عزيزي القارئ فضلاً وَ ليسَ امراً أضغط تصويت لنشر المزيد من احداث الروايــة
فستان أحمر
تحسين لقمان
صفك بيده وصاح: اي ماتدرين ماتدرين
هين يمياده لا ابشرج منا،
وفكي اذنج زين ويايه
وثريه خليج شاهده
احنه لازم نتزوج •
نبظات گلبي أدهورت
وبطنـي عرگت
رأساً صحت: شنو
حنظل: تسمعين كلشي، توصلين لهاي ماتسمعيهه
نترت بي: مـال أتزوجك حلم بليس بالجنه
سامع لو لا
صفگ ايده وتقرب مني مثل العاصفه من تلم بتراب الديره كلهه وتهج على المنطقه•
صاح:شگلتي شنو شگلتي، يابَ لعد وحگ الخلكج وحطج كدامي اله ازوجج
وفكي حلكج عود •
مياده:ومن شوكت الزواج بالكره،
ومنو انت وازوجك
رفع أصبعه وَأشر على وجهي صاح: مياده السانج
باوع لثريه
وگال: اخذيهه من يمي ومحمد اشرب دمهه
طلعت ياسمين من الغرفه عاقجه الوجه ستوهه كاعده گالت:شكو شصاير من صبح الله
حنظل:ساعدي مياده بتحظير عرسنه
صحت بي:تعرسني وحدك مازوجك على يا اساس ازوجك وهو اني شنو مفتهمه منك،
حجيت كلماتي ذني وحسيت گلبي يريد يطلع من مكانه اكثر، صدري وبطني عرگن اكثر
شال رجله اليمنى وضرب الگاع حيل وصاح بيه:يعني شنو ترفضيني مو
متعوده على دگ الحجي
صحت بي: حنظل احترم نفسك، اذا جان حجي مطلك واله لا هذا شي راجعلي احجيلي عنك
منو انت منو ابوك منو امك وازوجك ها منو منو
ماحس اله حنظل يمي وَ راسي افتر من قوة الراشـدي مالتة
فوك جرح هيماء انفتح جرح جديد بداخلي وَ دموعي اخذن موقفهن اكثـر
ثريه صاحت من يمهه : مو هيج حنظل هو هيج التفاهم
صاح:قسماً بالله مياده شكد ماجنت مجروح على فراگ اهلي اله ذني كلماتج جرحني أكثر
بللت شفايفي ماعرفت شنو احجي وشنو اتصرف دار وجهه وفتح باب الهول وطلع
رگع الباب وراه اجتي ياسمين گالت:شلون
تحجين هيج حجي مياده
ثريه: تره صعبات مياده
باوعتلهم بنظرات متروسة دموع
مياده: ليش ماحجيتن من گال ازوجج، شنو لعبة اني
ياسمين رفعت صدرهه بدشداشته وتقربت مني اخذتني للكرويته كعدنه عليهه
وگالت:ترة اشوف زواجج منه هو الاصح حاليا
بهذا الوكت رايدلج سند وحنظل
وكفاته وياج هواي
مياده: ياسمين تخبلتي انتي، واخيتي البارحه الدفنتهه بيدي شنو تموت منا وازوج منا
وين صاير هذا الشي
ثريه: وكلماتج هم صعبه وتجرح مايصير تگليله منو انت ومنو امك وابوك تره اني من يمي
زرفت گلبي
مسحت دموعي بيدين ترجف وكتلهه: لعد يزوجني شنو، وبعدين كلمته مال متعوده على
الحجي لعد متقهر لو بس كلماتي
ياسمين لطمت على رجليه وصاحت:مياده ان ضيعتي الولد منج ازوعج العافيه اللهم بلغت
ثريه:انتي شبيج مهتمه للسالفه اكثر منهه
ياسمين:الولد ميتعوض يفاهيه والوكت ينفذ من عدنه ومامعلوم شنو يصيرلنه ، نكسب الولد يكون
النه سند احسن مانضل مثل الجلاب بالشوارع
مياده: ماوافق تردين وافقي انتي واتمعشـگي وشتردين تسوين سوي
غمتني وگامت ، مسحت دمعتي وگمت على حيلي رحت لغرفة ابويه لكيته كاعد
گال:شنو صاير بره شبي حنظل
مياده: مابي شي على الكهرباء يحجي
كريم:هسه هي وينهه الكهرباء ماتكليلي حقه يحجي
كومته علكيفي وتوجهت بي للحمام نظفته ورتبته، رجعته للغرفه فتحت الباب، بديت ارتب بيها
رحت جبت مكناسه من الحديقه، انفتحت الباب وكفت بمكاني دخل حنظل باوعلي بطرف عينه
ووكف بمكانه كملت طريقي رحت جبت المكناسه ورجعت بديت اكنس غرفة ابويه وصلت للنص
واجاني صوته من ورايه: من تنظفين سدي الباب وراج
باوعتله حواجبه طابكهن ووجه ثگيل عليه
گتله:كاعده اكنس ماكاعده العب غميضان
هد كيلون الباب وفرك وجهه بيده طگ ركبته لليمنى واليسرى وگال بصوت خشن: والزلمه
الكدامج رجل كرسي لو شنو ورفيق
مو كدامج كاعد على الدرج!
