فصلية مرتين ✌ الفصل الرابع والعشرون 24 - بقلم مرتحلة

مهند :

اني چنت تعبان و هيه بس تلح علية ، صرخت بوجهة و هيه مثل الخافت گامت تبچي .
اني انقهرت عليها و گمت اريد اهدأها چنت امشي نحوها و هيه تمشي ليورة و من وصلت للدرج ام قيس دفعتها و أنه شفتها بعيوني .
من وگعت اني صحت باسمها و شفتها راسها ينزف و بين رجليها دم ، ما اعرف شسوي بهاي الحالة ؟
يا اما اركض لروان يا اما اموت هاي الزبالة (تكرمون) يلي جبتها للبيت ، رحت ركضت لروان و ذاتها و امي تصرخ .

روان : شوف مهند .... الولد .... اسمه ... راشد ..... و .... البنية .... هناء 😊 .

تبتسم بوجهي و هيه راح تروح من ادية و اني گمت ابچي ، المصيبة الشيخ مهند يبچي و دموعه تجري گدام خلق الله .
شلتها گلتلها انتي سميهم و شيليهم گالت اذا بقيت ، اني گلتلها و الله اسف يا روح مهند يا گلب مهند .
انه احچي و ابچي ما ادري شجاني ، شغلتها على السريع بدون اي وعي و اخذتها للمستشفى ، گالو عدها ولادة مبكرة و راح تشكل خطر على صحتها .
من دخلوها لغرفة العمليات تذكرت كل لحظة وياها خلال ست اشهر گلبت حياتي و خلتني احبها .
من تذكرت دموعي اكثر گامن ينزلن لان غلطااااااان وياها هوا و ما شافت مني راحة ابد يا الله سامحني شنهو أنه سويت بيها 😭 .
ظليت گاعد على الكرسي و فكرة تحيبني و فكرة توديني يا الله شراح اسوي بدونها أنه ولا شي .
بكل مرة اباوع بيها على الباب مال غرفة العمليات ابچي اكثر ، إلى أن طلع صوت الاطفال التوأم مالتي بس انه ما اهتميت الهم .
طلعت الممرضة بيدها التوأم اخذتهم منهابست رأسهم حلوين بس البنية أحد رجليها معوقة خطية .

مهند : اهم شي زوجتي فدوة !!
الممرضة : زوجتك تعدت مرحلة الخط و وقف نزيف رأسها و هيه هسه نايمة لان اعطيناها مخدر 😊
مهند : يا الله يا الله يا حبيبي .... الحمد لله اشكرچ هواي هواي والله .
الممرضة : لا خوية الشكر لله استغفر الله هذا واجبي و هذول الحلوين راح يرحون خدج و خلال شهرين أن شاء الله يطلعون .
مهند : أن شاء الله ... و روان شوكت تصحى من المخدر !؟
الممرضة : بعد شي ساعة تقريباً و ما بيها غير العافية 😄 .

يا الله يا ربي يا الله يا حبيبي 😭
هاي 👆👆 دموع الفرح ، سبحان الله ربك ما يعوف أحد عباده بشدة واگع و ما ينقذه منها .
رحت سميت الولد و البنية مثل ما گالت حبيبة گلبي ، سميت الولد راشد و البنية هناء ما ادري منين جابت هاي الاسماء .
صارت عيوني نص راسي من العصبية و الحقد و رحت گبل للبيت عفت كل شي و رحت للبيت .
من وصلت شفت امي گاعدة تبچي و ام قيس ما حسبالك مسوية شي گاعدة يم الجهال تلعبهم .
اني صرخت بأعلى صوتي باسمها هيه خافت و گامت من مكانها و فزعت ، بس عرفت شنو اسوي بيها .
رحت ضربتها راشدي و انوب واحد ثاني و ثالث إلى أن وصل إلى عشرة من الضربات .
فكرت أن اگللها أن ابنائي ماتو بسببها و اخليها تطلع اسم يلي گللها و أمرها بهذا الشي الخبيث 😼.

مهند : ماتووووو ابنائي راحو من وراچ ماتوووو 😬 !!!!!

