فستان أحمر الفصل الثالث وأربعون 43 - بقلم Tahsin Aljawhar

رمضان كريم اصدقائي

اعاده الله علينا وعليكم باليمن والبركة ، صيام مقبول ان شاء الله

فستان احمر

تحسين لقمان

رفعت الغطة وانا الزم الموبايل اتصل عليه .

شبيك انت فهمني؟

جاوبني بعصبية" شبيه شنو تسدين التلفون بوجهي ماكو احترام؟

ياسمين: من تحترمني احترمك اوكي؟

نتر بيه: بوية هو شنو گايل، غير ماريد شعرج يطاير منا ومنا؟

ياسمين: كلما وقناعته ممجبورة البس حجاب ولا انت مجبور تحجي وياية وتباوعله !

سلطان: هين هين حسبالج مايجي باجر؟ يجي والا اهلس خصلة خصلة

ياسمين: تصبح على خير يمه

سلطان: يمه بعينج هيو

قاطعته وانا اگله: لعد انت من تكولي بوية لازم اتحملك واسكت دروح .

صاح: ياسمين سلوب بنات الشارع مو حلو تركي احسلج

ياسمين: لاتحجي هيج شعري ينط من هالكلام لان بنية تطلع صارت بنت شارع شنو هذا التفكير المسموم

وتعال نفرض مقصدك البنية الي تطلع بالشارع، بس اسالك سؤال منو موجود بالشارع مو انت وامثالك ؟

ليش متصيرون انتو هم ولد شارع!

الشارع الناس بمختلف الاعمار تطلع بي وتتونس وتشتري وتبيع لا تربطه بشي مو زين

سلطان: سدي الموضوع بس لكلشي حديث

روحي نامي

سلمت عليه و سديت الاتصال نمت واخذتني الغفوة رن جهازي رفعته: شكو جاوبتي مو گتلج نامي؟

استغربت من عنده: شنو شكو ولك مو انت دكيت عليه؟

جاوبني: اي دكيت علمود اشوف نمتي لو لا!

ياسمين: انت خبل؟

سلطان: انتي لو نايمة مفروض متجاوبين ..

سديت الاتصال منه ورجعت حضنت مخدتي وغفيت متناسية كل هذي الافكار الرديئة

يتصل عليه علمود يتاكد نايمة شحجي ويا هسه!

اكيد من اسمع نغمة الهاتف راح اكعد! غبي غبي ..

طل الصبح وعشاق الصباح اخذو محلهم وركنهم ميادة وحنظل يا جمالهم من جديد!

و الا انا اخذني من ايدي وكعدني على المرجوحة: اي صايرة سباعية ؟

ياسمين: مو هسه من زمان انا

سلطان: اي وتسدي بوجهي ؟

جاوبته: وشبيها لعد بس لا اكو مشكلة

سلطان:انتي شتكولين اكو مشكلة لو لا؟

باوعت بعيونة كلهن حزن ، خفت اكون انا السبب نطقت حروف الاعتذار واعتذرت " اسفه متنعاد

طلع جگارة من جاكيته: على شنو غزلج لعبودي لو سدة الاتصال لو صياحج؟

ياسمين: المهم اعتذرت!

سلطان: ياسمين ، انتظرته يكمل كلامه ورث جكارته وگال: اذا نضل هيج مانوصل لنتيجة لازم نتفاهم مو صح؟ لو انتي تضحين لو انا اضحي!

ياسمين: انا ضحيت بما يكفي مبيه حيل تضحية

سلطان: تردين تفتحين صفحة جديدة؟

نفض الهوى من حلكة على وجهي

ياسمين: شلون يعني! انا فاتحة من زمان صفحتي!

جاوبني: لا بوية هاي المرة وياية ها؟

فركت ايديه وجاوبته: شسمه انت قصدك انا وياك ؟

سلطان: اي انا وياج اتقدملج عندج رأي او اعتراض

ياسمين : سُلطان

" گلبه و غراضه لسلطان كولي

ياسمين : انت تدري بوضعي صح واكيد مايسمح!

سلطان: مايسمح عندج وبس واذا على ماضيج مايهمني يهمني حاضرج ومستقبلج اكون بي انا واتمرغل هم كلش كافي

ضحكنا وجاوبته: مادري ماريد اخطو هيج خطوة بعد الصار بيه

لزم ايدي وخطف گلبي بخطوته هاي، عرگ جبيني و غمضت عيني، ضحك وگال بهمس" يابة لزمة ايد

خفتي لعد باعي ياسة الصار وياج جوز اهون من الصار بيه؟

كل واحد من عدنا عنده ماضي اسود وذكريات سودة طوخ! شنو الي يعيقنا علمود ننسى كلشي

ونبدي كأنه انولدنا اليوم للدنيا؟

ياسمين: اي ماكو

سلطان: خلاص خلينا نمشي اليوم احنه الزلم

وگفت على حيلي وكتله: يا زلم يا مشية شكو

مستعجل وبعدين هو منو بس مازن وعمو كريم

سلطان: جا ذولة شنو بياعة باگلة؟

غير يردون مشية ..

