رواية فصلية الشيخ مهاب الفصل الاول 1 - بقلم بـنـين آلـ شـمـر 𖣘

طبعاً خلصنه من الكعده ورجعنه للبيت وابوي ضل يحجي علينه لان ميحب امور ( الفصلية والنهوة والكصه بكصه وغيرها) بس اني فهمته انو لو ما ماخذ الفصلية اني چان عمي اخذها لـ يزن ويسويها خدامة ويزن ميرضى بهيج شي بس ميكدر يحجي ؏ الأقل اني اتحمل شهري ثلاثه واطلكها بس لبين ما يسكت الوضع
ابو مهاب: خوش وليدي بس ما تاخذ اغلا شي عدها لان انت راح تطلكها خلي تعيش حياتها وما تأذيها ولا تمنعها من دراستها ولا اي شي نعتبرها بنيتنه جايه كم يوم وتروح مفهووم
مهاب: الي تريدة يجرالك بوية
مجتبى: هسه اني الي مدعوم كاعد وراكم لا سالفه لا حجايه اخذو رئي ؏ الاقل
مهاب: انت سد حلكك ابو المصايب بعدني ما محاسبك ؏ الي سويته بس صير زين والله كريم
مجتبى: يبو ساعة السودة الحجيت بيها يارب لا تسمع من حلكه خليني مريض لان ذال نورهان كل شويه اكللها جيبيلي مي
ابو مهاب: هههههههه متبطل سوالفك
نورهان: بابا بابا صدك الي سمعته
ابو مهاب: على كيفج بابا شبيج شنو سعمتي
نورهان: يمعت راح تجي مرة اخوي واني لا عندي ملابس ولا فساتين اهئ اهئ اهئ
ابو مهاب: ولج بابا سكتي مراح نسوي حفله بس تجي مرة اخوج سكتاوي لخاطر حجي الناس
نورهان: هاا عيج لعد وكك ، اكول مهاب
مهاب: ها حبيبتي
نورهان: مرتك هم تدرس وشنو تدرس
مجتبى: يي تدرس بس اعقل منج
نورهان: مجتبى نچب خلي نفتهم
مهاب: يي حبيبتي مرتي تدرس بس منعرف شنو لحد هسه انشالله من تجي تعرفيين
اجه يوم الي تجي بي الفصلية تغدينه وكملنه وخابرناهم كالو جايين صعدت لغرفتي سبحت ولبست دشداشتي ولبست العكال ولبست محابسي وحطيت عطري واخذت السبحه ونزلت طلعت هيج 👇🏻

