رواية فصلية الشيخ حسن الفصل السابع عشر 17 - بقلم 👑princess👑

فصلية الشيخ حسن

نور: طبيت للبيت و نصدمت 😮 من الكاعدين  هاي جابهم كلت السلام عليكم انتبهو و ردو كالو و عليكم السلام بس الخزرة مالتة لو تكتل جان متت رحت سلمت على عمي وهو كتلة شلونك شيخ وكعدت يم بابا جان عمي كال  ....

الشيخ حسن : مرن خمس اشهر و اني متلوع بعيشتي  بعد ماستحمل كل هل فراك رحت لبوية وكتلة
بوية شنو  راح اسوي على نور كال

ابو حسن : والله يابوية مادري شسوي روح صيح  اخوك  عندي حجي و ياكم انتة ويا

الشيخ حسن : تامر بوية
رحت صحت اخوية و اجة بالديوان و اجتي امي هم كعدات ويانة كال ابوية

ابو حسن : شوفو بوية اني صحتكم حتى اكلكم اذا واحد منكم يريد نور حتى ناخذهة و اذا ما تريدوهة نفتح الراية مالتهة و تروح بحال سبيلهة هم شوف قسمتهة

الشيخ حسن : ابوية حجة هيج و اني تخبلت بس لا اخوية يريدهة كالة اخوية  حسين

حسين : بوية عني اني ماريد ازوجهة شوف الشيخ حسن

ابو حسن : ها بوية حسن انتة شتكول تريدهة لو لا

الشيخ حسن : اي بوية اني اريدهة

ابو حسن : جا كوش باجر احنا نروح لبغداد و نحجي ويا اهلهة و اذا ماقبلو نكلهم هية فصليتنة و نريدهة

الشيخ حسن : ماكلكم ما فرحت لان راح صير الية لا طرت من الفرح وكلت اني الج يالبلوة الا اطلع حيف هذنيج الايام الي ماتسمعين كلمتي بس تعاي يمي

ام الشيخ حسن : اي يابعد حيلي اني من زمان ردتهة الك بس انتة ماقبلت

الشيخ حسن : فدوة الكلبج بس اريد اكول شي

كلهم : كول شيخ

الشيخ حسن : ماريد احد يكول لنور اني الي راح يزوجهة ماشي

كلهم : ليش شيخ مانكلهة

الشيخ حسن : بعدين تعرفون

ثاني يوم توجه الشيخ حسن و ابو الى بغداد
و قبل لانوصل خابرنة ابو نور حجة ويا ابوية من تلفوني
الحوار الي صار بين ابو حسن و ابو نور

📞 السلام عليكم ابو نور

📞 وعليكم السلام هلا ابو حسن
شلون الصحة

📞 الحمد الله انتة شلون الصحة الاهل شلونهم

📞 بخير انشالله ماكو شي

📞 لا انشالله ماكو شي بس احنا جاينكم نريد نحجي وياك بموضوع انتة تعرفة كلش زين
انشالله احنا يمكم الساعة 12:00 نوصل

📞 كل الهلا بيكم زارتنة البركة توصلون بسلامة
وانشالله يصير خير

📞 انشالله
يلة اترخص مع السلامة

📞 مرخوص الله وياك
وسد لتلفون

الشيخ حسن : وصلنة ركنت السيارة ونزلنة دكيت الباب شوية وطلع ابو نور ضل يسلم و يكول شلونكم انشاللة ماتعبتو بطريق كنالة لا فتنة جوة

ضلو يسولفون شوية نوب ابو حسن فتح الموضوع

ابو حسن : ابو نور انتة تعرف احنا عليمن اجينة
جاي نرجع نور

ابو نور : شاون ترجع وهية راجلهة مات الله يرحمة

ابو حسن : الله يرحمة ندري رجلهة مات بس احنا جاين يزوجهة واحد من الولد

ابو نور : والله مادري شكلك ابو حسن
اني ماريد اكسر بنتي مرة ثانية كسرتهة مرة ونطيتة وانتة تعرف شصار بيهة هية بعدهي صغيرة هم تريد تعيش شوف حياتهة

الشيخ حسن : سمعت حجية لو تخبلت بلكوة سيطرت على روحي ما كمت علي كلت نجي بالعيني واغاتي احسن واذا ماقبلو غصبن علي اخذهة

ضلو الشيخ حسن و ابو حسن يريدون ابو نور يقبل بس قفل الى ان ابو حسن كال

ابو حسن : كافي ابو نور اجيناك  بالعيني واغاتي ما قبلت شوف ابو نور بنتك نور انتة نطيتهة النة فصلية بدال دم ابنة علمود لا نسوي الدم للركاب يعني نور فصليتنة بعدنة مافاتحين الراية مالتهة وكدام العشائر هية فصليتنة واحنا اجينة نرجع فصلبتنة شكلت ابو نور لو ترجع نور ويانة من دون مشاكل لو يصير الدم للركاب بعتبار ناخذ ثار ابنة واحنا ماجاين نسوي مشاكل

