رواية فصلية مرتين ✌ الفصل العشرون 20 - بقلم Mortahela-مرتحلة

الكاتبة 😋 :

من طلعت روان وگعت و اغمى عليها لأن بسبب حملها و لعبان نفسها من مهند ، مهند ركض الها و شالها .

مهند : يالله هسه شراح اسوي انوب !!؟ 😕

ظل يحچي ويا نفسه ، اخذها للحمام و رش على وجها ماي ، هيه شوي صحت من الاغماء .
سألها و اخذها للغرفة خلاها على الچرباية و طلع راح نام بغرفة شروق 😜 ، لان هيه راحت بعد و محد بالغرفة بس ابنائه و ريناد يمهم .
نام على الچرباية من الجهة الثانية و ظل يفكر بروان و يبتسم لان هو يحبها گام و بشكل كبير 😅 .
روان صحت من الاغماء و ظلت تباوع بالغرفة و عرفت أن هو طلع من الغرفة ، باوعت على بكر و باسته من خده و حضنته و نامت .

\\٪٪\\٪٪\\٪٪\\٪٪\\٪٪\\٪٪\\٪٪\\٪٪\\٪٪\\
في الصباح :-

روان :

گعدت على صوت بكر يگول جوعان و هاي مو اول مرة يعني متعودة عليه من الصبح يگعدني 😐 .
باوعت الساعة ٥ و نص ، ظليت افرك بعيوني إلى أن صحيت ، رحت غسلت وجهي و وجه بكر .
رحت صليت و كملت و نزلت سويت ريوگ لبكر و بعدين رحت خليت ملابس لمهند بالحمام مثل كل يوم و الروتين المعتاد دائماً .
صارت ٦ و عشر دقائق رحت گعدت مهند بالغرفة مال شروق چان نايم ، هو گعد و گلي صباح الخير و اني رديت عليه .
هو صبح علية لأول مرة لذلك اني استغربت بصراحة ، هو دائما يتركني و يروح يسوي روتينه .

مهند : اليوم أنه كله بالديوان بالليل كلش ارجع لا تنتظروني على الغدة زين !؟
روان : اوكي 😊 .
مهند : و أنه اليوم راح اخذ ريناد بالليل من ارجع لبيت خالي و اذا تردين تعالي وياها و جهبي (جهزي) نفسچ انتي و بكر .
روان : اوكي بس اني ما اعرف شنو البس لان ما اريد البس عباية !؟
مهند : خل امي تاخذچ تشتريلچ عباية خليجية و اشتري ملابس مرتبة و كون مستورة و شگد ما تصرفون خل امي تگولي .
روان : اوكي شكرا 😊 .

ما حسينا غير ريناد گعدت و كفشتها تضحك 😂 .

ريناد : ها بذات !!؟؟ .. چا و أنه ما اشتري ؟؟
مهند : اهوووو 😒 .... عمي روحي طرگاعة مال فلوس انتي .
ريناد : اكيد غير اخوية عنده خير من الله 😌
مهند : شگد تريدين ؟؟
ريناد : اعطيني ٣٠٠ الف و أنه اتصرف بيهن .
مهند : ٣٠٠ الف 😕؟؟
روان : لا لا هواي ذنب اعطيني بس ٢٠٠ و ما عليك اني اتدبر كل شي 😊 .
مهند : لا قصدي يعني هذا قليل كلش !!! ... هاچ ٥٠٠ و شتريدن سوت و اذا تريدني بعد مثل ما گتلچ روان اخذي من امي .
روان : شكرا و الله يديمك الي .
مهند : بس عندي طلب !!!
روان : تفضل 😓 .
مهند : تعالي هنا گربي 😏 .... 😚 .