ياسمين: بس حباب مو اليوم تره ماعرف شي

سلطان: بوية لا تعرفين انتي بس گابلي امي ومعليج
وشتحجي سكتي

ياسمين: ليش اسكت؟ يعني بيها شي امك

سلطان: مابيها بس حالها حال اي ام خايفه على ابنها وتريد تأمن مستقبله يم زوجه يستحقها

ياسمين: الزبدة عيوني

سلطان: شوية متخوفة منج خاصة من عرفت انتي وميادة من حفرة مطلك

ياسمين: هسه هاي شتحجي وياها

ضحك وگال: لا تشيلين هم تره الوالدة گلبها طيب واهم شي انتي يمي شعلينا بالباقي

ياسمين: من تگول هيج تجبرني مااوافق عليك مهما يصير تبقى امك خليها رقم واحد وانا الثانية

ضرب جبينة وصاح: يلا يالله ويكلولي ليش تحبها

دنكت راسي وكتله: هو صدك ليش تحبني؟

سلطان: شجاعتج كلامج كلشي بيج ينحب ياسة
ضربته بخفه على راسه وكتله بهمس: فديتني جا غير ياسة انا

صفن بوجهي ، رمشت بعيوني ابتسم وگال: ياسة شسويتي لگلبي وهيج حبيتج؟

ياسمين: لحظة نسأل گلبك يبعد گلبك هلو گلب سُلطان شلون حبيتني؟

ضحك قلد صوت الگلب بمزاح: دم دم دم

شوفي شلون يدك سريع معناها مو بس يحبج ميت بيج

ضحكت وجاوبته: شبسرعة متت بحبي بله؟

ابتسم وبرزت غمازته وشعره يطاير ويا الهوى: هاي بعد مادري هيج شي يدفعني تجاهج صعب اوصفه الج بس هو شي يگطع من كثر حلاته

ابتسمت بوجهه وكمل: ممكن اكل ابتسامتج ؟

ضحكت و جاوبته: شلون تاكلها ؟

باوع بعيوني وانا اكلني الخجل واخذني لعالم صافي الحُب يتوسطنا و الشمس بأشعتها محلية الجو بالدفو!

تمايل راسه لليمنى وانا لليسرى وتقربنا من بعض الى ان التقت شفاهنا، كأنه ثعبان التقط فريسته !

لسانه يسير على شفاهي ووجناتي وبين لسعة وبين دفو ايديه الحاوطتني من وره راسي! همست بـ اه سُلطان

وخر و جاوبني وهو ينتشل شفاهي من الفراغ وياخدها بصيغة العطشان! شش تقربي اكثر ..

وبأنياب اسنانه شلع جلد شفايفي وانا اتاوه ويا " لا لا سلطان ! لزم راسي و عيونا التقت سوه ونفسنا يتسابق

كأنه بسباق رياضة. احبج، گالها وحضني. جاوبته انا هم. انتي شنو؟

وطلعت ثرية كدامنا شهكت ، راسا نهضت وهو هم

ثرية: ميادة تتمعشك وانتي اضرب منها وانا منو اليه ولجن؟ بس لا ياسه تردين تعوفيني مو؟

رحتلها حضنتها وانا امشي ايدي على شعرها " لا يعمري شلون نتركج غير اختنا وصديقة ايامنا
اترك هلمخلوق .

اشرت على سلطان وكملت كلامي " ولا اتركج، ضحك هو وگال: اها صرت مخلوق ؟

ثرية: بس بس امشي وياية انتي ننظف البيت

ياسمين: دقائق بس راحت ورجعت لاحضان حبيب گلبي لزمني من ايدي ورجعنا كعدنا

سلطات : لا تهتمين كلشي راح يتقرب وننجمع سوه اكثر، اليوم بأذن الله مشية اجيبها

ياسمين: بكيفك عيوني

سلطان: فديتهن لعيونج، دنكت راسي حنحن وگال: المهم ارجع لموضوعي ياسة الحجاب؟

ياسمين: ليش يهمك الحجاب؟

سلطان: كلشي بيج يهمني، انتي ليش هيج متنافرة من الحجاب!

ياسمين: ماريده يخنگني!

سلطان: مو تختنكين وانما مامتعوده عليه

ياسمين: المهم ماريده

سلطان: ياسة حبيبتي ماريد اجبرج على شي بس لازم تضحين وانا هم اضحي!

من اريدج تلبسين حجاب مو كرها بيج او احب اقيدج وكذا لا ابد احب شعرج يطاير ويتناثر بالهوى كدامي وبس!

وتعاي اسألج سؤال من نشتري كيكة ليش مغلفة؟

ياسمين: علمود متتوصخ وشسمه علمود ميصير بيها بكتريا او باختصار الغلاف يحميها من التلوث الجوي

سلطان: الحجاب نفس الحالة! غلاف الج اريد اغلفج واحيطج باطار خوفي يصيبج مكروه ونظره محلوة

ضحكت وكتله: ماتحجب واذا على شعري البس توربان يطلعني حلوة

باوعلي وهو ضايج: المهم يضم شعرج؟

سلطان: ها اي اي

وكف ووكفت ويا طلع اطول مني

همس: شني هاي سنفورة طلعتي!

ياسمين: اوي وشبيهم السنافر شو بطولنا نسحل مية!

عدل لحيته وهو يگول: اها وتكوليها كدامي؟

ياسمين: تيسر عيوني تيسر

راح واخذ روحي ويا، دخلت لداخل البيت صاحتني امه، تفاجأت من وجودها ولما سألت لكيت ميادة عازمتها.

تعرفت عليها گلبها طيب مثل ابنها بس متخوفه من زواجنا ختمت نقاشها ويايه" عسى الله يتمملكم بالخير وماتخلون للماضي رجوع وتكرار

ابتسمنا انا وميادة ودعناها بكل رقي عاد عمتنا ومانريد نخرب بينها او نصغر حجمنا يمها.

ثرية وكفت وكفه ماننساها ابد البيت، تحضيرات كلها عليها! انا وميادة اخذنا زاوية التعديل

والمكياج اما مازن وفر النا احلى الملابس يجيب ويخلي كدامنا وهو يكول " فرحتكم فرحتي بنات"

اخ ونعم الاخ ونيالها ميادة عليه! ونيال ثرية الي ماناوية تبادر وتصيح احبك

صار العصر وما كمنا نسمع الا صوت الزلم من الاستقبال .. ضيفت ام سلطان ، عمتي ام سلطان

طلع عمو كريم يمشي مازن بكل هداوة دخل لغرفته وصاحني، باوعت للبنات واشرن بأن اروح

واكسر حاجز الخوف، دخلت وكعدت
كح وبدأ يسولف : ياسمين بوية تعرفين معزتج عندي؟

بودي بوية انتي وباقي بنياتي احضنكم ومايبعدنه الا الموت

ياسمين: اسم الله عمو عمرنا طويل

كريم: وعلى طاري الموت مادايم احد، ردت احاجيج بموضوع وشنو تكولين اعتبري تم .

