رواية فصلية مرتين ✌ الفصل التاسع 9 - بقلم Mortahela-مرتحلة

روان :

گعدت بس بية كل الحيل و الوجع ماكو ؟؟
باوعت على الساعة شفتها بـ ١١ الظهر 😓 ، ليش محد گعدني لهسه !!؟
نزلت من الچرباية باوعت على الگاع بس الدم ماكو ؟؟
باوعت على نفسي لابسة نفس الملابس و ما بيهن شي أو بالأحرى دم !؟!؟
اني ظليت محتارة باوعت على نفسي بالمرآة شفت نفسي كل شي مابية ابد .
يا الله شنو هاذ يلي دا يصير بية ؟؟ ... و يلي صار البارحة ؟؟!!
لعد شو ماكو اي اثر بجسمي أو بنفسي أو حتى وجع !!!! 😨 .
نزلت جوة شفت ام نزار دا تسوي چاي ل نصير و ريحانة ماكو و عمتي و عمي و حسين و نوال هم ماكو ؟

روان : صباح الخير 😓
ام نزار و نصير : صباح النور .
روان : نصير وين الكل ؟
نصير : بصراحة الكل راح ويا نوال لأن صار عدها نزيف خطية !! .
روان : زين ليش محد گعدني الصبح ؟؟
نصير : مو البارحة انتي چنتي مريضة مصخنة و الصبح يالله صرتي زينة و محد راد يزعجچ .
روان : شوكت صخنت ؟؟ 😲
نصير : ههههه 😂 .. البارحة من رجعنة انتي بالسيارة گمتي تتعاركين انتي ويا حسين علمود اغنية و هو يگول ظليتي خايفة لأن هو خالسچ 😏 ، و انتي من خفتي صارت عندچ صخونة لأن بسرعة تاخذين مرض ، ومن رجعتو للبيت هو شالچ و اخذچ للغرفة و صاح على ريحانة تسويليچ كمادات .
روان : شنوووووو ؟؟؟؟؟؟ 😨 ... لعد هو مو سواني مرتة صدگ و اذاني و إعتدة علية 😨..... يا الله بس لا چنت اتحلم !!!!؟؟؟؟
نصير : مبين التهديد كلش فاد وياچ بحيث حتى تحلمتي بيه 😉 .
روان : هااااا !!!؟؟؟؟ .... لا لا لا أبداً 😳 ... يا الله اني رايحة باي !!! 😥

كلهم ظلو يضحكون علية ... واني الغبية فضحت نفسي ..
بس شلون اني هيچ صار بيه ؟؟؟ ... معقولة صدگ من الخوف مو حقيقة !!؟؟
اني صرت صدگ غبية كلش !!!
رحت للغرفة .. دخلت تذكرت الحلم أو الكابوس بالحقيقة ، اقشعر بدني من تذكرته ، گلت همزين مو حقيقة چان قتلت روحي 😶 .
باوعت على الحمام انوب تذكرت ان اني عندي ملابس هناء و اگدر ادخل للحمام .
رحت للغرفة يلي گلتلي عليها هناء ان بيها ملابسها القديمة ، ولو هنة فضيحة و گصار بس يالله عادي .
رحت طلعت منهن دشداشة گصيرة جوة الركبة بس كلش حلوة ماروني و مخطط نيلي .
رحت دخلت للحمام لگيت منشفة و شامبوات اشكال و كل شي جاهز ، گلت لا هاي هية بعد شريد من الله لان الحمام مكاني المفضل .
حتى مرات اذا ما لگوني بالبيت يلگوني بالحمام لو احچي ويا الصابونة لو ويا الليفة لو اذا كلش احچي ويا الشامبو 😂 .
الحمام عالم احلامي الوردية ، العشق مالي 😍 ، بحيث كل مرة افوت منه اعطي بوسة بالهوة (لا تضحكون اعرف بعضكم بالنعال يالله يدخل 😂 يلي هو من هاذ الفريق مال النعالات خل يكتب اسمه لو يكتب تم 😉)

دا اسبح شغلت الدوش و ما احس غير ماي بارد كلش صار على جسمي انوب عطت عيطة حتى المات ابنها هم مو هيچ .
وخرت انوب فتحت الماي الحار وياه شفته كسر و صار فاتر و زين حتى ادخل جواه .
دا اغسل بشعري و ما حسيت غير أحد دگ الباب علية .

