رواية فصلية ل راهب الفصل الخامس والعشرون 25 - بقلم zena ali

مرحبا شخباركم يحلوين
بارت جديد
بس ملاحظة قبل متقرون (الجزء الثاني حيكون تكملة مو فقط ل جوري و حسن)
يلا نبدي
.
.
.
.
.
.
بعد 6 سنوات

:اشتاقيتلج ....گلبي لهسة شابة بيه النار وماتنطفي
وينج  تجين وتطفين نار گلبي وتريحينة

:بابا

:هاحبيبي

:بيبي تكول تعال اتغدة

كام من الجرباية شال ابنة بايدة ونزل البيت هدوء ومحد يحجي بس صوت الخواشيك
هوة و امة و ابنة بس
.
.
.
.
.
.
قبل 6 سنوات

:غدييييير

غدير: و وجع شبيج نكرصتي

جوري وهية تحضن غدير لان جاي تسوي ريوك: شتاقيتلج وربي

غدير: نهجم راسج هسة يلا شفناج جنتي خاتلة بحضن اخوي

جوري: ههههه ترا اخوج رجلي بعدين غير قرة عيني ولازم ابقة وياه وادللة خطية عندة خفر يومين

غدير: لا صدك قهرتيني دوخري ولج راح ينكلب علينة الجاي خررب ولج بسج ترا الكاتبة زينه علي اني اخت حسن مو حسن من يجي عود احضنيه براحتج

جوري وهية تضحك: ههههه ولج غير من ريحة قرة عيني

ترف وهية تدخل عليهن: والله ولا تستحن وين صار الريوك عمي وعمتي من شوكت كاعدين

غدير وهية تشيل الجاي: اني شعلية شوفي اختج الصبح راح حسن للدوام وعوزت حنان اذا تاخر اسبوع يمكن تروحلة للدائرة ههههه

ترف: هههههه بس تخيلي يطبلة عكسري يكلة سيدي اكو بنية يمكن مخبلة تريد تشوفك وتدخل ويشوفهة حسن ويذبهة حبس انفرادي لحد ماتصيح توبة

غدير وترف فصلن ضحك

جوري: هيج صارت تضحكن علية انتن خوات انتن بسييطة الا اكل لعمو

رادت تطلع وجرتهة ترف من دشداشتهة:تعاي يحلوة شيلي ويانة اليروك مو تردين تشردين

جوري: يمة منج ولا يفوتج شي

غدير: ههههه شعبالج لعد غير شيخة لازم تنتبه لادق التفاصيل

جوري: يمة فديت اختي الشيخة راح ابجي

ترف: بسجن عاد طاح حضجن الله يخلي عمتي بالوجود يلا امشن

كمل الريوك بس الشقة والضحك على الثلاثي المرح الي مسوي حس وصوت للبيت وكام كل واحد لشغلة

ترف
اشتاقيتولي لو لا اني كلش اشتاقيتلكم
الحمد لله حياتي مستقرة صار كم شهر من تزوجت جوري وحسن وصار شهر على عرسي راهب حباب وطيب وياية صحيح عصبي بس تعلمت اذا الكاتبة زينه علي شفتة عصبي اعوفة شوية يهدأ واجي اشوفة شبيه ليش عصبي وليش ضايج وهوة مثل الطفل يكعد يشكيلي
صحيح نسيت اكللكم اخيرا اخيرا قنعتة ارجع اكمل دراسة بس مو دوام كامل لا بالبيت واروح عالامتحانات طبعا بعدما كعدنه نخطط ونرتب اني والبنات و وعدت غدير نحاول نقنع الولد يخلوهة تدرس خارجي بس مو هسة فترة حته متبين مسوين عليهم حصار وكذا
كلشي هادئ بالبيت اني بين الدراسة والشغل وجوري باقيلهة شي بسيط عالامتحانات الكاتبة زينه علي  وخطية غدير متقبل لا نشتغل لا نسوي شي تكول عدكم دراسة اني فارغة ماعندي شي عود من ارجع للدراسة انتو دللوني هيج
احسهة اختي الثانية الي احبهة واخاف عليهة والي ملاحظة عليهة هواي اشياء ومنتظرة فرصة احاجيهة واشوف شجاي يصير وياهة

