رواية فصلية الشيخ مهاب الفصل الخامس 5 - بقلم بـنـين آلـ شـمـر 𖣘

يمملوح وسمـارك
شيـط الـروح 🍃🖤

(للكاتبه بنين آل شمر)

﴿فصلية الشيخ مهاب﴾

مجتبى: طكت روحي وصحت اريد ذهب
الكل: شنو
مجتبى: اقصد اريد ذهب لـ مرت اخوي العزيز مجبنالها ذهب عيب من اهلها
الكل: هههههههه والله يا مجتبى متبطل سوالفك
مهاب: فكرت بيها ي صدك مرت الشيخ ماعدها ذهب وهيه تستاهل باچر لازم اجيبلها احـلا ذهب
مجتبى: تلاحكت روحي وسديت السالفه چان نفضحت
ريان: محمد حبيبي تذكر لوح الرسم الي وصيتك علي والأصباغ وينه
محمد: يي يروحي جبتهن ومن رحتي لهسه مكابلهن وكاعد لان بسببهن رحت اني وصار الي صار
ريان: يكلبي انت بعد هذا قدر وصار لا تشيل هم ومن اريد اروح تنطينياهن تمام؟!
محمد: تمام يكلبي
ودعنه اهلي وطلعنه اني ومهاب بالسيارة والبقيه توزعو بسياراتهم
مهاب: اشوفف ريان شلون متونسه لان راحت لأهلها وشافتهم وشلون تغييرت 180 درجه تحسنت الى الأفضل كلتلها
مهاب: ريان
ريان: عيونها
مهاب: فدوة لعيونج، طمنيني فرحتي مو
ريان: احـلا فرحه والله ممنونه الك جد ماقصرت ربي يحفظك
مهاب: اي انتي ممنونه الي من اريد شي بالمستقبل لازم تسوي
ريان: هههههههه وكك موافقه
مهاب: ههههه وكك ، تردين ننزل للسوبر ماركت تاخذين كم شغله؟!
ريان: ي والله ياريت اريد اخذ كم شغله لكيكة مجتبى وكم شغله الي
مهاب: تتددللين ، صفيت السيارة ونزلت وهيه نزلت وراي شفت اكو ولد بالسوبر ماركت لزمت ايدها وهيه هما بادلتني هل الشي ولزمت ايدي ودخلنه
ريان: مهاب تعال اريد شوكلاتا وكاكاو مبروش والبقيه عندي بالبيت
مهاب: تمام عيني اخذي بعد كم شغله الج
ريان: اذا اخذ اكعدك ؏ الحديد 😂😂
مهاب: اخذي السوبر ماركت كله ما يغلا عليج شي
ريان: يمه فدوة اروحلك 🥺
مهاب: هيه كالت فدوة اروحلك لو كلبي صار مثل الطبل اريد بس اخذها بأحضاني وابوسها بس ماكدر ،
ههههه يلا اخذي
ريان: اخذت چيبس الي ولمجتبى ولـ إلياس ونورهان ولمهاب وكولا النه كلنه ونساتل ودونات واشكال واللوان صارن سله متروسه ، بعدين حسيت على روحي وكلت خلي ارجع منهن عيب ومهاب والله ماهمه يجيب ويحط وياي دارجع بيهن ومهاب كال
مهال: ريان شدسويين
ريان: خلي ارجع من الغراض شوية
مهاب: اذا رجعتي شي واحد ازعل منج ،  بعد تردين شي طلبي ولا تستحيين
ريان: وكك ، لا بعد ماريد شي
يلا امشي راح مهاب للكاشير يحاسب واني رحت للسيارة
كعدت بالسيارة الى ان اجه وحرك السيارة ونطلقنه للبيت
اول ما دخلنه للبيت تلكانه مجتبى
مجتبى: هاا عيني عفتونه ورحتو بلاا بربكم ما تستحون ما كلتو هذا مريض خلي ناخذه ويانه شلون نطاكم كلبكم تعوفوني اني الصغير الي مالي احد الي دوم مضلوم ليش ما اخذتوني شيخ مهاب اخذت مرتك ورحت تريد يحلالك الجو چان اخذتني وياك  لو مكعدني يم الكاشير هم عادي ؏ الأقل اكول طلعت حسبي الله بس
ريان: اني اسمع مجتبى واني ميته من الضحك على سوالفه اكلنه اكل بلسانه 😂😂
مهاب: هوب هوب انطينه مجال شبيك اخذتنه حاصل فاصل يكول مطلكه، بعدين ما لحكنه نأشرلكم انتو طلعتو كدامنه
مجتبى: اني اعلمكم، وانتي روينه بسرعه سويلي الكيكة يلا
ريان: هههههههههه تتددلل
مهاب: انجب ولك لا تتأمر
مجتبى: مهاب اسكت عني ترا اعصابي واكفه
مهاب: عيب خليها تكعد شكو واكفه
الكل: هههههههههه
مجتبى: ههههه عود حشاش الله يستر عليك
رحت ابدل ملابسي دخلت ريان تحجي ويا روحها وتضحك
مهاب: ها ريون تسودنتي
ريان: هههه لا بس چنت اتعارك ويا نورهان على الروج واخذته منها 🌚😂😂
مهاب: ههه الله يكملجن بعقلجن ، داخل ابدل
ريان: وكك بس لا تتأخر اريد ادخل وراك
مهاب: تمام
دخل مهاب يسبح واني رتبت شغلاتتي بالثلاجه الي بالغرفه وطلعت ملابس الي منتضرته يطلع فتحت الشال وكلت خلي اجرب الروج حطيت الروج على شفايفي وطوخته طلع يجن اخذت بي صور وطلع مهاب من الحمام
مهاب: طلعت من الحمام وشفت الكمر نازل بغرفتي فاتحه شعرها وحاطه حمرا تجنن على شفايفها وتاخذ بالصور مكدرت اتحمل كمت اتقرب منها شويه شويه حصرتها ؏ الحايط وضليت اتأمل عيونها
ريان: اجه مهاب يتقدم علي واني ارجع اخر شي وصلت للحايط نحصرت هناك وهوا ضل يباوع بعيوني و ؏ شفايفي بعدين ضل يتقرب شويه شويه وانفاسنه صارت مشتركه واني كلبي دكاته تنسمع واخذ شفتي وصار يتفننن بيها
مهاب: مكدرت اقاوم منضر شفايفها اخذتهن وضليت اتفنن بيهن وهيه ساكته الى ان حسيت انو احنه نحتاج هوا يلا وخرت منها حطيت كصتي ؏ كصتها واني ملهوف واباوع بعيونها لمعه
ضليت صافن بيهن
ريان: خجلت كلش من الي سوا ماعرف شسوي جسمي رتفعت حرارته وهوا صافن بعيوني سحبت روحي منه
ورحت اركض للحمام وقفلت الباب
سمعت مهاب كال.... 

انتهى البارت اتمنى يكون نال اعجابكم

هذا تصبرية لباچر اذا لحكت انزللكم بعد بارت 😂🌚

ادعموني بتصويت وكومنت
احبكم باي 😍🥀♥

#الكاتبه_بنين_آلـ_شمر🥀♥
#للكاتبه_رسل_السيلاوي🥀♥