رواية فصلية مرتين ✌ الفصل الخامس عشر 15 - بقلم Mortahela-مرتحلة

شروق (ما اعرف ليش !؟ 😓) :

من گالو أن هاي الفصلية الزعطوطة حامل تخبلت (جنيت) ، شفت بكر شلون يضحك الها و باس بطنها و هي هم باسته .
صعدت نامت الحقيرة و اني بقيت جوة صافنة ادور فد شي حتى اخليها تنزل طفلها هذا .
لگيت الخطة المناسبة و اني ما راح يصير علية شي ابد و ما راح يحسون أن اني النزلت الطفل منها .
راح ادفعها من الدرج بس مو هسه من أشوفها تعودت على الطفل و من أشوف مهند صار الطفل قطعة منه يالله اسوي خطتي .
حتى اخليها يطلگها صدگ و اخلص منها ، اني من أكره أحد اكرهه موت ، و هسه كرهت هالفصلية هاي .
شفت مهند شلون مبتسم و من يحچون وياه و يجيبون طاري الطفل يفرح مبين يحب الطفل ، هاي اول شرط خلص .
بقى الثاني و يلي هو أن اشوف هاي الزعطوطة تحبه و تخاف على نفسها علموده .
خلتني افارگ (افارق) زوجي و بيتي و خلاني اروح يم اهلي شهر كامل عفت ابني هنا و حتى من اجيت شفته متغير و يحبها اكثر مني .
اعرف أن هيه ورة كل شي صار هيه الحقيرة ، خلت مهند يدزني لاهلي و خلت ابني يكرهني .
بس بسيطة والله لا اخليچ تطلعين من هذا البيت عسى ما بعد اربع اشهر مو مهم بس خل الكل يحب ابنچ و خل بطنچ تكبر يالله .

))++))++))++))++))++))++))++))++))++))++))++))++))++))++))++))++))++

مهند :

من رجعنا للبيت و گلنالهم كلها فرحت و اني فرحتي اكتملت لان چان حملها مجرد تكوين بويضة مو مأكد .
بس هسه أكدت الدكتورة النا أن هيه حامل ، بس لازم أن ندير بالنا عليها و اني لازم أن ابقي عيني عليها لأن من گلنا الشروق شفت الحقد بعيونها .
صبو الغدة و اني انتظرتها تجي تاكل ويانا بس هيه ما اجت دزيت عليها بكر بس گال ما تشتهي بغرفتها گاعدة .
اني جن جنوني شلون ما تاكل و هيه حالتها مو زينة و مريضة ، اني گمت من السفرة و صعدت الها ، ريناد گالت هيه تروح بس اني ما قبلت .
جاي اصعد بالدرج و ما احس غير بواحد جر ايدي على كيف ، انداريت و شفت شروق لأزمة ايدي .

مهند : خير شرايدة ؟؟
شروق : اريد احچي وياك شوي !!
مهند : اوگفي خل بس اشوف روان و اجي .
شروق : لا الموضوع ما يتأجل .
مهند : خوش يالله گدامي للغرفة نحچي .

صعدت هيه و اني صعدت وراها للغرفة مالتنا ، من دخلت هيه سدت الباب وراي فعرفت أن هيه عدها سالفة صدگ مهمة .
انه ظليت واگف و هيه گعدت على الگاع ، بقت هيه شوي صافنة انوب حچت بدت تحچي على روان .

شروق : انت چنت تدري أن هيه بالغة مو ؟؟
مهند : اي ادري ليش !؟
شروق : و تدري انها راح تصير حامل !!؟
مهند : اي ادري ليش خير ؟؟
شروق : مهند انت شلون هيچ تسوي بيا !؟ ... اني ام عيالك و حلالك تفضل علية فصلية طفلة و تخليها حامل منك ؟؟ ... تدري اني شصار بية من رحت لبيت اهلي ؟ .. بقيت صافنة لان أنه اعرف انك طردتني لبيت اهلي علمودها .
مهند : لا شروق اسمعي !!!
شروق : شسمع منك يعني ؟؟ ... شسمع فهمني !!؟
مهند : انتي تظلين الأولى و تظلين ام عيالي و حبيبتي بس هيه لان صغيرة و الحمل عدها سريع مثل ما حچت الدكتورة .
شروق : اوعدني انك ما راح تفضلها علية ابد بيوم من الايام !!
مهند : اي اوعدچ ما يخالف .

