رواية فصليه لأجل والدي الفصل الثالث عشر 13 - بقلم Teaaba Abass

تصويت+متابعه

درت وجهي عنهاا وبقيت اصب جاي ماحس اله شالت الاستكان جاي وشمرته على ملابسي

جمان: اخخخخ يمههه حتركت

زيد: كاعد يمهم واسولف وماسمع غير بس جمان دكول يمه حتركتت
رحت اركض وجان اشوف جمان كاعده وتبجي من كل كلبهاا

جمان:(بدموع) زيد زيددد حموت

زيد: اهدي بويه اهدي هسه اخذج للمستشفى
-ولججج جميله جيبي حجابها بساع وعبايتها

زهره: چا اشبيج متعرفين اكوو واحد ميعرف يصب جاي

جمان:(بدموع) عمه والله هاي نرجس شمرت عليه جاي والله

افراح: انجبي ولج شني بساع تبليتي على بتيي ماصارلنه كم ساعه من اجيناكم

نرجس: خير يمه شنو جاي يصير هنه

افراح: لج باعي هاي صلفه جاي تتبله عليج ودكول نرجس ذبت عليه جاي

نرجس: عزاا بعينج ولج جنت بلحمام اغسلل بساع تبليتي علينه غير مره صلفه

زيد:(بحده وعصبيه) نرجسسسس لسانججج ولاتنسين الي جاي تحجين عليها حرمتي

نرجس: يي اني شس....

زيد: بسسسس ماريد اسمع صوت

نرجس: شنو زيودي بس لامصدك بيها

جمان:(بدموع) زيدد فدوه راححح اموت

زيد: لججج جميله وين صرتييييي

جميله: يي زيد اجيت جنت ادور عليهن مادري وين مخليتهن

زيد: جيبي بويه فضيها

جمان: زيد ماكدر امشي فدوه راح اموت زيددد

زيد: حاولي تمشين بويه بس نوصل لسياره يله كومي

جمان:(بدموع) ماكدر زيد والله ماكدرررر

زيد: يابه ممكن طلعون بره اريد اشيل حرمتي

جمان: لازيدد شلون شيلني

زيد: بويه شوو سكتي

جمان: سكتت عنه لان بذاك الوقت اريد بس الالم يروح

زيد: لبست عبايتها وحجابهاا وشلتها وطلعت بره

-اوكفي هنه هسه بساع اجيب سياره ونروح

جمان: زيد فدوه بسرعه لاتتأخر احس راح اموت من الالم

زيد: رحت جبت سياره بسرعه وكفتها وصعدت جمان واختي جميله خذتها وياي

جميله: زيد خويه ستعجل حرك جمان كلش قوي

زيد: يي خويه هاي جاي امشي كل سرعتي شسوي بعد

جمان: حسيت نفسي كمت اموت على البطيء الالم مواني وكلشي اله الم الحرك بقيت اردد باسماء اهل البيت بيني وبين نفسي عسى ولعل يخف الالم اشويه

زيد: اسوق وتنوعلها من المرايه تلوج بسياره مبينه كلش متأذيه

جمان: احس طريق صار شطوله وروحي بقت تطلع متتت اله وصلت للمستشفى

زيد: يله جمان انززلييي
لج جميله ساعديهاا خل دكوم

جميله: خويه جمان فقدتتت الوعييي

زيد: شوو بله ازلفي عني خل اشوفهاا شتحجين انتي

-بويه جمان اكعدي وصلنه للمستشفى

جميله: خويه شلون مجاي تكعد

زيد: وكفي هنه هسه بساع اجيب ماي واجي

جميله: بساع خويه فدوه اغديلك لاتبطي

زيد: رحت اجيب ماي وبالي كله يمها ياربي معقوله نرجس سويها وتحرك البت
هفففف هسه بس خل صيرر زينه حركها مبين قوي

نفضت الافكار من راسي وجبت ماي

زيد: هاج خويه هاج ذبي عليها ماي

جميله: يي نطينياه

جمان: فتحت عيوني غواش ومي على وجهي وصوت يصيح جمان اكعدي
فتحت عيوني على الم كلش قوي

