رواية فصليه لأجل والدي الفصل السادس عشر 16 - بقلم Teaaba Abass

تصويت +متابعه ❤

مر شهر والوضع هدوء بالبيت الحد مايوم العصر كاعدين اني وجميله نسولف وجان يجي زيد للبيت مثل الاعصار ودمرات وجهه وشكله مكلوب كلاب من العصبيه وجان يصيح بصوت رج البيت رج وهو يصيح اليوم اكلب البيت ع روسكم

زيد: وينننن غفرانننن غفراننن وينهااا

جمان: شكوو زيد اشبيك اهدء

زيد: جمانننن اشششش ماريد اسمع صوت تره كلشش واصله عندي واحس دم صعد الراسي

جمان:(بكلبها) ياربي اشبيه زيد وليشش هيج يصيح ويريد غفران

زهره: خيرر يمه اشبيك لييشش هلصياح

زيد: غفران بنتج صيحيهاا لاوحك علي اصعدلها احتار شسويي بيها

زهره: ولججج غفران تعاي ولج شمسويه اخوج يريدج

جمان: زيد واكف والعصبيه عنده تقراا الف اول مره اشوفه هيج بحيث عركان وكوه يتنفس

لحظات واجت غفران كوه تمشي وجهه اصفر مدري شبيهاا وشمسويه منعرف

غفران:(بخوف) ها خويه شكوو سمعتك صيحلي

زيد: شكوو موو لجج اليوم اشرب من دمج حقيره

جمان: مانحس اله زيد هجم على غفران موتهاا تموت نريد نخلصهاا من عنده منكدر

زهره: ولك زيددد عوفهاا يمههه فدوه غديلك حجيلي شمسويه اختك

زيد: يمه وخريييي عني خل افوخ كلبي بيهاا

جمان: زيد عوفها فدوه احجي وياها بتفاهم

زيد: جمان اششش ماريد اسمع صوت لامنج ولامن اي بشر ونتي ولججج تعاي احجيلي من يمته صاااررتتتتت عندجج علاقهه بيهه احجي

جمان: حجاهاا زيد بصوت عالي كلششش بحيث لبيت صار هدوء مينسمع غير بس صوت بجي غفران وصوت زيد الي رج البيت رج

زهره: يمهه شمالك منين هل حجي شني علاقه وياه علي شمالك تسودنت

زيد:(بعصبيه) بعدني يمه ماتسودنت بس وحك ابو الحسن علي اذا هاي بتج ماتحجيلي كلشي ومن يمته هيه وياه علاقه وياه ذاك الحقير علي ادفنهاا الج هنه وهيه عايشه

زهره:(بصياح) شمالج انتي ماتحجين احجييي شنوو هذا الحجي الي جاي اسمعه من اخوج

غفران: راح احجي بس فدوه خويه فهمني الله عليك

زيد: ولجج احجي اعصابي تلفت

غفران: خويه انه احبنه العلي

جمان: هنه صدمه شلون حبته وين كدرت تحجي وياه بذات همه شيوخ والبنيه عدهم كون ماتطلع باب شارع

زيد:(بعصبيه) لججج حقيررهههه تحجيهاا هيج بوجهي بكل صلافه ياصلفه اليوم حضج اطيحه

زهره: يمه وكف على كيفك خل نفتهم منها شني سالفه شلون حبت الولد

جمان: بدون رد زيد مانحس غير بس جر غفران من شعرها وسد عليها باب الغرفه

غفران: خويه عليك الله بس خل افهمك سالفه

زهره: ولك يمه زيد مشي عليك الله عوف البت خل نفتهم منها سالفه
ولج جميلههه شمالج واكفه امشي خابري ابوج خل يلحك اخوج راح يموتهاا للبت

جميله: يي يي رايحه اتصل عليه بس كوليلي وين موبايلج

زهره: ولج بلغرفه بسااعععع

جمان: راحت جميله تتصل على ابوها واحنه واكفين ندك بلباب عسى ولعل زيد يفتحلنه الباب ونخلص غفران من عنده

