رواية فصلية ل راهب الفصل الرابع عشر 14 - بقلم zena ali

هلووو هم كولو تأخرت عليكم حتة انتحر هسة
حلقوماتي راح يكون النشر كل خميس وجمعة وبارت طوييييييييييييل جدا جدا
احبكم تووومة تووومة😍
.....................

في بيت الشيخ حاكم
جوري
راحو اهلي الفجر للنجف توسلت بيهم اروح وياهم مقبلو والشيخ كال راح تبقين ببيتي بقيت كاعدة طلعو واجت غدير علية انطتني ملابس حتة ننام لان تعبانين واني ما نايمة جنت الكاتبة زينه علي الليل كلة كاعدة يم ترف وماما غدير حبابة خطية تحاول تهديني وتحجي وياي وسولفنة وتعرفنة لحد ما تعبت ونمت مادري بنفسي كعدت على صوت عالي كلش (شنو هالازعاج ) بعدين تذكرت اني مو ببيتنة بقيت بفراشي بس صار الصوت العالي صوت صياح وغلط خفت خاف صاير شي ركضت الكاتبة زينه علي ليجوة شفت الشيخة وغدير وحسن كاعدين علة صينية الريوك وهاي مرة حسن بس تصيح

سعاد:مو عيب عليك رجال شكبرك شكدك شلك بهاي السوالف

الشيخة فضة : ولج احترمي نفسج شهالحجي هاذة تخبلتي علينه من صباحية الله

سعاد:والله إسألي ابنج شيخة الليل كلة نايم ويصيح وردتي وردتي شني ما مالية الكاتبة زينه علي  عينة تالي الضيم وصبري عليه وهوة ما يخلف هيج يجازيني

كام حسن وهوة صاير ناار ضربهة راشدي ولزمهة من شعرهة

حسن:بت الكلب هاي عليمن هاذة الصياح هاا اليوم اجنزج وعلي

جوري راحت لزمت ايدة الي لازم بيهة شعر سعاد :فدوة اتركهة كول يا الله لحظة عصبية وهيج حجت ميخالف

غدير:تعاي جوري حبيبتي

الشيخة فضة:حسن يمة عوف مرتك مو وكتهة

حسن: والله لوما بت الناس وامي ثقي بالله ادزج بتابوت لاهلج ويلاولي من يمي اريد ازقنب
ورجع للصينية

الشيخة فضة:يمة جوري تعالي اتريكي

جوري: اي خالة اجيت
صباح الخير

"صباح النور"

غدير:هههه بعد وكت تعاي تعاي اتريكي

الشيخة فضة:ولج غديران علكيفج وية البنية

جوري:😊😊
اكول خالة شوكت يرجعون اهلي

الشيخة فضة:والله يا يمة مادري بس تلكيهم هسة يلا طبو النجف

غدير:شني بسلا مليتي من عدنة

جوري:لا والله مو قصدي ابد بس ضال بالي يم ترف

الشيخة فضة:لا تخافين ربج وياهة ما عليهة شي انشاء الله

غدير:جوري اكلي لا تستحين

حسن:يمكن تستحي مني اترخص اني

جوري:لا خيي مو منك وربي بس اني ما اشتهي من اكعد من النوم

حسن( شوف بت الكلب تكلي خيي بسيطة يجي يوم و اعلمج ياهو اخوج يبعد اهلي )

حسن:يمة اني رايح لدوامي محتاجة شي

الشيخة فضة:لا يمة سلامتك دير بالك على روحك

غدير:يمة قابل صغير تكليلة دير بالك على روحك

جوري:ههههه مهما نكبر نبقى بعين اهلنة صغار

الشيخة فضة:حجيتي العدلة شهاللسان هاذة

غدير:يمة بعمرج ما مدحتيني هيج 😢راح ازعل ترة

جوري: هههه لالا كلشي ولا تزعلين

كمنا لمينه المواعين وبقيت اساعد غدير بالشغل وهية ولا تقبل بالكوة وخالتي ام راهب كل شوي تصيح علية اكعدي واكعدي بس اني الكاتبة زينه علي ماقبل عيب وهاي جنتهم عشتو ولا نزلت ولا ابد الله يساعدهم عليهة خلصنة كلشي والشيخة تصلي الظهر اني سبحت ولبست ملابسي الكاتبة زينه علي  الي اجيت بيهن لان مجايبة ملابس وياي

ملابسهة بس الصدرية شوي اطول وية الركبة 😊

غدير راحت تسبح واني بقيت بالمطبخ كاعدة اكلب بالفون مالتي مندمجة وية التلفون وندك الباب شلون بهاي الحالة رحت الباب