مياده: ترة اني كاعده اكنس يعني أنظف وين المشكله اذا انت شفتني او رفيق شافني!
نتر بيه: ودشداشتج هاي اللگف، يابَ انتي هيج دماغج مايستوعب كلامي!
مياده: حباب ستوني طالعة من
مشكلة سد الباب وهاهيَ
اباوعله سحب هوى، عضلاته برزن ابتسمت
ماعرف ليش ابتسمت مفروض أگلب وجهي عليه
حط ايده على كيلون الباب وطبگ الباب بكل قوه، گلت بگلبي: يريد يزوجني هي عايزه واحد مثلك يتعارك ويه ذبان وجهه •
كملت تنظيف ورحت للمطبخ لگيت ياسمين تسوي بالخضره غسلت ايدي وجريت كرسي الميز
وكعدت انظف وياها الخضره گالت: أگول مياده
باوعتله بطرف عين: گولي
ياسمين:اني هذا اخر يوم يمج
ذبيت الخضره مني وگتله: وين رايحه
ياسمين: لاتزعلين مني بس اني لازم
ادورلي شغله منا منا
مياده: واذا مالكيتي ترجعين لشغلج القديم!
ياسمين: بلكت الگه اني ماكدر ابقى هيج وداعتج مو لان رخيصه بس اني احب اتحرك اشتغل
مياده: ومعنى كلامج ترجعين للهوسة القديمة صحصحي ياسمين راح ترحين تدرين
وين ترحين للكتلو اختي وعذبوهه تدرين لو لا،
ياسمين:گلت ادور شغل ماراجعه لشغلي القديم بس كلت ماعرف ابقى هيج كاعده وساكته لازم اسوي كلشي
دخلت ثريه للمطبخ وگالت: خيطي، نسيتي ام فاروق بالسجن ويسون اشكال والوان
ياسمين: ماما الناس منو يدور خياطه بعد فدوه لطولج، واله اكلج انتي بس لا مصدكه زعابيل ام
فاروق ماماتي صحصحن ذني اكلهن السجن اكل وين يرحن كامن يخيطين
كفيلجن الله سنه وتلكنهن يـاكلـن ترب •
مياده:ياسمين وتاليهه وياج، اشتغلي خياطه على گولت ثريه
ياسمين:اعرف اسوي بس دشداشة و عبايه اسلاميه بس للاصغار الاكبار لا عيوني ماسيطر عليه
مياده: اي زين تعرفين تخيطين
اذا واصله لهاي المرحله
ثريه:تعرف لعد شبيها ، واني يمكن احـوك
لأن كعدتنا هنا بالبيت وبدون مانعيين
حنظل عيب فشله
مياده:البارحه حاجيته ماقبل كتله نشتغل
ثريه غمتني وگالت: واليوم دستي ببطنه
تدرين لو لا
مياده: لاتلوميني ترة حقي
اجانه صوته من وره گح ودخل للمطبخ گال: مياده اصعدي لغرفتي رتبي ويايه الكنتور
جبت ملابس جديده
ضليت ساكته يعني شمعنى جاي اليه خدامه اله اني ، ثريه اشرتلي بمعنى كومي وماكمت
گال: مياده
ضليت ساكته، رفع ايده اليمنى طگ اصابعه
وگال: اها حلو السكوت
لزم ايدي رأساً گمت، دفع الكرسي بعصبيه صحت بي:انت شنو ها انت شنو هيج تدفع وتصيح
صعد ثريه ياسمين خدامه عندك اني
حنظل: گبل، يسرى صعدي الدرج غرفتي كدامج
ياسمين:مابيها شي الولد طلب مساعدتج
مياده:مايطلب مساعدتج، لعد!
باوعتله راح كدامي صعد ، صعدت وراه لاول مره اشوف الطابق الثاني حلو صغير ململم بي حمام وغرفه،
دخل الغرفه دخلت وراه گال: شسمه اعتذر
عقجت حواجبي، بللت شفايفي تقدمت لداخل الغرفه وكتله:على شنو
گال:على كلشي ترة باعي اني مو نيتي أذيج بس شسوي هاي عصبيتي
مياده: وعصبيتك مُره وحطلهه حد مو اي احد يتحملهه
حنظل: شترديني اسوي من اشوفج كدام ابو
الكهرباء مطلعه ايدناتج گيمر كدامه ،
وهو يتنعولج
مياده:لتسويلك سالفه الرجال ماطلعت
منه العيبه قره شكد الميزانيه وراح
طگ مادري شنو بحلگه وگال: مياده
مياده:اسمعك
حنظل:عصبيتي ترة يابنية مالهه اي حدود، الصغير الجبير يتحمله ويلصم
وشنهو اني هيج ناقص غيرة اخلي
عرضي كدام الخلگ بهيج دشداشة
مياده:لتحلم أصير بأسمك
رفع أصبعه واشر عليه: كلامج هذا تره يعور
راسج ديربالج
مياده:يعور يجرح مايهمني مالك حق عليه ابدا لاهسه ولا بعدين
حنظل: ليش ماترديني قابل اني خاطفج لو مزوجج بالحلال وساتر عليج
مياده:وشبيه اني تستر عليه! وماعرفك حنظل ماعرفك
حنظل:نزوج وتتعرفين علية، كعدي على الكرسي ونحجي
باوعت للكرسي وباوعتله رحت كعدت على الكرسي گتله:حنظل زواجنا ماشوفه ناجح،
مو استنقص من شخصيتك بس هذا
زواج عمر مو يوم ويومين
حنظل:انطيني سبب واحد يخليج ترفضيني
مياده:الاسباب هواي منهن اختي البارحة توفت وترابهه لحد الان مانشف وتريدني اتكحل
واشوف دربي، والثاني ماعرفك اعرف بس اسمك وامك وابوك فاقدهم اثناء السقوط يعني ياحنظل
انت بالنسبة اليه بعدك لغز ماعرفك
حنظل:تتعرفين عليه بمرور الايام والساعات اما حاليا خلينه نتزوج ونعيش احلى لحظاتنا واختج
راحت لرحمة الله واني أريد أمن عليج ماريدج
تكونيـن منا و منـا والوكت يمشي بينا
مياده:ليش مستعجل على سالفة زواجنا!
