📝 _الكاتبة رقية ✔
_أبو أرق ...هاهية كل وحدة خذت حقهة وباسنة يلة صيرن حبابات أميراتي👸😍
أمي صبت عشة وصاحت ألنة تعشينة ولميت المواعين وغزلتهن أني ومايا كالت أغسل وياج خلصنة كعدنة بلهول وية بابا وماما وسوالف وضحك صارت الساعة 11:00 رحت نمت كعدت الصبح صبحت على أمي سألتها على بابا
_أم أرق ...راح يشوف القائد مالتهم مريض
أها أوكي يرجع بلسلامة أنشالله تريكت أني ومايا نضفنة البيت وكعدنة كاعدة أتفصح بلجهاز أمي كالت الساعة 1:00 وأبوج ماأجة أتصلي بي وشوفي أتصلت علي ميرد بالة أنشغل نتصل وماكو أخر شي أتصل باوعت على الساعة 2:30 ردت أمي علي
_أم أرق ...هلا يوسف أتصل عليك ومترد ليش
_أبو أرق ... أم أرق سويت حادث وية زلم ثنين واحد زين واحد حالتة كلش خطرة
_أم أرق ... عزة العزاني صخام الصخمني أنتة بيا مستشفى كلي هسة أجيك
_أرق ... من سمعت أمي كالت مستشفى عرفت أبوي بي شي رحت للغرفة تحضرت حتة منتبهت شلبست أمي كالت يلة أمشن رحنة للمستشفى سألنة الغرفة يارقم ورحنة لكين بابا واكف يخابر عمامي رحنة بحضنة بوسنا وكعدنة يمة أجو عمامي أحمد و علي سلمو علينة وسئلو بابا شنون صار هيج
_أبو أرق ... والله أني رحت للقائد مالتي مريض وطلعت منة وتوجهت للبيت وجاي أمشي وصارت كدامي سيارتة وجها لوجه وماأحس ألة والسياة تصادمت بسيارتي وشوفت عينك الله سلمني منها
_أرق ... كاعدين وبابا يسولف مانشوف ألة وصارت هوسة زلم كلهم معكلين يحجون أجوي
_أبو أرق ... أم أرق أخذي بناتج وروحي أجوي أهلة
_أرق ...رجعنة للبيت وأمي بس تبجي أسكت بيهة متسكت أخر شي صارت الساعة 9:00 بليل أجة بابا أمي سألتة شسوو كال الهة الرجال مات لان عندة فتحة بلقلب وماكدرو يسوون شي وطلع شيخ عشيرة وكالو تخلص الفاتحة ونسويها دماية عليكم أمي كامت تعيط وتبجي تصخمنة وتعزينة هذول مراح يعدونها ع خير هدينة أمي سويت عشة ومحد كلة لميت المواعين ورحت نمت كعدت الصبح نزلت ماما وبابا كاعدين بلمطبخ
_أرق ... صباح الخير
_أبو أرق أم أرق ... صباح النور
وفات يومين ماكو شي جديد أجة يوم الكعدة وأجو الزلم كلهم معكلين 4 ساعات يلة طلعو وصياحهم كل شوي يعلة وينصة
"""""""""""""""""""""""""""""""""
👈( في بيت أركان)🙈
_أركان... الساعة 1:00 جنت طالع رجعت دخلت المضيف مالكيت أبوي نسيت هوة اليوم راح البغداد للدكتور سبحت وتغديت رجعت تمددت بغرفتي أتصفح بلجهاز دك الجهاز عمي أبو ذياب خير نشالله رديت هلا عمي خير أنشالله
_أبو ذياب ... والله عمي ماكو خير
_أركان ... ليش عمي صاير شي وياكم
_أبو ذياب ...عمي رجعنة البغداد وصار ويانة حادث وأني هسة مابية شي بس أبوك حالتة خطرة
_أركان ... من سمعت كبل طفرت خبرت عمامي ولد عمامي وتوجهنة لبغداد رحنة لكينة الرجال ألي مسوي كام يبرر موقفة ضلينة نحجي ويا وهوة وعمي ذياب يسولفون شنون صار الحادث
طلع الدكتور لتمينة علي
_دكتور عمر... البقية بحياتكم المريض عندة فتحة بلقلب وماكدرنة ننقذة
_أركان... من حجة أني الدنية سودت بوجهي
عمي أبو فهد كام يصيح على الرجال ويحجي طلع الممرض كال بلا زحمة هاي مستشفى مو مكان عام حتة تتعاركون أطلعو برة أذا تريدون تتعاركون طلعنة برة صار حجي عمي أبو أذياب حاجة الرجال كالة أرجع البيتك خل تخلص الفاتحة ونشوف شنون أصير خلصت الفاتحةسلموني المشيخة وأجة يوم الكعدة أنطيناهم خبر جايينكم طلعنة 20 سيارة لبغداد وصلنة بيتة رحبو بينة دخلنة كاعدين الشيخ مالتهم والزلم صار الجدال
_أبو محمد شيخ عشيرة أرق... يا أهل الخير الحادث صار قضاء وقدر وأحنة كدامكم شنو تطلبون حاضرين