أنه تركتها ضجت من كلامها و طلعت ، رحت لغرفة روان و دگيت الباب ، ما سمعت الها صوت .
دگيت مرة ثانية و هم ماكو ، خفت عليها حيل خاف صاير بيها شي لذلك دخلت و شفتها نايمة و بسابع نومة 😂 .
رحت ادنيت منها و گعدت يم رأسها على الچرباية ، خليت ايدي على شعرها و گمت امسح على رأسها .
انه تذكرت كلام شروق و كلامها و كلام بكر على موضوع أن شروق مو امه و تذكرت شلون يدافعلها ، و يحاميلها .
ما صدمني غير من گال أن شروق تگوله انت مو ابني و أن هيه ما تحبه و اني اصدگ ببكر لان ابد ما يچذب بعمره و حياته .
شوي و حسيت بيها فزت ...

°°^^°°^^°°^^°°^^°°^^°°^^°°^^°°^^°°^^°°^^°°^^°°^^°°^^°°^^°°^^°°^^

روان :

حسيت بشخص يمسح على راسي بالبداية ارتاحيت حسيت بالأمان بس بعدين فزيت .

روان : شنو دا تسوي هنا ؟؟
مهند : اجيت اگلچ حتى تنزلين تتغدين ويانا .
روان : لا شكرا و اني هم اصلا گلت لبكر أن اني ما اريد بس يمكن نسه يگولك أو اني يمكن اتخيل لان نعسانة .
مهند : لا صح و اجة هو گلي بس انه خفت عليچ و صعدت اطمأن عليچ ، يالله تعالي انزلي وياي خل نتغدة لان ما اشتهي اكل وحدي .
روان : شلون وحدك لعد مو عمتي و ريناد وياك و فلاح و الجهال هم !؟
مهند : لا متغدين ، يالله لا تأخريني لان جوعان بسرعة انزلي .
روان : أن شاء الله .. صار بس شوي و انزل خل اغسل وجهي و الف شال على راسي خاف يجيكم خطار لان عمتي گالت .
مهند : اظن بيت عمي راح يجيون و بس رياجيل .
روان : شنو رياجيل ؟؟ .. گول رجاجيل .
مهند : لا رياجيل لان رجاجيل موش مال زلم .
روان : بكيفك بس رياجيل مال شياب مو شباب و على الموديل !!
مهند : ولچ والله انتي زعطوطة وين اكو موديل عند شيوخ العشاير و عند زلم العمارة ؟!؟
روان : يالله اوكي ما صار شي ... و ماكو داعي تكون موديل لان انت كلك على بعضك زلمة و حوك معدل 😅 .
مهند : اشوفنچ تتغزلين بيا !؟ ...ها يا روز 😂 ؟؟
روان : اهووو لا تگول روز بس اخوية يگولي هيچي اسماء فضائية .
مهند : ههه والله ما ادري اكفخچ (اضربچ) لو ادفرچ ؟؟
روان : ها شيخنا ليش ؟؟
مهند : اي ولچ مو اگلچ جوعان يعني يمتا (شوكت أو متى بالفصيح 😂) تردين و تنزلين تصبين النا غدة !!؟
روان : ههه و الله نسيت من ورا الرياجيل مالتك 😂 ... يالله هسه راح انزل .

نزلت و هو نزل وراي و اشوف شروق شلون تباوعلي الحقيرة ، رحت للمطبخ صبيت و خليت السفرة بالديوان مال مهند .
صبيت الاكل على السفرة و خليت لبن و خضرة و سوالف حبشكلات ، هو گعد و اني گعدت گباله هم اكل .

مهند : صيحي عليهم اي واحد ما متغدي خل يجي ياكل ويانا .
روان : اي صار .