جوري:منوو

:اني أحمد شبيج غدير افتحي الباب

جوري فتحت الباب : اتفضل اسفة بس ممكن تنتظر اكل لأهل البيت يلا تدخل

احمد:اني ابن عمهم انتي منو

جوري :اني كرايبهم

احمد :شني احنة عدنه كرايب هيج واني مادري

جوري:العفو

احمد:شسمج

جوري:اسمي جوري

احمد:اسم على مسمة صدك جوري وجنج جوري

بصراحة خجلت من كلامه وهوة ماشاء الله حلو وطويل ومعضل اعتقد العشيرة كلهة جيناتهة حلوة 🤭
ردت اجاوب ودخل حسن يووومة باوع علية لو احس ملك الموت اخذ روحي كبل الكاتبة زينه علي  دنكت راسي منة

حسن:يا هلا بابن العم شجابك ما تدري ماكو احد بالبيت

احمد:هاذة بيت عمي حسن ما بيهة شي واني مادري ماكو احد اني جاي علة عمي

حسن:ولمن جاي لعمك ليش تتعدة حدودك وية حرمة البيت

جوري:علكيفك حسن ما سوى شي هوة بس سال على اس...

حسن:اشششش شعندج واكفة وشمطلعج بهاذة لبسج هاا مو اكو حرس همة يطلعون امشي ولي جوة

جوري ( هاذة مخبل شلون يحاجيني هيج)

حسن لزمهة من ايدهة :اني ويامن احجي طبي جوة

رحت ركض جوة واني جسمي يرجف دخلت مثل للمطبخ

الشيخة فضة:وين جنتي بنتي

غدير :جوري شبيج ترجفين و وجهج اصفر

الشيخة فضة :يمة شبيج شصارلج

جوري:ما بية شي بس دخت شوي

الشيخة فضة :اي حقج تدوخين ما ماكلة شي واشتغلتي
غدير صبي الغدة اني ما اريد هسة رايحة انام واذا ما تقبل تاكل صيحيني اكسر العصا عليهة

جوري:ههههه لالا اكل وربي صار بيهة ضرب

راحت الشيخة واني بالي يم حسن واحمد ليش ما دخلو يبوو شعلية يجوز طلعو الكاتبة زينه علي بعدين اني مسويت شي واصلا مو من حقة هيج يتجاوز بكلامه وياي
جاي نصب الغدة ونزلت سعاد

سعاد: ااخ منجن يبنات هالايام تلعبن لعب

غدير:خير يا طير شهالحجي هاذة

سعاد: مو وياج حبيبة اني اعرف تربيتج شني عليج باللي جايات من غير ديرة وحدة الكاتبة زينه علي  مكضيتهة تتنغوض و تتمضيك والثانية لازمة الباب

جوري:هاي عليمن قصدج انتي ولج

سعاد:لجلاجة هاي عليمن ولج ترة اكل للشيخة على احمد هاا

جوري:هههه خوفتيني دروحي حبابة اني ما مسوية شي غلط ومرة ثانية اياج تجيبين طاري اختي أو طاريي على لسانج فهمتي مو عبالج ببيتكم واسكتلج

بهالاثناء راحت غدير صاحت الشيخة وطبت وهية تباوع على سعاد شلون تحجي

سعاد:انجبي طايحة الحظ بس صدك ما تخافين انتي الواكفة وية الولد الغريب ودك سوالف لو غيرج صدك هوة انتي منو اختج  الكاتبة زينه علي ماشاء الله نفس الطينة والتربية

جوري :هاي عليمن تغلطين انتي صدك و....

حسن:سعاااااااد

سعاد:حسن شوف هاي الادبسز ببيتنه وتغلط علينه

جوري: والله محجيت شي هية كامت تغلط علية وعلى اختي

الشيخة فضة: حسن اخذ مرتك وربيهة مو بيت الشيخ حاكم الي ينهان الخطار بيه

حسن:بت الكلب اني اعلمج شلون تجاوزين

اخذهة سحل من فوك للغرفة وما يسمعون بس العياط

جوري تبجي:اسفة خالة عللي صار بس صدكيني تجاوزت على اختي واني ماحب احد يهين عائلتي واسكت

الشيخة فضة :لا يمة احنه الي نعتذر منج هاي مو عوايدنة بس مثل ما تشوفين مرة ما توزن حجيهة وتعلمت عالدك

رحت بست رأس الشيخة وكلت لغدير راح اروح انام لان كلش ضجت بس كتلهة اريد ملابس لان هالملابس ماكدر انام بيهن الكاتبة زينه علي خطية انطتني دشداشة مال نوم للركبة لون اسود نمت ما حسيت بالوقت ابد فزيت ساعة 10 بالليل لكيت غدير توهة تريد تنام

غدير:صح النوم شني سالفتج ولج جم مرة كعدتج ما تقبلين من الصبح لهسة ما اكلتي شي ضل بالنة عليج

