مساء الخير .
عزيزي القارئ فضلا وليسَ امراً اضغط تصويت لنشر المزيد من احداث الرواية .
فستان احمر
تحسين لقمان
" فدوة لحگو رايح للولد!
گلت كلماتي وانا اهرول وراه من خوفي، جريته من كتفه وهو لازم الولد يحاجي بنتر
" تريدني ازهرك مو؟
وهو يمتمت بكلامه ميعرف شنو يحجي ويكول، تقرب منه ولد وسطاني وفاككهم بعد جدال طويل بينهم .
العالم تباوعلنا وبوسط الانظار ضربته بصدره وانا ابجي شتريد انت ها شتريد كاعده اكلك روح .
سلطان: اروح علمود اتركج تكملين سفالتج ويا الرگص وطگات الاصابع، وهزات جتفج مو؟
جاوبته: اي اتركني مامسؤل عني انت، هذا اسمه فننن شوكت تفهممم
صفگ بيده وگال: فن اسمه فن هذا؟ لا هذا استهتار تسكرين وتهزين يافن تقدمي بهزات خصرج؟
ياسمين: سلطان الدرب الي جابك يرجعك، محد راح يفهم ثق لا انت ولا غيرك
مو مشكلتي انا والبنات الي ويايه مشكلتك انت وامثالك تباوعون لهزات الصدر بنظرات شهوانية مفهوم لو لا!
گال: بشرفج ولو هاي اذا عندج ، مقتنعه؟
قبل لايكمل كلامه ضربته بصدره وانا اگوله: الشرف مايحلى الا اليه وبس، لان هزيت معناها ضاع شرفي
هاهيَ احنا ليوره مثل بول البعير، يابول
درت وجهي ورجعت للبنات بدون ماهتم لكلماته لگيت بس ثرية ومن سألتها عن ميادة بلغتني يم حسون شاميه،
باوعتله لگيت حنظل بصفها رحت بسرعة الهم ولحگتني ثرية لازم ايد الولد ويگله
" الا اعلمك تحجي صح ابن السطل "
اجاه مناك سلطان موذر ولزمو حسون شاميه المسكين . وبالگوه سحبت مياده وثرية ورجعنا وين مانگعد
لحگونا الولد وحنظل بداها ويانه" شنو طالعات وحيدكم ماكو عقل؟
جاوبته ميادة: وليش البنية ميصير تطلع وحيدها بهيج وكت!
فرك راسه وگال: يصير بس لازم وياج زلمة حزامج يكون
ميادة: وشنو الي ناقصني علمود اوكل واشد ظهري على رجال؟ هذا الساني هاي ايدي وياشمحلاني
ثرية: كسروا الشر وحنظل روح منا خوية، بعد شويه يجي مازن ولا تكبر السالفة وانتي ياسه ودعي الولد
ردت احجي بس لفت انتباهي حنظل وهو يباوع
لسلطان گله: شلونها الامور؟
مياده صاحت: حنظل معليك بالولد روح منا
گتلها: مياده الولد اسمه سلطان ويصير
فركت ايديه وكملت: اخو حنظل
شهكت هي وثريه ومال وجهن للصدمة كأنه تاريخ من عرفت بأنهم اخوان ينعاد على ميادة وثرية!
گالت ميادة:شلون اخوان ، شنو كاعد يصير حنظل !
حنظل: كلشي بوكته مناسب بس اي سلطان اخوية
سحبني سلطان من ايدي بوسط انظارهم وتوجهنا
على جرف الشط وما مقابيلنا الا گصب المي
سلطان :اسف
ياسمين: اخر تحديث للزلم يعتذرون، محمد صلوات
ضحك وگال: ليش هاي الوحشية الي عندج للزلم؟
عقدت حواجبي وگتله" ليش تعتبرها وحشية؟ هاي حقيقة والحقيقة تنگال مو بله ؟
أبتسم وگال: صدفة حلوة اخيي يحب صديقتج وانا شسمه، بدل كلامه وگال الگمر ضواه حلو اليوم !
ياسمين : الي صار من الماضي ماراح يتجدد
سلطان: بس يبقى ماضي والماضي تاريخ والتاريخ ماينحذف!
ياسمين:بس يتحرف يعيوني
ضحك وگال: ابوسهن عادي؟
نصيت راسي والخجل احتل وجناتي وضوه الگمر شاهد عليه رفعت راسي عليه ولفظ السانة حروف الحُب والمحنة!
" لاتباوعين هيج گلبي يذوب ..
انطيته تحذيري وكأنه تحذير الحب يحمل كل المخاوف " لتحتك خوية "
گلت هاي الكلمتين وانا خايفة على مشاعري من التدهور والضياع ، كل احشاء تفكيري تنفر تكرار الماضي و جعل ماضي للحاظر! ابتسمنا رغم كل المرارة ..
ياسمين: سلطان شنو تشتغل؟
سلطان: راح ارجع لرتبتي ظابط، بعد ماتركت وراحت وظيفتي بالهوى
ياسمين : زين انت شكد مواليدك يعني اريد اعرف عمرك!
سلطان : تسعة وثمانين
ابتسمت: ثمانيني الاخ
ضحك وگال: أنوكل يامحلاية والله!
ثقتك بنفسك اعطتني الابتسامة وانا أتخيلك بزي القوى الامنية گتله" عود هم تحاسب المقصرين ؟
جاوبني" ديربالج تقصرين تره هم أشملج وياهم"
جاوبته: حاسبني الحساب يمك لعله يختلف
سلطان: مهرة وربعها شلون متحملتهم؟
ياسمين : وانت شنو عندك يمهم عود؟
ضحك وگال: انا اشتغل ويا الاء ماعتقد تعرفيها بس مهرة وشلتها كلهم اعرفهم
حركت حواجبي بمعنى التعجب : اضاهر الاء تحبها .
باوعلي صفح وبرزت غمازته: عاد الگلب يهوى ويحب بسرعه مو بيده!
سألته: ليش كلكم تفكرون الحُب يدخل الگلب وانُ واحد من يحب گلبه يدك ويتمرغل؟
سلطان : لعد انتِ وين تحبين بالراس مثلا؟
سكتت وانا ماراضية عن كعدتي ويا .
سلطان: ليش مالحگتي امج؟
ياسمين; وشعندي وراها؟
جاوبني: غير امج وجوز تغيرت مثل ماتغيرتي انتِ!
بصوت كُله نتر: البنية تكدر تكمل طريقها بالحياة اليومية دون اخ او ام او مايشبهم
اسند نفسي بنفسي لان من وعينا على دنيانا عرفنا " محد يدوم
اباوعله صافن بوجهي وسارح بعيوني الصافنة على بياض وجناته وهيبته بالگعدة حنحن بصوته وگال: حبيتي احد بحياتج؟
جاوبته بـ لا
سلطان: شعجب؟
كأنه يريد سبب يتنافر ويا تفكير الباطن لأظهار رغبته تجاهي بصورة اوضح!
جاوبته"هو اي هاي الفترة واحد يحوص كدامي والله كريم!
