رواية فصلية الشيخ حسن الفصل الثاني عشر 12 - بقلم 👑princess👑

فصلية للششيخ حسن

نور: كعدات الساعة5:30  متكسرة اتكسر نزلت جوة لاكيتهن يحضران للعشاء من هسة
لان يتعشون من وكت خلص العشاء و غسلنة الماعين ضليت شوية يم مريم نسولف
و كل وحد راح للغرفة مالتة طبيت للغرفة سمعت سجاد يكول

سجاد :  هلة و الله باخوي شلونك مفتقديك بالبيت شوكت ترجع الاربعينية مال المرحوم الاسبوع الجاي
هاا انشالله توصل بالسلامة انشالله اتلكاك بالمطار
يلة تصبح على خير الله و ياك

نور: وية منو جنت تحجي

سجاد: و يا حسن

نور: كلبي دك مادري ليش  كتلة هاا شوكت يجي

سجاد : بعد يومين

نور: ضجت راح يرجع ويضل يحسبني على لبسي
ضليت العب بالتلفون لمان نعست و نمت

الشيخ حسن : خابرني اخوية سجاد حجيت و يا و كالي على الاربعينة مال المرحوم و كتلة بعد يومين و سديت التلفون ضليت اتكلب و افكر بالبلوة و اكول 

اني سافرت كلة بس علمود انساهة اشو طول اليوم افكر بيهة رحت يم حمزة

الشيخ حسن:  و كتلة تعال انروح نزور لان اختنكت و هو ما كال لا خطية بسرعة بدل ورحت يم الامام و مادري بروحي ودعيت كالت

ربي انتة اعرف بحالي لو تخليهة بس الية لو طلعهة من كلبي و تفكيري لان الجاي يصير كلة غلط بس مو بيدي شسوي الكلبي الحبهة مو بس حبهة عشكهة هم وهية ماصيرلهة كم شهر يمنة وهيج عشكتهة
رجعنة وكعدنة  بالمطعم مال الفندق

شافني حمزة مهموم و كال

حمزة: شبيك ياخوي هيج مهموم تكول شايل حمل شكبرة  على ضهرك

الشيخ حسن : ضبيت حسرة شكبرهة و كتلة هيج مبين علية مهموم

حمزة: اني ملاحظك من زمان

الشيخ حسن : شكلك ياخوي اكلك حبيت اخت كتال اخوي مصطفى  لو عشكت  مرت اخوي

حمزة: ضليت صافن علية شيحجي شنو عشك مرت سجاد

شيخ حسن : هاي انتة و ما مستوعب  شتكول علية

حمزة : لا بس انصدمت شلون حبيتهة و شوكت و هية ما صارلهة شهر

الشيخ حسن : هو هذا الما جاي افتهمة شوكت حبيتهة و هية ما صايرلهة شهر يمنة

حمزة : زين شنو الي خلاك تحبهة هيج بهل سرعة

الشيخ حسن : مادري كلشي شوكت و شلون بس اعرف هي دخلت الكلبي و تربعت بي و سددت باب كلبي و ذبت مفتاحة ماكدر اطلعهة من كلبي 

تخيل اغار علية من سجاد الي هو زوجة
اغار علية من الهواء التتنفسة من كلشي اغر عليهة هيج اريد بس اضمهة بروحي

حمزة: بس شيخ الي جاي اسوي غلط بغلط

الشيخ حسن : اعرف غلط بس شسوي ماكدر اطلعهة من كلبي و تفكيري و روحي

حمزة: و الله ياخوي ماعرف شكلك  بس الله يساعدك يعني البنية التحبهة و ياك بنفس البيت بي و مالك حق بيهة لان اصير مرت اخوك  بس تفكير  افكر يخليني اكل بروحي و كلبي يحترك شحال لو انتة

الشيخ حسن : ضبيت  حسرة  اكبر من القبلهة و كتلة راح اروح انام بلكي اغفة شوية
لان كل ماريد انام تجي بالي

تصبح على خير

حمزة: انشالله ماتجي بالك لان حرام تفكر نرت اخوك

وانتة من اهل الخير

الشيخ حسن : رحت للغرفة مالتي
ردت مافكر بيهة بس هية تجي غصبان علية و اضل افكر و اتامل بيهة و ارجع و اكول ستغفر الله

بالكوة يلة نمت

بعد مرور يومين

الشيخ حسن: طول هاي اليومين اني بس افكر و شتاقيتلهة هواي وحمزة خطية يصبرني ويكلي اذا هية مكتوبة الك  الك ماهمة يصير هسة الك
و اني اضل بس اذب حسرات

