رواية فصلية مرتين ✌ الفصل التاسع عشر 19 - بقلم Mortahela-مرتحلة

روان :

صعدت فوگ للغرفة و عدلت نفسي و خليت عطر و خليت كحلة و حمرة و من هذن السوالف 💟 .
نزلت و لگيت شروق گدامي و ككل مرة لازم تغثني بكلامه الله و لازم اني ابچي و لازم مهند يصيح بوجهها و اني خاصة 💔 .

مهند : يعني شلون بالله وياچ انتي شروق هاي عود انتي الچبيرة و موش مثل هاي زعطوطة !! 😡
روان : لا مهند ما اسمحلك اني مو زعطوطة !! 😣
شروق : شوف هاي انت كله من وراك لان تكبر براسها علينا و ما تضربها گامت حتى انت ما تحترمك .. حتى تحچي علية 😏 .
مهند : روااااان لغرفتچ يالله بسرعة ركض أنه اليوم اشوفچ شلون تتكاوزين و تعلين صوتچ على الشيخ مهند 😬 .
روان : لا ما اروح ما اريد اصعد و على گلبها أظل 😛 .
مهند : شنهووو !!!؟؟؟ ... ها منين سوالف المگح**** جايبتها ولچ ؟؟؟ 😬
روان : شنو هاي احترم نفسك عفية انت شدا تحچي شنو هالغلط متخاف يسمع بكر و يتعلم غلط مو زين منك بالله و ينذب الصوچ براسي !!! 😲
مهند : دمشي امشي تعلمني شحچي بطول زري (مثل للگصار 😂) ... يلله ولي من گدامي يلله فووووگ 😬 !!!!

اني خفت و شردت فوگ ركضت على الدرج ، من صعدت بطني عصرتني من الوجع لان ركضت .
گعدت على الگاع و لزمت بطني لان تأذيني ، دخل مهند و ضربني راشدي ، اني ما اهتمت اله لان بطني حيل اذتني 😧 .

مهند : اني ردت اخليچ تصعدين علمود نچذب على شروق نگوللها أن اني ضربتچ وبس لان ما اگدر اضربچ والله احبچ 😔 .. بس انتي الثولة خربتي السالفة و لسانچ طولان صدگ 😠 .
روان : مهند فدوة مو وقتها بطني دا تأذيني 😣 .
مهند : شنهو ؟؟؟ ... ليش تأذيچ ما شاربة دواچ انتي !!!!؟؟؟ 😨
روان : لا بس من ركضت على الدرج گامت توجعني 😭
مهند : كافي كافي لا تبچين هسه اشوفلچ ريناد تصعدلچ تلبسچ حتى اخذچ .
روان : اااااه اووووف الحگولي بطني 😭 .

حسيت بشي جواي ، باوعت لگيت دم چنت انزف فصرخت و باوعت على مهند مصدوم و مخلي أيده على رأسه .
ركض و جابلي ريناد و عمتي ، لبسوني و ما وگف النزف همزين مهند شالني و وداني للدكتورة .

الدكتورة : هذا النزيف سببه ركض أو صدمة أو شي من هذا القبيل بس هو عادي بشكل طبيعي و راح اسجللها ادوية مقويات .
مهند : يعني هو شي طبيعي و مو واجب القلق عليه لأن هسه انه قلقان .
الدكتورة : اي كلش طبيعي و ماكو داعي للقلق والتوتر ... عموما الله يگومها بالسلامة و هذه الأدوية .
مهند : مشكورة دكتورة و ما قصرتي .

اني اسمع و مغمضة عيوني لان ضربوني مخدر موضعي و ما يأثر على العصب الفهمي .
همه گعدو يمي و مهند صار يم راسي ، خله أيده على راسي و باسني من گصتي .
صراحة اني حيييل انبهرت من حچيه 😲 ... هو گلي احبچ و اني سمعتها من بين الكلمات طفرت لعقلي 😅 .
اني حييل فرحانة لان الشخص يلي احبه مع كل ظلمه الي هو يحبني ، بس هو عصبي .
طلع مهند من الغرفة و بقيت اني يم عمتي و ريناد ، نعست و نمت 😴 .

≥≥≠≠≥≥≠≠≥≥≠≥≥≠≠≥≥≠≠≥≥≠≠≥≥≠≠≥≥≠≠≥≥≠≠≥≥≠≠≥≥≠≠≥≥≠≠≥≥≠≠≥≥

مهند :

انه گلتلها احبچ و ما ادري شسوي هسه لان اعترفت بشي ما چان لازم اعترف بيه لأن اعرف هيه ما تحبني فليش اخليه حب من طرف واحد .
بس هيه چانت تتوجه و يجوز ما سمعتي أو ما انتبهت لان الصدمة مال الحب بالمسلسلات ما شفتها 😂 .
من طلعت من الغرفة لگيت الدكتورة گدامي و تهز راسها .

