رواية فصلية مرتين ✌ الفصل الاول 1 - بقلم Mortahela-مرتحلة

هذا البارت راح اخلي كتابتاً 👍:-

••••••••••••••••••••••••••••••••••••••••••••••••••••••••••••••••••••••••••••
روان :

طلبوا منا ان ندخل و نحچي ، ابوي گال الاخوي علي و ريان يدخلون ويا و عصام يدخلنا يم النسوان و يطمئن علينا يلة يلحگهم .

عصام : يلة تحركن بسرعة لان الولد هنا مو خوش اوادم وعيونهم زايغة !!
روان : صار خوية تدلل ! .
جليلة : شنهي اشافو منة حتى يباوعون اشو عيوز (عجوز) و ياهلة (جاهلة) !؟
عصام : مو گلتلچن ولد الحرام هواي حتى العيوز ما يرحمون بيها و ياهلة ما ينطوة فكة (ما يخلوها) .
روان : يله مصار شي خل ندخل يمة .

دخلنا و اجن نسوان وحدة مبينة ام الولد لان عيوز و تعبانة من البچي و الدموع على وجها .
و وراها ثنين بنات بس كبار وحدة تباوع بحقد و وحدة لا زين حبابة ، و اجت بنية مبتسمة من بعيد و جابت گلاصات ماي .

جليلة : السلام عليكم يا شيخاتنا !!
ام نصير : و عليكم السلام و رحمة الله كل الهلا تفضلوا اگعدوا .
هناء : اهلا وسهلا زارتنا البركة .
رملة : تفضلوا .. راح اجيب چاي .
جليلة : والله والنعم منكم ما تقصرون .... ترة احنة اجينا نعزيكم و نگول ترة ابنه موش صاحي و حتى ودينا مستشفى ميانين (مجانين) .
ام نصير : و نحن نگول ما عدنة شي وياكم بعد .... بس هاذ القرار بالنسبة الي يعني الزلم ما اعرف بعد وش گولهم !!؟؟
جليلة : والله يا شيخة هاذ من فضلچ وانت فضلچ چثير (كثير) .
ام نصير : لا لاتگولين هيچ الفضل لله خية ... بس عندي سؤال هاي البت منين و شسمها ؟؟؟
جليلة : هاي اسمها روان هاي بت ريلي (رجلي) انه ما اجيب يهال لذلك هي بمقام بتي .. هي تدرس بصف الثاني متوسط عمرها ١٤ .
ام نصير : ١٤ سنة ؟؟؟ .... يااا چا انه ظنيت عمرها ١١ سنة لو حتى اقل !!؟؟
جليلة : اي خية هي ناعمة بس وكحة وام لسان بس هسة تستجي چي (لان) انتم غربة و ما تعرفكم .
ام نصير : كل الهلا والله بالگمر ابو لسان .... شو رفعي راسچ خل اشوفچ !!

رفعت راسي وصارت عيني بعينها استحيت ونزلت عيوني بس راسي مرفوع بعدة گدامه .
............
للكاتبة : فاطمة البحراني

............
ام نصير : اللهم صل على محمد وال محمد !!! ... يمة عيون الحاسود بيها عود شهل جمال صلاوات صلاوات .
جليلة : هي ما تلبس حجاب بس چي اخوها گللها البسي حجاب وعباة .
ام نصير : يااا چا هي چبيرة ليش ما تلبس !!؟؟؟
جليلة : لا چبيرتيش بعدهي صغيرة و انه ما اقبل اعقدها بالحجاب .
ام نصير : يعني ما بالغة بعدهي ؟؟؟؟
جليلة : لاااا شلون هي بلغت ذيچ السنة وانه علمتها بس چي هي ناعمة وما مبينة انه ما ارضى تلبس حجاب .
رمله : وهاذ الچاي تفضلوا !!!
جليلة : الف رحمة على والديچ واخوچ و اعذرونا يابة والله الولد مو عاگل .
ان نصير : و والديچ خية ... لا تفكرين بالصار ترة قضاء وقدر والمكتوب لازم يجرى .
رمله : خاله نحن مسامحينكم بس الله بعد يسامحكم .
هناء : خالة لا تخلين ببالچ ابد ... ترة مو بنات الشيخ يزعلن على شي الله كاتبة ترة اهلنا ما علمونا هيچ !!
جليلة : والله فرحتوا و هديتوا گلبي .. الله يستركم وبارك بيكم .

