ، ابتسمت و قررت تخوض تجربة الفضضة و هي مجرد فضفضه.

رواية فؤاد قلبي الضائع الفصل الرابع

و بايد ترتعش كانت تحاول تكتب كلمة انا تعبانة ،بس فجأة فاقت على نفسها، و سابت التلفيون ، سمعت صوت وصول رسالة، لقت الحل أنه تخلص من التلفيون علشان هو ده طريق الشيطان، و فعلا مسكت التلفيون كسرته و تكسر معه اي ذرة ضعف كانت هتخليها ترتكب ذنب زي ده، و مفيش اي مبررا أنها تغلط.

///////

عند رامي

فاق على نفسه هو كمان ، مسح الشات و مسح الرقم، و استغفر ربنا كتير و طلب المغفرة والرحمة من ربنا ،و هو كمان اقتنع أن مفيش سبب علشان الإنسان يرتكب ذنب كبير زي ده،وكلم نفسه: منك لله يا دعاء،انتي السبب في اللي أنا فيه ،اتجوزتك عن حب و كل اللي طلبته منك تعاملي امي و اخواتي كويس، و انتي عملتي عكس كده، كانك دخلة حرب و عايزة تاخدني منهم، اتحملت ١٥ سنة من غير عيال و قولت ملكيش ذنب في كده، و في المقابل ملقتش تقدير منك، و دلوقتي مضطر أتحمل علشان ابني اللي لسه مولد.

//////(/(

رجع رياض من برة ، و كانت حورية تحط الخط في تلفيون صغير نوكيا، سال: بتعملي ايه

حورية: التلفيون اتكسر و بحط الخط هنا.

زعق بصوت عالي: ايه اتكسر، تلفيون بقد كده يتكسر من اهمالك.

قالت ببرود: و انت مضايق ليه التلفيون اللي انكسر من فلوس ابويا و التلفون ده برضو بفلوس ابويا، و انا متأكدة أنك مش هتجبلي غيره.

رياض: مش ابوكي فلوسه كتير ،خليه يجبلك

حورية: انا عايزة اروح بيت اهلي ارتاح شوية

رياض: و الهانم تعبان من ايه

حورية: سلامة النظر، الهانم تعبانة جسديا و نفسيا و محتاجة ارتاح

رياض: لا مفيش خروج من البيت

حورية: عندك حق ما انا لو خرجت مين اللي يخدم امك و اختك ، اختك من وقت الحمل و هي قاعدة هنا، متقولها ارجعي بيتك علشان جوزها

رياض: ملكش دعوة و خليكي في نفسك

حورية: و علشان نفسي انا محتاجة اروح بيت اهلي

زعق رياض و قال: و انا قولت لا

حورية: بس انا هروح.

شدها من أيديها بغضب و صرخ في وشها: لسانك بقي طويل، و بتكلمي كتير يا حورية ، و ده غلط .

زقتها بكل قوتها و صرخت: ايه الغلط اني اتكلم ده حقي ، انت ليه عامل كده

رياض: عامل ايه

حورية: انا مش فارقة معك و لا حتي بنتك ، انا مشوفتكش خدت بنتك في حضنك و لا مرة ، و ابنك اللي مات مزعلتش عليه.

اتكلم بصوت عالي: نفس الموضوع ابني اللي ماتت،اقفلي الموضوع بقي.

حورية بحزن: ياريت قلبي كان زيك، رياض عايز ازور ابني.

في نفس الوقت محمد عيط

رياض: تزروي فين

حورية بدموع ؛ في المقبرة ،هيكون فين

بص على محمد و قال: سكتي الود.

حورية بعصبية: هي اختك قاعدة هنا تعمل ايه،الاكل و الشرب يجوا لحد عندها و كمان ابنها طول الوقت معي، لو مشلولة مش هتعمل كده.

مردش عليها و دخل الاوضة.

قعدت بعصبية و قالت بصوت عالي: بطل عياط ، هو انت مش بتزهق من النكد ،فيك نفس جينات الحرباية امك، انا مليش دعوة بيك، امك اللي تخلي بالها منك، مش انا.

و شالت جنة اللي ساكتة و سابت محمد يعيط كعقاب أن ابن دعاء.

طلعت سعدية على صوت محمد، و قالت: الود بيعيط ليه؟

حورية: يمكن عايز امه اللي رميه ليل و نهار عندي

دخلت سعدية و قالت: الود جعان

حورية: معرفش

سعدية: اكلي الولد.

حورية: خلي أمه.

سعدية : انتي اتجنتي ولا ايه

حورية: اللي يعيش معكم لازم يتجنن.

سعدية: مالك يا حورية

حورية: تعبانة ،حورية تعبت منك و من بنتك و من ابنك

سعدية: الود الغبانة ذنبه، ربنا يهديكي يا حورية، شوفي محمد

حورية:نفسي يكون قلبي حجر زيك انتي و ولادك.

نزلت سعدية و حورية دخلت ،شالت محمد، و قالت: اعوذ بالله من الشيطان الرجيم، حقك عليا يا محمد،و أنت ذنبك ايه في اللي يحصل معي،أنا لازم اشوف حل في الدوامة اللي أنا فيها.

فكرت شوية و طلبت الدكتورة اللي كانت متابعة معها في الحمل:

_السلام عليكم

الدكتورة: و عليكم السلام ، عاملة ايه يا حورية

حورية::الحمد لله بخير، انا كنت عايزة أسأل حضرتك عن حاجة

الدكتورة: اتفضلي ،الولاد كويسين

حورية بحزن: الولاد ،قصدك البنت

الدكتورة بخوف: حصل حاجه ل الولد

حورية: انتي عارفة يا دكتورة أن الطفل نزل ميت.

الدكتورة: ايه الكلام الغريبة ده مين قالك كده

حورية باستغراب: يا دكتورة،من يوم الولادة و جوزي بلغني أن الطفل نزل ميت.

الدكتورة: حورية فهمني كل حاجه بالحرف.

حكت حورية عن اللي حصل

و احساسها أن محمد ابنها و اتفقت مع الدكتورة يعملوا تحليل DNA

الدكتورة: يبقي اتفقنا يا حورية خليكي هادئة خالص، و بكرة أن شاء الله هبعت ممرضة على أساس واحدة صحبتك،تاخد العينة منك و من محمد ، و لحد ما نتأكد خليكي هادئة

حورية بضياع: حاضر يا دكتورة.

و قفلت حورية و كلمت نفسها بجنون و ضياع:

انا هتجنن ازاي رياض يقدر يعمل فيا كده، و يضحي بابنه بالسهولة دي علشان أخته، اكيد احساسي كدب و محمد ابن دعاء

///////////

تاني يوم جت الممرضة و خدت العينات و في انتظار النتيجة.

رياض: مين اللي كانت هنا

حورية: واحدة صاحبتي ،اتعرفنا على بعض في متابعة الحمل

رياض: ماشي.

قالت حورية و هي مركزة في رياكشنات رياض: تخيل يا رياض لو ابننا كان عايش

رياض: هيحصل ايه يعني، بكرة نجيب غيره

حورية: تحس محمد في شبه من جنة

رد بكل ببرود قال: مش قرايب

حورية: انا حبيبت محمد اوي و مش عارفة لما دعاء تمشي أعمل ايه

رياض:هي دعاء مش هتمشي دلوقتي ، مش هتعرف تربي الطفل لوحدها

ضحكت بسخرية و قالت: دعاء اللي اكبر مني مش هتعرف، انا لما طلبت منك اروح عند ماما شوية رفضت, و كمان الاسبوع اللي ماما كانت معي فيا ،انت مكنتش متحمل وجودها.

رياض ببرود: انتي عارفة أن كلامك يضايقني.

وقام رياض دخل جوة و حورية بصت في ملامح محمد و قالت : انا متاكدة انك حتة مني ، لو فعلا هما سرقوك مني ،يبقي دول مش بشر دول شياطين...

///////////

تاني يوم صحي رامي على صوت رن التلفيون و كان رقم امه،الو يا ماما.

ام رامي: صباح الخير يا حبيبي

رامي: صباح النور، في حاجة

ام رامي: فوقا كده و انزل

رامي:حاضر

//////(((((

بعد شوية نزل رامي و كانت أخته رحمة موجودة مع ابنه

سال بخوف: مالك يا رحمة بتعيطي ليه؟

ام رامي: تعال معي يا أسر نحضر الفطار

أسر: حاضر

دخلت ام رامي المطبخ و معها أسر ابن رحمة اللي عنده ٦ سنين

رامي: في ايه يا رحمة

رحمة بدموع: أنا عايزة أطلق

رامي: ليه

نزلت دموعها و قالت : انا تعبت من العيشة مع راجل بخيل في الفلوس و المشاعر و معاملة سيئة، مش قادرة اتحمل تاني يا رامي...

رامي : و ليه كنتي ساكتة يا رحمة.

رحمة: اعمل ايه قولت استحمل علشان اعيش و علشان ابني.

رامي: خلني اتكلم مع مصطفي و ربنا يقدم اللي فيه الخير

رحمة: بس انا مش عايزة اكمل...

طبطب على كتفها و قال : هعملك اللي انتي عايزاه.

قامت و قالت: اشوف ماما

رن تلفيون رامي و كانت دعاء: ازيك يا دعاء

دعاء: الله يسلمك يا رامي، محدش بيشوفك ليه، مش عايز تشوفني انا و ابنك.

رامي: اخر مرة طلبت منك ترجعي البيت و قولتي لسه شوية، يبقي خليكي براحتك علشان انا مش ناوي اجي بيت أهلك تاني

زي ما حورية شافت أن طريق الشيطان التلفيون، كمان رامي شاف أن الأفضل ميروحش عند دعاء علشان ميشوفش حورية.