روان : منو !!؟
ام نزار : أنه خالة !! .. شمالچ تصرخين ؟؟ ... الشيخ نصير دزني عليچ يگول ليش تصرخين شصاير ؟؟؟
روان : لا خالة بس من فتحت الدوش نزل ماي بارد كلش و ما اتحمل اسبح بيه لأن يجمد !!
ام نزار : هههه والله نحن حسبالنه انتلتي بالكهرباء 😂 ... يالله كملي نعيماً .
روان : الله ينعم عليچ ان شاء الله ... و گولي للشيخ نصير مابية شي خل يطمئن مو بسرعة اني اموت ترى .
ام نزار : يا خاله بسم الله عليچ .... عمرچ طويل بعدچ صغيرة !! 😊 .

اني بقيت كملت سبح و احس كأنو صار مئة سنة مداخلة للحمام و همة بس يومين (لا تخافين روان أهل النعالات يبقون اسبوع😉😂)
لبست الدشداشة و ردت اطلع انوب شفت الملابس مال هناء ، گلت خل اغسلهن ما دام اكو غسالة بداخل الحمام .
غسلت الملابس و كملت و جففتهن خليتهن على صفحة حتى أمشط شعري و اجي اشرهن ، لان ما اعرف اخلي احد يشرح ملابسي استحي 😳 .
طلعت و اول ما طلعت انضربت بشخص ، اني گلت يجوز هاذ نصير لان غرفتهم يم الحمام ، رفعت رأسي و اشوف حسين گدامي .
اني گلت يا گاع انشگي و بلعيني 🙇 ، هو باوع علية انوب عگد (عقد) حواجبه كأنو ضايج من شي .

حسين : روية اريد احچي وياچ بچم چلمة !!
روان : اي صار اروح أمشط شعري و اجيك .. هسه على السريع .
حسين : لا تعالي اكو مشط بغرفتنا انه و نوال وهي هسه بالمستشفى وباچر يالله تطلع .
روان : يعني موضوع ضروري شيخنا ؟؟
حسين : هاي شنهي الادب منين جايچ 😏 .. تگولين شيخنا بعد !! ... بالله گوليها مرة ثانية !؟
روان : شيخنا 😳 .
حسين (بصوت ناصي) : احترگ شيخنا اذا هيچ الشيوخ مالتنا 😍 .
روان : شنو شيخنا ما سمعتك ؟؟
حسين : لا هيچ احچي ويا نفسي يالله تعالي .

اني سمعته بس غلست مالي حيل سوالفه بها الوقت ، دخلت للغرفة و اعطاني مشط گمت أمشط گدام المراية .
شفته يباوع علية وفاك حلگه ، اعرف اني حلوة بس مو لهلدرجة ، يعني صح شعري طووويل و اشگر اصفر يعني بس مو لهلدرجة حلو 😌 .
شعري يوصل لركبتي و ثخين وناعم .
اني ابتسمت بالمراية وهو باوع و هم ابتسم بس بعدين خزرني ، اني دنگت رأسي بسرعة مابية حيل رزايل .

