رواية فصلية مرتين ✌ الفصل العاشر 10 - بقلم Mortahela-مرتحلة

روان :

من طلع حسين اني حسيت بنفس العصرة يلي حسيتها بالبداية ، گلت إذا اني بست حسين ليش لهسه گلبي يوجعني ؟؟ 😮
يا ربي شنو السالفة گلبي يوجعني حيل و ما اعرف ليش ؟؟
گلت استغفر الله خل اكمل راح شعري نشف و بعدين ما مكملته ، مشطت و كملت و سويت ظفيرتين مثل الاطفال 😋 .
رحت خليت المشط بمكانه ، و رحت للحمام و أخذت الملابس و صعدت للسطح حتى اشرهن .
صعدت بنفس الدشداشة الگصيرة 😑 ، اني دا اشر بالملابس و ما احس غير واحد يصوفر ، يا الله هاذا الصوت منين ؟؟
انداريت ظليت أتلفت و شفت واحد من السطح المقابل بيت الشيخ ، يصوفر لي و يغمز .
لا تخافون اني ما أظل ساكنة مثل كل البنات العوبات لان اخواني معلميني من يصير هيچ شي اگللهم ، لذلك راح اگول لاي ولد بالبيت و اذا ماكو احد من يرجعون اگللهم 😎 .
كملت شر الملابس بس هو ما كمل تغزل الكلب 💦 تفوو عليه 😃 .
أخذت السلة و نزلت ، رجعتها بالحمام و نزلت جوة للمطبخ بمكان نصير المعتاد دائماً ، بس هو ماكو !!؟
شفت عمتي واگفة تسولف ويا وحدة من النسوان يلي بشتغلن بالبيت ، رحت تقربت منها و خليت ايدي على چتافها و هي اندارت .

روان : الله يساعدچ يمة 😊 .
ام نصير : يمة صلاوات شنو هالظفاير الحلوة ... فدوة لله !!
روان : 😳 ... شكراً يمة .. بس اجيت اسألچ على نصير وين ؟؟
ام نصير : ما اعرف !! ... بس اوگفي خل اسأل ام احمد يمكن تعرف ... ام احمد بلا زحمة وين نصير ؟؟
ام احمد : شيخنا والله هو گال تعبان و راح نام بغرفته .
ام نصير : مشكورة ام احمد ... ها يمة روان اكو شي ؟؟
روان : لا يمة ماكو شي بس دا اچي وياه شوي . 😓
ام نصير : هااا اي ان شاء الله خير .... و اگلچ يمة روان گلت لهناء على التلفون و گالت بالليل تجي و تمر على رملة و اجيبها وياها .
روان : شكراً يمة ما قصرتي 😚 .

بستها من راسها و هي ضحكت ، صعدت ركض للغرفة مال نصير و ريحانة ، هي أصلاً ريحانة يم نوال .
رحت دگيت الباب و ماكو جواب ، دگيته مرة ثانية و ماكو ، اني لهاي الحالات متحظرة دوووم 😀 .
(طاااااااااب طاااااااااب طاااااااااب) لا تخاف ن هاذا صوت الباب يلي انهجم على صاحبه خطية بسبب القوة الروانية 😂 المحتلة .

نصير : بسم اله منو منو منووووو ؟؟؟!!!!! 😨
روان : ههههههههه 😂 اني اني لا تخاف ماكو هجوم راح اسوي انسحاب لان القوات الروانية قررت تنسحب ههههههههههه

خطية نصير والله انقهرت عليه .. فتح الباب و صاير فلم لابس برمودة و كيمونة تشبه الفالينة تقريباً .
هز أيده و ابتسم .....

نصير : خير ام ظفاير الحلوة شتريد !!؟؟ 😊
روان : اريد احچي وياك فد شي خل ندخل و اگلك شكو ..

هو اشرلي و دخلت للغرفة ، گعدت على الچرباية و هو گعد على كرسي گدامي و بلگوة يفتح عيونة من النعاس 😴 .

