رواية فصلية مرتين ✌ الفصل الرابع عشر 14 - بقلم Mortahela-مرتحلة

روان :

ريناد جابتلي اكل و اكلت بس شوي لان شبعاني و ما تشتهي ، هو اعطاني الدواء مالتي يلي سجلته الدكتورة الي .
صارت الدنيا كلش ليل يعني شي بالـ ١٠ و نص بالليل ، اني دا انام و ما احس غير واحد دخل للغرفة .
من درت وجهي شفت بكر .

روان : ها حبيبي .. تريد شي ؟؟
بكر : خالة ماما تگول روح نام يم الفصلية لأن اني بعد مو امك هي امك 😢.
روان : تعال يمة .. تعال حبيبي .. تعال نام يمي .

كسر گلبي شلون هيچ تحچي وياه ؟؟ 💔 .
هو نام يمي و غطيته ظليت امسح على رأسه لحد ما نام حسيت بيه ، سمعت صوت الباب انفتح و شفت مهند دخل .

مهند : وين بكر !؟
روان : هذا نايم يمي خطية امه طاردته .
مهند : خلي يمچ ينام لحد ما ترجع امه لان راحت زعلانة لبيت اهلها .
روان : بس ....
مهند : لا تبسبسين .. خل تولي شلون تمد يدها عليچ و أنه هنا الشيخ و الزلمة بهذا البيت ؟؟؟
روان : ما عليك لا تضوج .. روحك .. نام و ارتاح .
مهند : تدرين انتي من رحتي شصار بية ؟؟؟ .. سودنتيني !!! .. لان لو گايلة الي من البداية بدل ما تشردين چان احسن بس انتي زعطوطة و ما تفكرين ابد قبل ما تسوين اي شي .
روان : اني اسفة .
مهند : ما عليچ .. اسكتي خل ننام لان حيل تعبان بسببچ .

حيل انغثيت منه بس هو ما چذب بكلامه ، لان لو گايلتله چان ما حصلت كل هل قرف اليوم منه .
انداريت على بكر حضنته و بچيت بصوت مخنوق لان بطني توجعني بعدها ابد ما صرت زينة .
ما حسيت غير واحد صار وراي و حضني و جرني اله .

مهند : لا تبچين كافي بس .. بعد اي شي يصير وياچ گوليلي و ابد لا تتصرفين من كيفچ .
روان : أن شاء .. الله .
مهند : تصبحين على خير .
روان : و انت من أهله .... ممكن تتركني ؟؟
مهند : لا .. نامي يالله !!
روان : حاضر ... بس لا .. تتحرك .. خاف يفز .. بكر .
مهند : خوش زين بس نامي ولچ !!! .

من گال ولچ اني ضحكت و انداريت عليه ، بس يا ليتني ما انداريت 😳 .
هو جرني و صرت فوگاه و گام يباوع بعيوني و اني هم ، دنگت عيوني لان استحيت منه حيل .
باسني و اني دفعته على كيف ، هو ابتسم و شال أيده و مسح دموعي ، سوة نفسه عصبي .

مهند : ليش تدفعيني عنچ !!؟
روان : اريد انام .
مهند : انتي مو حلالي ياااا .. روز 😉 ؟؟؟
روان : يبووو .. خليني انام .
مهند : مو بكيفچ تنامين .. اني بكيفية انومچ و اگعدچ .
روان : يالله شيخنا بس لا تصير عصبي .
مهند : ههه يالله نامي بس هنا تنامين بجانبي و موش تغافليني و تفلتين !!
روان : لا شيخنا اطمأن ما اروح لاي مكان .

كل هذا الحچي و اني نايمة فوگاه يعني على صدره نايمة و مدنگة عيوني لان فشلت و استحيت بنفس الوقت .
نزلني و صرت بصفه و هو حضني و نام ، اني ظليت متوترة و بعدين شوي تعودت و نمت بدون ما احس .
غمضت عيوني و ما احس غير واحد يصيح باسمي ...