هيه انصدمت بس شفت ابتسامة على حلگها لذلك ضربتها على حلگها حتى لو اكبر مني تستاهل .
امي ظلت تدگ و تلطم ، گلتلها اني اعرف أن انتي ما متقصدة لذلك راح اسامحچ و الله غفور رحيم .
هيه راحت للمطبخ و الجهال يبچون خطية ، اخذتهم و اخذت امي للمستشفى حتى يشوفون روان .
هدأتهم بالسيارة و گلتلهم ما بيهم شي و فهمتهم على الخطة و وصيتهم و حذرتهم من أن يگولون لأحد .
وصلنا و شفنا روان گاعدة و صافنة و مشكلين الها مغذي ، دخلنا و هيه فرحت من شافتنا و گلتلها الحمد لله ما بيهم شي و البنية ممكن علاجها .
هيه خطية من الفرح گامت من مكانها ركضت الي و المغذي انشلع ، حضنتها و ذاتها بس حسيت بيها تأذت .
نزلنا و رجعتها للفراش مالتها و ظلينا نضحك ، شوي و جابو الولد و البنية أو بالأصح هناء و راشد الحلوين فدوة لامهم 😉 .
طلعتهم و بقيت بس اني يمها ، هيه خافت عليهم گالت ما اگدر اشيلهم خاف اوگعهم ، گلتلها مثل ما تشيلين مصطفى و فطومة شيليهم .
هيه شالتهم و رضعتهم ، هيه ناعمة طول بس مو جسم ، لان جسمها مال بنية چبيرة يعني 😜 .
اني اباوع عليها شلون فرحانة بيهم ، من شبعو اخذوهم و ودوهم لغرفة العناية المركزة مال الخدج و هواي اطفال هناك .
بقت هيه مدنگة راسها و تباوع للگاع و شوي و بچت 😢 ...

مهند : بسم الله شبيچ !!؟
روان : ما حافظت على امانتك يلي مخليها يمي و ما حسبت حساب لشي 😢 .
مهند : لا تبچين يا روحي انتي ... ولچ أنه ما يهمني اي شي غير سلامتچ و هذا الشي انسيه المهم انتم طلعتو كلكم سالمين 😊 .
روان : يعني ما زعلان مني !!؟؟
مهند : لا منو گلچ ما زعلان ؟؟ ... زعلان و نص و حسابچ بالبيت يا گمر 😏
روان : مو هسه گلت اهم شي سلامتي !؟؟ 😶
مهند : لا غيرت رأيي و صار ببالي شي كلش تكرهيه 😉 .
روان : يبووووو 😨 .... لا فدوة ما اريد اصير حامل من جديد و الله تعبت منك و من ابنائك 😥 .
مهند : و وجعو انتي الزوج لو شنو مثلا اني بكيفي 😌 .
روان : شنيه !!! 😦
مهند : و شنشانه التشنشن فچوچچ (فكچ ، اسفل الفم) (الشنشانة مثل عراقي قديم على يلي يگول شنيه الأكبر منه 😂)
روان : اسفة اسفة والله نسيت ... المهم نرجع الموضوعنا .... احم احم .. لا عفية ما اريد ليش هيچ تسوي بيه 😧 .
مهند : بكيفي 😌 ... المهم باچر يمكن تطلعين فـ... (تكلم عن الخطة) ... بس كون ما تفضحينا 😒 .
روان : أن شاء الله بس ... اللهم لا تجعله ظن سوء و إثم بس اني متأكدة أن هيه شروق !!!
مهند : وليش اجت هاي الفكرة على بالچ فجأة !!؟؟ 😓
روان : بصراحة ... بس لا تعصب !!! ..... سمعت ام قيس تتكلم ويا شروق بس ما حبيت اتكلم وياك بهذا الموضوع لان خفت خاف تقتلها و خطية 😖
مهند : شنهووووو 😨 !!!؟؟ ... وتخافين عليها ها ولچ ؟!؟!؟ .. وما خفتي على روحچ خاف تكتلچ !!!!؟؟؟ 😡
روان : لا لا اهدأ فدوة لا تعصب لان عصبيتك بصراحة ما تبشر بخير !!! 😱

انه گمت اشتاط عصبية من السوته روان ، چان لازم تگول لي 😠 .
ردت اطلع من الغرفة و صاحت علية روان ...

