رواية فصلية.الشيخ أركان الفصل الرابع 4 - بقلم Roqaya Abas

📝_الكاتبة رقية✔

_أرق ... فتحت عيوني كعدت حبيبي عدلت شالي باوعت أنصدمت شنو هاي يربي😳

بيت يخبل ضخم واجهيتة تموت صحيح بيتنة حلو بس مو بحلات هاذا نزل بابا وعمو حجو وياهم وأجة بابا فتحلي الباب نزلت دخلو دخلت وياهم

_أبو أرق ... الشيخ راح يعقد ألكم

_أرق ... تمام  عقد النة الشيخ عرفت أسم زوجي أركان  خلصنة عقد بابا كام كاللهم

_ أبو أرق ... يلة أحنة هم  يلة نترخص هم يلا نترخص

_أرق ... هاا بابا  راح تروح ودمعت عيوني

_أبو أرق ... أي لا تجين عمري أنتي بنيتي أنتبهي على نفسج  ولا تنزلين راسي كدامهم

_أرق ...حضنتة ماعاش ألي ينزل راسك حبيبي

_أبو أرق ... عفية بنيتي سامحيني عيون أبوج

_أرق ... لا بابا لتطلب مني السماح ما أرضاها تطلب مني السماح أني مسامحتك  أني ألي لازم أطلب منك السماح خاف يوم ضوجتك لو تصرفت تصرف طايش  وضوجتك سامحني بابا

_أبو أرق ... شيخ أني أطلب منك طلب أدير بالك على بنيتي هية صارت على ذمتك هية مالها دخل بلصار هاي عيوني اني أنطيتك عيوني

_أركان ... أفااا عليك عمي بنتك من اليوم صارت حرمتي لا توصي حريص

_أبو أرق ... مشكور  الله يكثر من أمثالك يلة أحنة نترخص في أمان الله

-أرق ... راح بابا ضيت واكفة بلباب رجع هاذ العقدت  عرفت أسمة أركان أجة وكال

_أركان ... تعالي وراي

_رحت ورا دخلنة جانت أكو مرة تقريبا اكبر من ماما بشوي وبنية بكد مايا تجي كاعدة يمهة
الحجية من شافتني كالت

_أم أرق ... تعالي تفضلي بنيتي

_أرق ... سلام عليكم

أم أركان وغصون ... عليكم السلام

_أرق ... بعد ما سلمت عليهن كعدت وأركان راح البنية راحت جابتلي مي  شربت خلصت كالت

_غصون ...شنو أسمج

_أرق ...أسمي أرق

_غصون ...اني غصون نورتي البيت

_أرق ...منور بهلة حبيبتي

_غصون ... تعالي أخذج للغرفة أرتاحي

_أرق ... أي والله تعبانة كلش رحت وياها بس حبابة ولا كأنما متعرفني عبالك أختها ضلت أسولف وياي وتضحك لحد موصلنة للغرفة بطابق الثاني دخلت وكالت

_غصون ... تفضلي هاي غرفت أخوي أركان بما أنو أنتي مرتة صرتي بعد هاي غرفتج

_أرق ... دخلت الغرفة تخبل بيضة والعطر مالتها يخبل مااحس ألة والبنية تحاجي بية واني ممنتبهة كسرت صفنتي كتلها هاااا

_غصون ... عجبتج الغرفة

_أرق ... أي كلش حلوة 😊

_غصون ... كدامج هية مالتج صارت بعد😉

_ أرق ... تسلمين حبيبتي بس شكد خجلت من  هيج حاجتني عزة هسة تكول هاي ماشايفة
راحت هية واني كعدت وخليت راسي بين رجلي وأذكرت اهلي أووف قبل ساعات جنت بحضانكم شصار هسة لو يمكم قابل الدنية راح تنكلب أوف ربي والله ماكدر على فراكهم ضليت كاعدة وابجي حسيت أحد فتح الباب رفعت راسي أركان صارت عيوني بعيونة راح لاكنتور وأني رجعت راسي بين رجلية

_أركان ... بعد ما عقدنة شفت شنون تحاجي أبوها ويحاجيها وصاني عليها نكسر كلبي عليها طول الكعدة والشيخ يعقد النة وهية  دموعها ما وكفن راح أبوها رجعت أخذتها للبيت وطلعت ورة ساعة رجعت للبيت أريد أروح أسبح دخلت للغرفة ولكيتها كاعدة تبجي رحت للكنتور طلعت ملابس سبحت وطلعت وهاي على كعدتها حاجيتها

_أركان ... لضلين كاعدة هناية كومي أشتغلي وية غصون

_أرق ... من حاجاني شكد ضجت تمنيت أرد علي بس خفت منة  أصلن أني هم راح أطلع ماريد أكابلك وأكعد

_أركان ... هيييي لتراددين من أحجي وياج فاهمة

_أرق ... وذا مافهمت بلة شنون تفهمني

_أركان ... لا أنتي ناوية على موتج اليوم رحت فتحت الكنتور وخذت حزام ورحت عليها

_أرق ... ماأحس الة جايب حزام وجاي علية كبل لميت نفسي وخليت أدي على راسي وكام يضرب كلش أذاني كمت مااحس بلوجع منكد ما نضربت عيوني غوشن وهوة واكف يضرب ويصيح

