رواية فصلية الشيخ مهاب الفصل الرابع 4 - بقلم بـنـين آلـ شـمـر 𖣘

وانتَ يا قصتي وغصتي وفرحتي ..🌿

مهاب : تقربت من ريان وسمعت صوت جوى نزلت اركض ريان لبست الحجاب ونزلت تركض وراي

مجتبى : ألياس نطيني البليستيشن
ألياس : مانطي امشي ولي مجتبى
مهاب : شكووو شنو هل الصايح اصار
مجتبى + ألياس : نلعب بليستيشن ( للكاتبه رسل السيلاوي)
مهاب : طيح الله حضكم اليوم محد مسمي عليكم الله أعيد تربيتكم كعدت فوك مجتبى واضرب بي ب الشقه
مجتبى : مهاب ستوني طلعت من المستشفى خليني ادلل كتلتني كدام نورهان حتى بعد كلشي مجيبلي تكلي صحيت
نورهان : هوى إني ادري بيك كلشي مابيك بس ماخذتك على كد عقلك
مجتبى : مو اني مخبل حتى تاخذيني على كد عقلي الخبله
ألياس : زعاطيط تتعاركون
مهاب : تعال انته كتلتكم ثنينكم حلال قطعتو الحضه عليه
مجتبى + ألياس : ها ها ها مهاب شنو من لحضه سولفنه 😉
مهاب : شغلات مو مال جهال
مجتبى : حسووو بيه داكني الجفاف
ألياس : وإني هم داكني الجفاف
مجتبى : انته بكلشي حاط روحك لو اشمر روحي من الجسر هم تشمر روحك وراي
ألياس : غير صديقي شعندي غيرك احبل اجيب
ريان+ نورهان + مهاب :😂😂😂😂😂(للكاتبه رسل السيلاوي)

الشيخه: ها ولكم شبيكم
مجتبى: يمه لحكي على ابنج راح يموتني مهاب
الشيخه: تستاهلون من سوالفكم
مهاب: هههههههه هسه احسلك لو ساكت مو احسن
مجتبى: هوا هذا حضي واعرفه
الشيخه: هههههههه، يمه مهاب روح جيبلنه عشه لان البنات تعبن من الشغل اليوم
مهاب: تأمرين شيخه هسه حروح
ريان: اني سمعت طلعه لو كلبي رفرف اريد اكله اريد اروح وياك بس خاف ميقبل
مهاب: يلا يوم اني حروح تردون بعد شي غير العشه
نورهان: مهاب خلي اني وريان نروح وياك
مهاب: شفت نورهان تريد تطلع وكالت ريان كلت خطيه خلي اطلعهن ، يلا لعد انتضرجن برا بسرعه تعالن
نورهان + ريان: لحضه ونجي
مهاب: شفتهن راحن يركضن ركض مثل الاطفال ضحكت عليهن
مجتبى: ها ها حصونه على كيفجن بيها طلعه كل الحيل يصير بيجن
ريان: ماصدكت نورهان كالت هيج بسرعه رحت اركض ونورهان اجت تركض وراي اني لبست هيج 👇🏻