جميله: زيد يي الحمدلله كعدت جمان

زيد: يي الف الحمدلله يله بويه كومي

جمان: ماكدررر تعبانه

زيد: بس كومي هذا يا المستشفى
يله عفيه بسباعيه

جمان: كوه كمت من سياره احس الالم يسعر بكلبي

زيد: نزلت من سياره وبسرعه دخلنه للمستشفى اخذوها للغرفه علمود يعقمون ينضفون جرح

جمان: دخلوني للغرفه وبدو يشتغلون ع الحرق كصوو الجلد المحترك شفتت الموت بعيوني بحيث من كثر الألم والعياط اغمه عليه

زيد: واكف بره وصوت جمان يدك براسي
مبين الحرك كلش قوي بس اويلي اذا طلعت نرجس وراه شغله اريد اشوف ياكواد يخلصها مني

جميله: وف خطيه زيد اسمع شلون صيح

زيد: چا شبيدي عليها خويه

جميله:زيد اني متأكده نرجس الي ذبت عليها جاي

زيد: ونتي شمدريج شني جنتي يمهن

جميله: لا خويه مو قصة يمهن بس هنه جانن بس ثوينهن بلمطبخ قابل جمان شيل جاي وذبه على نفسها اكيد وراه سالفه نرجس

زيد: خل دكوم جمان بخير وسلامه ويصير خير نشالله

شويه وطلعت دكتوره منهاا

زيد: هاا دكتوره بشري شنوو وضعها

دكتوره: حركها قوي خطيه ومتأذيه بس لاتخاف صير زينه اكو ادويه وعصارات كتبتهن الممرضه جيبهن مم بره

زيد: يي دكتوره صار

دكتوره: اكوو علاجات طبيعيه مجربه كلش زينه سووهن الها بلبيت

زيد: يي دكتوره شني ذني العلاجات علمود نجيبهن الهاا

دكتوره: الكمادات الباردة ...
هلام الصبار ...
العسل ...
الفانيليا ...
أكياس الشاي الأسود ...
الخل الأبيض ...
الحليب

زيد: شكراً جزيلاً دكتوره مقصرتي

الدكتوره: ولو تدلل واجبنه هذا

زيد: نكدر نشوفها هسه

دكتوره: حالياً نايمه خليها تصحه ونشالله تكدرون شوفوهاا يمته متردون

زيد: رحت جبت الوصفه مال علاج واجيت لكيت ايات داخله يمها جوه بلغرفه

جمان: صحيت وغواش بعيوني بس الم خفيف اشوه من الالم الي حسيت بي وهمه يعقمون بجرحي

جميله: الحمدلله على سلامتج حبيبتي جمونه

جمان:(بصوت خافت) الله يسلمجج

زيد: احم سلام عليكم شلونج جمان هم تحسين بالم

جمان: اكوو الم بس احسن شويه من الالم الي حسيت بيه اول بداية الحرك

زيد: الحمدلله وشكرر مابيج غير العافيه نشالله

جمان: شگراً آلله يعافيك

زيد: راح اروح اجيبلكم اكل واجي ابقي هنه ايات يم جمان

جمان: ماشتهي زيد لاجيب شي

زيد: شلون بويه متاچلين وراج علاج واحنه هم مماكلين خل ناچل ونروح للبيت

جمان: زيد اذا اطلب منك طلب ماراح تردني

زيد: كولي بويه شنوو طلبج

جمان: أريد اروح البيت اهلي فدوه اخذني الهم مشتاقتلهم هواي

زيد: جا بويه ترحين بهذا وضعج لازم طيبين واني اخذج الهم

جمان: بس زيد

زيد: جمان لابس ولاشي طيبين واخذج الهم ولازم اعرف الحقيقيه شني خوش

جمان: تمام

زيد: جميله دير بالج عليها بين ماجيب اكل

جميله: روح خويه اني هنه يمها

جمان: راح زيد يجيب اكل
ومنه الم كلبي والم الحرك ماريد اروح البيتهم شتاقيت البابا شتاقيت الكلشي بيهم تعبت اريد اشوفهم وففف ياربي

