رواية فصلية مرتين ✌ الفصل السابع عشر 17 - بقلم Mortahela-مرتحلة

روان :

نزلت بعد ما ضميت الاوراق بالجنطة ، لگيت مهند گدامي و ككل موقف متوقع عرفني عليهم .
گعدنة نسولف إلى أن صبو العشة و بعدين شربنا چاي و بلا بلا بلا كأي موقف عادي 😪 .
صعدنا فوگ و صارت الساعة بـ ١٢ بالليل ، رحنا لغرفتنا ، اني دخلت و دخل وياي مهند و سد الباب .
طبعاً بكر راح يلعب ويا ابن ماجد ، هو عندة ابن نفس العمر ويا بكر تقريباً بس زوجته ميته .

مهند : اووووف يا يمة يا بوية ...
روان : خير شصار !؟
مهند : تعبان ولچ روان و الله تعباااان حيل .
روان : بية ولا بيك .. شخيرك ؟؟
مهند : و الله ظهري يوجعني حيل موتني من الصبح ما ادري شبيه .
روان : اي عادي اني افرك الك بس انت نام على بطنك هنا .
مهند : اوووف يا روان شلون بالله وياچ .
روان : ليش شنو سويت اني ؟!
مهند : موتيني !! ... هسه فركي الي ظهري و بعدين احچي وياچ .

هو نام أو انسدح على الچرباية و اني بقيت افرك اله ظهره ، هو منين ما اطخه يصيح اوي لو اوف .
اني تأذيت بمكانه الصراحة ، لحد ما خلصت هو كلساع يون ، خلصت و گمت بس هو جرني من ايدي .

مهند : تعالي لا تتركيني وحدي .
روان : لا بس اصيح ل بكر حتي يجي ينام .
مهند : روحي بس بسرعة .
روان : أن شاء الله خمس دقائق و راجعة .

رحت اركض صحت ابكر و رجعنا للغرفة سريع ، بصراحة تشكيات مهند ما عجبتني ابدا و خفت عليه .
فرشت لبكر بالگاع و هو نام لان چان حيل نعسان ، اني رحت يم مهند گمت امسح على رأسه .
هو فتح عيونه و ابتسم ، سوالي مجال حتى انام يمه ، اني نمت يمه بس هو من طخيت أيده طلع اوووف طويلة .
اني خفت و فزيت من مكاني ....

روان : يمة مهند شبيك خوفتني تراك ؟؟!! 😧
مهند : انتي !! ... انتي اذيتيني يا فصليتي .
روان : شنوو ؟؟؟ .... اني ليش ؟؟؟
مهند : اريدچ محتاجچ و انتي ما تخليني اگربلچ !! 😟

اني هنا انصدمت لان اني ما اگدر امنعه حرام و ما اگدر اخليه لان راح يأذيني صدگ .
احتاريت بين رغبتي بارضائه و عدم زيادة المسافة بينا و بين أن أكون مرتاحة و ما احس بالموت يومية .

روان : و منو گلك اني مانعتك ؟
مهند : تگصدين اگربلچ حلال و موش من ورة خشمچ يا ام عيون ؟؟
روان : اي بس فدوة لا توجعني ترة ما اتحمل 😣 .
مهند : احاول ما اوجعچ صدگيني .

باسني من خدي انوب صار فوگي گام يبوسني من شفايفي و اني چنت ابچي.و بس دموع .
گلي راح اوگف گتلة لا ، اني گلت لا لان مايصير امنعه من حقه الشرعي .
هو گام ينزع عني ملابس إلى أن *********** 😳

( يا الله اعذروني ترا اني مو قصدي اكتب هاي المقاطع بس لان هيه من ظمن القصة والله 😫)

خلصنا و كل هذا الوقت هو مخلي أيده على حلگي و اني اصرخ لو اعظ أيده من الوجع لان ما اتحمل .

مهند : خلصنا يا الله گلبي نامي .

اني خليت المخدة على حلگي و صرخت ، كتمت شوي من صوتي بس طلع صوت الصرخة .
مهند گام و حضني و باسني براسي .