حنظل:لأن احبج، بياض وجناتج ترافة جلدج مايتحمل گلبي
مياده:شوكت لحگت تحبني!
حنظل: من زمان أحبج من ابوج يسولفلي عنج ويوصفلي بيج
مياده:ابويه وين شايفني قبل
گام على حيله وگال: العصر نعقد سيد
گمت على حيلي وكتله: ومو بكيفك اتزوج
حنظل:أذكرج بكلامي العايش ببيتي ينفذ الاوامر ويسكت
مياده: شنو تذلني لان مكعدني ببيتك مستعده ارجع للخرابه ولا انزل روحي الك
صفك ايده وگال: فكي أذنج زين الليله ليلتي والليله ليلة فرحتي الاولى ، فكي عقلج وفكري
صح للخرابه ماترجعين وماتخطين خطوه وحده خارج البيت من دون علمي،
وجودي بالبيت وياج بدون زواج تشويه
سمعه للطرفين
وناقصه سمعتنه احنه؟
مياده:سمعتي وشرفي انظف من الينطق بيهن
حنظل:العالم متعرف هذا الشي، وعقدنه يكون بيناتنا وينتهي كلشي،
والاهم من هذا تصيرين اليه وبأسمي
مياده: الي هامك اصير بأسمك
ابتسم وطلعت غمازته
گال:واضوي عيوني ببياض وجناتج اي ليش لا
سكتت وجريت روحي وطلعت من الغرفه الي ماذكر على شنو صعدت ويا بيهه،
تلكتني ياسمين من الدرج جرتني لغرفتهن وگالت:بهيج وكت وداعتج لازم واحد
يسندج لازم تتزوجي
مياده:راح اتخبل مادري على شنو ساندات هذا الزواج، واختي الراحت
صعدت صدرهه وهزت جتف وكالت: اكلج ماماتي اختي واختي اول وحده اخر وحده تروحله اخت
شو احنه اهالينه عافونه وتركونه بنصاص اليالي حمدي ربج وشكري اجتج هيج قسمة احسن
ماتعوجين حلكج وتصيحين اختي واختي •
ثريه:كلام ياسمين صح، صارت ويانه سوالف اكثر واكثر من سالفتج اشوف من الافضل تنسين الصار
وياج وتبدين حياتج واذا مابديتي
بيها ترة هي تبدي بيج
مياده: مادري بنات خايفه هو اني ششفت من حياتي خاف ازوج واتورط اكثر والله
مادري مادري
ياسمين: انتي شنو رأيج بحنظل
صفنت بوجهه گلبي نبض نبضات خفيفه كلتلهه: مادري بس اني ماعندي شي ويا
ثريه:هاهيَ لعد تحبي هاهيَ
مياده: مو احبه وانما راغبته اكو رغبه
بداخلي بأتجاهه بعد مادري مادري
ياسمين:واي يحضي الرغبة بداية حب. مياده لو ماشوف حنظل الوحيد مناسب بهاي الفتره النه
كلنا جان مالگيتيني اكعد واسولف وياج علموده
ثريه: وانتي كدامنه ترة متزوجين
وبعلم ابوج مو بالبوگه
مياده: ماعرف بنات انتن شتگولن
غمتني ياسمين وگالت: انتي لو مطية لو تستمطين صارلنه ساعه شلنغي دنكول احنه وياج وين
ماتحطين رجلج وانتي بكيفج بعد والزواج هذا صدكي واعتقدي هو مناسب الج بهيج وكت
عوفينه احنه فكري بابوج وبهذا عمره مو مال انتي تتراوحين بي منا ومنا رايدلج زلمه حوك
وياج وحنظل اشوفه مكفي وموفي.
