رواية فصلية ل راهب الفصل الثامن 8 - بقلم zena ali

هلوو حلقوماتي اشتاقيتلكم تصدكون🤔
ميرسي للي متابعيني ويشجعوني بتعليقاتهم💋💋بوساتي

*******************
ترف
كعدت على صوت المنبه بالكوة كمت الليل كلة ما نمت بسبب كلام راهب مادري هوة ليش هيج حجة خلى مشاعري تتخربط أكثر من ماهية متخربطة
ترف: راهب
راهب يلا كوم عندك دوام

راهب: ساعة بيش؟

ترف:ساعة 7

راهب: شو من وكت اليوم

ترف:كلت تكعد من وكت احسن حتة ما تستعجل تتريك براحتك وتلبس براحتك (لازم ابدي اكسبة اريد اشوف اهلي اريد ارجع لدراستي فالاحسن امشي على كلام الشيخة)

راهب: يلا لعد كوم يحلو حضرلي ملابسي والريوك يينما اكمل سبح

كام من مكانه اندار لكاهة بمكانهة وصافنة
راهب: ترف
ترف وين صافنة

ترف:هاا..لالا ولاشي حكوم (شنو هالكلام الحلو غريب البارحة ضربني ويصيح علية وهسة يتغزل بية عزاا بسلا مريض نفسي )

ترف
دخل راهب الحمام واني حضرت ملابس الدوام ونزلت اسوي ريوك
كملت ورة نص ونزل راهب اني واكفة ارتب بالمواعين حسيت أنفاس حارة على ركبتي مد اديه اخذ شوي من البيض

راهب: عاشت ايدج طيب

ترف:.......

راهب بهمس: ترف

ترف:ها

راهب: لا تخلين من هالعطر مرة ثانية خلي غيرة خففي

ترف: بس هاذة نوعي المفضل ماحب اغيرة

راهب:واني كلت يتغير

ترف: ماشي ماشي بس صوتك لا يكعدون

"صباح الخير"
حجة حسن وهوة يدخل المطبخ

ترف وخرت من راهب:صباح النور

راهب(وكتك تجي هسة): صباح النور

حسن:فدوة ستكان جاي مستعجل

ترف:بس جاي غير تتريك؟

حسن:لا خيتي ما مشتهي

ترف: اتفضل هاذة الجاي

راهب: روحي كملي نومج ترف

ترف:انشاء الله ما محتاجين شي

حسن: لا سلامتج

ترف:الله يسلمك
صعدت لغرفتي اكمل نوم

راهب: حسن اني ما ردت احجي البارحة لان شفتك عصبي
كلي شصار وهيج ضربت مرتك وراحت زعلانة

حسن: شكلك يا خوي والله تعبت من هالمرة لعبت نفسي منهة

راهب: شصار احجي

حسن: شحجي اكلك تشمر بسامير
اكلك ما مهتمة بروحهة اكلك مالي نفس بيهة ما طاخهة صار اشهر

راهب:كول يا الله يخوي حاجيهة يجوز اكو شي

حسن: كلشي ما بيهة
اني دوختك اروح لدوامي احسن
الله يخليلك الجماعة ماشاء الله عليهم

راهب: حسسسسن ولي من كدامي احسلك

حسن:هههه يلا مع السلامة

راهب: الله وياك
الله يريحك يخوي
**************
ترف
صعدت لغرفتي بس ما جاني نوم سبحت وبدلت رتبت غرفتي اليوم اتفقنة اني وغدير نسوي حلويات ورة الغدة
خلصت نزلت جوة لكيت الشيخة كاعدة
ترف: صباح الخير عمة

الشيخة فضة: صباح النور

ترف:احضر الريوك

الشيخة فضة: لا يمة ما اشتهي

ترف:ليش عمة شبيج ليش ما تشتهين

الشيخة فضة:هههه لا تخافين هيج ماكو شي بس مالي نفس اكل

ترف: عمة احسج ضايجة احجيلي اكو شي اكدر اساعدج بشي

الشيخة فضة: شوفي ترف انتي صرتي بنتي واني حجيت وياج كبل هاليوم وادعيلكم الله يولف كلوبكم
بس يا يمة الي كاسر كلبي ورة امير حسن

ترف:ليش شبيه حسن

الشيخة فضة: يا يمة حسن رجال كبر لا ولد لا بت والي زايدة عليه مرتة ما بيهة خير ما يوم ريحتة
يعني الجبير ما مرتاح والوسطاني ما مرتاح والصغير راح مني شلون ترديني ارتاح

ترف: لا تخافين عليهم الله يحفظهم الج انشاء الله

الشيخة فضة: انشاء الله

ترف
نحجي اني والشيخة ودخلت سعاد بصراحة انصدمت شلون ورة هالكتلة ترجع من نفسهة

الشيخة فضة: انشاء الله صارتلج عبرة ولو انتي متعلمة كل فترة تاخذيلج هالمقسوم

سعاد:عادي شيخة رجلي ومن حقة شيسوي بية
تباوع من فوك ليجوة لترف

الشيخة فضة:اسمعي يبت حماي تعدلين اسلوبج وية ابني ترة وصلت حدهة وياج

سعاد: انشاء الله شيخة لا يضل بالج

الشيخة فضة:يلا بدلي وتعالي ساعدي ترف اليوم عدنة خطار
ترف يمة سوي الجاي للخطار(اهل سعاد)

ترف:صار عمة

ترف
راحت سعاد وعمتي اني سويت الجاي واكفة ودخل قاسم

قاسم :هلا بترفة شلونج اخبارج

ترف:هلو قاسم الحمد لله انته شلونك

قاسم:الحمد لله
فدوة الجاي ترة الوالد عصبي

ترف:اي تدلل
كم نفر انتو؟

قاسم:اني وابوية والشيخ وامجد يعني4

ترف:لعد واهل سعاد

قاسم:ههههههه احنا اهلها اني اخوهة

ترف:هااا صدك والله

قاسم:اي والله ليش ما تدرين

ترف:لا والله محد كلي غريب ما تتشابهون ابد
اتفضل كمل الجاي

قاسم:رحمه الله والديج

راح قاسم واجت سعاد بيدهة علبتين جبيرة والثانية صغيرة
سعاد:هاج ترف هاي كيكة الج ادري ضايجة مني بس سامحيني اتفضلي

ترف(شنو هاذة التغيير يلا يجوز صدك ندمت يهدي من يشاء):يسلموو حبيبتي ولا يهمج

اخذت منهة العلبة فتحتهة كيكة بالككو كولش حلو شكلهة
ترف:تسلمين حبي مبينة كولش طيبة

سعاد:اي اختاريتهة على ذوقي ضوكيهة

ترف
كصيت قطعة صغيرة واكلتهة بصراحة جدا طيبة

ترف:كولش طيبة عاش ذوقج

سعاد:حبيبتي تدللين هاي بس الج همة جبتلهم جبيرة
كلت خاف تستحين تاكلين ويانة

ترف: اي والله تسلمين

عافتني وراحت ضمت الكيك مالتهم وبدت تشتغل اني صعدت لغرفتي ضميت كيكتي حتة شوكت ما اريد اكل منهة اني من عشاق الكيك والحلويات
فتحت الكنتور اريد اشوف السكيتشات مالتي فتحتهن اباوع بيهن شوي وانفتح الباب قوي نضرب بالحايط انداريت و.........

***************
اعتذر البارت قصير اليوم بس والله مالي خلك دراسة وعمليتي فمداكدر اتحملوني بليييز😊😊