رواية فصلية ل راهب الفصل السادس والعشرون 26 - بقلم zena ali

كولو تأخرت هالمرة! !!
شخباركم
قبل مانبدي ملاحظة صغيرة ترا البنية حلوة باخلاقهة واسلوبهة هواي جاي اشوف تعليقات وكلام عيب يطلع من بنية ماسمح لاي احد يتجاوز علية او على اهلي
اني دامسح التعليق وانطي حضر او كتم

استمتعو بالبارت
.
.
.
.
.
.

: ندمان ما سمعتلهة ندمان ما عفت كلشي وحافظت عليهة على بيتي وحياتي الي احسهة وگفت من يوم الي صار عايش بس نفس صاعد نازل عايش لخاطر ابني الي يذكرني بيهة والي الكاتبة زينه علي جانت اخر كلمة كالتهة. ادير بالي عليه كل ركن بالبيت يذكرني بيهة كل مكان بالبيت ضحكنة بيه كعدنة بيه

: بابا اجيت!?

: اي حبيبي تعال يابطل خوما تعبت بيبي اليوم

: لا بابا ابد ...بابا

: هاحبيبي

: اريد اروح لجدو وبيبي

: واني تعوفني لوحدي!?

: لا بابا ماعوفك تعال وياية

: لا حبيبي لازم ابقة هنا

: زين شلون اني مشتاقلهم ومشتاق ل ذيب وذهب بس ماريد اعوفك لوحدك

: صار حبيبي اوديك الهم ابقالك يومين واجي عليك تمام بس يومين مو اكثر مثل كل مرة تبقا تبجي ومتقبل ترجع وهمة فترة وهم يجونة

: هييي يعيش بابا يعيش اروح اكل لبيبي

: اووف يا گلبي
.
.
.
.
.
قبل 6 سنوات

ترف
بعد ما خلصنه غدانة صعد راهب للغرفة واني رتبت المطبخ وسويت چاي البنات كلمن راحت لغرفتهة واني اخذت الچاي وصعدت

ترف: وهاذة احلا چاي لحضرة الضابط رهوبي

راهب رفع حاجبة: لولو كولي من الاخير شعندج

ترف شهكت بالجذب: عابت اني لولو فوكما ادلعك

راهب عاف الاستكان وگرص ترف من فخذهة: اني شكلت على هالكلمة

ترف بوجع: اااوووي راهب شبيك والله ايدك ثكيلة هسة يبقا اثر شكبرة

راهب تقرب يفرگ مكان الگرصة: سلامتك من ال اووي اشتعلت العشيرة على هاب ال اووي

ترف: ههههه رااهب حباب ارجع مكانك اريدك بموضوع

راهب وهو يرجع مكانة: مو عرفناهة احجي شعندج

ترف: شلون احجي وانتة رافعلي حواجبك

راهب: نزلتهن يلا احجي يروحي يمفلوگتي

ترف: راااهب تدري اتخبل من هالاسم

راهب: ههههه يلا يلا احجي حبيبي

ترف: ممم اريد اروح للطبيب

راهب كعد على حيلة: ليش ترف بيج شي حاسة بشي تعبانة يعني

ترف وهي تبتسم على خوفة وقلقة: لا حبيبي اهدا مابية شي بس اريد اسوي شوية فحوصات

راهب: وكعتي كلبي ..فحوصات شنو حبيبي مو تكولين مابيج شي

ترف بتوتر وهي تدير وجهة من راهب: بصراحة ا..ار..ار..اريد

راهب استغرب: احجي ترف شبيج تأتأين

ترف حجت بسرعه: اريد اسوي فحوصات حمل

راهب: ههههههه هية هاي المخليتج هيج متوترة
تقرب واخذهة بحضنه باس الكاتبة زينه علي راسهة وخدهة وشفتهة
اني ردت اطلب منج نروح بس كلت ما اضغط عليج

ترف: مم يعني عادي نروح اليوم العصر ?!

راهب: نروح ليش منروح وهم نفتر شوية صار هواي ماطالعين

ترف وهي توخر عنة: قصدك احنه ابد ما طالعين مو صار هواي ماطالعين

راهب جرهة لحضنة مرة ثانية: مفلوكة مو كلنة راح نطلع ورة الطبيب

ترف: رااهب تكلي مفلوكة اكلك رهوبي

راهب: هههه لا يمعودة سكتت يا رهوبي راحت الشوارب

ترف: همم ساعه بيش نطلع حته احضر روحي

راهب: اخذلي طخة ام الساعة ومن اكعد نروح

ترف: حبيبي طخة مو تدخل غيبوبة ومن اكعدك ترزلني

راهب:هههههه لالا وعيونج بس تكعديني اكعد يلا يحلوة خليني انام

ترف وهي تكوم: ماشي حبيبي راح اطفيلك الضوة ساعه واجيك اوك

راهب: هاا شكلنة احنه

ترف: هههههه خوش خوش

طلعت وسديت الباب نزلت جوة البيت هدوء سويتلي چاي وكليچة وكعدت اگلب بتلفوني بينما يصير العصر
خلصت نص ساعه وكعدت الكاتبة زينه علي عمتي صبيتلهة چاي وماعون كليچة وكتلهة العصر نروح اني وراهب للطبيب وبقت خطية تدعيلنة سولفنة شوية وصعدت اكعد راهب ومتاكدة واح يعيط بية وهالمرة والله ازعل وماحاجيه بعد