هالولد اخو حنظل طلبج مني ومن اخيج مازن على سنة الله ورسولة . فكري بوية لو مو خوش وادم

كان مارجعت بنتي! وكعت دمعتي على طريقة كلامة الي محد سمعها اليه واهتم وخاف عليه مثله

وكمل بصوت مليان دفو: اها بوية انه ماريدن البجي اريد الفرح ولا تاخذج الافكار انُ ماعندج اهل

ومادري شنهي ابوج راح لدار حقه، وامج الله يغفرلها
معناها انتهت؟ لا بوية انا هنا واخيج موجود

والي تردي يصير ذبيت روحي عليه وشبكته بكل قوة بجيت اي بجيت بكل حرگة

دموعي نهالت على اكتافه الدافية طبطب على ضهري وهو يكول: لا تشيلين بكلبج ، كلامة صوته روحه نقاوته جبرتني ابجي وادفه بحضنه

رجعت للخلف وجاوبته: الي تشوفه صح عمو، نفس ماكلت انت ابويه واعرف بمصلحتي

حط ايده على ايدي وكال: مامقبولة منج مال انا اعرف بمصلحتج لا ابدا متوهمه انتي لازم تحددين انتي العروسة و هذا عمر واسرة ومستقبل .

ابتسمت رغم انطيته الاذن لكن مالغه وجودي ابدا جاوبته: موافقة والله يكتبلي الخير كله

كريم: مبارك بنيتي، وطبع قبلته على وجنتي وبلغني انادي مازن، ناديته واخذه لمكان الاستقبال

وبمرور دقائق سمعنا صوت رجال كبير كال بصوت عالي مملوء بالخشونة: نقرة الفاتحة .. انهالو عليه حبايب كلبي بالاحضان وساعة تاخذ ساعة
بحلاوتها

الكل ترك المكان وطلب سلطان نطلع لمطعم قريب بحجة اتعرف عليها، استحيت من مازن وعمو شنو يكولون هسه، تاليها وافقو وبشرط مازن مانتاخر .

لبست ملابس طلعة مناسبة وطلعت للباب لكيته صاعد سيارته ومشغل اغنية ويطك اصبع وياها ،

ابتسمت وصعدت يمه كال: لج ياسة اخذتج لج ياسه وافقو

ويهز جتف وركبة فرحان وفرحته رسمت عليه الابتسامه لزم ايدي وباسها: ربي مايحرمني منج يعمري ياسة

ياسمين: شسمه ومنك هم

سلطان: دكولي احبك اموت بيك عذبتيني

فتح الجامه وصاح كولي صخااام ..

ياسمين: يا يا تخبلت تدري اكُلك شي انا استحي واخجل واي ماعرف ارد على الكلام الحلو

باوعلي وكال: لا تحجين شي لعد هاهي وجودج يمي يكفي يعمري وروحي

ياسمين: صدك سلطان مالبسنا حلقات !

سلطان : هاي مستعجله طلعتي اكثر مني شو

ضحكت وجاوبته: لا هيج مجرد سؤال

سلطان: اتفقنه انا وحنظل نلبسكم سوه انتي وميادة احلى

وبعدين تعاي نطبك السيارة ونتمشى
للمطعم هو قريب وهم اشبع منج عاد

تمشينا واخذت اقدامنا تطرق صوتها بازقة الفضاء. ايادينا تشابكت مع بعضها راسي على كتفه ونتمشى متناسين كل شيئ!

وصلنا المطعم قدم لي الكرسي بمعنى تفضلي
كعدت. وكعد بجانبي طلبنا كيك، تقاسم من

قطعته ووكلني وهو يكول: اريد مريتي تربرب من هسه!

وانا كُلي خجل جاوبته : انا اريد اسمن بحبك

ابتسم ومسك ايدي طبع قبلة وصارت احاديث طويلة منها على ديكور المطعم وغير الى ان ناداني بأسمي: ياسمين

جاوبته بقلق: عيونها

سلطان: اريد اكلج من هسه افضل انا ماخذ بالسر ...

_________________

مرتجي بأيده على التخم ويحجيلي عن زواج ياسمين وسلطان " راح تصير زوجة اخويه ..

البارحة سلطان فتح الموضوع ويايه متعرفين على بعض وامورهم تمام" استغربت على ياسمين مافتحت الموضوع ويانة

وفرحتلها لان بنية مشى بيها العمر ماضاكت الفرح بلكت تلكاه ويا اخو حنظل!

عدل كعدته وكال: لون وجهج باهت حبيبتي شنو ماتاكلين؟

ميادة: لا الحمدلله اكل بس شنو تعبانة من افكار الدنيا .

حنظل: شنو الي شاغلج احجيلي انا وياج واحد!

ميادة: لا يهمك الي بيك كافي! وهم ضايجة من البيت

حنظل: سهلة بالليل اطلب اذن من ابوج واطلعج

عدلت المخدة وجاوبته: لا شيكول علينا عيب

حنظل: العيب اخلي روحي ضايجة

ميادة: من شوكت انا روحك؟

حنظل: من سنتديني على ضهرج

ميادة: لا تذكرني..

لزم ايدي وبكل حنية كال: لا تخافين حبيبتي الماضي ماينعاد تره!

ميادة: ماخايفة من ماضي ومدري شنو، خايفة منك

باس اصابع ايدي: ولا مني تخافين. لو ما احبج واريدج ارجعلج بعد ماتركتج؟

ميادة: وخيانتك اليه؟ ليش طلعت تحب وحده ومكتلي من البداية؟

حنظل: الخسارة اخاف اخسرج اعرف هنا انا نذل بموقفي بس شنو بيدي كلشي ولا ترحين من ايدي

ميادة: بس انا انتركت شهور ليالي نمت بالفراش وشفت الويل ماجاني منك شي!