ابو نور  : ماعندي خيار ثاني كتلة ماشي موافق

الشيخ حسن : وافق ابوهة نزل مي بارد علة كلبي كلت شو مادخلت سلمت ابوية سئل عليهة ابوهة كال هسة تجي شوية ودخلت و شفتلك هذيج الشوفة هاي شلابسة بنت الكل..... نوب بدون حجاب رائسن خزرتهة طبت سلمت وراحت على ابوية باست يدة وراسة واني بس كالتي شلونك شيخ وراحت كعدت يم ابوهة جان  ابوية كال

ابو حسن :  ها بوية نور شلونج

نور : واني جسمي كلة يرجف من ورة الخزرة مال العكرة كتلة زينة الحمدالله انتة شلونك عمو اهناك شلونهم 

ابو حسن :  اذا انتي بخير احنا بخير

نور : درت وجهي على بابا كتلة اسفة تاخرت بس اخذني الوقت واني اسولف ويا ندى

ابو نور : لا حبيبتي عادي بس روحي كلي الامج اتصب الغدة

ابو حسن : لا والله ابو نور مانتغدة نريد نرجع ورانة طريق

ابو نور : ابد والله اذا طلعون وانتة مامتغدين اعتبركم زعلانين علية

ابو حسن : لا والله مازعلانين وهاي لخاطر ماتعتبرنة زعلانين راح نبقة

نور : رحت يم ماما و كتلهة ماما شوكت اجوي عمو والعكرة

ام نور : منو العكرة ولج

نور : حسن

ام نور : يا ولج عيب ليش سمي عكرة 

نور : اي ماما عوفي العيب هسة كولي شوكت اجوي

ام نور : تذكرين الصبح من دك تلفون ابوج

نور : اي شبي

ام نور : هو الدك الشيخ حسن شالة ابوج طلع ابو حسن كالة احنا جاين على موضوع انتة تعرفة و الموضوع هو

نور : والموضوع هو اني مو

ام نور : اي
ويلة تعاي خلي نصب الغداء

نور : بس ابدل واجي
صعدت فوك و اني افكر على شنو اجوي
بدلت و نزلت ويا ماما صبينة الغداء و بايا فرش السفرة واني و بابا ننكل بالماعين خلصنة جان عمي كال تعاي بوية تغدي ويانة كتلة لا عمو ماشتهي كال تعاي بوية لا تفشليني وكعدي رحت كعدت بصف بابا صرت مقابيل العكرة كلت بداخلي الي يكعد كبال العكرة شلون يشتهي ياكل جان عمي كال اكلي بوية لا صفنين كتلة اي عمو
اكلنة و خلصنة و نكلت الماعين  و جبتلهم الجاي ويا ما جاي اطلع جان بابا كال 

ابو نور : بابا نور

نور : هاا بابا

ابو نور : حضري اهدومج و غراضج  علمود تروحين ويا عمج ابو حسن و حماج الشيخ حسن

نور : شايفين الواحد الصافن ويجي واحد يسطرة راجدي هيج صرت من بابا كال هيج ضليت صافنة بوجهة شنو احضر  اهدومي و غراضي  يعني راح ارجع وياهم لا كتلة

نور : ليش وين اروح وياهم

ابو حسن : شنو بوية ليش وين ترحين غير تجين ويانة للعمارة

نور : غير اروح وارجع فترة مو

ابو حسن : لا بوية ترحين ويانة اهناك تبقين

ابو نور :  مرة خصتك ابو حسن بس ممكن احجي وياهة شوية افهمهة الموضوع

ابو حسن : مرخوص ابو نور

ابو نور : تعالي بابا نور خلي احجي و  ياج

نور: طلعنة اني و بابا رحنة للمكتب مالتة وكلي على كلشي الصار بينة وبين ابو حسن اني ضليت صافنة كتلة زين بصفتي شنو ارجع بذاك البيت كال

ابو نور :  يمكن واحد من الولد يعقد عليج بس صدكي بعد ابوج مابيدي شي اسوي والله

نور : مصدكتك حبيبي لا تحلف
خلص اني راح اروح وياهم اجة بابا باسني من راسي وكال الله يرضة عليج و قبل لا يطلع كتلة بابا يعني هسة راح اروح وياهم كال اي كتلة ماشي طلع بابا واني رحت الم اغراضي و اذكر حجي بابا فجاء صفنت شنو شنو لا لا مستحيل 😲 ............

🚧🚧🚧🚧🚧🚧🚧🚧🚧🚧🚧🚧

هلو متابعيني الحلوين ❤

اريد اكلكم اليوم بليل راح يخلص النت 😢
علمود ماتكولون ليش تتاخرين

باي 👋❤😙