رواية فصلية ل راهب الفصل العاشر 10 - بقلم zena ali

هلووو حلقوماتي اشتاقيتلكم
لا تزعلون اذا تأخرت عليكم لان عندي دراسة وامتحانات ياريت تعذروني
احبكم كوومة 😍😍
**********************
ترف
انداريت بس ماكو احد بس اني بالمطبخ
ترف:استغفر الله ياربي شبية اليوم خلي اصعد احسلي
رجعت للغرفة بس كولش ضايجة اولا من راهب على دراستي ثانيا مشتاقة لاهلي وهسة هاي الشغلات الي دتصير اليوم
دخلت لكيت راهب متمدد ويباوع عالاخبار اني بدلت ملابسي ونمت
.
.
.
.
.
.
.
.
"ااني ووين"
"منو انتة "
"لا وخر عني..وخر...لااااااا"

راهب: ترف ..ترف اكعدي

ترف:ااااه

راهب: بسم الله شبيج اهدي هاذة حلم

ترف: ر..را.. راهب

راهب بخوف: شبيج يبعد راهب

ترف: لا تخلي ياذيني فدوة ماريد اروح وياه

راهب:اهدي ترف والله حلم ماكو شي اني يمج نامي يروحي

ترف
نمت بالليل حلمت اني بغرفة ظلمة  ما مبين شي بيهة شوي شوي بدة يتقرب مني ضوة خافت مشيت الة شفت نار مشتعلة واكف يمهة شخص بس ما مبين شي منة كتلة اني وين ما جاوب بس كام يبتسم طلعت سنونة بيض وكبار يخوفن كتلة انته منو كام يتقرب مني ويضحك
" اني حبيبج اني مالكج "
" وخر عني ..لا...وخر عني"
كعدت على صوت راهب اليوم تعبت شديصير يربي أول مرة احلم هيج او احس بهيج شغلات وفوكاهة راهب مديصدك يكلي من التعب معقولة صدك من التعب هيج اتخيل  هديت شوي بحضن راهب محسيت بعد بشي
كعدت ثاني يوم ب10 الصبح احس راسي راح ينفجر دخلت غسلت وجهي اباوع بالمرايا وجهي تعبان وعيوني جواهة سواد
كملت ونزلت جوة
ترف: صباح الخير

غدير:صباح الخيرات حبي ليش نزلتي بعدج تعبانة

الشيخة فضة: اي يمة راهب كال مريضة ليش نزلتي غير ترتاحين

ترف:لا عمة ما بية شي وماريد ابقى وحدي

الشيخة فضة:شبيج يمة

ترف:مابية شي بس تعبانة شوي

غدير: اكعدي ترفة اسويلج ريوك

ترف:لا ماريد حياتي تسلمين ارتب البيت واجي اسوي الغدة راح يجون الولد

غدير:لا حبي اني كملت كلشي تعاي اكلي شي

ترف:ليش هيج تعبتي نفسج
ماشتهي والله

عمة شسوي غدة

الشيخة فضة :بكيفجن عمة اني رايحة لحجرتي(غرفتي)

راحت الشيخة ونزلت سعاد من غرفتها

سعاد:هلا ترف شلونج

ترف:هلا بيج الحمد لله حبيبتي انتي شلونج

سعاد: الحمد لله
خير شو كاعدة متاخرة اليوم

ترف:والله مالي خلك وتعبانة شوي محسيت بنفسي من نمت

سعاد :متشوفين شر حبي ديري بالج على نفسج

غدير:شني هالحنية هاي مشاء الله من شوكت تهتمين لأحد

سعاد:لا تدخلين غدير اني جاي احجي وية اختي

غدير: اختج!؟، هاي من شوكت واني مادري

ترف:غدير كولي يا الله

سعاد ضحكت عافتنة وطلعت وغدير راحت تباوع عالتلفزيون وبقيت اني اسوي الغدة خلصت وداسوي زلاطة حسيت بنفس الرعشة مال البارحة بس هالمرة حسيت وياهة بنفس حاار على ركبتي وايد تلمس خصري وتضغط عليه بقوة كمزت من مكاني وعفت كلشي من ايدي التفت يمنة يسرى محد يمي حسيت حجابي نجر من راسي والنفس الحار رجع على ركبتي واقوى كمت ارجف من فوك ليجوة فجأة وكعت بالكاع واحس احد كاعد على صدري اريد اجر النفس ماكدر اريد اكوم احجي ماكدر
" عقابج لان خليتي يلمسج "
ترف:اااااخخ
ااااخخخ