حسين : روية ادري انه مالي حق هيچ اسوي بس الشغلة مو بيدي !!
روان : شنو هيه الشغلة شيخنا خوفتني !!؟؟ 😮
حسين : نحن من چنة بالطريق بالغلط دعمت ولد بس هو ما تأذه ، من اخذناه للمستشفى طلع بيه قلب و من الصدمة ميت الا هو الحادث ابد مو مؤذي .
روان : زين شيخنا و اني شنو دخلي بالسالفة ؟؟
حسين : رادو فصلية الهم و نحن مثل ما تعرفين ما عدنة بنات و بنات عمامي كلهن متزوجات و الخيار الوحيد هو .....
روان (قاطعته) : اني شيخنا ... مو ؟؟؟ 😢 .
حسين : سامحيني بس انتي محد مگربلچ و أنه لهسه ما ماخذچ ... لذلك انتي الحل الوحيد النا .
روان : اني شنو ؟؟ ... بيدي هيه قابل السالفة شيخنا ؟؟ ... هو القرار الكم يا ابناء الشيخ والله .... زوجتوني غصب انوب هسه راح اصير هدية علمود تسكتون الناس والعشيرة الثانية .... مرة فصلية و مرة هدية .
حسين : روية انتي املنا الوحيد و الا راح تصير دم و مذابح و ايتام و ارامل من وراچ و بسببچ لان انتي هسه مقابلة 😕 .
روان : شكراً يا شيخنا على السؤال و لو قراركم ما يتغير حتى لو رفضت لذلك اني موافقه بس بشرط !!
حسين : گولي شرطچ عسى مابيه صعوبة .
روان : مثل ما انت ما گربتلي ابد اريد هو هم ما يگربلي لحد ١٦ مو ١٥ بس !!
حسين : اي تدللين ... و لو يا بت الناس ردتچ حلالي بس المهم ضگت شفايفچ يلي دوخني من البداية 😍 .

حسين گام و تقرب مني صار وراي هو طويل و اني تعرفون بعد 😁 ،لزمني من چتافي و دارني عليه .
باوع عليه انوب صار هجوم جوي و غاري و بحري و بري 😂 ، لا لا چذب بس باسني من شفايفي و حيل اكثر من يلي قبلها 😳 .
وخرت منه و گلي انتي بعدچ حلالي و على ذمتي فلا تخافين .
تركته و رحت طلعت نزلت جوة ، شفت عمتي بالمطبخ و نصير على نفس گعدته ، بصراحه حسين ما خلاني اكمل تمشيط لذلك نزلت بيدي المشط .
هم باوعو علية و ظلو يضحكون .
نصير يمكن يدري بيلي صار ويا أخوه حسين لأن باوعلي و باوع وراي حسين هز رأسه بمعنى اي فگلي نصير سباعية و بت زلم حوك (اقوياء) .
اني صارت دمعتي بطرف عيني بس بلعتها ، تدرون ليش وافقت اروح فصلية و اني فصلية ؟؟
لأن الفصلية مثل ما يگول ابو المثل الفصلية هدية ، و هسه اني عرفت معنى المثل لأن اني على ذمته بس راح يطلگني علمود يسد حلگ الناس عليهم .
اول و تالي ابقى فصلية فشنو الفرق لو صرت فصلية لشخص ثاني مو لحسين بس اني اشعر ان هذاك ان شاء الله يرأف بحالي مو مثل حسين 😢 .
مشيت خطوتين انوب تذكرت الملابس ، گلت خل اكمل شعري و بعدين الله كريم عود اشرهن .
انداريت شفت على نصير يباوع و فاك حلگه اكيد على شعري 😂 .

نصير : اگلچ !! .. هاذ صدگ شعرچ لو باروكة !!؟؟؟ 😨
روان : هههه أي شعري من چنت صغيرة ما گصيته و هسه هو يطول بس معذبني من اطلع من الحمام لان طويل و ثخين .
نصير : اللهم صل على محمد وال محمد ... هههه خاف انوب احسدچ 😁 .
ام نزار : تعالي خالة خل اقرة على شعرچ و اعطي فدة فلوس من الحسد .

اني تقدمت يمها ، هيه طلعت من جيبها فلوس خمس و عشرين و گامت تقرة على راسي انوب فرت الفلوس على شعري بطولة .
اجة نصير أعطاها بعد خمس و عشرين ، انوب اجت عمتي أعطتها بعد خمس و عشرين ، اجة عمي و حسين هم عطوها و صار عدها مية و خمس و عشرين ألف ، كلها فدة (فداء) لشعري ما شاء الله !!! 😮
اجو عادل و سلمان اعطوها كل واحد عشرة وگالو اعذرينا ترى على گد حالنا گلتلهم لا ابد بالعكس هاذ من فضلكم 😆 .
عادل راد يطلع فخالة ام نزار اعطتة الفلوس و گلتله اخذهن و اعطيهم للفقرة بالطريق .
بصراحة ما ادري افرح لان الكل يهتم لامري ما ادري ابچي على الفلوس يلي راح تروح 😥 .
اني اليوم كلش فراحنة لان راح اخلص من حسين و ضربه و إهانته يومية ، اني بعد ما اتحمل اكثر .
بس اكو شي مخليني مخنوگة و اريد ابچي و يلي هو وين راح اشوف بعد هناء و رملة و عمتي و نصير و حتى عمي و الجهال مال نصير و ريحانة .
و اكثر شي نوال يلي خلت الي تقدير خاص رغم معرفتها أن اني راح اخذ زوجها منها بس تحبني هدية الله يرزقنا بالذرية .
رحت لغرفة عمتي حتى احچي وياها بخصوص هاذ الموضوع .