مهند باسني من خدي حيل و ظلوا يضحكون علية لان صرت حمرة من الخجل 😳 ، اني كلش استحي من هيچ مواقف .
راح مهند و نحن رحنا و عمتي للسوگ و صرفنا ال ٥٠٠ كلها 😂 ، رجعنا للبيت و جهزنا كل شي و صار الليل بسرعة ما حسينا بالوقت .
أخذنا الجهال ويانا يعني التوأم و بكر بس شلعو گلبنا و خاصتاً فاطمة بس تبچي تريد امها .
اشتريت عباية خليجية و ملابس طلعة تخبل 😍 ، رجع مهند بالليل ساعة ٨ و تجهزنا و رحنا لبيت عمه .
رحنا كلنا ، و يلي يسأل مصطفى وين اني اگللكم راح للشمال يسكن هناك شي اربع سنين و يرجع .
رجعنا ثاني يوم و ماكو احداث و بعده ابن عم مهند حاقد ما اعرف شبيه و بس يحظر بيه و اني ما گلت لمهند اخاف ما يصدگني .
شفت علاقتهم مال أخوه و ثقتهم عملية واحد بالثاني و ما عندهم مال عرك على الشيوخية .

}}==}}==}}==}}==}}==}}==}}==}}==}}==}}==}}==}}==}}==}}==}}==

بعد اربع اشهر :

فاتت الايام و كبرت بطني و صرت بطيخة 😂 ، لحد يتعجب لان فاتت اربع اشهر بدون ما تعرفون .
بصراحة هاي الايام ما بيها احداث نفس الروتين بس قلت أعراض لعبان النفس من مهند .
و ماكو شي جديد ابدا بس ريناد تزوجت و عافتني مبتلية بالأطفال و اني منا طفلة و فوگاها حامل و اني ناعمة و مشلوع گلبي بالحمل 😥 .
...
الاطفال گامو يبچون و اني ما اگدر اسكتهم و ما اگدر اشيلهم بطني چبيرة و اني بعدني بس بالخامس 😓 .
من ما عرفت اسكتهم گعدت بالگاع و گمت ابچي و اشهق بصوت عالي 😭 .
دخل مهند و فزع و ركض النا لان كلنا حتى بكر هم يبچي .

مهند : شكو شنهو الصار !!؟ .. شنهو اليوجعچ ؟؟؟
روان : اهئ .. ما اگدر اهئ اسكتهم و دوخوني اهئ و گمت ابچي و اهئ ما اگدر اسكتهم اهئ اهئ 😭 .
مهند : استغفر الله يا ربي 😵 ... عندي اربع جهال بالبيت مو عيب ليش تبچين مرة و حامل و هالله هالله ... اسكتي يالله راح اخذهم اشتريلهم و يسكتون هسه همة يبچون من وراچ لان يشوفوچ تبچين .
روان : اهئ روح امشي اهئ و اشتريلي اهئ نوتيلا وياك اهئ 😢 .
مهند : هههه 😂 فديتچ ام جهالي .. يالله بس اسكتي فضحتيني هسه راح اروح اجيب .

اخذهم مهند كلهم و كلهم فرهم بالسيارة و اني بقيت بالبيت سكتت و ظليت اباوع بالموبايل مالتي .
و الطفل بس يضرب بية موتني و بالليل اگعد ابچي من وراه ما يخليني انام و خطية مهند دائما مبتلي بية يهدئني .
ورة نص ساعة اجة و جايب نوتيلا و مصطفى نايم على أيده ، نومتهم كلهم و اخذت النوتيلا و گمت اكل و ما يهمني مهند يلي يباوع و يضحك .
ورة شوي اشوفه سكر من الضحك ، اني حيل ضجت گلت على شنو ها يضحك 😕 ؟؟

روان : على شنو تضحك بالله ؟؟؟
مهند : ولچ شوفي شنهو الصار بويهچ (وجهچ) 😂 !!
روان : شنووو 😑 !!؟
مهند : كله ككو و تموتين من الضحك 😂 .

اني گمت على المرآية و شفت نفسي كلي ككو و اخرب من الضحك صدگ ، يلي يشوفني يگول چانت تسبح ببانيو مال ككو .
رحت غسلت و جهي و رجعت ، گعدت على الچرباية بعد ما سديت علية الككو و خليتها بالثلاجة .

مهند : باچر راح نروح للدكتورة .
روان : لا ما اريد 😓
مهند : ها خوتي ها ليش ولچ اخافن تخافين من الإبرة 😉 .
روان : لا ...... راح اعترفلك بشي .
مهند : شنهو ؟؟
روان : بصراحة .... اخاف تطلع بنية و تظل تكرهني !! 😞
مهند : و اگول شبيها ما تخليني اخذها للدكتورة !!؟ 😮 ... شبيها البنية اصلا وش حلاها البنية شلون فطومة ... و خاصة إذا طلعت مثل حلاتچ 😚 .