روان : راح اگلك شي بس لا تصير بارد اريدك تصير عصبي ..
( كل شي عدها بالمگلوب ما شاء الله 😂 )
نصير : شكو شصاير بس كون الموضوع يستاهل گعدتيني من النوم 😒 .
روان : بصراحة ... من صعدت اشر الملابس مالتي و سمعت واحد يصوفر و من انداريت اشوف الصوت منين شفته يصوفر و يغمزلي .
نصير : منو هاذا !!؟؟؟؟
روان : هاااا ؟؟ .. ما ادري !! 😓
نصير : روااااان اگلچ منو هاذا لا تعرفين على منو اخابر !!؟؟؟؟
روان : لا لا فدوة لا تخابر عليه !!!! ... هاذا جوارينكم الگدامكم هو يمكن مطيرچي (عده طيور) .
نصير : روحي لهذاك الكنتور و افتحيه طلعيلي الرشاشة السودة مو الذهبية .
روان : هاااا ؟؟؟ ... شتسوي بيها 😲 !!؟؟
نصير : ماعليچ بس اخوفهم حتى ما يعيدوها .. و جيبي الموبايل هناك مالتي على الشحن .
روان : اي حاضر شيخنا .

رحت فتحت الكنتور و شفت ثلاث رشاشات و مسدسين 😮 ، شيسوي بيهم كلهن ؟؟
طلعت الرشاشة يلي گال عليها ، اعطيتها اله و انوب جبتله الموبايل و أعطته اله هم ، هو طلع يمكن اسم حسين و خابر 😫 .

نصير : الووو .. اي تعال ... هاذا ابن الصاق... الگدامنة يصوفر لحرمتك من صعدت تشر ملابسها ........... اي ..... اي ........ اي صار انتظرك .

(هاا خوش امثل الكلام على الموبايل مو ؟؟ 😄)

اني من گال انتظرك ما اعرف شصار بيه ، رحت ركضت للغرفة تلبسها الملابس مال هناء و شفت اكو قميص و بجامة همزين طوال .
سويت نفسي فقيرة و سمعت الكلام من البداية و ما چنت لابسة الدشداشة الگصيرة من صعدت اشر 😅 .
نزلت جوة بالمطبخ گمت اگشر بالبتيتة و هم صافنة على غير شي و بالي مو يمهل ، چنت صافنة اتخيل يلي راح اروح اله فصلية .
حتى الخوف من حسين نسيته و طار من بالي كل شي ، تخيلته اسود البشرة و سمين و شايب هههههه طلع عبسي و هو چبير .

(عبسي بكارتون عدنان و لينا 🌚 هيچ تقريبن 😂✌)

ما احس غير صياح و غلط و سب و عصبية ، باوعت حسين واگف بباب الشارع و يصيح .
باوعت شفت نصير نزل من فوگ و جايب رشاشته و رشاشة تذكرت أن هي نفسها يلي كتبها و هددنة بيها و خلاها على راسي 😔 .
شفاهك طاعة من الباب ، ظليت اسمع الصياح و احسب للقنبلة ...

💣 ...
..
..
..
..
..
..
..
..
💥💥💥💥💥

هههههه شوف اني شگد نذلة مع أن اني راح اروح باچر بس إلا اسوي مشاكل يالله ارتاح 😂 .

حسين : ابن ... ابن .... ابن .... (...... هاذا غلط ميجوز 😳) ... شلون تلاوه لحرمتي من فوگ السطح ... حسبالك ما عدها رجال وراها .. ترى عدها خير من الله بس نحن ابناء الشيخ أربعة و اخوتها أربعة ... شو بالله لا تطلع لان اذا طلعت أفرغ الرشاشة برايك وداعة الغالي !!!! 😡😬 .

حسين ظل يرمي هو و نصير بباب البيت مالهم و هم و لا طلعو ، شوف حزام الظهر شلون ينراد بوقت الشدة .
دخلو للبيت و حسين صاير احمر من العصبية و شافني اتجه علية ، يالله هسه استلم راح انهان إهانة تماااااام .
دخل للمطبخ و النسوان فلتن (شردن _هربن) من الخوف و لان ما لابسات حجاب .
مشى تجاهي و اني سويت وجه البرائة ، هو اجة يمي كلش صار قريب ، اني خفت و درت وجهي و جسمي انداريت بكل شي .