مهند : خير دكتورة گولي !؟
الدكتورة : والله يا استاذ مهند ما اعرف شنو اگولك .. الست روان أحد يجوز نعطيها حبوب اجهاض لان هذا النزف ما يسببه ركض مثل ما گلت .
مهند : بس شلون دكتورة ليش ما گلتي ؟؟
الدكتورة : لان الست روان چانت گاعدة مو نايمة لذلك ردت ان اخبرك على صفحة و بعيد عنها لان هيه بهاي الحالة راح تنهبط خطية .
مهند : اشكرچ هواي دكتورة .
الدكتورة : لا تذكرني هذا واجبي استاذ .. و للعلم خلي شخص موثوق يسوي الها اكل او حتى شرب لان راح يصير ضرر على صحة الجنين و صحتها باعتبار حملها مرتبط بيها بسبب عمرها الصغير .
مهند : أن شاء الله و اشكرچ مرة ثانية دكتورة .

انه كلش عصبت و متت من الضوجة والحقد على شروق فوگ كل السويته الها ما تشكر ربها عليه .
هيه اصلا ما خلتني التهمة بعرسي مثل البشر لان چانوا معتدين عليها ، مثل الطفل يلي يجيبوله شي مستعمل و رايح .
اليوم اتخذت قرار راح اخليه دوم بذاكرتها و اخليها تتندم على السوته ويا روان لان اني احبها مهما يكون و زوجتي هيه و يلي بداخلها طفلي .
اليوم قررت اطلگها و ابنائي يبقون يم روان و امي لان ريناد مو باقية عدنا و راح تتزوج .
رحت گلت لامي من تگعد روان تگلي و اجي اخذهم لان راح اروح للديوان يريدونني هناك بقضية مستعصية .
رحت طلعت بعد ما تأكدت من روان و بستها طبعاً ، أخذت السيارة و رحت للديوان .
من وصلت شفت ضلعي هناك واگف و يحييني ، أنه رديت عليه و گتله الله يحيي اصلك يا ابن الأصيلة .
دخلت شفت هواي قضايا گدامي و واحد ورا الثاني ، خلصت و تذكرت روان شلون حلت القضية بسرعة لأن ذكية و موش رژية (يعني فاهية أو هيچ شي)
رحت للبيت ورة ساعتين .
كل هذا و اني ما اتصلت معقولة بعدها ما گاعدة ؟؟ .. انه اريدنها تشوف اليجيسها (يلمسها) شيصير بيه و هيه غالية على گلبي .
بس يلي حيرني شنو اكلت أو شربت روان حتى هيچ صار هيه مو أخذنا العصير منها شلون چا ؟؟؟
رجعت للبيت و لگيت شروق گدامي و تلعب بفاطمة و بكر گاعد على صفحة و مقهور خطية .
انه رحت عليها جريتها من شعرها و ضربتها راشدي ، هيه ضحكت گالت ماتت مرتك الزعطوطة مو !!؟
انه گلتلها تاج راسچ ما يموت و ما يهزه ريح ، هيه خافت من ردة فعلي بس انه ما سويت شي تركتها و رحت لان ببالي فكرة .
أخذت بكر و رحت للسيارة ، راح اسوي تحليل DNA لان شغلتها موش خالية من تگله انت موش ابني .
رحمه و سحبنه دم علمود التحليل ، گالو باچر گلتلهم هسه ترة افلش هذا المبنى على راسكم .
همه گالو أن شاء الله و ضلوا يركضون منا و منا ، أنه الشيخ مهند و موش اي واحد و يلي اگوله تسويه و الشاهد الله .
ساعة و خابرت امي گالت تعال يمة روان گعدت و تريد تشوف بكر جيبه وياك أنه گلتلها أن شاء الله .
گلتلهم شوكت تخاصون ؟ .. گالو بالليل بال٩ تعال ، باوعت على الساعة شفتها بـ ٥ بعد اربع ساعات و تنكشف حقيقتچ يا شروق .
رحنا الهم لگيناهم گاعدين و منتظرين ، بكر ركض لأمه (روان طبعاً) و حضنها و گام يبوس بيها .
هيه باسته ، گمنا رحنا للبيت و اشوف شروق شلون تخزر بـ روان و روان تدنگ راسها يمكن ما تريد تزعجني و تتعبني بشاكلهن .
انه تقربت منها و رفعت راسها گلتلها ما عاش اليخليچ تنزلين راسچ و هو يمچ و الناس تهابه .
هيه ابتسمت و حضنتني ، اشوف شروق گامت تطلع دخان و شرار من عيونها 😂 من الغيرة اكيد .
صعدنا فوگ و روان گالت جوعانة ، گلتلها هسه اجيبلچ اكل انتظري ، رحت جبت الها بيد ريناد اكل و انوب أنه هم صعدت .
گعدت گبالها و هيه تاكل و ما تباوع علية و ولا ترفع راسها ...