حنظل: اذا انتي تمرضتي وتعبتي ثقي الي مريت بي انا اكثر تعرفين شنو واحد ميسر؟

يعني شنو يكولون انفذ في سبيل انقذ امي. من شوكت ميادتي الي صار يتمنى يعيش ويكمل باقي حياته ويا امه خاين ومجرم؟

ميادة: امك من حقك تعيش وياها مامنعتك عنها وماوصفتك بالخاين عليها لا كلش لا وانما على حبك لغيري!

حنظل: صح بداية حبي الها وصح انفتح كلبي باسمها بس كل هذا مايهم!

يهم بيمن راح ينغلق بأسم منو؟ ماسألتي روحج ليش مطلك ماخذني؟ صح كذبت عليج بس شسوي؟

الي حبيتها يكون ابوها مطلك ومن ذاك الوقت تساءلت من شوكت الي يحب يتعذب وينكتل!

باوعتله بهداوة وكتله: تحبها؟

حنظل: لا

ميادة: شلون خنتني وياها من التقيتو؟

حنظل: هي جذبتني الها، كل اثنين ثالثهم الشيطان

ميادة: حبك اليه مفروض اقوى من ارادة شيطان ليش مامنعته؟

حنظل: المهم صار الصار

ميادة: عذرك حنظل كلش بشع، تخيل انا اخونك ولما تسألني عن اسبابي ارميهن على الشيطان

وبعدها اخذ نفس واجاوبك صار الصار. بس غمض عيونك وتخيل شنو راح يكون ردك اكيد

راح ترميني بابشع الكلمات وبعدها تحكم عليه حكم الموت بحجة جبتلك العار

حنظل : ميادة شنو الي تردي اسوي في سبيل اراضيج؟

ميادة: فعتلك وتصرفك ماينرضي عليه حنظل

حنظل: كتلج غلطت وكلنا نغلط

ميادة: وهيج عندك عادي وبكل برودة تكلي غلطت!

وكف وكال خلاص رايح اموت بلكت جرحج يتشافى وترضين علية!

باوعتله بطارف عيني: و اي من تموت شنو راح يرتاح كلبي؟

حنظل: يرتاح لا تخافين .

دار وجهه باتجاه الباب ومشى ، رحت وراه بسرعة

ميادة: لاتروح اي لا تروح

نتر بوجهي: مو صارلج ساعة مارايدتني ورافضة تتقبلين فكرة احبج وبس

نزلت دمعتي وجاوبته: لا تنتر هيج، تره نار جوايه تشعل بيه

حنظل: ونارج كاعدة تجويني فاهمة لو لا

ميادة: خلي تجويك بس تخيل انت بمكاني وانا الخاينتك

لزم وجهي وعصر وجناتي ونتر: لا تكولين هيج شني طنطل كدامج

دفعته وصحت: لعد انا شنو ليش تقبل الجرح يلتم عليه ليش

تقربت عليه وايدية انهالت على صدره بالضرب وانا اصيح ليش ليش، لزم ايديه واخذ شفايفي من دون

اي نفس رموشي تقابلت ويا رموشة واختلط نفسه ويا نفسي . ايديه تتمشى يم ركبتي تعصر باكتافي

وانا اصد لسانه الشرس! ابتعد وهمس" احبج، كافي
ضعف كلبي وكانه رميت سحر داخل اعماقي

جاوبتك" انا اكثر ! من دون مادري لفظتها انا مسحورة ومفتونة بيك اعذرني واغفرلك ..

اخذني من ايدي وكعدنه على التخم خله راسه على كتفي ويتنفس بكصيبتي الي واكعه قرب انفه

همستله" حنظل وخر لا يدخل احد!

جاوبني بصوت ناصي" خليني نايم هيج مرتاح .

ابتسمت على كلامه جاوبته: معناها انا راحتك

حنظل: انتِ كُلشي حَلو بحياتي ..

شعور لاول مرة يحتل كلبي تساءلت بذهني شنو من الممكن يسوي الشخص ويحصل على هيج حب؟

يكون صادق او مخلص او وفي! رفع راسه واتنفس من يم ركبتي شهكت ماتحملت موقفة، ضحك ضربته

بيده وانا اكله: ركبتي رايدتها تره وخر شو يلا يلا
وهو يضحك يرجع يلزم اصابع ايدي ويطك اصبع

اصبع ويحجيلي" هاي العجانة، هاي الي تخبز
وصل للاخير ومشى على طول ايدي "كركركر
و ضحكتي تتعالى ويا

حنظل: اروح فدوة للضحكة

ميادة: حبيبي انت

عظ شفايفه وكال: من شوكت هاي

قاطعته: التويتر كافي واللهي

خله ايده على كتفي وهمس: صدك حسابج يتحول خاص مفهوم؟

ميادة: رجعنة للتهديد!

حنظل: ليش الي يخاف عليج تحسي يهددج!

ميادة: زين ليش احوله خاص؟

حنظل: وضيفي فوك الخاص ، مايبقى اي ولد

ميادة: انت شلونك؟

حنظل: ليكون ماعاجبج؟

ميادة: اكيد ماعاجبني تصرف مو حلو، كل الي تحب وترتبط بزوج لازم تتخلى عن اصدقائها وصديقاتها! حياة السوشيال ملونة

مسد شواربه وكال: سمعت اصدقاء صح؟

كرصت روحي بلكت اتوب من زلاتي، جاوبته: ها اي
عصر كتفي بكف ايده وهو يكول: ميادة لا تتمادين استچني

ميادة: قابل تريدني اكذب عليك؟ صح عندي اصدقاء بس مو بيناتنه مسجات اقصد بس موجودين

على صفحة، وخر ايده عني وصفكها بالثانية ولشنو موجودين مأذنجيه ذولة؟

ينبهوج لوكت الصلاة رحمة للكعبة!

