رواية فصليه لأجل والدي الفصل الثاني عشر 12 - بقلم Teaaba Abass

تصويت +متابعه❤

كعدت صبح على صوت صياح وجان اسمع

زهره(ام زيد): ولكممم اخوها چاتل ابني ومخليهاا بيتي مستحيل تبقه بهل بيت طلعوهاا بره من اول بداية عترضت وماردتها فصليه شني غصباً على راسهم يدفعون فصل شنوو بكيفهم

فصيل: خايبه شمالج دسكتي لاطيحين علينه
هاهيه البت اجت وصارت وحده من عدنه

غفران: بويه تحجي صدك اخوهاا جتل اخونه وجايه هسه كاعده بيتنه بكل عين صلفه

فيصل: ونتي ولج منوو تردين شور والكول بكيفج هاهيه البت من اول ماعتبت دارنه صارت وحده من عدنه وكافي سوالف يله

جمان: گاعده بلغرفه اسمع الكلامهم ودموعي تجري وف ياربي يمته ارتاح تعبت يااللهي تعبتتتتتتت

زيد: گعدت من نوم وجان اشوفها تبجي
-خير بويه اشبيج تبجيننن من صبح

جمان:(بكلبها) هههه والله ياالله صار مهتم الافندي
-مبيه شي رايحه اغسل

زيد: راحت تغسل وبقت عينه وراها شبيها تخبلت كعدت من صبح تبجي يجوز مشتاقه لاهلها
هسه اني شدخلني شو خل اروح اغسل

جمان: اذب المي على وجهي في سبيل عيوني ميبقن هيج يجرن كلام ام زين كلش أذاني حسيت نفسي مستثقله عليهم واصعب شعور يصيب الانسان من يحس نفسه مستثقل على احد
بين ماني احجي وياه نفسي سمعت صوت زيد يدك بلباب

زيد: يله يمعوده فضيها اريد اغسل

-يي خلصت هسه طالعه
سديت الحنفيه وطلعت لكيته واكف بلباب بقه شويه صافن بوجهي يجوز بين على وجهي جنت ابجي

جمان: كعدت على الكرويته وكلش مستحيه شلون اطلع واواجهم وفوك كل هذا حجي ام زيد اليسم البدن

زيد: طلعت من الحمام وبعدهاا على كعدتهاا
-ماطلعين بره تشتغلين تتريكين شكوو لسه بلغرفه

جمان:(بكلبها) يربي هسه شجاوبه
-احم يي هسه راح اطلع بس كلت نطلع نتريك سوه موو احسن

زيد: چا بويه كومي سوي ريوك هسه اني شويه واجي بين مامشط شعري

جمان: هاا لا خل نطلع سوه احسن
عكد حاجبه وباوعلي بنضره تساؤل بس اني بسرعه بعدت وجهي عنه

زيد:(بكلبه) شبيها هاي البت والله راح تخبلني من اول يوم الها وف استغفر الله ربي واتوب اليه خل نشوف وين تصفه وآلله كريم

جمان: كمل زيد لبس دشداشه مخصره تخصر عليه لونها اسود وشعره ناعم يجنن وخله عطرر يدوخ كلش ريحته طيبه اذا اني هيج فاكه حلكي عليه شلون لعد البنات التشوفه
الله يطيح حظج جمان دمشي لالطمج على وجهج

زيد: ولجج جمان وين صافنه صارلي ساعه اكلج يله امشي ونتي صافنه بوجهي شبيج وضعج ابد معاجبني

جمان:(بكلبها) يبووو شلون ورطه هاي شجاوبه هسه
-ها لا هيج ماكوو شي بس شردت اشويه

زيد: اها دمشي بويه امشي كتلني اليوع بساع سوي اكل

جمان: ضحكت من كال اليوع بس فدوه شكد حلوه بحلكه يجوز لان متعود يكولهاا

طلعنه من الغرفه وميته خوف ياربي ساعدني فدوه ماعرف هلبيت والعايشين بيه دخيلك ياللهي خل اتأقلم وياه وضعهم

دخلنه للصاله وكلهم جانوو كاعدين يتريكون ووجوهم مدري شبيهاا مطايقين وجودي ابدد

زهره: صلوات كعدت الخاتونه يله لج امشي سوي ريوك رجلج وابدي اشتغلي بلبيت

زيد: يمه علكيفج وياها هسه بس تسوي ريوك تبدي تشتغل

زهره: ها يبعد امك شوو من اولها صفيت وياها

زيد: يمه فدوه اروحلج اني روحي طالعه مالي خلك للمشاكل

زهره: ياحيف والله زيد ياحيف

زيد: يمه شجاج شحجيتت

جمان:اسمع الكلامهم ودم نشف بعروكي كلش ضجتتتت يربي معقوله ام زيد شالت بكلبها على زيد من وراي

