متكلي شكبر بختك !
فهت كُل زلم بعيوني من بعدك🖤
﴿فصلية الشيخ مهاب﴾
مهاب: سمعي جواهر تخابري هذا الحقير وتتفقون على فد مطعم ومن ترحون تكعدون نجيكم اني ويوسف ابن عمي ضابط والدوريه ونعتقله وبعد ابن امه وابو الي يوصلج
جواهر: بس والله خايفه اذا عرفو اهلي يموتوني
مهاب: معليج محد يعرف بس جدج واني اتصرف ويا لازم يعرف حتى يكون على علم
جواهر: تمام خوية الي تشوفه مناسب سوويي
ريان: اني ابجي من الخوف ومهاب يطمن بينه ، مهاب راد يرجع للبيت لان الوقت تأخر وخاف يشوفه احد هنا زحمه
عفت جواهر بالغرفه وطلعت ورا مهاب اوصله للباب لان عيب
مهاب: ريان لاتبجين كدام جواهر حتى ما تحس بالضعف وهيه طفله ومتعرف شنو تتصرف خلي كلبج قوي وانشالله اني اخلصها من هاي السالفه
ريان: انشالله (ونزلت دمعتها)
مهاب: شفتها نزلت دمعتها تقربت عليها ولزمت وجهه بثنين ايدي وكتلها ريان انه اسف على الي صار ووعد مني اصلح كلشي وعد تقربت عليها وطبعت بوسه خفيفه على شفتها
ريان: من تقرب علي حسيت بالأمان من باسني تفاجئة ليش ما صديته ليش ما خليته يوخر عني هوا اذاني وتهمني وضربني ليش كلبي مو قابل يكرهه (راح تكولون ماعندج كرامة وترجع بس احبه والحب مابي كرامه )
مهاب : جنج كيفتي يبت الناس
ريان : بقيت صافنه بوجها
مهاب : أوف منج اذا تبقين صافنه هيج كولي راح ابقه للصبح يمج 😉
ريان : ابتسمت 🙂
مهاب : يالله بابا روحي دخلي
مع السلامه
ريان : الله وياك
دخلت وسديت البيبان وصعدت يم جواهر
جواهر : ريان حيل خايفه
ريان : شسويلج يختي من ايدج هاي أنتي سادس اهتمي بدراستج مستقبلج اجابج بسوالف الحب
جواهر : بعد لو أموت متنعاد 😭😭😭😭😭
ريان: بعد يومين تجين تكليلي حبيت 😉😂😂
جواهر : التوووووووبه
ريان : يالله خابري الولد اتفقي ويا اروح للمطعم
جواهر : ترحين انتي
ريان : اكيد اروح قابل اخليكم وحدك أكيد لا
جواهر : تمام راح اتصل
الو باجر نتشاوف بمطعم ......
: تمام وجيبي الفلوس وياج
جواهر : تمام باي
: ولي ام الحب هههه
جواهر : صوج إني الي حبيتك وهملت دراستي ولهيت نفسي كل ضني تحبتي ونهايتنه حب وسعاده
: واني شبيه اخذ وحده ك.....
جواهر: اشرف منك ومن امثالك
: متوصلين لضفري
جواهر : اكرهك
: مو إني الي احبج يثوله يالشرييييفه
جواهر : 😭😭😭😭
: وصدكتي اخذج حتى صدقاني يكولون أخذ وحده ك.....
جواهر : كلمن ويحجي على اطباعه وسديت الجهاز بوجها حضنت ريان واشهك 😭😭😭😭
ريان : كافي يروحي اله ادفعه الثمن شوكت يجي باجر
جواهر : اكرهاا اكرها😭😭
ريان : شبيدي عليج يعمري يالله نامي
ريان : صار الصبح ساعه 9 كعدت جواهر كمنى بدلنه وتريكنه كلت ال امي راح نطلع اني وجواهر محتاجه كم شغله للرسم أريد اجيبهن علمود اتلها بيهن وهيه مارفضت طلعنا اني وجواهر على شارع متفقه ويه مهاب
مهاب : ريان شسوين جايه
ريان : اريد اروح
مهاب : استغفرالله
ريان: باوعتله صفح
مهاب : عيونج لو اشيلهن الج
ريان : والله هنه بقن بس عيوني شو شيلهن
مهاب : الله يطولج يا روح صعدن لو تبقن واكفات يوسف ينتضرنه يم المطعم
ريان : صعدت ليكدام وجواهر ورى
مهاب بقه يباوعلي واني مغلسه مسويه نفسي مشايفته
مهاب : يالله وصلنه ذاك يوسف خلي نتفق ويا بعدين جواهر تدخل للمطعم وحدهي جواهر تمام
يوسف : نزلت بنيه سبحان الله اجنن
البنات + مهاب: سلام عليكم
يوسف : وعليكم السلام
مهاب : شنو نسوي هسه
يوسف : نخلي البنيه تدخل للمطعم وشويه ونعتقله بس اذا تعرضلها كبل نعتقله
الكل : تمام
يالله جواهر روحي
جواهر : تمام
رحت للمطعم شفت آدم كاعد
كعدت كتله ها يالجذاب
آدم : جبتي فلوس
جواهر : جبتلك نعال ماحس غير لزم فكي وعصره حيل وكال الفلوس وين
ريان : دخلنه اني ومهاب كعدنه على غير طاوله حتى نشوفهن شفته كمش فكها كمنا اني ومهاب
مهاب : لزمه من قميصه عوفها لك
آدم : وانته منو
مهاب : صكارك ونطيته بوكس كام ركض
اجه يوسف لزمه
آدم : شفت سجينه على طاوله وخرت ايد الولد الزمني وركضت ادج مهاب بس صار كدامها .............
انتهى البارت اتمنى عجبكم ❤️
انشالله بلليل هم بارت هاي تصبيرة 😉♥
باي اموت عليجن 😙♥
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!