گمت من الاكل فتريت عليهم سألتهم واحد واحد محد يريد كلهم متغدين و حتى شاربين چاي .
رجعت گتله ميرون گلي اگعدي يالله اكلي ، اني گعدت و گمت اكل بس مو كلش جوعانة لذلك ما اكلت هواي .
خلصنا و اني بكيت السفرة و رحت اغسل المواعين ، اجاني بكر ...

بكر : گلي بابا يريد چاي و يگول خل روان تسويه .
روان : گول لبابا تگول ماما روان تدلل بس تريده مهيل لو عادي ؟

راح بكر انوب ورة شوي رجع ..

بكر : يگول بابا گل لماما روان اي شي من أيدها يجنن بس خل تسوي مهيل احسن ، و يگول اريد احچي وياها لفظ موضوع مهم و گال من تجيب الچاي اگللها .
روان : اي صار هسه راح اسويه .

راح بكر و اني خليت الماي على النار و جهزت القوري و خليت بيه چاي و رحت اغسل المواعين اكملهن .
فار الماي و خلصت المواعين ، خدرت الچاي و خليت الاستكان بالصينية مال الچاي و خليت بيه شكر .
صبيت الچاي و أخذته و رحت ، باوعت مرة أخيرة على المطبخ شفته مرتب و كل شي نظيف و حلو و بمكانه .
من دخلت للديوان شفت مهند گاعد يباوع على الاخبار ، من دخلت دگيت الباب فهو اندار علية و ابتسم .
اني هم ابتسمت لان الابتسامة بوجه اخيك المؤمن صدقة .

مهند : تعالي هنا خل احچي وياچ بچم چلمة .
روان : أن شاء الله .

خليت الچاي گدامه و گعدت بالگاع لان احسن من التخم و اريح ، هو شفته ما عجبه گتله امر شيخ گلي تعالي بجانبي اگعدي .
اني استحيات انوب گمت ، گعدت يمة بس شوي بعيد هو ضحك و جرني اله خله أيده على چتفي وجرني .
صار مثل حاضني ، اني صرت حمرة اكثر من الطماطة ، مع أن هو زوجي بس استحي منه هوااااي لدرجة مرات حتى ما احچي وياه .

مهند : شبيچ استحيتي چا هو أنه مو ريلچ !!؟ 😉
روان : لا بس .. بس يعني .. بس انت ...😳
مهند : اي كافي تبسبس ، گلچ بكر ؟؟
روان : هااا ؟؟ .. اي گلي 😳
مهند : وشنهو تظنين هو !؟
روان : هااا ؟؟ ... ما ادري 😳
مهند : ههههه 😂 ، ولچ شبيچ صرتي طماطة ؟؟ 😊
روان : لا هو بس اني ... بس انت ... بس هو ... 😳
مهند : كافي كافي فهمتچ ... نحن راح نروح لبيت عمي باچر الظهر ببغداد .
روان : اي و شنو تريد ؟ 😳
مهند : اريدچ تجهزين روحچ و تاخذين ملابس الي و الچ و لبكر حتى من نروح ما نحتاج ملابس و ما ينقصنا شي .
روان : أن شاء الله ... تريد بعد شي ؟ 😳
مهند : خرب يومچ 😂 ، ولچ كافي لا تستحين غير اني ريلچ . 😕
روان : لا بس هو .. بس يعني ... 😳
مهند : ترة ماكو مستحة لهاي الدرجة فلا تخليني اصير عصبي 😠 .
روان : لا لا ما استحي ... بس هو يعني اني .. هو انت ... بس ... 😳
مهند : ولچ كافييي !!!!! 😡
روان : اي اي كافي ... و هاي شوف اني ما مستحية .😚

رفعت رأسي و بسته من خده ، هو ابتسم و اندار علية لزمني من فچي (فكي) و باسني من خدي .
اني دنگت لان عرفت أن اني بليت نفسي بلوة اليوم ما راح اخلص منه و لا من تحرشاته 😑 .
من عافني اني گمت بس هو لزمني من ايدي .