مهند : شنو اكلتي اليوم ؟؟
روان : اكلت الريوگ و بعدين قبل الغدة اكلت كيكة چانت على الميز و گلت لريناد منو مسويها گالت اني فاكلت منها و بعدها صار يلي صار .
مهند : خرب يومچ .. بعد اني اسويلچ الأكل اعرف اطبخ لان ما أأمن باحد من البيت كله .
روان : لا ماكو داعي اني اسوي 😊 .
مهند : اروح فدوة لها وجه اي والله 😍 ... لا أنه اجيبلچ من برة لان مو كل الوقت متواجد و ادزه بيد صديقي .
روان : شكرا لان انت تهتم بية و تخاف علية 😄 .
مهند : اكيد اهتم بيچ .. لو ما اهتم چا شلون هيچ اتصرف وياچ و اختفت عليچ ؟؟ .. چا غير أنه احبچ 😚

بستها و شفت عيونها دمعت أنه خفت خاف تكرهني و ما تريدني ...

مهند : شمالچ (شبيچ) !!؟
روان : اني احبك بس خفت ان تكرهني لان شردت منك ذاك اليوم 😢
مهند : لا تنسي ذيچ الايام و نفتح صفحة جديدة و نعيش ايامنا بحلوها و مرها و نوثق ببعضنا .
روان : أن شاء الله .. گلبي وجعني من حچيت وياي هيچ 😅
مهند : قصدچ أنه چذاب !؟ 😓
روان : لا لا بالعكس كلامك كلش حلو و يدغدغ گلبي ما اعرف شلون 😂 .
مهند : والله انتي زعطوطة و ما تتغيرين 😊
روان : دوخر مني والله لعبت نفسي وخر .. ويييع ريحتك تخلي راسي يوجعني و تلعب نفسي 😷 .
مهند : ههه بالله انه رايح بشغله و ما أتأخر 😚
روان : الله وياك 😳 .

طلعت من الغرفة و نزلت رحت لبكر گتلة لا تگول شي لماما شروق گلي اي ما اگللها ابد .
شفت الساعة صارت ستة و ربع گلت بعد وكت خل اروح للديوان .

∆∆¶¶∆∆¶¶∆∆¶¶∆∆¶¶∆∆¶¶∆∆¶¶∆∆¶¶∆∆¶¶∆∆¶¶∆∆¶¶∆∆¶¶∆∆¶¶

روان :

من گلي مهند كل هذا الكلام اني ما اعرف شلون اوصف شعوري 😅 ، كلش حلو من حاس بمرة أن گلبه يدغدغه نفس الشي 😂 .
كملت و نزلت أخذت المواعين غسلتهن و ظليت احچي ويا عمتي و ريناد و انوب سوينا كيكة و معجنات و حلويات هم كلش طيبات .
صارت الساعة ثمانية سوينا عشة و انتظروا مهند لحد ما يجي ، ظليت العب بالموبايل مالتي و اگلب بالانستغرام لان عندي .
ما احس غير غلط و عياط و سب و صريخ ، اني خفت و نزلت جوة اريد اعرف شكو أقارب مهند نتعارك ويا شروق.و يضرب بيها گدامهم .

مهند : لچ شلون هيچ تسوين يا صاق*** يا گح*** يا گو*** .. خافية عني الأمر و ظالمة الولد ليش ؟؟؟؟ 😬
شروق : اسفة اسفة ولله ما گدرت استغني عنك من اگلك بيه 😭
مهند : احذيه و روحي انتي طالگ طالگ طالگ يا حقيرة .
بكر : لا بابا اني احبك ما اريد اروح وياها هيه تكرهني و ما تحبني 😭
مهند : انچب انت مو ابني انت ابن زنى 😡 .