گح وعقج حواجبه گال: علمود اسويها زفة عليج
ياسمين: سوالف التهديد محلوة وداعتك ف بطلها
سلطان: وزني كلماتج وماراح اهدد
ياسمين: دسكت عاد غيرك يتمنى يلگه نظرة مني
صفك ايده وبلل شفايفه وعيونه صاگرة عيوني حجه وهو يصك على سنونه: لا تشوفيني ساكت تره انفجر بوجهج!
ياسمين: تكدر تگول " لا تحجين هيج تجرحين مشاعري، شوف شلون راح تطلع منك حلوة بدل هاي الهوسه والاقتباس الماصخ من غيرك
سلطان:ليش كُلشي بيج مبني على الجدال
باوعتله بتحدي: انت تشوفني هيج تمام؟
جاوبني: واذا كلنا نشوفج هيج؟
ياسمين: طبكم مرض عاد
مايهمني انت وغيرك شلون تشوفني يهمني انا شلون اشوف نفسي تمام؟
سلطان: السانج كلش طويل ! و قبل لا انسى تأخير على الرسائل ماريد! اضووج
ياسمين: انا مافارغة أگابل التلفون وارد على مسجاتك
سلطان: كون تصبر روحي گومي بوية گومي
ياسمين: اسمي يعجبني مو بحاجة لكلمة " بوية"
ضحك وگال: السانج صح مسموم بس احسه صح!
باوعتله صفح وانا مبتسمه: عمره السم مكان صح
ضحك بصوت عالي وكال: خرب يومج حتى هاي فريتهيا عليه! ..
تعاي ننزل جوه يم الجرف كلش
راح گدامي بسرعة وانا تبعته، نبتت اضافري بيده وانا ارتجي عليهن بالنزول لجرف الشط
سلطان : كل هلسان تاليها تخافين من جرف؟
جاوبته: الجرف هو جماد بس الاماكن العالية ماحبهن!
نزلنا واحنا مبتسمين كعدنا واحد بصف الثاني عيوني ثگلن ورمشن رموشي وطل عليه النعاس
ميل راسي على كتفه وهو يگول" نامي وارتاحي هذا بيتج تره!
صحت بي" سلطان لا حبجيات تالي الليل "
ضحك وضحك گلبي ويا . خوفي يطرق الحب ابواب گلبي ويگلي ممكن مجال لاتربع باحشائج؟
راح ارفضك مرة مرتين لحد الملل! نزل رجليه بالمي ونزلت رجلي هم
ضربتتي برودة المي وتحركت ناطقة حروف البرد!"شاه .
دزتلي رسالة ميادة لازم ارجع مازن بالطريق رفعت راسي والتقت عيونا، و ذابت وجناتنه بحلاوتنه
اخ يامحلانا حرك شفايفه وطلب
: ياسة لا تروحين ماشبعنا من تشاوف بعض!
ياسمين: اروح ساعات ولا ايام هذا اهون صح؟
سلطان: الاثنين لا . لا تعلقيني بيج وترحين
بعدت خصلات شعري بيدي الناعمة وجاوبته: لا تتعلق افضل .
گمت على حيلي ورجعت لمجمعنا
ينظرون النا من خلف الشجر هو وحنظل!
وطل علينا مازن ورحنا ويا ضوى موبايلي اعلن عن وصول رسالة منه فتحتها لگيته گاتبلي" امانة حافظي على نفسج وعينج بالگاع، خوفي من مازن عليج
ابتسمت على غيرتك ومادري ليش احب اجادلك! دزيتلك رسالة" تسكت لر تنرگع بلوك؟
دزيتلي سمايل سجينة"اي علمود بابكم ازرفه تزرف لا تعصبيني ياسة، اذا مزون بدربج ف روحي بدرب مفهوم؟
مادقني من رسالتك الا علامة الاستفهام احسها ام المشاكل، واحسك بيها تدور مشاكل!
وصلنا للبيت ونزلنا كل وحدة بينا مطنگرة وأي حيل مابيها لا لجرعة المر ولا لجرعة الحلو
دخلت غرفتي وغلقت كلشي عليه الا من وصلت لموبايلي ردت اغلقة بس رن وتر اشتياقي لك او خوف منك بأن عدم التجاهل افضل؟
صعدنا اتصال واول مابديتها بصوته الحنين يغني لعبدلله الهميم " كافي جا شلون شوكت نسولف "
سلطان: هسه مو زين اسمعج صوتي دشبعي منه!
شبيج يول
ياسمين: يلا مو هو صوت عبودي
حنحن: عبودي مو، اخ اي والله
ياسمين: اي عبودي عندك شكال؟
سلطان: كلها تتسجل يصير خير وداعتج
سكتنا شويه وگال" فتحي محادثتنا وشوفي شنو وصلج
فتحتها لگيت صورته وصورة عبدلله حاط عليها خطأ وعلى صورتة صح
ضحكت من كل گلبي وهو يگلي" اذوب اروح فدوة، دايمه ياستي
وانا بين شهكات ضحكي اگله" لك شنو مسوي عبود هذا .
وهو يدردم عليه وبالاخير بين صفنات وعتاب طلب نفتح كامرة، فتحنا طلعت كذلتي وعيوني وهو مشعشع بنوره كدامي: سُلطان
جاوبني وهو مبتسم: اروح فدوة للواو "سولطان" گولي
ياسمين: شسمه لاتزين لحيتك حلوة عليك
سلطان: مو تدللين لعد مايصير اطلب منج انا هم؟
ياسمين: اطلب بس كون معقول
: شعرج ستري وبس
ياسمين: تصبح على خير
سلطان: شنو هاي؟
ياسمين: لا تعليق على كلامك ،واجاوبك بسطر وخلاص " انا هي بهيج قول وفعل تقبلتني او لا راجع الك وبس !
سلطان:بدون عركة وصياح اهدئي وصوتج العالي مره ثانية نصي، تره تصير ماصخة!
بدون أي جواب وخرت راسي وسديت المكالمة بوجهه
وانا اغلط عليه وعلى تفكيره القروي . قطعة قماش تسترني ماعرف شنو اگول اي والله!
طفيت الضوه ونمت على يساري ورن موبايلي برسالته
" قسما لا اراويج سدة الاتصال بوجهي شتسوي ماشي؟ باجر يمج صبري بس!
كلمة باجر ثارت مخاوفي، رفعت الغطة وانا الزم الموبايل اتصل عليه ..
_________________
جنوني ويا الكتب دفعني اغرس وجهي بنص الاوراق وانا اتنفس ريحتهن الطيبة ..
شرد تفكيري لخانات بغداد والسهرات الخميسية لاديبة . صديقاتي المفكرات الثوريات .
رفعت راسي وصحت آه ياويلي مشتاقة لجمعتنا كل جمعة . أقتحم غرفتي وهو ضايج نزع الكوت المطرز
بشغلي اليدوي .. شبيك؟
گلت كلمتي وهب عليه غضبه : شبيه متكليلي هالوكت الاغبر ما ابقه بي خلينا نطلع للخارج !
خارج كلمة تبعثر كل حواسي ومشاعري نفضت روحي وانا اجاوبه: لا، تريد تطلع وفرلي هناك
هلمحنة الي بالناس وطيبة الگلب وهالهوى النابع من موجات دجلة والفرات!