دعاء: ليه بس كده

رامي: هو كده ،انتي مش ناوية ترجعي، و لا لسه تعبانة

دعاء: أيوة تعبانة يا رامي

رامي: انا حاسس اني مش متجوز ،هو انتي اول واحدة تخلف، ما تشوفي مراتك اخوكي.

جزت على أسنانها بغضب و غيرة و قالت: انتي تقارني انا ب حورية

رامي: ياريتك زيها، على الأقل هي تحترم جوزها و اهله مش انتي.

دعاء بعصبية : تصدق انا غلطانة اني كلمتك.

رامي: انا اللي غلطان اني اتجوزتك، اخر مرة هطلب منك ،ترجعي البيت.

دعاء بعند: مش هرجع

قرر رامي يختبرها ،يمكن تقف جنبه و لو مرة، قال: ارجعي البيت يا دعاء، رحمة عندها مشكلة و احتمال تتطلق.

فرحت دعاء بخرب بيت رحمة و قالت: كان متوقع يا رامي ،اختك لسانها طويل

رامي: اختي اللي لسانها طويل برضو، بسال نفسي ازاي أتحملك ١٥ سنة.

دعاء: ليه كده يا رامي

رامي : مع السلامة

فكرت دعاء أن رامي قفل السكة ،اتكلمت بسعادة: شوفتي يا ماما، رحمة هتطلق.

سعدية: يألف بركة ، تستاهل كل شر.

سمع رامي كلامهم و لول ابنه كان طلقها حالا.

///////////////

و بعد حيرة و عذب ،ظهرت النتيجة ، اللي اثبت الحقيقة أن محمد ابن حورية و اتخطف منها.

//////////

كانت حورية تمشي في الشقة بجنون و مش عارفة تعمل ايه، و كلمت نفسها: طيب لو دعاء و سعدية يعملوا كده ،ازاي رياض يقبل بكده.

في الوقت ده سمعت صوت محمد يعيط من الاوضة ،جريت عليه، خدته في حضنها و هي منهارة: بس يا حبيبي انا ماما، انا أمك و أنت ابني حبيبي ،انا اسفة اني سبيتك ليهم انا مش عارفة ازاي اب يعمل كده، ده مجرم مش اب بس انا خالص هاخدك أنت و اختك و نمشي من هنا.

حطت الولد على السرير و قامت تحضر شنطتها، و رنت على اخوها::ازيك يا عماد

عماد: الحمد لله ،عاملة ايه

حورية: عماد تعال خدني

عماد بخوف: في حاجة

خافت حورية تقوله حاجة دلوقتي علشان الطريق، فقالت: لا يا حبيبي انا بس عايزة اقضي عندكم كام يوم، و لا مليش مكان من بعد الجواز

عماد: انتي عبيطة،البيت بيتك ،بس جوزك موافق.

حورية: أيوة

عماد: مسافة الطريق و اكون عندك

حورية: بسرعة علشان انتوا وحشتوني اوي

عماد: حاضر.

قفلت مع عماد ،و قالت: انا مينفعش استنا عماد هنا، لازم احاول اهرب من البيت قبل ما يعرفوا اني عرفت، ممكن استنا في أي مطعم او كافية أو حتي الشارع احسن من هنا.

بصت على الولاد و الشنطة و مش عارفة تمشي ازاي فقالت:مش مهم الشنطة ،المهم اهرب من هنا.

كانت مرعوبة منهم،يعرفوا و يمنعوها تخرج من البيت

و قبل ما تتحرك سمعت باب الشقة يتقفل، انتفضت من الخوف

رياض: حورية، حورية

دخل الاوضة، و قال: مش بتردي ليه

حورية: معلش مش سامعة

رياض: طيب هاتي محمد أنزله لامه.

حورية: لا خليه معي.

رياض: دعاء عايزة ابنها

حورية مقدرتش تكتم جواها و صرخت : محمد ابني انا و انت و امك و اختك سرقتوا ابني مني يا عيلة زبالة.

وشه جاب الوان و قال: بتقولي ايه يا حورية

حورية بعصبية: بقول الحقيقة مش هي دي الحقيقة

خرج رياض من غير رد و خرجت حورية وراءه و صرخت: انت تعمل كده يا رياض ،في أب يعمل كده ،رد عليا

رياض قعد على الكرسي رن على سعدية و قال: اطلعي يا ماما

حورية بدموع: عايز ايه من امك

رياض: أيوة محمد ابننا و مفيش حاجة لما اساعد اختي

صرخت حورية: انت مجنون ،تساعد اختك انك تديها ابنك و هي تكتبه باسمها ،دي مصيبة كبيرة و اختلط انساب.

في الوقت ده دخلت سعدية بالمفتاح و قالت: صوتك عالي ليه يا حورية

حورية: انتي أم ،ازاي تعملي فيا كده

سعدية : و علشان انا ام، عملت كده علشان مصلحة بنتي.

حورية : مصلحة بنتك على حسابي

سعدية:على حساب اي حد

حورية: قولتي المفيد و انا ولادي مش هفرط فيهم و محمد ابني انا ،يا شيخة ده من جبروتك تعيرني اني خلفت بنت و بنتك خلفت ولد اللي هو ابني

سعدية: من غير كلام كتير الود ابن دعاء

حورية: الود ابني انا و مش هفرط فيها.

/////////////

عودة

كملت حورية: ضربت رياض بالسكين علشان يخرج من الشقة هو و امه،،، انا بستجند بالشرطة ،انا قفلة الشقة عليا و مرعوبة على ولادي خايفة يكسروا الباب و بقول ل رامي جوز دعاء مراتك و امها و اخوها ضحكوا عليك، يا جماعة ياريت الجيران يجوا ينقذوني انا بجد مرعوبة

و نشرت الفيديو اللي انتشر بشكل كبير

////////

في شقة سعدية

دعاء بدموع: يعني ايه هتسرق ابني مني

بص رياض باستغراب و قال: ابنك ،هو ابنها و احنا سرقينوا

سعدية : جرا يا راجل هتضحك عليك و تمشي وراها

رياض: انا طول الوقت ماشي وراكي، تفتكري انا عملت الصح

سعدية: اومال انا هضرك

دعاء بصوت عالي: انا عايزة ابني

سعدية: متعمليش في نفسك كده، ابنك ها يبات في حضنك

قامت دعاء و قالت: انا هطلع اجيب ابني بنفسي.

طلعت دعاء و سعدية و رياض وراها، تخبط دعاء و تقول: افتحي يا حورية عايزة ابني.

حورية واقفة في الصالة و مرعوبة منهم

بصت دعاء على رياض و قالت بأمر: أكسر الباب

و نفذ رياض الامر كالعادة.

دعاء بشر: هقتلك يا حورية و اخد ابني منك

و اتلموا التلاتة عليها و يضربوا فيها بكل غل و حقد،و كأنها هي المذنبة أنها عايزة تاخد ابنها....

رواية فؤاد قلبي الضائع الفصل الخامس

كسروا الباب عليها و زقها رياض على الارض و نزلوا عليها ضرب بكل غل و حقد.

بس دي أم زي النمر المجروح ،فجاة ظهرت عليها قوة غريبة ، زقت سعدية و بعدين مسكت دعاء، و هي بتصرخ: سرقتي ابني مني و خلتني خادمة عندك.

جزت حورية على أسنانها بشكل يخوف، حتي رياض و سعدية خافوا كأنهم شايفين زومبي مش بشر،خةؤية عضت دعاء بكل غل من وشها، مبعدتش عنها غير لما حست بالدم.

رياض بخوف من الدم اللي حوالينا بوقها،قال: كفاية يا حورية، كفاية.

صرخت حورية: مش كفاية

و بعدت عن دعاء و قالت: كنت باستغراب أن ازاي واحدة تهين حماتها اللي المفروض في مقام امها، بس لكل فعل ردة فعل.

و قلعت حورية الشبشب و مشيت في اتحاة حماتها و قالت: لما انتي عارفة انك مخلفة عيل مش راجل، هزتي طولك ليه و طلبتي ايدي لابنك، كان المفروض تعرفني اني اتجوز حتة عيل.

خلصت جملتها و نزلت على سعدية بالضرب ،و كل ده رياض واقف بتفرج و ده مش غريبة عليه لأنه جبان و ديما ماشي وراء امه و اخته مش متعود يعمل حاجة لوحده، علشان كده هو عاجز، و الاهم شكل حورية يرعب اي حد .

خلصت من سعدية و واقفت قدم رياض و قالت بابتسامه: اظن مفيش كلام أقوله تاني، اصل هي معروفة انت مش راجل ، حتي العيال ارجل منك.

نهت كلامها و ضربته بالقلم.

و فجأة سمعوا صوت قدم باب البيت: أخرج يا رياض يا خسيس يللي بعت ابنك لأختك المجنونة و امك الحرامية، أخرج

كانوا الجيران اللي اتجمعوا على بيت رياض

رياض بخوف: يا نهار اسود الناس دي عرفت منين

حورية: مني اصل نشرت فيديو على الفيس

رياض: ليه كده يا حورية، خدي محمد و خالص

حورية: خلصت روحك يا بعيد.

و فجأة ظهر صوت البوليس،اللي كسروا الباب اللي تحت و طلع البوليس شقة حورية.

///////

رامي كان جاي في الطريق مع أخته رحمة

///////////

في قسم الشرطة

حورية قالت بهدوء: خالص يا ماما متقليش الجيران موجودين و كمان البوليس وصل

ام حورية: مش لو كنتي متجوزة قريبة مني كنت زماني وصلت لعندك

حورية: خلاص يا ماما مش وقته و عماد موجود معي

خد عماد التلفيون و قال: متخافيش عليها يا ماما

ام حورية بدموع: خلي بالك من اختك و ولادها

عماد: حاضر يا ماما.

قفل عماد

كان رامي قاعد ساكت و مذهول و مش بيتكلم

رحمة: أحمد ربنا أن الحقيقة اتكشفت بدري قبل ما الولد يكبر و تتعلق بيه اكتر

رامي: و مين قالك اني متعلقتش بيه.