نفضت الافكار من راسي ودخلت للمطبخ بديت اسوي ريوك جسمي يرجف ماعرف ليش
خليت طاوه على طباخ وجبت طاسه اريد اطك البيض وجان طاسه توكع تنكسررر

غفران: هاا شسالفتج بعدنه من اول يوم وبديتي تكسرين بلغراض

جمان: اسفه والله موو قصدي هسه الملم الهوسه

غفران: يي غصباً على راسج تلمين الهوسه چا دادا شتردين اني المهاا ودير بالج مره ثانيه اذا نكسر مرة الاخره شي من البيت ياويلج صار مفهوم ولج

جمان: حسيت الساني نربط ماعرفت بعد شجاوبها بس طلعت من عندي كلمت صار
نوب هيه خزرتني وراحت

-طلعت طاسه ودموعي بدت تنزل ليش هلبهذال ياللهي اذا جان هذا اختبار ياالهي فاختبارك كلش صعب
حضرت الريوك وصحت زيد يجي يتريك بلمطبخ ماريد اطلع يمهم كلش استحي

زيد: كاعد يمهم وبالي يم نرجس كلش جرحتها وهيه متستاهل هلشي بس شسوي امر مو بيدي وزوجت جمان غصب عني

فيصل: اكول بويه اليوم تروح وياي للشركه مال النفط مدري شصاير هناك والعمال خابروني ولازم تجي انته وياي

زيد: يي بويه صار بس شني ماعرفت صاير

فيصل: لا والله يبويه مدري بس خابروني كالوا تعال اول تالي يخابرون همه دائماً يشتغلون وربح يوصلنه

زيد: چا بويه نروح ونشوف شني شصاير

-كاعد اسولف وياه اهلي وسمعت جمان صيحني اجي اتريك

زيد: جمان جببي ريوك للصاله بساع

جمان: وف ياربي هسه شلون والله استحي

زيد: يله بويه اريد اطلع شجتج هيه بيضه صارلج ساعه

غفران: يي والله زيودي هاي مرتك كلش فاهيه مساع لكيتها كاسره طاسه

زهره: اشبيها هاي بعدها من اولها وهيج فهاوه وتكسير

فيصل: ممتعوده على البيت بويه شبيكم كلتوها حاصل فاصل

جمان: اسمعلهم ودموعي تجري هاي من بدايتها وهيج ديعاملوني شلون بعد كم يوم
مسحت دموعي وطلعت نطيت الريوك زيد

زيد: شني چا ماتاكلين

جمان: لا ماشتهي اكل انته الف عافيه

فيصل: كعدي بويه اچلي وياه رجلج هذا اچل خير من الله

جمان: استحيت كلش من عمو فيصل فكعدت اجاملهم بالاكل

زيد: اتنوعلها متاچل تاخذ الاچل منه وترده منه
-بويه شمالج دچلي

جمان: ها يي هاي داكل

زهره:فضيهاا ماعدنه وحده تاچل على كيف ورانه شغل منكعد ننتضرج يمته تكملين حضرة جنابج اگل

جمان: يي عمه گملت

زهره: مدام كملتي يله كومن خل نشتغل بلبيت

جمان: بيتهم جبير ياربي شيخلصه هسه هذا بس ولوو اني تعودت على شلاع الكلب

رحت انظف وياهنن ونگسر ضهري كسر بتنظيف
وهنه الله جابها الهن خلن شغل كله عليه متتت اله كملت

زيد: رحنه اني وابوي للشركه والعمال كاضينها واحد يصيح على الثاني
-خير نشالله شكوو شصاير هنه عليمن هلصياح

العامل: استاذ فدوه العينك ذوله مجاي يشتغلون بضمير وهلفتره هواي خساير بسبب عدم اهتمام البعض للشغل

زيد: يصير خير نشالله احنه هلفتره منطين بعض العمال كامل صلاحيه الهل سبب صاير عدهم اهمال بشغل

فيصيل: بويه زويد تهده برحمن على كيفك وياه العمال نشالله همه منه وجاي يشتغلون خوش شغل ادري بيهم سباع ولدي مينخاف عليهم

العمال: شكراً جزيلاً شيخنه

جمان: بعد ماكملت تنظيف رحت سبحت واسحل بنفسي سحل من تعبب

زهره: اشبيج بقيتي سحليني بروحج چا يمه هذا شغل كله تعب بتعب وبعدج مشفتي شي بعد لازم تحلبين لهوايش لازم اعلمج عليهنن ونوب تبقين وحدج تحلبيهن وسوين كيمر زبد

جمان: فتحتت عيوني بصدمهه شنووووووو

غفران: ههههههه چا شني ولج تردين تكعدين بلبيت ونكابل جهرتج عود شفتي بيتنه جبير وحلوو عبالج كلشي معدنه من شغل لايبعد عمري عدنه بيت خاص للحلال

