رواية فصلوها للعشك🔞 الفصل السابع 7 - بقلم ام البنات

فصلوها للعشك
بقلم (ام البنات)
بارت7
ثاني يوم جمعه عطله متكعدني كوه نمت ...نزلت الصبح لكيتها كاعده يم امي وسولف وامي متونسه بسوالفها وتضحك وي ريم وتشاقه حسين سافر بشغل وده مرته لا اهلها بس من سافر حسين طاح عليه غضب كامت تلبس اشكال بالبيت براحته لان متعلمه بيت اهلها هيج تلبس وهسه اخذت راحتها من سافر اخويه يبوووو شتلبس ..
كاعدين يم الحجيه نسولف واجت هي كعدت اباوع عليها سيقانها مبرومه برم امي شافتني اباع عليها ضحكت..ريم كلتلها خلي نطلع بلحديقه كلتلها لا خلي اسبح اول وبعدين نطلع ريم اهووووو ورد اذا سبحين3ساعات ا تليل وانتي بعدج تمشطين الحجيه كالت اي صدك يمه انتي شو اطولين من اسبحين كلش هذا الحجي اني كل مره اشوفه شايله شعرها ليفوك لافته ..جان تكوله خاله هو الشعر الطويل يتعب تمشيط وغسل يرادله عنايه ريم كالت بربج ورد فتحي خلي امي تشوفه ورد لا يولي مابيه حيل اني كتلها والله دوختونه هسه يطلع منتف شعرها
ريم فيصل خلي نتراهن اذاما طلع منتف تجيبلي الساعه الكتلك عليها كله اوكي كتلها ورد بداعتي فتحي شعرج خلي اسكته واحصل ساعه ورد كالت انتي تحصليها واني شنو الاكرع يتباه بشعر اخو
فيصل انتي هم الج ساعه نفس الماركه اذا صدك مثل متكولون ورد كالت اوكي
فيصل ...كاعد اشرب جاي جان كامت ورد وندارت وفتحت شعره واني شمرت الچاي من حلكي وعطت لا يالله هنه ضحكن طبعاً نزل عبالك شلال طويل لركبها ومي ناعم  ويلمع وغامق بكلبي تالي يربي شلون بيه هسه هي مال مراجل مال وعود امداني يوم كطعت وعد وكلت ما اوصلها صبرني يربي النوب وي خصرهاوشعرهانازل اني احس روحي بعد ما اكدر احجي ...
الحجيه الله هم صل على محمد وال محمد يم يجنن ما شاءالله وج شكد صارلج عدنه مندري بيج هيج شعرج كالت اي ما افتح هواي ...البنات يالله مو تنسه الساعات كتلهن باجر اجيبهم وكمت طلعت لان بعد ما اتحمل والحجيه نتبهتلي ....لليل رجعت صعدت للغرفه ابدل اجت ورد كالت شيخ الحجيه اصيحك كتلها ماشي جاي نزلت ورحت للحجيه كالت يمه اني اشوفك عينك على ورد وادري بعمك مطيك وحده من بناته اذا هاي كله لعمك ما اريد حتى تروح لقسمتها وانت ورد مريتك اذا تريد اخليها تحول لغرفتك ..كتلها لا يمه خلي شويه تتعود عليه واذا الله راد يصير خير كالت بكيفك بعد عفتها وصعدت فكرت بحجي امي اي صح ورد مرتي ويحقلي اقربها بس ما اريد اضغط عليها واني ومطي حجايه ..شلون ؟؟؟اعوفها على الله هو يحله ...