جميله: ها خيه وين صافنه شني جاي تحسين بالالم

جمان: يي جاي احس بالم بس احسن من الم اول بدايه

جميله: الحمدلله خيه مابيج غير العافيه

جمان: فدوه أريد اصلي اخذيني للمغاسل

جميله: خوش خيه بس صلي ونتي كاعده لان مو زين تنحنين من صدرج

جمان: يي عمري اعرف بس خذيني خل اغسل

جميله: چا كومي يبعد اختج

جمان: فدوه الكلبج متقصرين حبيبتي

جميله: ولج جمان تدرين من اول ماشفتج حبيتج يمه فدوه للوجه البريء

جمان: ههههههههه اخجل ولجج

جميله: ويي يابه تخجل

جمان: ههههههههههه

وصلنه للمغاسل غسلت وتوضيت وايات هم غسلت وطلعنه من المغاسل

زيد: اخذت اكل ورحت للغرفه

دخلت للغرفه لاجمان ولاجميله موجودات دخيلك ياربي وين راحن البنيات

جميله: ولج جمان اضن زيد وصل للغرفه ومالاكانه هسه يكول وين راحن هههههههه

جمان: يي والله صدك

جميله: هسه نحصلنه رزاله مرتبه ههههه

جمان: ههههه يله امشينه بساع

زيد: خرب ذني وين راحنن

جمان:وصلنه للغرفه وزيد ماهو

جميله: ولج اشو ماهوو معقوله بعده مجاي

جمان: لا لج باعي ذول العلاليك الاكل

جميله: يا جاي بس لاراح يدور علينه

جمان: جميله فدوه تعبت اريد انسدح على سديه

جميله: يي خيه تعالي اساعدج تنامين

زيد: بقيت ادور عليهن بلممرات ماخليت مكان مدورت عليهن ذني وين راحن
خل ارجع للغرفه بلكي الكاهن

رجعت للغرفه وجات الكاهن كاعدات

-صكد جذب بويه صارلي ساعه ادور عليجنن وين جنتن

جميله: خويه رحنه غسلنه وجمان تريد تصلي

زيد: چا بويه غير دكوللي قبل لاترحنن

جميله: نسينه

جمان: جميله جيبي سجاده من الفراشه الواكفه بره فدوه اريد اصلي

زيد: جا بويه بساع خل نصلي كلنه علمود نكعد ناچل خوش

جمان: تمام

فرشت سجاده وكعدت اصلي واني كاعده وماكدر اسجد ولاشي لان الحرك كلش قوي والم احسه يسعر بكلبي كملت صلاة وكعدت ادعي ربي يخفف عني الالم لان الم كلش قوي

دعاء للمريض بالشفاء العاجل: «اللهم إنا نسألك بأسمائك الحسنى وبصفاتك العلا وبرحمتك التي وسعت كلّ شئ، أن تمنّ علينا بالشفاء العاجل، وألّا تدع فينا جرحًا إلّا داويته، ولا ألمًا إلا سكنته، ولا مرضًا إلا شفيته، وألبسنا ثوب الصحة والعافية عاجلًا غير آجل، وشافِنا وعافِنا واعف عنا، واشملنا بعطفك ومغفرتك، وتولّنا برحمتك يا أرحم الراحمين»

قريت الدعاء وشفت زيد وايات مكملين صلاة

زيد: يله جمان تعالي اچلي علمود نروح للبيت

جمان: كعدنه ناكل وزيد صافن على وجهي

زيد: ماتاچلين تنكشين بالاچل

جمان: ماشتهي والله

زيد: أريد اني اسويلج لفات وارد اشوف هاي الماتشتهين شني بله

جمان: هههه ماكدر والله

زيد:(بخزره) لا موش على كيفج

جميله: احم احم نحنُ هنه هههههه

زيد: وهرش ولج احنه شمسوين غير جاي اوچلها دشوقيها مجاي تاچل تنكش تنكش

جميله: لا لا شهل اهتمام ههههههه

زيد: انجبي ولج

جمان: بقيت اضحك على سوالفهم فدوه شكد علاقتهم حلوه ذكرت اني وضرغام شلون جنه نشاقه ونضحك لا ارادياً نزلن دموعي

زيد: خير جمان ليش هل دموع

جمان: مابيه شي بس شويه الم بصدري بس اريد اروح للبيت ارتاح شبعت الحمدلله

زيد: چا بويه مدام كملتن كومن خل نروح للبيت

جمان: لبست العبا ورحنه صعدنه للسياره والطريق كله الم بصدري يسعر

زيد: جمان هاي ادويه وعصارات خلي ايات دهنج بيهن ونامي رتاحي وعلاجاتج من نوصل للبيت انطيج منهن وافهمج عليهن