مهند : وين رايحة ؟؟😮
روان : اريد اروح اجهز الملابس غير .😊
مهند : و منو گلچ كومي !؟😕
روان : اني گلت لنفسي أن اگوم منا و اروح .😐
مهند : ما جاي اتغشمر وياچ !!! .. منو گالچ گومي حتى تگومين !!؟ 😡
روان : شبيك مهند عوف ايدي !! 😧
مهند : و تگولين باسمي بعد !!! .. انتي ينراد الچ إعادة تربية ، اگلچ ما تتنفسين بدون أذني فاهمة !!؟؟ 😤
روان : اهووو استغفر الله ... دعوفني شبيك مهند !!! 😥
مهند : لا و بعد تصيحين و تعلين صوتچ جدامي !!؟ ... انتي لازم أن اليوم تتربين من جديد 😬 .

سبحان مغير الاحوال 😂 ، قبل شوي چان يبوسني و هسه يتعارك وياي و راح يضربني فوگاها .
جرني من شعري ، اني طالع شعري لان من اگعد وياه انزع الحجاب و اخليه على چتافي و من يجي خطار اخليه على راسي .
صعدنا فوگ و سد الباب هو ، أدنى مني خلا أيده على راسي على كيف مسح عليه انوب جرني حيل .
اني صرخت بس سد حلگي بايده الثانية .

مهند : مهما يكون انتي تبقين فصلية فاهمةةةة !!! 😠
روان : اتركني !!! 😭
مهند : لا انتي صدگ اليوم جنيتي على روحچ و لا راح يوگف بطريقي طفلچ و لا ابد !!! 😬

نزع عگاله و ظل يضرب بية إلى أن اني فقدت و بس دموع حتى صوت ما يطلع مني .
شي ٤٦ أو ٤٧ ضربة وحدة ورا الاخ ، من شافني هيچ وگف و گعد يمي و خله أيده على خدي و مسح عليه .

مهند : وهسه فاهمة يا الفصلية خاف تردين بعد !!!؟؟ 😈
روان : فاهمة .. فاهمة فاااااهمةةةةة !!!! 😭
مهند : لا تصيحين بوجهي من احچي وياچ !!! 😡

ضربني راشدي حيل و اني رفعت ايدي و دفعته مني حيل بس هو من شافني متأذية من الضرب ما حچة وياي بس كتلني مرة ثانية 😂💔 .
شال العگال و گلي انتي مو مال احترام ، ضربني ضرب لا صاير و لا داير ماكو مثله ابد لو تفترون الكون .
ضربني شي فوگ المية ضربة و اني ويا كل ضربة احس عظامي تنهز و تتفلش و ترجع من جديد هم تنهز و تتفلش و بطني راح تطگ من الوجع .
احس الضرب مو بية احس الضرب ببطني ، و الضربة مو على مكان واحد لا ابد حتى مرات على وجهي تجي الضربة .
يعني اني صرت خارطة وجهي بيه ازرگ وجسمي اسوء بهواي من وجهي لان صار بنفسجي حتى .
تركني و من تركني احس اني جسمي كله خدران صار هواي ما مكتولة 👍 .
جرني من ايدي و دفعني على الچرباية .
اني گلت لنفسي يالله بدينا الموت البطيء ، هو تقدم علية و صار فوگاي و و و و و الخ 😂💔 .
هو گام و اني شبه اغمى علية ، گام يحچي وياي و اني ما ارد عليه لان حلگي ما يتحرك حتى ما اگدر احچي و لا احرك جسمي اصلا .
هو اندار مني و گام يضرب بية راشديات على كيف يعني يطبطب على وجهي حتى اصحى بس اني بالعكس فقدت الوعي .

--++--++--++--++--++))&&))&&))&&))&&))&&))&&))--++--++--++--++--

مهند :

هي من شفتها فقدت الوعي اني رحت جبت ماي و ذبيت على وجها شفتها شوي فتحت عيونها اني تركتها و نزلت جوة .
انه قاسي كلش إلى درجة أن أنه ما خفت على يلي ببطنها و يلي هو ابني بالاصل .