ضحك ضحكة بطابع فرنسية: يامحنة متكليلي؟
هي عوائل بيناتهم مامتصافيه والله يخليج اذا على الهوى فهناك نظيف ماكو معامل وهلدخان الي تتنفسي يوميه!
وخرت خصلات شعري عن عيني وكتله: حتى لو متعوده هنا ماكدر اطلع! وبعدين ليش ضايج؟
جاوبني وهو فاتح ايديه يسوي تمارين التنفس: شلون ما اضوج ماتكليلي وهاي الازدحامات وضياع القانون بيد خريج الابتدائية!
تقربت عليه وانا اتمايل بمشيتي وعطري حامل كل رقي انوثتي سابقني .. " شو باوعلي
رمقني نظره عليه رعش جسمي ومخاوف الحب احتلت گلبي .
: هاهيَ ماريد شي، انتي بيتي وملجأي، دنيتي انتِ!
ابتسمت: ياويلي من السانك الي ينگط عسل .
نزل ايديه وسحبني من خصري اله وگال: قصدج ينگطج انتِ مو؟
ضربته بخفه على جتفه بس من سوالفك ، دائما تسحرني بيهن! ..
جاوبني وهو يباوعلي صفح: ها هسه صار كلامي سحر مو؟
وألتهم وجناتي بعضة قوية وانا اتاوه جوه ايده دفعته: وخر وخر وهو
يضحك : سويتلج ساعة حلوة!
رحت للمرايا وعيوني على وشك تدمع: يمعود شنو ساعة لو تدري شكد اعتني بروحي وتجي انت تخربهن! هف عدلت گلادتي وانا ضايجه منه
رجع جرني عليه وميل راسي على ايده ونوم راسه برگبتي واخذ يستنشقها!
وهمساته احتلت مسامعي: خليني اتنفسج، خليني اعيش! انتِ الهوى بنسماته ونقاوته، احبج يروحي
ذبت ويا كُل كلمة منا وانا اهمس يم اذنه اذا انا ذني كلهن! فأنت عمري ويبعد عمري ماحسه يكفيك .
صلاتي انت ..وياويلي ان كان اكو اشرف واطهر وازكى منها؟ ..
باوع لعيوني وهو مبتسم ونطق بحروفه الي لامست گلبي: وشرط التربة انا ...
ابتسمت واقتحم لمعة شفايفي وتسلق لوجناتي وصولا لخصلات شعري استنشقهن ونزل لأذني
وبطارفها بكُل خباثته المعتادة طبع ساعة ثانية وانا اتأوه ويا ورجليه ترقص مع بعضها من الالم كروح تنازع الموت!
سحبني للسرير وكما خلقتني ربي مارسنا الحُب وتبادلنا المودة، يبتعد اقربه اكثر ..
وعلى سرير الحب يستنشق بخصري و انا احرك بطني بأثارة اكثر كلما يثور كلما تزيد فرحتي!
حضني وحضنته وغابت روحنا ويا روح الحُب مثل وردة الصباح من تغيب ويا طل الليل عليها!
وعينا بعد ساعات و دخلنا الحمام سويه . انطيني ايدج اليفها
ويمشي على ايدي نعومة الليفة ويحتل الصابون ريحته الطيبة ويلزم شعري بشامبو الاطفال
يسويلي مساج بالفروة وهو يهمس بأذني " احبج ملوكتي ..
درت وجهي عليه وهو يردد كلمات جنون حبه اليه وكأنه نلفظ انفاسنه الاخيرة بهاي الدنيا .
گتله: يلا حباب اغسله بالمي راح يروح يدخل عيني
جاوبني بكُل حنية " انتظري اجيب الطشت
حضر الطشت بشكله الدائري متزين بورد وگفني بنصه و هل المي عليه ولما اساله ليش هيج تسوي؟
يجاوبني بكُل دفو: مي جسمج ينزگي بي الزرع مايروح هدر، ماكو اطيب من مايج يعمري
و يطبع بوسته بكل نعومة برگبتي وانا اميل راسي اتگركر مو بيدي!
اجه دوري اسبحه، رحت لشباك الحمام واخذت من عنده بطل المي المنگع بورق شجرة النبگ
وغسلتله ضهره وانا امرغله اكتافه وهو يغني " زيديني عشقا . اي اي هنا ملوكة
مجرد ما اسمع اسمي تختلف موازيني واترجه على الحايط وانا اهمس " لا تگول اسمي اموت ولك اموت من اسمعه بصوتك!
تقرب عليه وهو يردد " تعاي تعاي نطلع تعبتي مو عساها بيه ولا بيج، اخذ بيدي وطلعنا للسرير والمي ينگط من جسمنا،
لف الخاولي عليه ونشفني ونشف روحه و حضر ملابسي ولبسني بكل هداوة وهو
يردد" هسه هسه تدفين! وبمرور الوكت علينا نزلنا للطابق الارضي بطونا علنت الجوع حضرت العشه
بسرعة وهو وراية لازم خصري ويلعب بشعري وانا اصيح بي" يمعود وخر خليني اشتغل
ويجاوبني بضحكة" قابل بيدي غير ميت بحبج
كعدنا نتعشى بكل هدوء وهو يصيحني بهدوء : ملاك
جاوبته: عيونها وروحها گول يعمري
زياد: اريد مجهودج زين وقوي بحركة التصميم
جاوبته: لا تهتم، رسم العمارة قليل ويكمل
زياد: اريدج تلوزيها اسمج هو مستقبلنا!
خليت ايدي على ايده وگتله: لا تخاف عمري باجر ازور الموقع الهندسي واتكلم عن المساحة مع الشركة المنفذة للتصميم
زياد: تدرين اذا كان التصميم بالتنفيذ لامع راح تجينا عروض من الخارج؟ بحاجتي وبحاجتج!
ابتسمت لكلامه وتشجيعة اليه اخذ كوب الچاي ورشف منه كم رشفة وراح للتلفزيون
لميت السفرة وكعدت بجانبه طلب مني اغلق الضوه وفعلا غلقتع وطلع فلم اجنبي وكعدنا نضحك ونسولف على احداثه
طلع البطل وگمزت:فدوة شوفه شلون يجنن اخخ ربي رزقك!
باوعلي صفح وماحس الا بخفه ضربني على شفايفي وهو يكول: هييو شنو انا !
باوعتله: حبيبي اعمل نفسك ميت
ضحكنا و رجعت اتغزل بي: يالملائكة دتشوفون وياية شوفو شلون يباوع ويبتسم
گام على حيله وباوعلي بعصبية وهو يحك بلحيته: وتاليها وياج ملاك افندي؟
جاوبته:لا لا خلاص حبيبي تعال اكعد التوبه بعد!
كعد بصفي وهو ضايج طلع باكيت جكايرة وورث وحده وعلى السريع سحبتها منه صاح بنتر:شبيج
لخاطر الاسلام؟
وانا ابتسم جاوبته: شسمه اتنفسني انا مو تدخن هاي مضرة بصحتك
قاطعني وگال:وسوالفج اكثر ضرر منها هالله!
ملاك:ها متأكد؟
زياد:لا تعصبيني كافي
سكتت ورجعت باوعت على البطل وگلت بهمس: عيونه كتاله!