روان : اترجاك برجاء الحسين عليه السلام أن تترك عصبيتك على جنب !!!
مهند : اسكتي اسكتيييي !!!! ... راح تصير موتتها على أيدي اليوم !! 😡 .
روان : لا مهند كافي كاااافي لا تروووح شبيك !!؟؟؟ .. اذا رحت راح اكرهك للابد و بعد لا اعرفك و لا تعرفني 😑
مهند : انچبييي !!!! ... انتي اليييييي بس اليييي انتي فصليتيييي 😬 !!!

من العصبية ضربتها اكثر من اربع راشديات و هيه بچت بصوت عالي ، أنه صحيت على نفسي و يلي سويته .
من رفعت ايدي علمود احضنها هيه خافت و دفعت ايدي و خلت لديها على وجها و گامت تبچي .
من چنت تضربها قبل هيه چانت طفلة بس هسه هيه صارت ام لطفلين و ما يجوز يلي سويته و هم اصلا خطية .
رجعت ليورة و خليت ايدي على راسي و استغفرالله ربي ، نزلت اديها و باوعت علية .
يا الله هاي العيون الزرگ موتني شلعن گلبي 😍 ، چانن كلهن دموع و مكسورة بيهم حياة و بيهم تعب يا ويلي عليه .
انه شگد غبي أنه حقير و ما عندي گلب گلبي من حجر و قاسي الى أبعد الحدود و ما احب شخص يشاركني بكل شي .
و خاصة !!! .. زوجتي و حبيبتي و حلالي و هيه تگول بعد ما اعرفك و لا تعرفني .
راح تكرهني راح تكرهني معقولة ؟؟؟ .. لا ما تكرهني غصب عليها أن تحبني و ما تحب غيري .
تقربت منها و حضنتها حيل و طلعت شوقي بهذا الحضن صدگ ، هيه حضنتني هم و حيل بنفس الطريقة و شدت علية .

مهند : تكرهني يا روحي !!؟؟ 😞
روان : اهئ ... لا ما اكرهك بس .. اهئ .. انت ضربتني .. اهئ .. حيل و بدون .. اهئ .. سبب .. اهئ اهئ 😭 .
مهند : هششش .. أنه اسف و اعتذر ... ولچ اليوم صار شي يتسجل بالتاريخ ولچ الشيخ مهند نزلنا دموعه و بچة و الناس تباوع عليه 😊 .
روان : يمة بس الله ... ليش يبچي النفس مالتي !!؟ 😟
مهند : يبچي على روحه يلي رادت تروح منه .. يبچي علمود نفسه يلي راد ينگطع الا شوي .. يبچي على حبيبه يلي بين الموت و الحياة و ربچ ما رجعه خايب لأهله 😚 .

بستها و هيه ابتسمت و گلتلي دموعك غالية يا غالي ، أنه خليت ها ترتاح و طلعت من الغرفة و رحت للديوان حتى اگللهم و كون ما يوصلون خبر لأحد و ما راح اگول بس لاصدقائي يلي أأمن بيهم .

''||''||''||''||''||''||''||''||'||''||''||''||''||''||

روان :