انه ما شربت من الچاي ظليت اباوع عليهن شلون يحچن ، صفنت شوي على اثاث بيتهم ... يخبل حلو مثل هاذ يلي بالتلفزيون واحلى بعد .
ظليت صافنة لين امي صاحت علية .

جليلة : يمة احچي چم چلمة ... المرة تريد تسمع صوتچ !!
هناء : اي والله احچي اريد اسمع صوتچ يا حلوة .
روان : يعني شحچي مثلاً مو دا تحچون انتم يعني اقاطعكم .. ميصير عيب !
ام نصير : يمة فدوة حلوة وبغدادية بعد ... چلماتها ترد الروح !!!!
هناء : اي والله يمة تخبل وفوگها لهجة بغداد !!
رمله : هو الحلو حلو حتى بحچيه واخلاقه .. مثل هاذ الگمر .

لا اله الا الله انوب رجعن علية يسولفن خلصن سوالف اندارن علية ، يعني ما عدچن غيري .
بقن يحچن لحد ما سمعنة صوت رياجيل (رجاجيل) يدخلون بالمكان يلي نحن گاعدين بيه ، درت وجهي ولگيت نفسه هاذ الغثيث دخل علينا .
دخل ابوي وراه و اخواني وابو لهاذ الولد و اوانه على ما اظن يمكن لان يشبهو شوي بالشكل .

علي : خوية راح تبقين هنا لان الناس ما يردون فصل يردون فصلية !!
روان : شنو فصلية !!؟؟؟ ... شنو معنى فصلية علاوي ؟؟؟
عصام : خوية روان اسمعي زين ... انتِ راح تزوجين هاذ الولد يلي اسمه حسين وراح تبقين هنا و شلون ما يعاملچ هو حر و ما النا دخل .
ريان : خوية انتِ ارفعي راسنة وتحملي عيالچ و بيضي وجهنا وياهم .
روان : انت شدتحچون ؟؟؟ ... شنو ازوج هاذ الغثيث ما اريده ... ما اريده والله ما اريدة والله اذبح روحي ولا ابقى وياه !!!

شفت السچينة بالصينية لا جابوا النا فواكه ولازم اكو سچينة ويا كل فاكهة يقدموها الناس للخطار .
رفعتها على رگبتي و انه ما مثبته حجابي لان انه ما البس حجاب اصلاً و ما اهتم فنزل الحجاب وطلع شعري وشعري اصفر ذهب لان انه شگرة .
گمت على حيلي وذبيت العباه والشال او الحجاب نزل على رگبتي لا انزع چي ما مثبته زين بالدنابيس .

علي : خوية عوفي السچين الله يرضى عليچ !!!!
روان : ما اعوفه الا تاخذوني وياكم لان ما اريد اظل يم هاذ .

اشرت عليه باصبعي وهو نزع نظارته و رفع حاجبه و ضايج الغثيث 😡

حسين : نزلي السچين وبالاحلام اعوفچ !!!
روان : مو بكيفك لان انه عندي حزام ظهر للشدات وهاي انه اعتبرها شدة .
علي : خوية مو بيدنا لان انتِ البنية الوحيدة بالعائلة و هم يردون فصلية بدل الفلوس لو يسوون الدم ما اله والي .
روان : لا مو بكيفكم انه مو لعابة عدكم تفرون بيه و تتاجرون بيه ... انه اخلص منكم بحل واحد بس ...... وهو ان اموت .

نزلت السچين على ايدي و شگيتها ، ركضوا الي بس انه خليت السچينة على رگبتي مرة ثانية وهم رجعوا لمكانهم .
ظليت ارجف و انزف بنفس الوقت ، الدم ظل ينزف حيل انه فقدت التوازن و وگعت بالگاع اغمى علية والدم اخذني و النزيف حاد لان الشگ چان چبير .

÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

حسين :

اجوا ذولاك الناس ونزلوا من السيارة ولسوء الحظ اجت ذيچ الطفلة وياهم ، انه اجيت اخوفها فخزرتها .
هي نزلت راسها ، انه ابتسمت لان خافت ، ورة خمس دقايق رفعت راسها و باوعت علية باستهزاء وكضت ذراع اخوها الواگف حدها (يمها) ، ظلت تسوي حركات اطفال وانه گمت ازيد شوك و عصبية گمت اهز بيدي لو اخزرها .
دخلنا جوة وهي راحت يمكن ويا امها تگعد يم امي و خواتي ، گعدنة و گعدة شيوخ وشوي و لحگنة اخوها الوداها .