واني قابل من امدحه حاطه فليسات بجيبي بس هاي الحقيقه والحقيقه تنگال
حطيت ايديه جوه حنجي وباوعت عليهن گالت ثريه: وافقي وافقي، ووفاة اختج هو بس عقد وتصعدين لرجلج لاهلهوله
ولا اي شي احتراما لموتاج
مياده:مادري شكللجن بس صعبه كلش
ياسمين:لا تعارضين قسمتج،
شوكت هو كلج يعقد
بللت شفايفي : العصر اليوم
ثريه:يلا لعد ماعدنه وكت هسه يصير الظهر
مياده:شنو شعدنه
ياسمين: تعالن نتريك بسرعه ونگوم ننظفج نرتبج
استغربت
وكتله:شسون بيه عفيه عاد كلشي ماريد
ياسمين:بس احفلج وانظف جسمج
تلكي هسه معشعش •
كامن وراحن بأتجاه المطبخ رحت لمراية غرفتهن باوعت على نفسي بالمرايا اتفحص معاني وجهي
وتفاصيل جسمي واني أكول بگلبي معقوله راح اتزوج وبهاي السهولة، معقولة هيج الدنيا لاحكتني
حتى بعرسي خانكتني خنگ، واختي حبيبتي البارحه دفنتج واليوم احظر نفسي للعرس
سمعت ياسمين تصيحني من بره على الريوك فتحت الباب ورحت للمطبخ لگيت
رفيق هم كاعد گال:اليوم اليوم اليوم
فرح فرح مو مو
ابتسمت وگتله:مادري يارفيق مادري
ثريه: لاتضلين تسوين مادري ومادري توكلي على الله ترة تفگرين نفسج بنفسج
سكتت وكعدت بصف رفيق جريت الخبز وبديت اكل لگمه لگمه ، الاكل خير من الله واني بالي
رايح بعيد بعيد شلون راح اتزوج وشلون راح تكون ايامي ويه حنظل
حزينه، مفرحه ماعرف!
اكتفيت بلگمتين وبس اخذت كوب الجاي وبديت أغمس بي بسكت وآكل دخل حنظل والابتسامه
على وجهه: ديربالكم على مريتي ترة وراهه شغل
وغمزلي،
عقجت حواجبي ونزلت عيني على كلاصي
ياسمين:ولا يهمك عاد هديه شي
شياتين ياعيني شو مسويهه يابسـة
ضحك وطلع محفظته طلع عشرين عشره لياسمين ولثريه وگال: تستاهل الكون كله مريتي،
قبل الاربعه مكملين بالاربعه السيد هنا
ساعه ابتسم وساعه اعبس وجهي ماعرف شنو اسوي ساعه اكون متفائله وساعه اكون ضد هذا
الزواج مشاعري قراري تجاه هذا الزواج
مهزوزه وماعرف شنو اسوي!
افكر بكلام ياسمين وثريه اشوفه من هواي جوانب صحيح، احنه بنات ابويه مو ذاك الكد
رجال فقير مريض نايم بفراشه يشيل دبة مي يوكع على طوله شنو يسويلنه مايكدر حنظل
اشوفه سند النه ماعرف زواجي منه علمود يسندنه او يكون اليه حبيب وصديق وزوج
مادري ماعرف، حطيت كوب الجاي على الميز وگمت كامت ثريه
وكالت: يلا على الغرفه،
ياسمين:رفيق من تكمل وين تكعد مثل ماعلمتك
حنظل من الهول گال:يروح ويايه للحلاق
باوعت لرفيق شكله وملامحه ووجهه وحيدهن سالفة فوگ سالفتي وسالفة ذني البنيات الي ويايه
رحت للغرفة كعدتني ياسمين على الكرسي لزمت خيط ولفته على اصبعهه وسوته بشكل مگص
ويدت تحفلي ضربتني على خدي وگالت:نفخي
سحبة هوى ونفخته الهه حطت الخيط وبدت تحفلي منا ومنا الى ان كملت كل وجهي اله
حاجبي حددته علكيفه وبدت تاخذ
منه شعرايه شعرايه
عيوني تنزف دموع، على اختي الراحت بعز شبابهه لو على عرسي هذا الي مامفتهمه منه
اي شي، لو على الوجع مال الحفافه كملت ياسمين وابتعدت عني اجتي ثرية ولزمتني بالحمام جلفتني
ورتبتني حاولت ابتسم و اعيش هذا اليوم بتفاصيله بس شبيدي اني كل زاويه هنا اتذكر
كل ايامي وساعاتي القضيتهه بمستنقع القذاره ولعبان نفس، ماعرف ماعرف
طلعت من الحمام واني ملفلفه روحي دخلتني الغرفه لبستني دشداشة جديده حلوه
گالت:هاي حنظل جايب لياسمين والي والج
ملابس خير من الله
ياسمين:الله يكثر من امثاله ويرزقه الخير كله
الرجال الصراحه لحد الان ماقصر ويانه بشي
بلكت وياج يطلع اخو اخيته
مياده:ابويه يدري مو
ضحكت ياسمين وكالت: هو ابوج من زمان
منطيج لحنظل
مياده: شلون عرفتي هذا الحجي
ياسمين: ماما اني اشغل اذاناتي زين منا ومنا
ثريه:ياسمين بعد قابل مياده
مياده:لا صدك شلون عرفتي
ياسمين:حنظل سولفلي الفجرية ويه وكت الصلاة هو الولد طالبج من ابوج من جنتي عند حجي مطلك والحمدلله
طلعلج هيج ولد بالطريق
مياده: انتي ليش لهاي الدرجه مقتنعه بحنظل
غمتني وگالت: ماما انتي منا لقرن ماراح تفتهمين شي هيج رجال ينشري شرايه لا تضيعي
من ايدج صيري لوتيه حبيبتي
ماعرف ليش بگلبي اكو نغزات قويه، واكو صدى بأذني يتردد لا تسوين بحالج هيج
ماقبلت من البدايه بس ماعرف ليش قبلت ثريه وياسمين اثرهن اقوى، وكلام حنظل عن الحب
والغزل عالم ثاني حسيت احساس غريب تجاهه بسيط كلش ومبعثر ماعرف هو شنو!