رحمة: ينتقم ربنا من دعاء بنت سعدية.

قربت حورية من رامي اللي كان صعبان عليها،ان بعد سنين بقي اب و فجأة اتخطف منه الحلم.

حورية: انا عايزة اقولك

و سكتت حورية هي مش عارفة تقوله ايه..

رامي بحزن: عندك حق يا ام

كان هيقولها ام جنة ،بس سكت و قال: عندك حق يا ام محمد محمد ،مفيش حاجة تتقال في الموقف ده.

عدى وقت و كان يتحقق مع سعدية و رياض و دعاء و التلاتة حالوا ينكروا اللي حصل.

///////////(

خرجت حورية من غرفة التحقيق

سال عماد: عملتي ايه

حورية: بكرة هيتعمل تحليل DNA ليا و لمحمد.

عماد : طيب تعالي نقعد في فندق على ما كل الاجراءت تخلص

رامي : فندق ايه بس يا عماد و البيت موجود

عماد: تشكر يا رامي

رامي: دي مش عزومة ،حورية تقعد مع أمي و رحمة في البيت و انا و انت نروح اوتيل

عماد: لا معلش خليك في بيتك

رحمة: يا استاذ عماد حورية محتاجة حد يكون معها علشان الولاد و احنا اهل

و فعلا رحت حورية مع رحمة و رامي مع عماد في فندق

و الفترة دي قربت حورية من رحمة جدا و كمان عماد و رامي بقوا أصحاب.

و بعد التحقيقات اتحبس رياض و سعدية و دعاء، بتهمة الخطف و تزوير اورق رسمية و رامي طلق دعاء ، و حورية رجعت بيت اهلها مع اولادها بعد ما اتطلقت من رياض و تم تغير شهادة ميلاد محمد.

///(((((((((/

بعد خمس شهور

في اوضة حورية، دخلت امها و قالت: حورية رامي عايزك برة

حورية: رامي مين

ام حورية: اللي كان جوز المخفيه دعاء

حورية باستغراب : و ده عايز ايه

ام حورية: مش عارفة اخرجي و شوفي

/////////////

خرجت حورية و هي مستغرب وجود رامي

حورية: ازيك يا أستاذ رامي

رامي : الله يسلمك يا ام محمد

حورية: منور بور سعيد

رامي: منورة بأهلها

حورية:: ايه السر الزيارة دي

رامي : عايز اتجوزك

حورية: ايه الطلب الغريب ده

رامي: ما غريب الا الشيطان

حورية: انا بتكلم بجد، انا و انت نتجوز ازاي و ليه

رامي: ازاي، على سنة الله ورسوله ، ليه مش هكدب عليكي، انا اللي عملته دعاء حارق قلبي و عايز احرق قلبها و قلبهم و مفيش حاجة تحرق قلبهم اكتر من أن انا و انتي نتجوز.

حورية: انا مش عايزة انتقم من حد ،عايزة اعيش ل ولادي و بس.

بس رامي قال:

رواية فؤاد قلبي الضائع الفصل السادس

مشي رامي بعد ما طلب من حورية الجواز، و كانت قاعدة حورية محتارة من وقت ما مشي من عندهم، دخلت امها و قالت:مالك يا حورية

حورية: مستغربة من طلب رامي

قعدت جنبها و قالت: عايزة أسألك حاجة

حورية: اتفضلي

ام حورية: عمرك شوفتي حاجة غريبة من رامي

بصت باستغراب و سالت: حاجة غريبة ازاي،قصدك ايه

: قصدي في معاملته معاكي

فكرت حورية شوية و بعدين قالت: لا يا ماما كانت معاملتي معي عادي

: و ايه رايك في رامي ما شخص

= راجل محترم و عارف ربنا عمره ما غلط في دعاء قدمنا، ابن أصول و استحمل ١٥ سنة من غير اولاد

: طيب ما هو كويس اهو

= اكيد لا يا ماما

: ليه بس

= اولا انا مش هتجوز تاني

: انتي هبلة يا حور انتي لسه صغيرة اللي قدك متجوزش.

= لسه صغيرة بس اتجوزت و خلفت و أطلقت كفاية كده،رياض و أهله كرهوني في الناس، و الاهم انا عايزة ابعد عن العيلة دي

: أن جيتي لحق رامي مش من العيلة و قطع علاقته بيهم، انتي اللي هتفضلي مربوطة بيهم العمر كله

= مع الاسف هيفضلوا اهل ولادي ،بس تفتكري لو اتجوزت رامي هما هيستكوا

: محدش لو عندك حاجة، انا شخصيا من الكام مرة اللي شوفت فيهم رامي، حسيت انه راجل و يعتمد عليه و كمان امه طيبة، و عماد يشكر فيه في اليومين بتوع التحقيق

= و أمه و اخواته البنات طبيبن اوي

: يبقي فكري كويس و صلي صلاة استخارة و ربنا يقدم اللي فيا الخير.

//////////////

عدى شهر و طول الشهر ده رامي على نار أن محدش بعتت له الرد سوء بالرفض أو القبول

في شقة أم رامي

رحمة: الشاي يا رامي..

مردش عليها و مش مركز

رحمة بصوت عالي: الشاي يا رامي

رد بعصبية: صوتك يا بنتي

قعدت و هي بتضحك : اصلك في عالم تاني

بص عليها من غير رد

رحمة: وصلت لحد فين

رامي: بور سعيد

رحمة: انت واقع اوي كده

رامي: اوي اوي

رحمة: لا افهم بقي، انا عارفة انك متجوز دعاء على حب ،ازاي بقي بتحب حورية

رامي : كلامك صح اتجوزت دعاء عن حب، بس انتي عارفة كانت بتعاملكم و تعاملني انا شخصيا ازاي ، كانت ديما رافعة راسها علينا كأنها من عالم تاني و قولت أتحمل يمكن تتغير، بس لا حياة لمن تنادي، لم عرفت انها مش بتخلف صعبت عليا و اتمسكت بيها ، و بعد كل ده هي مش مقدرة، صوت عالي و عمرها ما ضحكت في وش حد فيكم، غصب عني يا رحمة لما بقيت اروح عندهم و اشوف معاملة حورية ليهم و قد ايه تحترم الكل حسيت قلبي اتعلق بيها، انا بحبها اوي و نفسي توفق

رحمة: يارب توفق هي تطول تجوز اخويا القمر انتوا الاتنين هتكونوا العوض لبعض.

رامي: يسمع منك ربنا و انا اشيلها هي و عيالها فوق راسي، اعمل اي حاجه علشان تكون مبسوطة.

رحمة: خليها دعوة في صلاتك و انا كمان و أن شاء الله ربنا يقرب البعيد

رامي: يارب، بس الموضوع سر بينا

رحمة: في بئر يا قلب اختك

رامي: سيبك مني انتي عاملة ايه

رحمة: الحمد لله ،مبسوطة من بعد الطلاق

رامي: و أسر

رحمة: في قمة سعادته علشان بعدما عن خناق كل يوم

رامي: ربنا يعوضك

//////////////(((

بعد شهرين و لسه رامي مستني

أما حورية كانوا أهلها موفقين على رامي ، و هي رغم أنها رافضة مبدأ الجواز لكن جوها صوت يقول وفقي، و كان ده ترتيب ربنا و دعوات رامي و رحمة

////////////

في شقة أم رامي

كان مجتمع رامي على السفرة مع أمه وأخواته البنات

رن التلفيون و اول ما شافت الرقم قلبه ارتعش ،كان عماد و اتوقع رامي أن اكيد هيقوله أن حورية رفضت ،قام من على السفرة علشان مش متوقع ردة فعلا تكون ايه لما يسمع الخبر ، و خاف على شكله قدم أخواته

قفل على نفسه الاوضة بتاعه

و رد بصوت خايف: الو

عماد: السلام عليكم

رامي : و عليكم السلام

عماد: عامل ايه

رامي: الحمد لله

عماد: انا عارف أننا اتاخرنا في الرد بس الموضوع مش سهل.

غمض رامي عيونه بحزن و يحاول يستعد علشان يسمع الجملة اللي تكسر قلبه، كمل عماد كلامه و قال: احنا يشرفنا نسبك يا رامي، حدد معاد و تعاله مع عيلتك علشان نتكلم في التفاصيل

رامي بعدم فهم : مش فاهم

عماد: ايه الصعب في كلامي ،بقولك احنا موافقين عليك

رامي بصوت عالي: بجد يا عماد حورية وافقت

ضحك عماد و قال: أيوة بجد

رامي: طيب اجي امت، دلوقتي لو تحب

عماد: لا خليها بكرة

رامي: من النجمة هتكون عندكم

عماد: تنورها، مع السلامة

و قفل رامي و سجد شكر لله أنه سمع دعواته و خرج فرح أهله.

////////

أما في بيت حورية ،كان عماد فاتح الاسكيبر و قال مستغرب من فرحة رامي ،بس مع الاستغراب في راحة نفسية.

////////(

قبل صلاة الفجر بساعة و ما اجمل هذا الوقت، لقاء العبد مع ربه، كانت حورية تنجي ربها،ترفع يديها و تلح بالدعاء : يارب ،يارب انت أعلم بالغيب،انا مش عارفة ده قرار صح او غلط ،بس انا حاسة قلبي مرتاح، يارب يكون رامي هو الأب المناسب لأولادي ،يارب ما اندم في المستقبل ،او يجي عليا وقت اكون أم ظالمة.

////////

في نفس الوقت كان رامي في الجامع: اللهم أني أشهدك أن حورية ولادها يكونوا تاج على راسي و احميها من كل شر، يارب قدرني تكون زوج و اب كويس...