مهند : والله ما ادري شسوي صار شهر و لهسه انتي على نفس حالچ و ما اختلف بيچ شي ... ادري الوجع يموتچ و يحيچ بحد ذاته بس أنه زلمة و ما اگدر و انتي تدرين .

اني باوعت على وجهه وانوب نزلت راسي حضنته حيل هو تفاجئ بكل معنى الكلمة .
دفنت راسي بصدره و بچيت بصوت ناصي حتى ما يضوج من تصرفاتي الطفولية لأن هو حقه ليش اني لهسه ما تعودت .
هو حضني حيل و گام يمسح على راسي ، هو نام و خلاني انام فوگ صدره و اسمع نبضات گلبه .
نمت عليه من دون ما احس ، نمت على صوت هادئ و يريح الأعصاب ، صوت گلب مملوك الي خاص بية 😊 .

))(())(())(())(())(())(())(())(())(())(())(())(())(())(())(())(())(())(())(())(())(())(())((

في الصباح :

گعدت على صوت مهند ...

مهند : شلون يعني ما نگوم اليوم ؟؟
روان : اممم 😳 .

وخرت منه لان كل الليل چنت نايمة على صدره ، من گمت هو باسني من خدي گلي اليوم نرجع .
گتلة شوكت نرجع گال بـ ٩ و هسه هيه بـ ٧ و ربع .
رحت گعدت بكر و عسانا اني وياه و بس نلعب بالماي و مهند يباوع و يهز بيده علينا لان زعاطيط اثنينا .
نزلنا و لگيناهم گاعدين يتريگون گعدنا وساهم اكلنا و شبعنا و گلنا الهم نحن راح نروح اليوم .
همه ما قبلة بالبداية بس مهند قمعهم ، بصراحة ما اعرف ليش بسرعة راح نرجع لان مهند بالبداية گال اسبوع لعد ليش بس يوم واحد ؟؟
صعدت بعد ما كملنا خليت ملابسي بالجنطة و ملابس بكر و مهند هم ، جهزت نفسي و لبست حجابي و صارت ٨ و نص .
نزلت يم البنات بقينا نسولف و مضحك لحد ما صاح مهند علية و رحنا للبيت .

مهند : روان شنهو رايچ نروح للدكتورة مال الحوامل ؟
بكر : اي بابا حتى اعرف اذا چان ولد لو بنية .
روان : لا يمة حبيبي مو هسه نعرف من اصير بالشهر الخامس يا الله يبين شكل البيبي .
مهند : يعني هسه شتگولين نروح يو لا !؟
روان : بكيفك بعد .. و اذا على رايي اني موافقة .
مهند : لعد خل نحجز من هسه .

اني كلش فرحت و جمعت شجاعتي و گلتلة يلي بگلبي بدون خوف يذكر أو تردد 😂

روان : مهند شكراً لان انت تدعمني احيانا من اكون محتاجة للدعم .
مهند : اهلا وسهلا ... مو لخاطر الطفل ترة مثل يلي ببالچ لا ابد !!! ...... الخاطر عيونچ والله !!
روان : هااا ... شش...شش..شكرا مم..مهند 😓
مهند : ههههه 😂 ... اهلا وسهلا فصليتي .

بصراحة بقيت امتمت (التلعثم) بالحچي مالتي من گال هيچ لان ماعرفت شنو ارد عليه .
ظليت صافنة إلى أن حسيت بشخص لزمني من بطني من ليورة !!

مهند : ولك بكر عوفها !! 😕
بكر : لا بابا اريدها تطلع الطفل حتى العب وياه 😄
روان : هههه 😂 ... لا ماماتي مو هسه بعد ثمن اشهر يا الله يطلع و يلعب وياك اذا الله راد .
مهند : اي بابا يا الله وخر منها .
بكر : لا ما اوخر خليني احضنة حتى يظل يحبني .
مهند و روان : هههههه 😂

ظلينا نضحك ، بكر وخر مني اني حسيت بنعاس كلش قوي ، غمضت عيوني و نمت بالسيارة .