ميادة: ماكو داعي هالعصبية افرغ واصفيهم

حنظل: ماتعرفين تكوليها من البداية الا جدال ؟

ميادة: احبك من تضوح او تزعل مدري

حنظل: خوش هاهي منا ورايح كل الوكت معبس

معاني وجهه حلوة وحركاته الي يسويها بتعبيره عن هو حزنان من الحياة تضحكني وتزيد انطباع عندي

بحلاوته اكثر! ساعة نسولف ونتعاتب على المضى وساعة نضحك واحنه نتذكر ماضينا .

وكفت وكتله: لازم اروح بعد المدرس راح يجي

عقج حواجبه وباوع لساعته ، رجع نظره اليه: خير يامدرس هذا؟

لزمت ايديه: انا كاعده اتعلم قراءة وكتابة بمعهد داخلة و مازن خله مدرس شاب اسمه فراس علمود استفاد اكثر .

وجوابه مليان عصبية : تلغين ابو المدرس لا ابو ابو

بلعت ريكي وجاوبته: يا شنو تغلط غير استاذي يدرسني قابل يلعبني؟

وهو يوكف : ماكو انسي هاي الشغلة مابقه عليه الا تكعد تتعلم ومنين يالله من شاب وفوكاها فراس سكتي ميادة سكتي

ميادة: ما اسكت مدرس صارله شهور ياخذني وماشفت منه العيب بالعكس هادئ وحلو بالشرح وياخذك لغير عالم

ضربني بخفه على وجناتي وكال: انتي شنو كاعدة تعرفين شكاعدة تلغين؟

رجعت ليورة: والله عاد هو على جيه تتقبله او لا هذا شي راجعلك ماشي؟
جرني من ايدي ولزم خصري قربني اكثر منه" شو ماشي وراجعلك لسانج طولان على فكرة

همست علكيفي: انت وبس

رجع همس: والباقي شبيهم

جاوبته: انت اعرف بعد!

تركته ورحت للهول لكيت والدته كعدت يمها وعزمتها على عصير وتعرفت عليها وعلى عادتها

مبينه مرة فقيرة وطيبة بس كل حجايتين كالت ماعندي الا هذولي الاثنين وكانه تاكد ديريالج على ابني حنظل!

ضيفتها ورحت اهتميت بتحظير كتابي ودفتري، موبايلي رن بوصول رسالة فتحتها لكيته كاتب: استاذج وصل، تعاي لحكيله ما اضمن يبقى عايش

دزيتله رسالة: ضيفه مي وسولف ويا بين ماجي

جاوبني بسمايل يباوع صفح! بس لا ضاج؟

كاعده اضم الموبايل رجع دزلي: غطي شعرج ومكة ان اجيتي بكصيبتج الا اكصها كدامه

استغفرت ربي وطلبت منه الصبر على هالكائن المزاجي ..

ارتديت الحجاب سريع ورحت للصالة اشبه بطالبة لابسة صدريتها ورايحه للمدرسة.

دخلت الاستقبال سلمت وكعدت ،فراس استاذ طيب من اعز الاصدقاء عند مازن، ساعدني هواي وزرع بيه

بذرة الوعي والادراك، حنظل يباوعلنا بحذر وكانه يدور اقل زلة علينا علمود يخرب كلشي

بده يشرحلي المادة ولما يسألني: ميادة فهمتي؟ عندج سؤال

قبل لا اجاوب يجاوبة : اكيد فهمت انت حباب واسلوبك هادئ وشخصيتك حلوة اكيد فهمت

واستاذ فراس يضل صافن علينا ميعرف شنو يجاوب ابدا! امتحني امتحان بالورقة واكملت الاجابه

اجه وقت تصحيح الاستاذ، وكف عند راسي بيني وبين الاستاذ وهو يكول: هي مية ماخذة ميحتاج تشوف الحل، روح استاذ اشرح كدامها علمود المعلومة توصللها اكثر مو صح ميادة؟

جاوتبه بحركة: اي صح واتمنى منك تثبت بمكان لان كلش كاعد تششوش عليه وانا من اقره احب

هدوء وتركيز اكثر! خله ايده على الميز واتقرب بهمس" تركيز كلتي مو، باوعي وين ميشرح ولا تخلين عيونج بعيونه "

بهذا كلامه وتصرفه اعتقد يتيح له الفرصة دماغه بالتفكير بان يزيد حبه عندي...

كملت الدرس وراح فراس ووالتفتت اله بعد مادخلت من البره" انت شلون هيج تتصرف هسه شنو يكول بله؟

حنظل: يكول الي يريده و الا اكلج متاكد راح يفكر ويكول هذا شكد يحبها

ميادة: جوز راح يكول هذا شكد متسلط؟

حنظل:قابل اعتباط؟ لا من حقي اتسلط واتمرغل هم على هذا الجمال كله

ميادة: الجمال التحجي عنه ميتسلط عليه وينضم، الله خلقه ليعطي صورة عن ابداعه مو تحبسني!

حنظل: منين يطفوج ؟ لج غير احبج ليش متؤمنين بأن الحب هو كتلة من الخوف والحنين والاشتياق والغيرة

ميادة: وليش تحس التسليط هو الخوف؟ بين قوسين حنظل كسر بجمع خاف عليه منك وبس

حنظل: ومن فراس؟

ابتسمت وجاوبته: لا عيني ولد

قاطعني، لزم خدودي وكمل: وخوش ولد وهادئ وحباب اكمل بعد لو ضفتي وصف جديد؟

ابتسمت وانا اشوفه شلون يردد العبارات الي انطقها بعفوية الا هو يستلمها بحس الخطورة والتفكي

ر البعيد واحد غيره يحتل كلبي وخلاص تنتهي كل المشاعر المتداولة سابقا ...