/////((((

تاني يوم

سافر رامي مع اهلها و تم الاتفاق بكل سهولة من غير اي مشاكل، و قال رامي من ضمن الاتفاق، أنه يجهز شقة جديد ل حورية غير شقة دعاء و يجيب لها كل حاجه جديدة، و ابو حورية قال إنه هجيب لبنته كل حاجه كأنها عروسة لأول مرة

القعدة كانت مريح للكل، كان ينقصها أن حورية تقبل تقعد مع رامي لوحدهم بس هي رفضت

///////

و بدا رامي في تجهيز الشقة كأنه عريس جديد

و اهل حورية يتعاملوا معها كأنها عروسة جديدة.

و كده عدى سنة كاملة.

و النهاردة يوم كتب الكتاب

في بيت ابو حورية كان الحضور مختصر على. رامي و اخواته و ازواج اخواته و ولادهم، و صديق عمره( ادهم اللي كان طول الوقت مركز مع رحمة)

و اهل حورية و كام حد من الجيران.

و تم كتب الكتاب و رامي حاسس أنه ماسك السماء في أيده.

في اوضة الصالون

كان رامي مستني حورية تخرج و تحن عليه ، خلطة خفيفة على الباب و بعدها طالت بالابيض، فستان بسيط و حجاب يزيدها جمال، و بصوت راقي قالت: السلام عليكم ورحمه الله وبركاته

قام وقف و قال: و عليكم السلام ورحمه الله وبركاته

مد أيده ليها، مدت أيدها برعشة علشان تسلم عليه ، أما هو باس أيدها و بعدين راسها، و قلبها يرتعش من السعادة و هي جسمها كلها ينتفض من الخوف و المسوف، بعدت بتوتر و قعدت بعيد عنه، ضحك و قال: ليه البعد

بلعت ريقها بتوتر و قالت: عايزة اقولك حاجه قبل ما اسافر معك على القاهرة

قعد و قال: اتفضلي.

: ولادي.

اكتفت بالكلمة و سكتت،هو فهم كل حاجه و كمل بهدوء: ولادك هما ولادي، انا عارف انتي مرتي با ايه، و عمري ما اجي عليكي، انا عندي بدل الاخت تلاتة و اللي مرضش يحصل في واحدة فيهم مرضش يحصل لبنات الناس،ولادك في عيني و قلبي.

ابتسمت حورية و قالت: و انا اوعدك اشيل امك و اخواتك فوق راسي

رامي: انا واثق من كده.

حورية: بص بقي انا شايفة أننا نشيل من دماغنا فكرة الانتقام دي، انا شايفة أن علاقتنا مشيت ببركة ربنا ،يبقي خليها بداية جديدة

رامي: انا كمان شايف كده.

و كمل لنفسه: انا قولت انتقام علشان توفقي، بس انا اتجوزتك علشان بحبك اكتر من روحي، نفسي اعرفك اني بحبك بس خايف انزل من نظرك لما تعرف اني كنت ابص عليكي ،بس يعلم ربنا كنت يجاهد نفسي ازاي ..

//////////////////

يوم كتب الكتاب بليل ،سافر رامي و اهله و معاهم حورية ولادها للقاهرة.

///////

وصلوا البيت و اخوان رامي عاملوا هيصة قدم البيت و طبعا ناس فرحانه من قلبها من غير ما تشغل دماغها ليه و ازاي، و في ناس تانية قالت إن ازاي يتجوزه يبقي كان بينهم علاقة من زمان و ناس الشيطان صور لهم أن ولاد حورية ابوهم رامي مش رياض، و كمان الضحايا في القصة هما رياض و دعاء مش حورية اللي ابنها اتخطف.

////////////

في البيت

ام رامي: نورتي يا بنتي

حورية: بنورك

ريم: بصي بقي اعتبرني اخواتك و رامي لو فكر يزعلك ،رن واحدة و نكون عندك.

رامي: طلعي نفسك منها و هي تعمر

ريم: اخس عليك يا رامي

ام رامي::خد عروستك و ولادك و اطلعوا الشقة

قد ايه جملة ام رامي طمنت قلبها على ولادها.

رامي: حاضر يا امي..

خد رامي محمد من رحمة،و خدت حورية جنة من ريم و طلع رامي و هي وراءه.

///////////

في الشقة

رامي: سيبي العيال معي و ادخلي خدي غيري

: هتخلي بالك منها

= متخافيش مباكلش اطفال

: مش قصدي على فكرة

= بهزر معاكي

دخلت حورية الاوضة و الغريبة أنها اول مرة تشوف الشقة بس حاسة براحة و كانها مولدة هنا، خدت هدوم و دخلت الحمام.

و رامي قلع الجاكيت و قعد على الأرض قدم العيال، و يلعب معاهم.

حورية خرجت من الحمام و قضت الصلاة و خرجت لقت رامي بيلعب مع العيال و كان هما يضحكوا، قالت: شكلهم خدوا عليك

رامي: احنا اصحاب انا و هما الافضل ليكي متدخليش بينا.

قعدت جنبه على الأرض و قالت: علم و ينفذ.

بص عليها بإعجاب و حب، و نفسه يعترف أنه بيحبه بس خايف ، قالت بكسوف: قوم غير هدومك و انا احضر الاكل

رامي: لا خليكي معاهم لما أخرج اجهز انا الاكل

و دخل رامي الحمام ،و يكلم نفسه: اعقل يا رامي انا لو قولت انك بتحبها هتنزل من نظرها و هيكون عندها حق ،انا ما رعيتش حرمت البيت.

/////////////

حضرت حورية الاكل و قبل ما ياكلوا اتفتح العيال في العياط، جريوا الاتنين في نفس الوقت ،شال رامي محمد و حورية جنة

رامي:شكلهم جعانين

حورية: لا ده الطبيعي ،طالما اكل او او انام يعملوا كده.

رامي: طيب هاتي جنة و كلي انتي و بعدين ابدل معاكي

حورية: كل انت الاول

رامي: هاتي بس

و قضوا رامي و حورية طول الليل مع الاولاد و حس رامي بمشاعر كان محروم منها.

////////////

تاني يوم

في السجن

دعاء: خير ايه سبب الزيارة دي

: عندي ليكي خبر من العيار الثقيل

= ايه هو

: رامي و حورية اتجوز امبارح

صرخت دعاء بصدمة: بتقولي ايه ،انتي متأكدة

= انا كنت حاضرة كل حاجه

دعاء بصوت عالي: طيب يا اختي غوري من وشي

////////

في الزنزانة

سعدية: انتي متأكدة

دعاء: أيوة يا ماما، بعد اللي عملوا فين و خطفهم ل ابني اتجوزه، اصل انا مش مستغربة

سعدية: قصدك ايه

دعاء: قصدي أن رامي و حورية بينهم علاقة من زمان و احنا مش حاسين، و لما انت عرفت هدوني بالقتل

سعدية بغضب: نهارهم اسود الاتنين ،كل ده حصل انت و ازاي.

و مش هيكون صعب على شيطانية زي دعاء تخترع مواقف من دماغهم جمعت بين حورية و رامي، و اكيد كلها موافق غير أخلاقية و تخالف الدين

سعدية كانت مصدومة فيهم فعلا ازاي قدروا يعملوا كده من غير ما حد يكشفهم، قالت: و العمل يا دعاء

دعاء: هنتقم لنفسي و لا اخويا

سعدية: ناوية على ايه تاني مش كفاية اللي احنا فيه

دعاء بعصبية: لو هاخد اعدام بس لازم اقتل حورية واحرق قلب رامي عليها الاول .

قامت من جنب سعدية و رحت على كبيرة السجن و قالت: خدي كل الفلوس اللي انتي عايزاه بس كلمي حد من رجالتك اللي برة يخلصي مهمة صغيرة

: ايه هي

= عايزة اقتل واحدة مغلولة منها

: سهلة بس تكلف كتير

= مش مهم الفلوس،المهم اخلص منها

: قولي كل المعلومات عنها

و أفقت دعاء مع مجرمة على قتل حورية

رواية فؤاد قلبي الضائع الفصل السابع

و اتفقت دعاء بكل دم بارد على قتل حورية و هي مقتنعة أن محمد ابنها و أن حورية سرقت منها جوزها و ابنها و سعادتها..

////////

في شقة أم رامي

كانت حورية نزلت من بدري نظفت البيت و حضرت الفطار

ام رامي: في عروسة تصحي بدري كده

ضحكت حورية و قالت: انا منامتش دقيقة من امبارح

: ليه يا حبيبتي اوعي يكون رامي زعلك.

= لا، العيال طول الليل صاحين

: هما العيال كده في السن ده، بس برضو بدل متنزلي كنتي نامتي جنب ولادك

= انا قولت انزل أشوفك محتاجة حاجه

: متحرمش منك، بس حورية انا مش عايزة منك حاجه ربنا يديني الصحة و اعمل، و انتي ربنا يعينك على بيتك و جوزك و ولادك.

= قصدك أني مش هكون قاعدة معلمي هنا و ناكل مع بعض

: لا يا حبيبتي

= ليه كده بس

: علشان تكوني براحتك

= و انا اكون مرتاحة لما تأكلي لوحدك

: انا متعودة على كده من زمان و كمان دلوقتي معي رحمة و ابنها.

= ده كان زمان،رامي ابنك الوحيد مش معقول الخدمه منك ،احنا عيلة و أن شاء الله مفيش حاجه تفرق بيننا.

ضحكت ام رامي من غير كلام، و افتكرت أن شرط دعاء انها متعملش حاجة في البيت و كانت طول الوقت في شقتها و تنزل على الاكل بس.

بعد شوية

نزل رامي و اتجمعوا كلهم على غداء من عمايل حورية.

راندا: تسلم ايدك يا حورية الاكل جميل

حورية: بالهنا و الشفا على قلبكم.

رحمة: خلصي غدا و سيبي العيال معانا و اطلعي نامي.

حورية: انا متعودة على كده و مش تعبانة.

ريم: تكوني خايفة على ولادك مننا.