ما احس الا گام على حيلة وطفه التلفزيون التفت عليه وانا بلعت ريگي من خوفي: ومحمد ان اشتغل هلصخام اكسره عليج كله
نهضت من مكاني وتقربت منه احاول أهدي: حبيبي اشاقة والله
صرخ بيه وهو يگول: شقه شنو لخاطر الكعبة
كاعده تتغزلين بواحد براس بصل يابس ماشتري
جاوبته وانا العب بلحيته: اروح فدوة لليغار!
رجع نتر: مو عنده عيون كتاله وكتل گلبج مو
ملاك: لك عمري هو قابل مثلك هو وين بي هاي الملوحة ماتكولي
زياد: رايح لجهنم شو وخري عني
تركني وراح للباب الخارجية، وگعت دمعتي وانا اركض وراه ياخوفي من البُعد !
لحظة لحظة اوكف حباب
وگف وباوعلي: خير شكو؟
هاي شنو ماكتلتج عيونه . بعدج عايشة
ضحكت بوسط دموعي ورميت روحي بحضنه: لك احبك الك وبس هيج اشاقه لتروح فدوة
زياد: ماروح بشرط
ملاك: گول يروحي
گلب شعره لليمنى وگال: غلطي عليه
ضحكت ضحكة عالية وگتله: يا هو شمسوي واغلط عليه شبيك تخبلت ؟
جاوبني: معلية گولي هو غبي و نعال حمام
ضحكت وكتله: هو غبي و الحمام كله ولازيدك اكثر هو كل الحيوانات
ضحك وشالني وانا اضرب بكتفه : نزلني راح توكعني الله الله الله وكعنا وكعنا
وهو يضحك ويصيح: سكتي خبلة اوكع انا وماوگعج
دخلنا وگبل للسرير باوعتله وانا مهوسه شعري: بالك تتقربلي مو سويتني وصلة مسح
ضحك وكمز على الجرباية :جا غير اريد نظوري نسمع صوته
ضحكت وانا اضربه: وخر وخر هو انا صايرة نظوري
ضحك وگال: شسمه ملو باوعي بسرعة بسرعة
للكلاص راح يوكع
وانا مثل الغبية درت وجهي لليمنى وماحسه الا يخطف بوسة من رگبتي ويشم بيها ويصيح: ياويلي مو رگبه بوياي لج شنو هذا العطر اخ بوية
شبگته ونمنا واخذت الاحلام مجراها ويانا مرة حلوة واخرى لا، كعدت الصبح ويا الفجر نهض
زياد للصلاة وانا وراه ومثل كُل فجرية " صباح الخير يلخير كُله
جاوبته" صباح الروح يروحي ودنيتي! يلا وراك صلاة
زياد: صلاتي هي بوسة منج كافية دخولي الجنة
ضحكت وجاوبته: شنو حجي هذا انهض يلااا
ابتسم وخطف مني بوسة على السريع وگومني ويا ورحنا نتجدد، رفع رداني و سوه الوضوء اليه
ووضيته ورحنا فرشنا السجادة ردد الايات وانا بعده، سجد سجدت . دعه دعيت ، و ثنينا تشاركنا الدعوة
بهمس دافئ ياله السموات ورب الكائنات نسألك بحق بدع خلقك ان تحفظنا وتلدنا من نعمتك ولا تفرقنا الى ابد الدهر!
سلمنا الصلاة النبوية وسحب ايديه الناعمة بيده الخشنة وبدأ يسبح بيها كمل ومسح ايده بوجهي وهمس بأذني "لا يحرمني منج ملوكتي
نزل للحديقة وانا رتبت الفراش ورحت وراه لگيته يسقي النبات وانا واگفه بعيده عنه كمل وتقرب عليه
اخذني من خصري وكعدنا على المرجوحة : شوكت حوشنا ينترس بأطفالنا
جاوبته' ينترس وداعتك بس لا تفكر بالسالفة
زياد: جاهزة للتصميم اليوم؟
جاوتبه بخوف: شويه خايفة خاف مياخذه او ميقبلون بي!
جاوبني: وذا ماقبلو مثلا نهاية الدنيا؟
بالعكس فرحي لان بداية النجاح هو الفشل!
فركت ايديه ' رايحه اسوي ريوك مبقه شي الوكت يمشي بسرعة
اجه ورايه للمطبخ وهو يحجي: لا تخلين الخوف الماضي يتكرر عليج
ملاك: اكولك صدك زيودي فدوة ماحصلت خبر عن اختي ثرية او امي؟
زياد : لو اعرف اكيد ابلغج وانا موصي جماعة وبلكت نعرف شي المهم اريدج هسه
تركزين بعملج والماضي ماريدج تتذكري!
خلّيت الطاوة وبنصها دهن: عفيه متگلي شلون انساه وشنو انسى، وحده ثنين من اخذ حبوب او هروبي من حجي ناصح!
صب مي اله وباوعلي: ماشردتي اجيت انا واخذتج وصرتي حلالي ومنها بده حبنا و الا يكون متندمة؟
تقربت عليه وايدي على صدري: لا اسم الله شلون اتندم على حبنا الوحيد فدوة لعيونك
مشى اصابعه على وجنتي : انسي الماضي خليج بالحاضر وفكري للمستقبل وبس!
درت وجهي عنه ورحت كملت ريوك وكعدنا تريكنا يوكلني و أوكله شبعت وهو شبع،
مشى الوكت بينا وبدلنا وصلني للدائرة وبلغني" ربع ساعة او الاقل تلگيني عندج تمام؟
جاوبته" متفقين راح اسبقك واشرح للمدير عن التصميم وعلى راحتك!
توادعنا والتفتت للخلف وصارت الباب امامي گلت يارب توكلت عليك ودخلت اباوع للموظفين والموظفات شلون حلوين ومرتبين ..
تمشيت سألت بنيه" عفوا وين غرفة المدير؟
باوعتلي وگالت " منو حضرتج "
جاوتبها" المصممة ملاك عندي موعد سابق.
جاوبتني "تفضلي
واشارت بيدها لممر ومشينا بي طرقت باب الغرفة واذن النا بالدخول دخلت قبلي وسمحلي بالدخول وهي خرجت
رفعت راسي للسماء خطوة واحده فقط لاثبت موهبتي وتحقيق حلمي وهو حلم كل مصمم مثلي!
تذكرت كلام زوجي وحبيبي ودنيتي ابتسمت ودخلت" صباح الخير، يوم سعيد
ماسمعت الا صوت هادئ " صباح الخيرات، يسعد ايامك تفضلي
كعدت بمكاني المخصص وهو نفس الحال ، قريت اسمه المخطوط على خشبة مستطيلة" المقاول سعيد نوري . سعيد:شنو تشربين ملاك؟
بللت شفايفي وجاوبته' شُكرا العمل أحق، لندخل بصلب الموضوع
سعيد :احب المهنيين تفضلي
ابتسمت وانا افتح اوراقي " تطلعت الى موقع الارض ونالت اعجابي مما دفعني ان اتعب بتصمم بسيط الها
نبدي من الصالة وهي اكثر منطقة راح تكون بالبيت حلوة، تقابل الاشعة الشمسية طول في عرض
ماراح نلعب بي راح نظيف لمسة بسيطة باب سلايت تنفتح ويطل على الموجودين
حديقة تحتوي على نباتات ظلية ونافورات بحجم صغير تتيح الفرصة لحيوانات صغيرة تعيش بيها
مثل اسماك الزينة! وعلى الجانب الايمن راح يكون ركن لفلكور تراثي ومتأكده راح يطلع حلو وانيق بوجود الاشعة الشمسية
لأن نفس متعرف الضوء الخارجي افضل بكثير من الانارة الداخلية ومايتم هذا الا بأتفاق الشركة ومصمم، ومايتم الا بوجودي لان انا مصممة!
