رواية فصلية ل راهب الفصل الحادي عشر 11 - بقلم zena ali

فديت الي يحبوني ويدعموني 😙😙احبكم حلقوماتي

بليز حياتي انته الي دتقرة فوت+كومنت متخسر شي

********************
راهب
اباوع على ترف كاعدة بالزاوية وتهز بنفسهة شعرهة مكلوب على وجهة

راهب: ترف

رفعت رأسهة وكامت تبجي بصوت عالي

ترف:ر..را..راهب ف..فد.. فدوة...سا.. عدني

راهب وهوة يتقدم عليهة: تعاي حبيبتي ليش هيج خايفة

ترف بخوف:ل..ل..لا..ل.ا تتقرب...و..وآل.. والله كا...كال يموتني...😢

راهب كعد كبالهة ويمسح على شعرهة: لا تخافين اني وياج الي يمسج بشي اموتة بايدي

حضنهة وهية بس تبجي ومجلبة بيه بقت هيج فترة لحد ما حس بيهة نامت شالهة خلاهة عالجرباية وغطاهة ونزل جوة
.
.
.
.
.
.
.
.
ترف
من نضربت ما حسيت على شي بعد بس شفت نفسي بغرفة كلشي بيهة اسود ونفس الرجال الي شفتة بالحلم ذيج المرة وهوة الي ضربني

"فدوة انته منو وشتريد مني ليش هيج تسوي وياي اني شنو سويتلك " تحجي وتبجي

" اني قدرج اني حبيبج اني الي راح تكملين حياتج وياه فهمتي اميرتي" يحجي ويتقدم منهة

ترف: انته اكيد مجنون اني ما اعرفك واني مزوجة وراح اكمل حياتي وين زوجي فهمت لو لا اتركني بحالي

: عيدي هالكلام مرة ثانية وشوفي حبيب كلبج شلون راح اكطعة وصلة وصلة كدامج

ترف: شنو قصدك

وهوة يلمس شعرهة:قصدي تصيرين حبابة وتسمعين الكلام اذا لمسج لو فكرتي تخلي يتقرب منج اموتة هوة واهلة واهلج كدام عينج حتة تبقين بس الي
ها شكلتي تسمعين الكلام لو لا

ترف: حرام عليك اني شسويتلك حتة هيج تعذب بية
الله يخليك عوفني كافي الي صارلي

:ههههههههههههه حبيبتي
خلي كلامي ترجية باذنج وشفتيني شلون عاقبتج هاي كرصة إذن ترة

كعدت من نومي مرعوبة لكيت نفسي بالغرفة وصوت المي مفتوح بالحمام اكيد راهب جوة رحت كعدت بالزاوية ميتة خوف خوف على اهلي وخوف على عمتي وعمي وغدير وخوف أكبر علىراهب بقيت ابجي لحد ما اجة راهب يحجي وياي ويريد يلزمني خفت عليه لا صدك هاذة الي بحلمي ياذيه بس مكدرت اقاوم
صعب تقاوم حضن شخص انته تحبه وتحس الامان وياه
بقيت ابجي لحد ما نمت
.
.
.
.
.
.
.
.
.
.
راهب
نزلت يم اهلي شافتني امي
الشيخة فضة: ها يمة كعدت مرتك

راهب: اي يمة كعدت ورجعت نامت

غدير: راهب شبيهة ترف ترة مو على بعضهة

راهب :مادري مادري شبيهة
ابوي ما اجة؟

غدير: خابره حسن كال نص ساعة ويوصل

شوي و وصل الشيخ حاكم وحجولةالي صار

الشيخ حاكم: راهب يطلع الصبح تروح تجيب الشيخ مازن وتجي نشوف البنية شبيهة

راهب:انشاء الله شيخ تامر

رحنة كل واحد لغرفتة دخلت لكيتهة بعدهة نايمة بقيت كاعد ما جاني نوم حسيت عل روحي شارب باكيت جكاير كامل والشمس طالعة وترف بعدهة نايمة غسلت وجهي بدلت ملابسي ونزلت جوة لكيت اهلي كاعدين يصلون حتة حسن نازل وسعاد تسوي الريوك

راهب:صباح الخير
الكل: صباح النور

الشيخ حاكم:ها بوية راح تروح

راهب:اي يابة رايح

سعاد:ما تتريك خوية

راهب: لا مشكورة ما اشتهي
يلا مع السلامة

رحت تمشيت لبيت الشيخ دكيت الباب طلع ابن الشيخ حمزة سلمت عليه ودخلني للديوانية دخلت لكيت الشيخ كاعد يقرا بكتاب
راهب: صباح الخير شيخنة