مهند : روان .. روااان !!!
روان : نعم تفضل .
مهند : راح اضبط المنبه و من يدگ بالستة گعديني موش تنسين !!! .. تراني ما اگعد عليه لان نومي ثجيل (ثقيل) .
روان : صار .. تأمرني بعد .. شي !؟؟
مهند : اي .. اعطيني بوسة .
روان : شنووو ؟؟؟ 😶 ... لا ماكو خل انام فدوة !!!!
مهند : شنهي هي بكيفچ چا !!؟؟؟

جرني و باسني ، اني تأذيت لان شفتي مجروحة ، رفعت ايدي و خليتها على وجهه و دفعته و انداريت .

مهند : شكو شنهو الصار ؟؟؟ 😓
روان : اهئ (بكاء) شفتي .. توجعني اهئ اهئ 😭
مهند : وين وين توجعچ !!!؟؟ (التكرار عن قصد وليس خطأ)
روان : انت .. اهئ .. من .. اهئ .. بستني .. اهئ .. جرحتني .. حيل .. اهئ 😭.
مهند : يبوووو ... عمي اسف أنه اسف يالله بس نامي لا تبچين 😫
روان : شلون انام .. اهئ .. مو دا اگلك .. اهئ .. شفتي توجعني .. اهئ .
مهند : يالله تكبرين و تنسين (منو سامع هاي الجملة 😂) .. بالله نامي دللول لوة دللول دللول .

ظل يلوليلي .. اني سكتت و خليت ايدي على بطني حسيت بعصره ، و گمت بسرعة من مكاني .
مهند خاف و هم گام وياي ، سألني شنو بيچ بس گتله ما بية شي ارجع نام ماكو شي .
رجعت نمت 😴 .
¥¥¥¥¥¥¥¥¥^^^^^^^^^}}}}}}}}=======€€€€€€€€€±±±±±±±±±∆∆∆∆∆

في الصباح :
گعدت الصبح ، باوعت على الساعة بـ ٥ و نص يعني بعد نص ساعة ، اني گمت من الفراش رحت توضيت و صليت .
صارت بالستة الا ربع ، رحت للحمام جهزت ملابس لمهند و انوب رحت گعدته صارت بالستة و دگ المنبه .

روان : شيخنا .. شيخنااا !!!
مهند : شكووو ؟؟ 😥 ... اريد انام روحي .
روان : اهووو ... دگوم عفية هسه وقت لعب جهال يالله گوم لا يگعد بكر !!
مهند : ولييي .. من اگلچ اريد انام يعني انام 😠
روان : گوم ترة اذب عليك ماي بارد والله و اخليك تتجمد من الصبح .
مهند : خرب عشيرتچ ... ولچ روحييي !!! .
روان : مو دا اگلك راح اذب عليك ماي بارد !! .... بكيفك لعد 😏 .

جبت ماي بس بايدي يعني شوي مو هواي ، ذبيت على وجهه هو گمز و باوع علية و ابتسم .

مهند : صباح الخير ببيش الساعة ؟؟
روان : 😮 .. صباح النور .... هسه بالستة و عشرة .
مهند : جهزيلي ملابسي بالحمام .
روان : جهزتهن و راح انزل اسوي ريوگ .
مهند : زين .. يالله روحي سريع لان راح أتأخر .
روان : صار .
مهند : گعدي بكر من تصير بالسبعة خليه يروح ويا عمه لبيت جده اهل امه حتى تشوفه و بعدين يروح .
روان : اوكي .. اقصد صار .
مهند : لا عادي گولي اوكي 😊 ... صح و خليه يسبح و لبسيه ملابس مال زلم موش مال يهال !!!
روان : زين .. تريد بعد شي !؟
مهند : لا روحي و اشربي دواچ لا تنسينه .
روان : أن شاء الله .

نزلت سويت ريوگ و صعدته فوگ هو طلع من الحمام و مشط شعره ، راح صلى و اني بقيت منتظرة .
هو گعد ياكل و گلي اكل وياه ، گعدت اكل لگمتين و لعبت نفسي و ركضت للحمام ، قفلت الباب و تقيأت (تكرمون😅) و دخت حيل .
گعدت على الگاع و لزمت راسي لان گام يوجعني ، هدأت شوي و گمت ، طلعت و شفت مهند واگف و خايف .