حورية: ليه بتقولي كده يا ريم انا عارفة انكم ولاد أصول و عارفين ربنا من زمان .

ام رامي( ماجدة) و انتي بنت أصول يا حورية و اللي شوفتيه كان صعب.

رامي مجرد أنها تفتكر الماضي حاس بالغيرة أنها تفتكر رياض، فقال: الماضي رح و بلاش نتكلم فيه.

ضحك اخواته التلاتة على غيرته

قال بعصبية: خلاص منك ليه، ريم و راندا ناوين تمشوا امت.

راندا: أنت زهقت مننا.

رامي: اوي

ريم: إذا كان كده فاحنا على قلبك.

رحمة: انا بقي مقدرش تقولي حاجة

رامي بهزر: للاسف

حورية: ليه كده يا رامي ، اخواتك البنات منورين الدنيا كلها.

رحمة: مرات اخويا الأصيلة

كانوا ياكلوا و هما مبسوطين و مرتاحين و كأنهم متعودين على بعض،صحيح كان في روابط بينهم من زمان بس العلاقة بين حورية و رامي و اهله كانت محدودة جدا.

بعد الاكل

كانت طالعة حورية الشقة تنام زي ما طلبوا منها، خرج رامي وراها ،و قال: حورية

: نعم.

= انعم الله عليكي يا حور، كنت عايز اشكرك

: على ايه.

= على كل حاجه

: مش فاهمة قصدك

= كلامك الطيب مع أمي و اخواتي و أكلك الجميل ،روحك الحلوة اللي مالت البيت

: انا معملتش حاجة

= بالنسبة لكي معملتيش حاجه ،اما بالنسبة ليا عملتي كتير اوي.

باس أيدها و قال: شكرا يا حور.

و دخل الشقة، و هي مصدومة في تصرفاته و شايفها أنه يتعدى حدوده معها، طلعت حورية و هي فعلا شايفة أن واجب عليها تعامل أهل جوزها بطريقة كويسة.

//////////

عدت أيام و في شخص ال ٢٤ ساعة مراقبة بيت رامي و مستني فرصة يخلص على حورية،بس هي مخرجتش من البيت و لا مرة.

أما حورية علاقتها مع رامي و اهله فوق الممتاز، و فعلا الاتنين كانوا عوض لبعض، لكن الجواز لم يكتمل و ده كان طلب حورية اللي قالت محتاجة وقت، و رامي قبل طلبها.

//////////

في مكتب رامي.

رامي: خير يا ادهم عايز ايه.

ادهم: مقابلتك زي الزفت ليه كده

ضحك رامي و قال: ده مقامك اخلص بقي عندي شغل.

ادهم بدون مقدمات: انا عايز اتجوز

: و حد قالك اني خاطبة

= حاجة زي كده، من الاخر عايز اتجوز اختك رحمة.

رامي بعصبية: نهارك اسود و انت تعرف اختي منين

ادهم بخوف: هي مرة واحدة يوم كتب كتابك و علقت معي.

رامي: انت عارف ظروف رحمة

ادهم: عارف و أنت كمان عارف ظروفي، و اظن ظروفنا مناسبة لبعض.

رامي: مش عارف يا أدهم ،بيني و بينك خايف اختي تكرر التجربة مرة كمان.

ادهم: اختك لسه صغيرة و من حقها تعيش.

رامي: خلاص اكلمها و ارد عليك

ادهم: ماشي يا ابو نسب

: لسه مش ابو نسب

ادهم بغرور: انت تطول اصلا.

رن تلفيون رامي و كانت حورية ،ابتسم اول ما شافت الاسم و عيونه نورت، و رد بصوت هادي: السلام عليكم يا حور .

حورية: و عليكم السلام ،ماما قالت اكلم علشان تجيب شوية طلبات و انت جاي

رامي: من عيني

حورية: تسلم ،اكتب عندك.

ادهم : في اختراع اسمه واتس كانت بعتت اللى عايزاه جو قديم الكتابة ده.

رامي: و انت مالك ،غور يا ادهم من هنا.

سمعت حورية كلام أدهم و اتكسفت علشان هي كانت عايزة تسمع صوته علشان كده كلمته.

رامي: حورية روحتي فين

حورية::انا هنا

رامي: ده ادهم صاحبي، كان جاي عايزني في موضوع

حورية: ماشي انا هقفل عايز حاجه

هي مش عايزة تقفل و هو مش عايزها تقفل و ملقش موضوع يتكلم فيها غير طلب ادهم، فقال::استني.

فرحت أنها مش هتقفل المكالمة، و حكي لها عن ادهم و طلب متقولش لحد..

ادهم اللي لسه قاعد: خلصت يا عم روميو

رامي بعصبية: انت لسه قاعد ،يا ابني امشي بقي.

ادهم : براحة يا عم..

//////////

كانت رحمة في المطبخ دخل رامي و قال: رحمة تعالي عايزك.

خرجت رحمة و قالت: نعم يا رامي .

: عايز اتكلم معاكي و اسمعني لآخر

= طالما دي البداية يبقي عريس صح

ام رامي: اسمعي للآخر يا بنتي

رحمة: حاضر

رامي : ايوه صح يا رحمة، انتي لسه صغيرة

رحمة بحزن :لسه صغيرة بس اتجوزت و خلفت و أطلقت هي الحياة عندي انتهت لحد كده

ضحكت حورية لأنها قالت نفس الجملة و كأنا الطلاق للست نهاية الدنيا.

رامي بهدوء: متقوليش كده يا حبيبتي ،الحياة لسه قدمك، و انتي لازم تبدي من جديد

منار: ابدا مع ابني، هو ينفع اجيب ل اسر جوز ام يعذب فيهم، إذا كان ابوه مش حنين عليا و مسألش عليا و للمرة من سعت الطلاق..

حست حورية أن حياة رحمة شبه حياتها حتي رياض مكانش حنين على ولاده، بس في فترة صغيرة شافت حنينة من رامي ل ولادها ما شفتها من ابوهم نفسه.

كمل رامي : متخافيش من الحتة دي خالص ،علشان ده واحد نفسه في ضفر عيل، و أنا واثق في أخلاقه.

رحمة: هو مين يا رامي

رامي : ادهم، واحد صاحبي و حالته المادية كويسة جدا، كان متجوز قبل كده و عاش مع مراته خمس سنين و بعدين اتطلقوا بسبب انه عنده عقم ،فهو مشتاق للاطفال و طبيعي هيكون حنين على ولادك

رحمة بخوف من تجربة جديدة: رامي انا مبسوطة كده و مش عايزة اتجوز

رامي : بصي يا ستي هو يجي هنا و اتكلمي معها و بعدين قولي رايك.

رحمة: حاضر

/////(/((

بعد يومين

في اوضة الصالون

ادهم: انا مش عارف رامي قالك عني ايه، انا اعرفك على نفسي، انا ادهم عز، من أسرة متوسطة و بنيت نفسي من الصفر لحد ما بقيت صاحب شركات، اتجوزت بنت عمي بعد قصة حب ، ربنا ما أردش اني اخلف فأنا عرضت عليها تشوف نفسها و حصل الطلاق، شوفتك في كتب كتاب رامي و الحقيقة خطفتي قلبي من اول نظرة.

رحمة: حب من اول نظرة، هو في حب اصلا.

ضحك ادهم و قال: اكيد في حب ، يمكن كان اختيارك غلط اول مرة

رحمة : مش هكذب عليك انا بين نارين ،بين اني ابتدي حياتي من جديد و بين أن ممكن ابني يتظلم معي.

ادهم: من حقك تعيشي انتي لسه ٢٥ سنة في بداية عمرك، على فكرة أنا ٤٠ سنة يعني فرق السن بينا كبير

رحمة : مش بيان عليك خالص

ضحك ادهم و قال: أنا عارف أني قمر.

رحمة بصت على الأرض بكسوف و خجل

و كمل ادهم: انك تخافي على ابنك مني اكيد ده مش هيحصل علشان انا محروم من النعمة دي و أن شاء الله اعامل ابنك زي ابني، انا شايف أننا مناسبين لبعض.

رحمة: هفكر و ارد عليك

ادهم: انتي لسه هتفكري انا عريس لقطة

ضحكت رحمة من غير رد.

///////////

و فعلا تم القبول و اتفقوا على وقت يجيب ليها شبكة و اللي عمله رامي مع حورية و اتعامل معها كأنها عروسة جديدة، اترد مع أخته و اتعاملت كأنها عروسة لأول مرة

///(((

في شقة رامي

سال رامي: يعني ايه مش جاية

حورية: يعني مش جاية

رامي: ليه يا حورية

حورية: محمد سخن خليني هنا على ما تجوا.

رامي:ازاي يا حورية اسيبك في البيت لوحدك

حورية: اكيد مش هتخطف

رامي: أنا مش هكون مطمن و انتي و الولاد هنا لوحدهم.

قالت بدون انتباه: ليه كل الخوف ده يا رياض.

و غمضت عيونها مجرد نطق الاسم ،اما هو كأن سكينة غرزت في قلبه،و قال بكل هدوء: تمام يا حورية براحتك.

و أتحرك من قدمها ،مشيت وراءه و هو بتقول رامي لو سمحت استنا، غصب عني، انا اسفة رامي.

رامي فتح باب و قبل ما يخرج بص لها و قال: عادي مش زعلان منك ،حقك تتلغبطي في أسمي،هو كان جوزك و هيفضل ابو ولادك أما أنا مجرد زوج على الورق.

و قفل باب الشقة و نزل

و هي قالت بحزن: انا غيبة.

و خرج رامي و كل العيلة و فضلت حورية في البيت لوحدها و اخيرا جت الفرصة للقاتل.