روان : يمة اريد احچي وياچ بموضوع !!
ام نصير : هلا يمة گولي اي شي .
روان : يمة يمكن عرفتي أن حسين سوى حادث و قاتل ولد بيه قلب و يريد ينطيني اني فصلية !؟
ام نصير : هااا !! ... اسفة يمة و الله مو بيدي السالفة والا اكو غبي يعوف گمر يروح من يده ؟؟ 😖
روان : يمة اني عاذرتكم كلكم .. هو أصلاً مثل ما يگولون الفصلية هدية و مو مخصوصة لأحد .... بس اريد منچ تخابرين هناء أودعها هيه و رملة .
ام نصير : يمة عيوني الچ ... هسه اخلي الولد يخابرونها و همة يجيبوها .
روان : شكراً يمة .

طلعت من الغرفة و ما اسمع غير صياح بأسمي .. اهوووو 😫

حسين : روااااان !! ... رويةةةةة و لچ وينچ ؟؟ 😬
روان : اجيييت بس اصبر !! .

هاذا الحچي و اني جوة و هو فوگ ، صعدت ركض ليفوگ للغرفة مالته هو و نوال ، دخلت و شفته عصبي و لازم دگم دشداشتة ما يعرف يسويهن 😂 .

حسين : وين چنتي هااا !!؟؟ 😬
روان : و والله و الله چنت يم .. يم عمتي و وو ما سمعتك !! 😲
حسين : غبية .. ثولة ... يلة تعالي سويهن .

مو گتلكم احسن اروح منه بس ... كون يا رب هذاك مو مثل حسين هيچ و لو اني ما عندي حظ بهيچ اشياء .
حتى لو اگعد ادعي من الفجر للفجر بليلة القدر هم ما يتحقق الاريدة لان ما عندي حظ ابد .
تقدمت و صعدت على الچرباية صرت بطولة و هم شوي اگصر 😜 ، هو تقدم علية ، اني گمت ادگم بيهم .
خلصتهن و ابتسمت و ما احس غير و اني على الچرباية و حسين فوگاي ، هو ابتسم و باسني حييييييل 😣 .
اني ادفع بيه بس هو ابد ما يتحرك مثل الجبل ، گام يبوسني من رگبتي انوب نزل لصدري .
رفعت ايدي و دفعته حيل بس ما فاد ، ضربته راشدي ...
اي ضربته راشدي لان اني بعد مو حلاله ما دام انكتبت باسم غير واحد هسه .

روان : حسيييييين !!!!!! .. كاااافي 😭 .
حسين : انه ... انه ... راح اروح و بعد لا تلبسين هاي الملابس كلش ... گصار و .. عيب گدام .. نصير .
روان : شوكت اروح فصلية يا ابن الشيوخ ؟؟؟!! 😭 ..... على الاقل اخلص من عذابك هاذا .
حسين : 😕 ... باچر اخذچ و اليوم بالليل اطلگچ تحضري 😒

هو گام مني و اني گمت بسرعة ركضت للباب ، طلعت و كضيت گلبي لان اعتصارني من گال راح اطلگچ .
بس لا أحبة !!!؟؟؟؟؟ 😱 .... اي احبه و هسه شلون راح اتركه ، لازم ابقي فد شي ذكرى الي و اله و اعرف شنو هو هاذا الشي .
😉 لا تخافون علامة الذكرى يلي راح اتركها راح تسوي عندكم جلطة و سكتة قلبية و تصلب شرايين و بس 😂 .
دخلت للغرفة من جديد شفته يسوي بعگاله و يشماغه لان وگع 😅 ، ركضت عليه و حضنته من ورى حيل .
اندار علية و مسوي وجه مصدوم و اهبل 👈😮👉 .