مهند : شبيچ شنهو اليوجعچ ؟؟؟
روان : لا عادي بس لعبت نفسي و تقيأت .
مهند : ها عادي لان هيه اعراض الحمل .
روان : روح اكل اني شبعت .
مهند : ديريبالچ على نفسچ المرة الجاية .
روان : أن شاء الله .

هو رجع ياكل و اني رحت طلعت ملابسي من الكنتور ، من فتحت الكنتور حسيت بفد راحة نفسية لان ملابسي مرتبة و نازكة .
طلعت ملابس و رحت اسبح ، خلصت و من دخلت للغرفة لگيت بكر گاعد على الچرباية يفرك بعيونه .

روان : صباح الخير 😊
بكر : صباح النور .. اني جوعان !!
روان : اي حبيبي هسه اسويلكم ريوگ خاطر تروح لامك تشوفها انت و عمو .
بكر : اي راح اغسل وجهي .

اني عفت شعري لفيته بالمنشفة و رحت سويت اله ريوگ و هو نزل اكل جوة ما صعدته فوگ .
صعدت لغرفة شروق لان اكيد ملابس بكر بيها ، رحت فتحت الكناتير ادور لحد ما لگيت ملابسه .
طلعت اله دشداشة صغيرة مال جهال حلوين و يشماغ و عگال لأن هو ابن الشيخ مهما يكون عمره .
كويت الدشداشة اله و حضرتهن بالغرفة مالتي خليتهن .
هو صعد ، دخلته يسبح و من طلع خليته يلبس ملابسه و طلعت من الغرفة حتى اخبر فلاح .
رحت يم الباب و دگيته مرة و ماكو دگيته مرة ثانية يالله جاوب .

فلاح : منهو ؟؟
روان : اني روان .. الشيخ گال اخذ بكر لبيت جده اهل امه لان البارحة راحت و من يخلص رجعه .
فلاح : اي ميخالف ... هسه بس اتريگ و ابدل .
روان : أن شاء الله .

رحت للغرفة لگيت بكر گاعد على الچرباية و يلعب بـ موبايل ما اعرف مال منو هذا .
رحت اني تمددت على على الچرباية لان احس شوي تعبانة .
بقيت على حالي صافنة و متمددة ، تقريباً نص ساعة أو أكثر اندگ الباب ، فتح بكر الباب و چان فلاح .
گلي رايح گتله الله وياكم ، راحو و اني بقيت وحدي بالغرفة نايمة ، مليت و گمت نزلت جوة .
شفت ريناد و نور و سماح واگفات بالباب و يردن يرحن ما عدا ريناد .

روان : وين يا حلوات ؟؟
ريناد : هن متزوجات و لازم أن يروحن .
نور : مع السلامة نشوفكم بخير .
سماح : مع السلامة حبايبي .
روان : الله وياكم ترحون بالسلامة .

راحن البنات و اني و ريناد رحنة للمطبخ ظلينا نشتغل ، سوينة اكل و نزلنا البيت و سوينا كل شي .
خلصنا و اني حيل تعبت ، گعدت على الگاع و ريناد انتبت الي .

ريناد : شخيرچ روان !؟؟
روان : لا بس دائمة و الدكتورة گالت عاد...

ما كملت لان تذكرت أن مهند ما قبل اگول لاحد أن اني حامل خاف تصير مشاكل .

ريناد : انتي راحمل ولچ روااان !!!؟؟ 😮
روان : اي بس لا تگولين لأحد لان الشيخ ما يقبل اگول فدوة 😧
ريناد : اي اي ميخالف ما اگول .. بس شلون صورتي حامل بسرعة چا هو انتي شگد صارلچ ويانا بس يومين .
روان : لا بس الدكتورة گالت لان اني صغيرة و بعدني مصائر هواي من بلغت فـ موضوع الحمل كلش سريع عندي .
ريناد : اي عينيي !! .. و هسه انتي شلونچ 😉 ؟؟
روان : ولچ ريناااد !!! .. زينة زينة بس اسكتي فضحتيني عود هسه دا اگلچ لا تگولين 😑 .
ريناد : زين زين ما اگول والله ارتاحي .