ساعه ارضى بقسمتي واحمد الله واشكره وساعه اكول لا خلي ابطل وهيج اخذني الوكت كلساع
برأي وكلساع بسالفة جديدة كعدت ويايه ياسمين تسولفلي عن الليلة الاولى وكاعده تنصحني
مياده: يعني هو شرط يصير هيج!
ياسمين: اكيد لازم يصير هيج شلون لعد
جا هو زواج لو لعب! وهسه امكيجج واطلعج جنه
مياده: هسه اليزوجون اني اسمع مو عبالج يدورون اخلاق مو جمال على شنو اتمكيج
غمتني وگالت: والرجال تالي الليل يشبكج لو يشبك اخلاقج انتي شنو شبيج صاحيه شي •
گمت من يمهه ورحت لغرفة ابويه فتحته
گال: تعاي كعدي بويه كعدي
رحت صعدت الجربايه فتحت ايديه حطيت خشمي بعكس ايده
گال: شدسوين بويه
اخذت نفس من عنده وكتله واني اضحك: ماكو بس شميت العكس مالتك دائما تصير هنا هيج ريحه على حموضه
ضحك وضحكت ويا ضربني بخفه على جتفي، گال: مبارك بنيتي، ربج يسعدج طيلة الحياة
ابتسمت وكتله: ويبارك بيك بويه
بس شنو رأيك بزواجي
ابتسم ونزلت دمعته گال: الاهم يابنيتي أمن عليج قبل لاعوفلج الدنيا واروح لأرحم العالمين
ماريد اتركج هيج للايام تاخذج منا ومنا، وحنظل الولد گضيت ويا خير من الله من ايام ماطلعت
منه العيبه ووفاة اختج هي تعذرنـة
احنة وضعنة يختلف عن العالـم
وهم الزواج مالتج سهل اني ماكيف اشوفج ببدلة بيضة والزينة مالية جسمج بس تعرفين حالتنة
ابتسمت وگتله:عمرك طويل بويه،
ويارب تشوف احفاد احفادي
گال: يلا بويه الوكت يمشي كومي شوفي شنو ناقصج، ودعواتي ترافگج وين مارحتي
بست راسه وطلعت من الغرفه نوعا ما صار بداخلي شويه من الاطمئنان
ماعرف حنية الابو انطتني هاي الطمئنينه لو كلماته جانت كفيله أنُ اطمني احسن من السابق
ماعرف شكد مر من الوكت واجه حنظل ورفيق من الحلاق ، اعترف حلگـي أنفتح شبر اول
ماشفته معقوله هذا يسمو الحب ماعرف
طالع احلى وسماره بارز وشعره
گالبه للجهه الثانيه
باوعلي وابتسم طلعت غمازته عضيت شفايفي بسرعة. نزلت راسي ورحت للمطبخ
اجه ورايه گال:گواج الله مريتي
باوعتله واني مستحية ماعرف ليش صرت هيج!
كتله:ميادة اسمي
حنظل:واحلى ميادة، شرأيج بزياني
باوعتله وعيوني متأكده فاضحتني: حلو بالعافيه
راح للكاونتر صب گلاص مي وگال: لا توگعين يابَ لهل درجه طالع انگرط.