زهره: يمه فدوه غديلك الخاطري يبعد امك افتح الباب

جمان: شوي وفتح الباب زيد دخلنه نركض اني وعمتي زهره لكينه غفران صايره جنازه ماتكدر تحرك لاايد ولارجل

زهره: الله لاينطيك يازيد شمسوي باختك غضب الله عليك نشالله

غفران:(بصوت خافت) يمه اريد مااي

زهره:(بصياح) ولج جمان امشي ولييي جيبي ماي بسااع

جمان: طلعت من الغرفه ركض لكين زيد كاعد على القنفه وعيونه حمرر ومشتعل نار من العصبيه

زيد:(بصياح) جمان تعاي لهنه بسااعععع

جمان:(بخوف) هااا يي هسه اجي بس خل اودي المي الغفر..
بعدني ممكمله كلامي كاملي سحبني من ايدي وخذاني الغرفتنه

جمان:(بخوف) زيد شبيك حباب بس خل اودي المي الغفران

زيد: اششششش لايصير مصيرج مثل مصيرهاا

جمان: بقه لازمني من ايدي الحد ماوصلنه الغرفه واني بهلحضه ماكوو غير بس الخوف ورعب الي مسيطر عليه

زيد: اكعدي هنه بلاصوت

جمان: زيد شبيك اهدا فدوه

زيد:(بصياح وعصبيه) شلوننن ترديني اهدأ شلوننن لجج وصديقي الي احبه وعتبره مثل اخوييي طعني بعرضيي جمان تعرفين شنوو طعني بعرضي يحجي وياه اختي واني مثل الكرن مفاهم كلشي وهاي اول مره تعبر عليه مثل هيج شغلات

جمان: زين انته ليش محاجيت بالاول وياه علي ومفتهم من عنده سالفه يجوز يحبها صدك

زيد: ههه لج بابا شنوو يحبها اكثر شخص اني اعرفه العلي كاضيها يضحك على بنات ناس ولو فعلاً يحبهاا ويريدها جان خطبها مني ونطيتهيه بدون تردد

جمان: لتعصب الله يخليك لايروح يصيرلك شي

زيد: اششش جمان اششش

جمان: ردت احجي وماحس اله صوت صياح نكلب كلاب بلبيت

زيد:خلال هلشهر لاحضت تصرفات غفران متغيره كلش هنه عرفت اكو شي ولازم اعرفه
ردت احاجي ابوي بعدين بطلت كلت لا لازم انه افتهم شني سالفه
وفديوم خابرني صديقي موسى الي هوو بنفس الوقت يصير صديقي وصديق علي

-وصلت للمكان الي تفقنه اني وموسى نتقابل بيه لان هو كلي عندي موضوع مهم وياك تفقنه على مكان ورحتله

زيد: شلونك عيني ابو مريم

موسى: حبيب كلبي زيودي الحمدلله انته شخبارك تفضل اكعد يخوي

زيد: فدوه الكلبك اخوي والله ماشي الحال انته شني اخبارك

موسى: والله شغل وبيت ولعبان نفس الله وكيلك

زيد: چا شسوي كلنه هيج هههه

موسى: شلونك بزواجك نشالله مرتاح

زيد: الحمدلله

موسى: الحمدلله شنوو تحب تاكل نزلك

زيد: لا حبيبي ماشتهي والله وماكل وطالعه من خشمي هههههه

موسى: هههه الف عافيه چا خنزل عصير

زيد: خايب احجيلي شني سالفه الكتلي مهمه عفت كومه شغل وراي وجيتك

موسى: والله ياخويه مادري شلون ابديلك بسالفه بس يشهد ربي لان انته عزيز عليه لازم اكلك ماريد تشوه سمعتك اخوي انته الي يأذيك يأذيني

