رواية فصلية الشيخ حسن الفصل الثالث عشر 13 - بقلم 👑princess👑

فصلية الشيخ حسن

نور : تعبت كلش من ورة الخطار و رحت نمت نومة ماحسيت بدينية طشت رشت كعدت تقريبا الساعة 6:00 نزلت جوة
لكيتهم يسولفون على الاربعينية مال مرحوم و بعد نقاش طويل اتفقو يسون ثواب على الغداء و بليل يروحون للنجف

صار العشاء و تعشو وضلو يسولفون واحنا البنات كاعدين على التلفزيون شوية شوية كامو ينسحبون اني رحت للغرفة بدلت لبست



وشعري سويتة ذيل حصان

اجة سجاد كتلة

نور: ممكن احجي وياك

سجاد : اي اكيد احجي

نور: اني اروح و ياكم بالاربعينية مال مرحوم لو لا

سجاد : اي اكيد تروحين منو كالج ما تروحين

نور: محد كلي ما تروحين بس هيج خطرت على بالي

سجاد : ماشي

راسي راح ينفجر روحي جيبيلي حبوب مال وجع راس و سويلي جاي بطريقج

نور: ادلكلك راسك

سجاد : شوية لاخ بس جيبيلي حباية و سويلي جاي

نور: حاضر

نزلت رحت للمطبخ طلعت القوري وحطيتة على النار

ورحت فتحت باب الثلاجة دنكت جاي اطلع حبوب سمعت واحد يحمحم وراي
درت وجهي بسرعة طلع العكرة و هو عيونة بكصتة كال

الشيخ حسن : انتي ناوية جلطيني كم مرة كتلج لا تلبسين هيج ولا تنزلين بهيج ملابس ليش ماسمعين الكلمة انتي الا واحد يكسر راسج يلة تمشين عدل

نور: هووة انتة شعليك تحاسبني رجلي و قابل انتة شنو تتحكم بية منو انتة اصلان حي الله اخو رجلي ما الك شغل بية

الشيخ حسن : من حجت هيج مادري شصار بية تخبلت
مادري بروحي سطرتهة براجدي و كعت با كاع وضلت تبجي بصوت عالي وتشهك
نكسر كلبي عليهة ضليت العن بروحي على السويتة وادعي واكول انشالله نكسرت ايدي قبل ما اضربج يا بت روحي اجيت يمهة ردات اكومهة دفعت ايدي وضلت تصيح على صياحهة نزل سجاد من شافهة هيج تخبل راح ركض عليهة وهية ذبت نفسهة بحضنة اني تخبلت بزايد و هو يريد يعرف شنو الصار كام غسللهة و هو يريد يسكتهة مايكدر ضلت بس تشهك اجة علية و كال شنو الصار اني ما تحملت و كتلة

الشيخ حسن : اني ضربتهة

سجاد : شننو وليش ضربتهة

الشيخ حسن : مرتك ما تحترم و صيح ومو بس هذا اكثر من مرة حذرتهة كتلهة لا تلبسين لبس فاضح بس هية ماترد شوف سجاد ضب مرتك لا قسمان بالله صير مو خوش

سجاد : مرتي طولت السانهة عليك تجي تكلي و اني اطيح حظهة بس مال تمد بدك عليهة هاي ما مقبولة منك ياخوي ترضة اني اضرب مرتك ( بصياح )

الشيخ حسن : سجاد احترم نفسك و لا تعلي صوتك علية و لا تتعدة احدودك شنو اضرب مرتك

سجاد : هاي انتة ما تقبل واحد يضرب مرتك
ليش تمد ايدك على مرتي

شيخ حسن : اشوفك تغيرت بعد الزواج وكمت اصيح على اخوك الاكبر منك

سجاد: لا ياخوي ماتغيرت انتة المتغير من اجت نور و انب منتبه على تصرفاتك دائما تصيح عليهة وتغلط لا حسبالك مادري

الشيخ حسن : سديت الموضوع لان ماريدة يحس بشي وكتلة خلص اني اعتذر منك وعفتة ورحت ضل يصيحلي بس سويت نفسي ما سمعتة ورحت ركبت الشيارة ورحت على الشيط وضليت اشرب جكاير خلصت يمكن 3 باكيتات جكاير

بعد مرور يومين
يوم الاربعينية مال مرحوم

نور: ذيج السالفة محد يعرف بيهة بس اني و سجاد و العكرة محد حجة بعد لا سجاد و لا العكرة