حسين : روية شو انداري بالله !!

اني گبل اتذكرت السيارة من گلي انداري و ضربني راشدي ، بس گلت خل استحق الراشدي لان اني ما سمعت الكلام .
انداريت و ابتسمت بوجهة ، هو خزرني و غمض عيونه حيل ، ما احس غير اني بالگاع و خدي انشلع من الضربة القاضية هههههه 😂.
جرني من شعري حيل ، بس سؤال خارج القصة .. وين راح الدلال اليوم مالتي وين راح كل شي وين راح حبنا الجميل ؟؟؟ 😂 ✌ .

حسين : والله يا روية لو ما اني اليوم راضي عليچ چان هسه انتي مدفونة و الا شلون شلووووون تصعدين للسطح بدون حجاب هااااا !!!؟؟؟؟ 😬 .
روان : ما ادري و الله ما ادري بس اتركني دا توجعني 😭 .
حسين : گتلچ بعد اني حضري روحچ روية اليوم بالليل اخذچ مو باچر لان الشيخ ظل يلح علية و اني ما اقصر ويا الشيخ .
روان : شيييخ ؟؟؟؟؟؟ 😨
حسين : اي شيخ مو ابن شيخ 😏 .

اني انصدمت هنا لان كلامة مثل الإهانة بالنسبة إلي ، دايعيرني لان شافني احبه موت و راح اروح .
اني من الصدمة عفته و رحت ، تدرون اني اي شخص اشوفه معصب اخاف خاف يضربني لان صارت بيه خوفة من الضرب المفاجئ مال حسين .
رحت للغرفة مالتي ، دخلت و قفلت الباب وراي لان الباب بيه مفتاح .
__&&__&&__&&__&&__&&__&&__&&__&&__&&__&&__&&__&&__&&
(منو شايف ابو فطم ؟؟؟ 😂 .... راح اسويلكم جملة عليه 😉 ....
قفلت الباب مال الغرفة لان بيه مفتاح و المفاجئة !!! ... الناس تگدر تقفل الباب بالمفتاح و المفاجئة الثانية !!! .. يگدرون يفتحون هم 😂✌)
__&&__&&__&&__&&__&&__&&__&&__&&__&&__&&__&&__&&__&&
گعدت على الچرباية و ظليت ابچي من الإهانة ، عود اني احبه و هيچ يسوي بيه بعد اذا ما احبه شنو يسوي !!؟؟
اني اريد انتحر !!! ... اي اي انتحر احسن حتى لا اروح لغير واحد و لا افارق حسين غصب و الأهم حتى اخلص من الإهانات و الضرب مالت حسين .
ظليت اباوع على الغرفة ، شفت مراية و يمهل اكو مزهرية ، أزمة المزهرية و كسرتها بالمراية .
ثنينهن گزاز و يساعدني هواي 😏 ، شلت قطعة و خليتها على شراييني ، صدگ الافلام تفيد 😂 .
اني من اجيت اشگ ايدي سمعت صوت الباب و ضربه برة و سمعت حسين يگول فتحي الباب ، بس گلتلهم راح اموت و اخلص منك 😖 .
خفت بالبداية بس بعدين گلت بسم الله و الدم صار نهر من ايدي ، گعدت بالگاع و ما احس غير الباب انفتح او أصلاً انكسر .
حسين ركض الي بس ما لحگ فقدت الوعي ، باوعت اله و ابتسمت .