بص حواليه كانت المنطقة هادية ،مكنش صعب عليه يفتح اي باب، دخل البيت بكل هدوء و هو مرتاح، و يطلع على السلم و هو عارف أن الضحية موجودة في الدور التالت ، وصل لحد باب الشقة، ،فتح الباب من غير خوف، هو شخص محترف ليه يخاف من واحدة ست و طفلين، بص بحذر مكنتش موجودة في الصالة، بدأ بخطوات هادئة يفتش في الشقة، لحد ما لقاها في اوضة النوم، بتصلي ، مشي بهدوء و وقفوا وراها.

خلصت حورية الصلاة، قامت وقفت بتبص في المرايا اللي قدمها لقت انعكاس لشخص غريب و مخفيف، و ابتسامة مرعبة و يقول: تقبل الله.

توسعت عيونها بصدمة و هي متجمدة مكانها ،مش عارفة تعمل ايه، حاجتين جاهم على دماغها،خايفة على ولادها، و ياريتها سمعت كلام رامي

بلعت ريقها بتوتر و سالت: انت مين وعايز ايه.

رد ببرود: انا مين ميخصكش، عايز ايه ، مدفوع فيكي فلوس كتير.

نزلت دموعها و قالت: مين عايز يخلص مني ،انا عمري ما إذيت حد، لو سمحت بلاش تاذني.

ضحك بصوت عالي و قال: انا مش بتأثر بالدموع انا بنفذ المطلوب بالخرف.

و طلع السكينة و هجم عليها.

رواية فؤاد قلبي الضائع الفصل الثامن

في محل المجوهرات

كانت الكل مشغول و مركز مع رحمة الا رامي اللي واقف و مش طايق نفسه، و باله مشغول ب حورية، و هينفجر من الغضب أنها غلطت في اسمه و نطقت أسم رياض...

قرب ادهم منه و سال : مالك

رامي: مفيش حاجه

ادهم بهزر: شكلك مش طايق نفسك ليكون حد غصبك توافق عليا

رامي بعصبية:انا فعلا مش طايق نفسي، خلصوا خلينا نمشي

ضحك ادهم و قال: علشان كده، المدام وحشتك

رامي: احترام نفسك، و سبني في حالي

ادهم: اسفينا يا كبير...

/////////

عند حورية

: للاسف وقتك خلص و النهاردة أخر يوم ليكي في الدنيا..

عند الجملة بطلت تفكر في ولادها أو اي شخص ،شالت الدنيا من حسابها بقت تفكر في الاخره، هي واقفة بصمت تاما، بس مخها مش مبطل تفكير،كلام كتير يدور في عقلها: هموت النهاردة على طول كده، طيب انا عايزة فرصة تاتية، انا فاكرة ان عدى عليا ايام بكسل عن الصلاة، و لسه عليا ايام عايزاه اصومه ، و القران مش فاكرة اخر مرة فتحت المصحف و قرات فيه، انا هموت مقتولة يا تري دي حسن خاتمه أو سوء خاتمة، لما روحي تتطلع ،هشوف مقعدي في الجنة أو لا.

حطت ايديها على قلبها و قالت: و القبر،اه من القبر، لما الكل يمشي و انا هفضل لوحدي في الضلمة انا بخاف من الضلمة اوي ، انا مش عايزة اموت أنا هاخد فرصة تانية علشان كل وقت ضيعته استغلوا في العبادة..

فاقت على. صوت المجر,,م و هو يقول: وصلتي لحد فين؟

نزلت دموع غزيرة و قالت: لو سمحت ،لو سمحت انا مش عايزة اموت أنا خائفة من الموت، عقاب من حساب ربنا، انا بحب لقاء ربنا ، بس خايفة من نتيجة الامتحان خايفة و محتاج وقت استعدد، بلاش تموتني.

متاثرش من دموعها أو كلامها عن الموت و الحساب، رد ببرود: قولتلك انا جاي في مهمة و لازم انفذ.

: بس أنا مش عايزة اموت

ضحك باستهزاء و هجم عليها

/////////////

في سجن الرجال

كان قاعد رياض مع شوية مجرمين و يحكوا ليهم عن الظلم اللي اتعرضله من مراته و جوز أخته.

: معقول في ناس تعمل كده

رياض بتأثر: و اوسخ من كده، بقولك مراتي كانت على علاقة بجوز اختي و انا و اختي واثقين فيهم ثقة عمياء و ياريت على قد كده، دول اتفقوا علينا علشان نترمي في السجن

: مراتك و جوز اختك يستاهلوا القتل.

رياض: نفسي اطلع من هنا علشان اغسل عاري بايدي و لو اخد اعدام مش هزعل.

: سهلة، في محامي شاطر اهم حاجة عنده الفلوس و يقدر يطلعك منها زي الشعرة من العجين

رياض: ادفع اللي وراء و قدمي علشان انتقم من حورية

و كلم نفسه بغضب: لازم اقتلك بايدي يا حورية، بقي تجوزي رامي ،يبقي كلام دعاء صح كان في بينكم علاقة و انتي مراتي.

دعاء وصلت لرياض على علاقة رامي و حورية و مقلتش أنها ناوية تقتل حورية

/////////////////////

عند رامي اللي اخواته و الكل لاحظ أنه مضايق و عارفين ان زعلان علشان حورية مش معه فطلبوا منه يرجع البيت على ما يخلصوا، و هو ما صدق و جري على البيت و كان قلبه حاسس ان في حاجة هيحصل...

/////////////////////

عند حورية هجم عليها ،لكن هي جريت من قدمه ،خرجت من اوضة و دخلت المطبخ ،ابتسم بسخرية و مشي بكل هدوء و كأنه مش خايف يتمسك.

وقف في نص الصالة و قال: هتيجي لوحدك أو اخلص على ولادك

في الوقت ده محمد عيط خرجت بسرعة،و هنا بدأت تتكلم عن غريزة البقاء و حب الحياة و قالت: برجاء: أنا مش عايزة اموت، ليه مش عايز تفهم، حرام عليك خلني اخلص اللي عليا ، سبيني اعيش علشان خاطر ولادي، ابوهم شبه ميت ،مش حرام يعيشوا من غير أب و ام و هما لسه صغيرين ، حتي بقالي كام يوم مكلمتش ماما ممكن تكون زعلانة متي، كنت مخططة اعمل حاجات كتير في فرح رحمة، و كمان ناويت اعتراف ل رامي بحبي ليه، انا لسه صغيرة و عايزة اعيش حياتي.

قرب منها بكل هدوء ، و الحقيقة كل خطوة كانت تقربه هو من الموت علشان ورقته هو اللى وقعته مش حورية، هو وصل للمحطة، ظن أنها بنت ضعيفة و لوحدها و جريمة كاملة و سهلة، بس غريزة البقاء عند حورية كانت اقوي، اول ما وقف قدمه، طلعت ايديها من وراء ضهرها و غرزت السكينة في قلبه،، علشان يموت في لحظته ،يموت على معصية..

في نفس اللحظة فتح رامي الباب و شاف المشهد.

بصت على رامي و قالت بانهيار: انا قتلته،انا قتله.

جري رامي عليها، و حضنها و من غير ما يسال، مين؟ و ليه، قال بهدوء: هوش ،اسكتي خالص، انا اللي قتلته مش انتي

حورية: لا أنا.

رامي: بقولك انا.

مسح بصمات حورية من على السكينة و حط بصماته هو و بلغ البوليس ،و بعده بلغ ادهم علشان يرجعوا البيت..

و على ما البوليس وصل حكت حورية اللي حصل له رامي

////////////

في التحقيق

الظابط: ايه اللي حصل

رامي بثبات: انا رجعت البيت سمعت صربخ مراتي، طلعت بسرعة لقت المجني عليه يحاول يتعدى عليها، بهدف السرقة، حصل خناق بيني و بينه و جبت سكينة من المطبخ و ضربته دفاعا عن النفس

الظابط: عرفت منين أن بهدف السرقة

رامي: لما بلغت البوليس و لفيت في الشقة لقيت الدولاب مبتهدل ،زي ما الشرطة جت و عينت.

الظابط: بتشك أن في علاقة بين مراتك و المجني عليه

رامي: لا يا فندم ده واحد مجرم.

الظابط: انت قولت أن كل العيلة خرجت من البيت الا مراتك ،ايه السبب

رامي: محمد ابننا كانت تعبان.

الظابط: عندك اقوال تانية

رامي: لا

الظابط: حبس ١٥ يوم على ذمة التحقيق و تحويل الجثة للطب الشرعي لمعرفة سبب و ساعة الوفاة، و ارسل فريق البحث الجنائي للشقة، و استدعاء مدام حورية للتحقيق.

رامي بخوف: ليه يا فندم حورية انا معترف

الظابط: لازم نحقق معه.

/////////

كان مستني برة ادهم و ام رامي

اول ما رامي خرج قال: حورية فين يا ماما

ام رامي: في البيت و اخواتك معها، طمني عليك

رامي: الحمد لله

ادهم: متخافش انا كلمت أكبر محامي علشان يطلعك منها.

رامي: ادهم خدي أمي و ارجع و وجودكم هنا ملوش لازمة.

ماجدة بدموع: انا هفضل معاك.

رامي: ملوش لازمة يا ماما.

///////////

في سجن الستات

دعاء بصدمة : حورية لسه عايشه و اخوكي اللي مات.

ضربتها بالقلم و قالت: اخويا عمره ما فشل في عملية، الا العملية النحس دي،انا هقت،،لك علشان نار تبرد.

و زقتها على الأرض و طلعت آلة حادة و بكل جبروت تتقطع في وشها.

مسعدة بتصوت بس مش عارفه توصل ل بنتها من المساجين اللي واقفين..

رواية فؤاد قلبي الضائع الفصل التاسع

في مستشفى السجن

صرخات دعاء ترن في المكان، لما الدكتور بلغها أن وشها تشو،،هه تماما، و خسرت جمالها و بقت مجرد مسخ..

