رواية فصلية ل راهب الفصل التاسع 9 - بقلم zena ali

مساء العسل عليكم حلقوماتي انشاء الله اموركم تمام
يسلموو عالدعم و التعليقات
احبكم😍❤

****************************
راهب
اكيد مستغربين من تغيري وية ترف بس موبيدي البنية معليهة بالي صار وعاشرتهة وشفتهه شكد حبابة ومؤدبة والكل كام يحبهة والمفلوكة تنحب مدري شلون طبت گلبي اووف يا ربي
رجعت من الدوام لكيت بيت عمي ابو قاسم يمنه سلمت عليهم و اجة قاسم من البيت احتركت أعصابي اكيد جان يمهة بالمطبخ وهية ما صدكت سوالف وضحك استغفر شلون راح تخلص هااي
شوية وكمت من يمهم دخلت للبيت ما لكيت ترف بالمطبخ كلت يجوز بالغرفة صعدت
فتحت الباب شفتهة كاعدة عالجرباية شافتني كامت تركض علية حضنتني وتبجي

ترف:😢😢😢😭😭😭

راهب: لج شبيج شصار

ترف:ر...ر..ا..ر..اهب ف..د.وة لا ت..ع...تعوفني
وحدي

راهب: ما اعوفج بس اهدي شششش

بقيت حاضنهة وأمسح على شعرهة ما اسمع بس شهكاتهة
شبيهة ؟؟
شوية ما سمعت صوتهة باوعت عليهة لكيتهة نايمة خليتها عالجرباية وغطيتهة وطلعت اسال غدير خاف احد ضوجهة

*************************zena

ترف
صعدت ضميت الكيكة بالثلاجة وفتحت الكنتور ادور على سكيتشات واشوف النقص العندي كاعدة ادور وسمعت الباب نفتح بس فتحة قوية بحيث انضرب بالحايط اني كلت اكيد راهب اجة وهو عصبي انداريت شفت الباب مفتوح بس محد موجود

ترف:استغفر الله هاي اكيد سوالف غدير عابتلهة كمزتني

كمت سديت الباب ورجعت للكنتور كتبت النقص الي عندي وكمت طلعت ملابس الي اريد اسبح خليتهن عالسرير وحضرت ملابس لراهب هسة وكت جيتة طلعت تراك الة رحت اخليه عالسرير
ترف: هاي شنوو
لكيت ملابسي مشمورات بالكاع بس اني خليتهن عالسرير
ماهتميت اخذت ملابسي ودخلت سبحت كملت سبح وطلعت امشط بشعري حسيت بهوا بارد نداريت لكيت الشباك مفتوح

ترف: شنو السالفة اليوم

رحت سديتة ورجعت اكمل شعري اباوع بالمرايا ركزت

ترف: هاي شنو ليش المرايا انفطرت

ركزت بيهة أتلمس الفطر أول ما خليت ايدي انكسرت المرايا واجت كلها بوجهي محسيت على نفسي بعد شوي وكعدت لكيت نفسي بالكاع أتلمس بوجهي ما بيه شي كمت اباوع المرايا هم ما بيهة شي (ياربي شبية تخبلت )
بقيت كاعدة عالسرير ابجي من الخوف وابجي على نفسي لحد ما اجة راهب حسيت بالأمان من شفتة رحت ركض لحضنة محسيت على نفسي من نمت

لحظات الخوف شعور عدم الامان تخليك ترتمي باول حضن يلاكيك بلكي تحس بيه باحساس الامان الي فقدتة

************************
راهب

راهب: غدير
غديير وينج

غدير:ها راهب ليش تصيح

راهب: منو جاينة اليوم

غدير :محد بس بيت عمي اجو جابو سعاد

راهب:اهاا سعاد حجت وية ترف؟

غدير: ماعرف والله من اجت اني جنت يم ماما وسعاد وترف بالمطبخ يجوز حجت وياهة ليش شبيهة ترف