اندكت الباب ودخلت البنية عرفت بوجود زياد ودخل بهيته وجماله وسلم وكعد يستمع اليه لحد ماكملت ..
سعيد: أهنيج ملاك، هم حلوة و هم السانج حلو بالشرح عاشت الايادي
حنحن زياد وسأله: عجبك التصميم؟
جاوبه اكيد
سعيد: ملاك تفضلي الورقة كتبيلي رقمج علمود نتواصل اثناء الليل بالعمل الورقي
باوعت لزياد يفرك بيده وعيونه بگصته وضايج من كلشي! بداياتي هاي غلط مانطي رقمي عيب!
صرت ذكيه اخذت الورقه وكتبت رقم زياد ، صفگ بيده باوعله سعيد وسأله: تشرب شي؟
جاوبه بغضب: خلص شغلك استاذ!
باوعلي سعيد : بلا زحمه تركي نسخه من التصميم
عقجت حواجبي وردت اكله لابله
جاوبته: عفوا، الي اكدر انطي هو نسخة مشفرة تكدر تتطلع عليه برسالة لمدة معينة وتنتهي
سعيد: هاهي َ يجيني ان شاء الله ونتناقش مع مدراء التنفيذ!
تفاجأت من مد ايده اليه، باوعت لزياد
اخذ ايد الرجال بدل عني وسلم بعصبية وسحبني من زندي بقوة وطلعنا
صرخت بي لان معاملته ابداً محلوة: هو هيج هيج شبيك متكلي شبيك
رجع صرخ بيه : هو انا شبيه لخاطر الكعبة تردي يلزم ايدج وانتي تكتبيله رقمج ولو حقج مايكيفج
ضربته بصدرة وانا اصيح بي"شش لتكمل هسه صرت انا مهتلفه وهالله والله بكيفي ياهو الي اريد انطي رقمي انطي وبكيفي ابتسم واضحك واسلم معليك!
لزم ايدي وضربني راشدي ورعد بوجهي' كافي بنت الكلب كدامي وتحجيهن شبقيتي للغريب
سحبت رشح خشمي وانا ابجي وارجف فتحت باب السيارة وصعدت، لف على جهة السايق وصعد
وهو يكمل" تربية شوارع توزع ارقام مو كدامج انا بنت السطل ماشفتيني لو تغشمين روحج مثلا
: كاعد احجي وياااج
شهكت شهكة عالية وجاوبته بصياح'ها ها شحجي شكول بقيت شي ينحجي وديني هسه اي هسه
توديني لبيت عبير يلا
حرك سيارته وشخطها بالشارع وصاح" ضمي شعرج لا اسطرج بالجامه
صحت بي " هذا الي هامك مو تبقى منحط بافكارك
صاح: لج انا منحط مو والله لا اروايج نجوم الظهر كلبه
صحت بي:مارجع وياك وديني لعبير يلا هسه يلا
نتر بيه: وليش اوديج لعبير علمود توزعين براحتج ؟
صحت بي:معليك والله اوكي؟
رجع گال بهداوة: لا تلغين وجودي، اعتبري تحذير تهديد بكيفج
ملاك: تضربني وتريدني اسكت؟
زياد: ضربتج لان تطاولتي حدودج
ملاك: ومنو انت ما اطاول الساني وياك؟ ليكون انت اله وخط احمر
صاح: زوجج زوجج ياناس ياعالم زووجج وين احترامج لعد!
جاوبته : زوجي تحبني وتحتضني مو معناها تضرب
وتصيح مفهوم؟
وان غلطت ف اني ماغلطت عليك
ضحك بأستهزاء وگال: عوزج تغلطين بعد السويتي
ملاك: والي سويته كلش سخيف وخاف عبالك بهاي الاسطوانة بينت رجولتك وهيبتك لا كلش لا
الي مد ايده على مرأه عمره مكان
قاطعني وهو يضرب الستيرن: كافي اوديج لعبير وانعل ابو الي يرجعج
ضحكت وانا امسح دموعي نطقت حروفي"اذكرك
باوعلي
زياد :نمونه انت؟
جاوبته: تضيع من دوني حالك حال السكارى
سكت وسكتت والنار ماطافية بداخلي يضربني وعباله اضل ساكته، مايدور ببالي غير الي مثلي
متزوجه وتنضرب وتسكت وكأنه لم يكن شيئ، بحجة ولدي واحبه ووين اروح !
اخسي اي والله ابات بشارع ولا ارضى على حالي السخيف ويا، وصلنا لبيت عبير نزلت من دون ما
اباوعله وطبگت الباب بكل قوتي وهو يدردم وراية مثل الحبله ..
استقبلتني صديقتي عبير بكُل لهفة وحنية، ريحة خبز تنور الطين تزينها، مرورة الدنيا لامعة بگصتها،
بنتها سندس شايلة طيبة امها، شبگتني وكانها امي مو صديقتي! طبطبت على ضهري وهي شابگتني
تصيح بأذني" يمه يمه ملوكة نور البيت بجيتج يبعد هلي كلهم تفضلي تفضلي، توجهت للباب
الداخلية وفتحتها اليه باوعتلي وماتحملت رميت روحي بحضنها . فتحتلي گلبها قبل باب بيتها بجيت
وبجت وياية دخلتني ليجوه كعدنا وقدمتلي المي وهي تگلي: عيني اخذي راحتج، تدرين البيت نور
هسه! تبادلنا كل احاديث الاشتياق ومالگيت بيها الا ذاك الفرح تغلبت على ماضيها وبنت عيلتها واهلها!
للعصر اخذتنا السوالف وهل علينا الغضب بكل حماوته رحتله من وره الباب اسمعه يصيح ويدگ بكل قوة: فتحي الباب لجج فتحيها
كتله: خير مو ضربتني ومتريدني، يلا خلي تفيدك ايدك عساها بالكسر
اسمعه ضرب الباب دفره رجعت ليوره من خوفي
وكمل: لج يخابرني يسالني عليج يريد يخطبج اليوم خلاص وحق ربج ادفنكم ثنينكم .
باوعت لعبير ولطمت على وجهي .
__________________
بعد عناده المعتاد الي يرمي گلبي بكُل مرة، سحب نفسه وگابلنا انا وثرية على برودة المكان
تمنيت تفتح ايديك وتحضني وتدفيني لأنك شعلة من النار ولاشك بأنك فاكهة الشتاء القادم!
الساني ثگل وماكدرت انطق اي حرف! گلب شعره واطلق هوى احشائه امام وجهي كعاصفة حاملة الاتربة الزمنية ..
حنظل " ناديته بأسمه لينظر لي بنظرة احتضرت روحي بعدها!