±±××±±××±±××±±××±±××±±××±±××±±××±±××±±××±±××±±××±±××±±

حسين :

كسرت الباب ، شفتها الدم صار بكل مكان و مكسرة المراية و شاگة أيدها بوحدة من قطع الگزاز بت المخبلة .
هي تباوع الي و تبتسم ، وگعت و اني ركضت الها شلتها و اخذتها گبل للغرفة مال امي جوة .
فتت و  على الچرباية خليتها ، نزعت يشماغي و لقيت أيدها بيه حيل حتى ما تنزف هواي دم .
نصير اتصل على مضمد قريب من بيتنا و هو ما قصر اجة بسرعة و شاف جرحها عقمه و شدة الها بضماد .
اني ظليت تباوع الها و افكر معقولة راح تگدر تعيش ويا الشيخ وما يأذيها !!؟
وما يدنى الها ؟؟ .
يا رب سامحني بس هاذا الحل الوحيد حتى انقذ عائلتي بيه ، لازم اضحي بيها و لازم اعتذر منها على كل شي صار !!
بقيت گاعد گبالها و تباوع بوجها ، مو انسان تگول ملاك يا رب بس علامات الضرب بعدها على وجها خطية والله .
شفتها فتحت عيونها شوي ركضت جبت الها ماي من على الميز (منضدة) يلي يم الچرباية .

**""**""**""**""**""**""**""**""**""**""**""*"*"*"**""**""**""**""**

روان :

گعدت وما احس غير گلاص ماي صار بوجهي و حسين يگلي اشربي ، اني بصراحة بچيت لان چنت رائدة اموت مو اعيش من جديد .
هو وخر الگلاص و گعد يمي حضني ، ظل يمسح على راسي ...

حسين : تعرفين منو اجة علمودچ ؟؟
روان : منو !؟
حسين : هناااء رملةةة .. تعالن روان تريدچن !!!

اني من سمعت هاي الاسماء انصعقت ، گمت اگمز مثل الجهال ، اموت عليهن هن حبابات كلش وياي و يحبني هواي .
هن دخلت و اني ركضت الهم و حضنتهن حيل .

هناء : يا هلا و غلا عاش من شافچ !!
رملة : هلا يمة شلونچ !؟
روان : الحمد لله بس محتاجة شوفتكم .
هناء : صدگ راح تروحين و تعوفينا !!؟؟
روان : اي اخوچ يريد يعطيني فصلية فوگ ما اني فصلية .. لواحد شيخ .
رملة : لا اله الا الله ... الله يرزقچ بابن الحلال مو مثل حسين .
هناء : اي والله عاد كل شي و لا نفس حسين يطلع !!! ... اني اليوم اجيت اشوفچ و اروح بعد ربع ساعة لان ما اگدر اتحمل فراقچ !!
رملة : و اني هم مثلچ !!
روان : يعني بعد شي ربع ساعة اروح ؟؟
حسين : اي حضري روحچ يالله ... و هن راح يساعدنچ .

باوعت عليهن و انوب ابتسمت ، عدنة فوگ لغرفة نوال ، طلعت مكياج من مال نوال اني بالبداية اعترضت لان هي ما تعرف بس هو ما قبلن .
خلت الي مكياج ، هناء نزلت و بقت يمي رملة هي خلتلي مكياج يخبل مال اميرات 😍 .
اجت هناء و بيدها فستان حلو نازك مال جهال لان اني ناعمة أصلاً 😂 .

هناء : يمة ما شاء الله 😨 !!!!! ... اللهم صل على محمد وال محمد .. تخبلين و ماكو احلى منچ !!
رملة : هاي ابداعاتي 😀 .
روان : اني ما اريد اروح 😢 .. بس غصباً علية و هاذا أمر من ابن الشيخ بعد .
رملة : راح اگلچ سر .... اني من چنت بعمرچ اعطوني فصلية لشيخ مال عشيرة و ورة ما تزوجني بشهر مات و رجعت لاهلي بس هو ما تقربلي .... أن شاء الله هم يموت الشيخ هاي المرة و انتي ترجعين لاهلچ .
روان : لا لا ارجع الكم اني ما ارجع لاهلي 😛 .
هناء : اي هلة بيچ اخذچ الي اسويچ بنتي و اخليچ ببيتي 😊 .
رملة : بس هسه لازم تروحين روية !! .

أخذت الفستان و لبسته ، سويت تسريحة بدل الحجاب و الفستان مابيه ردانات (صلوخ 😂) بس كلش حلو .

