رواية فصلية الشيخ مهاب الفصل الحادي عشر 11 - بقلم بـنـين آلـ شـمـر 𖣘

أنـت الـكـارثة التي أسير لها مُتلهفا للـوقوع ♥️

﴿ فصلية الشيخ مهاب ﴾

آدم: شفت سچين على الطاولة اخذتها وخرت ايد الشرطي الي لازمني ورحت على مهاب حتى اضربه

ريان: كمشو اللولد وشفته دفع الشرطي الي لازمه وبيدة سچين وهجم على مهاب اني چنت بصف مهاب دفعت مهاب ودخلت السچين بـ بطني مكدرت اقاوم بسرعه غوشت الدنيا بعيني وطحت وبعد مادري شنو صار

مهاب: اجه يريد يضربني ريان صارت كدامي
كمشتها وركضت بيها واصيح ولج ليش هيج سويتي خلي يدجني عسا ماتوكع بكلبي اسويتي بحالي والله موتيني

جواهر : يمه أختي والله اذا صارلها شي ماسامح نفسي والله أموت
مهاب : فتحي باب السياره الورى هاج هذا القميص خلي على بطنها علمود متخسر دم هواي
جواهر : اي اي يمه اختي

يوسف : هاكم اخذو هذا ودو للسجن اليوم شيخلصه من عندي المجرم اخذووووو

الجنود اخذو للسجن واني خابرت مهاب
مهاب : الو ها يوسف
يوسف : يا مستشفى راح ترحون
مهاب : مستشفى ال ......
يوسف : جايكم
مهاب : وصلنا للمستشفى وهيه فاقده الوعي
صحت ع ممرضين جيبو السديه جابوها يركضون دخلوها للطوارئ
اجه الدكتور شافها كال الحمدلله سطحيه عالجها وخلالها مغذي كال شويه وتصحه وتكدرون اطلعوها
الكل : الحمدلله ربي
يوسف : شفت البنيه جواهر كلش عجبتني بس لو مو سالفه المبايل والصور بقن الصور أريد اشوفهن شنو من صور بس خلي اسئلها بل أول اشوفها تكذب لو لا
يوسف : جواهر ممكن شويه
جواهر : تفضل
يوسف : شنو من صور دازتلا للولد
جواهر : والله صور عاديه مابيها شي
يوسف : لعد ليش هددج
جواهر : نذل
يوسف : الله كريم اني اخذت الجهاز منتضر يفتحو واشوفهن
جواهر: تمام