ام مهاب: يمه اللهم مصلي على محمد وال محمد شطالع وليدي لا تنحسد يروح امك
مهاب: يمه فدوة اروحلج، اخذت ايد امي بستها ورحت للديوان اجه عذاب ويوسف وراي
عذاب: شلونه العريس اليوم تجي المره
يوسف: يي بعد اخوك منشوفه اجت المره بعد منو الي يطلعه
مهاب: اكول سدو حلككم وامشو بعدين اني محد يلزمني عن الطلعه اطلع واطب بكيفي
عذاب ويوسف: يي نشوف
اجه إلياس
إلياس: وينه وينه
مهاب: الناس تكول السلام عليكم مو وينه وينه غسل
إلياس: لك اخوك وينه هسه اني ويني وين السلام كلي مجتبى وين
مهاب: جوا بالبيت
إلياس: خوش اني داخل يمه باي
مهاب: الله وياك، الله يعلم شنو حتسوون بـ أمي لان هما مايرتاحون اله يهجمون البيت شويه
نتضرنه اني وعمامي بيت الشيخ ابو خالد وطلعنه برا لان وصلو سيارتين اول سيارة نزل منها شيخ ابو خالد ويا ثنين من ولدة، والسيارة الثانيه نزل منها ابو محمد وثنين شباب وبنيه، البنيه من شفتها چان لبسها حلو ومرتب ( رتح تمولون شلون حلو وانتو شيوخ صحيح احنه شيوخ وناس معروفيين بس ما نتحكم بحياة بناتنه نخليهن براحتهن لان احنه نعرف شنو ربينه) البنيه تجي بعمر اختي نورهان نزلت منزله راسها مكدرت اشوفها عدل، ضلينه اني وابوي نحجي ويا الشيخ ابو خالد وابو محمد وهما يوصونه عليها، وابوي دكلهم صدر انو البنيه تضل عايشه يمنه سالمه مكرمه الى ان ترجع لبيتهه وانو تكمل دراسه ما علينه بيها، دخلت البنيه يم اهلي بس ما نتبهت عليها وعفتهم وطلعت للديوان انتضر الشيخ يجي
ريان: سمعت صوت من وراي لتفت شفت ثنين شباب واحد يمشي كوه والثاني سانده ويحجون
مجتبى: السلام عليكم، هاي اخت حميد
ريان: وعليكم السلام، ي اني اخت محمد انت وين تعرفني
مجتبى: افا اني ما اعرفج هم مرت اخوي وهم اخت صديقي الجديد وهم ما اعرفج
إلياس: يي شلونج اخت حميد ومرت مهيب
ريان: ههههه ضحكت على سوالفهم تجنن، الحمدلله بخير اني انتو شلونكم
ام مهاب: يمه معليج بيهم هذول مخابيل
مجتبى: يمه شسالفه ليش مخابيل
إلياس: عمه اني شمسويلج فوك ما خايف على مرت مهيب وجاي اسئل على احوالها
ام مهاب: ي خوش لا تخافون عليها خافو على روحكم هسه يجيكم مهاب
ريان: كعدت يم ام مهاب واحجي وياها فد مرية حبابه وخيرة ولسانها ينكط عسل، كعدت تحجيلي على زوجي الي ما اعرفه مهاب مجرد اعرف اسمه لهسه لا شايفته ولا اعرفه حجتلي على طبعه واسلوبه وشخصيته وشنو يحب وشنو يكره عرفت من خلال حجيها انو هوا عصبي شويه وحبيت شخصيته بختصار حجتلي بشكل مختصر عن حياته
بعدنه دنحجي واجت نورهان تركض
نورهان: ريان ريان
ريان: ها حياتي شبيج
نورهان: حبيبتي اجه الشيخ يلا تعاي حتى تعقدون
ريان: وكك يكلبي
دادريد ادخل للديوان وصاحت علي ام مهاب كالت لبسي هاي قبل لا تدخلين انطتني عبايه البسها ولبستها ودخلت للديوان كلت السلام عليكم وكلها ردت السلام
كعدت يم بابا واشوف نفس الولد الي دخلني للبيت يباوع علي تلبكت ونزلت راسي
ضل الشيخ يقرا احاديث وآيات وماعرف شنو آخر شي كال تقبلين بالزواج من مهاب فخر الدين زوجاً لكي (هنا عرفت انو مهاب زوجي المستقبلي هوا نفسه هذا الشاب)
ريان: نعم قبلت وانت وكيلي وهوا هم قبل وراح الشيخ
ودعت ابوي وعمامي وجدو وعيوني ما سكتن من البچي وراسي حيل يأذيني لان بس افكر وابچي
اخذني مهاب دخلني للبيت وطلع

مهاب: اجه الشيخ وعقدلنه واني لهسه ما شايف مرتي بس بعدين رفعت راسها وشفت عيونها الي يخبلن ورموشها الطوال وحلكها الصغير وشفايفها المنفوخه بـ أختصار تجنن ضليت صافن عليها هيه نتبهت اباوع عليها نزلت راسها اني هم كملت ويا الشيخ وراح ودعت اهلها ودخلتها جوا وطلعت نقهرت عليها شفتها تبچي ومرايدة هذا الشي بس انشالله ما احسسها بنقص وارجعها لأهلها بأقرب وقت
رحت يم عذاب ويوسف ويزن شويه نضحك ونغير جو لان صار هواي مكاعديين سوا ومجتبى وإلياس كاعدين بغرفة مجتبى بالبيت

رجعت للبيت وصعدت لغرفتي اول ما دخلت سطرني عطر يحي الميت دخلت لكيتها لابسه دشداشه قصيرة لونها ماروني وهيه رجليها بيض وحاطه مكياج بسيط
والشعر دمر احوالي لون اسود حبر وطويل كلش
ضليت صافن عليها جانت هيه ملتفته دتنضم بمكياجها نتبهتلي وصفنت دخلت للغرفة
مهاب: السلام عليكم
ريان: وعليكم السلام
مهاب: انتي شنو اسمج
ريان: اسمي ريان عمري 20 طالبة هندسة ديكورات
احب آكل سمج واندومي وبيتزا واحب اطلع واحب اشتري ملابس ومكياجات هواي احب اونس روحي احب اضحك دائماً واتعارك واتشاقه واذب ميانه بسرعه وعصبيه شوية
مهاب: اوكفي اوكفي اوكفي ترا سئلتج على اسمج مو على حياتج بس همزين كلتي حتى اتعرف عليج اكثر 😂

ريان: شفته شلون يضحك ضحكته شقت قلبي شقاً متشقشقاً 😂😂😂
مهاب: شفتها صفنت وتضحك كلت هاي البنت مجنونه رسمي

انتهى البارت
اتمنى تدعموني عاي اول قصة الي يلا حبايبي مع الف سلامه
باي احبكم 😍🥀♥

@byno_17
يوزر الانستكرام ضيفوني 🥀♥