متابعه +تصويت😍❤
عن لسان جمان دكول:
مدري ليش وشنهي قصتي
دنيا ماترضى بفرحتي
تضحك من شوفني ابجي
وتحزن من اصد ضحكتي
وعكس هاي ناس عايش
بالقهر صارت ونستي
رضعتني بلبن همهه
وكبرتني بزاد ونتي
بلارحم يلدنيا رايج
وبحكم فرعونج حكمتي
وياي مشتهيه الطلابه
معذبه رماحج شردتي
وانه منطي وموو مقصر
والتريدينه انتي اخذتي
وماعصيتج بامر واحد
هاج بس كون قتنعتي
وبعد مابياش انوح
كافي اكلج ماقنعتي
ماكفاج الصار بيه
وهز ضميرج ونتبهتي
توسليتج عفي عني
شضل بعد عندي شتركتي
ماكفاج الصار بيه وهز
ضميرج ونتبهي
طايح وشماتي حنو
ونتي جبهاا ولارحمتي
وحته ناسج موش همه
تغيرو ونتي ختلفتي
يدنيا شعندج من اهوال يباي
الحزن وفراك خلي وعوز جيباي
جرعتهن لون غيري صرخ يبوي
ولطم لطم الثكاله بهل الثنيه
ـــــــــــــــــــــــــــــــــــــــــــــــــ
جمان: ردت احجي واجه زيد تصال
زيد: الوو منوو
جمان: اول محجه هل كلمه بصياح ويكول انتي شنووو متوبين موو كتلج لتتصلين عليهههه
زين: استغفر الله ربي بابا مو كتلج لتتصلين عليه ليششش تلحين
نرجس الحب الي جان بيناتنه هاهيه نسي خلي زاويه بكلبج وتركي هلحب يكون مجرد ذكرى حلوه وهاهيه
احنه الله مقسمنه سوه ولااعتراض على حكم ربالعالمين
جمان: حجه هلكلام وسد تلفون بس شنوو يمكن اذا اسئله شبيك يلزكني بلكاع فاسكتت ومحاجيته
وهوو هم دار وجهه ونام
ثاني يوم صبح كعدت البيت هدوء وموو من عوايدهم هلشي كل مره همه يكعدون من وكت ويلتمون على سفره وحده
رحت غسلت وجهي وفرشت اسناني ورحت سويت جاي فتحت ثلاجه لكيت بس بيض وزيد مياكل البيض اله جبن لو كيمر وشرط من الهايشه الي عدهم هههه ياربي شلون سالفه هاي المشكله حته عمتي مكاعده كل مره هيه تروح تحلب الهايشه وسوي منها كيمر وجبن
شلون ياربي هسه اروح اكعده وخلي هوو يروح
رحت لبست حجابي وعباتي وطلعت مجنت ادري هاي طلعه راح سبب الي مشاكل
وصلت للبيت الي قريب على بيتهم مخصص بس للحلال مالتهم
وصلت يم الهايشه عود حاولت احلبهاا معبالي اواجه صعوبه ماحس غير بس الهاشه دفرتني برجلهاا لزكتني بلحايط منهاا وبعد ماحسيت على شي
زيد: كعدت صبح تنوعت المكان جمان مموجوده وين راحت هاي البت
رحت سبحت ومشطت هم طلعت بره بصاله
زيد: جماننن
لج جمان وينج شايفه نضاراتي وين
استغفر الله هسه مو جاي اصيحهه وين راحت
طبيت للمطبخ ماهيه بس لكيت القور على نار
والمي متبدي من كثر مافاير المي
روحت للصحيات هم ماكو مخليت مكان بلبيت مرحتله واهلي ماكوو نايمين دخيلك يابو الحسن وين راحت البت
جميله: هاا خويه صباح الخير شبيك وجهك اصفر
زيد: لجج جميله جمان ماهيه هم شفتيها وين
جميله: لا خويه اني توني كعدت وين راحت البت اسم الله
زيد: مادري بس كعدت لكيتهاا ماكو يمي كلت اكيد جاي سوي ريوك لو تنضف بلبيت