ورد...مشت الايام وفيصل من يدخل كلبي يرف عليه وهو عيونه تلحكني بكل مكان قرب الدوام وحضرنه نفسنه وفيصل خله السايق مال الشركه يتلزم يودي ويجيب بينه ورحنه اني وريم عالم جديد ومختلف ولد وينات واصدقاء كلشي جديد اني اجتماعيه بساع اتعود على المكان وريم  بعد اكثر مني بس بقينه ثنينه بعيدين عن الولد والكروبات وداومنه فتره وره نص السنه اجتي بنيه علينه واحنه بلكليه وفاتحتني بموضوع كلتلي اكو ولد رايدج بلحلال ويريد يخطبج ومعجب بيج كلش واطتني مواصفاته ردت اكولهااني مزوجه كتلها بس اني......جان تكول لا تردين هسه وكامت
ريم بقت تضحك وينك ياشيخ الشباب يامزيون تعال شوف مريتك اجوها خطابه
ورد ريم نجبي عاد ...وراها رجعنه بلبيت وكملنه قرايه لليل اجه  فيصل كعدنه نتعشه جان ريم تكول سمعو اخر قنبله بس لزمو نفسكم لا اضحكون جانت بيومه ساره وجهاله عدنه جان تكول اليوم اكو ولد بلكليه دز خطابه على ورد وتضحك وساره ضحكت اباوع على فيصل عيونه تريد تطلع وصار نار اني حسيت بركان راح ينفجر بسرعه كام وصعد اني بقيت ادك على وجهي على كيف عزه بعينج ريم شيخلصني بس لايبطلني جان تكول خلي احسن خلي يغار ...جان يصيح فيصل ووووورد بس مو صيحه يمه وكف كلبي ركضت صعدت لكيته يفور كلي تعاي كعدي كعدت بس بعيد اخاف كال ليش انتي بلكليه ميدرون بيج مزوجه ..كتله لا عاط ليش ..كتله شنو قابل الزم كل واحد اشوفه اكوله اني مزوجه جان يكوم يوكف اني كمت من الخوف كمت ارجع ليوره وهوه يصيح النوب تلاسنين وتراددين هاي من شوكت عيني جديده هاي
ورد..ففف فيصل اسمعني باع اني مو قصد اردك والله بس ماعدي اختلاط وي هواي بلكليه اكثر وكتي وي ريم شلون يعرفون بيه مزوج هذا الحجي هو يتقدم واني ارجع ليوره واحسه صار وحش كتله بس وي ريم اخلص وكتي شلون يعرفون واني ملابس حلقه بايدي جان يكول باجر مداومين نروح نشتري حلقات وتلبسيه كتله اي الي تريده سكت اني كتله خلي اروح عيب ساره وحده هو تعدل كال روحي نزلت اركض كتله خربيومج ريم شسويتي الله طلعني منه بمعجزه وباجر محداوم كال نروح نشري حلقات جان تكول اي هيج احسن ثاني يوم رحنه نشتري حلقات عجبتني الساده كالي ليش مو هذني موديلات جديده كتله لا اني ما احب هذني هاي مبينه حلقه هذيج جنه محبس ويتغير موديله مو مثل الساده تبقه موديله حلو ابتسم كال صح واخذ وياه سوار كال هذا اعتذاري لان البارحه جنت اني الغلطان مجايبلج حلقه وصيحت عليج وهو الغلط مني كتله ماكو داعي هديه كال لا اني ارتاح هيج كتله شكراً يم الصايغ لبسني الحلقه وكلي بعد ابد لا اذبيه من ايدج
فيصل اباوع عليها من تحجي ما ادري شبي كلبي يرف عليها لبستها الحلقه وكتلها ابد لاذبيها من ايدج هزت راسها اني جني لازم بتي واعلمها على الصح والغلط يمكن بسبب فرق العمر12سنه مو شويه المهم طلعت وغديتهابره تونست اباع عليها احسها نضيفه وصافيه مثل الماي دمعت عينها كتلها شبيج كالت بابا جان يجيبني هنا..مشتاقتله...اي ونزلت دمعتها نعصر كلبي عليها كتلها ميخالف فديوم اوديج الهم كلت صدك والله كتلها اي صدك
فيصل بيني وبين نفس راح اصير سنه على وفاة المرحوم وهي خطيه كم شهر مرايحه لا اهلها بس بتلفون نقهرت عليهاحيل كلت اذبها بلباب واطلع بس خلي يفوت كم يوم...
ورد ..داومت وبيوم كاعده بلكليها اباوع من بعيد هذا فيصل اجاني للكليه رف كلبي عليه وطار لا بس يشماغ وعكال ودشداشه وساعه مرتب كولش كلعاده العين متشبع من شوفته ابد هيبه وجمال وشخصيه ورزانه اني طرت وفرحت حيل حبيت اتباه بي كدام صديقاتي وهم حتى الولد يفكون مني من يشوفونه ...سلم عليه كدامهم واني تلكيته ابتسامه من الكلب حتى هوه حس بيها جان يبوسني من راسي كدامهم خجلت كولش بس فرحت حيل بقيت واكف كتله شعجب كال صرت قريب عليكم كلت امر واذا ماعدكم شي اني ارجعكم
ورد..هسه تجي ريم راحت للكافتريه فيصل مو خوش معزبه انتي كعديني عزميني على شي ضحكت كالت تدلل  راح اجيبلك نسكافه كال كعدي اني اجيب وراح جاب وكعد وريم كعدت كال اذا ماعدكم شي امشونه نرجع ...ورجعنه ومشت الايام عادي بين نضرات فيصل وحب ورد الي يوم عن يكبر وتتعلق بفيصل اكثر
صارت السنه مال حسن فيصل كال من تطلع السنه مال حسن وتخلص الهوسه اوديج لا اهلج ..التهينه بسنه وثواب وعمامهم اجوي وخوالهم وهوسه نشتغل ملتهين جان اكو ثنين من بنات عمه يخوزرن بيه كتلها ريم منو هذوله كالت معليج بيهن هذني سم هاي كاتله نفسه على فيصل ختولي لا تعبريه..
يتبع