اجه الدكتور
مهاب: ها دكتور محمد طمني
الدكتور: الحمدلله صحت المريضه تكدرون تشوفوها بس دكتور مهاب اتمنى بهدوء المريضه هسه كعدت
مهاب: تمام دكتور ، دخلنه ولكيت بنت كلبي كاعده  ،  شلون ريان شلون صرتي
ريان: الحمد الله زينه بس شوية بطني توجعني
مهاب: لا تخافين وجع بسيط ويا الوقت يروح ،  انتي ليش هيج سويتي ليش ما خليتي يدخل السچين بيه ليش وكفتي كبالي
ريان: مهاب ما اتحمل اشوفك تتئذة لذالك خاطرت بروحي
مهاب: ياعمري انتي
جواهر: احم نحن هنا
ريان: وجع شبيج
مهاب: هههههههههههههههههه
ريان(بكلبها): اروح فدوة لهل الضحكه🥺😂
جواهر: ريون يلا حتى نروح للبيت ذهب منتضرتنه
مهاب: من كالت نروح للبيت تذكرت انو مراح ترجع وياي وكلش ضجت  ،  ريان تكدرين تكومين؟!
ريان: يي مهاب اكدر اكوم
جواهر: مهاب اذا رجعنه واهلي سئلو شبيها ريان شنو نكللهم؟!
مهاب: لتخافين اني فهمت الشيخ ابو خالد كلشي صار وبالنسبه الأهلگم نكللهم صارت عركة بالمول واجت سچين تايهه بطنها والجرح سطحي
جواهر: شكراً اخوية ماقصرت والله
ريان: شكراً مهاب هاي وكفتك ما ننساها للموت
مهاب: اششش يا موت شبيج ريان بعدين اني مسويت شي جواعر حاسبها مثل نورهان الله شاهد
ريان: فدوة لكلبك ، صدك نورهان وين مشتاقتلها
مهاب: نورهان حالياً بـ بيتگم قبل شوية تصلت عليه وهبصتني تريد تجي تشوفج وكلت لمجتبى ياخذها لبين ما احنه نروح
ريان: تمام لعد مهاب طلعني بسرعه منا
مهاب: مثل متردين راح اخابر دكتور محمد يرتب الأمور ويوسف يسوي الخروجيه
ريان: تمام ،  طلع مهاب يخابر صديقه واجت جواهر يمي
جواهر: هاا حــب كلمتج مسمومعه😉
ريان: نچبي لـچ ، اجه مهاب وراد يكومني حتى نروح للبيت
مهاب: يلا ريان كومي على كيفج(وهوا يحط ايدة على خصرها والايد الثانيه بيدها)
ريان: من لزمني حسيت روحي رجعتلي بس بعدني مقهورة من الي سوا بس شسوي ماكدر كلبي مينطيني ازعل منه
يوسف: مهاب اخذ البنات وروحو اني حروح للمركز اشوف هذا النذل شنو سوو بي واشوف التليفون شتغل لو لا
مهاب: تمام اين العم ممنونك
يوسف: لا خوية واجبي اليوم بالليل اجيكم اني ويزن
مهاب: هلا بيكم تنورونه.  ،  يلا مع السلامه
يوسف: الله وياك خوية
جواهر: باي
يوسف: باي
رحت للمركز وشفت هذا الحقير مجنزي جنازة من الضرب
رحت علي ضربته بعد الى ان طلعت حركة كلبي كلها اريد اعلمه شلون بعد يلعب على بنات الناس  ، صحت على الضابط الي وياي كتله بخصوص التليفون وكال بالمكتب موجود رحت للمكتب فتحت التليفون شفت الصور صدك مابيهن شي البنيه دازتهن بحجابها مسحتهن وفرمتت التليفون وحركته وحركت السيم كارت وكلشي بي

مهاب: وصلنه للبيت نزلت ريان على كيفي
فهمت اهلها انو چانت بالمول واني چنت ويا ابن عمي وصارت عركة واجت سچين بـ بطن ريان وسطحيه وتفهمو وصدكوها