زيد: احجي خويه فدوه الكلبك شنو هل موضوع الي يهدد سمعت ال******

موسى: خويه بس فدوه بدون عصبيه

زيد: موسى تره وحك علي اكثر شي اتنرفز منه من شخص يفتح وياي موضوع ويضل يلف ويدور احجي اسمعك

موسى: تره خويه علي يحجي وياه اختك انتبه دير بالك احنه كلنه ندري علي سليت ويضحك على البنات

زيد: ههههه شنيي موسى شهل حجي ماسمحلك جيب طاري عرضي على السانك حتلو انته رفيجي وصديق عمري

موسى: خويه وداعتك شاهد الله انه لو ماحبك وخاف عليكم واخاف على خواتك مثل اخواتي جان ماجيتك وكتلك

زيد: خوش موسى جزاك الله خير مقصرت

موسى: زيد شراح سويي ادري بيك مراح تسكت

زيد:( بعصبيه) ولكككك چا شني تريدني اسكت بعد الي سوه بيه هذا ساقط بسيطه وحك علي اله اطلع حليب امه من خشمه

موسى: خويه زيد تهده برحمان

زيد: بدون كلام رحت لسياره شغلتهاا ونطلقت بيها العلي
ذكرت كلشي بيناتنه كعداتنه وسوالفنه وضحكنه هيج تالي متالي يجي ويغدرني لا ويامن وياه عرضي يي هوو حقير ميتأمن بيه شلون اني امنت بيه وخليته يجي البيتنه وثقيت بيه بس هوو صدك لو كالو الياكل زادك يعايدك ذكرت مره من كلي يي اني اضحك على البنات

عوده للماضي....

زيد: گاعد يم جماعتي وفكرر بجمان هففف شنوو الي ديصير وياي هلفتره
معقوله احبهاا لا اكيدد لا ماحبهاا اني احنه تفقنه صداقه صح هيه زوجتي بس ماحبهاا يي اكيد ماحبهاا بس ياربي شنوو هذا شعور الي جاي احسه تجهاهه بحيث وين ماروح شاغله بالي وتفكيري واحس كلبي ينبض بسمهاا

علي: (صديق زيد) احممم وين صافنن ولك خاف عاشك نوب

زيد: نچب يخوي شوف روحك يوميه وياه وحده

علي: يي چاا خياي شبيهاا دنيه هوو عمر وعايشينه مره وحده

زيد: چا يبعد اخوك تضحك على بنات ناس

علي: چا انته موو حبيت نرجس وضحكت عليها مزوجتها

زيد: انچب ولك زلمه انه ماضحك على بنات ناس ونرجس موو بارادتي عفتهاا وچنت واعدها بزواج بس قدر الله وماشاء فعل مات اخيي وطريت اعوفهاا

علي:(بعصبيه) چا انه كدامك موو زلمه ولك

زيد:(بخشونه وعصبيه) صوتك لاتعلي لاجسرك جسررر خايس طايح الحظ

علي: هاي شمالك بعد اخوك شني ماتشاقه انته

زيد: علي فدوه العمرك كلشي ولاهيج سوالف ولعب بنات ناس كلش اكره هلشي

علي: ها هيه خياي انسه سالفه

عوده للحاضرر.....

زيد: اضنه سوه هيج بعنادي لان صار جدال بيني وبينه بس بسيطه ياعلي اله اكره دنيه بسيطه تندك وياي اني اعلمك

خابرت عليه كتله بلمكان الي دائماً نكعد بيه نص ساعه واجه

علي: سلام عليكم شلونك خايب مشتاقين

زيد: اول مامدلي ايده لويتهاا وخليتها وراه كضيته نمت ع صدره وخليت دم من كل صوب

علي: ولك زيد شمالك اخخخ ولكك زيد شبيككك خررب ولك اليوم انعل والديك

زيد: اششش ولك سرسري سربوت خنت الملح وعشترنه وكعدتنه اني وياك رحت تحجي وياه اختي كواد اليوم اكضي بيك توبه