ابو نصير : الله بالخير !!
سليم : الله بالخير والعافية .
نصير : عمي نحن عدنة چم چلمة بس و انتم مخيرين .
حسين : احچي بوية انه لو انت ؟؟
ابو نصير : لا احچي انت يا بعد ابوك .
علي : احچي و نحن المامورين (المأمورين ، اللذين يقضون الحاجة دون نقاش)
حسين : نحن اخونة عزيز هواي و اكثر مما تتصورون لان هو الصغير ... لذلك نحن ما نريد فلوس !!
سليم : الحمد لله كمل بوية كمل .
حسين : نحن ما نريد فصل نحن نريد فصلية !!!!
علي و ريان و عصام : شنوووو !!؟؟؟؟؟؟
نصير : اي نحن نريد فصلية ... يعني نريد بتكم .
عادل : عمي ترة بتكم مو خدامة هي بس راح تصير زوجة لواحد منة .
سلمان : ونحن اختارينة المن راح تكون بتكم .
سليم : بس يا خوية نحن ما عدنة بنات غير هاي الشفتوها و بعدها طفلة هي حتى حجاب ما تلبس بس لان اجت ويانا اخوها گاللها ... وهي عمرها بس ١٤ سنة و ما نريد نعطيها .
ابو نصير : خوية لو بنية لو دم بدم تصير وما تخلص وراح يتكتلون هواي من العشيرتين وتصير خساير .
صابر (عم روان) : خوية ابو علي انه ما عندي بنات و بس انه اخوك يعني موجوب تعطي بتكم .
حسين : هسة شنهو قررتوا ؟؟؟
علي : لا اختي ما اعطيها !!!
عصام : خوية ما عدنة غير حل يعني راح تصير بدال العمارة شط الدم لان السالفة ما راح تخلص ... و تقبل ابنائك يصيرون يتامة ومرتك ارملة و مو بس انت هيچ يصير بيك ... كل العشيرة !!!!
ريان : انه ما عندي اعتراض بس هي امانة برگبتكم .
سليم : انه ما عندي اعتراض .
عصام : انه وياهم هم ما عندي .
علي : انه ...... ما عندي ... اعتراض بس بذمتكم اختي !!!
حسين : ترة اريد اگللكم شي انه الراح اخذها !!
علي : انت َ ؟؟؟؟؟؟؟
حسين : اي انه .... وترة انه مزوج بس ما عندي يهال .
سليم : ما يخالف يا ابن الشيخ ماكو فرق .
علي : يابة شنو ماكو فرق غير هو لو عندة بت تصير بگدها .. صدگ چذب ؟؟؟
حسين : اشوفنك معترض ؟؟
علي : هااا ؟؟ .... لا ما عندي اعتراض .
حسين : چا روحوا گولوا لبتكم اليوم العقد وراح تضل يمنة و فهموها .
ابو نصير : اي خوية صدگ روحوا گلولها .
سليم : صار خوية التامرون بيه يصير و يجرى الكم .

نحن گمنا وگفنا و هم وگفوا ورانا ابوي گللهم ندخل نگللها كلنا علمود تفهم وتعگل الموضوع .
اليوم راح اخليها تزوع حليب امها بسيطة ... انه هيچ طفلة تسوي بيه ؟؟؟
انه الشيخ حسين ابن الشيخ ابو نصير هيچ تهيني طفلة بگد بنات اختي و اخوي !؟؟ ... لا والله اليوم اخليها تبچي دم .
..
دخلنا لگيناها گاعدة ويا امي والبنات وامها ، دخلوا اخوانها بالبداية و بعدين نحن دخلنا وراهم .
اهلها حاولوا يفهموها بس هي ما تقبل تفهم وتسميني الغثيث هههه 😂 ، صدگ انه غثيث بس مو لهاي الدرجة .
نحن نحچي وياها ونحاول انفهمها بس هي شالت السچين المخبلة وخلته على رگبتها ما تريدني ، ردنة نهدأها شگت ايدها اني انصدمت بهاي اللحظة .
ردنة نوخر السچين من ايدها ونشوفها بس هي ردت خلت السچين على رگبتها وهددتنا ، ظلينا شوي انوب وگعت تخربطت .
انه ركضت الها قبلهم كلهم وخليت راسها بحضني وحاولت اصحيها ، ما گعدت نزعت يشماغي وربطت ايدها هي حيل ناعمة حتى ما مبين عليها ١٤ والله !!
خفت عليها حيل ، اجه اخوها وگال الي شيلها وخل ناخذها للمستشفى بس ابوي ماقبل گال الدكتور يجي النا مو نحن نروح له .
نصير خابر على الدكتور و ورة ربع ساعة اجه ، عقم الجرح و خيطه و انطاها مخدر ساعتين يلة تگعد .
گلنا الاهلها يرحون ومن تصحى يجون نعقد انه وياها .
انه چنت كلش تعبان فصعدت الغرفتي والبنية اخذوها لغرفة هناء القديمة لان محد بيها .
صعدت واجت وراي نوال دخلت وسدت الباب .