ــــــــــــــــــــــــــــــــــــ♡ تسريع الأحداث♡ ـــــــــــــــــــــــــــــــــــ
مرت10 أيام اني صرت زينه والجرح طاب ومهاب ماتركني بين يوم ويوم يجيني يتطمن عليه وباليوم يخابرني 4 مرات اقل شي  ومهتم بيه كلش حسيت انو الزعل طول وصار لازم ارجع لبيتي واهلي الثانين وشتاقيت لزوجي الي هل الأيام كلها الي مرت علي تدمرت لأن مو يمه بختصار چنت كاعده على نار وبديت احبه اي احبه هتمامه وخوفه عليه سوا كل هذا وبعيونه مبين ندمه على الي سوا فقررت انو ارجع بس بشروط
ريان: بابا
ابو محمد: ها بابا حبيبتي
ريان: اريد احجي وياك بموضوع بخصوص مهاب واريد جدو موجود
ابو محمد: انشالله بابا بعشوي تعاي للأستقبال لبين ما يحي جدج من المضيف
ريان: تمام بابا  ، مرت تقريباً ربع ساعة واجه ابن عمو الصغير
تيم: ريان ريان جدو وعمو يردوج بالأستقبال
ريان: وكك حبيبي اجيت رحت للستقبال بست جدو وبابا وكعدت بصف جدو وهوا حضني
الشيخ ابو خالد: شلونه الحلو اليوم
ريان: يعمري جدو الحمدلله بخير انت شلونك
الشيخ ابو خالد: بشوفتج صرت احسن من الزين
ريان: فدوة لكلبك حبيبي  جدو اني اريد احجي وياكم بموضوع مهاب بما انو امس دز عائلته خاطر يرجعوني
الشيخ ابو خالد: اي جدو كملي
ريان: جدو اني موافقه انو ارجع لمهاب بس بشروط
الشيخ ابو خالد: اي يا الله امري بنتي الي تردي يجرالج
ريان: يا حبيبي جدو  اني اريد ارجع بعرس ارجع عروس وليس فصلية ماريد واحد يعيرني بكلمة فصلية واريد البس فستان ابيض وعرس حلو مثل كل بنيه  ثاني شرط اريد ما يمد ايدة علية لو شما صار يجيكم انتو ويكللكم بالي غلطته وذيج الساعه انتو تتصرفون واني اوضحلكم شنو السبب ثالث شرط اكمل شغلي محد يمنعني من هذا الشي والشرط الرابع والأخير اني اكولة لمهاب من يجي
الشيخ ابو خالد: بارك الله بيج بنتي وانشالله الي تردي يصير اذا هوا رايدج
ريان: انشالله جدو ، بابا انت شنو رئيك
ابو محمد: والله يا بابا كلامج معدل ومابي شي
ريان: شكراً  ، يلا حبايب رايح احضر العشه  ، رحت حضرنه العشه وكملنا وكعدنه شويه سولفنه وندك الباب
محمد: منووو
مهاب: انه اخوية  ،  السلام عليكم
محمد: وعليكم السلام هلا والله شلونك خويه شخبارك
مهاب: الحمدلله بخير انت شلونك شخبارك مشتاقين
محمد: والله اني الاكثر  ، تفضل تفضل
مهاب: دخلت للأستقبال واجه الشيخ وابو محمد واخوانه 3 ولدهم دخلو يمنه سلمت عليهم وكعدنه طبعاً اني جاي ونورهان وياي لزكت اله تشوف ريان دخلت جوا يم النسوان وانه بقيت يم الزلم
نورهان: اجيت ويا مهاب حتى اشوف ريونتي مشتاقتلها هواي الخبيثه  ، اجيت وشفت اخوها محمد مو محمد ضيم يربي راح انجلط شهل الجمال هذا نجبي نورهان ثكلي شوية.، دخلت يم ريان وجنت متلهفه عليها من كد ممشتاقه الها كعدنه نحچي الى ان صاحولها
مهاب: الشيخ كال انو ريان تريد تحچي وياي هما طلعو وريان  دخلت شكد مشتاقها بنيتي
ريان: السلام عليكم شلونك مهاب
مهاب: وعليكم السلام  الحمدلله بخير انتي شلونج شخبارج
ريان: عساك بخير  اني الحمدلله
مهاب: دومج انشاء آلَلَهّ   ،  ي ريان طمنيني شقررتي
ريان: مهاب اني قررت ارجلعك بشروط
مهاب: الحمدلله ربي ريان طلبي كلشي يجرالج.
ريان: اريد عرس وارجع لبيتكم عروسه مو فصلية والناس تعييرني بيها
مهاب: تتددلليين تصيرلج وبعد
ريان: واريد مابيوم تخذلني وتنعدم ثقتك بيه بيوم من الأيام
واذا سمعت شي متمد ايدك عليه الى ان يتوضح كلشي
مهاب: هذا الشي اكيد بدون شروط وبعد
ريان: اريد اتعيين وما واكعد بالبيت اكمل دراسه وشغل
مهاب: يجرالج اصلاً اني ماريد امنعج من هل الشي اريد زوجتي تكون مثقفه وفاهمه
ريان: تمام وبعد اكو شرط ولاخير
مهاب: من سمعت آخر شرط ستغربت لأن ما توقعتها راح تشرط هيج
ريان: الشرط الرابع هوا.... 

انتهى البارت اتمنى يعجبكم 🥀♥

اعرف مقصرة وياكم آخر فترة بس مجبورة لان اربيعينه وزوار ونطلع نمشي ومجالس عزاء يعني ملتهيه كلش والله اتمنى تعذروني كلش احبكم 🥀♥

عذروني على السحك 😂👍🏻

باي يوزري الأنستغرام  للتواصل @py.n17🥀♥

1259 گلمة 🥀♥