رواية فصلية ل راهب الفصل الاول 1 - بقلم zena ali

مرحبا
هاي اول قصة الي بالواتباد اتمنى تنال اعجابكم وهي باللهجة العراقية
ورجاءا غير مبري الذمة الي ياخذ كلمة وحدة

في بغداد الساعة 7 صباحا في بيت يعمه الهدوء وتغرقه راحة الريوك العراقي المشهور (كاهي وكيمر والجاي المهيل )
نورس:ترف...ترفة يلا كومي الكاتبة زينه حبيبتي راح تتاخرين علة دوامج

ترف:اي ماما كمت..صباحوو يا احلى ام بالدنيا

نورس:صباح الورد على الكاتبة زينه علي عيونج يلا حبيبتي كومي وكعدي اختج وياج بينما اصب الريوك

"حاضر ماما " حجت ترف وهية توخر الغطى عنها وتروح لجوري

ترف: جوري ..جوري. جوووووري

جوري: ها ها شكو منو مات وشوكت 😮

ترف خربت من الضحك على اختهة
"كومي كومي محد مات بس راح نتاخر عالدوام " حجت ترف وهية اعوف اختهة وتروح تطلع ملابس الدوام

اعرفكم عن نفسي اني ترف عمري 19 أول سنه كلية اداب قسم فرنسي
اني حلوة الحمد لله ماخذة جمال امي لان ماما كردية اني بيضة وعيوني لون اخضر الكاتبة زينه طولي حلو 160 وزني 60 يعني شكلي مناسب

شكل ترف

اني هادءة وماحب اتكلم هواي وما عندي اختلاط باحد من دوامي للبيت ومن البيت للدوام

اني البنت الكبيرة ماعندي اخوان اولاد عندي بس اخت وحدة اسمهة جوري 17سنه خامس علمي وهية هم حلوة وتشبهني فقط بلون العيون هية جريئة مو مثلي هادءة الكاتبة زينه علي بالعكس هية اللي تخلي البيت كلة نشاط وصوت ضحكتهة يملا كل اركانة

جوري

بابا وماما الحمد لله عايشين بابا علي 48 سنه محاسب ببنك شخصيتة قوية وكولش يحبنة ومدللنة وما يقبل بالغلط ويعتبرنة كولشي بحياتة

ازوج هوة وماما بعد قصة حب طوويلة وبعد عناء يلا اخذهة بحكم انو اهلهة مينطون لعرب

وماما نورس38 ربة بيت اعتبرهة صديقتي قبل متكون امي ماضم اي شي عنهة طيبة وحنونة عمرهة ما قست علينة

بيتنة وحياتنة هادءة جدا ماكو شي معكرهة

كملت سبح وبدلت نزلت جوة لكيت بابا يقرا الأخبار عالنت وماما تصب جاي وجوري تجيب الريوك وية امي

"صباح الخير عليكم "
كلهم ردو:صباح النور

بست بابا وكعدنة ناكل وجوري كل شوي تحجي شي يضحكنة

كملنة وراح بابا لدوامة واني اخذت جوري بطريقي اوديهة للمدرسة لان اني عندي سيارة

وصلتهة وكتلهة تدير بالهة على نفسهة
ورحت لدوامي

هاذة روتيني اليومي

*****************************Z

في مكان ما في محافظة ميسان في بيت اقل ما يقال عنه قصر من قصور حكايات الف ليلة وليلة
ينام بطلنا بغرفته الباردة الكاتبة زينه علي المظلمة
يفز وهوة مزعوج يتوعد للي تجرأ يدك الباب هسة
:اليوم ناوي على موتة اكيد اللي اجة

فتح الباب وهوة ضايج
"خير شكو"

غدير:الشيخ يريدك ضروري

:ماشي جاي

نزلت غدير مثل الطلقة من خوفهة

اعرفكم
اني النقيب راهب ابن الشيخ حاكم شيخ عشيرة.......
عمري 32 سنه خريج إدارة واقتصاد شكلي طويل وضخم اني من النوع اللي اهتم بشكلي وصحتي بحكم دوامي

عصبي وماحب الغلط اللي يمشي عدل وياي احترمة والينعوج اعدلة 😡
كلهة تهابني وتحترمني

راهب(تخيلوه بدون لحية بس شوارب لان ضابط 😇)

الوالد حاكم 67 سنه عقلة يوزن بلد ماكو حجاية تنردلة الكل يسكت بوجودة والكل ياخذ شورة ازوج الوالدة عن طريق بيبيتي الوالدة فضة 53سنه الكل بالكل هية جنتي

عندي اخوان اثنين حسن 30 سنه الكاتبة زينه ملازم أول وخريج هندسة حاسبات مزوج من 3سنوات من سعاد بت عمي وللاسف طلع عقيم ميصير عندة جهال

حسن

حسن مثلي اعصاب وميتحمل خاصة من عرف نفسة عقيم صار ما يتحاجة بس طبعا وية الشيخ والشيخة غير شي
واحنة هم مقدرين وضعة

مرتة هاي قصة لوحدهة وحدة طايحة حظ تريد تحرك البيت بسمهة ويومية نسمع عياطها هية وحسن بسبب لسانهة حجاية والثانية وعيرتة بعقمة و هوة متحمل لان بت عمة وعيب واحنه تكول الكاتبة زينه علي هية صابرة عليه رغم مرضة