ونورهان لبست هيج 👇🏻

ونزلنه بسرعه للسيارة
مهاب: اجن البنات وريان طالعه تجنن لبسها مستور ويخبل وهيه مرتبه كلش، ماعرف ليش حسيت دانعجب بيها
ريان: صعدنه للسيارة اني صعدت ورا بس نورهان مقبلت كالت تعاي ليكدام كتلها تمام
رحت صعدت كدام ومهاب كعد بصفي ونورهان ورانه
مهاب: اجت ريان عبالي حتكعد كدام بس كعدت ورا ضجت وشفت نورهان تكللها كعدي كدام اصرت عليها وهيه قبلت اجت كعدت كدام يمي وفرحت لان صارت بصفي
وخليت اغنية هيثم يوسف ( حلو حبك اليه حلو خوفك عليه )
احسها ندمجت بالاغنية ونورهان تصور ويضحكن حيل فرحت بيهن وصلنه للمطعم طلبنه الاكل ولبين ميحضرو رحنه اخذنه مشروبات وآيس كريم والبنات رادن چيبس اخذتلهن ويصورن والناس تباوع علينه وهنه يضحكن 😂😂 فضحني (للكاتبه بنين آل شمر)
نوب رحنه اخذت الاكل ورجت للبيت
ريان: صعدت يم مهاب وشغل اغنية هيثم يوسف واني كلش احب اغاني هذا المطرب احسه كله احساس ضليت ادندن ويا واصور ويا نورهان رحنه ناخذ الاكل ورحنه جبنه چيبس ومشروبات وآيس كريم وصورنه وسولفنه وضحكنه صحيح طلعه سريعه بس تونسنه بيها ورجعنه للبيت
ما نزعنه ملابسنه كعدنه ناكل بيهن اكلنه وكملنه ونورهان صاحت
نورهان: مهاب
مهاب: خير شترديين
نورهان: مهاب حبيبي انت مو اخوي وحبيبي
مهاب: نورهان احجي بدون لواكه
ريان: شفتهم شلون حجت ويا وهوا رد عليها تذكرت محمد ونزلت دموعي وصرت ابجي بهستريه حيل شتاقيتله بذيج اللحظه ممتعودة على غيابه
مهاب: داحجي ويا نورهان واسمع ريان تبچي تخبلت مدري شبيها رحت عليها شبيج ريان شكو اكو شي يوجعج احجي وكفتي كلبي
ريان: لا ماكو شي بس تذكرت اخوية حيل شتاقيتله 😭😭
شفتك شلون تحجي ويا نورهان وتذكرته چنت احجي ويا بنفس الطريقة، اريد محمد 😭
مهاب: كسرت خاطري والله شلون تبچي وتريد اخوها
مجتبى: اكلك مهاب خطيه تريد تروح لاخوها ودينه لصديقي الجديد
مهاب: تمام بس لا تبچين كومو بما انو الوقت بعده وانتو مبدليين امشو نروم الهم بس كافي تبچين ريان
ريان: ما شالتني الكاع من كال حنروح ونبي حيل فرحت غياب الاهل صعب كلش تشكرت منه لان مايقبل يشوفني زعلانه دائماً يسويلي الي اريدة رحت اركض عدلت روحي واجت نورهان حطينه مكياج بسيط واحنه مبدلين نزلت ونزلت نورهان وراي وشفت مهاب صعد حتى يبدل
مجتبى: هاا ريان انتي ممنونتي اطلبج كيكة لان بسببي حترحين يلا لج من نرجع تسويلي
ريان: من عيوني تتددلل
إلياس: لعد اني حروح وياكم شعندي باقي هنا
الكل: يي تعال ويانه نتونس
ريان: نزل مهاب بس شنو من مهاب ولا عرفته يجننن طالع اول مره اشوفه لابس كاجول مو عربي
مهاب: شفت ريان شلون فرحت لان حتروح راحت عدلت روحها ونزلت واني صعدت ابدل لان باقي بملابس المضيف
صعدت للغرفه ردت البس نفس الوانها حتى نطلع كبلز مميز 😂 لبست هيج 👇🏻