روان : ليش هيچ اني لابسة و مخلية مكياج و تسريحة !!؟؟.. شكو !!؟؟؟
هناء : ما اعرف .. بس سمعت حسين يگول عود هو الشيخ يريدچ هيچ !!
رملة : اي صح اني هم سمعت هيچ شي !!! 😕
روان : اگللكم بس لا يطلع شايب و اسود و سمييين و ابو الگمل ههههه 😂 .
هناء و رملة : هههههههههههه اي والله ههههه 😂 .

ما حسينا غير واحد دخل للغرفة ، باوعت عليه و طلع حسين و دا يخابر ، هو شافني و فتح حلگة 😂 .
ظل يمسلت هههه (يحچي كلام ما اله معنى و يتلعثم) و يباوع علية .

حسين : بالله كملت روية ؟؟ لان الباب واگف بالشيخ .
رملة و روان و هناء : ههههههههههههههههههههههههههههههههههههه
رملة : مبين المكياج و الترتيب كلش مأثر بيك شيخنا !!!؟؟ 😏
حسين : اهوووو بالله ويصير واحد يغلط !!! .. الشيخ ينتظرنا بالباب من شي ساعة تقريباً .
هناء : اي طلگها يالله 😉 .
حسين : هناااء !!! ... اطلعوا برة بس انتي ابقي روية 😓 .

طلعت البنات يضحكن علينا ، هو سد الباب و اتجه علية و حضني حيل ، اني هنا لا اگدر ابچي خاف ينمسح المكياج و لا اگدر اسكت و ما ابچي .
ظليت متحملة لحد ما تركني ، باسني من راسي انوب من من خدي انوب من رگبتي انوب من حلگي 😳 .
اني ما اگدر امنعه لان احبه و لا اگدر استمر لان اني هسه باعتبار باسم غير واحد مو باسمة و  حلالة .

حسين : راح اشتاقلچ بگد السمة و الگاع .. لان هاذا الگلب الچ و ابد ما ينباع .
روان : اني ما اعشگ غيرك و انت بعيد .. مو علمود المشاعر بس خاف غلط و يستعيد .

ثنيناتنا حچينا اشعار على الفطرة مو محضريها ابد ، هو گام و عدل روحة على المراية و طلعنا انوب من الغرفة و نزلنا للسيارة .
خلو على راسي شال و على چتافي صار لان كلش چبير ، اتغطيت بيه لأن اوامر الشيخ يلي كون الأزمة و اموتة بيدي 😡 .
صعدنا بالسيارة و انطلقنا ، وصلنا منطقة حلوة كلش من هاي الاحبهن 😍 ، شفت رجاجيل شايلة سلاح و نسوان اثنين واگفات بالباب بس مبينات حبابات ، شفت بالنص رجال هيبة و عمره يمكن ٢٩ أو ٣٠ هيچ عمر .
و يمة طفل كلش حلو يشبهة كللللش نسخة منه ، هو شكلة حلو بس چبير كلش اكبر حتى من حسين و نصير 😫 .
نزلت و لزمني حسين من ايدي و خلاني اوگف گبال هاذا الرجال ، رمة علية الطلاگ گدامه و جابوله قرآن و هو حلف عليه أن هو ما متقرب لي .
حسين عافني و راح و نصير هم و كل يلي اجو ويانا ، اجو بس رجاجيل ويانا و ولا وحدة من البنات لو عمتي اجت 😢 .

....... : تعالي ادخلي 😠 ... لو عجبتچ الوگفة گدام الزلم هيچ بهاي الملابس 😡 ..... يالله امشي بسرعة ركض جوة .

≠≠≠≠≠≠≠≠≠≠≠≠≠≠÷÷÷÷÷÷÷÷÷÷÷÷≠≠≠≠≠≠≠≠≠≠≠≠≠÷÷÷÷÷÷÷≠≠≠≠≠≠≠≠

يتبع ....
🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣🐣

ها ولكم  وكحين صايرين !!!!
صايرين 42 💋 فديتكم كلكم ..