اخوية الثاني أمير 25 سنه انسان فاشل بكلشي بالدراسة وبالشغل مفاد وياه لا حجي ولا كتل جم مرة ومرة يسوي مصيبة ونسدهة والعالم تحسب حساب ابوية وتحترمة وينسد الموضوع

عندي سناء اختي الجبيرة مزوجة ببغداد

واخر العنقود غدير 18 سنه مدللة الشيخ والشيخة بس اني كلش شديد وياهة ماريد اخربهة بالدلال الزايد والحجي اللي اسمعة واللي يجني عالفيس خلاني حيل اتشدد وياهة حتة من المدرسة الكاتبة زينه علي لثالث متوسط وماخليتهة تكمل وحسن وياي بهالحجي
موبايل بعد حجي هواي يلا خليت عدهة وممنوع اي برنامج ينزل بيه طبة وطلعة الهة بالاسبوع مرة لان خطية بالبيت دايما هم تضوج بس وية واحد من الولد لو وية ابوية او امي لانها صغيرة وحلوة العين عليهة

اني مو معقد بس اخاف على أهل بيتي بحكم منصبي ومنصب اخوية وابوية كلشي يصير الدنيا مو امان

لبست الزي اخذت بيريتي وموبايلي ونزلت لكيت الشيخة والشيخ وحسن وسعاد وغدير كاعدين يتريكون صبحت عليهم وبست ايد الشيخ والوالدة

راهب:غدير ستكان جاي من يمج

غدير:صار خوية

راهب:آمر شيخ كالت غدير تريدني

شيخ حاكم:اي وانا ابوك خلص جايك والحكني للديوان انته وحسن

حسن وراهب: انشاء الله

راح راهب وحسن للشيخ

راهب :خير شيخ ضل بالي
حسن:كول يابة شصاير

شيخ حاكم: انة تعبت حيل من اخوكم يومية سالفة ويومية حارك دمي

راهب بعصبية :شسوة هالحيوان

شيخ حاكم: يريد يروح لبغداد لعرس صاحبة وانتو تدرون هاذة مو خوش آدمي يروح لبغداد وهم يسويلة سالفة

راهب:وهوة وين هسة
شيخ حاكم: طلع من الصبح قبل ما تكعدون

حسن: اني اربيه لهالحيوان اليوم انزع جلد من جلدة
راهب: لتخاف شيخ ولا يضل بالك اني اخلص شغلي واروح اني وحسن وراه

شيخ حاكم: اي روحو وجيبو حتة لو سحل

حسن وراهب:تحت امرك شيخ

راهب:من رخصتك شيخ اروح لدوامي

شيخ حاكم: مرخوص بوية

***************************
نرجع لبغداد

ترف
رجعت من الدوام ب3 الظهر دخلت لكيت عمي صادق و ياسر ومصطفى ولدة

طبعا عمي عندة 3 ولد
احمد الجبير 30 سنه عايش بالخارج ومزوج

مصطفى 28 خريج هندسة وخاطب حبيبتة وياه
بالجامعة

ياسر 23 يدرس خريج علوم سياسية بس ماكو تعيين عندة كوفي شراكة هوة و ولد صديقة

اني وياسر كولش اصدقاء احسة اخوية اللي الوقت سوة نحجي عن كليتي عن كولشي الكاتبة زينه علي تقريبا يخص حياتنة بس مجرد اخوة اني مو مرتبطة ولا عمري فكرت بهيج سوالف

سلمت على عمي وعلى مصطفى وسألت عن خطيبتة

ترف:شلونك ياس عاش من شافك

ياسر: ولج جكمة البارحة نحجي

ترف :هاي عليمن جكمة شوف عمو شيكول صدك اني جكمة
حجتهة بدلال

صادق:هههههه يا كلب عمج يروحلج فدوة غير كمر انتي

اجت جوري تصرخ
جوري : اي عيني ترف كمر واني شنو بت البطة السودة

صادق وعلي وياسر ومصطفى :هههههههههه 😂😂

صادق:ولج ام لسان علكيفج

ترف :شنو هالاناقة ياسر

ياسر:اي والله عرس صديقي اليوم رايح اباركلة ومناك نطلع اني والشباب

ترف: هاا مبروك يوم الالك

جوري : يوم الالك يسوو

ياسر:😡تدرين ماحب هالدلع

جوري : عابت فوكاهة وين لاكي كيوتة مثلي تدلعك

كامت ترف واخذت جوري قبل ما تطور الأمور مثل كل مرة

استأذن ياسر يروح حتة ميتاخر

راح ياسر ومصطفى طلع وية خطيبتة وعلي وصادق يسولفون

والبنات بغرفتهن جوري تدرس وترف نايمة

*************************

بإحدى المناطق في بغداد
ياسر فرحان بصديقة ويركص ويغني اخذ سلاح وكام يرمي

فجأة اختفت ضحكتة وحس كلبة راح يوكف وهوة يشوف الدم اللي ملة الكاع

ياريت التفاعل
فوت+تعليق متخسر هواي ترة

يا ترى شنو صار 🤔🤔

Zena2682000