رواية فصلية الشيخ حسن الفصل السادس عشر 16 - بقلم 👑princess👑

فصلية الشيخ حسن

نور : مرت ايام الفاتحة بس اني و لا مصدكة الي صار  كل شوية و اكول هسة يجي سجاد بس تتحطم امالي يعني اكثر شي حطمني  و كسرني هو موت سجاد  لان الفترة الي عشتهة ويا مو شوية صح ما صار بينة اي شي بس و الله حبيتة كا صديق على حنيتة و طيبت كلبة و تصرفاتة وشلون دافع عني

بعد يوم  السابع مال سجاد كتلهم اريد اروح لهلي
و اهل سجاد مامنعوني انو اروح لهلي لبغداد

  وداني عمي ابو سجاد  رحت اهناك ارتاحيت و اهلي خاليني فوك راسهم شريد يجيبو الية  بس اني جانت نفسيتي حيل تعبانة مرات تجيني الخنكة اضل بالغرفة و ابجي لحد مارتاح  تعبت نفسيتي حيل وجهي صار جنة الموميا و ضعفت

اليوم صارلي يم اهلي شهر جانت دنيا عصر تقريبا الساعة 4:30  كاعدة و صافنة ندك الباب بابا راد يكوم كتلة اكعد اني اروح افتح رحت فتحت الباب و هنا  ضليت مصدومة بسرعة رحت و شبكتة هو هم حضني و ضليت ابجي هو يبجي و ياي  كتلة وين جنت صارلي شهر يم اهلي و انتة ماكو كال

احمد : يا بعد اخوج جنت مسافر و اول  ما سمعت انتي يمنة حجزت على اول طيارة و اجيت اشوفج 

نور: احمد حباب بعد لا تروح ضل اهنا

احمد : دللي بعد اخوج ابقى هنا بس افوت للبيت لو ابقى بالشارع

نور: لا تعال فوت نسيت احنا بشارع
فتنة و سلم على اهلي
ضليت كاعدة و شابكة احمد لان جنت حيل مشاقتلة ضلينة نسولف  اذن المغرب بابا واحمد راحو صلو و اني رحت ويا ماما نسوي عشاء سوينة وخلصنة صبينا ورحت صحت بابا و احمد اجو ضلينة ناكل و نسولف خلصنة و كامو كلت لماما اني اغسل الماعين لان خطية كلة عليهة من اجيت لهسة غسلتهن و رحت يمهم كاعدين باهول  على التلفزيون جان بابا كال
ابو نور: احمد ليش ماترجع لشغلك

احمد : و الله يابة هو اني ردات اكلك علمود الرجعة

ابو نور : خلص باجر اني احجي و يا اللواء مالتك و يصير خير

احمد : انشالله

نور : راحو بابا و ماما نامو و اني ضليت يم احمد جان كال

احمد : اي يا بعد اخوج صار وياج

نور: من كال هيج رائسن ذكرت سجاد و صارت الدمعة بطرف عيني بلكوة سيطرت على روحي و اخذت نفس و ذبيتة و كتلة

نور: كول شنو الماصار و ياج
و حجيت الي صغر وياي من اول مارحت الى ان هذا الحضة كال

احمد : و الله يابعد اخوج  ماعرف شلون اعتذر منج او اطلب السماح منج لان كل الي صار بسبب

نور : لا تحجي  لان كل الي صار بية مو بسببك هذا قدري و نصيبي

احمد: تعاي بعد اخوج تعاي بحضني

نور: رحت حضنتة و بجيت مادري ليش يمكن لان محتاجة شخص يواسيني

احمد: بعد اخوج لاتبجين دموعج تيزاب ينزل على كلبي
مسحت دموعهة و كتلهة اروح اشتريلج شي

نور : اي

احمد : ادللي شنو تريدين  اجيبلج

نور: المحل مال حلويات كلة

احمد: اهاا مفجوعة تريد المحل كلة
بس دللي اجيبة الج كلة

نور: هههههههه اشاقة و ياك انتة تعرف شريد

احمد : تريدين نوتيلا مو

نور: عفية بل بطل الي يعرف شريد
مو بس نوتيلا اريد جباسة و نساتل هم

احمد : دللي هسة راح اروح و اجيبلج كلشي الي تريدي بس تاكلينهن كلهن  لان ضعفانة حيل ليش ما تاكلين هاا