راح وبعد رحيلة عزف وتر الاشتياق واشتاقيتله كتبت برسالة: بشر وصلت؟

ما اعرف كم دقيقة مرت وجاوبني" وصلت حبيبتي

ميادة: شبسرعة ؟

حنظل: الي يحجي وياج يطير من الفرح ومن كثر فرحي طرت ووصلت ، عندج اعتراض؟

كتبتله: معندي وصلت او لا عادي باي

رميت الهاتف على ارضية الفراش تركته يكتب ويتصل محاولا الوصول اليه بعد كل الموجات !

خبرتني ياسمين راح يجون العصر مشية زلم وماعرف شنو فائدتها. عاداتهم مجموعة تحت حصار المرة

الي ننطيها وراه زلمه بحال كسرت خاطرها نكسرك! مرا يع ..

بدلنا من الظهر وانا احاول استجمع قوتي لمواجهة هذي العادات الي تستنقص من قوتنا الابدية

كحلة بلون اسود نخطت على جفن عيوني واحمر شفاه اخذ رونقة على جلد شفاي الانثوية

وابيض الخد نمسح بشكل دائري على وجناتي وايدين ثرية نثرت شعري على اكتافي وصبغ الاضافر لون اطار الاصابع ، والفستان االابيض ذاب علية

مطرز بدوائر بيضة مشابه للؤلؤ . رجعت للخلف باوعت لجسمي و بللت شفايفي اجتني ياسمين وثرية

حبايب كلبي رتبن راسهن على كتفي بكل دفو وحدة تهمس ياحلاتج والثانية احبج لا تعوفيني!

وكلبي يدك نبضاته يتساءل ليش هالمحبة ،كافية الاخلاق لو اكو عامل ثاني؟

تبادلنا الحضن وتمنينا ماتفركنة الايام، بس بخوف تمنينا . كلنا نخاف من الايام!

صار العصر والعصافير احتلت اشجار البيت زقزقة زواج عن حب و اموات يناشدون قلوب عشاقهم.

وسجناء يطرقون الحديد محاولين الهروب! .

و غيوم متعانقة مع بعضها ، طيور مهاجرة تفرق ذلك العناق...

ندكت الباب دخلنا للبيت وكعدنا انا وياسمين على التخم اصوات نابعة من الاستقبال جلستهم اشبه بالامر والنهي .

وكأنه يمتلكون ارواحنا! ام حنظل تسولف ويا ثرية وانا وياسمين بالنا يمهم، بابا طلب موافقة ياسمين يسمعها بأذنه وانا اكتفيت بهز راسي يكفي المشاكل الصارت وحان وقت صفاء الكلوب

سمعنا منهم " نقرة الفاتحة" قروها ! و مرت ساعات وطلعت ياسمين وسلطان .

وماحس الا حنظل يطلب نطلع ساعتين وطلعنا الابتسامة مرسومة علينا

ميادة: وين نروح؟

حنظل: نروح للتردي انتي !

باوعتله بعيون خجلانة: خلينا نروح لمكان مابي احد

حك راسة وكال: مكان هادئ مثلا الشط؟

نفيت براسي وجاوبته: لا، مثلا هيج مكان هادئ يو ماعرف انت بكيفك

ضحك ولزم ايدي همست: حنظل عيب

باوعلي بطرف عين: نسيت اسالج شو انتي تحبين الهدوء شي استاذ وشي مكان خيرج؟

ميادة : بس عاد شكد لوتي

اخذني من ايدي وركبنا السيارة سألته: منيلك هاي ؟

جاوبني: حبيبتي اشتغل يم ناس بسيارتهم انا وسلطان

ميادة: الله يساعدكم تتعبون ؟

مسك كف ايدي وباسه علكيف: اروح فدوة لليخاف عليه اذا اتعب او لا .

وبعدين انا اتعب علمود اخذ هالكيمر كله!

ميادة : انا الكيمر وانت الكاهي ها؟

صاح: بوياي هاهي متفقين وشرط انا اكلج بالنهار وانتي تاكليني بليل ، باوعلي وغمزلي

ضحكت وكتله: نغل والله نغل

حنظل: حبيبتي وافتخر .

مشت بينا السيارة بارجاء شوارع الحلة ، لحد ماوكفت السيارة انا اسال وين رايحين وهو يجاوبني مفاجأة

باوعت للمكان فارغ نزل ونزلت ، حضن ايدي بايده ومشينا دخلنا باب وصارت كدامي سكة القطار

باوعتله وانا مبتسمه: شلون اندليت كل هاي الهوسة
طبع قبلة بوجنتي وكال: الي تريده ميادتي يصيرلها

كعدني على كرسي الانتظار ، راح بعيد ورجعلي بجيس عبارة عن حلويات وجرك مطعم بحلقوم وكعد بصفي يفتح ويوكلني

ميادة: انا اكل انطيني

حنظل: شش ماريد اتعبج يروحي وها الاكل من ايدي يختلف طعمة

يوكلني بكل رُقي وويا كُل لقمة يهمسلي احبج
والثانية اموت عليج

فتح البسكت وويا كل قطعة يكول ربي، سكت طلع الثانية لا يحرمني والثالثة ختمتها انا منك يعمري ..

ابتسم وكال شنو كلتي؟

عضيت شفايفي وانا المس وجناته وافرك بلحيته الخشنة" احبك!

مرت من يمنا بزونه صغيرة كتله: حبيبتي شوفها شلون حلوة انطيها بسكت

ضحك وكال: تاكل بسكت؟ شبيج ياب َ

ضحكت وكتله: جا شتاكل خطية منين نجيبلها لحم

شمرتلها قطعة من البسكت وشردت مني ركضت وراها وحنظل يركض ورايه يصيح: اوكفي يابَ اوكفي

وانا اصيح: لك خطية جوعانه

اضحك واركض وهو يضحك عليه وورايه بسرعة، الا ان لزمني من عكس ايدي لفني عليه

يضحك ويحجي : خبله انتي؟

هسه مو حتى زوعتيهه العافية ..