_أركان ... بنت الكلب تعلين صوتج علية اني مرة تعلي صوتها علية لج اني زلم مشوربة ميعلون صوتهم أنتي جاية ضليت أضرب بيهة الى أن تعبت ذبيت الحزام ودفرتها بضهرها وطلعت واني معصب تلكتني أمي على الدرج

_أم أركان ... يمة شني هاي صوتك واصل لسابع جار شبيك

_أركان ...مابية  شي سلامتج بس هاي يرادلها ضبة وضبيتها

_أم أركان ... عزة  بس لا سويت الهة شي

_أرق ... من غوشن عيوني كمت مااحس أجتني عمتي وكامت أصيح علي وتحجي عزة بعينك أركان شمسوي بلبنية كومني هية وغصون أخذتني دخلتني للحمام سبحتني بس شنو من صار المي على جسمي كمت أعيط من الوجع بدلتلي وطلعتني أم أركان راحت بس أصيح علة أركان وهوة يحاجيها سمعتها تكلة والله أذا سويت شي الهة بعد ما احجي وياك وهاذا كبل أجة للغرفة ورجع اخذ الحزام ويضرب ويصيح

_أركان ... لج أني أمي أصيح علي من وراج اليوم ادفنج هناية  

_غصون ... أركان كاافي البنية راح تموت بين أديك

_أركان ... خليها تموت خل اخلص منها

_أم أركان ... عفية هاي ترباتي انة  ربيتك هيج غصون أخذي البنية لغرفتج بعد مضل بهاي الغرفة

_غصون ... أي يمة  خذت أرق لغرفتي نومتها جبتلها غدة ماقبلت تتغدة بس بلكوة قنعتها انطيتها مهدئات ونامت رحت صبيت غدة ألهم خصنة لميت المواعين غسلتهم رحت للغرفة لكيت أرق تون هااا أرق بيج شي 

_أرق ... لا مابية

_غصون ... خليت أيدي على وجها عزة هاي حرارتها مرتفعة انطيتها خافض ورحت كعدت اتصفح الجهاز صارت  الساعة 4:00 ذبيت الجهاز رحت أشوف أرق شفت حرارتها بعدهي نفس ماهية أنوب ترجف رحت ركض على أمي جاي أنزل تلكاني أركان نضربت بي

_أركان ... على كيفج شبيج تركضين

_غصون ... أركان أرق حرارتها مرتفعة وترجف

_أركان ... من سمعت بيها هيج رحت للغرفة كبل خليت أيدي على وجها حرارتها مرتفعة وترجف  أجتي أمي وغصون أمي شافتها  

_أم أركان ... غصون بسرعة جيبي عباتي ناخذها للمستشفى بين ما أخابر أمير يجي يودينة

_غصون ... أي يمة بس ثواني

_أم أركان ... هسة وكتتك أمير مترد

_أركان ... أمشي يمة أني اخذكم

أم أركان ... مريد حسنة منك هسة أخابر أمير ويجي ياخذنة

_أركان ... يمة بلا عناد البنية موزينة أمشينة لتعبيني فوك تعبي

__غصون ... يمة خل هوة ياخذكم البنية موزينة أمي قنعت كومتها أني وامي نمشي بيها بلكوة باب الغرفة بعدنة وكعت  ضليت أكوم بيها متكوم مابيها تمشي شالها أركان للسيارة وأمي راحت ورا

_أركان ... شفت حالتها موزينة شلتها ورحت للسيارة أمي وراي أخذتها بس كل شوي أباوع عليها من لمراية واتحسر أني شسويت ياربي هية شلها ذنب أني الغلطان هية من عصبيتي رديت عليها وصلت للمستشفى دخلتها  شكلولها مغذي كالو متئذية بلضرب ومرتفعة حرارتها وعدها فقر دم  انطوني ورقة العلاج وكالو جيب هاذة العلاج جبته دخلت الغرفة تبجي وتحاجي أمي وأمي تهدء بيهة  من دخلت سكتت ماحجت حاجيتها

_أركان ... أرق شنون صرتي

_أرق ... درت وجهي وحاجيتة تحت رحمت الله  
حيل ضجت منة ماريد أشوف وجهة شوي وأجة الدكتور

_الدكتور ... هااا بابا شنون صرتي نشالله أحسن

_أرق ... من كال بابا حيل نقهرت كمت أبجي أنوب هوة يجي بعمر بابا

_الدكتور ... شبيها بنيتي منو وياها

_أرق ... تمام مابية شي

_الدكتور ... عفية بنيتي ليش هاي العيون الحلوة تبجي ماريد تبجين بعد

_أرق ... انشالله تسلم تعبتك وياي دكتور

_الدكتور ... تعبج راحة بنيتي هاذ واجبي

_أم أركان ... نكدر نخرجها  هسة دكتور 

_الدكتور ... أي تكدرون

_أم أركان ... يلة لعد خل أروح  خل هناك تروح ترتاح

_أرق ... أجت عمتي كومتني بس مابية أمشي

_أركان ... تقربت أشيلها لان مابيهة تمشي ماقبلت عاد شلتها وطلعت هية ضلت مخلية راسهة بصدري مترفعة عرفتها علمود لا تباوع بوجهي وديتها بلسيارة رجعنة للبيت تلكتنا غصون

_غصون ... هااا حبيبتي شلون صرتي هسة

_أرق ... تمام عمري😊