كمت ماعرف الراشديات منين تجيني بس اصرخ واحس وجهي اشتعل نار
.
.
.
.
.
.zena
.
.
.
.
.
راهب
كعدت الصبح لكيت ترف بحضني جنهة طفلة بستهة من رأسهة دخلت سبحت وبدلت نزلت جوة لكيت الحجية كاعدة والشيخ طالع عندة كعدة بالبصرة
راهب: اكلج يمة ديري بالج على ترف ترة تعبانة و بالكوة نامت

الشيخة : لا تدير بال يمة توكل على الله

راهب:انشاء الله
مع السلامة

الشيخة فضة:الله وياك يمة

الظهر تقريبا ب١١ ونص اني بالتحقيق واجاني العسكري كال البيت يتصل عفت التحقيق ورحت لمكتبي
راهب:الوو

غدير:راهب الحكنة ترف مدري شبيهة

راهب:شبيهة ترف ولج

غدير:ما نعرف تعال بسرعة

سديتة من غدير ورحت للبيت بسرعة دخلت لكيت حسن كاعد عالدرج

راهب:حسن شصاير ليش كاعد هنا

حسن:ماكو شي يخوي اصعد لمرتك امي وغدير يمهة

صعدت فوك لكيت امي خالة ترف بحضنهة وتقرة على رأسهة قرآن وغدير هم تقرة قرآن وتبجي تقدمت عليهم باوعت على ترف وانصدمت من شفتهة وجهة صاير ازرك وخدودهة منفوخة عيونها من البجي مورمة

راهب : يمة هاي شني

الشيخة فضة: يا يمة اكعد خلي تفهمك

راهب:احجي يمة ياهو هيج مسوي بترف

الشيخة فضة:والله يا يمة مادري اني بغرفتي وسمعت صياح اختك طبيت المطبخ شفت مرتك مدماية واختك بس تبجي

راهب:غدير احجي شصار ومنو هيج مسوي بترف

غدير : ر..ر..راهب اني اني دخلت المطبخ لان سمعت صوت صياح منة لكيت ترف بالكاع و تروح منا وتجي منا تحس احد يضرب بيهة وفجأة سكتت واجت امي وهسة مثل متشوف صار ساعة ما كعدت ولا سمعنالهة صوت

راهب:انتي تسمعين روحج شجاي تحجين

غدير:والله هاذة الي شفتة

الشيخة فضة:يا يمة يجي ابوك ونشوف شيكول

راهب: الله كريم يمة لا تعوفينهة وحدهة ابد

نزلت جوة يم حسن واني بالي مو يمي بالي يم ترفة شني الي جاي يصير هاذة

حسن:راهب شرايك نروح للشيخ مازن شيخ الجامع الي بصفنة

راهب:نشوف لليل اذا نعاد الموضوع نروحلة

حسن:يا خوي هاي مسؤلية اذا صار شي عالبنية وين نودي وجهنة من العشاير
لازم تحجاي اهلهة

راهب والجكارة بيدة:انشاء الله الله كريم

صارت دنيا ليل واحنا على نفس الكعدة امي وغدير يمهة واني يم حسن
صعدت اشوفهة لكيت امي كاعدة وغدير نايمة عالقنفة

راهب: يمة انزلي ارتاحي اني يمهة راح ابقى

الشيخة فضة:لا يمة اني مرتاحة انتة ارتاح

راهب :لا ميصير يمة انزلي اتعشي واخذي دواج ونامي لا يضل بالج
غدير ..غدير اكعدي

غدير:هاا..هاا راهب ترف بيهة شي

راهب:لا مابيهة شي كومي انزلي وية امي سويلهة عشة وانطيهة علاجهة وروحي نامي يلا

غدير: انشاء الله يخوي اسويلك شي

راهب:لا ماريد شي

نزلو جوة رحت لترفتي اباوع عليهة شصاير بيج يبت كلبي معقولة الي حجيتي صدك وهو السبب باللي انتي بيه هسة اسغفر الله دخيلك ياربي بعدني توني جاي ابدي وياهة وماصدكت الوضع بدا يهدا شوية
بستهة من رأسهة وطلعت ملابس دخلت اسبح
كملت وبدلت وطلعت للغرفة
اباوع ترف ماكو
درت وجهي منا منا شفتهة ....

احبكم حلقوماتي فديت الي يتابعني
فوت+كومنت 😙موووح بوساتي