جمان: وصلنه للبيت ودخلنه جوه وهاي الحقيره نرجس وامها بعدهن موجودات بكل عين صلفه

زهره: ها شني شو بطيتوو

جميله: چا يمه غير جنه بلمستشفى وحركها خطيه كلش قوي

افراح: شمالها هسه دكوم مثل زيطه

جميله: اشبيج خاله شهل حجي

افراح: وجع ولج شو طالعه عينج

زهره: اشبيج ولج لسانج طولان

غفران: يي كلش صايره محامي دفاع

جميله: هاي اشبيجننن كلتني حاصل فاصل

زهره: ولي منه عن خلقتي عابت هلوجه وتغسل

زيد: هاا شكوو خيرر

زهره: ماكو شي يمه شلون صارت مرتك

زيد: الحمدلله
-نرجس تعاي وراي للغرفه

جميله:(بكلبها) يي حيلل شوف شلون وجهه صار اصفر الحيه صفره عابت

زيد:(بعصبيه) اني شكلت امشي جدامي اريد احجي وياج چلمتين

نرجس: يي يي اجيت

زيد: مشي الغير غرفه واجت وراي نرجس
-نرجس انتي ذبيتي جاي على جمان

نرجس: شنوو معقوله زيد شك بيه

زيد: ماشاك نرجسس حجييي اريد اسمع شوصل جاي الصدر جمان وحتركت البت غير انتي جنتب يمها بلمطبخ

نرجس:(بدموع) يي من كلامك افهم جاي تتهمنيي

زيد:(بنرفزه) احجيي كوليلي انتي ذبيتي جاي عليهاا

نرجس: يي انييي شتريددد اني ذبيت جاي عليهاا تستاهللل خذتك منييي زيد تعررف شنووو خذتك منييي

زيد: لججج شنوو اني طفل وتاخذني منج تره اني زوجتها بارادتييي خووش

نرجس: خوش زيد بارادتك مووو

زيد: ويننن تردين شني تنفذين بعملتج همزين البت ماماتت من وراج طايحة حظ

نرجس: تغلط عليه زيد

زيد: اغلطط واكسررر راسجج هم وامشي اطلعييي بره بعد ماريد اشوف وجهج بهل بيت خوش

زهره: يمه شكوو خير اصواتكم طالعه ليبره

زيد: خاله اخذي بنتج وروحوو وبعد لاتجون الهذا البيت ابدد

افراح: يا يا شوفي يزهره ابنج يطرد بينه من تالي وكت افاا عليكم والله

زهره: اشبيك زيد شهل حجي

زيد: يي يمه مثل ماسمعتو خل يرحون همزين ماماتت بنت العالم من وراه هاي الواكفه كدامج

نرجس: يمههه خل نمشي بعد ماتجملل ابقه ولاساعه بهل بيتت

افراح: امشي يمه امشي اطلع معتبه بعد اذا اعتب دارج بزهره

فيصل: شكووو شنهاي اصواتكم بويه طالعه ليبره

زيد: بويه خلي اهل نرجس يرحون منه لان كلششش صعدت عندي وماعرررف بعد شسوي بلقرأن

فيصل: چا شني بويه غير نفهم سالفه

زيد: بويه كل سالفه نرجس شايله جاي ذايته ع جمان

محمد: شهل حجي زيد بنتي ماسويها

زيد: لاعمي سويها وانتم على عيني وراسي اعتذر منكم بس ماريد اشوف وجه نرجسس بهل بيت

محمد: امشينه بويه امشي

فيصل: نعتذر منك محمد بس عملت بنتك مينسكتلها بس مدام احنه اهل راح نعبرها الكم

محمد: احنه نعتذر منكم خويه يله ولجننن امشن جدامي

جمان: كاعده بلغرفه ودموعي تجري الحمدلله يارب العالمين ماروحت حقي وخليت الحقيقه تنكشف

زيد: طلعت من يمهم دخلت للغرفه وجمان كاعده تبجيي

-اشبيج بويه عليمن هل بواجي

جمان: شكراً الك زيد لان ماروحت حقيي ونكشفتلك الحقيقه

زيد: سدي هلموضوع بويه وتعاي خل ادهلنج الحرك بلعصاره علمود تنامين

جمان: شنووووو انته تدهلني الحرك

زيد:چا شني غير انتي حرمتيي

يتبع.....

#فصليه لاجل والدي

بقلم الگاتبه/طيبه عباس

اعتذر على تأخير بس واللهي متحانات وتحاضير ومجاي الحكك 😫

شكراً تفاعلجنن احبجن هواي🥺❤