رواية فصلية الشيخ حسن الفصل العشرون 20 - بقلم 👑princess👑

فصلية الشيخ حسن

نور: كعدت الصبح باوعت لكيتة نايم بس شكد حلو هو ونايم بس من يكعد يصير جنة وحش فززني من صفنتي

الشيخ حسن : مضيعة شي بوجهي

نور : لا

الشيخ حسن : لعد ليش صافنة بوجهي

نور: اكول من انتة ونايم شكد شكلك بريء بس من تكعد صير جنك وحش

الشيخ حسن : هاا نوب تكوليهة بوجهي
ومن اكوم اطيح حظج احد يلومني

نور: اي اكولهة بوجهك لان ما احب احجي على شخص من ورة ظهرة
واي اني الومك
كلت هيج وكمت من الجرباية اخذت اهدوم ورحت للحمام سبحت وطلعت وهو بعدة على نومتة ويلعب بالتلفون كال

الشيخ حسن : حضريلي ملابس

نور : وليش ماتكوم انتة تحضر

الشيخ حسن : نور احسب من واحد لثلاثة اذا ماطلعتي امنيتج من الله

نور : اوف ماشي رحت طلعت الهة ملابس حسب شنو عاجبة يلبس اليوم ورحت نشفت شعري وخليت مكياج خفيف ولبس الشال ردت اطلع هو طلع من الحمام كال

الشيخ حسن : وين رايحة

نور : شنو وين رايحة غير انزل جوة

الشيخ حسن : انتظري هسة ننزل اني وياج

نور: وشنو اليفرق اذا نزلت اني  اول  واذ نزلت وياك

الشيخ حسن : منتبهة صاير اللسانج طويل يرادلة كص كتلج ابقي لا تنزلين يعني تبقين ومندون كلام فاهمة ( اخر كلمة حجاهة بعصبية )

نور : اوف ورحت كعدت على  التخم واني ضايجة وهو لبس ملابسة ولبس الغترة وتعطر ولبس محابس وساعة اخذ وكت اكثر مني من اجهزت شكد يتاخر نوب كال

الشيخ حسن : يلة تعالي ننزل

نور : يا صلوات خلصت

الشيخ حسن : نور اني شكلت مو كلت من دون كلام

نور : اوف ربي

الشيخ حسن : وهاي الوف عوفيهة بعد لا تكوليهة ماشي

نور : ستغفرالله ربي ليش ما اصير خرسة احسن

الشيخ حسن : سوين فضل والله

نور : عابت عكرة ( بصوت ناصي بس مسموع )

الشيخ حسن : شكلتي ( بخزرة )

نور : باوعت علية مخنزر كتلة ماكلت شي بيني وبين نفسي

الشيخ حسن : هل مرة راح اعبرهة الج لان تاخرت بس المرة الثانية لا اطيح حظج افتهمتي

نور: (بداخلي) كلت عابت عابت عابت عكرة عكرة عكرة وخصبن عليك اكولهة
كتلة فتهمت كال يلة ننزل وطلعنة نزلنة جوة امة  شافتنة ضلت اصلي  على محمد وتبارك النة

راح هو للديوان واني رحت للمطبخ بي مريم بس شو كالبة وجهة عالية وماتحجي وياي كلت لان العكرة ازوجني
عفتهة رحت سويت ريوك الية خليتة على الميز جان طب العكرة كال اي والله جنت جوعان وكعد على الميز واكل لكمة وكال ماتكعدين شبيج واكفة
كتلة هذا ريوكي ليش تاكل منة
كال

الشيخ حسن : مناوجاي اني وياج واحد

نور : اوف ورحت اجيب كلاص

الشيخ حسن : اني شكبت مو بعد لا تكولين اوف

نور : مادري طلعت بلغلط
وكعدت اكل هو خلص جغي مالتة جان ياهذ مالتي شرب منة كتلة هاي ليش

الشيخ حسن : شنو ليش

نور : ليش تشرب من جاي مالتي

الشيخ حسن : اني مو كلت اني  وياج واحد

نور : ستغفرالله وكمت كتلة بعد ماريد ماطلع ريوك علية

الشيخ حسن : وشبيج ضايجة هاي كلة لان شربت جاي مالتج لعد شكد تكرهيني

نور : مو قصة الجاي
واكرهك فوك ماتصور
وعفتة ورحت يم عمتي شوية وهو اجة اني كمت رحت للمطبخ غسلت الماعين ورجع يم عمتي هو بعدة كاعد كالت عمتي

ام الشيخ حسن :يمة وين جنتي 

نور : رحت اغسل الماعين

ام الشيخ حسن : يا يمة ليش تغسليهة غير انتي عروس

نور : هههه لا عمة عادي واذا عروس

مشت الايام وصار على زواجي من العكرة شهرين واني ماطايقتة لان دائما يصيح ويضرب بس مو ضرب حيل لا يعني راجدي