اني انضمت خليت ايدي على حلگي لان مهند سوى شغلتين وحة اسوء من الثانية مع أن اني أكره شروق بس هذا الشي كسر گلبي .
ركضت لبكر و گتله لا هذا ابني ما اتركه ما راح يروح ، هو گلي عوفي اني گتله لا ابني اترجاك .
شروق گالت ما أريده خليه الها ، صعدت أخذت ملابسها و مهند اقتنع أن نبقي بس لخاطري ، من نزلت ظلت تدعي علية .
گلتلي ما راح اتركچ كله من وراچ انتي خربت حياتي و ما راح اخلي ابنچ يجي على الدنية احذيه وعد مني .
اني وگفت بوجهها و ضربتها راشدي مع أن اني كلش قصير طة بس رفعت نفسي علمود تضربها و تتأدب .
گلتلها ابني راح يجي على هاي الدنيا و راح يصير ابن الشيخ مهند الصغير و ما راح يمسه سوء حتى لو تبرئ مهند منه هو يبقى ابني و اني تربيه .
المهم راح يجي و راح اكسر خشمچ و تدوس على راسچ ، مهند يباوع الي و فتك حلگة و كلها منهجية من يلي سويته لان اني صرت شجاعة .
أخذت بكر و رحت لغرفتي دخل و ظلينت ابچي اني وياه ...

بكر : ماما انتي ما راح تتركيني صح مو ؟؟
روان : اي يا عمر ماما ما اتركك لو ما ادري شيصير بالدنية .
بكر : أنه احبچ ماما .
روان : و اني هم يا بعد روحي 😔 .

دخل مهند و كلش عصبي ، سد الباب و انتچه (يعني خله ضهره عليه) و گام يبچي بصوت ناصي و لديه على عيونة .
گعد بالگاع و گام يبچي ، اتگطع گلبي عليه وركضت اله ، خليت رأسه بحضني يم صدري و حضنته حيل .

مهند : انه تدمرت روان انه ما اعرف شسوي هسه 😢
روان : ما عاش يلي يدمر شيخ الشباب والله ... انت هسه بس تهدأ و راح اجيبلك اكل و تعشة و اسبح و نام و باچر يحلها الف حلال و أولهم ربك المنعم بيك و يلي رازقك بكل شي تحبه و ما مخليك بعازة أحد .
مهند : و نعم بالله ... والله انتي تخلين حتى الميت ابنها مو بعازة أحد حتى ترتاح و لا حتى تذكر ابنها بعد ما تشوفچ 😂 .
روان : اعرف اني مميزة 😜
مهند : ولچ لا أقصد يعني تشوف واحد ابو شوارب گدامها و ازرگ و خايس فحسبالها ابنها المرحوم خطية 😂 هههههه
روان : ها تضحك علية مو 😠 ؟؟؟ ... بسيطة اشوف منو يسويلك عشة !!!
مهند : لا ولچ تعالي اتشاقى وياچ هو اكو احلى منچ 😚 ... يا بعد روحي شلون بالله وياچ راح اموت من جمالچ يشيب الراس والله 😍 .
روان : 😳 ... راح .. اسوي .. عشة .. الك .. و ارجع .

گمت ما اگدر احچي لان خجلت كلش والله ، رحت سويت عشة و رجعت للغرفة شفت مهند باس بكر من رأسه و گبه اعذرني چنت عصبي .
اني استغربت من تصرفه يعني ليش رجع باسه ؟؟؟ .. هو مو يكرهه؟؟!! .. بس ليش يكرهه صدگ ؟؟؟
كل شي ما حچيت ما احب أتدخل و اول تالي باچر تگلي ريناد ، خليت الاكل و گمنا ناكل ثلاثتنا .
خلصنا و اخذت الصينية و غسلتها ، ظليت حائرة من الأمر والتهم و ليش تطلگو و ليش يگله انت ابن زنى لازم اعرف اليوم 😂
شگد متداخلة اني ما ينفع وياي مال *من تدخل في ما لا يعنيه لاقا ما لا يرضيه * لذلك راح اروح اسأل ريناد على يلي صار .
من رحت شفتها نايمة فما ردت ازعجها لذلك رحت رجعت للغرفة بس ظليت احوس اريد اعرف 😅 .
نمت يم مهند و هو حضني اني صدگ هالمرة لعبت نفسي دفعته و ركضت للحمام .
هو ركض وراي و ظل يضحك علية اني كنت راسي گام يوجعني ، طلعت و ضجت منه مشيت شوي و وگعت اغمى علية 😓 .

ππ√√ππ√√ππ√√ππ√√ππ√√ππ√√ππ√√ππ√√ππ√√ππ√√ππ√√ππ√√ππ√√

يتبع ... ❤👈💞👉❤

والله لعيونكم و ما ردت ابقي بخاطركم شي لذلك اعذروني يمكن قصير و خلصتكم بيه من شروق بس بعدين ترجع لا تخافون عليها عدها أساليبها الخاصة مال الساحرات الشريرات الحقيرات الحاقدات 😹