باسني و حضني و حسيت بضربة ببطني قوية 😶 ، هو حس بيها و تفاجئ و خله أيده على بطني .
حسيت بضربة ثانية و هو گام يضحك و باس راسي ، نام و خلاني انام فوگ أيده و احضنه و هو هم حضني بس ظل يضحك علية

مهند : اگلچ خل باچر نروح للدكتورة و من نرجع نجيب خدامة تساعدچ لا انتي و لا امي بيچن حيل .
روان : اي فدوة والله تعبت من الشغل و عمتي خطية اروحلها فدوة ما تگعد هم تشتغل وياي و هم تعبانة سودة علية .
مهند : چا نامي و باچر بيه الخير أن شاء الله .
روان : ا .. ا .. مهند
مهند : ها گولي آمري بنت زوجچ 😊 .
روان : ها !!؟ .. لا هيچ سلامتك .... تصبح على خير .
مهند : و انتي من أهله .

بصراحة ردت اگله احبك بس ... بعد ما رهمت 😔 .
دا احاول انام و ما احس غير ضربتين بجهتين مختلفات و بنفس الوقت 😨 ، اني فزيت و گومت مهند و گتلة .
هو كلش فرح گال أن شاء الله توأم ، گتلة مو عندك توأم شنو تسوي بهذول بعد ؟؟ .. هو گال لا عزيزين .
اني ظليت افكر و رجعت نمت على أيده من جديد ، گايمة ما اگعد من وقت و اگعد بال١٠ مرات لان صغيرة هواي انام .

©©®®©©®®©©®®©©®®©©®®©©®®©©®®©©®®©©®®

في الصباح :

الكاتبة :

گعد مهند بال٦ على صوت المنبه فگعد يلي نائمه على صدره و زاحفة من أيده الى صدره و مضايقته كل الليل .

مهند : اگعدي يالله سوي ريوگ حتى نروح .
روان : ما ما اريد اروح عوفني اريد انام 😫 .
مهند : اهوووو .. ولچ اگعدي طرگاعة مال نوم انتي والله .
روان : يبووو .. اي اي گعدت بس عوفني !! .

گعدت روان و راح تغسل وجها و من تمشي مثل البطيخة 😂 ، راحت سوت ريوگ و كملت و سبحو و أكلو .
راحت گلت لعمتها و وصتها على الجهال من يگعدون ، راحو للدكتورة و اخذو سونار إلى أن طلعت النتيجة ....

الدكتورة : للاسف توأم و أحدهم معوق جسديا بس كشكل الحمد لله سالمين و بنية و ولد .
مهند : لا اله الا الله 😞 ... زين ما عرفتي منو منهم المعوق !؟
الدكتورة : نعم استاذ .. البنية معوقة و الولد سالم .
روان : 😭 (بدون كلام فقط بكاء)
مهند : لا لا تبچين كله بيد الله سبحانه وتعالى .. و يجوز اكو علاج اله .
الدكتورة : بالضبط لان حالتها مو خطيرة و تگدر تتعالج أن شاء الله بفترة قصيرة بعد الولادة .
مهند : سمعتي بالله كافي بنت زوجها انتي .

روان ظلت تبچي لان الضنه عزيز مثل ما يگول ابو المثل ، طلعت و اخذها فرها بالسيارة و رفه عليها و شوي هدأت .
اخذها فرها على هذا النسوان الشغالات و جابو وحدة مو كلش چبيرة يعني ٣٩ تقريباً .
رجعوا للبيت و خبرة بس عمتها خطية هم انقهرت حيل عليها .

#$_#$_#$_#$_#$_#$_#$_#$_#$_#$_#$_#$_#$_#$_#$_#$_#$_#$_#$_

الشغالة (ام قيس) :

شغلني الشيخ مهند عنده و بعد اسبوع من الشغل خابر على رقمي شخص غريب فتحت الخط و حطت وياي بنية .
اتفقت وياي على انو ادفع روان زوجة الشيخ من الدرج هيه گلتلي اسمها شروق و راح تعطيني فلوس مليون .
اني بصراحة ما قاومت عرضها المغري لذلك وافقت ..
..
بيوم چنت اني جاي امسح بالدرج انظفه ام الشيخ صلحت على روان ، اني انتهزت الفرصة و من فاتت دفعتها بس على كيف .
چنت خايفة و گلت هاي اول مرة و غلطت بس المرة الثانية تدفعها حيل ، اعتذرت منها و شرحتلها چذب و تأليف .
گلتلي عادي مصار شي و نزلت ، اريد بس اعرف ليش هذيچ شروق تريد اموت ابن زوجة الشيخ !!؟
بس مو مهم اهم شي المليون حتى اخليها فوگ فلوس الزواج مال ابني .