قبل الغدة بنص ساعه نزلت شفت البنات كاعدات عالتلفزيون وعمتي بغرفتهة رحتلهة

ترف: هلا عمة

الشيخة فضة: هلا بنيتي تعالي فوتي

ترف: هاعمة نصب الغدة لو ننتظر عمي وراهب

الشيخة فضة: لا خلي ننتظر عمج بس خابريه شوفيه وين وصل

ترف: ان شاء الله هسة اشوفة

رادت تكوم ولزمتهة الشيخة

ترف:ها عمة رايدة شي بعد

الشيخة فضة: اي يمة اريدج بموضوع

ترف استغربت: كولي عمة صاير شي

الشيخة فضة:  لا ماصاير شي بس ردت اسألج ماكو شي بالطريق

ترف: لا عمة لهسة ماكو شي بس يعني بعد وكت مصار هواي من تزوجنة

الشيخة فضة: شلون ماصار هواي راح يصير سنه وراهب كبر يا يمة وانتي هم تكبرين ماتبقين شباب العمر كلة واني وعمج تشوفينة رجل بالدنيا ورجل بالاخرة نريد نگر عيونة بحفيد قبل مانقابل وجه كريم

ترف: اسم الله عليكم عمة لا تكولين هيج عمركم طويل بس شسوي قابل بيدي

الشيخة فضة: احنه مو اغلى من الي راحو
شرايج ترحين دكتور هم تطمنين وهم تشوفين لا سامح الله اذا اكو شي لو محتاجة شي

ترف: هم صحيح صار من يجي راهب افاتحة بالموضوع

الشيخة فضة: يبعد گلبي كون كل البنات هيج مثلج حلوة ونادرة ومرتبة

ترف: عمة خجلتيني يلا اكوم اخابر عمي واشوف البنات شيسوون محتاجة شي بعد

الشيخة فضة: لا يبعد عمتج روحي خابري عمج

طلعت من غرفة عمتي وماجذب عليكم بقيت افكر ليش لهسة ماصار حمل!?
صارلنة اشهر من بدت علاقتنه اني وراهب ليش لهسة ماكو شي! ?

طردت افكاري هاي من يجي راهب اتناقش وياه اتصلت بعمي وكال يتأخر راح يتغدة يم ناس عرف راهب فد ساعه ويجي بدينة اني والبنات نحضر السفرة و الزلاطة وهالسوالف وراهب يحب اللبن وية الاكل بردتلة دولكة وعليه ثلج وليمون

:الله يساعدهم

ترف:ويساعدك راهب

جوري و غدير: ويساعدك خوية

راهب تقرب لترف وباوع بعيونهة حيل: خير صاير شي! ?

ترف استغربت:لا شصاير!??

راهب: شو راهب شكو! ?

ترف: هههه غير اسمك راهب

راهب: اهاا لا حگج
من يكمل الغدة صيحولي

طلع من المطبخ ونداريت للبنات: شبيه راهب?

جوري:  ههههههه لا مابيه شي

ترف: وثول شكو تضحكين

غدير: هههه تضحك عليج يحلوة

ترف: يااا شبيجن
عابت اي والله اني صاعدة لراهب ماعدجن شي بس صبن

عفتهن وصعدت اشوف راهب شبيه دخلت لكيتة نازع قميصة ومطلع هدوم يريد يسبح

ترف: حبيبي شبيك اجيت ضايج!?

راهب: اسمي راهب مو حبيبج

ترف شبكتة من ضهرة: ههههه حبيبي ضايج من هاي غير البنات واكفات اتغزل بيك كدامك !!

راهب اندار عليهة: انتي هيج تشوفين

ترف: ممم اي هيج اشوف عيب من غدير

راهب: تدرين المرة الضابط محد ياخذلهة تحية بس تاخذ بدل الهة

ترف: اي سمعت هيج شي بس شدخل هاي بموضوعنة

راهب: اني كزوجج وحبيبج اخذ بدل عن كلمة حبيبي كل مرة تصيحيلي باسمي مو حبيبي اخذ بدل منج

ترف حضنتة من رگبتة: ممم وياترى شنو البدل يا زوجي

راهب وهو يلف اديه على خصرهة: هاذة البدل

كال هيج وشالني ودخلني وياه للحمام لا قنع هاذة وكت غدة لا قنع البنات منتظرات الكاتبة زينه علي  اجت غدير وطردهة وساعة يلا طلعنة لحدما كتلة راح ازعل
طلعت بدلت ونشفت شعري وعفتة يبدل ونزلت

ترف: ها بنات خلصتن

جوري: كملنة وغسلت المواعين وغدورة سوتلنة جاي وسولفنة وانتي وين جنتي بسلا تزحلكتي بالحمام ههههه