##$$##$$##$$##$$##$$##$$##$$##$$##$$##$$##$$###$$###$$

الكاتبة (تعودو علية لان اني راح أظل اتكلم مكانهم أحياناً) :

ترك مهند روان و نزل جوة بدون حتى ما يطمأن عليها ، هي من صحت حست بدوخة كلش قوية .
هي گامت و راحت تسحل بروحها طلعت الها ملابس و راحت للحمام تسبح و تصحي نفسها شوي حتى ما تموت الا شوي .
راحت فتحت الدوش و گعدت على الگاع ببطن الحمام تبچي و تباوع على جسمها المشطب (عبارة عن عدة خطوط) و صاير بنفسجي .
خلصت و گامت لبست ملابسها ، سبحت و غسلت شعرها و سوت كل شي و هيه گاعدة على الگاع لان متگدر .
لبست ملابسها و طلعت من الحمام ، راحت لغرفتها و مشطت شعرها و قررت أن ما تخلي مكياج بس كحلة لان عيونها مورمة من البچي .
خلت عطر و نزلت ، چانت لابسة دشداشة قصيرة و ما اهتمت لحچي مهند لأن هو يمنعها من أن تلبس قصير .
نزلت و شافت مهند واگف و شايل مصطفى بايده و يلعب وياه ، هيه بسرعة خلت أيدها على بطنها و دمعت عيونها على جنينها .
هي بچت مو علمود فد شي بس لان شوف شلون يتعامل ويا أبنائه و شلون يتعامل ويا ابنه يلي بعده مجاي .
هو من ضربها ما خافت على نفسها هيه خافت على الطفل يلي ببطنها لأن هو بكل الاحوال قطعة منها و ابنها .
هيه انقهرت حيل بس حاولت ما تظهر هذا الشي ، مهند انتبه عليها و على موقفها و حس بيها لذلك نزل مصطفى و راح يمها .
خله أيده على أيدها و اثنينهن على بطنها و ابتسم ، هيه كـ ردة فعل وخرت أيده و وخرت هيه منه .
هو صار عصبي بس ما بين الها لان هيه حس بيها متأذية من الضرب و الإهانة خلال شهر صارت شبه خدامة عند مهند و زوجته و ابنه يلي هيه محسبته ابنها و تحبه .
عافها و راح صعد لغرفته هو و شروق حتى يرتاح ، هي راحت ويا ريناد تساعدها بالشغل لان شغلها ما ينتهي اليوم كله شغل بشغل و كل الشغل تقريبا عليها لأن ريناد ما يريدون يتعبوها لان زواجها قريب .
شروق تشتغل مرة و ما تشتغل عشرين مرة ، و ام مهند عجوز و تعبانة ما بيها حيل و ما عندهم خدم اصلا .
خلصت و صار الليل صبو عشى كاي يوم عادي و كلهم گعدو أكلو ما عدا روان لان لعبانة نفسها لان انقهرت و القهر مو زين عليها .
مهند حيل ضاج من تصرفاتها لذلك بالعشى بس يصفن و يفكر بيها أما هيه فلا دايرة بال اله و گاعدة بغرفتها تباوع على التلفزيون .
الحمد لله اكو تلفزيون اصلا بالغرفة و ما تعرف روان لهسه ليش اكو تلفزيون و شلون سمح مهند بأن يكون اكو واحد بغرفتها .

ππ√√ππ√√ππ√√ππ√√ππ√√ππ√√ππ√√ππ√√ππ√√√√ππ√√ππ√√ππ√√ππ√√

روان :

دا اگلب بالتلفزيون و ما اشوف الا خبر عاجل ⛔

"خبر اغتيال أحد أبناء رأيس عشيرة ***** الملقب أبو هشام و الاسم حسين"

اني هنا تخبلت جنيت من عرفت ، شلون حسين هيچ يصير بيه ؟؟؟ 😨 .
معقول هاي حوبتي و گعته !!!؟؟؟ .... معقول اني هيچ آشور بالناس ؟؟؟؟ بس المهم حسين شلونه و هو هسه وين ؟؟؟؟؟
يا الله يا حبيبي كون ما يصير بيه شي كون ابد ما يمسه السوء اني مسامحتك يا حسين و الشاهد الله 😢 .
نزلت اركض على الدرج رحت لمهند و الهث من التعب ، وگفت گدامه و هو خاف و گمز بهاي الأثناء چان اكو خطار زلم بس اني ابد ما خفت من هذا الشي أو من العقاب من قبل مهند اهم شي اني خايفة على حسين حب حياتي و اول حب الي .

