رواية فصلية الشيخ حسن الفصل الحادي والعشرون 21 - بقلم 👑princess👑

فصلية الشيخ حسن

نور : ضليت افتر بالغرفة وجعت حيل باوعت على العكرة نايم على الجرباية ويلعب بالتلفون كتلة

نور : كوم شتريلي جوعانة 😑

الشيخ حسن:  اهاا هاي شبيج شو تحجين من ورة خشمج

نور : لعد شلون تريد احجي وانتة الصبح ضاربني
وهسة تشتريلي لو اروح انطمر

الشيخ حسن : احجي عدل وبسلوب واني اجيبلج مو تمريني

نور : اوف هسة تروح لو لا علمود اروح اشوف منو يشتريلي غيرك

الشيخ حسن : اي هسة اروح

نور :  اي لعد راح اروح ابدل  اني

لشيخ حسن : شنو تبدلين وين رايحة

نور : اي غير اروح وياك اشتري

الشيخ حسن : دكعدي كعدي لاطيح حظج اني اروح اشتريلج واجي ماكو طلعة ماعدنة بنات يطلعن

نور : اذا هيج لا تروح ماريد واذا جبت والله  اروح اذبهن بزباله وماكلهن ورايحة انام
ورحت للجرباية وبداخلي اكول الا اكسر هاي التقاليد مالتكم ماكو بنية تطلع 😌😏😑

الشيخ حسن :باوعت عليهة هاي صدك تحجي

كلتلهة ضلي لا تاكلين
ورحت نمت على الجرباية بس ضليت قلقان على نور ما ماكلة شي من الصبح ضليت شوية ما طاني كلبي اخليهة تنام من دون اكل  اوف ربي خلي اخذهة لان السيارة و مضللة محد يشوفهة درت عليهة كلتلهة

الشيخ حسن : نور كومي بدلي خلي نروح 😑

نور : اني دايرة وجهي ومطيتة ظهري هو كال هيج واني حسيت بالنصر تكول حررت مادر شنو هه😋✌
ردت ابيع ثكل براسة كتلة

نور : ماروح 😑

الشيخ حسن : باعي راح اكلج للمرة الثانية اذا ما كمتي بعد لاتموتين ماخذج 😒وراح احسب من واحد للخمسة اذا ماكمتي بعد ماخذج 😡

نور:  عابت 😕هسة هذا شلون ويا
بدا يحسب وصل 3  اني بسرعة كمزت وكمت كتلة لا حسبالك كمت خفت منك لا بس لان راح اطلع من البيت لان مختنكة من البيت
ورحت بدلت بسرعة وكتلة يلة باوع علية كال

الشيخ حسن : باوعت عليهة هاي شلابسة تكول رايحين لعرس كلتلهة اخذج بس تلبسين عباية يلة اخذجة😒

نور : لا عفية والله ماعرف البسهة وماعرف امشي بيهة

الشيخ حسن : شنو ماتعرفين تمشين بيهة احنا رايحين مشي هية بالسيارة وماتنزلين يلة بسرعة لبسيهة واذا ماتلبسين ماروح وماخذج

نور: اوف ربي اوف رحت لبست العباية وكتلة اكو بعد اوامر

الشيخ حسن : لا يلة امشي نزلنة وماكو احد جوة طلعنة و ركبنة السيارة لان الاسواق شوية بعيدة مو مال مشي
مشينة شوية وكفت  كبال الاسواق كتلهة شنو تريدين بسرعة

نور : اممم اريد جباسة و نساتل و كاكاو  🍫و عصاير و اهم شي البيبسي و النوتيلا و جبس ليزا ابو الالف ثنين

الشيخ حسن : اجيبلج المحل كلة مو احسن

نور : هسة اني شرايدة واذا تكدر اجيب المحل سوي فضل والله 😌

الشيخ حسن : باوعت عليهة 😒😞 ونزلت رحت للمحل اخذت الهة من كلشي ثنين صارن علاكة شكبرعة واخذت نفس الشي لبنتي شمس ورجعت خليت العلاكة بحضنهة وشغلت السيارة وحركت كالت 

نور : ممكن اطلب طلب 

الشيخ حسن : اي اكيد

نور: مختنكة من البيت اريد اشتم هواء اوكف يم النهر حباب

الشيخ حسن : ماشي وكفت يم النهر هية فتحت الشباك وضلت مطلعة راسهة نصة شوية وكتلهة يلة خلي نرجع تاخرنة

نور : بتسمت ☺ يلة
رجعنة صعدت للغرفة بدلت وشغلت التلفزيون وضليت اباع واكل شوية ونعست رحت نمت

بعد مرور شهر 📅

نور : بهذا اجوي ناس خطبو اخت حسن فاطمة واهلهة قبلو وحددو الموعد وباجر الخطبو البيت من هسة هوسة وكرايبهم كلهم يمنة واني نهلكت من الشغل صارت اليل ورحت صعدت فوك وسبحت ونمت كعدت الصبح تقريبا الساعة 6:30 لكيت حسن حاضني اني نصدمت ضليت صافنة شوية وكمت بدلت ونزلت لكيت بس عمتي كاعدة كتلهة

نور : صباح الخير يمة

ام الشيخ حسن: هلا صباح النور بعد امج

نور : حضرنة الريوك وكعدو تريكو و صارت الساعة 10:00 خلاصنة من الريوك وفاطمة راحت للصالون نظفنة البيت للمرة الاخيرة وطبخن للغداء وتغدو صارت الساعة 1:30 عمتي كلتلي روحي يمة حضري روحج هم يالله اني رحت للغرفة سبحت وطلعت نشفت شعري ورحت للكنتور طلعت ملابس الحسن واني طلعت  بنطرون وبدي  مالبست فستان هيج لبست