وضحك برزت سنونه البيض، خدوده نجرت ليورة بيهن لمعه حلوه گتله: من رخصتك ياسمين تصيحني
گال:ناقصج شي؟
مياده:ما اعتقد،
حنظل: الليلة ليلة حلوة اريدج تنسين الصار وتبدين وياية صفحه بيضة
ميادة:بظل هاي الظروف
حنظل:شما جانت الظروف داير مدايرنه اريدج تنسين كلشي وتحطيلي بنص عيونج وبس
عفتة بمكانه وطلعت للهول كعدت على التخـم افكـر فكرة توديني وفكرة ترجعني والساعة تمشي وماتوكف أبد
سمعت الجامع بدة يجود
گمت للغرفة فتحت
الباب ثريه گالت:يلا وياية نصب غدة
دفعتني وطلعت وياهه للمطبخ، بدينة نصب ونحط على الميز
صبيت صينية صغيره وديته لأبوية ورجعت بعدهه رجعت للمطبخ وكعدت وياهم على الميز
حنظل ياكل ويسولف ويه رفيق تعامله ويه رفيق كله حنية ولطافة،مانكر حسدت رفيق لأن هيج
مدلل عند حنظل، ماعرف شنو اسمي هلمشاعر بس كل الاعرفه أنُ ذني عباره عن اوراق
واكعه من شجره ومبعثره بالگاع،كملنه غدة بسرعة واخذتنه السوالف واللمة
ياسمين:منا ورايح واحد بصف الثاني عرسان ومحد يحاجيهم
ثرية:الله يسعدهم ويتمملهم كل الخير، ومنو
يتمنى بينه عرسهم يكون بهيج ظرف
بس لازم نمشي لان مامعروف مستقبلنه شنو
گام حنظل وگال:الف عافيه،
واي شي تحتاجون كلولي السيد بالاربعه يجي
دار وجهه وراح، ثرية جرت ايدي وحطت ايدهه بأيدي وگالت:لا تشيلين هم كلنه ترة
ورانا زواج وهوسة
ابتسمت بوجهه وگلبي يلعب بمكانه، مشى بيه الوكت ومانطاني فرصة وحده أفكر بيها تفكير صحيح اراجع روحي بيها
معقولة الوكت اله حكمة بلعبتة هاي، ماعرف ماعرف گالت ياسمين: تعاي ندخل الغرفه امكيجج
دخلت وراهه وكتلهه:منيلج مكياج؟
ياسمين: هي كحله وحمره لاحكتني عليهن
ضحكت وكتلهه:اي ياعيني منين جبتيهم غير نعرف!
ياسمين:لميت قواطي من الزبل والله
رزقني بيهن شكد تسئلين شو تعاي كعدي!
كعدتني واني مستغربه على تصرفاته راح تضل ياسمين طول حياتهه سريه ومتنطي
أي علامة عليهه،
عدلت دشداشتي البسيطه، حطتلي سفنج يم الاجتاف وگالت:علمود شويه تبينين بشكل مستقيم مو ميتة كلش
هزيت راسي وجرت وجهي نظفته بكلنيسه، جرت عيوني بكحله. لمغطت حلگي بحمره
ودخلت شفايفه لداخل حلكهه وطلعتهن
گالت: سوي نفس ماسويت علمود تتوزع الحمره
نفذت كلامهه وشالت القراصة من شعري
راحت لميز التواليت جرت مشط وكعدت مشطتلي شعري طلعتلي كذله ليكدام والباقي رجعته ليوره
كملت ورجعت ليورة وهي تمدح بشغلها مادري تمدح بجمالي. دخلت ثريه
وكالت :ابقي لهنا لحد مايجي السيد
مياده:شوكت يجي مو اشوفه طول
ثرية:مستعجله الاخت. وغمزتلي
حطيت ايدي على حلكي مبتسمه على جرأتها وحركتهه ،كمت على حيلي اتمشى بالغرفة
يارايحه ويا جاية وياسمين يمي تنگ براسي سوي هيج وصيري لينه وشاطرة وذكية ليلة
ماتتعوض واني بس ساكته استمع الهه، ماعرف شكد مر من الوكت وگالت
ثرية:نطلع اجه السيد
طلعت واني خايفه
القلق من بداية جسمي لنهايته
شفت ابويه كدامي دموعه تنزل شافني
وگال:زفيناها واخلصنه منهه
وزفيناها
رحت يمه حضنته بوسته من كصته وكتله: تبقى اليه طول العمر يارب
اجه رفيق اخذه بالعربانه وراحو للصاله، جرتني ثريه وكفتني يم الباب مال الصالة ووكفت يمي
هي وياسمين ثرية جابت كرسي كعدتني علية وياسمين دكت الباب حيـل
حنظل:هاهيَ هاهيَ
مافتهمت شنو، بس شوية وبدة السيد گال
الحمدلله الذي حلل النكاح وحرم الزنا والسفاح,وصلى الله على سيدنا محمد وعلى اله
بيته الطيبين الطاهرين ,قال الله سبحانه تعالى في محكم كتابه الكريم بسم الله الرحمن الرحيم
((وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ ))
وقال الرسول
الكريم محمد" (النكاحُ سُنَّتِي , فمن أحبَّ فِطْرَتِي فليستَنَّ بسُنَّتِي)وعلى هذه السنه النبويه الشريفه
أترضين يا ميادة كريم أن اكون وكيل على ان يكون حنظل رائد موسى زوجكِ لأزوجكياه على سنة الله