////////

في نفس الوقت سعدية محبوسة في زنزا،نة و حتي مش قادرة تروح لبنتها و تكون جنبها ،و ياريت فهمت و عرفت انهم غلطانين ، لا لسه شايفة أن حورية السبب علشان اخدت إبنها من دعاء.

///////////

وصل الخبر ل رياض، و اتصدم و هو كمان متاكد ان السبب رامي و حورية و لازم ينتقم لنفسه و لأخته.

////////////////

رامي نزل الحجز في قسم الشرطة و قلبه و عقله مشغولين ب حورية، يكلم نفسه: ياريت عاملة ايه يا حورية دلوقتي ، أنا متاكد أنك منهارة ، هوني على نفسك يا حبيبتي انا معاكي و مش هخلي حاجة تاذيكي حتي لو على موتي..

حط ايده على قلبه، و تنهيدة شقت صدره و قال: بحبك اوي يا حورية، انا معنديش مشكلة لو هموت، طلبي الوحيد اعتراف ليكي بمشاعري، بحبك يا اجمل حاجه في عيني..

//////////

في شقة أم رامي

كانت قاعدة حورية و ماسكة ولادها الاتنين في حضنها، و اخوات رامي و أمه حواليها ،و هي منهارة حرفيا ،قالت رحمة بحزن: كفاية عياط يا حورية علشان ولادك.

مردتش عليه و تعيط اكتر.

ام رامي: هوني على نفسك يا حبيبتي

حورية: انا عايزة اشوف رامي

راندا: بكرة أن شاء الله اول ما يطلع النهار نروح القسم

حورية برفض: لا عايزة اروح دلوقتي

ريم::الوقت متاخر اوي

عيطت اكتر و قالت: لو سمحتوا ،عايز اشوف جوزي.

ريم: خالص يا ماما أنا هاخدها انا و محمود جوزي و نروح سوا.

أم رامي: طالما حورية عايزة كده يبقي ماشي...

/////////////////

وصلت حورية قسم الشرطة، و بصعوبة وافق الظابط يخرج رامي من الحبس،اول ما ظهر قدم حورية،قلبها دق بسرعة، و بدون تفكير أو خجل ،جريت عليه و حضتنه ،و اكيد هو مصدوم و لكن فرحان، طبطب عليها بحنان و قال بنبرة حنونة: متعيطيش يا حور ، انا كويس

قالت بانهيار: انا اسفة ،انا السبب في اللي انت فيه، انا المجرمة مش أنت.

بعد عنها و حط ايده على بوقها و قال: اسكتي متلكميش خالص

هزت راسها بالرفض و قالت: لا مش هسكت انا هعترف بالحقيقة

زعق بصوت عالي و قال: اسكتي يا حورية.

عيطت و بعدت عنه بحزن،كانوا وافقين في جنب لوحدهم و محدش سمع كلامهم، هو مشي سلم على أخته و جوز أخته،و يتكلم معاهم و هي واقفة في جنب تعيط

ريم: رامي شوف حور دي مش مبطلة عياط.

بص عليها و مشي ناحيتها، العسكري قال: كفاية كده..

رامي: ثانية واحدة.

مشي ناحيتها و قال بندم: انا اسف.

نزلت دموعها و قالت: انا اللي اسفة، رامي انا خايفة اوي.

باس أيدها و قال: متخافيش انا معاكي ،انا هعمل المستحيل علشانك ،أنا بحبك من زمان يا حورية.

بصت في عيونه و قالت: من زمان يعني ايه

ضحك و قال: حكاية طويلة مش وقته.

للمرة التانية اتخلت عن الخجل و حطت راسها على صدره و قالت: رامي أنا عارفة أن ده مش الوقت المناسب ،بس لازم أقولك أني بحبك..

توسعت عيونه بصدمة و سال: بتقولي ايه

قالت تاني: بحبك

شاور على نفسه و قال: بتحبني انا، أنتي متاكدة.

حركت رأسها بنعم،و هو قال بصوت عالي: و أنا بحبك يا قلب و عقل رامي

سالت حورية: هو أنت هتخرج من هنا أمت.

رامي: الله واعلم

العسكري : كفاية كده..

و خد رامي و مشي و النظرات بينه و بين حورية مليان حزن..

أول ما غاب عن عينها،قالت ل العسكري: لو سمحت عايزة اقابل الظابط

ريم: عايزة الظابط ليه.

حورية: أنا لازم اقول الحقيقة

ريم شدت ايديها و قالت: بلاش جنان يا حورية، يلا نرجع البيت علشان ولادك، و زي ما رامي قالك اقفلي على الموضوع.

بصت حورية ل ريم باستغراب و سالت: انا مش عارفة انتوا ازاي كده ، عارفين أن أنا المجر،،مة و مع ذلك ساكتين و مش مضايقين أن اخوكم في السجن

ريم: اولا واثقين أن ربنا عادل و الموضوع هيتحل باذن الله،ثانيا انتي كمان اختنا و عارفين أنك مظلومة و شوفتي كتير.

حورية: و علشان انا جربت الظلم مش عايزة حد يتظلم، سيبني يا ريم اريح ضميري.و دخلت حورية للظابط و حكت كل حاجه بالحرف، و الظابط طلب رامي

لما رامي شاف ريم و جوزها لسه موجودين و حورية مش معاهم ،فهم هي عملت ايه.

دخل المكتب، و قال: بتعملي ايه هنا.

الظابط: اقعد يا رامي

قعد رامي قصاد حورية و هي بتبص على الأرض، قال الظابط: اسمع يا رامي، انا عرفت الحقيقة

رامي: الحقيقة اني القاتل

الظابط: مدام حورية هي اللي ارتكبت الجر،،يمة

رامي: انا معترف

الظابط: انت ليه خايف، القضية هتحول من سبق و اصرار، إلى

فاع عن النفس ، من الأفضل أن التهمة تتوجه ل مدام حورية.

رامي: لو سمحت يا فندم، زي ما هي حكت لحضرتك ده دفاع عن النفس ، ياريت تقف معانا.

///////////

و عدى كام يوم و طلع تقرير الطب الشرعي و البحث الجنائي و تفريغ كاميرات المراقبة و اثبت فعلا أن الجريمة دفاع عن النفس.

//////////

رجعت حورية البيت مع رامي و الاتنين سعادتهم لا توصف.

كان في انتظارهم أهل حورية و اهل رامي، و بعد شوية طلع رامي مع حورية و الاولاد.

رامي: شكرا على كل حاجة عملته معي.

ضحك رامي و قال: مفيش شكر بينا ،انتي مراتي وحمايتك واجب عليا..

حورية: ياريت كل الناس كانت زيك..

رامي: الأصح أن ياريت كل الناس زيك انتي، بس سيبك من الكلام اللي ملوش لازمة ده،فكرني كده قولتي ايه و انا في القسم

ضحكت و قالت: مش فاكرة حاجة.

رامي: بقي كده

حورية: هو كده ، فكرني انت قولت ايه بقي.

رامي: طالما انتي مش فاكرة ،انا كمان مش فاكر.

قالت نفس كلامه: بقي كده.

رد عليها بنفس ردها: هو كده..

حورية: احنا هنمشيه كده.

رامي::لا اقول أنا، انا قولت اني بحبك و من زمان.

: ازاي من زمان ،مش فاهمة..

أخذ نفس وقال: هعرفك كل حاجه بس بلاش انزل من نظرك.

حورية: اتكلم.

: انتي عارفة شخصية دعاء و تعاملها مع اهلي كان وحش ،و غصب عني بقيت اقارن بينك و بينها، و قد ايه أنتي محترمة و هادئة و طيبة، وقعت في حبك ،و عملت غلطة كبيرة، بعت ليكي رسائل على التلفيون ،بس فوقت بعدها و قررت امنع الزيارات ،علشان ابطل أشوفك و انساكي، انا عارف اني غلطان و مفيش اي مبرر اعمل كده، حتي لو دعاء مش كويسة ،الشيطان سيطر عليا في الوقت ده .

حورية:حتي انا الشيطان سيطر عليا و خوفت اقع في الغلط علشان كده كسرت التلفيون ، لانه هو مدخل الشيطان.

حضن كف أيدها و قال: حورية خلينا نسنى الماضي بكل حاجه و نبدا من جديد.

حورية: بس أنا عايزة أعرف مين اللي بعت الحرامي ده.

: قولت بلاش نتكلم في الماضي، خلينا نبدأ من جديد، حورية انا بحبك و اتمني اكمل حياتي معاكي.

ابتسمت و قالت : و انا بحبك اوي اوي، و حياتي بقت احلى و انت فيها.

طلع خاتم من جيبه و قال: قلبي هيقف و أنا بسمع الاعتراف ده.

لبسها الخاتم، قالت: بعد الشر على عليك، الخاتم جميل اوي، بس ايه المناسبة.

رامي: اني بحبك.

حورية: و أنا كمان.

///////////

في السجن

ماتت دعاء و الخبر وصل ل سعدية و رياض و كان صدمة كبيرة ليهم.

/////////

عدى اسبوع

و حياة رامي و حورية كانت جميلة و هادية..

و شاف رامي الفرق بين دعاء و بين حورية، كمان حورية عرفت الفرق بين الراجل الحقيقي عن المسخ،لكن دائما الرياح تأتي بما لا تشتهي السفن و في ناس السعادة تبقي مش مكتوبة عليهم، و من ضمن الناس هما رامي و حورية..

//////////

: الموضوع سهل ،برشا،،مة واحدة و كل مشاكلك تتحل.

= انتي مجنونة اعمل كده ازي دي فيها مو،،ت

: متخافيش اوي كده، انا جنبك و مش هيحصل حاجه

= انا لا يمكن اعمل كده، و اعمل كده ليه اصل.

: براحتك بقي هو ده حل مشكلتك ،او خليكي كده.

بايد مرتعشة مسكت البر،،شامة و تبص عليه و حاسة بالض،،ياع

رواية فؤاد قلبي الضائع الفصل العاشر

في سجن النساء

واحدة من المساجين قالت : الموضوع سهل ،برشا،،مة واحدة و كل مشاكلك تتحل.