: لك اوي جوعانه تعال ندور عليها

مسكني وهو يلهث من التعب تقابلت عيوننا والقمر يضوي علينا وسكون المكان يامحلاه ..

الضباب يتوسطنا وافواهنا من تتحرك تدخن ...

حنظل " همس خلينا بلا كلام

اصابعنا شابكة بعضها وتقربنا من بعض الى ان اضطربت شفاهنا مع بعضها

رمش مقابل رمش والقمر يدور حولينا شاهد علينا .

صوت سريع قادم على سكة الحديد، حاولت ابتعد عن فمه الا هو ضل متلاصق بيه ..

مر القطار وتخيل اليه عيون تراقبني .
كأنها عيون حبيبي رفيق..

_________________

باوعت لعبير ولطمت على وجهي من خوفي . جاوبته بنتر "ليش هو وين يعرفني ويحاجيك عليه

يدك الباب بقوة ويصيح:اكلج فتحي الباب ماكو اليوم الا اخذج،

: اي علمود ترجع تضربني وتتماده حدودك براحتك
زياد: ملاك قسما جنيتي على روحج الا اراويج وجهج الثاني

جاوبته وانا مبتسمه:ليش تكدر بلياه دقايق؟

جاوبني: لعد لمن تعرفين ليش تاركتني و كاعده تسوين بكلبي هيج !

ملاك: انت الي سويت بكلبك، تريدني انضرب وانهان واسكت ووالله تريد الصراحة زياد للولد ردله خبر كله نفكر بالموضوع
ضرب الباب دفره وصاح: فتحي فتحي
يضرب بي وعبير لزمتني من ايدي وخلت ايدها علي حلكي بمعنى اسكت

عبير: خوية اعذرها تره مقهورة من تصرفك رجلي ماموجود بليل او باجر تعال وهذا البيت بيت اخيتها مو غريب

صاح: بليغها لاخيتج هينه ثقي هينه

سمعنا بريك السيارة ندار بالشارع ارتاحيت وتنفست بسهولة من دون اي خوف، اخذتني عبير لداخل البيت وهي تعاتبني شلون اتصرف هيج ويا زوجي

ملاك : متعودين عبير دائما نشاقة ونتعارك
وساعتين كل واحد يبقه مطنكر

غمتني وكالت: امداج لج ماما صحصحي هسه تجي وحده تاخذه منج، ياخذنه وانتي هنا تفكرين
بسوالف هندية .

صفنت عليها ومحيت كلامها من راسي مهما صار لازم يبقى احترام وكيان من الزوج للزوجة

انا لا عبيدة ولا خادمة علمود اتعامل بهيج تعامل نهضت ويا عبير للمطبخ سوينه العشه وكل وحده

تقص على الثانية الالاف من القصص مؤلفة من واقع المنا وبؤسنا ابطالها رجال حمقى ..! و اماكنها معزولة متروكة

اجه وقت العشه تعشينا بخجل لا انا متعوده على زوجها الطيب ولا هو .

ندكت الباب تالي الليل وطلع زياد، طلب نلتقي وكأنه بهذا اللقاء راح نتصافى

رفضت لازم يصفن ويتعلم درس ويعرف كلش زين ان هو خطأ

عبير تباوعلي بعطف تطلب مني احاجي من وره الباب عسى ولعل يقتنع يروح كلها تقتنع الا زياد افندي

بعده مجمع صور بذهنه ان انا اتلامس ويا مدير الشركة المنفذة فتحت باب الهول ومن وراها

حجيت: خير ياطير ؟

جاوبني بصوت تعبان: امشي رجعي وياية

ملاك: ليش ارجع وياك؟ علمود شنو

زياد: كافي لا تعذبيني ماكدر بلياج ثقي

رفعت راسي للسماء واخذت نفس عميق احس نفسي مخنوكة كتله بصوت مابي اي حيل: اتركني وروح
سمعت صوت شهكاته

من خلف الباب: فتحيها اعتذر

لاول مرة اشوفه بهذا الشكل تعبان خفت ليكون صابه مرض ويروح يتمرض منو يبقى الي من بعده،

ركضت لكينون الباب وفتحتها، منظره كسر خاطري كاعد مقابيل الباب وايديه على راسه ويون من الوجع

لزمته وانا اتلمس وجهه اتفقده راحت اسألتي تتوارد عليه شبيك شصاير بيك

يجاوبني تعبان مشتاقلج اريدج لا تتركيني، عيوني دمعت وضميته لصدري وهو بكل دفو يسحبني عليه

ويضم راسه اكثر وكأنه يعتصر عظامه ليعزف وتر الالم

بين كل عظمه والثانية، اخذته ودخلنا للبيت طلب اسلم على عيير ونرجع لبيتنا وهذا الي سوينا

سلمنا عليها ورحنا لبيتنا دخلتله وكله ريحة اوراق كتب متربه والصوبه معلوكة وجو البيت يُحسد

عليه، سحبني من ايدي بسرعة البرق وبحركة قفل باب البيت ، دك كلبي نبضات الحب وشفايفي ألفت موسيقى الاشتياق

هجم عليه بقبلة ورجفة حنين خلعنا ملابسنا و ايديه عانقت ركبته وهو اشبه بطفل رضيع على صدري

شلون وصلنا لغرفتنا ماعرف على ماعتقد هي الكلوب ودتنا لسرير حبنا، تعاركنا من ينام الاول

وتاليها الاثنين بلزمة ايد وقفزنا عليها بجنون وبدفعة اثارة اكثر التهمت وجناته وشفاهه وصولا لثنيات الفجر

طوينا ليل مفعم بحب عشاق اتخذو من الشتاء القبل مدفئتهم ..!