ومريم بعدهي على نفس طبعهة من ازوجت العكرة والحد هسة صارت خبيثة ودائما تخلي الشغل كلة علية  لو تغلط علية تكلي بواكت الزلم واني ما اردهة اكول خاي تولي شعلية بيهة بس هم الصبري الة احدود

اليوم اني وياهة بالمطبخ ضلت تحجي وذب بسامير تكول مايخافن الله ياخذن زلم مزوجين وعدهم اطفال ماعدهن تربية

كلتلهة لهنة وبس شنو صالج شهرين مسبة وغلط مايلبس علي ثوب لاحسبالج اني ساكتة مااردج يعني خايفة منج لا بس مااردج لان اكول هي اكبر مني وماردج بس كافي شتريدين اجحي وغلطي بي الا تربيتي ماسمحلج اني مترباية احسن تربية افتهمتي جان كالت

مريم : ولي مترباية احسن تربية تاخذ زلم مزوجين 

نور : اني اخذتة لو هوة ازوجني
وبعدين شوفي شنو بيج وزوج عليج ( مادري ليش هيج حجيت )  هو اني كلت هيج شو ماحس الا ونجريت من شعري وكعت بالكاع ومريم صارت فوكاي وضلت تضرب بية وصيح واني ماستحملت وهم كمت اجر بشعرهة ضلينة هيج وسمعت صوت الي ماجنت اتمنة اسمعة ....😨😮

الشيخ حسن : مر على زواجي من نور شهرين واني يوم عن يوم اعشقهة بس هية ابد ماحبتني
اليوم جنت كاعد بالديوان ويمي شيوخ واسمعلك صوت صيح مال نسوان واني صرت نار من العصبية ترخصت منهم وطلعت من الديوان واني الشرار يطاير من اعيوني طبيت للمطبخ واشوفلك ذيج الشوفة مريم صايرة فوك نور ونور كامشة مريم من شعرهة واني صحت بيهن

الشيخ حسن :😠😡 ششششنو هلللللل صوت ماتستحن
ورحت عليهن كمشتهن ثنينهن طيحت حظهن نزعت العكال وضربتهن بي واخر شي شلتهن من شعرهن وضربتهن راس براس وكلتلهن
قسما بالعباس ابو فاضل اذا سمعت حسجن اموتجن فتهمتن
وقبل لا اطلع باوعت على بنيت كلبي نور مريم لاعبة بوجهة خلقة ومخرمشتهة واني زودت عليهة بالضرب بس يستاهلن فشلني كدام الشيوخ طلعت ورحت للديوان

نور : اجة  علينة كتلنة كتلة غسل ولبس الله وكيلكم اني بالكوة كمت ورحت للغرفة مالتي وضليت ابجي وابجي 😢😭 يعني اول مرة انكتل هيج كتلة اخذت اهدوم وطبيت اسبح اباوع على جسمي من الضرب صاير ازرك على احمر على بنفسجي صاير الوان ضليت ابجي جوة المي وطلعت رحت نمت رائسا ماحسيت الا على شي يمشي على خدي .....

الشيخ حسن : رحت للديوان بس اني صاير اعصار اي واحد يحاجيني انفجر  بوجهة ضليت كاعد وفكري كلة بنور نقهرت عليهة بس هم صوج منهة ليش صيح صبو الغدة وتغدينة وطلعت ويا الشيوخ لعشيرة ثانية عدنة كعدة وياهم سوينة الكعدة وتعشينة يمهم صارت الساعة 8:00 ترخصت منهم ورجعت للبيت طبيت لكيت كاعدين امي وابوي وخواتي ومريم شكد ما اضربهة ترجع طبيعي عادي عدهة بس نور مو وياهم وين هية كعدت شوية يمهم ونوب ترخصت كمت صعدت فوك يم نور لان جانت الليلة يمهة فتحت الباب الضوء طافي شغلتة لكيتهة نايمة  رحت طلعت ملابس وسبحت ورجعت يمهة بستهة من خدهة خليت يدي على خدهة وضليت صافن عليهة شوية وفتحت عيونهة شو هاي كمزت وكالت

نور : كعدت شفتة العكرة كمزت وكتلة لا تلمسني بعد كمت شفت الساعة 8:45 حيل هاي شكد نمت مانزلت جوة ضليت افتر بالغرفة جوعانة شلون بالله كتلة .........

🚧🚧🚧🚧🚧🚧🚧🚧

هلو شلونكم حبايبي 😍
اسفة على التاخير بس واللة النت يجي بالوكت الي اني بالدوام فامالحك اكتب بس اليوم سوينة اضراب عن الدوام وانشالله اكتبلكم

باي يروحي ❤