رواية فصلية ل راهب الفصل الثالث عشر 13 - بقلم zena ali

هلوو حلقوماتي بقلاواتي شلونكم 😍😍

يلا نبدي اعرف متشوقين 😻😻
.......................

راهب
كاعدين بالديوان نحجي وحجة ابوية

الشيخ حاكم:ابو ترف انة رايد اكلك شي

علي:اي شيخ كول

الشيخ حاكم: ..........

بعدة ماحاجي وسمعنة العياط والصريخ من البيت عرفت ترف كعدت
ركضت اني وحسن والشيخ وعمي ابو ترف طبينة شفت غدير وبنية شابة واكفات يم الدرج يبجن صعدنة فوك طبينة للغرفة شفت الكاتبة زينه علي امي وام ترف وسعاد لازمات ترف وترف ملابسهة مشككة وشعرهة مكفش وبس تصرخ امهة تبجي وتصرخ على رجلهة ابو ترف ساكت ومصدوم
حسن من شاف ترف ما مستورة كبل طلع رحت اني وابوية وعمي لزمناهة وامي لزمت عمتي الي بقت تملخ بروحهة وسعاد واكفة وياهن
ترف بس تصرخ ابوية كام يقرا قرآن وية كل حرف يزيد عياطهة نص ساعة يلا هدت كبل نامت
نزلنة كلنه جوة كعدنه كلنه بالصالة

علي: بنتي شصايرلهة

نورس:لا علي لا هاي مو بنتي هاي مو ترف

الشيخ حاكم: والله يابو ترف ماندري شنكلك بيوم وليلة هيج صار وجبنه شيخ.......وحجة الي صار خلال هالايام

علي:لا حول ولا قوة الا بالله العلي العظيم شسوي هسة يا ربي

نورس: اتصرف شوف حل ماعوف بنتي هيج اذا تبقى هيج تموت

اووف يا بنتي ما شفتي راحة ابد دخيلك إلهي احفظهة وارحمهة وارحمني ولا تفجعني بيهة

الشيخة فضة:اهدي ام ترف كولي يا الله انشاء الله نلكة حل

راهب( كلبي يوجعني على ترف على حبيبتي اي حبيبتي اني ليش خايف اعترف لنفسي اني حبيتهة وحبيت طفولتهة وبراءتهة الكاتبة زينه علي ونعومتهة كلشي بيهة صحيح ما صارلهة غير شهر بس حبيتهة ياارب نورني حتة اساعدهة )

الشيخ حاكم: اني من رأيي ناخذهة للنجف هناك هواي شيوخ وسادة عدهم خبرة بهاي الشغلات

علي:صح حجيك ناخذهة هسة لعد

نورس:اي علي نروح هسة

الشيخ حاكم:غدير غديير

غدير وجوري دخلن:هاا بابا

جوري ركضت تبجي لحضن ابوهة : بابا شبيهة ترف ليش هيج تصرخ

علي:ما بيهة شي باباتي لا تبجين هية بس مريضة شوية

جوري:لا بابا ارجوك لا تكذب اني ما تعلمت عليك تضم شي علينة اختي بيهة شي. الكاتبة زينه علي ليش مخليتوني اشوفهة

علي: بابا اختج حيل تعبانة وراح ناخذهة هسة للنجف

جوري تبجي:ليش بابا شبيهة تعبانة

الشيخ حاكم:بنتي كولي يا الله اختج ما بيهة شي انشاء الله روحي وية غدير ارتاحي بالغرفة جاية من سفر انتي

الشيخة فضة:اي يمة غدير اخذيهة ترتاح وسوي العشة

نورس:  ام راهب منو الة نفس ياكل

الشيخ حاكم: غدير جهزي ترف وحضريهة راح نطلع

غدير:انشاء الله بابا

راهب:اترخص يابة اجهز نفسي

الشيخ حاكم:مرخوص ابني
يلا شيخة انتي وجنتج حضرن العشة

الشيخة فضة:اي انشاء الله

علي:ابو راهب ما يحتاج صدكني مالنة نفس

الشيخ حاكم:لا تحجي هيج ابو ترف ما يصير لازم تتكوة بهاي الضروف

الشيخة فضة: كومي عيني ام ترف غسلي وجهج وارتاحي شوية

علي: اي نورس كومي ارتاحي ونامي ورانة طريق طويل

نورس:اي انشاء الله
بس بدون زحمه ام راهب اريد اروح يم ترف

الشيخة فضة:اي حبيبة تدللين سعاد ودي عمتج لغرفة راهب وترف

سعاد:صار شيخة

............................

راهب
يحجون واني بالي مو يمهم بالي يم الي اخذت كلبي وعقلي احسهة جاي تروح من ادية
بس مستحيل اخليهة تروح هاي ترفتي لكيتهة بعد هالعمر والشيب
ترخصت منهم ورحت الكاتبة زينه علي لغرفتي
دخلت لكيت غدير مبدلتلهة عافتني وطلعت
كعدت يمهة اباوع بوجهة عبالك طفلة نايمة
طفلتي
بنتي
حبيبتي
كمت أتلمس وجهة ناعم تذكرت أول ما اجتي شلون خايفة مني وتحجي وهية مدنكة لو من شفت لوحاتهة من نامت بحضني حضنهة الكاتبة زينه علي  بريئ اتلمست الجروح الي بوجهة رغم هالجروح بس بعدهة مثل الكمر نمت بحضنهة شوي ونفتح الباب

نورس: ها ابني تعذرني ماعرف بيك هنا

راهب:لا عمة لا تعتذرين هلا بيج اني رايح ابدل واجهز السيارة اخذي راحتج

اخذت هدومي ونزلت للحمام الجوة
...............