كعدنا الصبح وهو يسألني شلوني وشنو اخباري وانا ساكته عن الاجابه الى ان جاوبت: اذا انت زين اني زينه حبيبي

زياد: انا عال العال يعمري، شوفي ايدي

رفعلي ملابسه وراوني اثار حرق ، خليت ايدي على حلكي وانا اكله: شنو هاي

زياد: البارحة ضربتج بيها و جويتها علمود ماتنمد عليج بعد، لا اراديا شعور الفرح احتل كلبي

حضنته وانا ابجي: شكد احبك يعمري وروحي ودنيتي ..

تفقدت مسواك البيت فارغ طلبت منه نطلع وطلعنا سويه وكل طريق السوك يمشي ويصيح راسج سكتي انا اعامل ..

سلمت على معملينا ابو سعد رجال يبيع مخضر بعلاوي السوك وابنه الجبير ويا يشتغل

استغربت من تصرفه كل كلامي ويا ابو هو يباوعلي
كاعده ادفعلة الحساب ولزم ايدي

وزياد كمز من مكانه سحبني و اعطاه الحساب بعصبية وانا الخوف كاتلني من زياد البارحة تصالحنا بس لا اليوم فوكاها نتعارك

زياد: لج ملاك اذا تكليلي نطلع للسوك مره ثانية

قاطعته وانا احاول اهدي: ياعيني هو ولد صغير قابل تحط عقلك ويا عقله

وكف وترك المسواك " اوكفيلي راجعلة
وانا ويا حركته ذبيت الي بيدي واصيحله واجره شبيك تخبلت ولد وبالغلط لزم ايدي

عيوني صارن على هاي البنية الي الدنيا اخذت شبابها وسلبت منها الضحكة والبسمة ..

ضحت بروحها لأجلي وراحت ذاكرتي تعصف بيه لبعيد البعيد من نلتم كل جمعة نتريك جبن عرب

وشرط الغده سمج مشوي لو من انا وياها ونفتر سوك الباله هي تنام على القطعة تحب ريحتها

وانا اصور بيها . مسحت كلشي وانا اتذكر من رجعت لأمي على جنسيتي تتربع كدامي وبدموع تبلغني
" اخيتج ماتت . ..

حافز اعطاني القوة و ركضت بأسرع ماعندي بس دموعي تركض امامي ..

لفتها عليه وحضنتها، اشبه بحضن القمر لليل ...

_________________

دخلتُ غرفتي، اغلقت الستائر والنوافذ خوفا من الثلوج تنثر عليَّ من النافذة وتحتل قلبي وحينها تتجمد انتَ و اقف انا عن الحركة ...

حتى اسمع اخر صيحات والدتي العفوية لأني لم انهي عملي من غسيل الصحون حتى تتفاجئ بسقوطي

وتعلم جيدا بأني لم اتحرك، غادرت الحياة وجئت اليكَ. اشعلت نيران المدفئة واختلست جنبها ..

تفرجت على مواقع الاصدقاء طلبت ُمن شقيقتك َ صورة لك، فأرسلتها لي

فورا ومن دون الدوران لأي جهه اطفأت المدفئه وقربت تلك ملامحك الرجولية لرقبتي، اغمضت عيناي وتدفئت بك..

اتاحت تلك الحركة لي باسترجاع الماضي في جامعتنا تحت اشجار الخوخ ..

تقطف لي ثمرة منها تمررها على ثيابك وتقدمها لي وعندما أسالك عن مافعلت لتجيبني " انقحها بملابسي .

أكل منها لقمة وثم نتقرب من بعض لتأكل انت من فمي وبعادتك القديمة في كل مرة تعاند ذلك وتلتهم شفاي حتى تلعق الدماء السائلة منها

وبصوت منخفض تهمس" عسل طبيعي ..

نجلس تحت تلك الاوراق الناعمة تبادلني الحديث عن العمل والقيادة وبعدها تنهي الكلام سائلا عني

لأجيبك بكلمات الطمأنينة لتفاجأني بحديث جديد معلن فيه مجيئك اليوم لنا انت ووالداتك

حنان لتجريان عقد خطوبتنا، لم يكمل وعصفت الرياح اتاحت لثمار الخوخ تسقط على رؤوسنا

وكأنها حجار قوية، نركض من تحتها فرحين ضاحكين .. حتى انعقدت جلسة عقدنا في العصر

تماما من كانون الثاني، جلس الكبار ونحن اكتفينا بلغة العيون ، تحرك لؤلؤ عينيك البنية لليمين فأنت تقول احبكِ

وان كانت لليسار اشتقت لكِ وللاعلى متُ بكِ..

للأسفل فهنا تسألني اتحبيني؟

كانت نظراتك كلها يمين و اعلى، صارت عينياك تتحرك بسرعة فأنفجرت بضحكتي التي كتمتها من اول مرة بدأت بتلك المغامرة ..

حتى نظرت للأسفل فادركت انت تسألني ، بطعم اللامبالاة لمن حولي اجبتك نعم

الكل نظر لي يتسائلون عن ماذا نعم، ضحكوا حتى احمرت وجناتي غادرت المكان فقط!

استرجعت اين توقفت ليلة امس في ذكرياتي معك، هنا تزوجنا وكانت اقوالنا ماذا نسمي ابننا القادم

حتى احضرنا ورقة وقلم كتبنا عليها احرف كثيرة
وضعت يدي ماسكة القلم ويداك فوقها

مررنا الرصاص على الاحرف حتى تشكل الاسم، ابتعدنا قليلا ونظرنا اليه " حنظل ...

فتحت مذكرة هاتفي وكدامي كوب الشاي تطير دخان حرارته من اعلى الدائرة

حتى اخذت الحروف تطرق على لوحة المفاتيح قائلة نيابة عني

تعالَ يافلذة كبدي
ابننا رحلت به الايام عني والتقينا مجددا
على رقبته وحام الحب
وعلى جبينه عيون فتاة تبدو وكأنها
ملاكا حارسا له
تعال يامعشوقي
من الأخرة
اجعل آخرتك انا .
ليلى . احبك

_________________

النشر يعتمد على التصويت
للمتابعة في الانستكرام: tahsin_luqman
التقيكم بألف خير