$_&$_&$_&$_&$_&$_&$_&$_&$_&$_&$_&$_&$_&$_&$_&$_&$_&

الكاتبة :

نامت روان بسبب اعراض الحمل يلي وحدة منهن هيه أن تنام هوااي ، مهند باوع عليها و شافها نايمة فابتسم .
فكر أن ما يگعدها من النوم علمود الدكتورة و يگدرون يرحون غير وقت لان مبينة نعسانة خطية .
ورة شوي باوعت على بكر و شافه هم نايم ، يعني بقه بس هوه گاعد ، گام يغفي لان نعسان .
قاوم النعاس إلى أن وصلو ، گعد بكر و بكر نزل راح هوه بس من گعد روان ماكو ابد ولا گعدت .

مهند : ولچ شبيچ اگعدي وصلنا !!!
روان : اهوووو 😫 دعوفني اريد انام .
مهند : وجعو يالله گومي ولچ !!
روان : ما ما ما اگوم خليني نايمة عوفني .

مهند ضاج لان حملها و نومها كلش مزعج إلى درجة أن اللعبان نفس مالتها و مالتها النوم 😒 و بس كون مو عدها لعبان نفس من مهند للوحم .
شغلها و اخذها دخلها للبيت كانو بنته الصغيرة 😂 ، دخلها و الكل يباوع و يضحك عليهم ما عدا واحد حاقد حقير 😠 .
شروق الحقيرة زاد غيضها و حقدها على روان لان حست أن روان تسحب منها مهند و تخليه يحبها .
اخذها للغرفة و نومها على الچرباية ، نزل جوة وراح يم امه حتى يحچي وياها بموضوع العقد و مشاكل شروق و حمل روان .

مهند : هله يمة حبيبتي .
ام مهند : هله يمة هله وليدي الشيخ رفعت الرأس ، ها يمة خير ان شاء الله ؟؟
مهند : يمة ترة انه رحت البغدادي بس علمود العقد مو علمود شي ثاني ، رحت عقدت انه و روان محكمة .
ام مهند : يمة صلاوات على النبي !!! ... اي احسن حتى ما يتشمت أحد بمرتك خطية و يصيحولها الفصلية .
مهند : يمة و ترة حمل روان كلش موش امان لان أنه احس أن شروق غايضة و موش متفهمة و ما ناوية على خير ويا روان ... لذلك يا ريت لو تنتبهين على تصرفاتها وياها !!!
ام مهند : اي يمة من عيوني و راح احچي ويا اختك حتى هم تنتبه عليهن لان أنه حاسة نفس الاحساس .
مهند : الله يطول عمرچ يا يمة و يخليچ الي .

راح مهند طلع و شاف شروق مصدومة يم الباب ، هو توتر و ما عرف شيگول لذلك راد برود بس وگفته شروق .

شروق : و عاقد عليها بعد ؟؟؟
مهند : هذا مو شغلچ هيه حلالي و حر بيها 😠
شروق : اي وحلالك بعد صارت والله لا اخليها تشوف منو زوجة الشيخ مهند ما يطلع اسمي شروق !!!!
مهند : شروووق !!!!! 😡

رفع أيده و راد يضربها انوب نزاهة و استغفر ربه ، طلع من البيت و راح يم اصدقاةجئه بالديوان لان صار يومين ما رايح و هو الشيخ .
شروق بقت تفتر بالبيت و گامت تفكر بخطة حتى تخلص بيها من روان و ابنها بس مو هسه كله مو هسه 😑 .
ريناد خلت عينها على شروق و گامت تراقب تصرفاتها بعد ما گلتلها امها على يلي صار ويا مهند و روان و العقد .
روان گعدت و راسها يوجعها لان دائمة ، راحت غسلت وجها و اخذت ملابس و سحبت حتى تريح نفسها من الدوحة و كل شي .
خلصت و نزلت جوة للمطبخ شافت ريناد واگفة بالمطبخ و صافنة .