من طلع اني بقيت وحدي شوي و دخلو عمتي و الجهال ، الجهال گامو يلعبون يمي و عمتي اسواق وياي .
حچت وياي على هواي اشياء و وصتني على هواي اشياء هم ثانيات و خاصة على مهند وصتني .
بقو يمي لليل و اخذهم مهند و راحو بقيت وحدي بس مهند گال بـ١١ راح يجي الي يبقى يمي للباچر حتى اطلع الصبح .
صراحة ما نمت لان چانت الساعة ٨ و ما عندي شي ، لذلك قررت أن اروح لغرفة الأطفال الخدج .
بصراحة يحچون وياي و اني تفكيري يم ابنائي اروحلهم فدوة 😘 ، رحت ردت ادخل بس ما خلوني بالبداية ظليت ابچي و انقهرو علية و دخلوني .
اباوع الهم و گلبي كله يمهم و ابتسامتك راح تشگ حلگي من الفرحة ، احبهم اكثر من مهند 😜 .
ظليت اباوع الهم و العلم شي اكثر من ساعة تقريباً ، بصراحة كل ما اباوع على الطفلة بنتي انقهر و تجي عصرة بگلبي .
بس أن شاء الله ما بيها غير العافية على حسب كلام الدكتورة ، اني اعرف ان ما راح يصير عليها شي بس گلبي عصرني و گبل اجة ببالي مصطفى يا الله ليش هالتفكير !؟ 😧 .
هدأت روحي و نسيت كل شي و كل خوفي و كل حزني و كل يلي لقيتة من مهند بالماضي و هسه نحن نحب بعض .
للأمانة مصطفى و فطومة و بكر ابنائي و اعزهم مثل راشد و هناء ...

روان "خاص" : ( بصراحة سميتهم راشد و هناء لان راشد چان السبب بكل قصتي و لو ما هو چان اني هسه ما متعرفة على مهند يلي هو حبي الوحيد اصلا ، و هناء لان أعزها و احبها و اموت بحبها و اتمنى بندار الوقت و اقضي وقت اكثر وياها ) .

ماكو الجهال و رحت اني للغرفة اباوع الساعة ٩ و ٤٥ دقيقة يعني ١٠ الا ربع ، گلت بعد هواي وقت لذلك خل انام نعست .
هذا الكلام كله و اني اجر المغذي وراي و بلگوة امشي اسجل بروحي گوة ، نمت بعد ما طار تفكيري يم مهند و العائلة و كل شي .
بصراحة صوفي گام يوجعني گلبي من تذكرته و كل ما اتذكره ، خليت ايدي على گلبي و هدأت نفسي .

😴 نمت .....

××÷÷××÷÷××÷÷××÷÷××÷÷××÷÷××÷÷××÷÷××÷÷××÷÷××÷÷××÷÷××÷÷××

في الصباح :

گعدت بس ما شفت مهند يمي ، استغربت و البارحة ما حسيت بيه اجة ، خفت خاف خوفي على مصطفى صح 😨 .
رحت التلفون العام بالمستشفى و اتصلت على تلفونه بس ماكو رد على التلفون خابرتني على عمتي ماكو !؟
خابرتني اخر شي على ريناد و جاوبت گلتلها شكو ، أخذت مدة يلله جاوبت علية و بصوت مخنوگ ...

ريناد : لا تفزعين بس .... مهند البارحة سوى حادث و چان ماخذ مصطفى وياه و مصطفى راح بيها بس مهند ما متأذي كاش بس كسور بايده و رجله و هو هسه بالمستشفى بس مو بنفس المستشفى مالتچ لان خفنا عليچ يصير بيچ شي و نروح بيها ... البقية بحياتچ 😢 .

من گالت هذا الكلام اني ما اعرف شنو صار بية گبل دموعي ظلت يصبن و ماكو نفس و لا حس ابد .
سديت التلفون و گمت اتذكر شلون چنا نلعب اني وياه و شلون چان يگلي ماما و يحبني و احبه حيل و احس ان اني هسه مات .
احس اخذو شي من روحي ، رجعت للغرفة و ظليت ابچي و اصرخ اجو الدكاترة و اعطوني بنج و مخدر بنفس الوقت لان واحد ما راح يفيد ويا ام فاقدة قطعة منها .

فقدت الوعي 😔 ...

√√ππ√√ππ√√ππ√√ππ√√ππ√√ππ√√ππ√√ππ√√ππ√√ππ√√ππ√√ππ√√ππ√√

يتبع ...💋💞

أن شاء الله عجبكم .
بحالة موت مصطفى راح يكون الوريث هو راشد لان بكر مو ابن مهند ، و بنتي السالفة خلص هذا البارت و انتظروا الجاي أن شاء الله 😊💙

كاتبتكم المتواضعة 😜 : (" فاطمة البحراني ")