رواية فصلية الشيخ مهاب الفصل التاسع 9 - بقلم بـنـين آلـ شـمـر 𖣘

انه بنيت زلم لمن تهز فنجان👑
تهتز العكل وترجف الديوان

﴿فصلية الشيخ مهاب﴾

ريان : مهاب اطلع برى ماريدك تعرف شنو ماريدك طلكني مابقى وياك لحضه مابقى ويه رجال يشك بيه

مهاب: ريان مو وقتى هذا الكلام من اطلعين من المستشفى يصير خير عوفي هسه
ريان : طلكني مابقى وياك ولا ارجع وياك
مهاب : أنتي خبله شنو هل كلام
ريان : اني فصليه كافي اخوك مابي شي رجعني لهلي
مهاب : الله كريم
عفتها وطلعت برى شلون اعوفها والله حبيتها لو اكلكم ماكدر اعوفها اكذب عليكم
ريان : ماريده ماريد أحد يشك بيه صح بيدت انعجب بي وحبيته بس من تصرف هيج ماتفاهم ماريده

ذهب : سمعت ريان داخله مستشفى تسودنت ريان مو بس اختي كلشي بالنسبه ألي خابرت محمد
محمد : الو ها ذهب
ذهب : محمد هسه تجي تاخذني للمستشفى لو اجي وحدي
محمد : اذا تجين وحدج اجي اكسر رجليج شويه واجيج بس جيتج مالها داعي شويه ونسجل خروج وتجي ويانه للبيت
ذهب : عادي تعال اخذني
محمد : جهزي غرفت ريان
ذهب : اخلي جواهر تجهزها
محمد : تمام شويه واجيج باي
ذهب : باي
ذهب : جواهر جواهر تعالي ماشبعتي من المبايل والتكنيك اختج بل مستشفى وانتي مكابله المبايل كافي عميتي لو مكابله كتبج مثل ممكابله المبايل هسه ماخذه بكلاريوس
جواهر : عليمن هل محاضرات كولي شنو تردين
ذهب : جهزي غرفت ريان شويه وتجي اريدها تلمع
جواهر : تعالي انتي وياي
ذهب : اريد اروح للمستشفى
جواهر : ومنو ياخذج عيني آنسه ذهب
ذهب: دعدلي اسلوبج ومحمد راح يجي وروحي نضفي يالله
جواهر : أوك
ذهب : اجه محمد طلعت
محمد : يالله نتوكل
ذهب : يالله
وصلت للمستشفى وشفت أهل مهاب واهلي الصراحه كرهت مهاب على هاي سوايته كل فكري شخص واعي بس طلع العكس
مجتبى : وصلت ذهب اويلي عليها
ذهب : سلام عليكم
الكل : وعليكم السلام
ذهب : ريان وين يا غرفه
مجتبى: سئلي عليه كبل على ريان
ذهب : شنو شدا تكول
مجتبى : لا كلت ريان بذيج الغرفه
مجتبى : شكد مغروره هاي بت الكاظمي
ذهب : هلو يعمري هاي اصاير بيج عسه أيده بل كسر شمسوي الي ميخاف من الله الخبل المختل عقلياً خلي يودو مستشفى المخابيل
ريان : ههههه هوب هوب هوب أم السان طحتي دوسه ونص عليه شبيج
ذهب : معلينه بي هسه شنو قررتي
ريان : ارجع وياكم للبيت واطلك كافي
ذهب : تمام خلي اكوم احضرج علمود نطلع
ريان : اي والله تكئبت من المستشفى اريد اطلع ومشتاقتلكم ومشتاقه ل جواهر
ذهب : أوف يجواهر النهار كله مكابله المبايل مدري شعدها حتى دراستها هاملتها
ريان : ليش
ذهب : ماعرف مترضى تسولفلي كل ماسئلها تكول احجي ويه صديقاتي
ريان : اها ارجع للبيت واني اعرف شنو احجي وياها
ذهب : تمام
رتبت ملابس ريان ولبستها وعدلتها واجه محمد كال يلا كمنه دنمشي ودخل مهاب
مهاب: ريان تعاي وياي للبيت ونتافهم لا تسوين بيه هيج
ريان: غلست عنه ومشيت لزمني من ايدي
مهاب: مو داحجي وياج ليش تغلسين
ريان: مهاب بعديين نحجي نفسيتي كلش تعبانه وماريد احجي شي اندم علي
مهاب: براحتج بس طلاك ما طلك وبالليل اخابرج واذا مارديتي تشوفين شسوي
ريان: الله كريم
صعدت بالسيارة اني وذهب وماما وبابا ومحمد كدام وصلنه للبيت ستقبلون عماتي ونسوان عمامي وجدو كلش مشتاقتلهم فوك متصورون من اجيت ذيج المرة مشبعت منهم
كعدت جابولي اكل مقبلت بالبدايه بس بعدين اكلت
واجت جواهر كعدت احجي وياها بس وضعها معاجبني كلت بعدين احجي وياها