£¢€£¢€£¢€£¢€£¢€£¢€£¢€£¢€£¢€£¢€£¢€£¢€£¢€£¢€£¢€£¢€£¢€

الكاتبة :

من رجع الشيخ مهند بنفس اليوم گعد يسولف ويا بكر ، بكر ما يضم شي على ابوه لذلك گله شفتها تريد تدفع ماما .
مهند صار عصبي و صاح روان ، روان حچت وياه و فهمته أن الدرج چان بيه ماي و زلگت و محد دفعها
انقهرت على ام قيس خاف تنطرد لو مهند يسوي بيها شي .

مهند : بعد شگد و تدخلين بشهر السادس ؟؟
روان : باچر 😊 .
مهند : الله .. سبحان الله شوف شلون الايام مرت بسرعة و لا حسيت بيها و صرتي بشهر السادس حتى .
روان : اي والله سبحانه وتعالى قدر أن ما نحس بالايام و هيه تمشي و نهتم لليوم يلي نحن بيه .
مهند : روان تتذكرين اول يوم من تحيتي هنا شلون حصلتي كتلة 😂 ؟؟
روان : الايام يلي انضربت بيها ما انساها ابد و لا انسى صاحبها 😏
مهند : زين مسامحتني لو لا !؟
روان : بيد الله سبحانه وتعالى هو بعد يغفر الك أن شاء الله على السويته باليتيمة يا شيخ مهند .
مهند : الله يغفرلي و يسامحني و انتي هم سامحيني .
روان : مسامحتك من زماااان
مهند : احبچ يا فصليتي و اموت عليچ
روان : ا .. ا ..
مهند : صار خمس اشهر اريدچ تردين علية و ماكو قهرتيني 😞 .

روان جمعت شجاعتها و واجهت مخاوفها و صعاب التكلم و النطق و ردت عليه ...

روان : اني هم أحبك يا شيخنا 😳

مهند انصدمت و ما عرف شنو يسوي لذلك شال روان و راسها گدام بكر من حلگها و بكر راح يركض طلع من الغرفة .
روان من الفاشلة صارت حمرة و استحت من بكر لان شافهم من ورة (عباس المستعجل 😂 اذا سامعين بيه گولو بالتعليقات 😂) .
من نزلنا حضنها و صار وجها بصدره و بطنها خلت مسافة بينهم 😂 .

~'~'~'~'~'~'~'~'~'~'~'~'~'~'
ام قيس :

خابرتني شروق و فهمتني شنو طبيعة العلاقة بينهم كلهم و علقت الخط ، بالصدفة دا اروح اشوف شغلة فوگ .
و ما اشوف غير الباب مفتوح و مهند بايس روان و انوب حضنها ، اني رحت التلفون حرگت دم شروق علمود تدفع اكثر و صدگ گالت راح انطيچ مليونين اذا خليتيها توگع الطفل .
اني ما قصرت گتلها خل تصير بالسابع حتى تموت قهر عليه و هيه هم وافقت على قراري لان اني مو هينة گدام اي واحد 😏 .

||••||••||••||••||••||••||••||••||••||••||••||••||••||••||••||••

روان :

دخلت بالشهر السادس و ما بقالي هواي على ولادتي و الله يسعدها يارب علية لان يگولون الوجع ما ينحمل .
ريناد كل شهر تجي يعني كل ما ادخل بشهر جديد لذلك اليوم اجت و ظلت تضحك على شكلي و سولفلها مهند علية من چنت ابچي ويا الجهال .
و هيه ظلت تضحك علية و اني ضربت مهند على چتفه ، هو ظل يضحك علية و حضني .
راح مهند و بقينا اني و ريناد نسولف ...