نوال : حسين !!! ... شفتها شگد حلوة وناعمة يمة تخبل والعيون زرگ ما تگول بنية تگول حورية مال جنة !!
حسين : اي الله يسترها حلوة ... تردين شي اريد انام !؟؟
نوال : شنو تنام شگد تنام يا الله ؟؟ ... حسين عليك الله مو مبينة چنها عمرها ١١ او ١٠ سنوات ماچنها صف ثاني متوسط ابد !!؟
حسين : اي حيل ناعمة بس نعومتها حلوة ويا شكلها .
نوال : الله يخليها الك .
حسين : شنووو ؟؟؟؟ ... انت مخبلة رسمي ..... هي مهما يكون فصلية وانتِ الاساس يا بعد عيون حسين و نظرها .
نوال : لا حرام عليك هي هم مرتك وام عيالك مهما يكون وهي صغيرة و انه سمعت انها يتيمة الام وحرام تكسر بخاطرها هيچ ... لخاطري لا تعاملها خشن خطية والله كسرت خاطري من هيچ سوت برهنت انها طفلة صدگ !!!
حسين : شنهووو ؟؟؟ .... طفلة ؟؟؟ ...... چا هي بعدهي ما بالغة ؟؟؟؟؟؟
نوال : هااا ؟؟؟ ..... لا .... هي بالغة زوجة ابوها گالت يمكن !!!
حسين : هااا !!!!! ...... يعني اليوم العب بيها طوبة بسيطة انه ظنيت انها صغيرة بس المفلوكة چبيرة طلعت !!
نوال : شنو تلعب بيها طوبة مو اگلك خطية لا تكسر بخاطرها يتيمة ؟؟؟!!!
حسين : مالچ دخل اطلعي من الغرفة خليني انام !!
نوال : عزة بعينچ نويلة (نوال) شسويت انه خليتها انوب بعگلة هاذ المسودن شيفكها اليوم من يمه لازم اگل لامي !!

طلعت نوال وسدت الباب وراها ، انه خليت راسي على المخدة ونمت .

€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€

نوال : (مختصر لانها شخصية ثانوية) :-

نزلت من الغرفة ولگيت امي مگابلة البت وگاعدة تباوع عليها ، انه ادنيت يمها وشاورتها گتلها لازم نچي لوحدنا ضروري .
طلعنة من الغرفة وگعدت امي على كرسي گبالي وانه گعدت بالگاع .

ام نصير : ها يمة شكو شصاير ؟؟؟
نوال : خالة ترة انه ....(حچت السالفة كلها).... وهسه شسوي ؟؟
ام نصير : ما عليچ انه راح اگله البنية حائض و ماتگدر تلمسها !!
نوال : اي يمة والله خطية انقهرت حيل عليها ..... وتعرفين حسين مسودن كل شي يسوي من يخلي شخص بعگله .
ام نصير : اي والله يمة !!! .... راح اخليها كم يوم بهاي الغرفة لحد ما يهدأ حسين و نفك منه .
نوال : اي والله يمة عاشت ايدچ والف رحمة على والديچ !!
ام نصير : عليش يمة چا غير انتن مثل هناء ورمله بناتي وخاصتاً ان هاي البنية صغيرة ويتيمة !!

انه تشكرت من امي ورحت للمطبخ اسوي عشة واساعد رمله و هناء

¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶

يتبع ..... 😋