رواية فصلية ل راهب الفصل الثاني 2 - بقلم zena ali

مرحبا 😍

مع انو المشاهدات قليلة جدا بس ميخالف أنشر 😊😊

بقى ياسر مصدوم من اللي صار
ياسر:اني شسويت يا الله

*************************

في ميسان

ساعة 8ليلا في بيت الشيخ حاكم والكل كاعد عالعشة

شخص غريب:الوو...اخوية حضرتك تقرب لأمير حاكم

راهب:الوو..اي نعم اني اخوه اتفضل

الشخص: للاسف اخوك جابوه للمستشفى
الكاتبة زينه علي مضروب طلقة براسة ومكدرنة نسويلة شي
البقاء لله

صرخ بعلو صوتة
:لااااااا أمير

شيخ حاكم:راهب شبيك اخوك شبيه احجي

حسن:شبيه أمير؟

"امير مات"

هاي الجملة هزت كلوب كل الموجودين صح هوة جان مو خوش انسان بس يبقى ابن وأخ الكاتبة زينه علي وشخص الة ذكريات بكل ركن داخل هالبيت الجبير والة مكانه بكلب كل واحد من اهلة

راح راهب وحسن و ولد عمهم لبغداد حتة يجيبون جثمان اخوهم
وبقى الشيخ حاكم واخوتة يحضرون الفاتحة وينصبون الجوادر لان الناس عرفت بالخبر وكل العشاير راح تجي تاخذ من خاطرهم

البيت مليان بالأسود والحزن غطى كلوب اللي يحبونة وبنفس الوقت اكو اللي يشمت بهاي العائلة ومنتظر وكعتهم

******************************

في بيت ابو احمد (عم ترف)

صادق:مصطفى ساعة 11 واخوك ماكو وجهازة مغلق كوم شوف وين راح

مصطفى: قابل وين يروح يا يابة شنو صغير وأطلع ادور عليه شوي ويجي

صادق: هاذة اخوك اخيرا اتصل

صادق:لك وين صرت متكلي متكول أهلي يضل بالهم صدك جذب يا ابني

ياسر:يابة اني واكع بمصيبة

صادق:يا ستار شصاير

ياسر:بابا اني قتلت شخص

صادق بصدمة: انته شجاي تحجي

ياسر:والله ماجان قصدي اني جنت ارمي واجت الطلقة بيه مو قصدي اكتلة

صادق:انته وين؟

ياسر:اني كاعد بفندق .....

صادق: تعرف هالولد منين شنو اسمه حتة نروح لاهلة
ياسر:لا ماعرفة

صادق: ماشي سد تلفونك واني اروح هسة لعمك نشوف شنسوي بهاي المصيبة اللي وكعتنة بيهة

سد صادق التلفون

"مصطفى اخوك كسر ظهري"

عاف ابنه وراح لاخو ولحكة مصطفى يريد يفهم شصاير و شنو هالحجي اللي كالة ابوه

***************************Z

بهالوقت المتأخر نورس وعلي وجوري نايمين بس ترف ام كلب ترف مكدرت تنام عدهة احساس بعدم الراحة كاعدة يم شباك عرفتهة تباوع للسما المليانة نجوم ومشغلة موسيقى هادئة بلكت تقلل
الكاتبة زينه علي من هالشعور وتحس بالامان طفت التلفون وكامت تسد الشباك شافت سيارة عمهة طبكت بالباب

ترف:يا ستار شصاير بهاليل
ندك الجرس نزل علي يفتح الباب كعد كل اللي بالبيت

علي:خير خوية شجابك بهالليل شصاير

صادق: ابو ترف اني وكعت بمصيبة ماعرف شلون اطلع منهة

علي:خير ابو احمد احجي وانشاء الله ماكو شي صعب كلشي ينحل بحيل الله

نزل صادق راسة وكال: ياسر كتل واحد وهسة هوة شارد

ترف حست نبضهة وكف شنو هاذة اللي جاي تسمعة ياسر يقتل مستحيل اكيد اكو شي غلط

علي:شلون هيج صار ومنو هاذة الي نقتل

صادق: ولد صديق ميثم صاحب ياسر جان وياهم بالعرس ياسر يرمي واجت الكاتبة زينه علي تايهة بيه وصار اللي صار والولد مات