ورسوله وعلى مهراً عجله خمسة ملايين ومؤجله خمسة ملايين دينار عراقي تستحقين المؤجل
من بعد مضي أثنا عشرَ سنه أن رضيتِ بذلك قولي نعم انت وكيلي
" قطع كلامه حنحن ورجع گـال
بابا راح أردد الصيغة خمس مرات من اوصل للأخيرة گولي نعم أنتَ وكيلي
ماعرف شگول ضليت ساكتة والبنات نفس الحـالة رجع گح وگال
بسم الله الرحمن الرحيم أترضيـن يا ميادة كريم أن أكـون وكيلج على ان حنظل رائد موسى زوجكِ لازوجكياه على سنة الله
ورسوله وعلى مهراً معجله خمسة ملايين ومؤجله خمسة ملايين دينار عراقي تستحقين المؤجل بعد مضي
أثنا عشر سنه أن رضيتِ بذلك قولي نعم أنتَ وكيلي
ضليت أحسب ويا واني الخوف ماكلني أكل وصل للأخيرة گالها وسكـت ادية عرگن
خاصرتي تلويني
خايفة، متوترة، قلقانة
شي يگلي قبلي بهذا الزواج
وشي يگلي لاتخطين هاي الخطوة
گال: وأن رضيتي قولي نعم انت وكيلي
دغتني ياسمين بمعنى گـولي حركت شفايفي
وَ هنه منگعات بدمع عيني " نعم انت وكيلي
بس طلعت مني بصوت مهزوز. تعبان مابي أي حيل مفروض افرح بهذا اليوم حالي حال باقي
البنيات بس مادري ليش گلبي ناغزني
سمعتهم صلوا الصلوات المحمدية ورجع يعقد لحنظل هماتين سمعتة گـال
"بسم الله الرحمن الرحيم زوجتكَ موكلتي ميادة كريم على المهر المتفق بينكما معجله خمسة ملايين
دينار عراقي ومؤجله خمسة ملايين دينار عراقي تستحق ذلك بعد مضي اثنا عشرَ سنه ان
قبلت بذلك قل قبلتُ التزويج "
أجـاني صوتة الخشـن گال :قبلت التزويج
السيد گـح ورجع گـال
"بسم الله الرحمن الرحيم أنكحتك نفس موكلتي ميادة كريم على المهر المتفق بينكما معجله خمسة
ملايين ومؤجله خمسة ملايين دينار عراقي ان قبلتُ بذلك قل قبلتُ النكاح"
جاوبة :قبلتُ النكاح
رجع كمل السيد وَ گـال
متعتكَ نفس موكلتي ميادة كريم على المهر المتفق بينكما معجله خمسة ملايين ومؤجله
خمسة خمسة ملايين دينار عراقي أن قبلتُ بذلك قل قبلت المتعه " جاوبة :قبلتُ المتعه
كال السيد
وقل التمتع " جاوبة بصوت ناصي: التمتع
كال السيد "لنفسي" ردد وراه:لنفسي
رجع السيد كال بصوت عالي
" بسم الله الرحمن الرحيم زوجتكَ ومتعتكَ وانكحتكَ نفس موكلتي ميادة كريم على المهر
المتفق بينكما معجله خمسة ملايين ومؤجله خمسة ملايين دينار عراقي أن رضيت بذلكَ
قل قبلتُ التزويج والنكاح والمتعة والتمتع لنفسي "
جاوبة بصوت عالي وخشن كأنما كاعد يعلن للكـل أن أني ضمن مملكتة من اليـوم
" قبلتُ التزويج والنكاح والمتعه والتمتع لنفسي "
سمعنة السيد گـال: ولا بأس أن نقرأ الفاتحة مسبوقة بالصلوات
" مبـارك لـكم
ثرية وياسمين يباركلي واني انطيهن
البسمه بكد ماكدر
گمت على حيلي كعدني على التخم وخلاص اني حالياً صرت أنسانة متزوجه امام الله ورسوله،
دخل حنظل بعد مامرت كم دقيقة علية
تقرب عليه وكفت كدامه جر راسي وطبع بوسة على كصتي كدام الكل وهمس
بأذني:مبارك مرتي
ولزم ايدي اليمنى وگال:من رخصتكم أخذ مريتي
الكل تبتسم والكل فرحانه بس عقد زواجي لا هلهوله ولا موسيقى ولا صفگه
تراب اخيتي مانشف لحد الان، وَ ألأهم من هذا كله نزفيت بدشداشة بسيطه كلش
صعدنه ليفوك و دخلنه الغرفة بسيطة وحلوة مرتبة
گال:مستقبلاً نبني كلشي اني وياج ايد بأيد
باوعتله بنظرات خوف: وشتقصد؟
حنظل:مو مهم حالياً الغرفة والديكور مستعدين ننام على حصيرة في سبيل يبقى حبنه
ومانبتعد عن بعض
ميادة: بمعنى ثاني ضحي واضحيلك
حنظل:بس نهاية التضحيات راح تكون حلوة
جرني من ايدي وكعدني على الجربايه سد الباب وقفلهه، صعد للجربايه جرنـي علية
فتح ايده وحطيت راسي على ايده
گال: بس ينتهي كلشي، نعقد محكمه ونسوي عائلتنه عبارة عن روضة
ابتسمت وگتله:تحب الاطفال
حنظل:بس مو بكثر ماحبج. وبعدين اني شكد محظوظ يجيني جم طفل من عندج!