الشيخ مازن :صباح النور هلا بالنقيب

راهب:شلونك شيخ شخبارك

الشيخ مازن: نحمد الله انته شلونك الوالد شلونة

راهب:الحمد لله

الشيخ مازن: راهب مبين عليك عندك شي احجي ابني شبيك

راهب :والله يا شيخ ماعرف شكلك

الشيخ مازن: احجي ابني لا تخاف سرك ببير وأنشاء الله اكدر اساعدك

راهب: تسلم يا شيخ
الموضوع يخص مرتي يا شيخ صار يومين مو على بعضهة والبارحة خابروني و........حجة كلشي للشيخ

الشيخ مازن: والله يا ابني ما اعرف شكول انتظرني ابدل ملابسي واجي وياك
ربع ساعة واجة الشيخ و رحنة للبيت

الشيخ مازن:السلام عليكم

الشيخ حاكم:وعليكم السلام شلونك ابو حمزة

الشيخ مازن:الحمد لله انته شلونك شخبارك
شلون ابو علاوي

حسن:الحمد لله شيخ انته شلونك صحتك شلونهة

الشيخ مازن: الحمد لله
خير ابو راهب شني الي صار

الشيخ حاكم: والله يابو حمزة مادري اني جيت وسولفولي

الشيخ مازن : زين بيهة مجال اشوف البنية

الشيخ حاكم:اي انشاء الله
راهب بلغ الجماعة يسوون مجال

دخل راهب للبيت : شيخة سوي مجال وصعدي لترف استريهة(يعني تلبسهة حجاب)

شيخة فضة:اي يمة

دخلنا اني وابوي وحسن والشيخ مازن صعدنة للغرفة دخلت اني وابوي والشيخ مازن لكينه الوالدة يمهة وترف كاعدة بس ترجف ومدنكة

الشيخ مازن:السلام عليكم شلونج ام راهب

الشيخة فضة:الله يسلمك ابو حمزة ام حمزة شلونهة البنات

الشيخ مازن: الحمد لله يسالن عليكم
شلونج بنيتي

ترف: الحمد لله عمو

الشيخ مازن كعد بصف ترف: خير يكولون تعبانة ماشاء الله جنج وردة

ترف:......

الشيخ مازن:شبيج بابا احجيلي كلشي صار وياج لو تريدين نبقى وحدنة

ترف: م..مم..ما ..كو..شي..

راهب:ترف احجي ليش خايفة

ترف:م..ماكو..شي

راهب بعصبية:شني ماااكو شي احجي لج

الشيخ مازن:يا ابني علكيفك ميصير هيج

الشيخ حاكم:راهب اعصابك بوية ما يصير هيج البنية خايفة علكيفك وياهة

الشيخ مازن:بنيتي لا تخافين من شي اني يمج وأنشاء الله اكدر اساعدج بس احجيلي شصار

ترف: عمو أول البارحة رحت لغرفتي و..........حجت الي صار كلة حتة حلمهة

الشيخ مازن: اعوذ بالله من الشيطان الرجيم انشاء الله ماكو شي بنتي لا تخافين تقربي علية

تقربت عليه خلة ايدة على رأس ترف وبدة يقرا عليهة وترف بس مغمضة وتبجي شوية كامت ترجف شوي شوي زادت رجفتهة

الشيخ مازن: راهب تعال الزمهة

بقة الشيخ يقرا وترف ترافس عبالك روحهة تطلع منهة شوي وسكت الشيخ ترف نامت على وضعهة

الشيخ مازن:لا حول ولا قوة الا بالله العلي العظيم

الشيخ حاكم:خير ابو حمزة

الشيخ مازن:نطلع وافهمكم

طلعو كلهم بقت بس الشيخة فضة واجت غدير يمهة بقت يم ترف خاف تكعد

راهب:خير شيخ شني هاذة الي صار

الشيخ مازن: والله يا ابني ماعرف شكلك بس اني شاك بشي

الشيخ حاكم:بشني شاك

الشيخ مازن: ابو راهب اني شاك البنية مسحورة

الشيخ حاكم: شهالحجي شيخ مازن

راهب (شني هاذة الي جاي اسمعة سحر شني ياهو الي يسوي هيج بيهة مصارلهة فترة حتة محد جاينة وماطالعة)

راهب:وشنسوي هسة شيخ

الشيخ مازن: لازم تاخذوهة شيخ لو سيد اختصاص هالشي اني ماكدر اسوي شي

كاعدين وسمعنة غدير

غدير : ولك رااااااااااهب الحك
.........

😍😍❤❤
فديتكم حلقوماتي لقيماتي بقلاواتي

تصبحون على خير ❤