بعد ما تشاقينة و ظلينا تضحك كل وحد راحت لغرفته ، اجو الولد و صلينا عدة و طلعو من جيد و بكر راح ويا ابوه .
بكر صار بمثابة ابني حتى شگد اخاف عليه گمت و أسأل نفسي من اصفن هو هسه شبعاني لو جوعان محتر لو بردان .

::؛؛::؛؛::؛؛::؛؛::؛؛::؛؛::؛؛::؛؛::؛؛::؛؛::؛؛
بعد شهر :

يوميا نفس الروتين ، مضايقات ريناد علمود السر و عصبية و تسلط مهند لطافة المعاملة من قبل فلاح و عمتي .
البنات كل جمعة وسبت يجن ، بكر صار قطعة مني اكثر مما تتخيل اصلا و هو هم يحبني اكثر حتى من أمه .
اليوم بالذات صار عمر ابني شهر ، ما اعرف ليش گمت احبه موت ، گمت اخاف عليه حتى من كل شي .
ما اتعب نفسي و اكل بانتظام علمود صحة الجنين .
و اليوم أيضاً راح يجي اكثر انسان اكرهه بالعالم ، راح تجي شروق لان مهند قرر يجيبها علمود امه .
اجت الوصخة دخلت ، اني چنت واگفة بالمطبخ من هي دخلت ، ريناد عمرها هم نفسي اموت منها لذلك بقت وياي بالمطبخ .
دخلت شروق و بنفس الوقت دخل بكر للمطبخ هي باستخدام و هو ولا يهمه ، من باوعت الهم خزرتني مدري شبيها .

بكر : ماما !!
شروق : ها يمة حبيبي ؟؟
بكر : مو انتي .

اني هنا انصدمت و انداريت عليهم شفتها هي هم مصدومة مثلنا اني و ريناد هم .

روان : اني !!!؟؟؟ 😨
بكر : اي ماما انتي مو هي هيه تكرهني يعني هيه مو امي .
شروق : هاي شنهو حاچية لابني ؟؟؟ 😡

هو ركض علية و حضني و شروق صارت عصبية حيل و گلتلي بسيطة و صعدت عرفت أن هي راحت تگول لـ مهند .
لذلك أخذت بكر من أيده بسرعة و رحت للحديقة گعدنا علمود ما يسمع العياط خطية هو جاهل شعلمه .
شوي و ما احس غير واحد جرني من ايدي حيل من چنت گاعدة ، الناظرين و شفته مهند و صاير حيل عصبي .
ضربني راشدي حيل وگعني بالگاع و بكر ركض علية .

مهند : هاي الحچي صحيح ؟؟؟؟ .. شلون لاعبة بعقل ابني و مخليته يكره امه اهلي الدرجة ؟؟؟؟!!!!😬
بكر : لا بابا هيه دائما اتگلي أن هاي امي ولازم احبنها بس هيه ما تحبني و دائما تگلي انت موش ابني بس هاي امي لان تحبني و تخاف علية و دائما توگف بهم و هيه تنضرب بمكاتب و ماما و لا يوم مسويتها بالعكس دائما تگلك حتى تضربني بدون سبب 😭
روان : بكر كافي حبيبي كافي بابا تعبان لا تتدخل .
مهند : بكر تصعد للغرفة بالله روح امشي من گدامي بسرعة .