هسه دورت عليها بكل مكان ماكووو وين راحت
جميله: على كيفك خويه شفتها بلحمام خاف جاي تسبح
زيد: خايبه هسه اني جنت بلحمام ماكوو وين راحت هاي البت
جميله: خويه هذا صوت امي صيحلي رايحه اشوف خاف محتاجه شي واجيك
زيد: ياربي معقوله جمان شردت من البيت علمود بس تروح لاهلهاا
طلعت بره ادور سئلت الفلاحين الي بكاعنه بلكي شافوهاا اذا جان طالعه من البيت
زيد: كواك الله ابو حسين
الفلاح:(ابو حسين) هلا ابني زيودي محتاج شي
زيد: عمي ماشفت حرمه طلعت من البيت
ابوحسين: لا وآلله يابويه ماكوو مشفت وهنه الحرمات مايطلعن من البيوت
زيد: هاهيه ابوحسين تسلم ماقصرت
ابوحسين: خير بويه صاير شي
زيد: لا عمي ماكوو اله الخير نشالله
بقيت ادور مخليت مكان مدورت بيه دخيلك ياعلي وين راحت
رحت للبيت عسى ولعل الكاهاا موجوده
فيصل: شني بويه صكد حرمتك ماهيه
زيد: بويه كعدت صبح لكيتها ماكو وهسه مخليت مكان مدورت بيه عليهاا
زهره: شوف يزيد شوف هاي حرمتك الي دافع عنهاا
زيد: يمه اني بيه حال فدوه اروحلج
فيصل: زهره اشش شمالج شهل حجي
اكول بويه عجل هسه اخلي الولد يدورون وياك
زيد: لا ماريد فضايح فدوه اروحلك
فيصل: بويه هاي سالفه مبيها فضيحه خل نشوف الحرمه خاف لاسامح الله صايرلهاا شي وحنه مندريي
زيد: اجوو الولد الي يشتغلون بلكاع وحنه هم بقينه ندور وعدنه عرف بشرطه خابرناهم بحيث دنيه نكلبت كلاب ومخلينه مكان مدورنه بيه الحد مصارت ساعه ب١ضهر وجمان لسه ماكوو
فيصل: بويه زيد مخلينه مكان مدورنه بيه مابقالنه غير حل واحد لازم نروح لاهلهاا بلكي نلكاهاا عدهم
زيد: يابه شلون نروح واذا ملكيناها شلون بهل حاله
وف ياربي اطلع من سالفه اطب بسالفه ثانيه شوكت ارتاح مادري
فيصل: كول يالله بويه وكوم خل نروح لاهلهاا
زيد: شغلت سياره ونطلقنه لاهلهاا
نص ساعه وصلنه لاهلها لان احنه هواي بعيدين عليهم
دكينه الباب طلعت اختها صغيره ملاك
زيد: هلوو ملوكه شلونج عموو
ملاك: منوو انته ماعرفك
زيد: ههههه شبساع نسيتيني اني زوج اختج جمان
ملاك:(بفرح) صدكك والله جمان اجت وياكك وينهاا لعد
زيد: هنه صدمه ياربي يعني جمان مموجوده عدهم
فيصل: بويه معناها البت موو عدهم
فيصل: جدو ابوج هنه
ملاك: لا بابا بشغل
فيصل: چا بويه مشينه ابوها مو هنه واكيد بس ام جمان موجوده بلبيت
زيد: يله عموو بيباي احنه رايحين
ملاك: وين رايحين لعد جمان وين ليش ماجت وياك معقوله مشتاقتنه
زيد: جمان مشتاقتلكم هواي ونشالله غير يوم نجي اني وياهاا
ملاك:(بفرح) اكيد راح تجون
زيد: اكيد
ملاك: وعدني راح جيبها اخاف جذاب تاخذهاا مثل اول بدايه وبعد مجيبها النه
زيد: اوعدج وعد اجيبها الكم
يله بيباي
ملاك:( بابتسامه) بيبااييي سلملي على جمان
زيد: يوصل