غدير والشيخة ضحكن واني وجهي صار طماطة شحجي عليك يا راهب عاي دگة بلة

الشيخة فضة: جوري ولج هسة انتي رجلج مايهدج لاذان العشة احد حجة

يابة خربت ضحك اني وغدير عليهة قصفتهة الشيخة

غدير: هههههه الحمد لله والشكر بس اني محد يقصفني

جوري: هيج صارت عمتوو بعد ولا اسوي كيك بسيطة

الشيخة فضة: خايبة المچكنمة عايزة على كيكتج
كومي يمة ترف صبي غدة الج ولرجلج ومو تنسين الوصيتج عليه

جوري : شنو شكو شصار

غدير: على شنو موصيتهة

ترف: ضلن بحسرتهة مااحجي ننن

رحت للمطبخ واني اضحك عليهن حميت الغدة وحضرت صينية توني خلصت ونزل راهب بتراك البيت وشعرة بعدة رطب يمة شكد احبة بقيت صافنة عليه واتغزل بية بكلبي مافزيت الا من كرصني

راهب وهو يكرص خدود ترف: مفلوكتي بيمن صافنة

ترف: راااهب بداعتي كافي بطل هالاسم والله ماحبة

راهب: ههههه احبك وانتة عصبي يلا اكعدي اتغدي

ترف وهي تكعد: اي اتغدة ليش ماتغدة خلصت كل طاقتي

راهب: اف اف اف لا زحمة لازم اشحنج ورانة خفارة اليوم

سكتت من فهمت قصدة قليل الادب خلي اكمل بصمت احسلي شحجي يفرة علية
.
.
.
.
.
.
جوري
الحياة وية حبيبي غير شي حسن هادئ يحبني يعاملني مثل بنتة وادري سالفة العمر وان هو اكبر مني احيانا تضوجة بس دايما احاول اخليه ينسى هالشي وفعلا موضوع العمر بالنسبة الي مابيه اي تأثير
الايام الي يروحهة خفارة احس بالوحدة صحيح اختي موجودة وغدير هم وعمتي بس حسن شي ثاني نفسة بالغرفة دفو
هسة عندة خفارة يومين يعني اليوم وباجر راح استغلهن اكمل كل مراجعاتي ودراستي
ههههه لهسة اتذكر شلون صار زواجنه بعدما اجو عمي وحسن وراهب ومن راحو الكاتبة زينه علي وبابا فتح الموضوع وصار الحجي والنقاشات وامي شكد بقت تحجي وياية وتنصح وموراضية بسبب فرق العمر والبعد تكلي كافي وحدة هيج بعدت عني نوب يصيرن ثنين
وبعد بجي وزعل نبع الحنان عرفت اني احبة ورايدتة وكالت( اذا اخذتيه انتي مسؤؤلة عن الي يصير لا تكولين اهلي قبلو وهمة انطوني لا اني ولا ابوج رايدين هالزواج لانج صغيرة وبعدج تدرسين واختج ترف لوما الي صار مننطيهة الا تكمل بس انتي داكة رجل لا الزواج ولا الدراسة بس غصب وبراحتج)
بس الحمد لله حسوني خالف كل توقعات اهلي وبالعكس هسة همة يحبونة وميقبلون علية ويطبكون وياه
عابتلة لهسة جتفي ازرك الكاتبة زينه علي من وراه متوحش طلعت من الحمام وماحس الا يعض جتفي لحدما خلة أثر شهر ميروح يكلي( اي غير جنج زلابية ماتردين اكل) مجنون بس احبة اتفقنه اني وياه اكمل امتحانات ونفكر بموضوع البيبي ومع ان حسن امنيته بالدنيا الطفل مااعترض و وافق بكل رحابة صدر يلا لهيتوني واني وراي كومة مراجعة
شلونكم اهل السادس!?.
.
.
.
.
.
.
.
.
غدير
تعرفوني اكيد
خلصنه الغدة وبقة راهب وترف يتغدون لوحدهم راحت جوري تدرس و ماما نامت رخت اني لغرفتي حاولت اتصل بمحمد بس ميرد علية ماعرف شبيه صارلة فترة كلش متغير يحجي وياي من ورة خشمة وعصبي وضايج مادري شصايرلة
معقولة ميحبني بعد! ??.
.
.
.
.
.
.
.
الحاضر

:كنت اسميها مِن شدة حنانها " بَيت العائلة " رحلت فانهدم البيت
.
.
.
.
.
.
.
برأيكم شصاير!??

شلونكم وية العطلة وين رحتو وين طلعتو 😁

كم طالب/ة سادس هنا!?