علي: ههههه بدال مكاعد تضربني روح اضرب اختك الي كتلت نفسهاا علمود بس تحجي وياي ههه

زيد: ولك حقيرر جاي تستفزز بيه

ضربته ضرب الحد ماغمه عليه وجوي ناس وخروني عنه شغلت سياره ورحت البيتنه وكضيت بغفران توبه

جمان: صوت بره صار كلش عالي
طلعنه اني وزيد نركض لكينه عموو لازم غفران وطايحلها ضرب وخالتي وجميله يصيحن ويبجن

زهره: ولك يمه زيد ابوس ايدك وخر ابوك عن اختك بعد مال حيل اوكف

جمان: زيد فدوه وخر ابوك عن اختك الخاطر امك

نحجي وياه زيد ولاگأنما نحجي وياه
الحد مشفنه عمتي وكعت بلكاع ماعت روحهاا

زيد: يمه اشبيجججج ولجج جمان ركضي جيبي مي

جمان: ركضت اجيب مي وعموو ابو زيد وخر عن غفران وراح يركض العمتي لان كلش يحبها  وميتحمل يصيرلها شي

جمان: جبت مي نطيته زيد شرب ذب على وجهه شويه صحصحت نوب كوه مشت للغرفه

جمان: جميله اخذي اختج للغرفه وسدي عليها الباب خطيه شوفي شصار بحالها

جميله: بس خيه امي

جمان: معليج حبيبتي اني يمهاا

خذت جميله اختهاا للغرفه واني رحت وراه زيد الغرفة عمتي نومها ونطاهاا علاج وطلع بقه عموو يمهاا

راح زيد للغرفه

زيد: جمان تعالي لهنه

جمان: صاحني زيد اجي يمه واشرر على حضنه يااعزا هذا اشبيه

زيد: اشبيج صافنه موو جاي اصيحج

جمان: هاا بس شلون

زيد: شنوو شلون غير انتي مرتي تعاي يله

جمان: خاف اعترض ويبقه يصيح مالي خلكه

زيد: اجتي جمان نامت يمي ماعرف شنوو جاي اسوي بس كلش محتاج ارتاح بحضنها

جمان: رحت يمه وماحس غير بس جرني الحضنه وحضني حيل

زيد: افيشش شنوو هاي ريحة شعرج
احب شعرجج حيل ياابعد عروك كلبي دير بالج تكصي اكصج وراه وحك علي

جمان:(بكلبهاا) عزا هذا شبيه

زيد: جماني

جمان:(بارتباك) هاا زيد

زيد: محتاج حضنج لترحين

جمان(بارتباك) لا باقيه ماروح

زيد: جمان تدرين انتي شكد حلوه اخاف عليج شلون راح اخليج طلعين وداومين

جمان:(بفرح) يمته اداوم هواي مشتاقه للدوام

زيد: داومين يروحي داومين واني اخذج وبحيل الله اخليج تحققين حلمجج

جمان: اكيد زيد تخليني

زيد: چا شني ماعندج ثقه بيه

جمان: لاعندي ثقه واثقه منك راح تخليني احقق حلمي

زيد: چا هاهيه بويه عوفيهاا وراي

جمان: شگراً زيد شكراً كلش هوايي

زيد: اشش ماحب رسميات

جمان: ردت احجي واجه زيد تصال

زيد: الوو منوو

جمان: اول محجه هل كلمه بصياح ويكول انتي شنووو متوبين موو كتلج لتتصلين عليههههه

يتبع....

#فصليه لاجل والدي

بقلم الگاتبه/طيبه عباس

اتمنى ينال اعجابكم البارت اسفه على تأخير اتمنى تقدرون ضروفي❤❤

احبكم كلش هواي ربي ليحرمني منكم🙏🏻🌹❤