ريناد : اي و شنو طلع من رحتي سويتي سونار ؟؟
روان : توأم ولد و بنية بس البنية عندها إعاقة جسدية بس الدكتورة گالت عادي تتعالج بعد الولادة و حالة طبيعية 😢 .
ريناد : اوووي 😟 ... يالله الدكتورة مو طمأنتچ على علاجها بعد لا تخافين و لا تبچين لان مهند يصير عصبي من هيچ اشياء .
روان : أن شاء الله بس والله تعبت من الحمل و هاي بطني شكبراتها و اني هسه دخلت بالسادس يا اختي الجهال ما اگدر اشيلهم و اسكتهم و من يبچون عمتي خطية سودة علية تصعدلهم 😩 .
ريناد : لا تخافين ما بقى شي ربچ يسهلها أن شاء الله 😊 .
روان : و الجهال !؟
ريناد : خليهم يم ام قيس هيه تدير بالها عليهم انتي ارتاحي و بس .
روان : أن شاء الله 😊 .

ورة شوي باوعت ريناد من الباب لان سمعت مهند طلع للديوان ، اجت ركض علية و گعدت يمي ...

ريناد : اي وشصار ويا الشيخ العاشق 😁 !؟
روان : البارحة گلي احبچ و اني رديت عليه گتله احبك لأول مرة بحياتي 😊
ريناد : يا صلاوات ... گللللللوش 😂
روان : ولچ اسكتي فضحتيني هسه راح يسمعوچ الجهال بالله شنو نگول الهم ماما گلت لبابا احبك ؟؟ .... والله غبية 😑
ريناد : هاي شبيچ من الفرحة يعني گمت اهلهل و اضحك بنفس الوقت .

ظلينا نضحك و سولفتلها على ام قيس من دفعتني و گالت بدون قصد ، ريناد خافت علية و گالت لعد راح اجي يمچ كل اسبوع بعد اطمأن عليچ .
اني وافقت لان خفت خاف متقصدة ولو هيه گالت ما متقصدة ، بصراحة ما گلت لمهند لان ادري ليه عصبي حيل .
وخاف يلزمها و يقتلها لان حتى أنه ما يشوفها بحالة الغضب 😂 ، بقت ريناد يموت يومين و كل ما اتذكر بنتي ابچي حيل عليها .
راحت ريناد بعد يومين و مهند راح لبغداد وحده لان ما يگد ياخذني وياه لان العب بيه طوبة بالطريق 😅 .
گال شهر و يرجع لان الشغل هناك واگف من زمان ما رايح و القضايا كومة ، اني بقيت ويا ام قيس و عمتي و الجهال و كل اسبوع تجي ريناد تطمأن علية .
إلى أن فات شهر و صرت بالسابع يا الله گلبي راح يوگف من الخوف لان ام قيس نظراتها تخوف و مند ماكو م. جنبي قريب حتى يزيل خوفي .
اليوم اجة مهند عصبي و تعبان و طايح حظه من الشغل 😂 ، خطية انبهرت عليه فصعدت وراه للغرفة ...

روان : تريد شي ؟؟
مهند : لا روحي اريد انام .
روان : يعني ما تريد غدة !؟
مهند : استغفر الله .. ولچ بابا شبيچ اريد انام كل شي ما اريد .
روان : تعبان حتى افرك الك !؟
مهند : ولچ روووووحي ما اريد شي ولي من گدامي بسرعة .

اني خفت و شهقت بصوت عالي هو باوع علية گمت ابچي ، انقهر علية و گام يجي نحوي يمشي يريد يهدأني .
اني گمت ارجع لورة إلى أن وصلت الدرج و ام قيس چان تنظف بيه ، من فات منها دفعتني من الدرجة اني وگعت من الدرج و مهند صاح بأسماء .
اني بعد ما وهيا على شي گيل احس نزف من راسي و جوة رجلية و اغمى علية و جسمي مكسر من الوگعة .

≠≠≥≥≠≠≥≥≠≠≥≥≠≠≥≥≠≠≥≥≠≠≥≥≠≠≥≥≠≠≥≥≠≠≥≥≠≠≥≥≠≠≥≥≠≠≥≥≠≠≥≥≠≠

يتبع ....😻😽

😵 تعبااااانة ميتة تعب من كل شي بالحياة .