جمان: هاا بس اني ماعرف

زهره: لاطلعين حجتج بلماعرف اني اعلمج مره مرتين نوب انتي تبقين تتعلمين وحدج

جمان:( بكلبها) وف ياربي يمته ارتاح ليش كل هلشي ديصير والله تعبت وفوك كل هذا مشتاقه لاهلي كللششش

زهره: ها شو صفنتي جنج معاجبج الوضع

جمان: لا عمه اتعلم نشالله بمرور الوقت

زهره: چا غصباً عليج تتعلمين شنوو تردين شلعين كلبي

جميله: يمه على كيفج وياه البنيه خطيه حقها متعرف لان توها شايفه هيج

غفران: ونتي خيه طالعه محامي دفاع بيها

جميله: شبيج غفران وحدج متنرفزه عوفي البنيه بحالها

غفران: لاتنسين يلخاتونه ترى هاي الواكفه جدامج اخوها چتل اخونه بدم بارد

جمان: يي ودادا هيه شلها غرض بلسالفه اخوها چتل مو هيه البت الي چتلة اخونه

زهره: بس ولچن كافي نكره تتناكرن بيناتجن على هاي وهيه منوو وتخربن خوتجن علمودهاا

جمان: اسمع كلامهن ودموعي تجري وكلام عمتي مثل سجينه والنغرست بكلبي رحت اركض للغرفه ودموعي بعيوني

جميله: حسبي الله ونعم الوكيل بيج غفران

غفران: دمشي خيه امشي من وجهي صايرتلي محامي دفاع على وحده متستاهل

جمان: حظرت ملابسي ودخلت للحمام وياه كل قطرة مي توكع على وجهي دموعي تنزل بيهاا ياللهي شوكت ارتاح اريد اضوك طعم راحه حتلو شويه ياالهي دخيلك

طلعت من الحمام نشفت شعري وكعدت امشط بيه
وف يربي شعري موتني هسه احطه وكصه متت منه

زيد: طلعت من الشركه كلش ضايج رجعت للبيت لان محتاج مستمسكات تخص شركه
دخلت للغرفه وجان اشوف جمان طالعه من الحمام بقيت صافن على شعرها سرح وطويل وناعم وزاعجها سمعتها دكول ريد كصه

-علمود تنكصين وراه اذا لمستي شعرج

جمان: يمه جمدت بمكاني من كال هيج كمت على حيلي

- انته هنه موجود من شوكت اجيت

زيد: توني وشعرج شنوو بويه تردين تكصي

جمان: مو شسمه كلش مضوجني فاكلت اكص منه

زيد: حلات البنيه بشعراتها ونتي جنج برغي يلوكلج شعر طويل

جمان: هههههه شنوو

زيد: وجع شعرج دير بالج تكصي اكصج وراه

جمان: يي ماكصه

زيد: هههههه عفيه

جمان: كعدت وبقيت افكر بكلام زيد
شنو هو شعلي بشعري وفوكاها يكول جني برغي والله يالله عود يعيب عساس هوو بجمالي يي هو حلو بس اكيد ميوصل جمالي
بقيت امشط بشعري وحجي بيني وبين نفسي شويه وسمعت اصوات بره مبين اجاهم خطار

زيد: طلعت من الغرفه ردت اطلع علمود اودي المستمسكات للغرفه اول مطلعت شفت بيت خالتي اجونه وياهم نرجس

اخخ كلبي مدري شصار بيه من شافها احبهااا مجاي اكدر اطلعهاا من بالي ومن شفتهاا نهد حيلي صايره شحالهاا والوجه اصفررر