بويه شفت بعينك الحرمه موش بيت اهلها چا وين راحت انه خايف لاسامح الله صايرلها شي
فيصل: كول يالله بويه نشالله نلكاهاا
زيد: نشالله
وصلنه للبيت دخلت تلكتني جميله وجهه اصفرر
جميله: ها خويه بشرر لكيتوها عد اهلهاا
زيد: لاخويه ماكوو
جميله: دخيلك ياربي شني وين راحت البت
زهره: تلكوهاا شوو وين نهزمت ولة ميتامن بهيج ناس رب الي اخوها چتل ابنه نتأمن بهاي الي مصارلها شهرين يمنه
زيد:(بصياح) انييييي بيه حااللل بيه حال اني وسمع هيججج كلام
فيصل: زهره شمالج كافي تره زودتيهاا
زيد: رايح اعيش وياه صخول وياه طليان ولااكعد اسمع هيج كلام الكعده بهل بيت صارت تخنك بلعباس تخنك
جميله: تعاال خويه اكلك لكمه من صبح لجاي مماكل
زيد: ليششش اني اكدر اكل وجمان مماكله وكلشي ماعرف عنهاا
طلعت من البيت ضايج وادعي بكلبي اول مره هيج احس مربط ومابيدي شي دخيلك يابوو الحسن علي كون الكاهاا دخيلك يااخو زينببب كون الكاهاا ماعرف هواي تعودت على وجودهاا
جاي امشي وجان اشوف من بعيد واحد من الفلاحين الي عدنه يركض ويلهث ويصيح لكيناهاا
الفلاح: خويه زيودي لكيناهاا الحرمه
زيد: اني سمعت هيج لو احس روحي رجعتلي
طكيتها ركضه اله
-شنيي وين لكيتوهاا كلي بساع
الفلاح: خوويه لكيناها خطيه بيت الهوايش اضنهاا زاكطتهاا الهايشه
زيد: شنوووو بيت الهوايش
شوداهااا لهناك
الفلاح: ركض خويه الحرمه فاقده الوعي
زيد: طكيتهاا ركضه الحد ماوصلت لكيتهاا فاقده الوعي
الفلاح: خويه احنه مردنه ندنالهاا كبل اول ملكيناهاا اجيناك نركض
زيد: جزاكم الله خير
بسرعه جيبوو ماي خل اغسل وجهه
الفلاح: هاك زيودي هذا ماي ذب على وجهه بلكي تصحه
زيد: بويه جماني اكعدي يبعد طوايفي اكعدي بويه شوو يله اكعديي
عمي ابو حسين فدوه غديلك جيبلي سياره هنه للباب علمود شيلهاا اخذها للمستشفى
الفلاح: يي عمي حاضر
زيد: جماني شريان كلبي اكعدي اليوم البيت ماله طعم من دونج
فيصل: ها بويه الف الحمدلله الله لكيت الحرمه
توه اجه الفلاح كلي
الفلاح: بويه زيد سياره بره تكدر هسه تاخذ حرمتك الهاا
زيد: من رخصتكم ممكن طلعون منه اريد اشيلها اصعدها بسياره
فيصل: يي بويه احنه طالعين اخذ راحتك وراح اخلي جميله تجي وياك يجوز تحتاجهاا
زيد: يي خل جميله تجي راح اجي امر على بيتنه بسياره خل تطلعلي بساع
صعدت جمان بسياره وحالتهاا حاله
مريت على بيتنه بساع اجت جميله صعدت وياي
جميله: سوده عليه واخيراً لكيتهاا الف الحمدلله
زيد:(بتعب) الحمدلله
ربع ساعه وصلنه للسمستشفى كبل خذناهاا لطوارئ
دخلوهاا للغرفه
دكتور: ممكن تحجولنه شنوو صاير وياه المريضه
زيد: دكتور احنه ناس ريف وهيه راحت علمود تحلب تكرم الهايشه وزكطتها
دكتور: اووو هنه سالفه نشالله نسوي كل نكدر عليه ونشوف شنوو شبيهاا نشالله متحتاج عمليه
زيد: شنوو عمليه!