بكر ما راح ، بس اني گتلة روح و من اخلص اسويلكم كيكة لان دائما اني اسوي معجنات تخبل و محد يقاومها .
هو هز رأسه و راح صعد ، اني بقيت بالگاع گدام مهند و مهند يفتر منا و منا نزهجع عگاله و بشماغه لان صار عصبي .
اني گمت ما اخاف منه لان تعودت على عصبيته و دائما من يرجع من شغله يفرغ حرگته و عصبيته بية .
يظل يضرب بية أو يصيح و يعيط و يغلط .
بس گمت هو جرني من شعري و ظل يغلط علية و يضربني راشدي أن اني حتى دموع ماكو .
بس من عافني وگعت بالگاع و بچيت ، هو اخذ مقالاته الاغراض و راح دخل بالبيت اني من دخلت وجهي صار احمر .
من الجهتين مضروبة اني ، ريناد گمزت علية زجو حضنتني و گامت تهدأ بية .
اني لعبت نفسي و ركضت للحمام .
تقيأت و مثل كل مرة دخت و گعدت بالگاع ، بس هل مرة من گمت شفت دم و گبل صرخت .
من صرخت اجت عمتي و ريناد يركضن ، من شافني كلش خافت و راحن گالن لمهند حتى يجي ياخذني للدكتورة .
هو من اجة شالني و أخذني للسيارة ، صعدت و بسرعة رحمة حتى بدون حجاب .
بس رحنة للدكتورة اكيد 😌 ، من دخلنا هيه شافتني و اعطتني مخدر حتى تهدأ لان بس ابچي خبصتهم 😂 .

$_&$_&$_&$_&$_&$_&$_&$_&$_&$_&$_&$_&$_&$_&$_&$_&$_&$_&

الكاتبة 😋 (لأول مرة) :

روان تخدرت و نامت أما مهند فبقى حائر و خايف ، طلعت الدكتورة و توجهت ناحيته .

الدكتورة : عيني لا تخاف مجرد بناء مشيمة للطفل بس بما أن هيه عندها نقص نمو بهاء الفترة راح تكون شوي تعبانة لذلك راح اسجللها ادوية مقويات و ديرة بالكم عليها لأن هسه هيه بوضع حرج و احكم أن هاي بسبب ردوة فعل أو متلقية حادث أو شي مختلف لحالتها النفسية .
مهند : اي دكتورة أن شاء الله ندير بالنا عليها .
الدكتورة : عطيتهت مخدر و أن شاء اله بعد شي ساعة تگعد او حتى اقل .

راحت الدكتورة بينما مهند بقى صافن شوي ، دخل للغرفة و شاف روان نايمة و مشكلين الها مغذي .
باوع عليها و صاج لان ما لابسة حجاب بس بذاك الوقت چانت الفرصة متسمح لذلك أسرع هو بأخذها للمستشفى .
خابر على فلاح حتى يجيب ريناد و يخليها تجيب وياها حجاب و عباية .
شي نص ساعة و اجو فلاح و ريناد ، ريناد أخذت الحجاب و لبسته لـ روان حتى ما يصير مهند عصبي .
خلت العباية على الكرسي و گعدت هيه گبال روان ، مهند سولفلهم يلي گالته الدكتورة و فلاح تعجب لان اول مرة يعرف أن هيه حامل .
بس اتخذ من الوضع شي طبيعي و عادي و ما اخرج تفاجئه گدامهم .
بعد ما راح فلاح و مهند للدكتورة و جابو الدواء و رجعوا لگو روان گاعدة و دا تشرب ماي و ريناد يمها واگفة .
كملت و لبست روان عبايتها و رجعوا للبيت گالو للكل أن هيه حامل لان الموضع بعد ما يتخبه اكثر من هذا .

))//))//))//))//))//))//))//))//))//))//))//))//))//))//)//))//))//))//))//))//))//))//))//))//

روان :

من عرفت ام مهند فرحت و گالت لنور و سماح على التلفون و هم فرحت بس سوينا نفسنا هسه عرفنا لان راح يگولون ليش ما گلتولنا من البداية .
شروق من عرفت صارت حيل عصبية و صعدت لغرفتها بكر بأس بطني و اني بقيت صافنة و دمعت عيني لان حسيت ان هذا مو اول ابن و أن عندي بكر قبله بعد .
صعدت لغرفتبي و شربت الأدوية و حسيت ان اني نعسانة ، صاحوني على الغدة بس ما اشتهي اريد انام .

✓✓±±✓✓±±✓✓±±✓✓±±✓✓±±✓✓±±✓✓±±✓✓±±✓✓±±✓✓

يتبع .... 👩💞