خير؟ جاوبني بعصبية، باوعت لثرية سحبت روحها بهدوء بمعنى " ابقو و أتصافو بيناتكم"
شنو معنى السويته؟
جاوبني وهو يكعد بصفي: اذا انت ذابه ميانه ويا جده شحجي مادري
ميادة: ما الك حق تحاسبني ؟
باوعلي وگال: انا بس ارد افتهم شنو الصاير وهيج متنرفزه مني لا يكون واحد تربع بگلبج؟
جاوبته: رحيلك وخذلانك كافي لمعنى تصرفاتي وياك!
حنظل: بس تركتج علمود امي
حياتها بالموت كانت شنو من الممكن اسوي؟
تتذكرين من سمعتي بأبوج راح يموت شنو سويتي؟
مو تركتي الدنيا كلها وجازفتي بحياتج ودخلتي بوسط ام اموري وهلشله القذرة؟ حلال عليج تنقذين اهلج وانا لا؟
ميادة: جان تكدر تبلغني وتفهمني مو تدور ظهرك وتروح،
حنظل' مو بيدي، وانت بعيده عن سوالفهم؟
: روح لا يجي مازن مارايده مشاكل
حنظل: فرصة ثانية اليه ببكن لو مو ببكن؟
ضحكت و كاعده اجاوبه قاطعني: بوياي مو ضحكة حلغوم
ابتسمت ونصيت راسي :بس الصار مو هين حنظل!
حنظل: اعرف يابويه وداعت ضحكتج وماكو اغلى منها عندي اعرف بس خلي مكانج بمكاني
ووعد نبقى سوه ومايفرگنا الا الموت، خليت ايدي على شفايفه"اشش لا تلفظ الموت على السانك
عساه بعيد عنك، انتهز الفرصة وعض اصبعي وهو يكول بثگل" اخخ مو اصبع عسل عسل
وانا اضربه بخفه على راسه" وخر وخر دتأذيني مو هيج حنظل مو هيج!" ترك أصبعي وهو يگول
"تره قسم مشتاقلج كلش ليش ماتحسين؟
جاوبته' علمود تضوك من نفس طعم المرورة الي ضوكته اليه ماشي؟
طلع السانه ويقلد عليه"ضوكته اليه . نعم صوته وقلد صوتي " ماشي
ضحكت وتعالت ضحكتي بين الوسط همس" فضحتينا يلعن يومج على هلضحكة الرنانة!
تقربت يمنا ثرية وگالت: اشوفها تصالحت الگلوب؟
جاوبها: الجواب يم ميادة باشا
ميادة: لابله باشا شنو هالله وانت ِ سكتي عاد
ضحكت وسألت حنظل بجدية: بس ماننسى السويته!
حنظل: كل واحد من عدنا عنده اخطاء وعيوب سواء بعلاقة او بعمل، بس ويا كل هذا الغفران موجود
بگلوب العشاق مو صحيح ميادة؟
: حنظل روح منا يلا
حنظل:قبل لا اروح انطيني رقمج او اي شي اتواصل وياج من عنده!
باوعت لثرية و أشرت الي براسها بمعنى اعطي، اعطيته اسم التويتر ورقمي سجلهم بموبايله وهو يضحك عليه " بس اريد اعرف شنو احساسج من مسميه حسابج بورد الجوري؟
جاوبته وانا مبتسمه'" عاد والله انا الجذر والساق والورق والورد والزهر عاجبك؟
حنظل: " ابوسج كُلج!"
نصيت راسي وگال: أي شنو باقيات هنا؟
جاوتبه ثرية: لا منتظرين مازن شويه ويجي، راد يحجي وقاطعته" يلا توكل حنظل ماريد مشاكل!
نهض ونفض بنطلونه و بمشية الوكت علينا اجانه مازن ورجعنا للبيت وبالمري بسمات الحُب والاشتياق
تتبادل بين الطرفين، واحد يخشى من ردة الثاني . ويامحلى الحب بدايته تكون هيج؟
الشوارع والاسواق تعلن صفيرها من الوحدة والاكتئاب اتساءل بسري كم بعمري تشابه مع بؤس هاي الشوارع؟
لمحت عيني نجمة بيضة ترافق القمر، رفعت كف ايدي ووضعتها عليك ،عسى ولعل حسيت بلمساتي يارفيق؟
وصلنا البيت وكل وحدة من عدنا دخلت غرفتها دون الوداع ..
استقليت على سريري وانا بقمة الاسترخاء، خليت ايدي على راسي وحركت مقدمته بشكل دائري
وانا أون من الم الصداع! فزيت على صوت الموبايل اخذته رقم غريب سميت بگلبي وجاوبت
اجاني صوته وعلى اثره استعدلت كعدتي وختلت جوه اللحاف" هاي أي رقم يتصل تجاوبي ؟
جاوبته: ءءء لا اي اقصد اكيد لا بس
قاطعني: شنو لا شلون جاوبتي عليه لعد؟
ميادة: مادري حسيته رقمك وبعدين محد يتصل عليه اصلا يمكن الشركة فرحوا هسه واخيرا رقم اتصل على خطي
ضحك وگال: شكد فطيرة لخاطر ربج، اي تعاي منو يمج؟
جاوبته: انت شو ماخذ راحتك رصيد هذا هسه يخلص لو شايف ياسمين من تخابر كله ها الو اي شكرا سلمي هلو هلو
حنظل: اواش اواش بويه الرصيد وصاحبه يرحون فدوة الج اهم شي اسمع صوتج انا !
ابتسمت وجاوبته: لا حتى لو بس حرامات يخلص عوفه للضرورة .
جاوبني: اكو اكثر ضرورة منج؟
ميادة: اي امك! لا چنك نسيتها
حنظل: شو اشم ريحة غيرة من امي ، عسى خير؟
ميادة: عشتو ولشنو اغار؟ وعليمن اغار، عليك؟
حنظل: ما تارس عينج؟
ميادة: مارايده مشكله، روح رصيدك راح يخلص
حنظل: بابا ميخلص عندي خدمة وبعدين رصيدي واريده يخلص بشنو مضوجج؟
ميادة: اي لعد بيباي لان جهازي راح يخلص شحن
حنظل: ميادة؟
جاوبته: وياك اسمعك!
حنظل: لا تضوجيني تالي الليل ف اي خلي على الشحن لو صعبة عليج؟
ميادة: ميصير يعطل اذا على الشحن
سألني: هو شكد بي؟
وخرته عن اذني شفت عدد الشحن وجاوبته: ثمانين
حنظل: عندج علم يصير واحد ويگوم يهلهل بالفرنسي يلا اخلي على الشحن؟
ضحكت وگتله: حنظل روح كافي يلا شنو متصل راح اسده
حنظل: سدي وشوفي شسوي
ضحكت وگتله: لا تهدد ماشي؟
جاوبني: اي وشنو تسوين اذا هددت؟
رجع نتر بيه: لا تتأفأفين تره اشور
ميادة : خويه شكو متصل؟
ضحك بعلو صوته ورجع يحجي ويضحك: هلو هلو خوية شني هاي لج شنهو اخويه
ابتسمت وجاوبته: وين المشكلة ان تكون اخ؟
حنظل:المفروض حبيبج وبس
جاوبته: والحبيب ميصير يصير اخ؟ و منو گال حبيبي
حنظل: ميادة
ميادة: وياك سولف
حنظل: تغفريلي لكلشي سويت؟
ميادة: اذا على فراكك ماهمني عادي
حنظل: وحتى ان كان عادي اريدج تغفريلي بعد!
