رواية فصلية الشيخ مهاب الفصل الثاني 2 - بقلم بـنـين آلـ شـمـر 𖣘

‏احببتك رغم أنني لا احتضنك و لا اراك دوماً احببتك لاني كتبت بك و قرأت لك و ضحكت من اجلك و تغيرت لأجلك، احببتك و أنت بعيد كل البعد

مهاب : كلتلها اي عيني ريان اني راح انام على قنفه وأنتي نامي على جربايه
ريان : لا مهاب هاي غرفتك وانته نام على جربايه
مهاب : ريان إني شنو كلت حجايتي متنعاد مرتين يالله كدامي
ريان : ضليت صافنه بوجها ورحت نمت على جربايه بعد ماكملت تعزيل ملابسي والمكياج كعدت ثاني يوم الصبح كلي نشاط رحت للحمام سبحت وكملت شفت مهاب خطيه نايم على قنفه فتحت الضوه خليت مكياج خفيف شفت مهاب كعد صبحت عليه
مهاب : شفت ريان كاعده سبحان الخلقها مو بنيه ايه من الجمال صحصحت على نفسي مهاب شهل كلام بنيه كم شهر وارجعها كمت سبحت وبدلت اليوم جمعه عندي عطله بس نكعد بل مضيف اليوم عدنه مشيه عشيرت ال..... تردينه اروح وياهم كلت ال ريان تنزل كدامي
ريان: مهاب كلي نزلي كدامي نزلت شفت الحجيه وأخت مهاب كاعدات ب الصاله صبحت عليهن وكتلهن اسوي ريوك ماقبلو بالكوى قنعتهم اخت مهاب راحت وياي للمطبخ علمود تدليني على غراض وبنفس الوقت كلت اتعرف عليها
نورهان : اي مرت اخويه ريون شنو تدرسين
ريان : كليه هندسه ديكورات وانتي شنو تدرسين
نورهان : ياا حلو اني وياج نفس الاختصاص
ريان : ياا حلو وبقيت اسولف واضحك وياها وحبيتها بنيه كلش ضريفه وتحب تضحك وتسولف كملنه الريوك وحضرته اجت الشيخه كالت ماشاءالله شنو هل نزاكه وترتيب السفره خجلت والصراحه أحب أحد يمدحني 🙂 شويه ونزل مهاب بكشخته وجماله من فدوه لهل طول هنيال أمك عليك 😁 كعد أكل شويه وكام راح للمضيف
اجه مجتبى وعذاب ندمجت وياهم وتعرفت عليهم
مجتبى : اي ريان ماعندج اخت احبها عندج نفر داكه الجفاف محتاج عاطفه 😂
ريان : كمت اضحك على سوالف مجتبى
عذاب : مجتبى صم حلكك اكو احلا من الحريه شنو تريد اجيب دوخه الك وجع راس هم
مجتبى : ماكو أحلا من الارتباط والزواج والحضن بل شتاء افيييييش دفيت
ريان + عذاب : هههههههه
ريان : ها عذاب هسه احنه النسوان صرنه دوخه وجع راس
عذاب : لا مو كل اصابعك سوى
ريان :هههههه
الشيخه : يالله بنياتي همن ايدجن راح يجونه بيت الشيخ أبو يزن غداهم عدنه

ريان + نورهان : حاضر شيخه
ريان : اكلج نورهان سولفيلي على بيت عمج ابو يزن
نورهان : عمي ابو يزن عنده 3 ولد وكلش حبابين يزن ويوسف وألياس الي البارحه شفتي وعنده بنيه وحده إسمها ديم تحب مهاب ومن تجي تكب لواكتها وحتى للغرفه تصعد تنضفها بس مهاب كال بعد ممنوع تصعد ومهاب ميريدها وهيه هم من تجي بعد متصعد بس اسوي نفسها نادره تجي يمنه للمطبخ علساس تساعدني بس تبقى تسئل عن مهاب وشلونه دوامه واسئله ماصخه نفسها

ريان : هاا
نورهان : يي
ريان : يالله نورهان خلي نطبخ شنو نسوي غده
نورهان : تعرفين تطبخين
ريان : اي اعرف
نورهان : نسوي برياني على افخاذ لحم واوصي واحد من الولد يجيب سمك شوي من برى
ريان : تمام راح ابدي طبخ وصي واحد من الولد على سمك
نورهان : راح اكول ال مجتبى يخابر علمود يشون واحد من الولد يروح يجيبهن لأن مجتبى مسوي نفسه مكسر تكسر وهوى كلشي مابي
ريان : 😂😂😂 تمام روحي

بديت بالتشريب طبخته وسويت الحشو ونورهان طبخت التمن
رحت سويت سلطه وقطعت البطيخ والركي وسويت خضروات وحضرت مواعيين فواكه رتبت كلشي بنزاكه وترتيب
نورهان: اكلج ريون اني تعبت حروح اكعد
ريان: براحتج يعمري روحي
راحت نورهان واني بقيت اغسل بالمواعيين الي وصخه رفعت ردان الدشداشه وشلتها شوية والشال فتحته شوية لان الجو حار داغسل وسمعت صوت من وراي