نورس
بنتي حبيبتي يا نور عيني شصارلج ذبلتي يا وردة امج
ربي يكومج بالسلامة
اذا صارلج شي اموت يروح امج

بستهة من راسهة وبقيت كاعدة وياهة اتذكر من يوم الي ولدتهة لحد ما دخلت المدرسة الكاتبة زينه علي  وكبرت بعد ودخلت الكلية وحلمت تكبر وتصير عروس وتصير ام بس القدر أكبر مني ومنهة
ادعي ليل ونهار الله يوفقهة ويحنن كلب عيالهة عليهة

...............
حسن
نزلنة من ترف ورة ما هدوهة امهة تبجي وامي تهدي بيهة صاح ابوية على غدير اجت وياهة بنية سبحان الخالق شهالجمال العيون خضر والشعر ليل والوجه مراية وفوكاهة تبجي خدودهة الكاتبه زينه علي صايرة طماطة حضنت ابوهة من اشتعل ابوهة على هيج خلفة تحجي وية ابوهة منطلقة بالحجي هاي لو غدير جان فركت حلكهة فرك شلون تكل لابوهة تجذب

فدوة لله شلون تتمشى عود جنهة الهايشة العندي

..........
راهب
تجمعنة كلنه عالعشة خلصنا ودعنة امي وحسن وغدير وجوري بقت يم امي صعدو ترف وامهة ورة واني اسوق وعمي بصفي الكاتبة زينه علي  بالصدر مشينة بالسيارة واستراحينة و وصلنه النجف الظهر حجزنا بفندق ترف واهلهة غرفة واني  غرفة ارتاحينه و خابرت عالشيخ مازن انطاني عنوان شيخ معروف هناك المغرب اخذتهم الكاتبة زينه علي ورحنه للعنوان وترفتي ابد ما كعدت لا اكلت لا شربت اذا ما كعدت اليوم لازم اوديهة مستشفى
وصلنه العنوان دخلنة غرفة جبيرة حيل واجانة الشيخ رجال جبير ومبين من اهل الله حجينالة الي صار

الشيخ:نوموهة هنا

نومناهة عالفراش والشيخ كعد بصفهة كام يقرا عليهة ايات ويحجي حجي ما مفهوم

الشيخ:الله أكبر

علي:خير شيخ شبيهة بنتي

الشيخ:بنتك مسكية

الشيخ حاكم:شقصدك شيخ

الشيخ:يعني مسحورة

نورس:يمة بنتي منو ساحرهة

علي: مو مهم منو سواه شيخ المهم تساعدهة

الشيخ: انشاء الله اكدر

الشيخ يحجي واني عيوني عليهة اكول شوكت ترجع ترف
الشيخ كام يقرا وام ترف هم طلعت قرآن وكامت تقرا
كام صوت الشيخ يعلى وترف كامت تطلع صوت غريب صوت حيوان
شوي وفتحت عيونهة كل قوتهن وكامت تباوع عالشيخ وتشوخر بصوتهة صاح الشيخ "جتفوهة"كمت اني وابوهة لزمناهة والشيخ الكاتبة زينه علي بعدة يقرا واني كلبي اشتعل نار واني اشوف حبيبتي ماكو هاي مو حبيبتي مو ترف هاي مو عيونهة البريئة هاذة مو صوتهةالي من تحجي بيه يغرد ام ترف بس تبجي و تصيح " يارب الكاتبة زينه علي دخيلك كلشي ولا بنتي ياربي احفظهة بحق محمد وآل محمد "
ابوهة لازمهة و يقرا قرآن ويدعي الله يعديها على خير

جاب الشيخ مي خلاه يم حلكه قرة عليه وكال عدلوهة حتة تشرب اذا تقيات ورة ما تشرب يعني ما عليهة شي بعد

كعدناهة وبعدنه لازميهة وعمي دموعة عشرة عشرة على بنتة اني بالكوة فتحت حلكهة وبدة الشيخ يشربهة ويقرا لحد ما خلصت المي كلة
بقت دقايق وصاح الشيخ الكاتبة زينه علي "يا ولد جيب الطشت هنا" جابو طشت قربت ترف وبدت تتقيا بس كل الي يطلع من حلكهة سواد جيير ينزل من حلكهة ربع ساعة بس تتقيا خلصت رجعتهة لحضني بس بعدهة نايمة

راهب:شيخ هسة شني مو كلت تصير زينه ليش بعدهة ما كعدت

الشيخ: لا تخاف ابني ما طول فرغت بطنهة نحمد الله ونشكرة هسة تاخذوهة الكاتبة زينه علي تزوروهة وترتاح للصبح انشاء الله ما بيهة شي بس تبقون تقرون يمهة قرآن وغرفتهة فتشوهة زين خاف بيهة شي وتمسحون الغرفة الكاتبة زينه علي  بخل وتشغلون بيهة قرآن يوم كامل يلا ترجعلهة

علي وهوة حاضن بنتة:الله يوفقك يا شيخ

اجت عمتي يم ترف رتبت ملابسهة وبقت حاضنة راسهة وتبجي بالكوة كامت

كمنه سلمنه عالشيخ ورجعنه للفندق الصبح كعدت على صوت تلفوني عمي ابو ترف

راهب :الوو ها عمي ترف خوما بيهة شي

علي : ابني ترف.....

..........

ترف
.
.
.
.
.
.
.
.
.
.
.
.

لا تكولون بارت قصير ترة 1089