نور: ضليت ساكتة لان صدك ضعفانة لان ماكل بس و جبة و حدة لو غداء لو عشاء

احمد : اي ياعيني غير تعتتين بنفسج بعد مانا و جاي تاكلين اربع و جبات مو ثلاثة

نور: يا فدوة اني و جبة بلكوة اكل شنو اربعة
و هسة روح جيبلي حلويات بسرعة مو تغلس

احمد : دللي

نور:  راح احمد و ارة نص ساعة اجة و بيدة علاكة كبيرة بيهة حلويات طانياهة و كال

احمد : بعد اخوج اني راح اسبح ونام لان تعبان من السفر

نور: روح ارتاح حبيبي
تصبح على خير

احمد : و انتي بخير

نور: راح احمد و اني رحت للغرفة مالتي ضليت العب بالتلفون و اكل حلويات نعست نمت .....

نروح للشيخ حسن نشوف شنو صار ويا

الشيخ حسن : بعد الفاتحة نور كالت اريد اروح لهلي ابوية مامنعهة و اخذهة لهلهة و اني ضجت بس ماكدر اكسر كلمت ابوية حتى لو اني شيخ صار شهر و اني  على فراكهة عرفت روحي عاشكهة مو بس احبهة لان كلش مفتقدهة دايما هي  بافكاري ما تروح من بالي حاولت امنع نفسي من التفكير بيهة بس ماكدر هي تجي خصبن علية
و بعد وفات سجاد صرت نار من العصبية و الغضب و صرت منفرد اغلب و قتي

بعد مرور خمس اشهر على  وفات سجاد

نور : بعد كل هاي الفترة صح مانسيت سجاد بس حالتي النفسية تغيرت صرت احجي و اضحك و اطلع رجعت نور القديمة المرحة الي بس صوتهة بالبيت مسموع ها و رجعت على لبسي القديم ذببت الحجاب

اليوم كعدت بس كلبي خايف و متوترة مادري ليش رحت سبحت ولبست دشداشة قصيرة نزلت تريكت على الريوك و احنا كاعدين فجاء دك تلفون بابا كابي رجف مادري ليش باوع على التلفون و باوع علية اخذ التلفون و طلع للمكتب مالتة ضل شوية و اجة كتلة منو كال

ابو نور : مو هسة تعرفين منو

نور  : سكتت كلت لماما اروح يم ندى صديقتي ما كالت لا بس  كالت كولي لبوج كتلهة انتي كلية اني راح اروح ابدل صعدت لغرفتي بدلت لبست تنورة سودة قصيرة و بدي ابيض دخلتة بالتنورة  و حذاء رياضي ابيض

و سويت شعري ذيل احصان نزل جوة كلت لماما

نور: ماما كلتي لبابا

ام نور: اي بس مو تتاخر كال كون تجي قبل ال 12:00 ظهر

نور : اي انشالله باي 
طلعت السايق وصلني لبيت ندى و كال بيش الساعة اجيج كتلة لا تجي اني اجي كال ماشي لان بيت ندى قريب مو بعيد حيل
طبيت لبيت ندى و كعدنة سولف و جابت حبشكلات و كيك و عصير جان كالت ما ناوية ترجعين للمدرسة كتلة اي اريد احجي و يا بابا بهذا الموضوع  لان اريد احقق حلمي و اصير صحفية

ندى : اي  انشالله يتحقق الحلم الي جنة نحلم بي من احنا و اصغار

نور: اي و الله انشالله

اخذني الوكت بالسوالف ونسيت بابا كلي رجعي قبل ال 12:00 الظهر باوعت للساعة عززة هاي الساعة صارت 12:50   طاح حظج ندى مو كتلج بابا كلي رجعي قبل الساعة 12:00 كمت على السريع باوستهة و طلعت ركض للبيت فحطت واني اركض وصلت وشفت سيارة بابنة بس هاي وين شايفة هاي السيارة طبيت و نصدمت من الكاعدين ........

🚧🚧🚧🚧🚧🚧🚧🚧🚧🚧🚧🚧🚧

هلو حبايبي ❤👋شلونكم

اريد تكتبون شلون الجدول مال تنزيل بس مو كليومية بارت لان ماكدر كلولي شلون واني راح اسوي

باي 👋😍❤