راهب :دخلت............وحجة كل الي صار
اريدج تديرين بالج عليهة تدرين سعاد مو سهلة وخالة البنية ببالهة

غدير: اي تدلل خوية
والله مبين وكعت يراهب 😁

راهب:انجبي ولج وكعت شني

غدير :ههههه اتشاقة وياك راهب اي قابل عيب لو حرام غير مرتك واذا وكعت بحبهة يعني

راهب: امشي من كدامي يلا حضري العشة بسرعة

غدير:ههههههه اي تدلل ليش لا

راحت غدير واني رجعت للغرفة شفتهة متغطية مغطية حتة راسهة رحت كعدت عالجرباية وكعدت هية
مدنكة وتلعب باصابيعهة

ترف:اسفة على الي صار مجنت بوعيي

راهب: عيب تعتذرين اني رجلج ماحاضنة احد غريب
بس كليلي ليش هيج صار احد زعلج ضوجج

ترف تذكرت الي صار: لا محد سوالي شي

راهب:لعد ليش هيج جنتي تبجين

ترف:ماعرف والله اني واكفة ارتب كنتوري و..... حجت الي صار وهية تبجي

راهب اخذها لحضنة: اششش كافي لا تبجين هاي تتخايلين يجوز من التعب وما متعودة عالبيت والغرفة كولي يا الله يمعودة

ترف:اي اني هم هيج كلت ويجوز لان ما متعودة ابقى وحدي يعني جنت دائما وية اختي وامي أو ياسر ومصطفى أو بالدوام

راهب:منو ياسر ومصطفى الي تكضين وكتج وياهم!!

ترف: ولد عمي وأكثر من اخوتي

راهب:اهاا اي خوش

ترف:ما طول فتحنة هالموضوع ممكن اطلب طلب

راهب: اطلبي العيون ومايهن

ترف:امم

راهب: هههه فدوة لليخجل كولي شتريدين

ترف:علمود الجامعة مالتي شوكت اسوي النقل صار هواي ممداومة

راهب :يا جامعة ؟يانقل؟

ترف:الجامعة مالتي ببغداد شلون اداوم غير اسوي نقل

راهب: ومنو كلج تداومين

ترف:شنو ليش!!!?

راهب: مثل ما سمعتي هاي السالفة تشيلينهة من بالج مفهوم كلامي

ترف:مستحيل انسى شلون تريد انسى تعبي وسهر الليالي لان انته تريد هيج

راهب:تررررف اياج تعلين صوتج لا لسانج اكصة خليني هادي وياج احسلج

ترف:بس...

ما كملت واندك الباب

راهب:منوو

غدير: اني

كام راهب فتح الباب

غدير: ماما كالت اجيب العشة للغرفة لان عرفت ترف تعبانة
مبيج غير العافية ترفة

ترف :الله يعافيج ليش هيج تعبتي نفسج اني مبية شي

غدير: لتكولين هيج مرة الغالي انتي

راهب:غديران اذا خلصتي اطلعي برا

غدير: اي اي طالعة اذا ردتو شي كلولي
طلعت غدير

راهب :انزلي تعشي

ترف: ماريد

راهب:بلا سوالف الجهال هاي تعالي اتعشي

ترف:ماريد مااشتهي

راهب:ترف قسما بالله اذا ما اجيتي اجي اني اوكلج غصبا عنج

ترف: نزلت نزلت ميحتاج هالعصبية

ترف

تعشينة وكملنة بهدوء بس اني كلش ضايجة ليش هيج ميخليني اكمل حرامات تعبي هيج يضيع والله بس خلي فترة وهم ارجع احاجيه اني ملاحظة صاير اهدا وياية  صارت تقريبا ب10 ونص نزلت جوة انزل الصينية وراهب راد جاي
دخلت المطبخ كلها نايمة رجعت الاكل الي بقى مكانه وخليت الجاي عالنار واكفة فجأة حسيت جسمي يرجف والدنيا صارت حارة حييييل نداريت شفت........

فديتكم اني اللي تتابعوني احبكم كوومات