نفس هذا لبست وشعري سويتة ذيل احصان عالي ونزلت خصل منا ومنا  وخليت مكياج هيج خفيف مو هواي

نزلت جوة كلهن لبسهن كلبيات ودراعة ضلن يباوعن علية رحت كعدت  يم عمتي شوية واجت فاطمة بس كلش حلو طالعة وهية حلو اصلان جانت لابسة فستان بس نفش شوية هيج يصير

وتسريحتهة هيج

رحت يمهة كتلهة

نور: محتاجة شي كالت

فاطمة: لا بس شو ماكو اغاني

نور : هههه اي غير تعقدين ونشغل اغاني

فاطمة : هاا حسبالي ماشغلون

نور : ضلت كاعدة شوية واجوي اهل الولد وصاحوهة علمود يعقدون راحت كعدت ورة الباب وعماتهة وخالاتة وخواتهة وراهة كلت يمكن بس يعقدون راح كلهن يهلهلن شو عقدو و لا وحدة هلهلت عمتي كلتلهن شبيجن شو محد هلهلت كلهز كالن مانعرف اني من سمعت هيج رائسن

نور  :كلللللللللللللللللللللللوووووووووووشششششش
بس شنو من هاي الهلهولة الاصلية نوب طولت بيهة

شو كلهن باوعن علية متفاجئات جان عمتي كالت

ام الشيخ حسن : اي عفية عليج تعرفي تهلهلين

نور : اي سحسبالج اعرف اهلهل اعجبج بهاي السوالف مال العراس 😌
كالو الولد راح يجي يطب اني رحت لغرفة عمتي جبت شال وحطيتة على راسي وجتفي لان طالع اجة الولد حلو بي طلعة مايتعيب لبسهة الذهب واخذو صور وطلع
رحت شغلت الدي جي وطلعت خالتنة ساجدة عبيد على الاغنية مال خالة  وياخالة
وضليت اركص 💃 تكول من كرايب الولد مو من كرايب البنية نوب اخت الولد تركص وياي وضلينة نركص كومت فاطمة هم ركصت شوية اني تعبت رحت كعدت يم عمتي كتلهة تعبت 😥جان تكلي

ام الشيخ حسن : حقج من الركص تكول من اهل الولد 😐

نور : والله اني من اركص اطلع الضوجة الي بداخلي

ام الشيخ حسن : كون يشوفج حسن الا يحبسج بالغرفة بعد مايخليج طلعين 

نور : مايدري وماشافني
ويا ما جاي نحجي اني وعمتي  جان تكعد مرية من كرايب الولد سلمت على عمتي وكالتلهة

هاي بنتج الثانية عمتي كلتلهة
لا مو بنتي جان كالت
ها حسبالي بنتج عود اجيت اخطبهة لبني ماشالله حليوة وهو ابني يريد وحدة حلوة
  باوعت علية وكلتلي وين امج جان عمتي كلتلهة

ياتخطبيهة هاي صير مرت ابني الشيخ حسن خطية المرة انصدمت وكالت
اني اعتذر ماحسبالي جنتج كلتلهة
لا عادي راحت المرة واهل الولد هم راحو ضلو بس الكرايب ونص راحت ونص بقت كمنة احنا البنات سوينة عشة وتعشو وهم ورة العشة راحو  بقن بس خوات حسن اني صعدت فوك علمود ابدل وانزل انظف ويا ماجاي اطلع ملابس انفتح الباب وفات الشيخ حسن بس شو عصبي اجة علة كال

الشيخ حسن : هاي هيج جنتي لابسة

نور : اي هيج شبي لبسي مستور

الشيخ حسن : مستور مو وهاي شنو مو جتفج طالع وكون طلعتي كدام الولد هيج والله اطيح حظج😡 وبعدين ياهية الي تجي سلم علية تكلي هاي شنو مرتك ركصهة كلش حلو ونوب تهلهل( يحجي وهو معصب 😠😡 ) 

نور :  اي مستور وماطلعت كدام الولد هيج لا لبست شال واذا على الركص  شو كلهن ركصن ليش ماحجيت عليهن لو بس اني 😡

الشيخ حسن : واني شعلية بيهن علية بيج انتي مرتي

نور : اي مريم هم مرتك وهم ركصت لو بس نور

الشيخ حسن : لاتعلين صوتج علية واذا بعد اجتي وحدة حجت عليج منيتج من الله نور وطلع

نور : عابت 👐 رحت بدلت ونزلت نظفت وصل للهول جان كاعد بي عمي وعمتي والشيخ حسن انظف سمعت عمتي تحجي ويا حسن تكلة

ام الشيخ حسن : يا حسن ماتدري يمة اليوم بالخطبة اجتي مرة وخطبت نور تكول شفتهة حليوة وابني يريد حلوة

نور : اني سمعت رائسن ضربت كصتي وكلت بداخلي امدة حظج يا نور رحتي بيهة هسة وكتج يا عمة تكليلة اباوع على الشيخ حسن صاير عصبي ويباوع علية ويسوي بيدة اصطبريلي اني الج اني من الخوف رجاب كامت وحدة تضرب بالثانية خلثت تنظيف شلون ماجان ورحت للغرفة ركض طبيت تكول جان يركض وراي شوية ونفتح الباب .......

🚧🚧🚧🚧🚧🚧🚧🚧🚧🚧🚧

هلو يروحي شلونكم شخباركم 😙

انشالله ماتاخرت 😊

باي حبايبي 😍❤