_أبوذياب ... والله يا أبو محمد ماعرف شكولك بس المات شيخ وأحنة ماكو شي يسد مكان الشيخ
_أبو فهد ...والله ماكو حل غير الدم بلدم مثل ما مات ألنة واحد يموت ألكم وأحد
ضلينة ناس تكول مريد دم راح أصير بحر دماء وكلشي مسوينة أنتة تكتلني واني أكتلك وناس تكول لا مريد دم ناس تكول الفلوس مسد مكان الشيخ أخر شي حجة عمي أبو ذياب
_أبوذياب ... يا جماعة ليش هيج أني عندي حل أحسن من الدم ونيتم عوائل ونكسر كلب أم ونرمل نسوان ناخذ منكم فصل 500 مليون وناخذ فصلية
_أبو أرق ...لا عيني شنوو تريدون فصلية مو بلهين أنطي بنتي لا عيني مامجبور هاي ركبتي كدامكم بس لتطلبون هاذا الطلب
ضل الجدال ساعات أخر شي نطيناهم عطوة يومين ويرجعون خبر لو تصير بحر دماء رجعنة للبيت سبحت ومددت صار العشة تعشيت ورحت كعدت بلمضيف صارت الساعة 10:00 رحت للغرفة نمت 😊
"""""""""""""""""""""""""""""""""
👈(في بيت أرق)🙄
_ بعد مراحو أجة بابا وسولف كل الي صار ألنة
_أم أرق ... صخام الصخمني منين جتي هاي المصيبة على راسي أنوب يريدون فصلية هوة أني عندي بس بنات 2 ويريدون أنطيهم لا عيني ماانطي
_أبو أرق ... أني باجر أروح الهم وأشوف بلكي يتنازلون عن الفصلية
صار الصبح نزلت صبحت على ماما سئلتها على بابا كالت راح للبصرة بلكي يسوي حل صارت الساعة 2:00 أجة تلكيتة باوستة كعد جبتلة مي أمي سألتة
_أم أرق ... هاا يوسف شكالوو تنازلو
_أبو أرق ...والله مقبلوو يتنازلون رافضين كالو ألك يومين تفكر تجيب الفصلية لو أحنة نجي ناخذها منك
_دك الباب رحت فتحتة عمي أحمد سلم علية وسأل على أبوي كتلة أي هناية دخل سلم على أهلي وكعد جبتلة مي وسويت جاي رحت كعدت يمهم شوي وسأل بابا
_أحمد ...هااا أبو أرق شكالولك شصار مصار
_أبو أرق ... والله ياخوي ميقبلون يكولون مو زين ناخذ فصلية المات مو سهل علينة
_أحمد ... أبو أرق ترة عندك يومين تفكر بيهن شنسوي خل ننطيهم فصلية أحسن بلكي يطلعون خوش ناس ميسوون ألهة شي
_أبو أرق ...والله يا خوية تعبت واني أفكر لبارح أليل عيني ماغفت من كد ما أفكر ما اكدر أنطيهم وحدة من بناتي صعبة علية أضلم بنتي
_أحمد ... ياخوية أذا أرق راحت فصلية راح يوكف الدم أني مو سهل أخليها تروح بس بعد هاذ الصار منكدر نغير شي
_ أرق ... عمو أذا وافقت ورحت فصلية راح ينتهي كل هاذ الحرب البينة
_أحمد ...أي عمو كذالك
_أبو أرق ... بنيتي لتفكرين هيج ما أخليج تروحين ما عمري كلة ما فرطت بيج وراح أضل لحد ما ألله ياخذ أمانتة
_أرق ...لا بابا لتكول هيج من عمري على عمرك
لحضات صارت كدامي بابا وعمامي كلهة يموتون لا أرق لتفكرين هيج وقبلي روحي فصلية ولا تخلين أبوج يروح من بين أديج أذا راح منو راح يضل سند ألج أنتي وأمج ومايا شنو ضلتج أنتي أذا أبوج راح روحي أنتي وخلصيهم من هاذا الهم كلة بيدج أرق فكري
_أرق ... بابا أطلب منك طلب بس مترفضلي
_أبو أرق ... طلبي يروح أبوج
_أرق ... بابا أني موافقة أروح فصلية
_أبو أرق ... لا بنيتي ماكو هيج ماأقبل عمري أنتي بدموع
_أرق ... رحت علي حضنتة فدوة أروح لهاي الدموع ماعاش ألي ينزل دمعتك حبيبي بابا أنتة ربيت وتعبت وعمرك مخليتنة نحتاج شي ولا سامح الله وصار عليك شي أحنة مراح نحتاج شي لان نعيش بخيرك بس راح نحتاجك راح نحتاج سند ألنة أحنة بدونك ما ألنة أحد حتة أخو ماعدنة يشيلنة أذا وكعنة أوعدك بابا مراح أنزل راسك كدامهم وطول عمرك راسك مرفوع دام أني أشم الهوة ولتخاف علي دام دعائك ودعاء ماما وياية