مهاب: يلا امشو
ريان تعاي انتي وياي ونورهان ويا إلياس ومجتبى
يوم تعاي ويانه
الشيخه: لا يوم انته سيارتك تكسر رجلي رياضيه وما ارتاح بيها حروح ويا ابوك بسيارته
مهاب: ههههههه تمام يوم براحتج (للكتبه بنين آل شمر)
فرحت لان حلالي الجو صرت بس اني وريان بالسيارة
شغلت السيارة ومشينه
حسيتها فرحانه ومتونسه سويت روحي مادري وحطيت ايدي ؏ ايدها هيه باوعتلي وبتسمت اني فرحت لان ما ضاجت مني
كملنه الطريق متونسينه ونضحك وهيه سوالفها حلوة ما ينمل منهن
وصلنه لبيت الشيخ ابو خالد
نزلنه كلنه ودكيت الجرس طلع الحارس ورحب بينه
ودخلنه طلع الشيخ ابو خالد
الشيخ ابو خالد: ميت هلا ارحب
نورتو البيت هلا بيك شيخ نورت ابو مهاب
مهاب: نورك هذا الغالي شيخنه
ابو مهاب: حياك الله هلا بيك شلون خوية
ريان: جدو واجيت اركض علي مشتاقتلك حبيبي 😭
ابو خالد: هلا بنور عيوني هلا برفعت راسي شلون يبعد حيل جدج شخبارج
ريان: يروحي الحمد الله بشوفتك
ابو خالد: تعالو تفضلو تفضلو
مهاب: ضجت لان ريان شبكت جدها بس شسوي هذا جدها
اجه ابو محمد ودخلنه كلنه واجه محمد وعمامه كلهم
ريان: بابا شلونك حبيبي
ابو محمد: هلا بنور عيون شلونج حبيبتي شخبارج اني الحمدلله هسه صرت زين بشوفتج كدامي
رحت اركض على محمد شلون يروحي مشتاقتلك 😭
محمد: يروح اخوج وداعتج مو زين بسببي صرتي بعيده عنه
اروحلج فدوه شلونج يروحي مشتاقلج والله
ريان: حبيبي لا تحجي هيج زينه الحمدلله، بس بالي يم شغله وحدة
محمد: شنو هيه كلبي
ريان: بعد ويا منو تسوي صفقات حتى يرتب غرفتك
محمد: ههههههههه مشتاق لسوالفج هاي، اكول لـ ذهب تذلني مذله يلا تقبل ترتبلي الغرفه
ريان: ههههههه حلل(للكاتبه بنين آل شمر)
الكل: ههههههههه
مهاب: اشوفها شلون تضحك ويا اخوها وسوالفها مال الاطفال هههه كلش حبيت فهاوتها وروحها البريئه بس من تحضنهم ما احب 😒
رادن البنات يدخلن يم النسوان بس كال ابو خالد
ابو خالد: بوية احنه عائلة وحدة انشالله خليهم كلهم يمنه
ابو مهاب: خير انشالله خلينه هنا
ريان: دخلت ماما رحت عليها اركض كامت تبجي وتسئلني عليها واني اكللها ماما والله مشتاقتلج ومابيه شي
اجت جواهر واجت ذهب واجن عماتي ونسوان عمامي سلمت عليهن كلهن وكعدنه نحجي
نورهان: دخلنه وبيتهم كلش چبير وحلو والأحــــلا من هذا اخو ريان محمد شنو من محمد غير يطك بالكاع اللحيه والشوارب والجسم ضليت صافنه علي خاب مو شاب ضيم مايدعمهم مجتبى وياخذني محمد فصلية، بس بعدين كلت يا كبر صحصحي شبيج
اجن خوات ريان شكد حلوات ومرتبت سلمن علي وطلعن نفس الطكه مالتنه 😅
كعدنه نسولف كلنه
مجتبى: دخلت بنيه سبحان الخالق المبدع يبوووي تفك الحلوك عليها الجمال الشايلته ما شايله واحد من قبل والي عرفته اسمها ذهب خاب اسم ؏ مسمى الشفايف والوجه والجسم والاخلاق وكلشي ضييييييم كمت احوس بمكاني اريد اروح اكعد بدل هاي العتوي نورهان كاعده بصفها اريد اروح اكعد بدالها بس شسوي هذا حضي صليت احجي ويا الفكر إلياس اخر شي طكت روحي وصحت بين الناس كلها

انتهى البارت اتمنى يكون عجبكم
ادعموني بـ تصويت وكومنتات 🥺♥
اعذرونه ؏ السحكات😂

باي 😍🥀♥
#للكاتبه_بنين_آلـ_شمر🥀♥
#للكاتبه_رسل_السيلاوي🥀♥