مهند : شكو شفيچ ؟؟؟
روان : هو ... حسين ... هووف يمة .
مهند : على كيفچ اهدي و فهميني شكو شصار !!؟؟

هدأت شوي انوب گعدت على الگاع و الزلم تضحك علية ، بس والله تعبت صدگ 😂 .

روان : حسين تعرفه ابن الشيخ ابو نصير يلي اعطاني الك اغتالوه و اني بصراحة خايفة عليه و اريد منك بس طلب أن تسأل عليه شلونه هو !؟؟
مهند : بس هذا !!؟
روان : هااا !؟ ... اي بس 😳 .
مهند : روحي و يصير خير ان شاء الله 😊 ... و الا اگلچ تعالي خل اعرفچ على عمي و ابنائه !!
روان : حاضر .

مهند عرفني عليهم و عمه اسمه سهيل و عنده أربع ابناء كلهم كبار اصغر واحد عمره ١٨ و اسمه لازم و الأكبر منه عمره ٢٠ و اسمه كاظم و الأكبر منه عمره ٢٣ و اسمه هاشم و الاكبر واحد عمره ٢٥ و اسمه حازم .
كلهم سلمو علية الا الكبير كأنو حاقد علية ما اعرف ليش أو شبيه حتى ؟؟
عفتهم و رحت للغرفة و بقيت افكر بيه .
صارت الساعة ١٢ بالليل و لهسه ماكو خبر عن حسين لذلك نعست و نمت 😴 .
..
..
..

أو غفيت إلى أن حسيت بشخص يمسح على خدي ، گعدت و شفت مهند گاعد يمي على الچرباية و يمسح على خدي على كيف .

مهند : تدرين أنه احبن ويهچ و احب اباوع فيه !!؟؟ 😃
روان : مهند ؟؟ 😶
مهند : ليش تخليني اضربچ و اشوهچ و انتي ملكي و احبن اباوع بيچ !؟
روان : اسفة 😔
مهند : حبيت اطمنچ حسين ما بيه شي و الاغتيال فايت سلامات .
روان : الحمد لله .. شكراً شيخنا 😞
مهند : ليش زعلانة شبيچ ؟؟
روان : لان اشوف أن شيخنا مو حلوة و ثگيلة و اسمك احلى .😴
مهند : هههه 😂 ... هم تهذي بنومها مثل ذاك اليوم بس هاي هذوتها حلوة مثل شكلها و تخبلني 😍 .... بس تصرفاتها تخليني ابتعد عنها .

اني ما چنت اهذي هو اليهذي الغبي حسبالة نايمة بس اني گاعدة و اعرف شگول اني و شيگول هو 😏 .
هو تمدد يمي و حضني و قربني اله حيل و باسني براسي و بعدين بخدي و بعدين من شفايفي 😳 .
اني تعودت على تصرفاته بحيث گمت استغرب اذا ما تصرف هيچ وياي . باسني برگبتي بعدها و گام ينزل تدريجيًا و و و و الخ ... اني عيوني دمعت و بچيت هو انتبه و مسح دموعي .

مهند : هششش ... يالله راح اوگف بس اسكتي فضحتيني .

تركني و نام اني اعطيته ظهري و خليت الغطاء على حلگي و گمت ابچي اظن هو سمعني لان گام يمسح على راسي و يهدأ بية .
يلي يسويه راح يموتني بيه على يوم من الايام لان الوجع الأحس بيه يخليني اموت و اعيش الف مرة لحد ما يخلص .
اني ظليت ابچي لحد ما قفلت عيوني و نمت 😴 لان هذا اليوم چان كلش متعب بالنسبة إلي .

\\٪٪\\٪٪\\٪٪\\٪٪\\٪٪\\٪٪\\٪٪\\٪٪\\٪٪\\٪٪\\٪٪\\٪٪\\٪٪\\٪٪\\٪٪\\٪٪\\٪٪\\٪٪\\

يتبع ....💎👑

بهذا البارت صدگ تعبت لان صار اقل من ٣٠٠٠ بشوية 👏👏