_أبو أرق ... حضري نفسج أم أرق باجر تاخذين البنات وتروحين للسوك تجيبون كلشي ماريد ينقصها شي
_أم أرق ... أنشالله
ثاني يوم كعدت الصبح نزلت بابا ماما كاعدين بلمطبخ صبحت عليهم وكعدت تريكت ماما كالت يلة علمود أروح وية أبوج و روحي أكعدي مايا تروح ويانة رحت كعدت مايا رحت للغرفة سبحت تحضرت نزلت لكيت أمي مخلصة نزلت مايا هم مكملة رحنة للسوك ماما ماخالت شي مجابتة خابرت بابا يجي ياخذنا أجة رجعنة ويا أخذ ألنة غدة بيتزة وفنكر رجعت سبحت ونزلت رتبت الأكل وصحتهم تغدينة خلصنة رحت مددت بغرفتي غفيت ماأدري حسيت أحد باسني فتحت عيوني لكيت ماما
_أم أرق ... والله يبنيتي مو سهل فراكج واخليج تروحين من كدامي
_أرق ... حبيبتي أنتي ماما تهون كلشي الخاطر بابا أني اليوم من سمعت بي منايم لبارحة والله نار وحركتني أني موجودة وأخي بابا مينام ليلة من ورة سالفة شاغل بالة بيها لا كالهة الله
_ أم أرق ... الله يحميج بنيتي ويحرسج ماما أنتي راح تروحين يم ناس لا شايفتهم ولا سامعة عنهم شي أهم شي تبينيلهم أنو أنتي بنت أبوج ما أريد حجاية تمسج ألي تمسج تمس أبوج وزوجج لتقصرين بشي تحملي كلشي أصبري أن الله مع الصابرين ولا تنسين كل ليل ورا صباح الله ماينسة عبدة
_أرق ... والنعم بالله
نزلنة ماما سوت عشة واني كعدت أسولف وية مايا ونضحك كاعدين بلمطبخ يم أمي أجة بابا صبينة عشة تعشينة لمينة المواعين ماما كالت
-أم أرق ...روحي أنتي ومايا عزلي ملابسج بلجنط واني راح اجي وراكم
_أرق ...أوك رحت أخلي أني ومايا ونسولف على أيام المدرسة سويناهن 4 جنط بس كلشي خذت بيهم دخلت ماما علينة
_أم أرق ... ها خلصتوو كلت هسة أروح الكاهم ممكملين طلعتو مكملين
_أرق ... والله مدري شوكت خلصنة بلسوالف كلهن خلصن صدك لو كالو السوالف يمشن الوقت 😊
_أم أرق ... بنيتي هاي فلوس ألج خاف تحتاجين هناك كلشي يصير
_أرق ... لا ماما شنو هاي مااريد والله مراح أحتاج شي واني كلشي جبت ماحتاج شي بس وجودكم يمي بس هاذا ألي راح أضل أحتاجة وأني يمهم ماعرف حجيت ودموعي نزلن
_أم أرق ... يا روح أمج على طول أني وياج حضنتني وتبجي يلة كاف بنيتي ماريد دموعج بعد
_أرق . راحت ماما ومايا كالت أني اليوم أنام يمج نمنة كعدت الصبح أمي تكعد بية كالت يلة أبوج وعمج يتانونج جوة كمت سبحت لبست فستان طويل أسود لان هم عدهم ميت عيب تحضرت ونزلت لكيتهم كاعدين بلمطبخ حتة مايا كاعدة
_أرق ... صباح الخير
_ ألكل ... صباح النور
تريكت وكمت نزلت الجنط أخذهم عمي وبابا للسيارة رجعت للمطبخ باوعت لكيت مايا حاضنة أمي وتبجي هاااا هاي ليش كل هاذ البجي
_أرق ... بوستهم راح أشتاق ألكم هواي سامحوني أذا غلطت وياكم خاف بعد ماشوفكم ماما لا تنسيني ضلي أدعيلي باوعت على مايا
تذكرين من كلتيلي أنشالله متزوجين وتروحين فصلية الحجي مالتج تحقق وصار الصار وراح أروح فصلية مايا زادت بلبجي حضنتهة وبوستها كلت الهة مايا كوليلي راح تروحين وترجعين علينة بلكي يتحقق مثل هاذ
_مايا ... أنشالله تروحين وترجعين بلسلامة
_ أجة بابا حضني وباسني براسي وكال يلة أروح
طلعت واني أباوع على البيت يجوز مراح أرجعلك بعد راح أشتاق لكلشي بهاذا البيت صعدت بلسيارة طلعنة أباوع على المنطقة أووف يربي شكد صعبة من تعوف أهلك وناسك ومنطقتك واليحبوك وتروح لمستقبل مجهول تمشي السيارة غفيت مااحس ألة وبابا يكعد بية
_أبو أرق ... أرق أميرتي كعدي وصلنة
فتحت عيوني كتلة كعدت حبيبي عدلت شالي باوعت نصدمت شنو هاي يربي 😳
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!