روان : هلو يا حلو شلونچ ؟ 😊
ريناد : هلو يا كتكوتة .. اني زينة و مشتاقتلچ هواااي .
روان : بس اني صار يوم واحد ما شايفتچ يعني مو هواي صدگ 😂 .
ريناد : ليش تضحكن علية غير مشتاقتلچ 😕 !!؟
روان : و اني اكثر ... بصراحة بيت عمچ كلش حبابين و ينحبون ...... بس انتي ليش چنت صافنة شكو شصاير ؟؟؟
ريناد : بصراحة ما اعرف من وين ابدأ !!! ... العرس مالتي صار قريب يعني بعد شي اسبوعين و اني خايفة عليچ من شروق و ما اريد ابقيكم سوى بنفس البيت وحدكم حتى لو وياكم امي بس ما ارتاح !!!
روان : لا ما عليچ ما تگدر تسوي شي ابد ما دام على الأقل ظل الشيخ موجود يمناك و يحاميلي (يحميني) 😊
ريناد : ها ولچ رحتي يوم واحد گمتي تعشگين اخوية ؟؟؟ 😉
روان : هش هش اسكتي فضحتيني ... اي انه احبه رغم كل الضرب و الإهانات احبه و احب كلامه و اموتةبيه بعد اذا تردين و ما اعرف ليش هيچ بس المهم بس صاير عندي لعبان نفس من ريحته !!! 😧
ريناد: يبووو هههههه 😂 .... صار عندچ توحم و لعبان نفس من ريحته 😂
روان : اهوووو 😫. .... هسه غير تسكت !!! .. ولچ لا تسمعچ شروق لو يسمعچ مهند والله حتى يلعبون بيه جولة 😧 .
ريناد : بالله شروق فهمنة السبب بس مهند ليش ؟؟؟
روان : ولچ ريناد خاف نسيتي اني فصلية و ما الي قيمة و لا حتى لرأيي ؟؟؟
ريناد : روان بس ترى انتيـ.....
روان : لا كافي ريناد كافي لا بس اني و لا بس أحد تفهمي مثل ما اني فاهمة و الكل مفتهم اني فصلية و ما الي قيمة عند احد و خاصة اني فصلية لشيخ هم فوگها !!!
ريناد : اوگفي بس هذا كله مو بسببچ !!!؟؟
روان : اعرف بس مهند كرهني من اول ما اجيت لهما بيها و شردت و سودا وجهه بهاي عملتي و اعرف بعمره ما راح يسامحني 😢 .
ريناد : لا أن شاء الله تتوافقون بس خلي املچ بالله چبير .
روان : امين يا رب 😢 .

دمعت عيوني روان و صعدت فوگ لغرفتها ، أخذت موبايل ها و گامت تلعب بيه إلى أن شافت مقطع فيديو مال اطفال 😍 .
گامت تباوع عليه و تضحك و تتكيت (يعني تعمل وجها كيوت على شكلهم) ، إلى أن سمعت صوت الباب انفتح .
انداريت و شافت بكر دخل و بيده عصير برتقال ، تقرب منها و أعطى الها ، هي أخذته و سألته منو جابه الها ....

بكر : ماما شروق گالت اعطي لماما روان خل تشربه كله لان زين الها .
روان : هااا ؟؟؟ 😕 .... ما اعرف .. گوللها تگول ماما روان شكرا .
بكر : ماما روان لا تشربيه
روان : ليش حبيبي يمة شبيه ؟؟؟
بكر : ما اعرف ماما شروق ما تحبچ يمكن محليه بيه سم و اني اخاف عليچ !!
روان : لا ماما ما بيه شي لا تگول هيچ عيب !!
بكر : بكيفچ مامتي .