اليوم كعدو كلهم من ورة الصلاة مال الصبح وضلو يذبحون ويطبخون اجوي بيت عمامهم كلهم زلم ونسوان الزلم برة و النسوان نقسمان نصين نص بالمطبخ
و نص يعزلان البيت خلصو طبخ طببو بالمطبخ يصبون و يطلعون للزلم بارة
اني جنت لابسة فستان اسود يصير مخصر من يم الخصر ونوب يصير كلوش و لفيت شال اسود لفة تركية
و كفت يم مريم بالمطبخ شو شوية و طبو شباب اهواي بدو يصبون من ضمن الشباب الي طبو طب

سجاد شوية و طب
العكرة من شافني بالمطبخ بسرعة خنزر علية و هو يباوع علية كال ما طبن جوة شسوان اهنا مريم بسرعة جرتني و طببتني جوة و كال خلي نستر على ارواحنة احسن

خلصو غداء وغسلنة الماعين الولد غسلو الجدورة الكبار
و كالو بليل الساعة 12:00 يطلعون اني رحت سبحت ونمت

كعدت على صوت هوسة نزلت تقريبا الساعة 6:30 لكيت البيت مكلوب كلاب بيت عمامهم وبيت خوالهم
وحتى ناس غربة مسوياتة عشاء وطابخات اكل ياخذنة وياهن من يروحن للنجف تعشو و جهال كومة بحيث نظف و يرجع كما كان و اكثر هم نكسر ظهري بنص

صارت الساعة 10:00 كالو كمن حضرن رواحجن لان لازم الساعة 12:00 نطلع عاد كل وحدة راخت للغرفة اني رحت لكيت سجاد كال
سجاد: بس طلعيلي الدشداشة السودة و الغترة هم

كتلة
نور: ماشي طلعت الدشداشة و الغترة لبسهن و كال من تكملين لبس بس دكي علية

كتلة ماشي

طبيت سبحت و نشفت شعري ورحت بدلت لبست

الشال اسود طبعا وجنطة خليت بيهة تلفوني و فلوس بطارية شحن تقريبا صارت الساعة 11:30 دكيت على سجاد كال تعالي نزلي نزلت شو محد اكو طلعت لكيتهن كلهن صاعدات با سيارات با وعت ما كو مكان رحت يم سجاد كال اي اني و ياج و انروح بسيارتي كتلة اي بعد احسن رحت جاي اصعد جان يصيح العكرة كال

الشيخ حسن : صعدن النسوان كلهة نتبهت ماكو البلوة شوية وطلعت هاي شلابسة تريد تجلطني باوعت ماكو مجال راحت يم سجاد شو ركبت بسيارتة صحت على سجاد وكتلة انتة مو منعك الطبيب سوق سيارة

سجاد : اي بس شسوي ماريد نور تروح ويا هن لان راح يسمعنهة حجي يسم البدن كلت اخذهة بسيارتي

الشيخ حسن : لا ماتروح بالسيارة مالتك تعال وياي بسيارتي

سجاد : لا خاف مريم تروح وياك

الشيخ حسن : لا بس امي و ابوية وياي انتة و نور ( و هنا اول مرة الفظ اسمهة ) تجون وياي

سجاد : ماشي يلة نور تعالي نركب ويا حسن

نور: ربي ماراح اخلص من حسن و ارتاح وين ماريد اروح لازم موجود هو
ركبت ليورة يم عمتي ام سجاد و سجاد و بصدر عمي ابو سجاد والعكرة يسوق بس كل شوية يباوعلي و يخزر تكول كاتلة امة طلعنة من البيت تقريبا اربع كوسترات ثنين نسوان و ثنين زلم و سيارة العكرة تحركت السيارة شوية وطفيت خليت راسي على جتف سجاد و نمت ماحسيت الا من سجاد كعدني وكال كومي وصلنة باوع كتلة بيش الساعة 5:30 الصبح نزلو بحسينية تريكو وتوجهنة للمكبرة ضلو يبجون و اني مو من النوع الي ابجي بسرعة بس قهرتني عمتي شلون تبجي و تعاتبة ضليت ابجي على بجيهة باوعت على سجاد هم يبجي درت وجهي باوعت ونصدمت شفت العكرة يبجي هاا طلع يبجي والله مادريت بيك تبجي خلصو و توجهنة للامام علي (علية السلام ) لبست حرم مال صلاة لان ماجبت عباية طبيت زرت بجيت بسرعة لان شتاقيت لاهلي ضليت ادعي ربي انو يقبلون يخلوني اروح لاهلي خلصت و طلعنة للسيارات وتوجهنة للعمارة ...........

🚧🚧🚧🚧🚧🚧🚧🚧🚧🚧🚧🚧🚧🚧

هلو ❤👋
اسفة على التاخير بس والله عدنة دروس اهواي

باي حبايبي ❤👋