رفعت الغطه عني وگمت على حيلي اتمشى بنص الغرفه وايدي على خصري: على شنو خير؟
جاوبني: خنت حبج ويا غيرج، وبدأ يقص عليه حرف خذلان حرف خيانة حرف حب وضعت وضاع تفكيري وياي ثگل نفسه ونطق "غفريلي ميادتي!
نزلت دمعتي وگتله بصوت مبحوح" من كل عقلك؟
كل هذا مسوي ويا حبيبتك وتطلب مني اسامحك؟
خليته يحجي ووخرت التلفون عن اذني، فصلت المكالمة واعطيته حظر
وهذا اول حظر لخطك وان صرت بدماغي احظرك من كُل گلبي يا كلب ..!
كل الليل اتمشى واغلط عليك " حقير، خاين، كلب، حمار، مونكي "
خليت ايدي على راسي ونطقت بأعلى صوتي
" كل حديقة الزو انت"...
فتحت كنتوري وتجولت بملابسي وتسلقت الدرج وصولا الحمام وفتحت صنبور الدوش ودخلت جوه المي ، أشهك منك ومن برودة المي وويا كل شهگة تتصاعد عليك لعناتي " متشوف الراحة ابد ياحنظل،گبور تطمك وتدفنك يعار، خاين!
كملت غسل وطلعت لغرفتي بسرعة، عدلت شعري وضميت روحي بروحي تحت غطوة السرير، شاشة الموبايل تطفي وتعتلك ، انتشلته وفتحتها
رسائل تويتر من حاء، ميم. استغربت من الاسم عدلت كعدتي وكبرت صورة الملف الشخصي، وطلعت
گدامي بجمالك وسمارك الطحن گلبي طحن! قريت كل رسائلك وكلهن بلغة التهديد والتحذير" شيلي الحظر لا يصير غير حجي!
ورسالتك الثانية" كبري عقلج، والثالثة " يلا ميادتي فتحي الحظر انتِ ام الگلب الطيب"
ابتسمت رغم كل الوجع البيه! جاوبتك برسالة، احرفها متقطعه خفت اجرحك!
" و ل ي لتدز رسالة، و ل ي"
جاوبتني " ا ح ب ج ، خبلة " ما اعرف شنو الي صارلي ورحت لجهة الاتصال ورفعت عنك الحظر
وكأنه بمسجاتك گدرت تتلاعب بقراري وعصبيتي منك! اتصلت عليه وجاوبتك بخوف وبدايتها نترت بيه: شنو معناها تسدين الخط بوجهي
جاوبتك"بكيفي
حنظل: وتاليها ويا هذا الكيف؟
ميادة:معاجبك وخر او بالاحرى ولي اوكي؟
صاح بعلو صوته'ميااادة
قاطعته وانا اكله' اششش اذني اريدها شبيك
حنظل' احترمي نفسج اخر تحذير!
ميادة: من الاخير ماريد احجي وياك هي گوه؟
حنظل: ميادة عن جد، تفتهمين شي اسمه مشتاقلج؟
ميادة:انا هم
حنظل:جعل محد يشتاق غيرج!
ابتسمت وجاوبته' احم اي، وگفت كدام المراية وكملت كلامي تدري شي؟ انت حليان
حنظل: من زمان حليو وانگرط يابَ
جاوبته بخجل: و اي خوفي وحده تجرك منا منا
فتحت رسائل تويتر وانا ويا على الخط دزيتله سمايل قنبلة وسجينة
حنظل : يامحلى خوفج حتى من تخافين تنگطين عسل!
صحت بي: اكعد راحة يجاستن بيبر
" لتقارنيني بي ، هالله النوب جاستن
ميادة: انت شايفه شلون يخبل؟
حنظل: انا احلى هه
ميادة: هااا واضح
حنظل: ميادة باجر مفاجأة حلوة الج الصبح
عقجت حواجبي وكتله: خير الله يستر
حنظل: كعدي الصبح و تحضري وبس!
نهيت المكالمة بعد ساعات طويلة من حديث الحُب فضحنا الشوگ ولا انا گدرت اقاوم ولا هو كدر يصب
ر على حُبه، تمنى ' تصبحين عليه وجاوبته"وانت هم
ونمت وانا فرحانة ومرتاحة متناسية كُل الماضي
صحيت الصبح على هوسه وصياح استغربت ! نهضت من سريري لميت شعري بكماشة شعر ونزلت
للاستقبال وين مصدر الصوت دخلت فجأة اتفاجئ بابوية وحنظل ومازن واخو ووياهم مره كبيرة!
تلگاني ابوية بملگاه الحلو: صح النوم بنيتي كعدناج
باوعت للتخم الثاني البنات كاعدات وساكتات صبحت عليهم وكعدت وفتح الموضوع ابويه: زوجج الشفيه بعد كل هذا الوكت چاي يرجع علاقته وياج
رفع عوجيته
وكمل حنظل: عمي الله بالخير غير بالحلال
قااطعة وگله: مو بنتي ختيلان لك ماتستحي انطيتها وردة بريحتها الطيبة كسرت بخاطرها ليش شنو البذر منها اذا على امك فهم وروح
سلطان: عمي بعد الصار صار
كريم: ومنو الدفع نتيجة الصار غير بنتي التمرضت والتعبت
حنظل: عمي شنو التامر بي انا خادم
جاوبه: انا مادايم وبنتي اريد امن مستقبلها ولو هلزلمة مازن اخيها مامقصر لكن هي مرت بتجربة
سابقة وصار عندها درس ومفهوم وهي تأمن مستقبلها بعد بين قوسين يابويه القرار بيدها انشدها كدامكم
وان وافقت مبارك الكم!
سألني وهو يباوعلي بفخر، نهضت من مكاني وصعدت للغرفة بسرعة والبنات ورايه
ياسمين: احنه مانكلج وافقي بس انتي تعبتي لشوكت تضلون هيج !
ثرية :وصراحة الولد لو مارايدج كان مارجع بعد هاي الفتزة كلها ويريد ياخذج
كل اجوبتهم ودكات كلبي المتناغمة ويا ووياهم
نزلنا للأسفل و رديت عليه: موافقة ..
اخذت هوى وكملت، بشرط
ازور رفيق وابني كل خميس واكمل دراسة واوصل للأريده من دون اي تدخل
ما نسمع الا ياسمين هلهلت وثرية تبوس بيه وتهمس بأذني " مبارك خيتي .