روان خافت من گال هيچ بس بعدين گالت خليها شتخلي تخلي لان اني اصلا مشتهيه عصير برتقال 😌 .
من خلته على حلگها اجت ريناد دخلت تركض و أخذته منها و شمرته بالگاع و انكسر الكوب .
هيه باوعت على ريناد بوجه مصدوم ، ورة شوي دخل مهند بسرعة و گال لريناد شنو صار هنا ؟؟

ريناد : بصراحة خوية من گلتلي امي ديري بالچ من شروق على روان اني ظليت مراقبتها ف هيه خلت ما اعرف شنو بالعصي و أعطته لبكر حتى يجيبه لروان و تسريع و من رحت قريت اسم الدواء لگيته مال اجهاض الجنين داخل رحم أمه .
مهند : ايا بنت الگحـ..... (وووبس اسفة على الالفاظ 😅) اليوم أشعل اهل اهلها و اطلگها لان ما يفيد بيها النصيحة بعد .
روان : لا لا مهند تهدأ لا تسوي شي اهم شي اني هسه بخير .. اذا سوت شي بالمرة الثانية الك مطلق الحرية تسوي اي شئ تريده .
مهند : هاي المرة عود ما ادري و راح اسكت بس لخاطرچ والله مو لأحد و الا چان هسه هيه ميتة على أيدي بنت الكلب .
روان : شكرا تسلم ايدك يا غالي 😊 .
مهند : اووووف منچ يا ام الغالي ساعتي گلبي بطيبتچ والله 😄
ريناد : خوية خوية !!! ... تدري هيه الوحم مالتها لعبان نفس من ريحتك 😂
مهند : شنهو !!؟؟؟؟ 😨
روان : اي والله بصراحة من تتقربلي تلعب نفسي 😷
مهند : اهوووو 😫 ... يعني وين راح انام اني !!؟؟؟
ريناد و روان : يم شروق هههههه 😂

مهند طلع من الغرفة و راح نزل يم ابنائه مصطفى و بكر يلعبهم و فاطمة يم امها اكيد تلعبها .
و روان و ريناد گامن يسولفن و يلعبن بالموبايل مال روان و ريناد وياها ، طقم الموبايل و گامن يسولفن على الجهال و من هاي السوالف .
خلصت حچي و صار الليل و نزلت يسون عشة ، شروق من شافت روان ما بيها شي حيل ضاجت و صارت عصبية لان خطتها فشلت .

روان : ريناد انتي متأكدة مال اجهاض ؟؟؟
ريناد : لا هو مال مانع حمل بس يعتبرونه اجهاض لان هو مانع لذلك يقتل الطفل فاي شي من شروق لا تاخذين الا اتأكد الچ اني منه يالله تشربيه أو تاكليه ... اوكي ؟؟
روان : اوكي يا بت بغداد الجديدة 😉
ريناد : اي حچيچ حلو لذلك احچي مثلچ و لو ما گدر تقلد جمالچ بس على الاقل حچيچ الحلو 😄
روان : انتي الاحلى گلبي .

البنات گامن يجهزون العشة إلى أن دخل بكر للغرفة و بيه نفس الريحة مال مهند ، حضن روان فروان لعبت نفسها و گبل ركضت للحمام تستفرغ (اعذروني على الكلام) .
ريناد فهمت بكر أن هيه مريضة شوي لان بكر بالبداية زعل بس بعدين ضحك گال يعني ماما روان تلعب نفسها من بابا ؟
هيه گلتله اي لان حامل بس بعد كم شهر ترجع مثل ما كانت .
روان طلعت من الحمام و لگت مهند بوجها ....

مهند : يعني لهل الدرجة تلعب نفسچ ها ولچ ؟؟؟ 😕
روان : اي تلعب نفسي حيل من ريحتك 😷
مهند : اوووف شلون اصبر بدونچ يا فصليتي 😞
روان : كلهن كم شهر يعني ترة مو هواي هههه
مهند : كم شهر !!؟؟؟ .... اووووف يابة شلون اني كم يوم ما اتحمل بدونچ !!!
روان : قابل هو ذنبي لو ذنبك يا استاذ مهند .

روان عافت مهند و صعدت فوگ للغرفة حتى تعدل نفسها و تنزل ، أما مهند ظل يتأفأف و ما يعرف شنو يسوي لان فصليتي راحت منه 😉 .

&-+&-+&-+&-+&-+&-+&-+&-+&-+&-+&-+&++&-+&-+&-+&-+&-+&-+

يتبع ...😄💘

اتمنى عجبكم البارت و احبكم اكثر مما تتصورون و ما تعرفون شگد افرح من تتواصلون وياي بالتعليقات 😘