ترف: راهب راهب يلا اكعد صار العصر

مايجاوب اووف ربي اول مرة اشوف واحد ينام اكثر من جوري

ترف: راهب كووم يلا راح نتأخر

راهب: كعدت والله كعدت كاافي

ترف: هاي كل مرة هيج تكلي كعديني ومن اكعدك تبقا تصيح علية براحتك

راهب انتجة وطلع جكارتة: تعاي هنا وين مولية

ترف ندارتلة: من تهدا شوية عود ارجعلك
تقربت عليه جرت الجكارة
الف مرة كتلك من تكعد من النوم لا تشرب جكاير بلا شي صدرك تعبان

راهب ضحك وجرهة من ايدهة لحضنة وخلة راسة برگبتهة: اروح فدوات للي يخاف علية ولج لا تزعلين مني تدرين بية تعبان وماصدك اخلي راسي عالمخدة

بقيت ساكتة ماحجيت شي كل مرة يراضيني بهيج حجي على كولة غدير (حمقاء) شافتهة الكاتبة زينه علي بفلم وكلما يراضيني راهب بكلمتين تكلي انتي(حمقاء) حسيت بسنونة برگبتي

ترف: اااخخ راهب لا تعض والله بسرعه يصير أثر

راهب: حته من احجي تجاوبيني ولج

ترف اندارت عليه: صاير هواي تكول ولج ترا اعرف ارد اني

راهب رقع حاجبة ولوة ايدهة ليورة : اي بلة ولج ردي شتردين تكولين

ترف: اخخ اخخ ماكول شي راهب والله تأذيني شبيك

راهب عاف ايدهة وبقة يفركهة: اووف ماجذب الي سماج ترف ولج شقة ما تتحملين

ترف: هوة هاذة شقة تلوي ايدي وتعض بية شبيك ماما

راهب: اوووف ابنج جوعان ماما

ترف وهية تدفعه: عزاا بعيني وخر كوم يلا راح نتاخر

راهب: شبييج تگطعين برزقج

ترف: ههههه مشكور عيوني يلا كوم خلي احضرلك هدومك

راهب: ماشي عمي كمنة وامرنة لله

دخل راهب للحمام واني طلعتلة بنطرون كابوي على قميص بيجي وطلعت ملابس الية فستان لون بيجي شيفون وحزامة منة وبيه الكاتبة زينه علي عليه حجاب بيجي افتح من الفستان وجنطة وحذاء لون احمر لهسة مايقبل اطلع بلا عباية خصوصا للامتحانات
بدلت وطلع راهب بدل ملابسة رش عطرة كملنة ونزلنة جوة سلم على عمتي وباس راسهة وطلعنة

ترف اول ماصعدت: عليك الله بدل سيارتك راهب

راهب: ليش حبيبي شبيهة

ترف: تشلع كلبي من اصعد

راهب: ههههههه حبيبي الگصير

خلصنه الطريق نضحك ماتأخرنة وصلنه العيادة وراهب حجزلي يم دكتورة كدامنة 6 اشخاص كال راهب نطلع نشرب شي بينما يجي دورنة وبصراحة احسن لو باقين كاعدين چان اكلنة بعيونهن
طلعنه لمكان قريب يبيع عصاير وكيك طلبت عصير اناناس وجوز هند و راهب طلب رمان وخلصهة يضحك علية شلون اشرب الكاتبة زينه علي كوكتيل غريب بس والله طيب (جربوه فعلا طيب)
بينما خلصنة العصير تمشينة للعيادة كعدنة ربع ساعه واجة دورنة

راهب: السلام عليكم

الطبيبة: وعليكم السلام اتفضلو عيني
كعدنه اني وراهب وبدت الدكتورة تسألني شكد عمري وقبل شكد تزوجت وليش هيج مستعجلة

الطبيبة: اتفضلي حبيبتي عالسدية

نمت عالسدية والممرضة رتبت الغطة علية وسدت البردة
بدت تخلي چل وتفحص واباوع عالطبيبة مستغربة وعاكفة حواجبهة

قلقتني .....
.
.
.
.
.
.
.
جوري
كعدت من النوم لكيت الكتب مالية الجرباية كمت غسلت وبدلت هدومي ونزلت لكيت غدير وعمتي كاعدات بس غدير مبينة ضايجة

جوري: مساء الخير

الشيخة فضة: هلا يمة صح النوم

جوري: نمت مادري بروحي

الشيخة فضة: الله يساعدج ويوفقج ان شاء الله عمج على جية كومي انتي وغدير حضرن مواد العشة و ورة الصلاة نتعشة

جوري:صار عمة لعد وين ترف! ?