نورس: انا لله وانا اليه راجعون الله يصبر اهلة

علي :لا حول ولا قوة الا بالله العلي العظيم
ابو احمد لازم نتصل على اهلنة ونخبرهم اللي صار ولازم نعرف هالولد منين حتة نعرف شنسوي

راحت ترف وجوري وامهن فوك وبقى صادق وعلي يتناقشون ويتصلون على اقاربهم

ترف:ماما شنو حيصير لياسر؟

نورس:ماعرف يا بنتي انشاء الله تعدي على خير

جوري وترف:انشاء الله

**************************
استمرت الفاتحة اسبوع كامل في ميسان بحكم مناصب الشيخ و ولدة
خلال الأسبوع هاذة شيخة فضة حالتهة تدهورت على ابنهة
الشيخ حاكم باقي قوي وثابت لكن داخلة ينزف دم على ابنة اللي راح
حسن محد يكدر يحجي وياه بسبب اعصابة ومتوعد للي قتل اخوه يمشي بالمثل(العين بالعين)
راهب ما جان اقل من اخوه يريد الكاتبة زينه علي يشرب من دم اللي سوه هيج بس للاسف مايكدر هسة

###
اما ابو احمد وابو ترف خلال هالاسبوع عرفو من صديق ياسر اسم أمير وعنوانة وباليوم الثاني للفاتحة دزو أحد كبارية عشيرتهم و وياه الكاتبة زينه علي شيوخ وناس خيرة وراح وياهم ابو ترف وهاذا اللي صار..

ابو عمار(الجبير): البقاء لله هاذة حكم الله شيخ

شيخ حاكم:ونعم بالله جيتكم على راسنة حجي ابو عمار

ابو عمار:سالم راسك شيخ
احنه جايين علمود العطوة يا شيخ احنه اهل ياسر اللي كتل المرحوم وهاذة عم الولد ابو ترف

هنا كام راهب وحسن على حيلة وكامو وياه كل ولد عمامة

حسن:والله لاشرب من دمك

راهب:حسن بسسس احترم الشيخ والعالم الكاعدة

حسن:يا خوي شلون اتحمل كتالين اخوي كبالي

شيخ حاكم:ولك حسن حشم ابوك والوادم الكاعدة

حسن:اعتذر منك يا شيخ

شيخ حاكم:يابو عمار احنه حجينة ويه عمة

ابو ترف :اللي تكول عليه يجرالك شيخ

شيخ حاكم:انشاء الله
كدامكم 10 ايام تجيبون جبيركم وانشاء الله يصير خير

ابو ترف:انشاء الله
نرفع الزحمة

شيخ حاكم:بعد وكت ابو ترف ابقو الليلة وانتو دربكم بعيد والدنيا ظلمت

ابو ترف: مشكورين شيخ تعذرنة والله العائلة وحدهة

شيخ حاكم: معذورين الله وياكم

******************

ثاني يوم وصل صادق وعلي لبغداد وكلمن راح لبيتة

ساعة4 العصر في بيت ترف

معد علي من النوم واجن بناتة واتجمعو حتة يتغدون كملو غدة كعدو علي ونورس يتناقشون باللي صار والبنات صعدن لغرفتهن الكاتبة زينه علي

نورس:انته برأيك شتكول علي ممكن يطلبون دم؟

علي:ما اتوقع ابوهم مبين علي عاقل ورزن ما راح يطلب هيج شي

نورس: الحمد لله اذا نا يطلب دم يعني راح يطلبون فلوس وهاي مكدور عليهة

علي:انشاء الله يطلبون بس فلوس وما يصير الي ببالي

نورس:شنو اللي ببالك علي؟

علي:ماكو شي
اني كايم ابدل حتة اروح لبيت اخوي

نورس:ماشي عيني الله وياك

***************************
ترف:ياسر شلونك اخبارك

ياسر:الحمد لله
ترف انتي مصدكتني موو انتي اختي اوكفي وياي اني ما جان قصدي والله

ترف:شدكول انته صدك جذب الكاتبة زينه علي ادري مو قصدك اللي صار صار واحنه كلنة واكفيين وياك ما نتركك ابد انته بس كول يا الله انشاء الله تنحل على خير

ياسر:انشاء الله

يلا ما اطول عليج اخذي راحتج

ترف:دير بالك على نفسك
الله وياك

سدت التلفون وهية تدعي الله يساعدهم ويزيح هاي الغمة عنهم

******************

خلصت ال10 أيام وراح شيخ عشيرة ياسر وابوه وعمه

.....