جوري:تعبانة والله مادري شبية ساعة بيش هسة

غدير:هسة ب10

جوري:يبووو هاي شكد نمت
اكول ما خابرو

غدير:اي خابر راهب علة حسن كالو زايرين وراح يرحون للشيخ من العصر

جوري :ماشي حبي نامي اني راح انزل اشرب مي واجي

غدير: ماشي حياتي( تدري جوعانة بس تستحي تحجي خليهة براحتهة)

لميت شعري ذيل حصان مخربط وخليت شال شوي ثخين علة جتفي لان الجو بالليل صاير يبرد وهم خاف احد كاعد نزلت جوة للمطبخ فتحت الثلاجة طلعت الكاتبة زينه علي  مي شربت اباوع اكو ضوة برا
فتحت الباب مديت راسي سمعت صوت واحد يغني صوت يجنن

تايبين ما نمر مرة بدربكم
حالفين ما نرد يوم على حبكم
غلطة مرت وانتهت..شمعة العشرة نطفت
والذنب هوة ذنبكم ....الذنب هوة ذنبكم

جذبني الصوت كولش تقربت شوي شوي شفت.....

...........................

راهب
خابرني عمي

علي:الوو راهب

راهب:ها عمي ترف بيهة شي

علي:تعال ابني ترف كعدت

راهب
بس سمعت بيهة كعدت  رحت ركض لغرفتهم دكيت الباب وطلع عمي يضحك
علي:هلا ابني فوت فوت

راهب:وينهة عمي اريد اشوفهة

علي:اي اتفضل منا

دخلت شفت امهة حاضنتهة وتبجي رفعت راسهة من حضن امهة وابتسمت
رغم ذبلانه بس ضحكتهة تسحرني احس ملكت الدنيا من ضحكت بوجهي

ترف:ر..ا..را..هب

راهب راح كعد بصفهة ولزم ايدهة:يا كلب راهب كولي انتي بخير اكو شي يوجعج

ترف:مبية شي بس جوعانة واريد مي

راهب:من عيوني عساج على اكل ومي
عمي جهزو نفسكم ننزل نتريك ونزور ونزور ترف

علي:اي ثواني وننزل انشاء الله

.........
ترف
احس نفسي طايرة خفيفة مثل الريشة فتحت عيوني اباوع عالسكف درت وجهي هاي ماما درت عالجهة الثانية هاذة بابا اني وين

ترف:م..ا ..م..ا

نورس كعدت مفزوعة:ها هاا ها يروح ماما كعدتي يكلبي خوما شي يوجعج

علي :يا نظر عيني كعدتي شلونج تحسين يوجع

ترف:ب..ب.با...ب..ا ش...شص..ار

علي:ماكو شي حبيبتي انتي

نورس تبجي وتبوس بترف:يا روح امج وكلبهة رجعت روحي هسة

علي:راح اخابر راهب يجي

ترف:ر..ر..ا..هب..هنا

علي:اي حبيبتي الله يخليكم لبعض مبين حيل يحبج ما شفتي شلون يبجي عليج

ترف:ر..را..هب

اجة راهب بس شفتة حسيت بالأمان وفرحت كلش عبالك صار سنين مشايفتة
اجة يمي يسأل بية ولازم ايدي اباوع بعيونة شفت حنان وحب أول مرة اشوفهن كل مرة اشوفة عصبي وجاد كلش هسة يختلف بس مبين تعبان جوة عيونة اسود ووجهة ذبلان
كال راح ننزل نتريك ونزور عرفت احنه بالنجف صدك طلع هوة وكومتني ماما الكاتبة زينه علي سبحتني وبدلتلي ونزلنة جوة
شفت راهب كاعد شافنة كام على حيلة ورحنه للمطعم طلبت هواي اكل احس روحي راح اموت من الجوع بقيت اكل هواي اكلت دجاجة كاملة لوحدي الكاتبة زينه علي من كدما جوعانة واهلي وراهب بس يباوعون علية ما مصدكين اني بخير
كملت كتلهم اريد اغسل كومتني ماما بس راهب حجة

راهب:خليج مرتاحة عمة اني اخذهة

نورس:ابني ماريد اتعبك

راهب:تعبكم راحة عمة

سندني راهب ورحنه للحمام ما قبل الا هوة يغسلي حسيت نفسي طفلة  رجعنة لاهلي كالو نزور ونرجع لميسان وخابر راهب على عمي و على حسن كلة يحضر الذبايح ويعزم للعالم على الكاتبة زينه علي  سلامة مرة الشيخ راهب صدك فرحت من كال مرة الشيخ يعني ما معتبريني فصلية
الطريق من المطعم للامام راهب لازمني ما يخلي لا امي ولا ابوية يلزموني يكللهم خاف تتعبون بس همة افتهمو هوة قصدة غير الكاتبة زينه علي  شي زرنة وكملنه و بالطريق للبيت مشتاقة للشيخة ولغدير
وصلنة لميسان اباوع شنو هاي .......🤤🤤🤤