الشيخة فضة: راحت هية وراهب للطبيب شوية ويجون ان شاء الله

جوري: ان شاء الله خير يلا اكوم لعد يلا غدورة كومي

غدير: هاا...اي يلا جاية

كمنة للمطبخ وغدير رف ماحجت

جوري: غدير شبيج!?

غدير وهية تغسل الخضرة: مابية شي حبي بس كعدت من النوم مصدعة شوية

جوري: اني ادري مو هاذة السبب بس مراح اضغط عليج لا تنسين اني وترف خواتج شوكت ماردتي تحجين تعالي كملي البيدج حته نروح نتوضة

غدير شبكتني وحسيتهة تريد تبجي

جوري: بسج ولج هسة عمة تجي تشوفج هيج ويضل بالهة عابت بللتيني ابللج هسة

غدير: هههه لا حبابة يلا اني خلصت اساعدج بشي

جوري: لا حبي خلصت طلعت كبة بتيتة و شرحت طمامة وبيتنجان وعالعشة اسوي زلاطة راح اصعد اخابر حسن شوية من يجي عمي صيحيني حبابة

غدير: ماشي روحي

صعدت لغرفتي واتصلت بحسن مايرد عفتة كلت خاف عندة شغل عشر دقايق ورجع اتصل

جوري: هلا حسوونتي

حسن: ههههه اووف ياروح حسونتج جوريتي طگ كلبي عليج

جوري: هههه صارلك نص نهار من عفتني لحكت تشتاقلي

حسن: اني اذا عفتيني خمس دقايق اموت من شوگي الج

جوري: اسم الله لتكول هيج اني هم اشتاقيتلك كلش يومي فاهي بدونك

حسن: بنيتي لا تحجين هيج راح اعوف شغلي واجي ركض

جوري: ههههه لالا ماحجي هيج شي لا تعوف شغلك

حسن: نتحملهة هية ليلة ونص نهار اووف ربي شيخلصهن شجاي تسوين بنيتي

جوري: ولا شي كملت الكاتبة زينه علي دراسة وحضرنة العشة بينما يجي عمي نصلي ونتعشة و راهب وترف راحو العصر للطبيب

حسن: خير شبيهم ليش راحو لطبيب!?

جوري: اهدا حبيبي مابيهم شي بس الظاهر عم جهالك يريد بيبي مستعجل

حسن: دخيلك ربي عم جهالي شوكت جوريتي شووكت

جوري: ادري بيك تريد طفل حبيبي بس مابقة شي كم يوم وتبدي الامتحانات يعني شهر واحد واخلص

حسن: ماشي حبيبي ماشي

جوري: حسوونتي زعليت مني

حسن: خررب لج عدلي حلكج راح اجيج بالكوة لازم روحي

جوري: هههههه ماشي ماشي سكتت يلا حبيبي راح اروح اجة عمو باليل عندك مجال! ?

حسن: اي حبيبي اخابرج باليل يلا روحي

جوري: دير بالك على نفسك ...مع السلامة

حسن: الله وياج بنيتي

نزلت سلمت على عمي وصلينة وبديت اني وغدير نحضر للعشة راهب متصل بعمتي من العصر وكايللهة يتعشون برا

خلصنه وشربنة چاي وسولفنة بس قلقنة على راهب و ترف صارت ب9وهمة ماكو الكاتبة زينه علي ومحد يرد علينة حته عمي خطية بقة قلقان وماكدر ينام وهو دايما ينام من وكت
.
.
.
.
.
.
.
.
الحاضر

: ماما شوكت ناوية ترجعين وية رجلج ترا خطية الرجال تبهذل صارلة سنتين هيج بينج وبين شغلة واهلة

: يعني شسوي ماما اعوفكم وحدكم

: قابل صغار احنه عيب امي ميصير تعذبين رجلج هيج وانتي تدرين بيه ميكدر يكلج لا لان يحبج ولان يحترمنة

: واني احبة ومشتاقة لبيتنة ولعمتي صار هواي ما شايفتهة بس شلون اعوفكم

: قابل شعلينة يا امي

: وترف! ??

: ماعليهة شي اني يمهة وابوج و راهب كل فترة يجي خطية

: انتي هيج تشوفين

: اي رجلج تعب واخوه تعبان لازم يروح يمة و يسندة كافي صار سنتين الكاتبة زينه علي هوة لوحدة وانتي هم عالاقل تدارين عمتج و ابن اختج

: صار اليوم يجي واحاجيه

.
.
.
.
.
.
.
.
.
.

ترا اني احبكم ❤️🫶