صار الليل وراحو بنامون اني بقيت بغرفتي ع اساس جواهر تبقى يمي خاف احتاج شي بس راح تخابر صديقتها ، كعدت اتذكر ايامي ويا مهاب وشلون چنه ننام سوا ما اكلكم ضليت هواي هناك بس تعودت علي ما انام اله وهوا موجود هسه منو حضرله ملابسه تعشه لو لا داتذكر واجت بـ بالي من چان يكتلني واني اتوسل بي يعوفني لان بريئة وهوا مايسمع ومن چان يكلي فصلية الي دمرت مشاعري تجاهه هاي الكلمة ضجت حيل وضليت ابچي اولاً مشتاقتله ثانياً كرامتي متقبل ارجع ويا بچيت الى ان اتصل الفون رفعت شفته مهاب فصلته ما اريد يشوفني بهاي الحاله رجع تصل فصلته ورا 15/10 دقائق تقريباً دزلي مسج فتحته
مهاب📲: فتحي الشباك
ريان📲: شنو يا شباك
مهاب📲: شباك ابوي فتحي اني كبال غرفتج
ريان: فتحت الشباك وشفته واكفه يم السيارة ويباوع علي
ريان📲: مهاب شدتسو هنا روح ماريد اشوفك
مهاب📲: رايان فتحي خط راح اتصل عليج اذا ما فتحتي والله العضيم الم المنطقه كلها عليكم
ريان: استغفر آلَلَهّ اذا مجنون يسويها خلي اجاوبه بلا الفضايح الي بيه مكفيني ، تصل علي
مهاب: الو ريون
ريان: تفضل احجي
مهاب: ريان وداعتج اعرف انتي مو ممكن تسوين هيج شي بس والله الوضع الي شفتج بي دمرني وما خله عقل براسي كمت ما اشوف كدامي اتمنى تعذريني وآنه آسف وادري بروحي غلطان بس سامحيني ونطيني فرصه وحدة اصلح بيها كل الي صار
ريان: اسمع كلامه وابچي بهدوء مكدرت وكمت ابجي واشاهك
مهاب: اروحلج فدوه لاتبچين تردين تموتيني تعذبيني براحتج بس لا تركيني ولا تبچين
ريان: ماكدر مهاب ماكدر انت شكيت بيه انت ما ثقيت حجيت علي وضربتني واني اكلك والله ممسوية شي و وداعتك مخنتك لك حبيتك من كل كلبي وستندت عليك تالي تضلمني وتتهمني شي ممسويته ماكدر ارجع 😭
مهاب: تكطع كلبي واني اشوفها تبجي وتشتكي من الي سويته ماكدر اسوي شي حقها والمصيبه طلعت تحبني واني اجيت وخربت كلشي ربي دخيلك تعيني وتصبرتي وتبرد كلبها عليه
ريان حبيبتي الي تردي سويي بس لا تعوفيني والله ماكدر بدونج
ريان: مهاب اذا ارجع وياك تضمن مس.. داحجي ويا مهاب ودخلت جواهر تبچي
مهاب: ريان شنو هذا البچي الي يمج شكو
ريان: جواهر شكو يروحي شبيج ، مهاب والله ماعرف شبيها
مهاب: ريان فتحيلي الباب
ريان: تمام لحضه ، سديت الخط ونزلت على كيف فتحت الباب دخل مهاب اول ما شافني حضني
مهاب: حضنتها لان حيل مشتاقلها ، وين جواهر
ريان: هاا! جواهر فوك بغرفتي
مهاب: وكك تعاي ، صعدت فوك لكيت جواهر ميته من البچي
رحت عليها، جواهر شكو حبيبتي شبيج احجي اني مثل محمد احجيلي شبيج تبچين
جواهر: مهااب هى هى هى هذا هى اكو واحد هى يهددني بصوري حبيته وثقيت بي وهسه لان ما قبلت اطلع ويا صار يهددني هى هى
ريان: اسمع جواهر تحجي واني ميته من البجي شلون نخلص من هاي المشكله يربي دخيلك جدو شيخ معروف اذا صار شي تتشوهه سمعته بين الناس وبابا خاف يصير علي شي متت من الخوف
مهاب: خلص جواهر سهله انشالله راح اكلج شي تطبيقنه بحروفه ماريد ولا غلطه مفهوم
جواهر: يي مفهوم بس فدوه خلصني من هاي السالفه هى هى هى
مهاب: خلص انشالله مكضيه كافي تبچي ، نتبهت ريان هم تبچي وعيونها مورمه كلت كلبي هاي البنت ، ريون خلص لتبجيني حبيبتي انشاء الله كلشي يصير تمام كافي اتفقنه
ريان: وكك
مهاب: سمعي جواهر.....

انتهى البارت 🥀♥

نزلت البارت لان البنات ما الهن ذنب ويردن يشوفن القصة لذالك نزلت واني حالغه ما انزل
اتمنى يصير تفاعل

#الكاتبه_بنين _آلـ_شمر🥀♥
#الكاتبه_رسل_السيلاوي🥀♥