دكتور: يي مثل هيج حالات تحتاج عمليه
يله من رخصتكم رايح نشوف وضع المريضه
زيد: على راحتك دكتور
جميله: يمه سوده عليه وينهاا وين العمليه
زيد: نشالله متحتاج
بقينه بساعه ونص واكفين بره ولاواحد اجه طمنه
الحد مطلعت ممرضه شايله وصفه علمود اجيب العلاج
الممرضه: هاي الوصفه جيب عليهاا من بره
زيد: طمنيني عنهاا نشالله زينه
الممرضه: لا الحمدلله بس عدها كسر برجلها صبيناها الهاا محتاجت عمليه
جميله: الحمدلله وشكر
زيد: خذت الوصفه ورحت جبت عليهاا
نطيتهاا للمرضه وشويه وطلع دكتور
زيد: دكتور طمني على وضعها شلونه
دكتور: الحمدلله محتاجت عمليه بس صبينه رجلها وحتاجت كم علاج جبته الها
زيد: يي جبت الوصفه من بره نطيتهاا لممرضه
دكتور نكدر نشوفهاا
دكتور: يي تكدرون شوفوهاا وفد نص ساعه وتكدرون طلعوها منه
زيد: شكراً جزيلاً دكتور
دخلت عليها لكيتهاا صاحيه وتبجي
جمان: صحيت واني بلمستشفى وكلشي ماذكر احس مثل شخص ضاربني على راسي
كعدت واحس رجلي ثكيله تنوعت الها صابيهاا
شويه وذكرت الي صار وياي ودموعي نزلت
شوكت ارتاح ياربي شوكت ليش كل ماتضحك الي دنيه يصير شي وياي
بقيت اتنوع لسكف وابجي الحد مدخل عليه زيد
اول مدخل تلخبطت عليه المشاعر خجل من الي صار على فرح لان شفته
زيد: تقربت الها تلمست وجهه شاحب صاير اصفر
-الحمدلله ع سلامه شريان كلبي
جمان:(بتعب) الله يسلمك
زيد: شلونج جماني شلون صرتي
جمان:(بدموع) تعبانه
زيد: اسم الله عليج من تعب يابعد روحي
جمان: ريد روح لاهلي
زيد:(بحده) چاا شنيي بويه اني موو هلج
جمان: مو هيج قصدي بس مشتاقه البابا
زيد: بس صيرين زينه اخذج
جوعانه يروحي جيبلج اكل
جمان: ماشتهي هسه اكل
زيد: چا خوش من نطلع منه اخذ اكل وياي وناكل سوه بلبيت
جمان: تمام
شويه ودكت الباب جميله دخلت تبجي وتتحمدلي بسلامه
جميله: الحمدلله على سلامتج يروحي متصورين شكد خفنه عليج
جمان: آلله يسلمج حبيبت كلبي
زيد: سويت الاجراءات مال طلعتنه من المستشفى وطلعنه نطلقنه للبيت اخذت اكل وياي بطريق وصلنه للبيت نزلتهاا من السياره ورحنه الغرفتنه
زهره: صلاوات واخيراً شرفت الخاتونه وين جانت دايحه
زيد:(بعصبيه) يمههههههه وتالييييييي
فيصل: كافي زهره بسج عاد
الحمدلله على سلامتج بويه جمان
جمان: الله يسلمك عمي
خذاني زيد للغرفه نمت على جربايه ودموعي موراضيات يوكفن من البجي
زيد: بسج بويه عليش هلدموع كافي يله خل ناچل تره انه ميت جوع
جمان:كعدت اسايره بالاكل رغم اني ماشتهي
زيد: اشوو متاچلين
جمان: الحمدلله شبعت
مرر ٥اشهر وطول هالاشهر زيد كلش زين وياي ويهتم بيه وعلاقته وياه اخته غفران عبالك لاهوو يعرفهاا ولاهيه تعرفه الوضع هدوء بلبيت طول هالاشهر
الحد ماافديوم العصر ساعه ب٤اجت نرجس وامهاا
شافت علاقتنه اني وزيد كلش حلوه بقت عيونهاا علينه الحد مراحوو بليل
اجه زيد صاير عباره عن نار من العصبيه
صرنه لحم اني وياه بقه يصيح ويغلط على شنوو ماعرف الحد مكالي كلمه توقعت كل ناس دكولها الي اله هوو ابد متوقعت منه هل كلمه...
يتبع...
#فصليه لاجل والدي
بقلم الگاتبه/طيبه عباس
وهذا بارت لعيونجن جميلاتي احبجن هواي انتضروا الاحداث القادمه عباره عن حماس🔥
لاتنسون متابعه +تصويت وكتبولي توقعاتكم بلبارتات القادمه بتعليقات
احبكم😍❤
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!