سعدية بصدمة = انتي مجنونة اعمل كده ازي دي فيها مو،،ت

رشا : متخافيش اوي كده، انا جنبك و مش هيحصل حاجه

= انا لا يمكن اعمل كده، و اعمل كده ليه اصل.

رشا:'لو عملتي كده يقدر المحامي بتاعك يقدم طلب عفو صحي، تخرجي من هنا و تكملي حياتك..

سعدية بخوف: لا أنا اخاف اعمل كده احسن اموت.

رشا : براحتك بقي هو ده حل مشكلتك ،او خليكي كده.

بايد مرتعشة مسكت البر،،شامة و تبص عليه و حاسة بالض،،ياع و قالت: يعني ده رايك.

رشا: امشي وراءي و مش هتخسري

خدت سعدية البر،،شام و قدمها هدف واحد تخرج من السجن و تنتقم من حورية و رامي.

أما رشا ابتسم بشر أول ما سعدية خدت البرشامة

و كان الموضوع أن اختك المجرم اللي حاول يقتل حورية ،حبتت تاخد بالطار و تق،تل سعدية قصاد اخوها.

انتقلت سعدية في حاله حرجه ، و الدكاترة بلغها أن البرشام اللي خدته محدش ليعيش بعد ما ياخده و قرار تزود ذنوبها اكتر قالت: حضرتك الظابط التي برئ انا و المرحومة دعاء اللي عملنا كل حاجة ،رياض مظلوم يا باشا هو عمل كده علشان خاطري .

و ماتت سعدية ،بعد ما تعذبت من الالم ،و لو عذاب الدنيا قليل فا عذاب الآخرة أشد

و باعتراف سعدية رياض طلع برائة..

////////////

راجع رامي من الشغل ،و بيدور على بعينه في كل الشقة، ضحكت رحمة و قالت: مش هنا

رامي بإحراج: هو أنا اتكلمت.

رحمة: يعني مش بتدور على حورية

رامي: لا ،بس هي فين

رحمة: فوق طلعت تغير ل الأولاد.

قام من مكانه و طلع الشقة بسرعة.

///////////

في اوضة النوم

كانت حورية تلعب مع الاولاد.

دخل رامي و قال: السلام عليكم ورحمه الله وبركاته

ابتسمت حورية و قالت: و عليكم السلام ورحمه الله وبركاته

قعد على السرير و سال: بتعملوا ايه

حورية: مش بتعمل حاجه ، رامي ممكن اطلب منك طلب

رامي: اتفضلي طبعا.

حورية: عايزة اسافر زيارة لاهلي.

رامي: طيب ايه رايك نخلي الزيارة دي بعد فرح رحمة

حورية:ادهم حدد المعاد

رامي: أيوة ادهم مستعجل على الجواز،ان شاء الله بعد اسبوعين..

: ربنا يتمم بخير ،رحمة طيبة و تستاهل كل خير.

= رحمة بس اللي طيبة، و اخو رحمة

: ماله اخو رحمة ده حبيبي.

ضحكت و قال: لو حد كان قالي أن هيجي يوم و تكوني ليا، عمري ما كنت صدقت.

حورية: طبيعي احنا علاقتنا غريبة شوية

رامي: انا بحبك اوي يا حورية

حورية: انا اكتر.

////////////////

فتح رياض باب البيت و بص على البيت المهجور و افتكر امه و اخته و قال: انا لازم انتقم منكم على دمار حياتي.

خبط على الباب و قال بغضب: بقي تسبني انا علشان رامي، اولا حاجة أعمله أرقب البيت بتاع رامي، و اخطف العيال و احرق قلبها عليهم.

//////////////

بعد ثلاث ايام ،جاه الوقت المناسب ل رياض، علشان ينتقم من حورية..

////////////

خبط باب البيت الكبير ،خرجت حورية تفتح، انصدمت لما لقت رياض قدمه، بلعت ريقها بتوتر و قالت : رياض.

ضربها بالقلم بقوة و قال بغضب:أيوة رياض يا خا،،ينة.

و زقها على الارض ،و دخل قفل الباب، خرجت ام رامي و هي بتصرخ: انت بتعمل ايه هنا يا وط،ي.

و زقته على بره، بس هو زقها هي كمان.

حورية بغضب : تنقطع ايدك يا عر،ة الرجالة.

بص عليها بغضب، و قرب منها و ضربها بغل و حقد، و كل ما ام رامي تحاول تبعده عنها، يضربها هي كمان، و للاسف مفيش غيرهم هما الاتنين و العيال.

الاتنين يحاولوا يدفعوا عن نفسهم بس مش قادرين.

خرج محمد اللي كان بدأ يمشي و هو يعيط على صوت صرخاتهم..

بص رياض عليه بغضب و كر،،اهية و قال: هو ده اللي دعاء ماتت بسببه، كان في ايه لما سبتي ليها، انا هقتله و اريحك منه.

مسكته حورية و قالت: بلاش ابني يا رياض.

رياض: لازم احرق قلبك

حورية: حرام عليك يا رياض، ده ابنك

: انا بكره و بكرهك و بكره اي حاجه من ريحتك..

و قرب على محمد و كأنه مش من دمه، لف أيده على رقبته، و حورية تشد فيها مش قادرة.

ام رامي تزحف على الأرض بصعوبة و هي مش قادرة تمشي على تفتح الباب.

الجيران اتجمعت على الصوت و يخبطوا على الباب بخوف، واحد من الجيران رن على رامي

و فجأة سكت صوت محمد و سكت معه صوت حورية و ام رامي.

دقائق صمت و حورية قالت: الود قطع النفس.

صرخت ام رامي : يا لهوي.

وصلت و فتحت الباب و دخلوا الجيران و مسكوه..

حورية حطت راسه على رجلها و قالت: محمد، محمد، بلاش توجع قلبي، انت عارف انك قلبي ،قوم يا محمد

ضحك رياض و قال: مبسوطة يا حورية

بصت عليه باستغراب و كمل هو: انتي السبب في اللي وصلنا ليه ،كنا عايشين مبسوطين

مردتش عليه و بصت على محمد و كانت مش واعية أن ابنه ميت.

قالت: محمد يلا قوم بقي كفاية نوم يا حبيبي.

واحدة من الجيران بصت على محمد و قالت:: يا لهوي الود قاطع النفس.

قالت كده و جريت على بره و معه جوزها و فاقت حورية لما اتاخد ابنها منها و جريت وراءهم على المستشفى..

الجيران بلغوا البوليس و جت ممرضة تعالج جروح ام رامي.

وصلت حورية مع الجيران المستشفى.

و وصل رامي مع ادهم و رحمة لأنهم كانوا مع بعض يشوفوا الشقة بتاعت ادهم و رحمة.

اتصدم رامي لما شاف امه مجروحة و الجيران متجمعين في البيت، بص على رياض و سال: انت بتعمل ايه في بيتي؟ و ايه الله حصل هنا؟ و فين حورية؟

حكت ام رامي اللي حصل، و رامي بيسمع و هو هينفجر.

قرب من رياض و نزل فيه ضرب بغل.

ادهم بيشدوا و قال: كفاية يا رامي هيموت في ايدك.

رامي بغضب: يموت و يروح في ستين داهيه ،اللي زي ده حلال فيه الموت.

و كمل ضرب فيه، وصلت الشرطة و خلصت رياض من ايد رامي بالعافي، و مشيت الشرطة و الجيران ، قعد رامي تحت راجل امه و قال بندم: حقك عليا يا ماما ،سامحني.

طبطبت عليه و قالت : انت ذنبك ايه يا حبيبي ، روح شوف مراتك و ابنك.

نزل و باس رجله أمه و هو محمل نفسه ذنب أن رياض مد أيده على امه.

انهارت ام رامي و تحاول تبعده عنها، و صرخت : بتعمل ايه يا رامي ، ارفع راسك يا ابني.

قربت رحمة و قالت: قوم يا رامي ، انت ملكش ذنب.

ام رامي بدموع: روح يا ابني شوف مرانك، و خليك فاكر أن كل اللي حصل ده مكتوب.

باس راسها و قال: اسف

ام رامي: خد رحمة و ادهم معك يمكن تحتاج حاجة

رامي : خليهم معاكي يا ماما

ام رامي: اخواتك زمانهم جاين ،خدهم معك و روح ل حورية..

و خرج رامي و ادهم و رحمة على مستشفى.

///////

في المستشفى

كانت جارة حورية و جوزها هما اللي يجروا من هنا لهنا علشان ينقذوا محمد اللي ابوه حاول اقتله.

و حورية قاعدة قدم الاوضة اللي فيه ابنها و تعيط بانهيار.

و صل رامي جري عليها و قال؛:حورية محمد عامل ايه.

اول ما شافته ،رمت نفسها في حضن و قالت: شوفت يا رامي، رياض عامل ايه في ابنه ، كان عايز يموت محمد ، في حد ممكن يعمل كده..

طبطب عليها بحنان و قال: حقك عليا يا حورية، اني سيبتك لوحدك

حورية مردتش عليها و بقت تتكلم بانهيار: انا اللي غلطانة معرفتش اختار اب صح لاودي ، مش عارفة ازاي اخترت شخص زي رياض.

رامي: ده نصيب يا حبيبتي

رحمة: ملوش لازمة الكلام ده، محمد عامل ايه

حورية بدموع: تعبان.

ادهم: أن شاء الله هيكون كويس.

مر دقائق و ساعات و هما يموتوا فيها ، الكل يدعى أن ربنا يشفي فجأة

و خرج الدكتور و على وشه علامات الحزن، الكل مستني على أعصابه ، سالت حورية بصوت ضعيف: ابني كويس صح.

الدكتور بحزن : ابنك في الجنة.

صرخت حورية و وقعت على الأرض .