زين ماسويتي ثنينكم تعبتوا
وكل واحد بينا ابتسم واخذتنا السوالف لحد ما
گالت امه واول مرة اسمع صوتها" من رخصتك ابو ميادة،
بنتي انتي تصيرين مرة ابني، شعرج ومدري شنهي ماتنشاف كدام الغريب مو تكولين خطبتوني مفرعة وتتحملوني
جاوبتها ياسمين بحدة: لتخافين عيوني حتى كونية تلبس
جاربتها:اي عفية يمه هيج اريدها، ماريدن تفرع
رجعت جاوبتها ياسمين: وداعتج حجية اخليها حتى منج تلبس حجاب
ضحكنا كلنا و تركوا النا الاستقبال، ابتسم وتقرب مني " المن تهددين البارحة "
ضربته بخفه على راسه' انت
تقرب مني اكثر ولزم ايدي ، قرب راسه يم شعري اخذ نفس منه وهمس " وعد مني اكون كدها و گدود
بس لازم تعرفين شي!
بعدت روحي عنه وكتله: شنو؟
حنظل: ياسمين تصير ..
_________________
سلامات ابعث سلامات، صبح ومسه يهواي ابعث سلامات
قاطعت صوتي" ليلى عجني وطبگي بالتنور لا تسوين غنوة .
جاوبتها وانا اهز راسي" سلامات . صار يزنود الست .
اخ يايمه مو عجينة تخبل تنشال بسرعة ولينة وحلوة .
مشلها اردان تشيرتي طابگة كف ايدي واعجل بالعجينة منتظرتها تثخن .
نزل ارداني وبسنوني عتيته لعكس ايدي، اجتي عيني على علبة الهيل وماخطر بعقلي غير اخلي هيل
لعجينة الخبز، اجتني راسقية فوگ راسي تون" شنو مخلية شنو هذا الاسود ولج؟
جاوبتها بخوف: ماكو هاي من السگف يمكن وصخ دنيا.
جرت علبة الهيل وصاحت: يعمزاية تخلين هيل للخبز، لج شني انتي مايصير بيج خير؟
جاوبتها" ياباجي غير شويه اجرب
غمتتي على راسي ووخرتني من يمها، اخذت المقسوم وطردتني من المطبخ بجملة: امج هم تهنت بيج من جابتج بنية، نص ستاو!
تمشيت بأتجاه المرايا امشط شعري بقوة الى ان صارت بكرة مال شعر واكعة بيدي
لفيت گصيبة حلوة وانا اكل بروحي مادام بنية لازم اعرف اخبز واطبخ ، انفعلت ويا المرايا وگمت أشر
بحواجبي وايديه يايمنى يايسرى رايحة! أي شنو عاد ليلى لا تستكين الها مره ثانية هم مرت ابو وهم تتأمر .
انا بنية مانخلقت علمود انحبس واكنس واربي لا والف لا وجودي يكمل النصف الثاني من المجتمع
وجودي يولد بشر ثاني .
وجودي يأسس ويبني اسرة صحيحة
انا الاولى و البقايا ثواني .
لو لا انا مكان للثاني وجود!
فريت گصيبتي للجهة الثانية وانا اباوع لروحي بتحدي وضحكت ضحكة الاشرار الّي متأثرة بيهم "هههههههها"
بللت شفايفي وطلعت للحديقة رشيت التراب واخذت هوى اصيح افيش،
وبسرعة صاحت من وراية: اي بره ترشين التراب چنه صويحبج مواعدج هنا ؟ يلا للتنور
ومن دون جواب شعلت التنور وبده ياخذ اللهب مكانة
خبزنا وريحة الخبز تفوح ببيتنا و فد خبزات حارة
تازة مكسبات اوديهن لجارتنا ام كرار، وبطريقي عطرك اخترق ثغور انفي واقدامي تشنجت!
مشيتك هيبة يلخذت بالي وتفكيري! دخلت بيت ام كرار وتقابلت عيونا، طلعت ابنها!
ومابقه من ذاكرتي غير مكان النبگة بجو الربيع همست"ليلى حبيبتي اسمج حفرته على النبگة "
سألتك" انا اريد بگلبك تحفرة شلون؟
ضحكت بوكتها وهمست "من كثر ماحبج گمت انادي امي بأسمج!
جاوبتك" معناها عبرت المدى؟
جاوبتني: مية على مية، يگلبي!
كل كلامك يتمشى ويا دمي ، ومن شافنا الوالد طلبت مني اتحمل اذيته وصراخه وطريقة تعذيبة
اليه وكلمات العار والانحطاط الي نهالت عليه، بأنما بنية مالي حق احب الا يكون زوجي فقط
وان حبيت ف انا تعديت مرحلة الادب وصرت كائن عار مجرد من الهوية، ولما يحب هو ، حلال و مبارك عليه بحجة كمل دينه!
ماوگفت بوجه ابوية وماحاربت وكأنها كلماتك ابرة مخدر وبس؟
التقينا عند محلة ابو وليد بصباحات الربيع وريحة الازهار المفتحة تتوسطنا طلبت مني قُبلة وانت تگول'
حال الظيم حالي ياليلى. من دونج!
ابتعدت عنك، الابتعاد والتجاهل هو اساس العقل ماردت اكبر حجمك .
وبليلة مطر ماگمنا نميز بين صوت المي وصوت رميك على بيتنا وانت تصيح بعلو صوتك
"ليلى الي وماتصير لغيري
طلعلك ابوية ركعت وبجيت وتنهدت وصحت زوجها اليه عمي، حتى طريقة طلبك الية مختلفة
وهمجية مثلك كأنه تطلب كعكة تركية تازة رفضك وكان متأمل ترجع وتحارب لكن استسلمت
من اول محاولة فاشلة! وبيوم تجمعت الغيوم بالسماء صعدت بباص جامعتي وخطف گلبي صاحبة!
صعب المقارنة بينك وبينة! وبين ماينزلن الطالبات افكر ليش هلولد الكلاسيكي عنده باص
وشدعوة ها طولة؟ بس لا چنه وحيد منسي؟ وبمرور الايام طرقت گلوبنا مقطوعة الحب
ضحكته وسوالفة تاخذني لغير عالم يصعدني اول وحدة وينزلي اخر وحده . ليلة كلبي شلونج؟
ليلى " مثلك يهواية
عدلت مرايتك وباوعتلي بيها ابتسمت وغمزتلي، مشيت وهمستلك " عدل المرايا لا نروح ننگلب!
جاوبتني بهمس" انتي مرايتي ميحتاج!..
هل ترضين على موسى .. نعم وانت وكيلي، تزوجنا وكان الفرح فرح لقاء الاحبة، ام وابنها .
ليلتنا كانت بحلاوة السُكر . بكينا حُبا وفرحا حتى التقت شفاهنا وتعانقت مع بعضها.
مخلية ايدي على وجنتي وَ اباوع على شباك البيت . مسحت دمعتي وانا اتذكر ايامك الي انت فاركتني وهي لا!
امشي بالحديقة وعيني على السماء اخذت نسمة هوى ، تنفستك ..!
اه يامحلاك .
كيف تعانق التراب الان؟
هل كما كنت تعانقني ؟ ام اختلف الامر
هل احببت غيري من حوريات الجنة؟
هه ياويلك ان كنت تفكر بهذا فلعنتي
تلاحقك لأبد الدهر .
لا تقترب من أي انثى
ولاتحاول ابدا
لأني انا الانثى والبقايا رجال .
احبك!
ليلى
________________ يتبع
النشر يعتمد على التصويت .
للمتابعة على الانستكرام : tahsin_luqman
التقيكم بألف خير .
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!