ميادة:معقولة تحبني حنظل ومتمسك
بيه بسبب حبك
حنظل:گلبي لو يحجي جان طلع من الداخل
وصاح بعلو صوته'احبج ميادة
ضحكنه سويه وگال:يديملي هاي الضحكه الي تشافي جروحي كلها
ميادة:حنظل ليش تزوجنا بسرعة
ليش مانطينه فرصة لنفسنه اكثر
حنظل: نتزوج هسه افضل ونتعرف، لأن گلبي طگ عليج ماكدر اتغاضى البصر عنج
بأختصار حبج عذبني
ميادة: ومن شوكت تحبني
حنظل: يابَ هذا السؤال الاگشـر جم مرة سولفتلج من جان ابوج يگلي اول ماطلعت على
الدنيا بس تبجي وتتحرك منا منا
باوعت للحيته حلوة باوعلي بطرف عين
وگال:انكرط مو
ضربته بخفه وكتله:بسك عاد، شكد صلف
حنظل:ميادة
ميادة:ها
حنظل: ليش گالبته نواشف كحيلها مثلا
ابتسمت وكتله:شسوي
حنظل:مثلا من اصيح بأسمج كولي عيونهه، بياض وجناته
وكرصني من خدي،
ساكتة ماعرف شنو احجي بس كل الخوف راح مني واحتل مكانه شعور غريب هيج حب بتمسك
بفرحة، حط ايدة على خصري
وگال: منحوت نحت الله يسلمه
ميادة:عينك عاد لتطلع حاروكه
حنظل:حاروكه گشرة، أحرگ الكون كله بس لسبب
ان اجت عين غيري عليج
يابويه احس الله گلي هاك هذا غداك اليوم
ميادة:عصبي عصبي متتفاهم
حنظل: عضلة بعد
ضحكت وضحك گال:اذا عطشانه كولي تره اكو بگل هنا
ضحكت من كل كلبي وكتله:راح تلزمه عليه بكل وبكل شنو هاي ترة اني مو طفلة
بعد شعراتي ليوره وطبع بوسة على كصتي
وهمس يم اذني: لازم تعرفين أحبج وبس
نزل راسه جوه أذني نفخات النفس مالته حاره تضرب على جلدي هيج شعور من الخدر
طبع بوسة خفيفه على رگبتي حسيت السانه تحرك على جلدي. ميلت راسي تگركرت
وخدرت ويه بوساته
رفع راسه وحط شفايفه على شفايفي ومزج لسانة بالساني ماتركلي مجال للنفس،
حطيت اديه على راسه من وره انسجمت ويا يطلع لسانه ليوره وارجع ادفع بي وهو يثير ويايه اكثر
حرب بس مابيها دم حرب مليانه دفو وحنية
همس يم أذني: ميادتي اموت بيج
وعض وجناتي عظ تألمت بس رجع لرگبتي ورجعني لعالمه الثاني كأنما عرف وين نقطة ضعفي
ايده بدت تتلمس اعضاء جسمي بلا قيود ، ومن ماكو قيد وصلنه لمرحلة كما خلقتني ربي •
هجم عليه وهو يطبع بوسة ولمسة خفيفة بكل انحاء جسمي
والرغبة الي بداخلي شجعتني اكثر اتفاعل ويا
بداية الم بسيط
شي دخل الخلايا الدمويه طبع كل آثارة
واعلن أسمه وشريعة حبة داخلهن
بعد عني باوعلي بنظرات ممزوجه
للعصبية: انتِ مو بنية •
لوني انخطف عدلت روحي بسرعة
وكتله:شلون يعني
لبس ملابسة صفگ بيده
وصاح: يعني انتِ مو بنيه شرفج
ماكو دم ماكو ميادة ماكو ماكو
لزمني من وجهي، عيوني اخذن موقفهن من الدموع وهو يهز بوجهي
ويصيح:ليش ليش ماگلتي
ليش ماحجيتي
شفايفي يرجفن جلدي يرجف ، حنظل تحول من شخص دافي لشخص يچوي
تقرب من وجهي وگال بخشونه:تعرفين شنو ذنبي هو كبرت راسج وبس
تفل بالگاع وراح للكنتور
بوسط دموعي بوسط هوستي لبست ملابسي وصحت بصوت
مهزوز:شنو ذنبي اني حنظل نسيت اني
وين جنت نسيت وين بيامستنقع
ماهتم لكلامي ابد طلع علاگه وحط
ملابسة بيهه وتوجه بأتجاه باب الغرفة
رحت كدامه وصحت:
وين وين تروح بس أسمعني وافهمني
صاح:لج شسمع شسمع عرضي نايمين ويا ومصخمين ويا شسمع بت الكلب
لم ايده وضرب الباب حطيت ايدي على اذاناتي وصحت بي : مو انت نفسك طلعتني
مناك وين وين رايح
حنظل: ترديني ابقى يمج شنو زوج زوج اني
اجتي ياسمين من وره الباب اسمعهه
تصيح:شصار شكو
صاح: رايح اكمل دراستي
وانتي كملي مسيرتج القذرة •
صحت: شنوو
يتبع ..
أحبتي وصلنا لنهاية الرواية بعدَ ما أنجمعنا بها من أشهر طويلــة وَ نظراً لطـول نهاية الرواية وَ عدم التواصل الكافي مع أبطال روايتي فأذن نلتقي في النهايـة بعد أربعة أيـام
للمتابعة في الانستكرام: tahsin_luqman
محبتي °•
تحسين لقمان
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!