محمد (ابو نرجس): شلونك زيودي شخبارك

زيد: هلا عمي شلونك شخبارك تفضلوو دخلو جوه

افراح( ام نرجس): شلونك خاله زيودي

زيد: الحمدلله خاله انتوو شلونكم

نرجس: شلونك عود

زيد: اشبيج تحجين من وراه خشمج

نرجس: مبيه شي

افراح: عذرها يمه شويه نرجوسه تعبانه

زيد: فوتوو جوه تفضلوو

محمد: زاد فضلكم بعد عمك

فيصل: سلام عليكم شلونك ابو نرجوسه

محمد: هلا خويه الحمدلله انتوو شلونكم

فيصل: ع الله خويه شلونج ام نرجوسه

افراح: الحمدلله خويه بخير

فيصل: شلونج نرجوسه عمي وين شوو هلفتره ماكوو وشوو تعبانه مبين عليج

نرجس: يي والله عموو تعبانه هلفتره شويهه

زهره: هلا بيج خيه شلونج شوو هلفتره ماكوو لاتبينين لاتجين

افراح: والله خيه بهدنيه

زهره: هلا بيكم يي شلونك ابو نرجوسه

محمد: ع الله خويه الحمدلله

جمان: كاعده بلغرفه واسمع الكلامهم وكلش استحي اروح اسلم عليهم

زيد:(بكلبه) اكيد جمان مراح تجي سلم عليهم بس خل اروح اجيبهاا لهنه اني بنفسي احسن

جمان:كاعده اطكطك بصابعي من توتر كلش استحي اروح اسلم عليهم

زيد: شني بويه مناويه دكومين سلمين علوادم

جمان: هاا.. استحي اروح اسلم عليهم

زيد: امشي جدامي بويه منين مستحيه انتي مدام صرتي حرمتي فاحسبي اهلي اهلج خوش بويه يله البسي حجابج ونزلي جدامي وعوفي هلمستحه على صفحه

جمان: لبست حجابي وطلعت وياه من الغرفه طلعت اسلم عليهم

-سلام عليكم

الكل ماعده نرجس وام نرجس: وعليكم السلام

جمان: ردوو سلام ماعده ثنين ماعرفهن لمهم شسويلهن المهم سلمت بس هنه مردن
كعدت يم زيد لأن كلش خجلانه منهم

زيد: اشبيج بويه عوفي الخجل شكلتلج اني مساع

جمان: بعدني محاجيه وصاح عموو فيصل جاي

جمان: يي عمو اني رايحه اخدر جاي
عفتهم كاعدين ورحت هففف واخيراً كمت من يمهم اني اريدلي حجه علمود بس اكوم عنهم ههه جاي خوش اجه الي حجه علمود اشرد لان حسيت اكو بنيه وياهم كلتنه اكل اني وزيد بنضراتها تباع عليه وتباع على زيد

افراح: شني خيه هاي الخذتوها فصليه

زهره: يي خيه هيه هاي عابت خلقتهاا وزولها مردتها اني تدرين بيه خيه جنت رايده نرجوسه بس اوف من فيصل ولاينكدرله ونجبرنه ناخذها فصليه

افراح: ياا يخيه شوفي بعينج حال بنيتي نرجوسه بعينج لااكل ولاشرب واليوم موتت نفسهاا اله تروح شوف زيد وتحجي وياه

زهره: الله يهدي كلوبهم

افراح: امين خيه امين

زيد: كامت جمان من يمي وحسيت جاي اجاها حجه علمود تفلت بس حقهاا ممتعوده على عايلتي اكيد مالومها

محمد: يي بويه زيودي شخبار شركه

زيد: والله عمي هلفتره وضعها تعبان العمال مجاي يشتغلون بيهاا بضمير

محمد: چا بويه مدام العمال مو خوش طلع ولدي وياك هم يعرفون وهم منك بيك

زيد:(بكلبه) اهاا فهمتهاا سالفه وف من هلوادم كل واحد يدك على مصلحته

محمد: هاا عمي شكلت

زيد: يي عمي يصير خير

جمان: واكفه اخدر جاي وجان اشوف هاي البنيه جانت كاعده يمهم وراي

نرجس: هاا ولج فرحتي عبالج زيد صار الج تحلمين تحصلين شي من زيد وتحلمين زيد يحبج بكد مايحبني

جمان: فتحت عيوني بصدمه معقوله هاي حبيبة زيد

نرجس: هيوو وين صفنتي باعي حبي خل احذرج واكلج كلام خلي ترچيه باذنج زيد يبقه الي يعني الي وتحذير اطلعي من هذا البيت من كرامتج احسلج لان مستحيل طولين بيه واني بعدني عايشه

جمان: ليش انتي منوو وجاي تهدديني

نرجس: اني حبيته الاولى والاخيره زيودي ومستحيل يحب وحده غيري

جمان: باعي لاانتي ولازيد تهموني اني اجيت الهذا البيت غصب عني واتمنى اليوم قبل باجر علمود اروح وخلص من هل عيشه

نرجس: لاتخافين مدام اني موجوده طلعين من هذا البيت يعني طلعين وزيد الي وبسس تحلمين تاخذي ويصيرلج زوج وينطيج كامل الحقوق

جمان: واني ماريد لاحقوق ولا حب زيد واعيدلج كلامي تره اني مكاتله نفسي علمود ابقه كاعده بهذا البيت اتمنى اطلع من عنده اليوم قبل باجر وخاف عبالج جمان تطلع بدون كرامه لاعمري غلطانه ماعاش اليذلني ويقلل من احترامي وكرامتي واني بت ابوي

درت وجهي عنهاا وبقيت اصب جاي ماحس اله شالت الاستكان جاي وشمرته على ملابسي

جمان: اخخخخ يمههه حتركت

يتبع........

#فصليه لاجل والدي

بقلم الگاتبه/طيبه عباس

لاتنسون تصويت+متابعه واعتذر على تأخير البارت

احبكم كلش هواي❤❤