رواية فصلوها للعشك🔞 الفصل الثامن 8 - بقلم ام البنات

فصلوها للعشك
بقلم (ام البنات)
بارت8
حسيت نفسي تعبت كعدت شويه دا شرب ببسي عطشانه جان تجي يمي بت عمه اسمها جميله هي الي تحب فيصل جان تكول لبت عمه الخ والله عمي زين الفصليه ماخذه راحتها كلش ومدلله دلال بيت ابوها متحصله اني اختنكت كولش كمت صار بوجهي فيصل ديفوت .. عفته وطلعت حتى مباوعت بوجها...
فيصل دخلت للبيت شفت ورد مختنكه وتريد تبجي وشفت يمهاجميله ام لسان ورنا هذني من كاعي ما اجرعهن وعرفة هنه الي مضوجات ورد عفتهن وطلعت بس بقيت كل شويه امد راسي خاف يضوجونها بحجايه وصيت ساره وريم ينتبهون على ورد..
ورد كمت اشتغل وغلست على الي سمعته ولليل هلكت على فد وكفه اني وريم وساره كتلها  اوي ريم ضهري حيطك جان جميله من يمه شدعوه شحال لو ماهذا شغلج ..ريم كلتلها ورد تعبت اكثر من عدنه كاعده من غبشه جميله اي هم يالله هذا شغل شتريد بعد مو زين ملفينه ريم وساره مسكتو
ورد ...من حجت هيج روحي طلعت عفت وكمت اصب جاي خاله رادت كملت ورجعت الم الستكانات  كتلها ساره بتج تبجي روحي اني اكمل عنج راحت وبقيت اغسل  الستكانات جان يجن يوكفن يمي جميله ورنا تكلها وين اذب بطل المي جميله تكلها وين متردين ذبي عدهم خدامه وعدهم فصليه لعد شنو شغلها قابل احنه نكعد انضف اني دمعتي بقت تفتر بعيني حتى الهوه احسه ماكو ..ابجي على دلالي ابجي على الوكت الخلاني اسمع الاهانه واسكت ...
فيصل ضل بالي على ورد كل شويه امد راسي ادري بيهن ميكعدن مديت راسي من الطرمه لمحت ورد تغسل على السنك وهذني واكفات يمها ويلغن ورد وجه ميتفسر عرفة السالفه وراها هذني السعالو ..رحت عليها هنه من شافني سكتن جميله هله بابن عمي اصبلك جاي ..فيصل اذا اريد اكول لمرتي من ايدها اكيد اطيب ورحت على ورد ورده حبيبي تعبتي كافي شغل اكو خدامه والبنات بمكانج يشتغلن هنه فكن حلكهن مكدرن يحجن شي كتلها ورد تعاي طلعي يمي بلحديقه شويه الهوه طيب اخذتها لان حسيت بعد متتحمل ومردتهم يشوفونها هيج طلعنه كعدنه بلمرجوحه اندارت عليه كالت ليش هيج دافعت عني كال ادري بيهن السانات وما احب احد يحجي على مرتي كالت مرتك لو فصليه اني سكتت كتلها كافي مو وكتها هسه من العالم همزين راحو الزلم بقينه كاعدين لحد مرتاحت كالت شكراً جنت محتاجه اشتم هوه ...فيصل لاتشكريني لان هذا واجبي ورد اني رجلج وحزام ضهرج عيوني اطيهن الج بس لا اضوجين واريدج قويه وصبوره مثل ما اني اعرفج ..ورد..ان شاءالله وطبينه جان يلزم ايدي اني يمه روحي راحت ...فيصل بربج ورد بداعتي خلي من ندخل نضحك نقهر بيهن 😂😂 واني من كال هيج ضحكت عليه شلون تفكير وهنه شافنه ماتن وشبن نار وشافو شلون لازم ايدي الحجيه كيفت هي وريم وساره ومرة حسين كعدنه وضحكنه تالي راحو وكل واحد راح الغرفه دينام ..ورد طبيت سبحت وبدلت لبست دشادش خفيفه وكصيره مال نوم لونه بيج  ردت اروح انام جان يندك الباب منو كال اني فيصل فتحتها ضل صافن كام يحك بلحيته من يم خده كال اجيت اشوفج خاف بيج شي تعبانه ضايجه كتله لا كل التعب راح بحجايه منك لزم  خدودي وبقه يمشي ايده عليها واني رافعه راسي عليه
فيصل باجر اوديج لا اهلج من نكعد واروح عدنه فاتحه من ارجع ادكلج طلعيلي
ورد.. اوكي لعد خلي انام لان تعبانه ..
فيصل هاي شنو اطرديني...
ورد لا والله موقصدي اذا عاجبك ابقه  ..فيصل لا اشاقه اني هم ميت تعب اروح بس ردت اكولج... اوكي تصبحين على خير ..اجمعين
ثاني يوم كعدت فرحانه صار سنه مرايحه لا اهلي بس بتلفون ويفتحولي كامره وحيدر ابد ميقبل يحجي ويايه امي تكول ياكل بروحه يكول اني السبب بليل خابرت لامي كتلها ماما حضريلي دولمه من ايدج غدايه يمج باجر  كالت تعاي من عيوني بس صوتها تعبان ....من كعدت رحت لخاله كتلها خاله اريد اكولج شي بس اذا يضوجج الغي كالت كولي كتلها راح اروح اشوف اهلي متت عليهم صار سنه بس تلفونات وفيصل قبل واجيت اترخص منج كالت يمه هذوله اهلج وفيصل رجلج والي صار قدر ومكتوب روحي وسلمينه بس يمه ردت منج شغله فيصل عينه عليج ورايدج وانتي مرته وحليوه وتحلين عليه وهو رجال وانتي كدامه فكري بلموضوع صيري مرته من صدك وصعدي لغرفته ابقي بيهاتره ابني واعرفه يحبج كتلها  افكر بلموضوع ....نزلت فيصل تريك يباوع عليه فرحان كلي اليوم وجهج يلمع كتله مصدك شكد مشتاق لبابا واشم ريحته واحضنه اوووف ربي شوكت .
يتبع