حسين : ولچ روية شبيچ !!؟؟؟
روان : هشششش ... راح اخلي علامة حتى تتذكرني بيها من اروح 😊 .

رفعت اديه اثنينهن و جربته من دشداشتة و خليت حلگي يم اذنة و رفعت نفسي شوي حتى أوصله .

روان (بهمس) : تدري اني ... احبك !!؟؟ ... بس اريد اترككم بنفس الوقت .
حسين : انتي شنهوووو !!؟؟ 😨
روان : احبك يا شيخنا 😆 .

اشوف وجه حسين گام يعطي الوان و توتر و گام يمسح بوجهة من العرگ (عرق) و اني اضحك عليه .
قربت نفسي منه من جديد و سحبته علية .

روان : هاي هدية الك يا ابن الشيوخ ... 😚 .

بسته من خده و من وخرت شفته مغمض عيونه حيل و باوعت على أيده شاد عليها و چنة بالگوة متحمل .
اني زدت الطين بلة و بسنة من شفايفه 😳 ، من وخرت شفته مفتح عيون على حيلهم و مصدوم .
(لا تخاف شيخنا مو بس انتبه مصدوم حتى الناس يلي داتقرأ 😄)

حسين : رويةةةةة !!! ... عيديها عليچ الله و چفيلچ زينب (كفيلچ) !!!
روان : هااا !! .. تدلل ما دام هاي هدية ذكرى بينا 😳 .

قربته مني و بسته ، هو استغل الموضوع و حضني و باسني حيل و من  سوالفة الخايسة بعد 😅 .
اني فريت ايدي على رگبته بس اختنگت 😨 ، دگيت على وجهة على خده ، هو من تركني باوع علية و ظل يضحك .

حسين : يا عيني عليچ يا بت الناس احلى هدية والله بس ... جنيتي على روحچ !!
روان : لا كافي ... اختنگت !!

هو جرني و باسني من خدودي و عضني ، باسني من رگبتي و خله رأسه و شمني من نحري .

حسين : اووووووف يا روية !!! ... اريد اروح للشغل بس گلبي ما يعطيني اترك الگمر و اروح 😆 .

وخر مني و اني حضنته و هو گعد على ركبتيه و هم حضني ، شميته من نحره و بسته حيل لان شفت بالفلم يبقى أثر بس ما اعرف بشنو يفيده هاذا الأثر بصراحة !!
هو گام يتأوه لان بسته حيل .

روان : اسفة 😫 .
حسين : لا ... كملي يرضى عليچ ربچ ...... اووووف منچ وين چنت البارحة و قبلها !!!؟؟؟
روان : 😳 .

بسته بمكان ثاني بس بعد اقوى من ذيچ سمعته مثل صرخة ناصية ، بس اني ما اهتميت و قويتها اكثر .

حسين : كافي راح تخليني ارجع بحلفاني كافي ولچ !!! 😢 .
روان : ليش تبچي !!!!؟؟؟؟؟ 😨
حسين : اذيتيني يا بت الناس ... شلون هسه راح اتركچ و انتي بنفسي بعدچ و ما دايسلچ كل طرف !!؟؟ .... رگبتي گامت توجعني .. لچ شسويتي مو بوسة شافطة ام الخمس و عشرين دورة 😂 .
روان : اذيتك ؟؟؟ ... سودة علية حبيبي !!! 😟
حسين : شگلتي ؟؟؟؟ ... عيدي بداعتي عليچ عيدي شگلتي !!؟؟
روان : حبيبي .... اليوم لان راح تطلگني راح اخلي احلى يوم الك و الي لان راح نتفارق 😢 .
حسين : ولچ كافي مو هسه خل من ارجع لان هسه عندي شغل و گعدة ويا ابوي مال عشاير ..... والله فشلة هسه شگللهم اذا سألوني على هاذا الأثر ؟؟
روان : 😳 .

$_&$_&$_&$_&$_&$_&$_&$_&$_&$_&$_&$_&$_&$_&$_&$_&$_&$_&

يتبع ..... 🐣😘✌