اليوم ارجع و اشوفهة

ركبت الطيارة وطارت بينة

نور : بعد مرور يومين
مرن عادي ماكو بيهن كلشي اليوم يجي العكرة ياربي شكد اكرهة ميدخل كلبي مادري ليش ماحبة راح سجاد يجيبة اني لبست دشداشة لان مابية حيل الرزايل اليوم ملتمين عمامهم يمنة و هوسة البيت صاير  شوية ومالو اجة كلهة نخبصت وذبحو جوة رجلي تكول مادري منين جاي هو من ا يران و كلهة سلمت علي وتبوس بي تكول صاير شكد ماشايفي هو سبوع ما صايرلة وصل يمي وكال م

الشيخ حسن : وصلت للبيت واني عيوني دور عليهة واكفة اخر الناس رحت يمهة وكلتلهة

الشيخ حسن : ما ناوية سلمين علية

نور: هلا شيخ الحمد الله على السلامة

الشيخ حسن : هلا بيج الله يسلمج شلونج

نور: زينة الحمد الله

الشيخ حسن : دووم انشالله
و عفتهة و رحت لان كلهة تباوع علينة

نور: عابت كول مرة خصتج  كبل عافني و راح  شتوقع من واحد عكرة سلمت على حمزة و رحت للمطبخ حضرنة الغداء وصبينة و كالت مريم

مريم : نور بس سوي الجاي و من يجوبون الماعين ودي عفية اروح ابدل الشمس

نور: روحي حبيبتي هسة اسوي
راحت مريم و خليت القوري على النار ضليت اعزل بالمطبخ لمان يجبون الماعين حسيت اكو شخص وراي يباوع علية درت وجهي شفت العكرة مركز بية
يعني من كد ما مركز بية رتبكت من نظرتة هو نتبه على نفسة و كال

الشيخ حسن : خلصت غداء ورحت اريد اكلهم سو جاي طبيت للمطبخ لكيت البلوة ضليت اباوع عليه مادري بروح ادري حرام بس شسوي ماكدر نتبها عليهة مرتبكة  ردت اسد الموضوع كتلهة

الشيخ حسن:  شعجب سامعة الكلمة و لابسة دشداشة عريضة

نور: و الله كلت اليوم اكو اهواي ناس بالبيت عيب البس ضيك مو شيخ

الشيخ حسن : ضليت صافن عليهة هسة هاي شحجي وياهة كلتلهة سوي جاي كالت

نور : من دون ماتكول مسوية جاي

الشيخ حسن : ضجت من نبرة صوتهة  كلتلهة

مو كانو السانج طويل يرادلة كص (  زمخت عليه ) و كلت لا تحجين وىياي بهاي النبرة لو قسما بالله اطيح حظج  فتهمتي

نور: زمخ علية لو اني كلبي وكع بين ايدية وكتلة بتردد مااشي

كامو الولد ينكلون الماعين واني اصب جاي خلصت صب و انطيتة السجاد وكال

سجاد: شبي وجهج اصفر هم شفتي ابو بريص على كولتج

نور : صح جنت ضايجة بس ضحكني شلون يقلد كتلة
لا تقلد علية هو اسمة ابو بريص انتو شنو سمونة

سجاد : اسمة بريعصي مو ابو بريص
هسة ماكلتيلي شبي وجهج اصفر

نور:  مادري يمكن تعبت

خلة يدة على كصتي حتى يشوف مصخنة لو لا و فززني صوت العكرة و هو يكول

الشيخ حسن : شنو السالفة سحاد هو جاي جيبة وتجي طبيت ونتبهت سجاد خال يدة على كثة البلوة بس شبت بية نار الغيرة راسن عيوني صارن  بكصتي بالكوة سيطرت على اعصابي و رحت اخذت الجاي من يد سجاد من دون ماحجي و طلعت من المطبخ واني افور
ضليت احجي وية نفسي و اكول زوجهة و يحلقة يلمسهة بس شيفيد عود هاي بس خلة بدة على كصتهة لو ياخذها جان صار بية يمكن اموت بغيرتي
ضليت استغفر ربي راحو الخطار ورحت طبيت للبيت رحت لغرفة الحجية طول ماني يمهة هية سولف على البلوة شلون تنظف و شلون تحجي و شلون تلبس واني صافن و اتاملهة و افكر بيهة  و اكول هم يجي يوم و صير الية ..........

🚧🚧🚧🚧🚧🚧🚧🚧🚧🚧🚧

هلو 👋😙❤ حبايبي

اسفة تاخرت عليكم بس والله البارحة يلة رجعت من  الزيارة

باي 👋❤