رواية فصلوها للعشك🔞 الفصل التاسع 9 - بقلم ام البنات

فصلوه للعشك
بقلم (ام البنات)
بارت9
فيصل ...اول مره اسمع ورد تحجي با ابوها او بالاحر تتغزل با احد حسيت بغيره  ....كتلها اذا خلصتي يالله لان الجماعه ينتضروني رحت وديتها يم الباب وطلعت مردت اشوف احد منهم لان شميكون الي صار مو شويه حتى لو اخويه مريض بس هم حسيتهامو حلوه بحقي مرات بتلفون احجي وي امها واسلم عليها خوش مره ادميه بشكل ذبيتها وطلعت لشغلي للعصر خابرت ورد كتلها راح اجي اخذج شو هاي تبجي كالت فيصل امي مكسوره رجلها ومجبسيه كلها.. صار اله اسبوع بلفراش واني ما ادري بيه خلي ابقه بس اليله يمها ...سكت فيصل كله ابقي باجر اجي وعده العافيه ...فيصل ضجت من حسيت راح اروح وهي مو بلبيت تلعمت عليها طبيت البيت عبالك اظلم هي من نوع اسولف وتحجي وتضحك طبيت لكيت ريم تقره وامي كاعده وحدها وحسين هو ومرته بغرفتهم صاعد انام بس ضايج حيل نمت شويه ونزلت صحت ورد جاي امي كالت ريم جيبي جاي لا اخوج وتضحك كالت شدعوه يمه متكدر على فراكها كتلها لا عادي غلطت عبالي بلبيت متعود عليها كالت فيصل يمه انت تحبها لا اجذب على روحك مدري شبيك تلوب عبالك مضيع امك  وبعدين انت متحب الجاي شو هسه منلحك عليك.......لا تضل تكابر
فيصل ما ادري يمه خلي انام بحضنج شويه مختنك الحجيه تعال يمه وتمدد وراسه بحضن امه بقو يسولفون واكثر سوالفهم عن ورد اجت ريم جابت الجاي
فيصل... شنو ماكو اليوم كليجه كيك معجنات شو ميبستها علينه..ريم عيني هذني مرتك اسويهن مو اني ....واليوم ماكو لاتكلي ولا اكلك يابسه عليك من كل جه 😜اي والله صدك من كل جه 😑
ورد ..من دخلت لكيت امي مكسوره متت قهر حسيت نفسي غريبه بقيت ابجي وتالي التهينه بسرعه خلص  الوكت وخابرني فيصل راح اجي اني بجيت حتى حيدر بعدني مشايفته كايل لمريم بليل اجي من تروح كتله فيصل فدوه ابقه قبل بقيت وفرحانه ..
فيصل يمه ورد امه مكسوره وخابرتني تبجي ورادت تبات بس اني اريد اخذ شورج اذا اجيبه باجر انزل اتحمد الها بسلامه،؟؟؟؟الحجيه لا يمه عيب وانت شيخ مو حلوه بحقك من اجيبها انزل سلم عليها الي فات مات واذا تحب ورد الخاطرهامدشوفها هي شلون وي اهلك من اتمرض حتى النعال تلبسني وتسبحني متخلي خواتك يسبحوني ال هيه ميصير الخاطرها
فيصل..ان شاءالله يمه هي هم هيج لازم بعد متسوه وصعدت نمت او عود انام بس بقيت احوص واتكلب الحد ساعه4 نمت كوه وكعدت ب9بدلت ورحت لشغلي ودزيت رساله لورد من ارجع امرلج.
ورد سديت التلفون من فيصل كيفت راح ابقه واشبع شوف منهم وحيدر سمع بيه بلبيت مقبل يجي بات بيت علي نقهرت كولش ....ثاني يوم خابرني فيصل حضري نفسج نص ساعه واجي واريد انزل اسلم على الوالده ...اني طرت كتله هله بيك وكلت لا اهلي طبعاً امي وابويه كل شويه مرتاح مضوجينج اكلهم الحمد الله كلهم زينين وحبابين وامي تكلي مصار عدج حمل لحد هسه كتلهاماما ماكو الله مكتب ..استحي شكلها كل واحد بغرفه مترهم وموحلوه بحق فيصل
اجه فيصل ودخل سلم على بابا وعلي ومحمد كاعدين كعد شويه وكال يالله نروح كمنه بقيت ابوس بابا واشمه واحظنه اريد اشبع منه ...
فيصل ...غرت حيل من شفتها مجلبها با ابوها عبالك معوزه حنان فضحتنها بكلبي حيصير النه سنه من ازوجنه واني كلشي ممحصل كتلها يالله حتى تحس وتوخر من دنطلع نفتحت باب الشارع بوجهنه ولد ركضت عليه وحضنته بقت تبجي ..اني اهووووو شطلعت هاي الدنيا كلها تحضن وتبوس واني كاظيها نضرات وحسرات 😩اجيت اكتلها فرت اوووف ربي شوكت تفض ونطلع منانه 😡بعدين من الحجي بينهم افتهمت اخوه حيدر الي كتل حسن
ورد ..دنطلع جان يفوت حيدر صار بوجهي راكضت عليه بقيت ابجي هو نصدم بعدين بقه يبوس بيه كله مردتاشوفج  اني دمرتج اذيتج بسبي وسبب عصبيتي ضحيتي بروحج علمودي واني مكدرت كلشي اسويلج ازوجتي غصب عنج ورحتي لحيات انتي مرايدته ....بقيت ابجي فدوه اروحلك خويه اسكت والله مرتاح والله مابيه شي مناقصني شي بس شوفتك ليش تحرمني منك شلون كلبك اطاك وكلبي ينعصر عليه مشتاقتلك صيح عليه عاركني اكتلني بس لا هيج تعوفني وك انت اخويه حزام ضهري
حيدر... ياحزام ضهرج واني الكسرت بختج بايدي
ورد.. حيدر ليش هيج تكول انت شعبالك ما مرتاحه والله مدلله بس الله اليعلم بحالي محد يفك حلكه ويايه ومنكسر بختي لا والله نعدل هذا فيصل شوفه لو يرجع بيه الوكت  هم اختار نفس الختيار حتى لو جنت مو فصليه صدكني خويه بخير محتاجه بس شوفتك والله اني ملكه هناك حتى خدامه حاطيلي ودا ادوم كليه واحسن اكل احسن لبس دلال من كلشي فنه اليحجي ويايه فيصل يوكفله ويسكت اكبر واحد ...وضحكت كتله مو عبالك تره اني صرت مرت الشيخ وضحكت ضحكه بجيه حضني حيل كلي سامحيني كتله اسامحك على الي صار بس ما اسامحك يوم الكسرت بايسكلي ضل يضحك..
فيصل من سمعته هيج تحجي وي اخوها نقهرت عليها حيل صعبه الله يساعده ... وتمدح بيه ارتاحيت وحسيت اني ماخنت الامانه وكدها بس لازم اكسر وعدي الها بانو ما اتقرب الها لان بعد ما اتحمل هاي مريتي وحلالي كدامي ودا احبها كل يوم اكثر وما اكدر الزمها طكت روحي واني من حجيها احسها مرتاحه ومتريد اعوفها .....
يتبع.....